Bihlan يوللانغان ۋاقتى 2007-8-29 11:56:12

ﭘﺎﻱ ﭼﻪﻙ ﺑﯩﻠﻪﻥ ﻓﻮﻧﺪﯨﻨﯩﯔ ﭘﻪﺭﻗﻰ

ﺋﯩﺰﺩﯨﻨﯩﺸﺘﺎ ﺑﯘ ﺳﻪﮬﯩﭙﯩﻨﯩﯔ ﺋﯧﭽﯩﻠﻐﯩﻨﯩﻨﻰ ﺑﯩﻠﻤﻪﭘﺘﯩﻤﻪﻥ، ﻗﺎﺭﯨﺴﺎﻡ ﺧﯧﻠﻰ ﻛﯚﭖ ﺗﯧﻤﯩﻼﺭ ﻳﻮﻟﻠﯩﻨﯩﭙﺘﯘ، ﺑﯩﺮﺍﻕ، ﻛﯚﭖ ﻗﯩﺴﯩﻢ ﺗﻮﺭﺩﺍﺷﻼﺭ ﭘﺎﻱ ﭼﻪﻙ، ﻓﻮﻧﺪﻯ ﯞﻩ ﺗﺎﺷﻘﻰ ﭘﯩﺮﯨﯟﻭﺗﻼﺭﻧﯩﯔ ﺋﯘﻗﯘﻣﻠﯩﺮﯨﻨﻰ ﺋﺎﺭﯨﻼﺷﺘﯘﺭﯗﭖ ﻗﻮﻳﯘﭘﺘﯘ، ﻣﻪﻧﻤﯘ ﮔﻪﺭﭼﻪ ﺑﯘ ﺋﯘﻗﯘﻣﻼﺭﻧﻰ ﺑﻪﻙ ﭼﻮﯕﻘﯘﺭ ﭼﯜﺷﯩﻨﯩﭗ ﻛﻪﺗﻤﯩﺴﻪﻣﻤﯘ، ﺑﯘ ﺗﯧﻤﯩﻨﻰ ﻳﯧﺰﯨﺶ ﺋﺎﺭﻗﯩﻠﯩﻖ ﺋﯘﺳﺘﺎﻣﻼﺭﻧﯩﯔ ﺋﯧﻐﯩﺰﯨﻨﻰ ﺋﺎﭼﻤﺎﻗﭽﻰ، ﺷﯘﯕﺎ ﺋﺎﻟﺪﻯ ﺑﯩﻠﻪﻥ ﺋﯚﺯﯛﻣﻨﯩﯔ ﺑﯩﻠﮕﻪﻧﻠﯩﺮﯨﻨﻰ ﺳﯚﺯﻟﻪﭖ ﺋﯚﺗﻪﻱ:
1. ﭘﺎﻱ ﭼﻪﻙ
ﭘﺎﻱ ﭼﻪﻙ ﺩﯦﮕﯩﻨﯩﻤﯩﺰ ﺷﯩﺮﻛﻪﺗﻠﻪﺭﻧﯩﯔ ﭘﺎﻳﺪﺍ- ﺯﯨﻴﯩﻨﯩﻐﺎ ﺗﻪﯓ ﺷﯧﺮﯨﻚ ﺑﻮﻟﯩﺪﯨﻐﺎﻥ ﺳﻮﺩﯨﻨﻰ ﻛﯚﺭﺳﯩﺘﯩﺪﯗ، ﺋﺎﺩﻩﺗﺘﻪ ﺳﯩﺰ ﻣﻪﻟﯘﻡ ﺑﯩﺮ ﭘﺎﻱ ﮬﻪﺳﺴﯩﺪﺍﺭﻟﯩﻖ ﺷﯩﺮﻛﯩﺘﻰ ﻗﯘﺭﯗﭖ، ﻗﯘﯞﯞﻩﺕ ﺗﺎﻟﻘﺎﻧﻠﯩﺮﻯ ﺳﻮﺩﯨﺴﻰ ﺑﯩﻠﻪﻥ ﺷﯘﻏﯘﻟﻼﻧﺪﯨﯖﯩﺰ ﺩﻩﭖ ﺗﯘﺭﺍﻳﻠﻰ، ﺳﯩﺰ ﺷﯩﺮﻛﻪﺕ ﻗﯘﺭﻏﺎﻧﺪﺍ ﻣﻪﻟﯘﻡ ﺳﺎﻧﺪﺍ ﭘﺎﻱ ﺗﺎﺭﻗﯩﺘﯩﺴﯩﺰ، ﻳﻪﻧﻰ، ﺷﯩﺮﻛﻪﺕ ﻳﯧﯖﻰ ﻗﯘﺭﯗﻟﻐﺎﻧﺪﺍ 100 ﻣﯩﻠﻴﻮﻥ ﭘﺎﻱ ﺗﺎﺭﻗﺎﺗﺴﯩﯖﯩﺰ، ﮬﻪﻣﺪﻩ ﮬﻪﺭﺑﯩﺮ ﭘﺎﻳﻨﯩﯔ ﺑﺎﮬﺎﺳﻰ 1 ﻳﯜﻩﻥ ﺑﻮﻟﻐﺎﻧﺪﺍ، ﭘﯘﻗﺮﺍﻻﺭ ﺑﯘ 100 ﻣﯩﻠﻴﻮﻥ ﺩﺍﻧﻪ ﭘﺎﻳﻨﻰ ﺑﻪﺱ- ﺑﻪﺳﺘﻪ ﺳﯧﺘﯩﯟﺍﻟﯩﺪﯗ، ﺷﯘﻧﺪﺍﻕ ﻗﯩﻠﯩﭗ ﺷﯩﺮﻛﯩﺘﯩﯖﯩﺰﮔﻪ 100 ﻣﯩﻠﻴﻮﻥ ﻳﯜﻩﻥ ﻛﯩﺮﯨﻢ ﺑﻮﻟﯩﺪﯗ، ﺳﯩﺰ ﺋﻪﻣﺪﻯ ﺑﯘ 100 ﻣﯩﻠﻴﻮﻥ ﻳﯜﻩﻧﻨﻰ ﻣﻪﺑﻠﻪﻍ ﻗﯩﻠﯩﭗ، ﻗﯘﯞﯞﻩﺕ ﺗﺎﻟﻘﯩﻨﻰ ﺋﯩﺸﻠﻪﭘﭽﯩﻘﯩﺮﯨﺴﯩﺰ (ﺑﯘ ﺑﯩﺮ ﻣﯩﺴﺎﻝ، ﺋﯩﺸﻘﯩﻠﯩﭗ ﻣﻪﻟﯘﻡ ﺑﯩﺮ ﺳﻮﺩﯨﻨﻰ ﻗﯩﻠﯩﺴﯩﺰ ﺩﻩﭖ ﺗﯘﺭﺍﻳﻠﻰ)، ﻧﻪﭼﭽﻪ ﻳﯩﻞ ﺋﯚﺗﻜﻪﻧﺪﯨﻦ ﻛﯩﻴﯩﻦ ﺳﯩﺰ ﺑﯘ ﻗﯘﯞﯞﻩﺕ ﺗﺎﻟﻘﺎﻧﻠﯩﺮﯨﺪﯨﻦ ﻛﯚﭘﻠﻪﭖ ﭘﺎﻳﺪﺍ ﺋﺎﻟﺪﯨﯖﯩﺰ، ﺳﯩﺰﻧﯩﯔ ﺷﯩﺮﻛﯩﺘﯩﯖﯩﺰﻧﯩﯔ ﺩﺍﯕﻘﻰ ﻳﯩﺮﺍﻕ- ﻳﯧﻘﯩﻨﻐﺎ ﺗﺎﺭﺍﻟﻐﯩﻠﻰ ﺗﯘﺭﺩﻯ، ﺷﯩﺮﻛﻪﺕ ﺋﺎﻳﺪﺍ ﻳﺎﻛﻰ ﻳﯩﻠﺪﺍ ﺳﯩﺰﮔﻪ ﭘﺎﻳﺪﺍ ﺗﺎﺭﻗﯩﺘﯩﺪﯗ، ﻳﻪﻧﻰ، ﺷﯩﺮﻛﻪﺗﻨﯩﯔ ﭘﺎﻱ ﭼﯧﻜﻰ ﺑﻮﻟﻐﯘﭼﻰ ﺷﯩﺮﻛﻪﺗﻨﯩﯔ ﺷﯘﻧﭽﻪ ﻧﯩﺴﺒﻪﺗﺘﯩﻜﻰ ﭘﺎﻳﺪﯨﺴﯩﻐﺎ ﮬﻪﻣﺸﯧﺮﯨﻚ ﺑﻮﻟﯩﺪﯗ، ﺑﯘ ﭘﺎﻳﺪﺍ ﻳﯩﻠﺪﺍ ﺑﯩﺮ ﻗﯧﺘﯩﻢ ﻳﺎﻛﻰ ﺑﯩﺮﻧﻪﭼﭽﻪ ﻗﯧﺘﯩﻢ ﺗﺎﺭﻗﯩﺘﯩﻠﯩﭗ ﺗﯘﺭﯨﺪﯗ، ﺷﯩﺮﻛﻪﺕ ﺗﻪﺭﻩﻗﻘﯩﻲ ﻗﯩﻠﺴﺎ، ﭘﺎﻳﭽﯩﻼﺭﻏﺎ ﺗﺎﺭﻗﯩﺘﯩﻠﻐﺎﻥ ﭘﺎﻳﺪﯨﻤﯘ ﻛﯚﭖ ﺑﻮﻟﯩﺪﯗ.... ﺩﯦﮕﻪﻧﺪﻩﻙ.
ﺋﻪﻣﺪﻯ ﭘﺎﻱ ﭼﯧﻜﯩﺪﯨﻦ 100 ﻣﯩﻠﻴﻮﻥ ﺩﺍﻧﻪ ﺗﺎﺭﻗﯩﺘﯩﻠﻐﺎﻥ، ﺑﯘ ﭘﺎﻱ ﺳﺎﻧﻰ ﺋﯚﺯﮔﻪﺭﻣﻪﻳﺪﯗ، ﺑﯩﺮﺍﻕ، ﮬﻪﺭﺑﯩﺮ ﭘﺎﻳﻨﯩﯔ ﺑﺎﮬﺎﺳﻰ ﺋﯚﺯﮔﯩﺮﯨﺪﯗ، ﺷﯩﺮﻛﻪﺕ ﻗﯘﺭﯗﻟﻐﺎﻧﺪﺍ 1 ﻳﯜﻩﻧﮕﻪ ﺳﯧﺘﯩﯟﺍﻟﻐﺎﻥ ﺑﯩﺮ ﺩﺍﻧﻪ ﭘﺎﻳﻨﯩﯔ ﺑﺎﮬﺎﺳﻰ ﻛﯩﻴﯩﻨﭽﻪ 2- 3 ﻳﯜﻩﻧﮕﻪ ﻛﯚﺗﯜﺭﯛﻟﯜﭖ ﻛﯧﺘﯩﺸﻰ ﻣﯘﻣﻜﯩﻦ، ﺑﯘﻧﻰ ﺷﯩﺮﻛﻪﺗﻨﯩﯔ ﺗﻪﺭﻩﻗﻘﯩﻴﺎﺗﻰ ﺑﯩﻠﻪﻥ، ﺷﯩﺮﻛﻪﺕ ﺗﻮﻏﺮﯨﺴﯩﺪﯨﻜﻰ ﺋﯚﺳﻪﻙ ﺳﯚﺯﻟﻪﺭ، ﻳﺎﻟﻐﺎﻥ- ﻳﺎﯞﯨﺪﺍﻕ ﭘﻪﺭﻩﺯﻟﻪﺭ ﯞﻩﻳﺎﻛﻰ ﺷﯩﺮﻛﻪﺗﻨﯩﯔ ﻛﻪﻟﮕﯜﺳﻰ ﺗﻮﻏﺮﯨﺴﯩﺪﯨﻜﻰ ﻣﻪﻟﯘﻣﺎﺗﻼﺭ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ، ﻣﻪﺳﯩﻠﻪﻥ: ﺑﯧﻴﺠﯩﯔ ﺳﺎﻳﺎﮬﻪﺕ ﺷﯩﺮﻛﯩﺘﯩﻨﯩﯔ ﭘﺎﻱ ﭼﯧﻜﻰ ﻧﻪﭼﭽﻪ ﻛﯜﻧﺪﯨﻦ ﺑﯧﺮﻯ ﺗﻮﺧﺘﯩﻤﺎﻱ ﺋﯚﺳﯜﯞﺍﺗﯩﺪﯗ، ﺑﯘﻧﯩﯔ ﺳﻪﯞﻩﺑﻰ ﺷﯘﻛﻰ، ﻛﯧﻠﻪﺭ ﻳﯩﻠﻰ ﺩﯙﻟﯩﺘﯩﻤﯩﺰﺩﻩ ﺋﻮﻟﯩﻤﭙﯧﻚ ﺋﯚﺗﻜﯜﺯﯨﻠﯩﺪﯗ، ﺷﯘﯕﺎ ﺳﺎﻳﺎﮬﻪﺕ ﺷﯩﺮﻛﻪﺗﻠﯩﺮﻯ ﻛﯚﭘﻠﻪﭖ ﭘﺎﻳﺪﺍ ﺋﯧﻠﯩﺸﻰ ﻣﯘﻣﻜﯩﻦ، ﺷﯩﺮﻛﻪﺕ ﭘﺎﻳﺪﺍ ﺋﺎﻟﺴﺎ ﭘﺎﻳﭽﯩﻼﺭﻏﯩﻤﯘ ﭘﺎﻳﺪﺍ ﺗﺎﺭﻗﯩﺘﯩﺪﯗ، ﺷﯘﯕﺎ ﺑﯧﻴﺠﯩﯔ ﺳﺎﻳﺎﮬﻪﺕ ﺷﯩﺮﻛﯩﺘﻰ ﻳﯧﯖﻰ ﻗﯘﺭﯗﻟﻐﺎﻧﺪﺍ، ﻳﺎﻛﻰ ﻳﯧﯖﻰ ﭘﺎﻱ ﭼﻪﻙ ﺗﺎﺭﻗﺎﺗﻘﺎﻧﺪﺍ ﭘﺎﻱ ﺳﯧﺘﯩﯟﺍﻟﻐﺎﻥ ﻛﯩﺸﯩﻠﻪﺭ ﻳﻪﻧﻪ ﺑﺎﺷﻘﺎ ﻛﯩﺸﯩﻠﻪﺭﮔﻪ ﺑﯘ ﭘﺎﻳﻼﺭﻧﻰ ﻳﯘﻗﯘﺭﻯ ﺑﺎﮬﺎﺩﺍ ﺳﯧﺘﯩﯟﯦﺘﯩﺪﯗ، ﺳﯧﺘﯩﯟﺍﻟﻐﺎﻧﻼﺭ ﻳﻪﻧﻪ ﯞﺍﻗﯩﺘﻨﻰ ﺋﯚﺗﻜﯜﺯﯛﭖ ﺋﯚﺭﻟﯩﺘﯩﭗ ﺳﺎﺗﯩﺪﯗ...... ﺳﻮﺩﺍ ﻣﯘﺷﯘﻧﺪﺍﻕ ﺩﺍﯞﺍﻣﻠﯩﺸﯩﺪﯗ.
ﺷﻪﺧﺴﻠﻪﺭ ﭘﺎﻱ ﭼﯧﻜﻰ ﺳﻮﺩﯨﺴﻰ ﻗﯩﻠﯩﺶ ﺋﯜﭼﯜﻥ، ﺋﺎﻛﺴﯩﻴﻪ ﺷﯩﺮﻛﻪﺗﻠﯩﺮﯨﺪﯨﻦ ﮬﯧﺴﺎﺏ ﺋﯧﭽﯩﺸﻰ ﻛﯧﺮﻩﻙ، ﺋﺎﻧﺪﯨﻦ ﺋﺎﻛﺴﯩﻴﻪ ﺷﯩﺮﻛﯩﺘﯩﻨﯩﯔ ﻣﯘﻻﺯﯨﻤﻪﺕ ﻗﯩﻠﯩﺸﻰ ﺋﺎﺭﻗﯩﺴﯩﺪﺍ، ﭘﺎﻱ ﭼﯧﻜﻰ ﺋﯧﻠﯩﭗ ﺳﯧﺘﯩﺶ ﺑﯩﻠﻪﻥ ﺷﯘﻏﯘﻟﻼﻧﺴﺎ ﺑﻮﻟﯩﺪﯗ، ﻣﻪﻣﻠﯩﻜﻪﺕ ﺑﻮﻳﯩﭽﻪ ﻣﯩﯖﺪﯨﻦ ﺋﺎﺭﺗﯘﻕ ﺷﯩﺮﻛﻪﺗﻠﻪﺭ ﭘﺎﻱ ﺗﺎﺭﻗﺎﺗﻘﺎﻥ ﺑﻮﻟﯘﭖ، ﻳﻪﻧﻪ ﮬﻪﺭﻛﯜﻧﻰ ﻳﯧﯖﻰ ﺷﯩﺮﻛﻪﺗﻠﻪﺭﻧﯩﯔ ﻗﯘﺭﯗﻟﯩﯟﺍﺗﻘﺎﻧﻠﯩﻘﯩﻨﻰ ﺋﺎﯕﻼﭖ ﺗﯘﺭﯨﻤﯩﺰ.
ﺑﯘﻧﺪﺍﻕ ﭘﺎﻱ ﭼﯧﻜﻰ ﺗﺎﺭﻗﯩﺘﺎﻻﻳﺪﯨﻐﺎﻥ ﺷﯩﺮﻛﻪﺗﻨﻰ ﻗﯘﺭﯗﺵ ﺋﯜﭼﯜﻧﻤﯘ ﺋﺎﺯ ﺩﯦﮕﻪﻧﺪﻩ 30- 40 ﻣﯩﻠﻴﻮﻥ ﻳﯜﻩﻥ ﭘﯘﻝ ﻛﯧﺘﯩﺸﻰ ﻣﯘﻣﻜﯩﻦ.
2. ﻓﻮﻧﺪﻯ
ﻓﻮﻧﺪﻯ ﺩﯦﮕﯩﻨﯩﻤﯩﺰ، ﻓﻮﻧﺪﻯ ﺑﺎﺷﻘﯘﺭﯗﺵ ﺷﯩﺮﻛﻪﺗﻠﯩﺮﯨﻨﯩﯔ ﺳﯩﺰ ﺑﻪﺭﮔﻪﻥ ﭘﯘﻟﻐﺎ ﭘﺎﻱ ﭼﻪﻙ ﺋﯧﻠﯩﭗ ﺳﯧﺘﯩﺸﻰ، ﮬﻪﺭﺧﯩﻞ ﻣﻪﺑﻠﻪﻍ ﻛﯧﺮﻩﻙ ﺑﻮﻟﻐﺎﻥ ﺷﯩﺮﻛﻪﺕ ﯞﻩ ﺳﻮﺩﯨﻼﺭﻏﺎ ﻣﻪﺑﻠﻪﻍ ﺗﻪﻣﯩﻨﻠﯩﺸﻰ ﺋﺎﺭﻗﯩﺴﯩﺪﺍ ﻛﯧﻠﯩﭗ ﭼﯩﻘﻘﺎﻥ ﭘﺎﻳﺪﺍ- ﺯﯨﻴﺎﻧﻐﺎ ﺗﻪﯓ ﺷﯧﺮﯨﻚ ﺑﻮﻟﯩﺪﯨﻐﺎﻥ ﺳﻮﺩﯨﻨﻰ ﻛﯚﺭﺳﯩﺘﯩﺪﯗ.
ﻣﻪﺳﯩﻠﻪﻥ: ﺳﯩﺰ ﭘﺎﻱ ﭼﯧﻜﻰ ﺳﻮﺩﯨﺴﻰ ﻗﯩﻠﯩﺸﻨﻰ ﺑﯩﻠﻤﯩﺴﯩﯖﯩﺰ، ﺋﯘﻧﺪﺍﻗﺘﺎ ﺳﯩﺰ ﻣﻪﺧﺴﯘﺱ ﭘﺎﻱ ﭼﯧﻜﻰ ﺳﻮﺩﯨﺴﻰ ﻗﯩﻠﯩﺪﯨﻐﺎﻥ ﻓﻮﻧﺪﯨﻼﺭﻧﻰ ﺳﯧﺘﯩﯟﺍﻟﯩﺴﯩﺰ، ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ، ﺳﯩﺰ ﺑﺎﺷﻘﺎ ﺷﯩﺮﻛﻪﺗﻠﻪﺭﮔﻪ ﺋﯚﺯﯨﯖﯩﺰﻧﯩﯔ ﭘﯘﻟﯩﻨﻰ ﻣﻪﺑﻠﻪﻍ ﻗﯩﻠﯩﭗ ﭘﺎﻱ ﭼﯧﻜﻰ ﺳﻮﺩﯨﺴﻰ ﻗﯩﻠﯩﺸﻘﺎ ﮬﺎﯞﺍﻟﻪ ﻗﯩﻠﯩﺴﯩﺰ، ﻓﻮﻧﺪﻯ ﺑﺎﺷﻘﯘﺭﯗﺵ ﺷﯩﺮﻛﻪﺗﻠﯩﺮﻯ ﺳﯩﺰﻧﯩﯔ ﭘﯘﻟﯩﯖﯩﺰﻧﻰ ﺋﯩﺸﻠﯩﺘﯩﭗ ﭘﺎﻱ ﭼﯧﻜﻰ ﺋﻮﻳﻨﺎﻳﺪﯗ، ﺋﯘﻻﺭ ﺋﺎﺭﯨﺪﯨﻦ ﺭﻩﺳﻤﯩﻴﻪﺕ ﮬﻪﻗﻘﻰ ﺋﺎﻟﯩﺪﯗ، ﺋﯘﻻﺭ ﭘﺎﻱ ﭼﯧﻜﻰ ﺳﻮﺩﯨﺴﯩﺪﺍ ﭘﺎﻳﺪﺍ ﺋﺎﻟﺴﺎ، ﺳﯩﺰﻧﯩﯔ ﻓﻮﻧﺪﻯ ﺩﻩﭖ ﺋﺎﺗﺎﻟﻐﺎﻥ ﭘﯘﻟﯩﯖﯩﺰﻣﯘ ﻣﯘﻧﺎﺳﯩﭗ ﮬﺎﻟﺪﺍ ﺋﯚﺳﯩﺪﯗ، ﺋﯘﻻﺭ ﺯﯨﻴﺎﻥ ﺗﺎﺭﺗﺴﺎ ﺋﻪﻟﯟﻩﺗﺘﻪ ﺳﯩﺰﻣﯘ ﺯﯨﻴﺎﻥ ﺗﺎﺭﺗﯩﺴﯩﺰ.
ﻓﻮﻧﺪﻯ ﺷﯩﺮﻛﻪﺗﻠﯩﺮﯨﻨﻰ ﻣﯘﻧﺪﺍﻕ ﭼﯜﺷﯩﻨﯩﺸﻜﻪ ﺑﻮﻟﯩﺪﯗ:
ﻓﻮﻧﺪﻯ ﺷﯩﺮﻛﻪﺗﻠﯩﺮﯨﻨﯩﯔ ﺧﺎﺩﯨﻤﻠﯩﺮﻯ ﻣﻪﺑﻠﻪﻍ ﺑﺎﺷﻘﯘﺭﯗﺷﻘﺎ ﺋﯘﺳﺘﺎ، ﭘﺎﻱ ﭼﻪﻙ ﺋﻮﻳﻨﺎﺷﻘﯩﻤﯘ ﺋﯘﺳﺘﺎ، ﺋﻮﻣﻮﻣﻪﻥ ﺋﯧﻴﺘﻘﺎﻧﺪﺍ، ﭘﯘﻟﻨﻰ ﺩﻭﻣﯩﻠﯩﺘﯩﭗ ﭘﯘﻝ ﺗﯧﭙﯩﺸﻘﺎ ﺋﯘﺳﺘﺎ ﺑﻮﻟﯩﺪﯗ، ﺑﯘ ﺧﺎﺩﯨﻤﻼﺭ ﻣﻪﻣﻠﯩﻜﻪﺕ ﺑﻮﻳﯩﭽﻪ ﻧﻪﭼﭽﻪ ﻳﯜﺯ ﻣﯩﯔ ﺋﺎﺩﻩﻣﻨﯩﯔ ﭘﯘﻟﯩﻨﻰ ﻳﯩﻐﯩﺪﯗ، ﺑﯘ ﭘﯘﻟﻨﻰ ﻳﯩﻐﯩﺸﺘﺎ "ﻓﻮﻧﺪﻯ" ﺩﯦﮕﻪﻥ ﺋﺎﺗﺎﻟﻐﯘﻧﻰ ﺋﯩﺸﻠﯩﺘﯩﺪﯗ، ﻣﻪﻟﯘﻡ ﺑﯩﺮ ﺷﯩﺮﻛﻪﺗﺘﻪ ﺑﯩﺮﻧﻪﭼﭽﻪ ﺋﻮﺧﺸﯩﻤﯩﻐﺎﻥ ﻓﻮﻧﺪﯨﻼﺭ ﺑﻮﻟﯩﺪﯗ، ﮬﻪﺭﺑﯩﺮ ﻓﻮﻧﺪﻯ ﺋﻮﺧﺸﯩﻤﯩﻐﺎﻥ ﺳﺎﮬﻪﻟﻪﺭﮔﻪ ﻣﻪﺑﻠﻪﻍ ﺳﺎﻟﯩﺪﯗ، ﮬﻪﺭﺑﯩﺮ ﻓﻮﻧﺪﯨﻨﻰ ﺑﺎﺷﻘﯘﺭﯨﺪﯨﻐﺎﻥ ﻣﻪﻟﯘﻡ ﺑﯩﺮ ﺩﯦﺮﯨﻜﺘﻮﺭﻯ ﯞﻩ ﺧﺎﺩﯨﻤﻠﯩﺮﻯ ﺑﻮﻟﯩﺪﯗ، ﻓﻮﻧﺪﻯ ﻳﯧﯖﻰ ﺗﺎﺭﻗﯩﺘﯩﻠﻐﺎﻧﺪﺍ ﺑﺎﮬﺎﺳﻰ 1 ﻳﯜﻩﻥ ﺑﻮﻟﯩﺪﯗ، ﻳﻪﻧﻰ، ﺑﯩﺮ ﻓﻮﻧﺪﯨﻨﻰ "ﺑﯩﺮ ﻧﯘﻣﯘﺭ" ﺩﻩﭖ ﺋﺎﺗﺎﻳﻤﯩﺰ، ﺷﯘﻧﺪﺍﻕ ﺑﻮﻟﻐﺎﻧﺪﺍ، ﻳﯧﯖﻰ ﻓﻮﻧﺪﻯ ﺗﺎﺭﻗﯩﺘﯩﻠﻐﺎﻧﺪﺍ ﺳﯩﺰ ﺋﯘﻧﯩﯖﺪﯨﻦ 5000 ﻳﯜﻩﻧﻠﯩﻚ ﺳﯧﺘﯩﯟﺍﻟﺴﯩﯖﯩﺰ، ﮬﻪﺭﺑﯩﺮ ﻧﯘﻣﯘﺭﻧﯩﯔ ﺑﺎﮬﺎﺳﻰ 1 ﻳﯜﻩﻥ ﺑﻮﻟﺴﺎ ﻗﻮﻟﯩﯖﯩﺰﻏﺎ 5000 ﻧﯘﻣﯘﺭ ﻛﯧﻠﯩﺪﯗ، ﻧﺎﯞﺍﺩﺍ ﻓﻮﻧﺪﻯ ﮬﻪﻗﯩﻘﯩﻲ ﺳﻮﺩﯨﻐﺎ ﻛﯩﺮﯨﺸﻜﻪﻧﺪﯨﻦ ﺑﺎﺷﻼﭖ، ﺑﯩﺮ ﻛﯜﻥ ﺋﯚﺗﻜﻪﻧﺪﻩ ﺑﯩﺮ ﻧﯘﻣﯘﺭﻧﯩﯔ ﺑﺎﮬﺎﺳﻰ 1 ﭘﯘﯓ ﺋﯚﺭﻟﯩﺴﻪ، ﻗﻮﻟﯩﯖﯩﺰﺩﺍ 5000 ﻧﯘﻣﯘﺭ ﺑﻮﻟﻐﺎﻧﺪﯨﻜﯩﻦ 5000 ﭘﯘﯓ ﭘﺎﻳﺪﺍ ﺋﺎﻟﯩﺴﯩﺰ، ﻳﻪﻧﻰ، 50 ﻳﯜﻩﻥ ﭘﺎﻳﺪﺍ ﺋﺎﻟﻐﺎﻥ ﮬﯧﺴﺎﺑﻠﯩﻨﯩﺴﯩﺰ، ﺋﻪﮔﻪﺭ ﺳﯩﺰ ﻗﻮﻟﯩﯖﯩﺰﺩﯨﻜﻰ ﺑﯘ ﻧﯘﻣﯘﺭﻻﺭﻧﻰ ﺳﯧﺘﯩﯟﻩﺗﻤﻪﻱ ﺗﯘﺭﺳﯩﯖﯩﺰ، ﺑﻪﻟﻜﯩﻢ ﻳﯧﺮﯨﻢ ﻳﯩﻞ ﺋﯩﭽﯩﺪﻩ ﺳﯩﺰﻧﯩﯔ 5000 ﻳﯜﻩﻥ ﭘﯘﻟﯩﯖﯩﺰ 7-8 ﻣﯩﯔ ﻳﯜﻩﻧﮕﻪ ﺋﺎﻳﻠﯩﻨﯩﺸﻰ ﻣﯘﻣﻜﯩﻦ، ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ، ﻗﻮﻟﯩﯖﯩﺰﺩﺍ 5000 ﻧﯘﻣﯘﺭ ﺑﺎﺭ، ﮬﻪﺭﺑﯩﺮ ﻧﯘﻣﯘﺭ ﻳﯧﯖﻰ ﭼﯩﻘﻘﺎﻧﺪﺍ 1 ﻳﯜﻩﻥ ﺋﯩﺪﻯ، ﻳﯧﺮﯨﻢ ﻳﯩﻠﺪﯨﻦ ﻛﯩﻴﯩﻦ 1.55 ﻳﯜﻩﻧﮕﻪ ﭼﯩﻘﻘﺎﻥ ﺑﻮﻟﺴﺎ (55 ﭘﯘﯓ ﺋﯚﺳﻜﻪﻥ ﺑﻮﻟﺴﺎ)، ﺋﯘﻧﺪﺍﻗﺘﺎ ﺳﯩﺰﻧﯩﯔ 5000 ﻳﯜﻩﻥ ﭘﯘﻟﯩﯖﯩﺰ 7750 ﻳﯜﻩﻥ ﺑﻮﻟﻐﺎﻥ ﺑﻮﻟﯩﺪﯗ، ﺳﯧﺘﯩﯟﻩﺗﺴﯩﯖﯩﺰ ﺋﺎﺭﻟﯩﻘﺘﺎ ﺭﻩﺳﻤﯩﻴﻪﺕ ﮬﻪﻗﻘﻰ ﺗﯘﺗﯘﭖ ﻗﯧﻠﯩﻨﯩﭗ، ﻗﺎﻟﻐﺎﻥ ﭘﯘﻝ ﻳﺎﻧﭽﯘﻗﻘﺎ ﻛﯩﺮﯨﺪﯗ. ﺋﺎﺩﻩﺗﺘﻪ ﺭﻩﺳﻤﯩﻴﻪﺕ ﮬﻪﻗﻘﻰ 1.6 ﭘﯩﺮﺳﻪﻧﺘﺘﯩﻦ ﺋﯧﺸﯩﭗ ﻛﻪﺗﻤﻪﻳﺪﯗ.
ﻳﯩﻐﯩﭗ ﺋﯧﻴﺘﻘﺎﻧﺪﺍ، ﻓﻮﻧﺪﯨﻐﺎ ﻣﻪﺑﻠﻪﻍ ﺳﯧﻠﯩﺶ ﺩﯦﮕﻪﻧﻠﯩﻚ، ﺋﯚﺯﯨﻤﯩﺰﻧﯩﯔ ﭘﯘﻟﯩﻨﻰ ﻓﻮﻧﺪﻯ ﺑﺎﺷﻘﯘﺭﯗﺵ ﺷﯩﺮﻛﻪﺗﻠﯩﺮﯨﮕﻪ ﺗﺎﭘﺸﯘﺭﯗﭖ، ﺋﯘﻻﺭﻧﯩﯔ ﺑﯘ ﭘﯘﻟﻨﻰ ﺋﯩﺸﻠﯩﺘﯩﭗ ﭘﺎﻱ ﭼﻪﻙ ﺋﻮﻳﻨﯩﺸﯩﻐﺎ، ﮬﻪﺭﺧﯩﻞ ﺋﯩﺸﻼﺭﻏﺎ ﻣﻪﺑﻠﻪﻍ ﺳﯧﻠﯩﺸﯩﻐﺎ ﮬﺎﯞﺍﻟﻪ ﻗﯩﻠﻐﺎﻧﻠﯩﻖ ﺑﻮﻟﯩﺪﯗ.
ﮬﺎﺯﯨﺮ ﻣﻪﻣﻠﯩﻜﻪﺕ ﺑﻮﻳﯩﭽﻪ ﺑﯩﺮﻩﺭ ﻳﯜﺯ ﻓﻮﻧﺪﻯ ﺑﺎﺷﻘﯘﺭﯗﺵ ﺷﯩﺮﻛﯩﺘﻰ ﺑﺎﺭ، ﮬﻪﺭﺑﯩﺮ ﺷﯩﺮﻛﻪﺗﻨﯩﯔ ﺑﻪﺵ- ﺋﺎﻟﺘﻪ ﺧﯩﻞ ﻓﻮﻧﺪﯨﺴﻰ ﺑﺎﺭ، ﺩﯦﻤﻪﻙ، ﻣﻪﻣﻠﯩﻜﻪﺕ ﺑﻮﻳﯩﭽﻪ 4 ﻳﯜﺯ ﺧﯩﻠﺪﯨﻦ ﺋﺎﺭﺗﯘﻕ ﻓﻮﻧﺪﻯ ﺑﺎﺭ، ﺳﯩﺰ ﻣﺎﻧﺎ ﻣﯘﺷﯘ 4 ﻳﯜﺯ ﺧﯩﻠﺪﯨﻦ ﺋﺎﺭﺗﯘﻕ ﻓﻮﻧﺪﯨﻨﯩﯔ ﻣﻪﻟﯘﻡ ﺑﯩﺮﯨﻨﻰ ﺗﺎﻟﻼﭖ ﻣﻪﺑﻠﻪﻍ ﺳﺎﻟﺴﯩﯖﯩﺰ ﺑﻮﻟﯩﺪﯗ.
ﻓﻮﻧﺪﯨﻼﺭ ﺋﺎﺩﻩﺗﺘﻪ ﺋﻮﭼﯘﻕ ﺷﻪﻛﯩﻠﻠﯩﻚ ﯞﻩ ﻳﯧﭙﯩﻖ ﺷﻪﻛﯩﻠﻠﯩﻚ ﺩﻩﭖ ﭼﻮﯓ ﺋﯩﻜﻜﻰ ﺗﯜﺭﮔﻪ ﺑﯚﻟﯜﻧﯩﺪﯗ، ﺋﻮﭼﯘﻕ ﺷﻪﻛﯩﻠﻠﯩﻚ ﻓﻮﻧﺪﯨﻨﯩﯔ ﮬﻪﺭﻛﯜﻧﻰ ﻗﺎﻧﭽﯩﻠﯩﻚ ﺋﯚﺳﻜﻪﻥ- ﻳﺎﻛﻰ ﭼﯜﺷﻜﻪﻧﻠﯩﻜﯩﻨﻰ ﻛﯚﺭﯛﭖ ﺗﯘﺭﺍﻻﻳﺴﯩﺰ، ﺑﯩﺮﺍﻕ، ﻳﯧﭙﯩﻖ ﺷﻪﻛﯩﻠﻠﯩﻚ ﻓﻮﻧﺪﯨﻨﻰ ﻛﯚﺭﻩﻟﻤﻪﻳﺴﯩﺰ، ﺋﯘﻻﺭ ﻣﻪﻟﯘﻡ ﺑﯩﺮ ﻣﻪﺯﮔﯩﻠﺪﯨﻦ ﻛﯩﻴﯩﻦ ﺋﯧﻼﻥ ﻗﯩﻠﯩﻨﯩﺪﯗ.
ﻛﯩﭽﯩﻚ ﺗﯜﺭﻟﻪﺭﺩﯨﻦ ﻳﻪﻧﻪ:
1. ﭘﺎﻱ ﭼﻪﻛﺴﯩﻤﺎﻥ ﻓﻮﻧﺪﻯ
2. ﺯﺍﻳﻮﻣﺴﯩﻤﺎﻥ ﻓﻮﻧﺪﻯ
3. ﺳﻪﭘﻠﯩﻤﻪ ﺷﻪﻛﯩﻠﻠﯩﻚ ﻓﻮﻧﺪﻯ
4. ﺋﯚﺳﯜﺵ ﺷﻪﻛﻠﯩﺪﯨﻜﻰ ﻓﻮﻧﺪﻯ
5. ﻛﯚﺭﺳﻪﺗﻜﯜﭺ ﺷﻪﻛﻠﯩﺪﯨﻜﻰ ﻓﻮﻧﺪﻯ
6. ﺗﺎﺷﻘﻰ ﭘﯩﺮﯨﯟﻭﺕ ﺷﻪﻛﻠﯩﺪﯨﻜﻰ ﻓﻮﻧﺪﻯ
7. ﺩﯨﺮﯨﻨﻰ ﺳﺎﻗﻼﭖ ﻗﯧﻠﯩﺶ ﺷﻪﻛﻠﯩﺪﯨﻜﻰ ﻓﻮﻧﺪﻯ
........ ﻳﻪﻧﻪ ﺑﻮﻟﯩﺸﻰ ﻣﯘﻣﻜﯩﻦ......

ﻗﺎﺗﺎﺭﻟﯩﻖ ﺗﯜﺭﻟﻪﺭﮔﻪ ﺑﯚﻟﯜﻧﯩﺪﯗ. ﻓﻮﻧﺪﻯ ﺑﺎﺷﻘﯘﺭﯗﺵ ﺷﯩﺮﻛﻪﺗﻠﯩﺮﯨﺪﯨﻜﻰ ﺧﺎﺩﯨﻤﻼﺭ ﭘﺎﻱ ﭼﯧﻜﻰ ﺋﻮﻳﻨﺎﺷﻘﺎ ﺋﯘﺳﺘﺎ، ﻣﻪﺑﻠﻪﻍ ﺳﯧﻠﯩﺸﻘﺎ ﻣﺎﮬﯩﺮ ﻛﯩﺸﯩﻠﻪﺭ ﺑﻮﻟﻐﺎﭼﻘﺎ، ﺋﺎﺩﻩﺗﺘﻪ ﻓﻮﻧﺪﯨﻨﯩﯔ ﭘﺎﻳﺪﺍ ﺋﯧﻠﯩﺶ ﻧﯩﺴﺒﯩﺘﻰ ﺯﯨﻴﺎﻥ ﺗﺎﺭﺗﯩﺶ ﻧﯩﺴﺒﯩﺘﯩﺪﯨﻦ ﻳﯘﻗﯘﺭﻯ، ﻳﻪﻧﻰ، ﺋﺎﺳﺎﺳﻪﻥ ﭘﺎﻳﺪﯨﻐﺎ ﻣﺎﯕﯩﺪﯗ، ﺑﯩﺮﺍﻕ، ﺗﻪﻟﯩﻴﯩﯖﯩﺰ ﺋﻮﯕﺪﯨﻦ ﻛﻪﻟﻤﯩﺴﻪ، ﺋﻮﺧﺸﺎﺷﻼ ﺩﺍﯞﺍﻣﻠﯩﻖ ﺯﯨﻴﺎﻥ ﺗﺎﺭﺗﯩﭗ ﻛﯧﺘﯩﺪﯨﻐﺎﻥ ﺋﯩﺸﻼﺭﻣﯘ ﺑﺎﺭ.

3. ﺗﺎﺷﻘﻰ ﭘﯩﺮﯨﯟﻭﺕ
ﺗﺎﺷﻘﻰ ﭘﯩﺮﯨﯟﻭﺕ ﺳﻮﺩﯨﺴﯩﻤﯘ ﺋﺎﻛﺴﯩﻴﻪ ﭘﯘﻝ ﻣﯘﺋﺎﻣﯩﻠﻪ ﺑﺎﺯﯨﺮﯨﺪﯨﻜﻰ ﺋﻪﯓ ﻗﯩﺰﯨﻴﺪﯨﻐﺎﻥ ﺑﺎﺯﺍﺭﻻﺭﻧﯩﯔ ﺑﯩﺮﻯ ﺑﻮﻟﯘﭖ، ﺋﺎﺳﺎﺳﻪﻥ ﮬﻪﺭﻗﺎﻳﺴﻰ ﺩﯙﻟﻪﺗﻠﻪﺭ ﺋﺎﺭﯨﺴﯩﺪﯨﻜﻰ ﭘﯘﻝ ﻗﯩﻤﻤﻪﺕ ﭘﻪﺭﻗﻰ ﺋﺎﺭﯨﺴﯩﺪﯨﻦ ﭘﺎﻳﺪﺍ ﺋﺎﻟﯩﺪﯨﻐﺎﻥ ﺳﻮﺩﺍ ﺗﯜﺭﯨﻨﻰ ﻛﯚﺭﺳﯩﺘﯩﺪﯗ، ﻳﻪﻧﻰ ﺑﯘ ﻳﻪﺭﻟﯩﻜﺘﻪ "ﺩﻭﻟﻼﺭﭼﯩﻠﯩﻖ" ﺩﻩﭖ ﺋﺎﺗﯩﻠﯩﺪﯗ، ﺑﯩﺮﺍﻕ، ﻛﻮﭼﺎ- ﻛﻮﻳﻼﺭﺩﺍ ﺩﻭﻟﻼﺭﭼﯩﻠﯩﻖ ﻗﯩﻠﯩﭗ ﻳﯜﺭﮔﻪﻧﻠﻪﺭ ﺗﺎﺷﻘﻰ ﭘﯩﺮﯨﯟﻭﺕ ﺳﻮﺩﯨﺴﯩﭽﯩﻠﯩﻚ ﭘﺎﻳﺪﺍ ﺋﺎﻻﻟﻤﺎﺳﻠﯩﻘﻰ ﻣﯘﻣﻜﯩﻦ، ﭼﯜﻧﻜﻰ، ﺋﯘﻻﺭ ﭘﯘﻟﻨﻰ ﮬﻪﺳﺴﯩﻠﯩﻴﻪﻟﻤﻪﻳﺪﯗ.
ﻳﻪﻧﻰ، ﺳﯩﺰ 10000 ﻳﯜﻩﻥ ﭘﯘﻟﯩﯖﯩﺰﻏﺎ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﺳﯧﺘﯩﯟﺍﻟﺴﯩﯖﯩﺰ، ﯞﺍﻛﺎﻟﯩﺘﻪﻥ ﺷﯩﺮﻛﻪﺗﻠﻪﺭ ﺳﯩﺰﻧﯩﯔ 10 ﻣﯩﯔ ﻳﯜﻩﻥ ﭘﯘﻟﯩﯖﯩﺰﻧﻰ 100 ﮔﻪ ﻛﯚﭘﻪﻳﺘﯩﭗ، ﺳﯩﺰﮔﻪ ﺑﯩﺮ ﻣﯩﻠﻴﻮﻥ ﻳﯜﻩﻧﻠﯩﻚ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﺋﯧﻠﯩﭗ ﺑﯧﺮﯨﺪﯗ، ﺋﺎﻧﺪﯨﻦ ﺳﯩﺰ ﻣﯘﺷﯘ ﺑﯩﺮ ﻣﯩﻠﻴﻮﻥ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻨﯩﯔ ﺑﺎﺷﻘﺎ ﺩﯙﻟﻪﺕ ﭘﯘﻟﻠﯩﺮﯨﻐﺎ ﺑﻮﻟﻐﺎﻥ ﺑﺎﮬﺎ ﭘﻪﺭﻗﯩﮕﻪ ﺋﺎﺳﺎﺳﻪﻥ ﭘﺎﻳﺪﺍ ﺋﺎﻟﯩﺴﯩﺰ ﯞﻩ ﺯﯨﻴﺎﻥ ﺗﺎﺭﺗﯩﺴﯩﺰ.
ﺋﺎﺩﻩﺗﺘﻪ ﺗﺎﺷﻘﻰ ﭘﯩﺮﯨﯟﻭﺕ ﺳﻮﺩﯨﺴﯩﻨﻰ ﺑﺎﻧﻜﯩﻨﻰ ﺩﻩﺳﺘﻪﻙ ﻗﯩﻠﯩﭗ ﺗﯘﺭﯗﭖ ﻗﯩﻠﯩﻤﯩﺰ، ﻳﻪﻧﻰ، ﻳﺎﭘﻮﻧﯩﻴﻪ ﻳﯧﻨﻰ ﻗﯩﻤﻤﯩﺘﯩﻨﯩﯔ ﭼﯜﺷﯜﭖ ﻛﯧﺘﯩﺸﯩﻨﻰ ﭘﻪﺭﻩﺯ ﻗﯩﻠﺴﯩﯖﯩﺰ، ﺩﻩﺭﮬﺎﻝ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻨﯩﯔ ﻳﺎﭘﻮﻧﯩﻴﻪ ﻳﯧﻨﯩﻐﺎ ﺑﻮﻟﻐﺎﻥ ﺋﯚﺭﻟﯩﺸﯩﮕﻪ ﺋﺎﻟﯩﺴﯩﺰ، ﻧﺎﯞﺍﺩﺍ ﻳﺎﭘﻮﻧﯩﻴﻪ ﻳﯧﻨﯩﻨﯩﯔ ﻗﯩﻤﻤﯩﺘﻰ ﺋﯚﺭﻟﻪﭖ ﻛﯧﺘﯩﺪﯨﻐﺎﻥ ﺋﯩﺶ ﺑﻮﻟﺴﺎ، ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻨﻰ ﻳﺎﭘﻮﻧﯩﻴﻪ ﻳﯧﻨﯩﮕﻪ ﻗﺎﺭﯨﺘﺎ ﭼﯜﺷﯜﺷﯩﮕﻪ ﺋﺎﻟﺴﯩﯖﯩﺰ ﺑﻮﻟﯩﺪﯗ، ﺷﯘﻧﺪﺍﻕ ﺑﻮﻟﻐﺎﻧﺪﺍ، ﮬﻪﺭﺑﯩﺮ ﻣﯩﻨﯘﺕ- ﺳﯧﻜﯘﻧﺘﺘﺎ، ﺳﯩﺰﻧﯩﯔ ﭘﺎﻳﺪﺍ ﺋﯧﻠﯩﺶ ﻳﺎﻛﻰ ﺯﯨﻴﺎﻥ ﺗﺎﺭﺗﯩﺶ ﻣﯘﻣﻜﯩﻨﭽﯩﻠﯩﻜﯩﯖﯩﺰ 50% ﺑﻮﻟﻐﺎﻥ ﺑﻮﻟﯩﺪﯗ، ﺗﯧﺨﯩﻤﯘ ﺋﯩﻨﭽﯩﻜﻪ ﯞﻩ ﺋﻮﭼﯘﻕ ﻗﯩﻠﯩﭗ ﺋﯧﻴﺘﻘﺎﻧﺪﺍ، ﺳﯩﺰﻧﯩﯔ ﮬﻪﺭﯞﺍﻗﯩﺖ ﭘﺎﻳﺪﺍ ﺋﯧﻠﯩﺶ ﻧﯩﺴﺒﯩﺘﯩﯖﯩﺰ %49، ﺯﯨﻴﺎﻥ ﺗﺎﺭﺗﯩﺶ ﻧﯩﺴﺒﯩﺘﯩﯖﯩﺰ %51 ﺑﻮﻟﯩﺪﯗ، ﻳﻪﻧﻰ، ﺋﺎﺭﻟﯩﻘﺘﯩﻜﻰ ﺑﯘ %1 ﭘﻪﺭﻕ ﻧﻪﺩﯨﻦ ﻛﯧﻠﯩﭗ ﭼﯩﻘﺘﻰ ﺩﯦﮕﻪﻧﺪﻩ، ﺳﯩﺰﺩﯨﻦ ﺗﺎﺷﻘﻰ ﭘﯩﺮﯨﯟﻭﺕ ﺳﻮﺩﯨﺴﻰ ﻗﯩﻠﻐﺎﻧﻠﯩﻖ ﺭﻩﺳﻤﯩﻴﻪﺕ ﮬﻪﻗﻘﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ، ﺳﯩﺰ ﺋﯧﻠﯩﻢ- ﺑﯧﺮﯨﻢ ﻗﯩﻠﻐﺎﻧﺪﺍ ﺳﯩﺰﮔﻪ ﯞﺍﻛﺎﻟﻪﺗﭽﻰ ﺑﻮﻟﻐﺎﻥ ﺷﯩﺮﻛﻪﺗﻠﻪﺭ ﺳﯩﺰﺩﯨﻦ ﺭﻩﺳﻤﯩﻴﻪﺕ ﮬﻪﻗﻘﻰ ﺋﺎﻟﯩﺪﯗ، ﺩﯦﻤﻪﻙ، ﺳﯩﺰ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻨﯩﯔ ﻳﺎﭘﻮﻧﯩﻴﻪ ﻳﯧﻨﯩﻐﺎ ﺑﻮﻟﻐﺎﻥ ﭼﯜﺷﯩﺸﯩﮕﻪ ﺋﺎﻟﺴﯩﯖﯩﺰ، ﺋﯘﻧﺪﺍﻗﺘﺎ ﭘﯘﻟﻨﯩﯔ ﻗﯩﻤﻤﯩﺘﻰ ﺗﺎﻛﻰ ﺳﯩﺰﺩﯨﻦ ﺋﯧﻠﯩﻨﻐﺎﻥ ﺭﻩﺳﻤﯩﻴﻪﺕ ﮬﻪﻗﻘﯩﻨﻰ ﻗﺎﭘﻠﯩﻐﺎﻧﻐﺎ ﻗﻪﺩﻩﺭ ﺳﯩﺰﻧﯩﯔ ﭘﯘﻟﯩﯖﯩﺰ ﺯﯨﻴﺎﻧﻨﻰ ﻛﯚﺭﺳﯩﺘﯩﭙﻼ ﺗﯘﺭﯨﺪﯗ، ﺋﺎﻟﻐﺎﻥ ﭘﺎﻳﺪﯨﯖﯩﺰ ﺭﻩﺳﻤﯩﻴﻪﺕ ﮬﻪﻗﻘﯩﻨﻰ ﻗﺎﭘﻠﯩﻐﺎﻧﺪﯨﻦ ﻛﯩﻴﯩﻦ، ﺭﻩﻗﻪﻣﻠﻪﺭﻧﻰ ﻛﯚﺭﯛﭖ ﻳﯜﺭﯨﻜﯩﯖﯩﺰ ﺋﻮﻳﻨﺎﻳﺪﯗ، ﭼﯜﻧﻜﻰ، ﺳﯩﺰ ﭘﺎﻳﺪﺍ ﺋﯧﻠﯩﺸﻘﺎ ﻳﯜﺯﻟﯩﻨﯩﯟﺍﺗﯩﺴﯩﺰ ﺩﯦﮕﻪﻧﻠﯩﻚ ﺑﻮﻟﯩﺪﯗ.
ﺗﺎﺷﻘﻰ ﭘﯩﺮﯨﯟﻭﺕ ﺑﺎﺯﯨﺮﯨﻨﻰ ﭘﺎﻱ ﭼﻪﻙ ﺑﺎﺯﯨﺮﯨﺪﯨﻨﻤﯘ ﺧﻪﺗﻪﺭﻟﯩﻚ ﺩﯨﻴﯩﺸﻜﻪ ﺑﻮﻟﯩﺸﻰ ﻣﯘﻣﻜﯩﻦ، ﭼﯜﻧﻜﻰ، ﭘﺎﻱ ﭼﻪﻙ ﺑﺎﺯﯨﺮﻯ ﺷﯩﺪﺩﻩﺕ ﺑﯩﻠﻪﻥ ﭼﯜﺷﻜﻪﻧﺪﯨﻤﯘ، %10 ﺩﯨﻦ ﺋﯧﺸﯩﭗ ﻛﻪﺗﻤﻪﻳﺪﯗ، ﭼﯜﻧﻜﻰ، ﺩﯙﻟﻪﺕ ﻳﯘﻗﯘﺭﻯ ﺋﯚﺭﻟﻪﺵ ﯞﻩ ﺗﯚﯞﻩﻧﻠﻪﺵ ﭼﯧﻜﯩﻨﻰ %10 ﺋﻪﺗﺮﺍﭘﯩﺪﺍ ﻛﻮﻧﺘﺮﻭﻝ ﻗﯩﻠﯩﺪﯗ.
ﻟﯧﻜﯩﻦ، ﺗﺎﺷﻘﻰ ﭘﯩﺮﯨﯟﻭﺕ ﺑﺎﺯﯨﺮﯨﻨﻰ ﻛﻮﻧﺘﺮﻭﻝ ﻗﯩﻠﯩﺶ ﮬﻮﻗﯘﻗﻰ ﮬﯧﭽﻜﯩﻤﺪﻩ ﻳﻮﻕ، ﮬﻪﺭﻗﺎﻳﺴﻰ ﺩﯙﻟﻪﺗﻠﻪﺭ ﺋﺎﺭﯨﺴﯩﺪﯨﻜﻰ ﭘﯘﻝ ﻗﯩﻤﻤﻪﺕ ﭘﻪﺭﻗﯩﻨﻰ ﺷﯘ ﺩﯙﻟﻪﺗﻠﻪﺭﻧﯩﯔ ﺗﻪﺭﻩﻗﻘﯩﻴﺎﺗﻰ ﺑﻪﻟﮕﯩﻠﻪﻳﺪﯗ، ﺷﯘﯕﻼﺷﻘﺎ ﺳﯩﺰ 1000 ﺩﻭﻟﻼﺭ ﺑﯩﻠﻪﻥ ﮬﯧﺴﺎﺏ ﺋﯧﭽﯩﭗ ﺗﺎﺷﻘﻰ ﭘﯩﺮﯨﯟﻭﺕ ﺑﺎﺯﯨﺮﯨﻐﺎ ﻗﻪﺩﻩﻡ ﻗﻮﻳﻐﺎﻥ ﺑﻮﻟﺴﯩﯖﯩﺰ، 50 ﺩﻭﻟﻼﺭﻟﯩﻖ ﺳﻮﺩﺍ ﻗﯩﻠﯩﭙﻤﯘ 1000 ﺩﻭﻟﻼﺭﻧﻰ 1600- 1800 ﺩﻭﻟﻼﺭﻏﺎ ﺋﺎﻳﻼﻧﺪﯗﺭﯗﺷﯩﯖﯩﺰ، ﯞﻩﻳﺎﻛﻰ 50 ﺩﻭﻟﻼﺭﻟﯩﻖ ﺳﻮﺩﺍ ﺑﯩﻠﻪﻧﻼ ﺯﯨﻴﺎﻥ ﺗﺎﺭﺗﯩﭗ 1000 ﺩﻭﻟﻼﺭﻧﻰ 100- 200 ﺩﻭﻟﻼﺭﻏﺎ ﭼﯜﺷﯜﺭﯛﭖ ﻗﻮﻳﯘﺷﯩﯖﯩﺰ ﻣﯘﻣﻜﯩﻦ، ﺑﯘﻧﯩﯖﻐﺎ ﺑﯩﺮﻧﻪﭼﭽﻪ ﺳﺎﺋﻪﺗﻠﯩﻚ ﻳﺎﻛﻰ ﺑﯩﺮ ﻛﯧﭽﯩﻠﯩﻚ ﯞﺍﻗﯩﺘﻤﯘ ﻳﯧﺘﯩﭗ ﺋﺎﺷﯩﺪﯗ.
ﻣﻪﺳﯩﻠﻪﻥ: ﺋﺎﻣﯧﺮﯨﻜﺎ ﺋﯩﺮﺍﻗﻘﺎ ﮬﯘﺟﯘﻡ ﻗﻮﺯﻏﯩﻐﺎﻧﺪﯨﻦ ﻛﯩﻴﯩﻦ، ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻨﯩﯔ ﻗﯩﻤﻤﯩﺘﻰ ﺯﻭﺭ ﺩﻩﺭﯨﺠﯩﺪﻩ ﭼﯜﺷﯜﭖ، ﮬﺎﺯﯨﺮ 7 ﻳﯜﻩﻥ ﻧﻪﭼﭽﻪ ﻣﻮﻏﺎ ﭼﯜﺷﯜﭖ ﻗﺎﻟﺪﻯ، ﺋﯚﺗﻜﻪﻥ ﮬﻪﭘﺘﻪ ﻳﺎﭘﻮﻧﯩﻴﻪ ﻗﯩﻤﻤﯩﺘﻰ ﺯﻭﺭ ﺩﻩﺭﯨﺠﯩﺪﻩ ﺩﺍﯞﺍﻟﻐﯘﺩﻯ، ﺗﺎﻛﻰ ﺑﯜﮔﯜﻧﻤﯘ ﻳﺎﭘﻮﻧﯩﻴﻪ ﻳﯧﻨﯩﺪﺍ ﺩﺍﯞﺍﻟﻐﯘﺵ ﺯﻭﺭ، ﺑﯘ ﺩﺍﯞﺍﻟﻐﯘﺷﺘﯩﻦ ﻣﯘﯞﺍﭘﯩﻖ ﭘﺎﻳﺪﯨﻠﯩﻨﺎﻟﯩﺴﯩﯖﯩﺰ، ﺑﯩﺮ ﻛﯜﻧﺪﯨﻼ ﺳﺎﻟﻐﺎﻥ ﺩﻩﺳﻤﺎﻳﯩﯖﯩﺰﻧﻰ ﮬﻪﺳﺴﯩﻠﻪﻳﺴﯩﺰ، ﯞﻩﻳﺎﻛﻰ، ﺳﺎﻟﻐﺎﻥ ﺩﻩﺳﻤﺎﻳﯩﯖﯩﺰﺩﯨﻦ ﺋﺎﻳﺮﯨﻠﯩﭗ ﻗﺎﻟﯩﺴﯩﺰ ﺩﯦﮕﻪﻧﻠﯩﻚ ﺑﻮﻟﯩﺪﯗ.
ﺗﺎﺷﻘﻰ ﭘﯩﺮﯨﯟﻭﺕ ﺳﻮﺩﯨﺴﯩﻨﻰ ﻣﯩﻨﯘﺕ ﯞﻩ ﺳﯧﻜﯘﻧﺘﻨﻰ ﺑﯩﺮﻟﯩﻚ ﻗﯩﻠﯩﭗ ﺋﻮﻳﻨﺎﺷﻘﯩﻤﯘ، ﺷﯘﻧﺪﺍﻗﻼ ﺋﯘﺯﯗﻥ ﻣﯘﺩﺩﻩﺗﻠﯩﻚ ﺋﻮﻳﻨﺎﺷﻘﯩﻤﯘ ﺑﻮﻟﯩﺪﯗ.
ﻓﻮﻧﺪﯨﻐﺎ ﻣﻪﺑﻠﻪﻍ ﺳﯧﻠﯩﺸﺘﺎ ﺑﯩﺮ ﻛﯜﻧﻨﻰ ﺑﯩﺮ ﺑﯩﺮﻟﯩﻚ ﻗﯩﻠﯩﻤﯩﺰ، ﻳﻪﻧﻰ، ﮬﻪﺭﻛﯜﻧﻰ ﺑﯩﺮﻻ ﻗﯧﺘﯩﻢ ﺑﺎﮬﺎ ﺋﯚﺯﮔﯩﺮﯨﺪﯗ.
ﭘﺎﻱ ﭼﻪﻛﻜﻪ ﻧﯩﺴﺒﻪﺗﻪﻥ، ﮬﻪﺭﻛﯜﻧﻰ ﭼﯜﺷﺘﯩﻦ ﺑﯘﺭﯗﻧﻘﻰ ﻳﯧﺮﯨﻢ ﻛﯜﻥ ﯞﻩ ﭼﯜﺷﺘﯩﻦ ﻛﯩﻴﯩﻨﻜﻰ ﺑﯩﺮﻳﯧﺮﯨﻢ ﺳﺎﺋﻪﺕ ﺋﯩﭽﯩﺪﻩ ﺑﺎﮬﺎ ﺋﯚﺯﮔﯩﺮﻩﻳﺪﯗ.
.........
ﻗﺎﻟﻐﯩﻨﯩﻨﻰ ﺗﻮﺭﺩﺍﺷﻼﺭ ﭼﯜﺷﻪﻧﺪﯛﺭﺳﯘﻥ، ﺋﯩﺸﻘﯩﻠﯩﭗ، ﭘﯘﻝ ﻣﯘﺋﺎﻣﯩﻠﻪ ﺑﺎﺯﯨﺮﻯ ﺋﯧﺴﯩﻞ ﻛﻪﺳﯩﭗ، ﺑﯩﺮﺍﻕ، ﻳﻮﻗﺴﯘﻝ ﻧﺎﻣﺮﺍﺗﻼﺭ ﺑﯘ ﺳﺎﮬﻪﮔﻪ ﻛﯩﺮﻩﻟﻤﻪﻳﺪﯗ، ﺑﯘ ﺳﺎﮬﻪﮔﻪ ﻛﯩﺮﯨﺶ ﺋﯜﭼﯜﻥ ﺳﯩﺰﺩﻩ ﺋﻪﯓ ﺋﺎﺯ ﺩﯦﮕﻪﻧﺪﯨﻤﯘ 1000 ﻳﯜﻩﻥ ﺋﻪﺗﺮﺍﭘﯩﺪﺍ ﺋﯧﺸﯩﻨﭽﺎ ﭘﯘﻝ ﺑﻮﻟﯘﺷﻰ ﻛﯧﺮﻩﻙ، ﻟﯧﻜﯩﻦ ﺑﯘ ﻣﯩﯔ ﻳﯜﻩﻥ ﺑﯩﻠﻪﻥ ﻛﯚﺭﯛﻧﻪﺭﻟﯩﻚ ﭘﺎﻳﺪﺍ ﺋﯧﻠﯩﺶ ﺗﻪﺱ، ﺋﻪﮔﻪﺭ ﺑﯩﺮﻧﻪﭼﭽﻪ ﻣﯩﻠﻴﻮﻥ ﻳﯜﻩﻥ ﺑﯩﻠﻪﻥ ﻓﻮﻧﺪﯨﻐﺎ ﻣﻪﺑﻠﻪﻍ ﺳﺎﻟﺴﯩﯖﯩﺰ، ﺑﻪﻟﻜﯩﻢ ﮬﻪﺭﻛﯜﻧﻰ ﻧﻪﭼﭽﻪ ﻣﯩﯔ ﻳﯜﻩﻥ ﻛﯩﺮﯨﻢ ﻗﯩﻠﯩﺸﯩﯖﯩﺰ ﻣﯘﻣﻜﯩﻦ.

ﮬﺎﺯﯨﺮﻏﺎ ﻧﯩﺴﺒﻪﺗﻪﻥ، ﺑﺎﻧﻜﯩﻐﺎ ﭘﯘﻝ ﻗﻮﻳﻐﺎﻧﻨﯩﯔ ﮬﯧﭽﻘﺎﻧﭽﻪ ﺋﻪﮬﻤﯩﻴﯩﺘﻰ ﻗﺎﻟﻤﯩﺪﻯ، ﺋﻪﮔﻪﺭ ﺑﻪﻙ ﻗﻮﺭﻗﯘﻧﭽﺎﻕ ﺑﻮﻟﺴﯩﯖﯩﺰ، "ﺩﯨﺮﯨﻨﻰ ﺳﺎﻗﻼﭖ ﻗﯧﻠﯩﺶ ﺷﻪﻛﻠﯩﺪﯨﻜﻰ ﻓﻮﻧﺪﻯ" ﻏﺎ ﻣﻪﺑﻠﻪﻍ ﺳﯧﻠﯩﯔ، ﮔﻪﺭﭼﻪ ﭘﺎﻳﺪﯨﺴﻰ ﺑﻪﻙ ﺋﺎﺯ ﺑﻮﻟﺴﯩﻤﯘ، ﮬﻪﺭﮬﺎﻟﺪﺍ ﺑﺎﻧﻜﯩﻨﯩﯔ ﺋﯚﺳﯜﻣﯩﺪﯨﻦ ﻧﻪﭼﭽﻪ ﮬﻪﺳﺴﻪ ﻳﺎﺧﺸﻰ.
ﮬﺎﺯﯨﺮ ﻣﯧﻨﯩﯔ ﻗﺎﺭﯨﺸﯩﻤﺪﺍ ﺑﺎﻧﻜﯩﻐﺎ ﭘﯘﻝ ﺳﺎﻗﻠﯩﻐﯩﻠﻰ ﻗﻮﻳﯘﺵ ﺑﯩﺮ ﺋﻪﺧﻤﻪﻗﻠﯩﻘﺘﯩﻦ ﺋﯩﺒﺎﺭﻩﺕ.

A.SERDAR يوللانغان ۋاقتى 2007-8-29 12:30:26

  ﺳﺎﻗﻠﯩﯟﺍﻟﺪﯨﻢ

koktash يوللانغان ۋاقتى 2007-8-29 12:49:56

ﮬﻪﺭ ﮬﺎﻟﺪﺍ ﺗﻪﭘﺴﯩﻠﯩﻲ ﺑﯩﻠﯩﯟﺍﻟﺪﯨﻢ. ﺭﻩﮬﻤﻪﺕ ﺳﯩﺰﮔﻪ!

tarimi يوللانغان ۋاقتى 2007-8-29 13:11:00

ﭘﯩﺮﮔﯘﺭﺍﻣﻤﺎ ﺗﯜﺯﯨﮕﻪﻥ ﺋﺎﺩﻩﻡ ﻣﯘﺷﯘﻧﺪﺍﻕ ﺋﻪﺳﺘﺎﻳﯩﺪﯨﻞ ﺋﯩﺶ ﻗﯩﻠﯩﺪﯨﻐﺎﻥ ﺑﻮﻟﯘﭖ ﻗﺎﻻﻣﺪﯗ،،ﺑﻪﻙ ﺗﻪﭘﺴﯩﻠﻰ ﭼﻘﯩﭙﺘﯘ .....

yolbax0998 يوللانغان ۋاقتى 2007-8-29 13:24:25

ﭘﺎﻱ  ﭼﯩﻜﻰ ﺑﯩﻠﻪﻥ ﭘﻮﻧﺪﻧﯩﯔ ﭘﻪﺭﻗﯩﮕﻪ ﺑﻮﻟﻐﺎﻥ ﭼﯘﺷﻪﻧﭽﻪﻡ ﺧﯩﻠﯩﻼ ﻳﯘﻗﯘﺭﻯ ﻛﯚﺗﯘﺭﯗﻟﯘﭖ ﻗﺎﻟﺪﻯ . ﺭﻩﺧﻤﻪﺕ ﺳﯩﺰﮔﻪ.

Sartuq يوللانغان ۋاقتى 2007-8-29 14:21:50

ﻣﻪﻥ ﺋﯘﺯﯗﻧﻨﯩﯔ ﻳﺎﻗﻰ ﻣﯘﺷﯘ ﭘﺎﻱ ﭼﻪﻙ ﺩﯨﮕﻪﻧﻨﻰ ﭼﯜﺷﯩﻨﻪﻟﻤﻪﻱ ﻛﯩﻠﯩﯟﺍﺗﻘﺎﻥ، ﺑﺎﺷﻘﯩﻼﺭﺩﯨﻦ ﺳﻮﺭﯨﺴﺎﻣﻤﯘ ﺗﻪﭘﺴﯩﻠﯩﻴﺮﻩﻙ ﭼﯜﺷﻪﻧﭽﻪ ﺑﯩﺮﻩﻟﻤﯩﮕﻪﻧﺘﻰ، ﻣﺎﻧﺎ ﺋﻪﻣﺪﻯ ﺧﯧﻠﻰ ﺗﻪﭘﺴﯩﻠﯩﻲ ﭼﯜﺷﻪﻧﭽﯩﮕﻪ ﺋﯩﮕﻪ ﺑﻮﻟﯩﯟﺍﻟﺪﯨﻢ.
ﺭﻩﮬﻤﻪﺕ ﺳﯩﺰﮔﻪ!!!!!!!!!!!!!1

Bihlan يوللانغان ۋاقتى 2007-8-29 14:32:53

ﺋﺎﻛﺴﯩﻴﻪ ﺑﺎﺯﯨﺮﯨﻐﺎ ﺩﺍﺋﯩﺮ ﻳﺎﺧﺸﻰ ﺑﯧﻜﻪﺕ: http://www.eastmoney.com
ﺋﯘﭼﯘﺭﻟﯩﺮﻯ ﮬﻪﺭ ﻣﯩﻨﯘﺗﺘﺎ ﺩﯦﮕﯜﺩﻩﻙ ﻳﯧﯖﯩﻠﯩﻨﯩﭗ ﺗﯘﺭﯨﺪﯗ.
ﺷﯩﻨﺠﺎﯓ ﺋﺎﻛﺴﯩﻴﻪ ﺷﯩﺮﻛﯩﺘﻰ ﺗﻮﺭ ﺑﯧﻜﯩﺘﻰ: http://www.xjsec.com

ManYuksel يوللانغان ۋاقتى 2007-8-29 14:49:59

ﺗﻮﺭﺩﺍﺷﻼﺭﻧﯩﯔ ﻗﯩﺰﻏﯩﻨﻠﯩﻘﯩﻐﺎ ﺳﯘ ﺳﻪﭘﻜﻪﻧﻠﯩﻜﯩﻢ ﺑﻮﻟﯘﭖ ﻗﺎﻟﻤﯩﺴﯘﻥ، ﺋﺎﯞﯞﺍﻝ ﺗﻮﺭﺩﺍﺷﻼﺭﺩﯨﻦ ﺗﻮﻏﺮﺍ ﭼﯜﺷﯜﻧﯩﺸﯩﻨﻰ ﺳﻮﺭﺍﻳﻤﻪﻥ . ﺋﺎﻧﺪﯨﻦ ﺳﻮﺭﯨﻤﺎﻗﭽﻰ ﺑﻮﻟﻐﺎﻥ ﺳﯘﺋﺎﻟﯩﻤﻨﻰ ﺳﻮﺭﺍﻱ :

ﻻﺗﺎﺭﯨﻴﻪ ، ﭘﺎﻳﭽﻪﻙ ﯞﻩ ﻓﻮﻧﺪﻻﺭﻏﺎ ﺋﯩﺴﻼﻣﻨﯩﯔ ﮬﯚﻛﯜﻣﻰ ﻧﯧﻤﻪ ؟ ﺑﯩﺮ ﻣﯘﺳﯘﻟﻤﺎﻥ ﻛﯩﺸﻰ ﻣﯘﺷﯘ ﺧﯩﻠﺪﯨﻜﻰ ﭘﺎﺋﺎﻟﯩﻴﻪﺗﻠﻪﺭ ﺑﯩﻠﻪﻥ ﺷﯘﻏﯘﻟﻼﻧﺴﺎ ﻳﻮﻝ ﻗﻮﻳﯘﻻﻣﺪﯗ - ﻳﻮﻕ ؟!

ﻣﻪﻥ ﻳﻪﻧﻪ ﺑﯩﺮ ﻗﯧﺘﯩﻢ ﺩﻩﭖ ﻗﻮﻳﺎﻱ ، ﻣﻪﻥ ﻗﯘﺗﺮﺍﺗﻘﯘﻟﯘﻕ ﻗﯩﻠﯩﺶ ﺋﯜﭼﯜﻥ ﺋﻪﻣﻪﺱ ، ﺭﺍﺳﺘﯩﻨﻼ ﺑﯩﻠﻤﯩﮕﻪﻧﻠﯩﻜﻢ ، ﺑﯩﻠﯩﯟﯦﻠﯩﺶ ﺋﯩﺴﺘﯩﻜﯩﻤﻨﯩﯔ ﻛﯜﭼﻠﯜﻛﻠﯩﻜﯩﺪﯨﻦ ﺑﯘ ﺳﯘﺋﺎﻟﻼﺭﻧﻰ ﺳﻮﺭﺍﯞﺍﺗﯩﻤﻪﻥ ...

tarimi يوللانغان ۋاقتى 2007-8-29 15:09:01

永不忘记 يوللانغان ۋاقتى 2007-8-29 15:47:23

ﻣﻪﻥ ﭘﺎﻳﭽﻪﻛﻜﻪ ﺑﻪﻙ ﻗﯧﺰﺯﯦﻘﺎﺗﺘﯧﻢ
ﻟﯧﻜﯧﻦ ﭼﯘﺷﻪﻧﭽﻪﻡ ﺋﺎﻧﭽﻪ ﻳﯧﺘﻪﺭﻟﯧﻚ
ﺋﻪﻣﻪﺱ ﺑﻮﻟﺴﺎ ﻳﺎﺭﺩﻩﻡ ﻗﯧﻠﺴﺎﯓ ﻻﺭ
ﭺ ﭺ 147612344

ManYuksel يوللانغان ۋاقتى 2007-8-29 16:00:39

ﺋﺎ ﮬﺎﻱ  ﺑﯩﻠﻤﻪﻱ ﺳﯘﺋﺎﻝ ﺳﻮﺭﯨﻐﺎﻥ ﺋﺎﺩﻩﻣﻨﻰ ﻳﻪﻧﻪ ﺳﯘﺋﺎﻝ ﺑﯩﻠﻪﻥ ﻣﺎﺕ ﻗﯩﻠﻤﺎﻳﻠﻰ، ﺳﯘﺋﺎﻝ ﺳﻮﺭﺍﺵ ﺋﻪﻳﯩﭗ ﺋﻪﻣﻪﺳﺘﯘﺭ ؟! ...
ﻣﻪﻥ ﺑﯘﻳﻪﺭﺩﻩ ﻻﺗﺎﺭﯨﻴﻪ ، ﭘﺎﻳﭽﻪﻙ ﯞﻩ ﻓﻮﻧﺪﻻﺭﻧﻰ ﺗﯩﻠﻐﺎ ﺋﯧﻠﯩﺸﯩﻤﺪﯨﻜﻰ ﻣﻪﻗﺴﻪﺕ ﺋﯘﻻﺭﻧﯩﯔ ﺋﻮﺗﺘﯩﺮﯨﺴﺪﺍ ﻗﺎﻧﺪﺍﻕ ﭘﻪﺭﻕ ﺑﺎﺭﻟﯩﻘﯩﻨﻰ ﺋﻪﻣﻪﺱ ، ﺑﻪﻟﻜﻰ ﻣﯘﺷﯘ ﺋﺎﻳﺮﯨﻢ 3 ﺧﯩﻞ ﭘﺎﺋﺎﻟﯩﻴﻪﺗﻜﻪ ﺋﯩﺴﻼﻣﻨﯩﯔ ﮬﯚﻛﯜﻣﻰ ﻧﯧﻤﻪ ؟ ﺩﯦﮕﻪﻥ ﺋﻮﻳﯘﻣﻐﺎ ﺟﺎﯞﺍﺏ ﺋﯩﺰﺩﯨﻤﻪﻛﭽﻰ ﺧﺎﻻﺱ . ﺋﺎﺭﺗﯘﻗﭽﻪ ﻣﻪﻗﺴﻪﺕ - ﭘﻪﻗﺴﻪﺕ ﻳﻮﻕ !

Bihlan يوللانغان ۋاقتى 2007-8-29 16:04:16

ﻣﻪﻥ ﺋﯚﺯﯛﻣﻨﯩﯔ ﭘﻪﺭﯨﺰﯨﻨﻰ ﺩﻩﭖ ﺑﺎﻗﺎﻱ:
ﭘﺎﻳﭽﻪﻛﻨﯩﯔ ﻣﺎﮬﯩﻴﯩﺘﻰ: ﺑﺎﺷﻘﯩﻼﺭ ﺑﯩﻠﻪﻥ ﺷﯧﺮﯨﻜﻠﯩﺸﯩﭗ ﺳﻮﺩﺍ ﻗﯩﻠﯩﺶ ﺑﻮﻟﯘﭖ، ﺑﯘ ﺟﻪﺭﻳﺎﻧﺪﺍ ﭘﺎﻱ ﭼﻪﻙ ﺳﯧﺘﯩﯟﺍﻟﻐﯘﭼﻰ ﺋﻪﻣﻪﻟﯩﻲ ﺳﻮﺩﺍ ﭘﺎﺋﺎﻟﯩﻴﯩﺘﯩﮕﻪ ﻗﺎﺗﻨﺎﺷﻤﺎﻳﺪﯗ، ﻟﯧﻜﯩﻦ، ﺳﻮﺩﺍ ﺩﺍﯞﺍﻣﯩﺪﯨﻜﻰ ﭘﺎﻳﺪﺍ- ﺯﯨﻴﺎﻧﻐﺎ ﺷﯧﺮﯨﻚ ﺑﻮﻟﯩﺪﯗ، ﺑﯘﻧﺪﺍﻕ ﻗﯩﻠﯩﺶ ﺋﺎﺭﻗﯩﻠﯩﻖ ﮬﻪﺭ ﺋﯩﻜﻜﻰ ﺗﻪﺭﻩﭖ ﺋﯚﺯﯨﻨﯩﯔ ﺋﯩﻘﺘﯩﺴﺎﺩﯨﻲ ﻗﯩﻴﯩﻨﭽﯩﻠﯩﻘﯩﻨﻰ ﮬﻪﻝ ﻗﯩﻠﯩﺸﻘﺎ ﺗﯩﺮﯨﺸﯩﺪﯗ.
ﻓﻮﻧﺪﯨﻨﯩﯔ ﻣﺎﮬﯩﻴﯩﺘﻰ: ﻣﻪﺑﻠﻪﻍ ﺳﯧﻠﯩﺸﻨﻰ ﺑﯩﻠﻤﯩﮕﻪﻧﻠﻪﺭ ﺋﯜﭼﯜﻥ ﻣﻪﺑﻠﻪﻏﻨﻰ ﯞﺍﻛﺎﻟﯩﺘﻪﻥ ﺑﺎﺷﻘﯘﺭﯗﭖ ﺗﻪﯓ ﭘﺎﻳﺪﯨﻐﺎ ﺋﯧﺮﯨﺸﯩﺸﺘﯩﻦ ﺋﯩﺒﺎﺭﻩﺕ.
ﻻﺗﺎﺭﯨﻴﯩﻨﯩﯔ ﻣﺎﮬﯩﻴﯩﺘﻰ: ﻛﯩﺸﯩﻠﻪﺭﻧﯩﯔ ﺗﯘﻳﯘﻗﺴﯩﺰ ﻣﯘﻛﺎﭘﺎﺗﻘﺎ ﺋﯧﺮﯨﺸﯩﺶ ﺋﺎﺭﺯﯗﻳﯩﺪﯨﻦ ﭘﺎﻳﺪﯨﻠﯩﻨﯩﭗ، ﺯﻭﺭ ﻣﯩﻘﺪﺍﺭﺩﯨﻜﻰ ﺋﯩﺌﺎﻧﻪ ﭘﯘﻟﯩﻨﻰ ﻳﯩﻐﯩﯟﯦﻠﯩﺸﺘﯩﻦ ﺋﯩﺒﺎﺭﻩﺕ، ﺑﯘﻧﯩﯔ ﺟﻪﻣﺌﯩﻴﻪﺗﻜﻪ ﺑﻮﻟﻐﺎﻥ ﭘﺎﻳﺪﯨﺴﻰ ﺯﻭﺭ، ﻛﯩﺸﯩﻠﻪﺭ ﺋﺎﺭﯨﺴﯩﺪﺍ ﭼﯧﭽﯩﻠﯩﭗ ﺗﯘﺭﻏﺎﻥ ﺋﺎﺯ ﻣﯩﻘﺪﺍﺭﺩﯨﻜﻰ ﺋﯩﻘﺘﯩﺴﺎﺩﻧﻰ ﺗﻮﭘﻼﭖ، ﻣﻪﻟﯘﻡ ﺑﯩﺮ ﻛﯩﺸﯩﻨﯩﯔ ﺧﻪﺟﻠﯩﺸﯩﮕﻪ ﺗﺎﭘﺸﯘﺭﯗﺷﺘﯩﻦ ﺋﯩﺒﺎﺭﻩﺕ.
ﺑﺎﻧﻜﺎ ﺋﯚﺳﯜﻣﯩﻤﯘ ﺋﻪﻣﻪﻟﯩﻴﻪﺗﺘﻪ ﺑﺎﻧﻜﯩﻼﺭﻧﯩﯔ ﺳﯩﺰﻧﯩﯔ ﭘﯘﻟﯩﯖﯩﺰﻧﻰ ﺋﯩﺸﻠﯩﺘﯩﭗ ﺗﯘﺭﻏﺎﻧﻠﯩﻘﯩﻐﺎ ﺑﯧﺮﯨﺪﯨﻐﺎﻥ ﻣﯘﻛﺎﭘﺎﺗﯩﺪﯨﻦ ﺋﯩﺒﺎﺭﻩﺕ، ﻟﯧﻜﯩﻦ ﺑﯘﻧﻰ ﺋﯩﺴﻼﻣﺪﺍ ﮬﺎﺭﺍﻡ ﺩﻩﻳﺪﯨﻜﻪﻥ، ﺷﯘﯕﺎ ﻣﻪﻧﻤﯘ ﺑﺎﻧﻜﯩﻐﺎ ﭘﯘﻝ ﻗﻮﻳﻤﺎﺱ ﺑﻮﻟﺪﯗﻡ.
..........

ﺋﻮﻣﻮﻣﯩﻲ ﺋﯩﺠﺘﯩﻤﺎﺋﯩﻴﻪﺗﻜﻪ ﻗﺎﺭﯨﺘﺎ ﺋﯧﻴﺘﻘﺎﻧﺪﺍ، ﻳﯘﻗﺎﺭﻗﻰ ﭘﺎﺋﺎﻟﯩﻴﻪﺗﻠﻪﺭ ﺟﻪﻣﺌﯩﻴﻪﺕ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﯩﻨﻰ ﺋﯩﻠﮕﯩﺮﻯ ﺳﯜﺭﯨﺪﯨﻐﺎﻥ ﮬﻪﺭﺧﯩﻞ ﺗﺎﻛﺘﯩﻜﯩﻼﺭﺩﯨﻦ ﺋﯩﺒﺎﺭﻩﺕ، ﺟﻪﻣﺌﯩﻴﻪﺕ ﺋﯩﻘﺘﯩﺴﺎﺩﯨﻲ ﻳﯘﻗﯘﺭﻯ ﻛﯚﺗﯜﺭﯛﻟﺴﻪ، ﺋﯩﺴﻼﻣﻐﺎ ﺑﻮﻟﻐﺎﻥ ﺋﯧﺘﯩﻘﺎﺩﻧﻰ ﻳﺎﺧﺸﻰ ﻗﯩﻠﯩﺪﯨﻐﺎﻥ ﺷﺎﺭﺍﺋﯩﺘﻨﻰ ﻳﺎﺭﺍﺗﻘﯩﻠﻰ ﺑﻮﻟﯩﺪﯗ (ﻳﺎﻣﺎﻧﻠﯩﻘﻤﯘ ﺋﯚﺯ ﻧﯚﯞﯨﺘﯩﺪﻩ ﺗﻪﺭﻩﻗﻘﯩﻲ ﻗﯩﻠﯩﺪﯗ، ﻟﯧﻜﯩﻦ، ﺑﯘ ﭼﻮﯓ ﺋﯩﺠﺘﯩﻤﺎﺋﯩﻲ ﻛﻪﻳﭙﯩﻴﺎﺗﻘﺎ ﻗﺎﺭﯨﺘﺎ ﺋﯧﻴﺘﯩﻠﻐﺎﻥ ﺳﯚﺯ).

ﺑﯘ ﺟﺎﮬﺎﻥ ﻣﯘﺭﻩﻛﻜﻪﭖ ﺟﺎﮬﺎﻥ، ﺳﯩﺰ ﻗﻪﺷﻘﻪﺭﻧﯩﯔ ﻛﻮﭼﯩﺴﯩﺪﺍ 30 ﻛﯩﻠﻮ ﺋﯧﻐﯩﺮﻟﯩﻘﺘﯩﻜﻰ ﺑﯩﺮ ﺗﺎﻏﺎﺭ ﻣﺎﻟﻨﻰ 100 ﻣﯧﺘﯩﺮ ﻧﯧﺮﯨﻐﺎ ﻛﯚﺗﯜﺭﯛﭖ ﺋﺎﭘﯩﺮﯨﭗ ﺑﻪﺭﺳﯩﯖﯩﺰ، ﻣﺎﻟﻨﯩﯔ ﺋﯧﮕﯩﺴﻰ ﺳﯩﺰﮔﻪ ﺋﯚﺯ ﺭﺍﺯﯨﻠﯩﻘﻰ ﺑﯩﻠﻪﻥ ﺑﯩﺮ ﻳﯜﻩﻥ ﺋﯩﺶ ﮬﻪﻗﻘﻰ ﺑﯧﺮﯨﺸﻰ ﻣﯘﻣﻜﯩﻦ، ﻧﺎﯞﺍﺩﺍ ﺳﯩﺰ ﺋﺎﻣﯧﺮﯨﻜﺎ ﻧﻴﻮ-ﻳﻮﺭﻙ ﺷﻪﮬﯩﺮﻯ ﻳﺎﻛﻰ ﻳﺎﭘﻮﻧﯩﻴﻪ ﺗﻮﻛﻴﻮ ﺷﻪﮬﯩﺮﯨﺪﻩ ﺋﻮﺧﺸﺎﺷﻼ 30 ﻛﯩﻠﻮ ﺋﯧﻐﯩﺮﻟﯩﻘﺘﯩﻜﻰ ﺑﯩﺮ ﺗﺎﻏﺎﺭ ﻣﺎﻟﻨﻰ 100 ﻣﯧﺘﯩﺮ ﻧﯧﺮﯨﻐﺎ ﻛﯚﺗﯜﺭﯛﭖ ﺋﺎﭘﯩﺮﯨﭗ ﺑﻪﺭﺳﯩﯖﯩﺰ، ﻣﺎﻟﻨﯩﯔ ﺋﯧﮕﯩﺴﻰ ﺳﯩﺰﮔﻪ ﺋﯚﺯ ﺭﺍﺯﯨﻠﯩﻘﻰ ﺑﯩﻠﻪﻥ 50 ﻳﯜﻩﻥ ﯞﻩﻳﺎﻛﻰ ﺋﯘﻧﯩﯖﺪﯨﻨﻤﯘ ﻛﯚﭖ ﭘﯘﻟﻨﻰ ﺑﯧﺮﯨﺸﻰ ﻣﯘﻣﻜﯩﻦ. ﺑﯩﺰ ﺑﯘ ﭼﺎﻏﺪﺍ ﺑﯘ ﻣﻪﺳﯩﻠﯩﻨﻰ ﻗﺎﻧﺪﺍﻕ ﺋﺎﻳﺮﯨﺸﯩﻤﯩﺰ ﻛﯧﺮﻩﻙ؟ ﺯﺍﺩﻯ 50 ﻳﯜﻩﻥ ﺋﺎﺭﺗﯘﻗﻠﯘﻕ ﻗﯩﻼﻣﺪﯗ ﻳﺎﻛﻰ 1 ﻳﯜﻩﻥ ﺋﺎﺯﻟﯩﻖ ﻗﯩﻼﻣﺪﯗ؟
50 ﻳﯜﻩﻥ ﺯﺍﺩﻯ ﮬﺎﻻﻟﻤﯘ- ﮬﺎﺭﺍﻣﻤﯘ؟
ﺋﻪﻟﯟﻩﺗﺘﻪ، ﺑﯘ ﻣﻪﺳﯩﻠﯩﮕﻪ ﻧﯘﺭﻏﯘﻥ ﻛﯩﺸﯩﻠﻪﺭ ﮬﺎﻻﻝ ﺩﻩﭖ ﺟﺎﯞﺍﺏ ﺑﯧﺮﯨﺸﻰ ﻣﯘﻣﻜﯩﻦ.
ﺷﯘﻧﺪﺍﻕ، ﺑﯘ ﺟﺎﮬﺎﻥ ﺋﻪﻧﻪ ﺷﯘﻧﺪﺍﻕ ﺭﻩﯕﮕﺎﺭﻩﯓ ﺑﻮﻟﯩﺪﯗ، ﻛﯩﭽﯩﻚ ﺑﺎﻟﯩﻐﺎ ﺩﻭﺭﺍ ﺋﯩﭽﻜﯜﺯﯛﺵ ﺋﯜﭼﯜﻥ \"ﺑﻪﻙ ﺗﺎﺗﻠﯩﻖ\" ﺩﻩﭖ ﺋﺎﻟﺪﺍﭖ ﺗﯘﺭﯗﭖ ﺋﯩﭽﻜﯜﺯﯨﻤﯩﺰ، ﺋﺎﻗﯩﯟﻩﺗﺘﻪ ﻛﯩﭽﯩﻚ ﺑﺎﻟﯩﻨﯩﯔ ﻛﯧﺴﯩﻠﻰ ﺳﺎﻗﯩﻴﯩﺸﻰ ﻣﯘﻣﻜﯩﻦ، ﺑﯩﺮﺍﻕ، ﺳﯩﺰﻧﯩﯔ \"ﺑﻪﻙ ﺗﺎﺗﻠﯩﻖ\" ﺩﯦﮕﯩﻨﯩﯖﯩﺰ ﺑﯩﺮ ﺋﺎﻟﺪﺍﻣﭽﯩﻠﯩﻖ، ﻳﺎﻟﻐﺎﻧﭽﯩﻠﯩﻘﺘﯩﻦ ﺋﯩﺒﺎﺭﻩﺕ، ﺑﯩﺮﺍﻕ، ﻳﻪﺗﻤﻪﻛﭽﻰ ﺑﻮﻟﻐﺎﻥ ﻣﻪﻗﺴﯩﺘﯩﯖﯩﺰﮔﻪ ﻳﯧﺘﯩﺶ ﺋﯜﭼﯜﻥ، ﺷﯘ ﺑﺎﻟﯩﻐﺎ ﻳﺎﺧﺸﻰ ﺑﻮﻟﯘﺷﻰ ﺋﯜﭼﯜﻥ ﺋﯘﻧﻰ ﯞﺍﻗﯩﺘﻠﯩﻖ ﺋﺎﻟﺪﺍﭖ ﻗﻮﻳﯩﺴﯩﺰ، ﺑﯘ ﺑﯩﺮ ﻣﯩﺴﺎﻝ ﺑﻮﻟﯘﭖ، ﻣﻪﻥ ﺑﯘ ﺋﺎﺭﻗﯩﻠﯩﻖ \"ﻛﯩﭽﯩﻚ ﺧﺎﺗﺎﻟﯩﻖ ﺋﺎﺭﻗﯩﻠﯩﻖ ﭼﻮﯓ ﻳﺎﺧﺸﯩﻠﯩﻘﻘﺎ ﺋﯧﺮﯨﺸﻜﯩﻠﻰ ﺑﻮﻟﯩﺪﯗ\" ﺩﯦﮕﻪﻥ ﺑﯩﺮ ﺟﯜﻣﻠﻪ ﺳﯚﺯﻧﻰ ﺋﯩﺴﭙﺎﺗﻠﯩﻤﺎﻗﭽﻰ.
ﻛﯩﭽﯩﻚ ﺧﺎﺗﺎﻟﯩﻖ ﺋﺎﺭﻗﯩﻠﯩﻖ ﭼﻮﯓ ﻳﺎﺧﺸﯩﻠﯩﻘﻘﺎ ﺋﯧﺮﯨﺸﻜﯩﻠﻰ ﺑﻮﻟﯩﺪﯗ:
ﻻﺗﺎﺭﯨﻴﻪ ﺋﯧﻠﯩﺸﻘﺎ ﻗﯩﺰﯨﻘﺘﯘﺭﯗﺵ ﻗﺎﻧﺪﺍﻗﺘﯘﺭ ﺳﯩﺰﻧﯩﯔ ﭘﯘﻟﯩﯖﯩﺰﻧﻰ ﺑﯘﻟﯩﯟﯦﻠﯩﺶ ﺋﻪﻣﻪﺱ، ﺑﻪﻟﻜﻰ، ﺋﺎﺯﺭﺍﻕ ﻗﯩﺰﯨﻘﺘﯘﺭﯗﺵ ﺋﺎﺭﻗﯩﻠﯩﻖ ﺳﯩﺰﻧﯩﯔ 2 ﻳﯜﻩﻥ ﭘﯘﻟﯩﯖﯩﺰﻧﻰ ﺋﯧﻠﯩﺸﺘﯘﺭ، ﻣﺎﻧﺎ ﻣﯘﺷﯘﻧﺪﺍﻕ ﺗﯜﻣﻪﻥ ﻣﯩﯔ ﺋﺎﺩﻩﻣﻨﻰ ﻗﯩﺰﯨﻘﺘﯘﺭﯗﭖ 2 ﻳﯜﻩﻥ ﭘﯘﻟﯩﻨﻰ ﺋﺎﻟﻐﺎﻧﺪﯨﻦ ﻛﯩﻴﯩﻦ، ﺑﯘ ﭘﯘﻟﻼﺭﻧﻰ ﻣﻪﻟﯘﻡ ﺑﯩﺮ ﻛﯩﺸﯩﮕﻪ ﺗﻪﻗﺴﯩﻤﻠﻪﻳﺪﯗ، ﺑﯘ ﻛﯩﺸﻰ ﻗﻮﭘﯘﭖ ﻳﺎﻛﻰ ﺗﯩﺠﺎﺭﻩﺕ ﻗﯩﻠﯩﺪﯗ، ﻳﺎﻛﻰ ﺯﺍﯞﯗﺕ ﻗﯘﺭﯨﺪﯗ، ﻳﺎﻛﻰ ﺑﯩﺮﻩﺭ ﺋﯩﮕﯩﻠﯩﻚ ﻳﺎﺭﯨﺘﯩﺪﯗ، ﯞﻩﻳﺎﻛﻰ ﭘﯘﻟﻨﻰ ﻗﺎﻻﻳﻤﯩﻘﺎﻥ ﺧﻪﺟﻠﻪﻳﺪﯗ. ﻣﻪﻳﻠﻰ ﺑﯘ ﺋﺎﺩﻩﻡ ﺗﯩﺠﺎﺭﻩﺕ ﻗﯩﻠﺴﯘﻥ ﯞﻩﻳﺎﻛﻰ ﻗﺎﻻﻳﻤﯩﻘﺎﻥ ﺧﻪﺟﻠﯩﺴﯘﻥ، ﺑﯘ ﭘﯘﻟﻼﺭ ﮬﺎﻣﺎﻥ ﺑﯧﺮﯨﭗ ﻳﻪﻧﻪ ﺷﯘ ﺧﻪﻟﻘﻨﯩﯔ ﻗﻮﻟﯩﻐﺎ ﻗﺎﻳﺘﯩﺪﯗ، ﭘﯩﻜﺎﭖ ﺳﯧﺘﯩﯟﺍﻟﺴﺎ ﺷﯘ ﭘﯩﻜﺎﭖ ﺋﯩﺸﻠﻪﭘﭽﯩﻘﺎﺭﻏﺎﻧﻼﺭﻧﯩﯔ ﻗﻮﻟﯩﻐﺎ ﻛﯧﻠﯩﺪﯗ، ﺗﺎﻣﺎﻕ ﻳﯩﺴﻪ ﺷﯘ ﺗﺎﻣﺎﻗﻨﻰ ﺋﻪﺗﻜﻪﻥ، ﺋﺎﺷﺨﺎﻧﺎ ﺋﺎﭼﻘﺎﻧﻼﺭﻧﯩﯔ ﻗﻮﻟﯩﻐﺎ ﻛﯧﻠﯩﺪﯗ، ﭘﺎﮬﯩﺸﻪ ﺋﻮﻳﻨﯩﺴﺎ ﺷﯘ ﭘﺎﮬﯩﺸﯩﻠﻪﺭﻧﯩﯔ ﻗﻮﻟﯩﻐﺎ ﻛﯧﻠﯩﺪﯗ، ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ، ﺑﯘ ﻣﯘﻛﺎﭘﺎﺕ ﮬﻪﺭﮔﯩﺰﻣﯘ ﺑﯩﺮ ﺋﺎﺩﻩﻣﻨﯩﯔ ﮔﯧﻠﯩﻐﺎ ﻛﯩﺮﯨﭙﻼ ﺳﯧﺴﯩﭗ ﻛﻪﺗﻤﻪﺳﺘﯩﻦ ﺑﻪﻟﻜﻰ، ﭘﯘﻟﻨﯩﯔ ﺋﺎﻳﻠﯩﻨﯩﺶ ﻗﺎﻧﯘﻧﯩﻴﯩﺘﻰ ﺑﻮﻳﯩﭽﻪ ﺟﻪﻣﺌﯩﻴﻪﺗﺘﻪ ﮬﻪﺭﺧﯩﻞ ﻛﯩﺸﯩﻠﻪﺭﻧﯩﯔ ﻳﺎﻧﭽﯘﻗﯩﺪﺍ ﭘﯩﺮﻗﯩﺮﺍﭖ ﻳﯜﺭﯛﻳﺪﯗ، ﻻﺗﺎﺭﯨﻴﯩﺪﻩ ﮬﻪﻣﻤﻪ ﭘﯘﻝ ﻣﯘﻛﺎﭘﺎﺗﻘﺎ ﻛﻪﺗﻤﻪﻳﺪﯗ، ﺋﯩﻨﺘﺎﻳﯩﻦ ﺋﺎﺯ ﺑﯩﺮﻗﯩﺴﻤﻰ ﻣﯘﻛﺎﭘﺎﺗﻘﺎ ﺋﯩﺸﻠﯩﺘﯩﻠﺴﻪ، ﻗﺎﻟﻐﺎﻥ ﻛﯚﭖ ﻗﯩﺴﻤﻰ ﺟﻪﻣﺌﯩﻴﻪﺗﺘﯩﻜﻰ ﮬﻪﺭﺧﯩﻞ ﺋﯩﺸﻼﺭﻏﺎ ﺋﯩﺸﻠﯩﺘﯩﻠﯩﺪﯗ، ﺑﻪﻟﻜﯩﻢ ﺑﯘ ﮔﻪﭘﻨﻰ ﺋﺎﯕﻼﭖ ﺑﻪﺯﯨﻠﻪﺭ \"ﺋﺎﺷﯘ ﭘﯘﻟﻼﺭﻧﻰ ﺭﺍﺳﺘﯩﻨﻼ ﭘﺎﺭﺍﯞﺍﻧﻠﯩﻖ ﺋﯩﺸﻠﯩﺮﯨﻐﺎ ﺋﯩﺸﻠﯩﺘﻪﺭﻣﯘ\" ﺩﯨﻴﯩﺸﻰ ﻣﯘﻣﻜﯩﻦ، ﺑﯘ ﻣﻪﺳﯩﻠﻪ ﮬﺎﺯﯨﺮﭼﻪ ﺑﯩﺰ ﺑﯩﻠﻪﻥ ﻣﯘﻧﺎﺳﯩﯟﻩﺗﺴﯩﺰ، ﻳﻪﻧﻰ، ﺋﯘﻻﺭﻧﯩﯔ ﭘﯘﻟﻼﺭﻧﻰ ﭘﺎﺭﺍﯞﺍﻧﻠﯩﻘﻘﺎ ﺋﯩﺸﻠﯩﺘﯩﺸﻰ، ﻳﺎﻛﻰ ﭘﺎﺭﯨﺨﻮﺭﻟﯘﻗﻘﺎ ﺋﯩﺸﻠﯩﺘﯩﺸﻰ ﺷﯘ ﻛﯩﺸﯩﻠﻪﺭﻧﯩﯔ ﺧﺎﺗﺎﻟﯩﻘﻰ، ﻣﻪﻳﻠﻰ ﺋﯘﻻﺭ ﭘﺎﺭﯨﺨﻮﺭﻟﯘﻗﻘﺎ ﺋﯩﺸﻠﻪﺗﺴﯘﻥ، ﯞﻩﻳﺎﻛﻰ ﺑﺎﺷﻘﺎ ﺋﯩﺸﻼﺭﻏﺎ ﺋﯩﺸﻠﻪﺗﺴﯘﻥ، ﺑﯘ ﭘﯘﻝ ﮬﺎﻣﺎﻥ ﻧﯘﺭﻏﯘﻥ ﺋﻪﻣﮕﻪﻛﭽﯩﻠﻪﺭﻧﯩﯔ ﺗﯩﻨﯩﻢ ﺗﺎﭘﻤﺎﻱ ﺧﯩﺰﻣﻪﺕ ﻗﯩﻠﯩﺸﯩﻐﺎ، ﺗﯩﺮﯨﺸﭽﺎﻧﻠﯩﻖ ﺑﯩﻠﻪﻥ ﺋﯩﺸﻠﯩﺸﯩﮕﻪ ﺗﯜﺭﺗﻜﻪ ﺑﻮﻟﯩﺪﯗ، ﻣﺎﻧﺎ ﺑﯘﻧﻰ ﺋﯩﻘﺘﯩﺴﺎﺩﯨﻲ ﺋﺎﻳﻠﯩﻨﯩﺶ ﺩﻩﻳﻤﯩﺰ، ﺋﻪﻣﺪﻯ ﺑﯘﻧﻰ ﺩﻩﭖ ﻧﯧﻤﯩﻨﻰ ﺋﯩﺴﭙﺎﺗﻠﯩﻤﺎﻗﭽﻰ؟
ﺋﯩﻘﺘﯩﺴﺎﺩ ﺋﺎﻳﻼﻧﺴﺎ ﮬﻮﺭﯗﻧﻠﯘﻗﻨﯩﯔ ﺋﺎﻟﺪﯨﻨﻰ ﺋﯧﻠﯩﭗ، ﺩﯦﮭﻘﺎﻧﻨﻰ ﻛﻪﺗﻤﻪﻥ ﭼﯧﭙﯩﺸﻘﺎ، ﻛﺎﺩﯨﺮﻧﻰ ﻳﯩﻐﯩﻦ ﺋﯧﭽﯩﺸﻘﺎ، ﺗﯩﺠﺎﺭﻩﺗﭽﯩﻨﻰ ﺩﯗﻛﺎﻥ ﺋﯧﭽﯩﺸﻘﺎ، ﺳﯩﺰ ﯞﻩ ﺑﯩﺰﻧﻰ ﺗﻮﺭﺩﯨﻦ ﻣﺎﺗﯧﺮﯨﻴﺎﻝ ﻛﯚﺭﯛﭖ ﺑﯩﻠﯩﻢ ﺋﯧﻠﯩﺸﻘﺎ ﺋﯜﻧﺪﻩﻳﺪﯗ. ﻣﺎﻧﺎ ﺑﯘ ﺋﯩﺠﺘﯩﻤﺎﺋﯩﻲ ﺋﯜﻧﯜﻣﯩﺪﯨﻦ ﺋﯩﺒﺎﺭﻩﺕ، ﮬﻪﻗﯩﻘﯩﻲ ﻣﯘﺳﯘﻟﻤﺎﻧﻼﺭ ﺑﻪﻙ ﺋﺎﺯ، ﮬﯧﭽﻜﯩﻢ ﮬﯧﭽﻜﯩﻤﻨﯩﯔ ﺳﯩﺮﺗﯩﻐﺎ ﻗﺎﺭﺍﭖ ﺗﯘﺭﯗﭖ، ﻳﺎﻛﻰ ﻗﯩﻠﻐﺎﻥ ﺋﯩﺸﻠﯩﺮﯨﻐﺎ ﻗﺎﺭﺍﭖ ﺗﯘﺭﯗﭖ، ﯞﻩﻳﺎﻛﻰ ﻣﯘﺷﯘﻧﺪﺍﻕ ﻳﺎﺯﻏﺎﻥ ﻣﺎﻗﺎﻟﯩﺴﯩﮕﻪ ﻗﺎﺭﺍﭖ، ﺑﻪﺭﮔﻪﻥ ﺋﯩﻨﻜﺎﺳﯩﻐﺎ ﻗﺎﺭﺍﭖ ﺗﯘﺭﯗﭖ ﺋﯘﻧﻰ \"ﺳﻪﻥ ﻣﯘﺳﯘﻟﻤﺎﻥ\" ﻳﺎﻛﻰ \"ﻣﯘﺳﯘﻟﻤﺎﻥ ﺋﻪﻣﻪﺳﻜﻪﻧﺴﻪﻥ\" ﺩﻩﭖ ﺑﺎﮬﺎ ﺑﯧﺮﯨﺶ ﮬﻮﻗﯘﻗﻰ ﻳﻮﻕ، ﺑﯘﻧﺪﺍﻕ ﮬﻮﻗﯘﻗﻨﻰ ﺋﺎﻟﻼ ﺑﻪﻧﺪﯨﮕﻪ ﺑﻪﺭﻣﯩﮕﻪﻥ، ﭼﯜﻧﻜﻰ، ﺑﺎﮬﺎ ﺑﻪﺭﮔﯜﭼﻰ ﺑﻪﻧﺪﻩ ﺑﻮﻟﯘﭖ ﻗﺎﻟﺴﺎ، ﺋﯘﻧﯩﯖﻤﯘ ﺗﻪﮬﻠﯩﻞ ﻗﯩﻠﯩﺶ، ﺋﻮﻳﻼﺵ ﺋﯩﻘﺘﯩﺪﺍﺭﻯ ﭼﻪﻛﻠﯩﻚ، ﺋﯘ ﻣﻪﻳﻠﻰ ﻧﯧﻤﯩﻼ ﺩﯦﻤﯩﺴﯘﻥ، ﻳﻪﻧﯩﻼ ﺷﯘ ﺋﯚﺯﯨﻨﯩﯔ ﺑﯩﻠﯩﺶ ﺩﺍﺋﯩﺮﯨﺴﯩﺪﻩ ﭼﯚﮔﯩﻠﻪﻳﺪﯗ، ﮬﻪﺭﻗﺎﻧﺪﺍﻕ ﺋﺎﺩﻩﻡ ﺷﯘﻧﺪﺍﻕ.
ﮬﺎﺯﯨﺮ ﻳﻪﺭﺷﺎﺭﯨﺪﺍ ﻣﯘﺳﯘﻟﻤﺎﻥ ﺩﯙﻟﻪﺗﻠﻪﺭﻧﯩﯔ ﭘﻪﻥ- ﺗﯧﺨﻨﯩﻜﯩﺪﺍ ﻛﻪﻳﻨﯩﺪﻩ ﻗﺎﻟﻐﺎﻧﻠﯩﻘﻰ ﻛﯚﺯ ﻳﯘﻣﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﮬﻪﻗﯩﻘﻪﺕ، ﺷﯘﻧﺪﺍﻗﻼ، ﻣﯘﺳﯘﻟﻤﺎﻧﻼﺭﻧﯩﯔ ﻛﯚﭘﯩﻨﭽﯩﺴﻰ ﻧﺎﻣﺮﺍﺕ ﺑﻮﻟﯘﺷﯩﻤﯘ ﻛﯚﺯ ﻳﯘﻣﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﮬﻪﻗﯩﻘﻪﺕ، ﺋﻪﻣﺪﻯ ﺑﯘﺟﺎﻳﺪﺍ \"ﺑﺎﻱ ﺑﻮﻟﯘﺵ ﮔﯘﻧﺎﮬﻤﯘ\" ﺩﻩﻳﺪﯨﻐﺎﻥ ﻣﻪﺳﯩﻠﻪ ﻛﯧﻠﯩﭗ ﭼﯩﻘﯩﺪﯗ، ﺑﺎﻱ ﺑﻮﻟﯘﺵ ﮔﯘﻧﺎﮬ ﺋﻪﻣﻪﺱ، ﻟﯧﻜﯩﻦ، ﻧﺎﻣﺮﺍﺗﻠﯩﻘﻨﯩﯔ ﺋﯚﺯﻯ ﮔﯘﻧﺎﮬ ﺑﻮﻟﯘﺷﻰ ﻣﯘﻣﻜﯩﻦ، ﭼﯜﻧﻜﻰ، ﻧﺎﻣﺮﺍﺗﻠﯩﻖ ﮬﻮﺭﯗﻧﻠﯘﻗﺘﯩﻦ، ﺑﯩﻠﯩﻤﺴﯩﺰﻟﯩﻜﺘﯩﻦ ﻛﯧﻠﯩﭗ ﭼﯩﻘﯩﺪﯗ، ﺑﺎﻳﻠﯩﻖ ﺗﯩﺮﯨﺸﭽﺎﻧﻼﺭﻏﺎ، ﺋﯩﺰﺩﻩﻧﮕﯜﭼﯩﻠﻪﺭﮔﻪ ﻣﻪﻧﺴﯘﭖ.

ﺑﺎﻧﻜﺎ ﭘﯘﻝ ﺋﯚﺳﯜﻣﯩﻨﻰ ﻧﺎﻣﺮﺍﺗﻼﺭﻏﺎ ﺋﯩﺌﺎﻧﻪ ﻗﯩﻠﯩﺶ ﻣﻪﺳﯩﻠﯩﺴﯩﮕﻪ ﻛﻪﻟﺴﻪﻙ، ﮬﻪﻗﯩﻘﯩﻲ ﻧﺎﻣﺮﺍﺗﻼﺭﻧﻰ ﺑﺎﻳﻘﺎﺷﻘﺎ ﺩﯨﻘﻘﻪﺕ ﻗﯩﻠﯩﺶ ﻛﯧﺮﻩﻙ، ﮬﯧﻴﺘﮕﺎﮬ ﺋﻪﺗﺮﺍﭘﯩﺪﺍ، ﺩﯙﯕﻜﯚﯞﺭﯛﻙ، ﺳﻪﻧﺸﯩﺨﺎﯕﺰﺍ ﻳﻮﻟﻠﯩﺮﯨﺪﺍ ﺋﺎﺗﺘﻪﻙ ﻳﯜﮔﯜﺭﯛﭖ ﻳﯜﺭﮔﻪﻧﻠﻪﺭﮔﻪ ﺋﯩﺌﺎﻧﻪ ﻗﯩﻠﯩﺶ ﻣﻪﻥ ﺋﯜﭼﯜﻥ ﺳﺎﯞﺍﺏ ﺑﻮﻟﻤﺎﺳﺘﯩﻦ ﺑﻪﻟﻜﻰ ﮔﯘﻧﺎﮬﺘﯘﺭ، ﭼﯜﻧﻜﻰ، ﺋﯘﻻﺭ ﺷﯘ ﺗﻪﻥ ﺳﺎﻗﻠﯩﻘﯩﻐﺎ ﺗﺎﻳﯩﻨﯩﭗ ﺋﻪﻣﮕﻪﻙ ﻗﯩﻠﯩﭗ ﺟﺎﻥ ﺑﯧﻘﯩﺶ ﺋﯩﻘﺘﯩﺪﺍﺭﯨﻐﺎ ﺋﯩﮕﻪ، ﺋﻪﮔﻪﺭ ﺋﯘﻻﺭﻏﺎ ﺋﯩﺌﺎﻧﻪ ﺑﻪﺭﺳﻪﻙ، ﺋﯘﻻﺭﻧﯩﯔ ﮬﻮﺭﯗﻧﻠﯘﻗﻰ، ﺗﻪﻳﻴﺎﺭﺗﺎﭘﻠﯩﻘﻰ ﻛﯜﭼﯩﻴﯩﺪﯗﻛﻰ، ﺋﺎﺟﯩﺰﻟﯩﻤﺎﻳﺪﯗ، ﺷﯘﯕﺎ ﺑﯘ ﺋﯘﻻﺭﻧﻰ ﺋﻮﺭﯨﻐﺎ ﺋﯩﺘﺘﯩﺮﮔﻪﻧﻠﯩﻚ ﺑﻮﻟﯘﭖ، ﺳﯩﺰ ﺳﺎﯞﺍﺏ ﺗﺎﭘﯩﻤﻪﻥ ﺩﻩﭖ ﮔﯘﻧﺎﮬﻘﺎ ﺷﯧﺮﯨﻚ ﺑﻮﻟﯘﭖ ﻗﯧﻠﯩﺸﯩﯖﯩﺰ ﻣﯘﻣﻜﯩﻦ.
ﻳﯧﺘﯩﻢ- ﻳﯧﺴﯩﺮ، ﺋﺎﺟﯩﺰ- ﭼﻮﻻﻗﻼﺭﻏﺎ ﺋﯩﺌﺎﻧﻪ ﻗﯩﻠﯩﺸﺘﺎ، ﻣﻪﻳﻠﻰ ﺑﺎﻧﻜﺎ ﺋﯚﺳﯜﻣﯩﻨﻰ ﺑﯧﺮﻩﻣﺴﯩﺰ، ﯞﻩﻳﺎﻛﻰ ﺋﯚﺳﯜﻡ ﭼﯩﻘﺎﺭﻣﺎﻱ ﺋﯚﺯﯨﯖﯩﺰ ﺋﯚﻳﺪﻩ ﺳﺎﻗﻠﯩﻐﺎﻥ ﭘﯘﻟﺪﯨﻦ ﺑﯧﺮﻩﻣﺴﯩﺰ، ﺋﯘ ﮬﺎﻣﺎﻥ ﺳﺎﯞﺍﺏ ﺑﻮﻟﯘﺷﻰ ﻣﯘﻣﻜﯩﻦ، ﺋﯘ ﮬﻪﺭﮔﯩﺰ ﺋﺎﺭﺗﯘﻕ ﻛﻪﺗﻤﻪﻳﺪﯗ.

ﺋﻪﻣﺪﻯ ﮔﻪﭘﻨﻰ ﺧﯘﻻﺳﯩﻼﻳﺪﯨﻐﺎﻥ ﻳﻪﺭﮔﻪ ﻛﻪﻟﺪﻯ ﺑﻮﻟﻐﺎﻱ:

ﺳﯩﺰﺩﻩ ﺑﯩﺮ ﻳﯜﻩﻥ ﺑﺎﺭ، ﻣﻪﻧﺪﻩ ﺑﯩﺮ ﻳﯜﻩﻥ ﺑﺎﺭ، ﺑﺎﺯﺍﺭﺩﺍ 2 ﻳﯜﻩﻧﮕﻪ ﺗﺎﯞﯗﺯ ﺳﺎﺗﯩﺪﯗ، ﺳﯩﺰﻧﯩﯖﻤﯘ ﺗﺎﯞﯗﺯ ﻳﯩﮕﯜﯕﯩﺰ ﺑﺎﺭ، ﻣﯧﻨﯩﯖﻤﯘ ﺗﺎﯞﯗﺯ ﻳﯩﮕﯜﻡ ﺑﺎﺭ، ﺑﯩﺮﺍﻕ، ﺗﺎﯞﯗﺯﭼﻰ ﺗﺎﯞﯗﺯﻧﻰ ﭘﺎﺭﭼﯩﻼﭖ ﺳﺎﺗﻤﺎﻳﺪﯗ، ﺋﯘﻧﺪﺍﻗﺘﺎ، ﺋﯩﻜﻜﯩﻤﯩﺰ ﺗﺎﯞﯗﺯ ﻳﯩﻴﯩﺶ ﻣﻪﻗﺴﯩﺘﯩﻤﯩﺰﮔﻪ ﻳﯧﺘﯩﺶ ﺋﯜﭼﯜﻥ ﭼﻮﻗﯘﻡ ﺑﯩﺮﻟﯩﺸﯩﺸﯩﻤﯩﺰ ﻛﯧﺮﻩﻙ، ﭼﻮﻗﯘﻡ ﭘﺎﻱ ﻗﯧﺘﯩﭗ ﺗﺎﯞﯗﺯ ﺳﯧﺘﯩﯟﯦﻠﯩﭗ ﻳﯩﻴﯩﺸﯩﻤﯩﺰ ﻛﯧﺮﻩﻙ، ﺑﻮﻟﻤﯩﺴﺎ ﻣﻪﯕﮕﯜ ﺗﺎﯞﯗﺯ ﻳﯧﻴﯩﺶ ﻣﻪﻗﺴﯩﺘﯩﻤﯩﺰﮔﻪ ﻳﯩﺘﻪﻟﻤﻪﻳﻤﯩﺰ.
ﺟﻪﻣﺌﯩﻴﻪﺗﺘﯩﻜﻰ ﭼﻮﯓ ﻗﯘﺭﯗﻟﯘﺵ، ﭼﻮﯓ ﺋﯩﺸﻠﻪﭘﭽﯩﻘﯩﺮﯨﺸﻘﺎ ﻛﯧﺘﯩﺪﯨﻐﺎﻥ ﭘﯘﻝ ﻧﯘﺭﻏﯘﻥ ﺑﻮﻟﯘﭖ، ﺑﻪﺯﯨﻠﯩﺮﯨﮕﻪ ﻧﻪﭼﭽﻪ ﻳﯜﺯ ﻣﯩﻠﻴﻮﻥ، ﺑﻪﺯﯨﻠﯩﺮﯨﮕﻪ ﮬﻪﺗﺘﺎ ﻧﻪﭼﭽﻪ ﻣﯩﻠﻴﺎﺭﺩ ﻳﯜﻩﻥ ﭘﯘﻝ ﻛﯧﺘﯩﺪﯗ، ﺑﯘﻧﭽﻪ ﻛﯚﭖ ﭘﯘﻟﻨﻰ ﻳﺎﻟﻐﯘﺯ ﺷﯩﺮﻛﻪﺕ ﭼﯩﻘﯩﺮﯨﭗ ﺑﻮﻻﻟﻤﺎﻳﺪﯗ، \"ﮬﯚﻛﯜﻣﻪﺕ ﭼﯩﻘﯩﺮﺍﻻﻳﺪﯗ\" ﺩﯦﮕﻪﻧﻠﻪﺭﻧﯩﯔ ﺋﺎﻏﺰﯨﻐﺎ ﻣﺎﺯ ﻗﺎﭘﻼﭖ ﻗﻮﻳﯘﺵ ﻛﯧﺮﻩﻙ، ﮬﯚﻛﯜﻣﻪﺕ ﭼﯩﻘﯩﺮﯨﺪﯨﻐﺎﻥ ﭘﯘﻝ ﻧﻪﺩﯨﻦ ﻛﯧﻠﯩﺪﯗ؟ ﺋﻪﺟﯩﺒﺎ ﺯﺍﯞﯗﺗﺘﯩﻦ ﭘﯘﻝ ﺑﯧﺴﯩﯟﺍﻟﺴﯩﻼ ﺑﻮﻻﻣﺪﯗ؟ .... ﺋﻪﻣﻪﻟﯩﻴﻪﺗﺘﻪ ﭘﺎﺭﺗﯩﻴﻪ- ﮬﯚﻛﯜﻣﻪﺕ ﭼﯩﻘﺎﺭﻏﺎﻥ ﭘﯘﻟﻨﯩﯖﻤﯘ ﺳﺎﻧﻰ ﺑﺎﺭ، ﺋﯘﻧﻰ ﺯﺍﯞﯗﺗﺘﺎ ﻛﯚﭘﻪﻳﺘﯩﭗ ﺑﯧﺴﯩﯟﺍﻟﻐﯩﻠﻰ ﺑﻮﻟﻤﺎﻳﺪﯗ، ﺷﯘﯕﺎ، ﺳﻪﻧﺸﻴﺎ ﻗﯘﺭﯗﻟﯘﺷﻰ، ﺋﺎﻳﻐﺎ ﭼﯩﻘﯩﺶ، ﺋﺎﺗﻮﻡ ﺑﻮﻣﺒﯩﺴﻰ ﺗﻪﺗﻘﯩﻘﺎﺗﻰ..... ﺩﯦﮕﻪﻧﺪﻩﻙ ﭼﻮﯓ ﻗﯘﺭﯗﻟﯘﺷﻼﺭﻏﺎ ﻣﻪﻟﯘﻡ ﺑﯩﺮ ﺷﯩﺮﻛﻪﺕ ﻳﺎﻛﻰ ﺋﻮﺭﯗﻧﻨﯩﯔ ﭘﯘﻟﻰ ﻳﯧﺘﯩﺸﻤﻪﻳﺪﯗ، ﺑﯘﻧﯩﯖﻐﺎ ﭘﯘﻗﺮﺍﻻﺭﺩﯨﻦ ﭘﯘﻝ ﻗﻪﺭﺯ ﺋﯧﻠﯩﺶ ﻛﯧﺮﻩﻙ، ﻣﺎﻧﺎ ﺑﯘ ﻗﻪﺭﺯ \"ﺯﺍﻳﻮﻡ\"، ﻳﻪﻧﻰ ﺩﯙﻟﻪﺕ ﻗﻪﺭﺯﻯ ﺩﻩﭖ ﺋﺎﺗﯩﻠﯩﺪﯗ، ﺩﯙﻟﻪﺕ ﺋﯚﺯ ﭘﯘﻗﺮﺍﻟﯩﺮﯨﺪﯨﻦ ﻗﻪﺭﺯ ﺋﯧﻠﯩﭗ ﺋﺎﺷﯘﻧﺪﺍﻕ ﭼﻮﯓ ﺋﯩﺸﻼﺭﻧﻰ ﻗﯩﻠﯩﺪﯗ، ﺋﺎﺧﯩﺮﯨﺪﺍ ﻗﯘﺭﯗﻟﯘﺷﻼﺭﻧﯩﯔ ﭘﺎﻳﺪﯨﺴﯩﺪﯨﻦ ﮬﻪﻣﻤﻪﻳﻠﻪﻥ ﺗﻪﯓ ﺑﻪﮬﺮﯨﻤﺎﻥ ﺑﻮﻟﯩﻤﯩﺰ.

ﺷﯩﺮﻛﻪﺗﻠﻪﺭ ﭼﻮﯓ ﺋﯩﺶ ﻗﯩﻠﯩﺶ ﺋﯜﭼﯜﻥ ﭘﯘﻟﻰ ﺑﻮﻟﻤﯩﺴﺎ ﭘﺎﻱ ﭼﻪﻙ ﺗﺎﺭﻗﯩﺘﯩﺪﯗ، ﻣﺎﻧﺎ ﺑﯘ ﺧﯩﻞ ﭘﺎﺋﺎﻟﯩﻴﻪﺗﻠﻪﺭ ﻧﻪﭼﭽﻪ ﻳﯩﻞ ﯞﻩ ﻧﻪﭼﭽﻪ ﺋﻮﻥ ﻳﯩﻞ ﺩﺍﯞﺍﻣﻼﺷﻘﺎﭼﻘﺎ، ﺑﯘ ﻛﻪﺳﯩﭙﻜﻪ ﺑﻪﺯﯨﻠﻪﺭ ﭼﯜﺷﯩﻨﯩﭗ ﻛﯩﺮﺳﻪ ﺑﻪﺯﯨﻠﻪﺭ ﻗﺎﺭﯨﺴﯩﻐﯩﻼ ﻛﯩﺮﯨﺪﯗ، ﺑﻪﺯﯨﻠﻪﺭ ﺗﻪﮬﻠﯩﻞ ﻗﯩﻠﯩﭗ ﭘﺎﻱ ﭼﻪﻙ ﺋﻮﻳﻨﯩﺴﺎ، ﺑﻪﺯﯨﻠﻪﺭ ﻗﯩﻠﭽﻪ ﺗﻪﮬﻠﯩﻠﺴﯩﺰ، ﻗﺎﺭﯨﺴﯩﻐﯩﻼ ﭘﺎﻱ ﺋﻮﻳﻨﺎﻳﺪﯗ، ﻣﻪﺳﭽﯩﺘﺘﯩﻜﻰ ﻗﺎﺭﯨﻢ ﻳﺎﻛﻰ ﺋﯩﻤﺎﻣﻼﺭ ﻛﻪﻳﮕﻪﻥ ﻛﺎﻻﭼﻨﻰ ﻳﺎﺳﯩﻐﺎﻧﻼﺭ ﺋﯘﻧﻰ ﺑﯩﻜﺎﺭﻏﺎ ﺑﻪﺭﻣﻪﻳﺪﯗ، ﻣﻪﺳﭽﯩﺘﻜﻪ ﺳﺎﻟﻐﺎﻥ ﮔﯩﻠﻪﻣﻠﻪﺭﻧﻰ ﺋﯩﺸﻠﻪﻣﭽﯩﻠﻪﺭ ﺑﯩﻜﺎﺭﻏﺎ ﺗﻮﻗﯩﻤﺎﻳﺪﯗ، ﺋﻪﮔﻪﺭ ﺑﯩﻜﺎﺭﻏﺎ ﺗﻮﻗﯩﻐﺎﻥ ﺑﻮﻟﺴﺎ، ﺗﻮﻗﯘﺷﻘﺎ ﻛﻪﺗﻜﻪﻥ ﻳﯩﭙﻨﻰ ﺑﯩﻜﺎﺭﻏﺎ ﺑﻪﺭﻣﻪﻳﺪﯗ، ﺋﻪﮔﻪﺭ ﻳﯩﭙﻨﻰ ﺑﯩﻜﺎﺭﻏﺎ ﺑﻪﺭﮔﻪﻥ ﺑﻮﻟﺴﺎ، ﭘﺎﺧﺘﺎ ﺗﻪﺭﮔﻪﻥ ﺩﯦﮭﻘﺎﻧﻼﺭ ﺑﻮﻟﺴﯩﻤﯘ ﺋﯚﺯ ﺋﯩﺶ ﮬﻪﻗﻘﯩﮕﻪ ﺋﯧﺮﯨﺸﯩﺶ ﻛﯧﺮﻩﻙ، ﺩﯦﻤﻪﻙ، ﺋﯧﺘﯩﻘﺎﺩﻧﻰ ﺩﺍﯞﺍﻣﻼﺷﺘﯘﺭﯗﺵ، ﻗﯩﺴﻘﯩﺴﻰ، ﮬﺎﻳﺎﺗﻠﯩﻖ ﺋﯜﭼﯜﻥ ﺋﯩﻘﺘﯩﺴﺎﺩ ﻛﯧﺮﻩﻙ، ﺋﯩﻘﺘﯩﺴﺎﺩ ﺋﯜﭼﯜﻥ ﺋﻪﻣﮕﻪﻙ ﻛﯧﺮﻩﻙ، ﺋﻪﻣﮕﻪﻛﻨﯩﯔ ﺭﺍﯞﺍﺟﻠﯩﻨﯩﺸﻰ ﺋﯜﭼﯜﻥ ﭼﻮﻗﯘﻡ ﻛﯩﺸﯩﻠﻪﺭﻧﻰ ﺋﻪﻣﮕﻪﻙ ﻗﯩﻠﯩﺸﻘﺎ ﺋﯜﻧﺪﻩﻳﺪﯨﻐﺎﻥ، ﻛﯩﺸﯩﻠﻪﺭﻧﻰ ﺑﺎﻳﻠﯩﻘﻘﺎ ﻗﯩﺰﯨﻘﺘﯘﺭﯨﺪﯨﻐﺎﻥ ﮬﻪﺭﺧﯩﻞ ﺗﺎﻛﺘﯩﻜﯩﻼﺭ ﺑﻮﻟﯘﺷﻰ ﻛﯧﺮﻩﻙ، ﺋﯩﺸﻘﯩﻠﯩﭗ، ﺋﯩﺠﺘﯩﻤﺎﺋﯩﻴﻪﺗﻨﻰ ﻗﺎﻧﺪﺍﻕ ﺑﺎﻳﺎﻥ ﻗﯩﻠﺴﺎ ﺷﯘﻧﺪﺍﻗﺘﻪﻙ ﺗﯘﻳﯘﻟﯩﺪﯗ، ﻗﺎﻧﭽﻪ ﺑﺎﻳﺎﻥ ﻗﯩﻠﺴﯩﻤﯘ ﺗﯜﮔﯩﻤﻪﻳﺪﯗ، ﻗﺎﻟﻐﯩﻨﯩﻨﻰ ﺑﺎﺷﻘﯩﻼﺭ ﺩﺍﯞﺍﻣﻼﺷﺘﯘﺭﻏﺎﻱ.

Aqnur يوللانغان ۋاقتى 2007-8-29 20:24:27

ﺋﻮﻳﻠﯩﻐﺎﻧﻨﻰ  ﻗﺎﻧﺪﺍﻕ  ﻳﯩﺰﯨﭗ  ﺋﯩﭙﺎﺩﯨﻠﻪﺷﻨﯩﯔ  ﺋﯚﺯﯨﻤﯘ  ﺑﯩﺮ  ﮬﯘﻧﻪﺭﻛﻪﻥ  ﺟﯘﻣﺎ  ﺧﯘﺩﺍﻳﺎ  ﺗﻮﯞﻩ  ﻗﺎﻳﯩﻞ  ﺑﻮﻟﺪﯗﻡ  ﺟﯘﻣﯘ....   ﻧﺎﮬﺎﻳﯩﺘﻰ  ﻳﺎﺧﺸﻰ  ﺗﻪﮬﻠﯩﻞ  ﺑﻮﭘﺘﯘ   ﺑﯩﺰﻧﯩﯔ  ﻧﻪﭼﭽﻪ  ﻣﯩﻠﻴﯘﻧﻨﻰ  ﺑﯩﺴﯩﭗ  ﻳﺎﺗﯩﺪﯨﻐﺎﻥ  ﮬﺎﺟﯩﻤﻠﯩﺮﯨﻤﯩﺰﻣﯘ  ﮬﺎﺭﺍﻡ  ﺩﻩﭖ  ﺋﻮﻟﺘﺎﻣﺎﻱ  ﻣﯘﺷﯘﻧﺪﺍﻕ ﺑﺎﺯﺍﺭﻏﺎ  ﭼﯘﺷﯘﭖ ﺑﯩﻘﯩﭗ ﺋﺎﻟﻐﺎﻥ  ﭘﺎﻳﺪﯨﯩﺴﯩﻨﯩﯔ ﻣﻪﻟﯘﻡ  ﻧﯩﺴﺒﯩﺘﯩﻨﻰ ﺳﺎﺧﺎﯞﺍﺗﻠﯩﻚ ﺋﯩﺸﻼﺭﻏﺎ  ﺋﯩﺸﻠﻪﺗﺴﻪ ﺋﯘﻧﯩﯔ ﺳﺎﯞﺍﺑﻰ  ﺋﻪﺳﻠﯩﺪﯨﻜﻰ ﺋﯚﺯﯨﻨﯩﯔ ﺑﺎﻳﻠﯩﻘﯩﻨﻰ ﺳﻪﺭﯨﭗ  ﻗﯩﻠﯩﭗ ﺳﺎﺧﺎﯞﺍﺗﻠﯩﻚ ﺋﯩﺶ  ﻗﯩﻠﻐﺎﻧﺪﯨﻦ  ﺟﯩﻘﺮﺍﻕ  ﺑﻮﻻ ﺩﻩﭖ ﺋﻮﻳﻼﻳﻤﻪﻥ.....   ﻳﻪﻧﻪ  ﺑﯩﺮ  ﺋﯩﺶ  \"ﺋﯚﺳﯘﻡ\" ﻧﻰ  ﮬﺎﺭﺍﻡ ﺩﯨﻴﯩﺶ ﻗﯘﺭﺋﺎﻧﺪﺍ  ﺑﺎﻳﺎﻥ  ﻗﯩﻠﯩﻨﻐﺎﻧﻤﯘ   ﻳﺎﻛﻰ ﮬﻪﺩﯨﺴﺘﯩﻤﯘ  ..  ﺋﻪﮔﻪﺭ  ﮬﻪﺩﯨﺴﺘﻪ  ﺑﺎﻳﺎﻥ  ﻗﯩﻠﯩﻨﻐﺎﻥ ﺑﻮﻟﺴﺎ  ﮬﻪﺩﯨﺲ  ﻳﯩﺰﯨﻠﻐﺎﻥ  ﺯﺍﻣﺎﻧﺪﯨﻜﻰ ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﻩﺗﻠﻪﺭ  ﺑﯩﻠﻪﻥ  ﮬﺎﺯﯨﺮﻗﻰ ﺯﺍﻣﺎﻧﺪﯨﻜﻰ ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﻩﺗﻠﻪﺭ  ﺧﯩﻠﯩﻼ ﭘﻪﺭﯨﻖ ﻗﯩﻠﯩﻨﯩﺪﯗ  ﺯﺍﺩﻯ ﻣﯘﺷﯘ  ﺗﯩﻤﯩﺪﺍ  ﺑﯩﺮ  ﺗﻮﺧﺘﯩﻠﯩﺪﯨﻐﺎﻥ ﻳﻪﺭﮔﻪ ﻛﻪﻟﺪﻯ   ﭘﺎﻱ  ﭼﯩﻜﻰ ﺋﻮﻳﻨﺎﺵ  ، ﭘﯩﺮﯞﻭﺕ  ﺳﻮﺩﯨﺴﻰ ، ﻓﻮﻧﺪﻯ ﺋﯩﻠﯩﺶ  ﮬﺎﻻﻟﻤﯘ  ﮬﺎﺭﺍﻣﻤﯘ .....؟؟؟  ﭼﯘﻧﻜﻰ ﺑﯘ ﺗﻮﻏﺮﯨﻠﯩﻖ ﺗﻮﻏﺮﺍ  ﺑﯩﺮ  ﮬﯚﻛﯘﻡ  ﭼﯩﻘﯩﺮﯨﻠﺴﺎ  ﺑﯘ  ﺳﻮﺩﯨﻨﻰ ﻗﯩﻼﻳﻤﯘ ﻗﯩﻠﻤﺎﻳﻤﯘ ؟ ﻗﯩﻠﺴﺎﻡ ﺗﺎﭘﻘﺎﻥ ﭘﯘﻝ ﮬﺎﻻﻟﻤﯘ ﮬﺎﺭﺍﻣﻤﯘ ﺩﻩﭖ ﺋﯩﻜﻜﯩﻠﯩﻨﯩﭗ ﺗﯘﺭﻏﺎﻥ ﻧﯘﺭﻏﯘﻥ  ﺋﺎﺩﻩﻣﮕﻪ ﻗﺎﻧﺎﺋﻪﺗﻠﯩﻨﻪﺭﻟﯩﻚ ﺟﺎﯞﺍﺏ ﭼﯩﻘﺎﺭ  ﺋﯩﺪﻯ.

mamtak يوللانغان ۋاقتى 2007-8-29 20:31:38

ﺑﯩﺨﻼﻥ ﻳﺎﺭﺍﻳﺪﯗ...

Toghrak731 يوللانغان ۋاقتى 2007-8-29 21:09:03

ﺑﯘ ﺳﺎﮬﻪﺩﻩ ﺗﻮﻟﯘﻗﺴﯩﺰﻧﻰ ﭘﯘﺗﺘﯘﺭﺩﯗﻡ

qutyar يوللانغان ۋاقتى 2007-8-29 22:18:21

ﺑﯩﺨﻼﻧﻨﯩﯔ ﺩﯨﮕﻪﻧﻠﯩﺮﯨﺪﯨﻦ ﺑﯘﮬﺎﺭﺍﻡ ﺋﻪﻣﻪﺱ ﺩﯨﮕﻪﻥ ﻣﻪﻧﻪ ﭼﯩﻘﯩﺪﯗ .ﻗﯧﻨﻰ ﺑﺎﺷﻘﯩﻼﺭ ﻳﻪﻧﻪ ﻧﯩﻤﻪ ﺩﻩﻳﺪﯨﻜﯩﻦ ..........................

Comeon يوللانغان ۋاقتى 2007-8-29 23:54:27

ﻛﯚﺯﯛﻣﮕﻪ ﻳﺎﺵ ﻛﻪﻟﺪﻯ ﺟﯘﻣﯘ!
ﺑﯩﺨﻼﻥ!ﺳﯩﺰ ﻧﯧﻤﻪ ﺋﯜﭼﯜﻥ ﺑﯘ ﺗﯧﻤﯩﻨﻰ ﻳﻮﻟﻠﯩﺪﯨﯖﯩﺰ؟ﺋﯚﺯﯨﯖﯩﺰﮔﻪ ﺋﺎﻳﺎﻥ،ﺋﯩﺰﺩﯨﻨﯩﺸﺘﯩﻜﻰ ﻣﻪﻧﺪﻩﻙ ﮬﻪﯞﻩﺳﻜﺎﺭﺩﯨﻦ ﻧﯘﺭﻏﯩﻨﻰ ﺳﯩﺰﻧﯩﯔ ﻣﯘﺷﯘﻧﺪﺍﻕ ﭼﯜﺷﯩﻨﯩﺸﻠﯩﻚ ﻣﺎﻗﺎﻟﯩﯖﯩﺰﮔﻪ ﻣﻮﮬﺘﺎﺝ!
ﺋﯩﺸﻠﯩﺮﯨﯖﯩﺰﻏﺎ ﺋﯘﺗﯘﻕ،ﺗﯧﻨﯩﯖﯩﺰﮔﻪ ﺳﺎﻻﻣﻪﺗﻠﯩﻚ ﺗﯩﻠﻪﻳﻤﻪﻥ!

koklam29 يوللانغان ۋاقتى 2007-8-30 19:06:49

ﺑﯘﻻﺭﻧﯩﯔ ﺑﯩﺮ ﻗﻪﺩﻩﺭ ﭼﯘﺷﻪﻧﺪﯨﻢ ! ﺋﻪﻣﺪﯨﻜﻰ ﮔﻪﭖ ، ﻓﯘﻧﺪ ﺳﯩﺘﯩﯟﯨﻠﯩﺶ ﺋﯘﭼﯘﻥ ﺑﯩﺸﯩﺪﯨﻦ ﺗﺎﺭﺗﯩﭗ ﺳﯚﺯﻟﻪﻳﺪﯨﻐﺎﻧﻼﺭ ﺑﺎﺭﻣﯘ؟  ﺋﻪﯓ ﺩﻩﺳﻠﻪﭖ ﺑﯘ ﺑﺎﺯﺍﺭﻏﺎ ﻗﺎﻧﺪﺍﻕ ﻛﯩﺮﯨﻤﯩﺰ؟  ﻗﻪﻳﻪﺭﺩﻯ ﻗﺎﻧﺪﺍﻕ ﮬﯩﺴﺎﭖ ﺋﺎﭼﯩﻤﯩﺰ  ﺩﯨﮕﻪﻧﺪﻩﻙ!

juxkun يوللانغان ۋاقتى 2007-9-1 14:49:08

ﻣﻪﻧﻤﯘ ﻣﯘ ﺷﯘ ﺳﺎﮬﻪﮔﻪ ﺑﻪﻙ ﻗﯩﺰﯨﻘﯩﭗ ﻗﺎﻟﺪﯨﻢ . ﺑﯩﺰ ﺑﯩﺮ QQ ﺗﻮ ﭘﻰ ﻗﯘﺭﺳﺎﻕ ﺑﻮﻻﺗﺘﻰ . ﻣﻪﺧﺴﯘﺱ ﻣﯘﺷﯘ ﺳﺎﮬﻪ ﺗﻮﻏﺮﯨﺴﯩﺪﺍ ﻣﯘﻧﺎﺯﯨﺮﻩ ﺋﯧﻠﯩﭗ ﺑﺎﺭﺩﯨﻐﺎﻥ.

doka يوللانغان ۋاقتى 2007-9-1 23:21:22

ﺑﯩﺨﻼﻥ ﮬﻪﻗﯩﻘﻪﺗﻪﻥ ﻳﺎﺭﺍﻳﺪﯗ.
بەت: [1] 2
: ﭘﺎﻱ ﭼﻪﻙ ﺑﯩﻠﻪﻥ ﻓﻮﻧﺪﯨﻨﯩﯔ ﭘﻪﺭﻗﻰ