ﺋﯘﻳﻐﯘﺭﻻﺭﻧﯩﯔ ﻧﺎﻥ ﻣﻪﺩﻩﻧﯩﻴﯩﺘﻰ
ﺋﯘﻳﻐﯘﺭﻻﺭﻧﯩﯔ ﻧﺎﻥ ﻫﻪﻗﻘﯩﺪﯨﻜﻰ ﭼﯜﺷﻪﻧﭽﯩﺴﻰ ﺑﺎﺷﻘﺎ ﻫﺎﺭﻗﺎﻧﺪﺍﻕ ﺷﻪﻳﺌﯩﻲ، ﻫﺎﺩﯨﺴﻪ ﻫﻪﻗﻘﯩﺪﯨﻜﻰ ﭼﯜﺷﻪﻧﭽﯩﺴﯩﮕﻪ ﻗﺎﺭﯨﻐﺎﻧﺪﺍ ﺋﯩﻨﺘﺎﻳﯩﻦ ﭼﻮﯕﻘﯘﺭ ﻫﻪﻡ ﻣﯘﻛﻪﻣﻤﻪﻝ. ﭼﯜﻧﻜﻰ ﺋﯘﻳﻐﯘﺭﻻﺭﻧﯩﯔ ﻛﯜﻧﺪﯨﻠﯩﻚ ﺗﯘﺭﻣﯘﺷﻰ، ﺋﯩﺸﻠﻪﭘﭽﯩﻘﯩﺮﺵ ﭘﺎﺋﺎﻟﯩﻴﯩﺘﻰ، ﺋﯩﺠﺘﯩﻤﺎﺋﯩﻲ ﻣﯘﻧﺎﺳﯩﯟﯦﺘﻰ، ﺋﯚﺭﭖ- ﺋﺎﺩﯨﺘﻰ، ﻣﻪﺩﻩﻧﯩﻴﻪﺕ ﺳﯩﺴﺘﯧﻤﯩﺴﻰ، ﺋﯩﺪﯨﻴﯩﯟﻯ ﺋﯧﺘﯩﻘﺎﺩﻯ، ﻗﯩﺴﻘﯩﺴﻰ ﭘﯜﺗﻜﯜﻝ ﻣﻪﯞﺟﯘﺗﻠﯘﻕ ﺷﻪﻛﻠﻰ ﻧﺎﻥ ﺑﯩﻠﻪﻥ ﭼﻪﻣﺒﻪﺭﭼﻪﺱ ﺑﺎﻏﻼﻧﻐﺎﻥ، ﺋﯘﻳﻐﯘﺭﻻﺭﻧﯩﯔ ﺋﯚﺯﻟﯩﺮﯨﻨﯩﯔ ﺗﯘﺭﻣﯘﺵ ﺷﺎﺭﺍﺋﯩﺘﯩﻨﻰ ﻳﺎﺧﺸﯩﻼﺵ ﻳﻮﻟﯩﺪﺍ ﺋﯜﺯﻟﯜﻛﺴﯩﺰ ﺋﯩﺰﺩﯨﻨﯩﭗ، ﺋﯚﺯﯨﮕﻪ ﺧﺎﺱ ﺑﯩﺮ ﻳﯜﺭﯛﺵ ﺋﻪﻧﺌﻪﻧﯩﯟﻯ ﺋﯩﺸﻠﻪﭘﭽﯩﻘﯩﺮﯨﺶ ﺋﯘﺳﯘﻟﻰ، ﯞﺍﺳﺘﯩﻠﯩﺮﻯ ﯞﻩ ﺷﯘﻧﯩﯖﻐﺎ ﺋﻮﺧﺸﺎﺵ ﻣﯘﻧﺎﺳﯩﭗ ﻳﯧﻤﻪﻙ- ﺋﯧﭽﻤﻪﻙ، ﻛﯩﻴﯩﻢ- ﻛﯧﭽﻪﻙ، ﺗﯘﺭﺍﻟﻐﯘ ﺟﺎﻱ، ﻫﯜﻧﻪﺭ- ﺳﻪﻧﺌﻪﺕ، ﺗﯘﺭﻣﯘﺵ ﻣﻪﺩﻩﻧﯩﻴﯩﺘﯩﻨﻰ ﺑﻪﺭﭘﺎ ﻗﯩﻠﻐﺎﻥ.ﺋﯘﻳﻐﯘﺭﻻﺭﻧﯩﯔ ﭘﯜﺗﻜﯜﻝ ﺗﯘﺭﻣﯘﺷﻰ ﯞﻩ ﺋﯩﺪﯨﻴﯩﯟﻯ ﺋﯧﺘﯩﻘﺎﺩﻯ ﻧﺎﻥ ﺑﯩﻠﻪﻥ ﺯﯨﭻ ﻣﯘﻧﺎﺳﯩﯟﻩﺗﻠﯩﻚ، ﺋﯘﻳﻐﯘﺭﻻﺭ ﺋﺎﺩﻩﺗﺘﯩﻜﻰ ﻧﻮﺭﻣﺎﻝ ﻛﯜﻧﺪﯨﻠﯩﻚ ﺗﯘﺭﻣﯘﺵ ﺷﺎﺭﺍﺋﯩﺘﯩﺪﯨﻤﯘ، ﺗﻮﻱ- ﺗﯚﻛﯜﻥ، ﺋﯚﻟﯜﻡ- ﻳﯧﺘﯩﻢ ﺋﯩﺸﻠﯩﺮﯨﺪﯨﻤﯘ، ﻣﯧﻬﻤﺎﻧﺪﺍﺭﭼﯩﻠﯩﻘﺘﯩﻤﯘ، ﺳﻪﭘﻪﺭ، ﻳﻮﻝ ﻳﯜﺭﯛﺷﻠﻪﺭﺩﯨﻤﯘ ﻧﺎﻧﺪﯨﻦ ﺋﺎﻳﺮﯨﻼﻟﻤﺎﻳﺪﯗ. ﻧﺎﻥ ﺋﯘﻳﻐﯘﺭﻻﺭﻧﯩﯔ ﻛﯜﻧﺪﯨﻠﯩﻚ ﺗﯘﺭﻣﯘﺷﯩﻨﯩﯔ ﺋﻪﯓ ﺋﺎﺳﺎﺳﻠﯩﻖ ﮔﻪﯞﺩﯨﺴﯩﮕﻪ ﺋﺎﻳﻠﯩﻨﯩﭗ ﻛﻪﺗﻜﻪﻥ.
ﻧﺎﻥ ﺗﻮﻧﯘﺭﺩﺍ ﺑﯩﯟﺍﺳﺘﻪ ﺋﻮﺗﻘﺎ ﻗﺎﻗﻼﭖ ﭘﯩﺸﯘﺭﯨﻠﯩﺪﯨﻐﺎﻥ ﺋﺎﻻﻫﯩﺪﻩ ﻣﻪﻫﺴﯘﻻﺕ ﺑﻮﻟﯘﭖ، ﺋﯘ ﺋﻪﺟﺪﺍﺗﻠﯩﺮﯨﻤﯩﺰﻧﯩﯔ ﭼﺎﺭﯞﯨﭽﯩﻠﯩﻖ ﺋﯩﺸﻠﻪﭘﭽﯩﻘﯩﺮﯨﺸﯩﺪﯨﻦ ﺩﯦﻬﻘﺎﻧﭽﯩﻠﯩﻖ ﺋﯩﺸﻠﻪﭘﭽﯩﻘﯩﺮﯨﺸﯩﻐﺎ ﺋﻮﯕﯘﺷﻠﯘﻕ ﺋﯚﺗﻜﻪﻧﻠﯩﻜﻰ ﯞﻩ ﺩﯦﻬﻘﺎﻧﭽﯩﻠﯩﻖ ﻣﻪﻫﺴﯘﻻﺗﻠﯩﺮﯨﻨﻰ ﻛﻪﯓ ﻛﯚﻟﻪﻣﺪﻩ ﭘﯩﺸﺸﯩﻘﻼﭖ ﺋﯩﺸﻠﻪﺵ ﺗﯧﺨﻨﯩﻜﯩﺴﻰ ﺋﯩﮕﯩﻠﻠﯩﮕﻪﻧﻠﯩﻜﯩﻨﯩﯔ ﻣﻪﻫﺴﯘﻟﻰ.
ﻧﺎﻥ ﺗﻮﻧﯘﺭ ﻣﻪﺩﻩﻧﯩﻴﯩﺘﻰ ﺑﯩﻠﻪﻥ ﺑﯩﯟﺍﺳﺘﻪ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯘﭖ، ﺗﻮﻧﯘﺭ ﺋﯘﻳﻐﯘﺭﻻﺭ ﺗﻮﭘﻠﯩﺸﯩﭗ ﺋﻮﻟﺘﯘﺭﺍﻗﻼﺷﻘﺎﻥ ﺋﻮﺗﺘﯘﺭﺍ ﺋﺎﺳﯩﻴﺎ ﺭﺍﻳﻮﻧﯩﻐﺎ ﻛﻪﯓ ﺗﺎﺭﻗﺎﻟﻐﺎﻥ. ﻗﯘﻣﯘﻝ، ﺗﯘﺭﭘﺎﻥ، ﭼﻪﺭﭼﻪﻥ، ﻧﯩﻴﺎ، ﺳﺎﻣﭙﯘﻝ ﻗﻪﺩﯨﻤﻜﻰ ﻗﻪﺑﺮﯨﺴﺘﺎﻧﻠﯩﻘﻠﯩﺮﯨﺪﯨﻦ ﺑﯘﻧﯩﯖﺪﯨﻦ 3000 ﻳﯩﻞ ﺑﯘﺭﯗﻧﻘﻰ ﺩﻩﯞﺭﻟﻪﺭﮔﻪ ﺗﻪﯞﻩ ﻧﺎﻥ ﭘﺎﺭﭼﯩﻠﯩﺮﻯ ﺗﯧﭙﯩﻠﻐﺎﻧﻠﯩﻘﻰ ﺗﯩﻠﻐﺎ ﺋﯧﻠﯩﻨﻐﺎﻥ. ﻳﻪﻧﻪ ﻧﯩﻴﺎ ﻗﻪﺩﯨﻤﻜﻰ ﺧﺎﺭﺍﺑﯩﺴﻰ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻦ ﺑﯘﻧﯩﯖﺪﯨﻦ ﺗﻪﺧﻤﯩﻨﻪﻥ 3000 ﻳﯩﻞ ﺑﯘﺭﯗﻧﻘﻰ ﺩﻩﯞﺭﻟﻪﺭﮔﻪ ﻣﻪﻧﺴﯜﭖ ﻧﺎﻥ ﭘﺎﺭﭼﯩﻠﯩﺮﯨﻨﯩﯔ ﺗﯧﭙﯩﻠﻐﺎﻧﻠﯩﻘﯩﻤﯘ ﺋﯘﻳﻐﯘﺭﻻﺭﻧﯩﯔ ﻧﺎﻥ ﻣﻪﺩﻩﻧﯩﻴﯩﺘﯩﻨﯩﯔ ﻧﺎﻫﺎﻳﯩﺘﻰ ﺋﯘﺯﯗﻥ ﺗﺎﺭﯨﺨﻘﺎ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ﺋﯩﺴﭙﺎﺗﻼﻳﺪﯗ. ﺩﯦﻤﻪﻙ ﺋﺎﺭﺧﯩﺌﻮﻟﻮﮔﯩﻴﯩﻠﯩﻚ ﻗﯧﺰﯨﻠﻤﺎ ﻣﺎﺗﯧﺮﻳﺎﻟﻼﺭﻏﺎ ﺋﺎﺳﺎﺳﻼﻧﻐﺎﻧﺪﯨﻤﯘ ﺋﯘﻳﻐﯘﺭﻻﺭﻧﯩﯔ ﻗﻪﺩﯨﻤﻜﻰ ﻧﺎﻥ ﻣﻪﺩﻩﻧﯩﻴﯩﺘﯩﻨﯩﯔ، ﻧﺎﻥ ﺗﯩﺠﺎﺭﯨﺘﯩﻨﯩﯔ ﻫﺎﺯﯨﺮﻗﻰ ﺗﻪﺭﻩﻗﻘﯩﻴﺎﺕ ﻧﯘﻗﺘﯩﺴﯩﺪﯨﻦ ﻗﺎﺭﯨﻐﺎﻧﺪﺍ ﻣﯩﻠﻠﯩﺘﯩﻤﯩﺰﻧﯩﯔ ﻧﺎﻫﺎﻳﯩﺘﻰ ﺑﯘﺭﯗﻧﻼ ﻧﺎﻥ ﺋﯩﺴﺘﯩﻤﺎﻝ ﻗﯩﻠﻐﺎﻧﻠﯩﻘﻰ، ﻧﺎﻥ ﻣﻪﺩﻩﻧﯩﻴﯩﺘﯩﻨﻰ ﺷﻪﻛﯩﻠﻠﻪﻧﺪﯛﺭﮔﻪﻧﻠﯩﻜﯩﻨﻰ ﻛﯚﺭﯛﯞﯦﻠﯩﺸﻘﺎ ﺑﻮﻟﯩﺪﯗ.
ﺑﯩﺰﮔﻪ ﻣﻪﻟﯘﻡ، ﺋﯩﻨﺴﺎﻧﻼﺭ ﺋﻮﯞﭼﯩﻠﯩﻖ ﺑﯩﻠﻪﻥ ﺗﯘﺭﻣﯘﺵ ﻛﻪﭼﯜﺭﮔﻪﻥ ﻣﻪﺯﮔﯩﻠﻠﻪﺭﺩﻩ ﮔﯚﺷﻨﻰ ﺋﺎﺳﺎﺳﻠﯩﻖ ﻳﯧﻤﻪﻛﻠﯩﻚ ﻗﯩﻠﻐﺎﻥ. ﻫﻪﺗﺘﺎ ﺋﯩﻨﺴﺎﻧﻼﺭ ﺋﻮﺗﻨﻰ ﻛﻪﺷﭗ ﻗﯩﻠﯩﺸﺘﯩﻦ ﺑﯘﺭﯗﻥ ﮔﯚﺷﻨﻰ ﺧﺎﻡ ﺋﯩﺴﺘﯧﻤﺎﻝ ﻗﯩﻠﻐﺎﻥ. ﺋﻪﻣﻤﺎ ﮔﯚﺷﻨﻰ ﺳﺎﻗﻼﺵ، ﺋﯧﻠﯩﭗ ﻳﯜﺭﯛﺵ، ﻳﯩﻐﯩﭗ ﺋﯩﺴﺘﯧﻤﺎﻝ ﻗﯩﻠﯩﺸﻘﺎ ﻣﯜﻣﻜﯩﻦ ﺑﻮﻟﻤﯩﻐﺎﭼﻘﺎ ﺗﯘﺭﻣﯘﺷﻰ ﺑﻪﻛﻤﯘ ﺟﺎﭘﺎﺩﺍ ﺋﯚﺗﻜﻪﻥ. ﺋﯘﺯﺍﻕ ﺗﺎﺭﯨﺨﯩﻲ ﺗﻪﺭﻩﻗﻘﯩﻴﺎﺕ ﺟﻪﺭﻳﺎﻧﯩﺪﺍ ﺋﯩﻨﺴﺎﻧﻼﺭ ﺋﻮﯞﭼﯩﻠﯩﻖ ﺗﯘﺭﻣﯘﺷﯩﺪﯨﻦ ﺋﺎﺳﺘﺎ- ﺋﺎﺳﺘﺎ ﺩﯦﻬﻘﺎﻧﭽﯩﻠﯩﻖ ﺗﯘﺭﻣﯘﺷﯩﻐﺎ ﻗﻪﺩﻩﻡ ﻗﻮﻳﻐﺎﻧﺪﯨﻦ ﻛﯧﻴﯩﻦ، ﺋﯚﺯﻟﯩﺮﯨﻨﯩﯔ ﺗﯘﺭﻣﯘﺷﯩﺪﯨﻜﻰ ﺑﯘ ﺋﺎﺳﺎﺳﻠﯩﻖ ﻣﻪﺳﯩﻠﯩﻨﻰ ﺩﯦﻬﻘﺎﻧﭽﯩﻠﯩﻖ ﺋﯩﺸﻠﻪﭘﭽﯩﻘﯩﺮﯨﺸﯩﻨﯩﯔ ﺋﺎﻻﻫﯩﺪﯨﻠﯩﻜﻰ ﺋﺎﺭﻗﯩﻠﯩﻖ ﻫﻪﻝ ﻗﯩﻠﻐﺎﻥ. ﻳﻪﻧﻰ ﺩﯦﻬﻘﺎﻧﭽﯩﻠﯩﻖ ﺋﯩﺸﻠﻪﭘﭽﯩﻘﯩﺮﯨﺶ ﺟﻪﺭﻳﺎﻧﯩﺪﺍ ﺋﯩﺸﻠﻪﭘﭽﯩﻘﺎﺭﻏﺎﻥ ﺩﯦﻬﻘﺎﻧﭽﯩﻠﯩﻖ ﺩﺍﻧﻠﯩﺮﯨﻨﻰ ﭘﯩﺸﺸﯩﻘﻼﭖ ﺋﯩﺸﻠﻪﭖ، ﺋﯘﺯﯗﻥ ﻣﯘﺩﺩﻩﺕ ﺳﺎﻗﻼﺷﻘﺎ، ﺋﯧﻠﯩﭗ ﻳﯜﺭﯛﺷﻜﻪ ﺋﻪﭘﻠﯩﻚ ﻳﯧﻤﻪﻛﻠﯩﻚ ﻧﺎﻧﻨﻰ ﺋﯩﺠﺎﺩ ﻗﯩﻠﻐﺎﻥ. ﺋﯘﻳﻐﯘﺭﻻﺭ ﻧﺎﻧﻨﻰ ﺋﯩﺠﺎﺩ ﻗﯩﻠﻐﺎﻧﺪﯨﻦ ﻛﯧﻴﯩﻦ ﺋﯘﻧﻰ ﭼﺎﺭﯞﯨﭽﯩﻠﯩﻖ ﻣﻪﻫﺴﯘﻻﺗﻰ ﺑﻮﻟﻐﺎﻥ ﮔﯚﺵ، ﺳﯜﺕ، ﻣﺎﻱ ﻗﺎﺗﺎﺭﻟﯩﻘﻼﺭ ﺑﯩﻠﻪﻥ ﺑﯩﺮﻟﻪﺷﺘﯜﺭﯛﭖ ﺋﯩﺴﺘﯩﻤﺎﻝ ﻗﯩﻠﯩﭗ ﺋﯚﺯﻟﯩﺮﯨﻨﯩﯔ ﺗﯘﺭﻣﯘﺷﯩﻨﻰ ﺯﻭﺭ ﻣﺎﺩﺩﯨﻲ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﻐﺎﻥ.
ﻧﺎﯞﺍﻳﻠﯩﻖ ﺑﯜﮔﯜﻧﻜﻰ ﺩﻩﯞﺭﮔﻪ ﻛﻪﻟﮕﻪﻧﺪﻩ ﺋﯘﻳﻐﯘﺭﻻﺭﻧﯩﯔ ﺋﻪﯓ ﺋﺎﺳﺎﺳﻠﯩﻖ ﺗﯩﺠﺎﺭﻩﺕ ﻛﻪﺳﭙﯩﮕﻪ ﺋﺎﻳﻼﻧﺪﻯ. ﻫﺎﺯﯨﺮ ﺋﯘﻳﻐﯘﺭﻻﺭ ﺋﯩﭽﯩﺪﻩ ﻧﯘﺭﻏﯘﻥ ﻛﺎﺗﺘﺎ ﻧﺎﻥ ﺳﻮﺩﯨﮕﻪﺭﻟﯩﺮﻯ ﺑﺎﺭﻟﯩﻘﻘﺎ ﻛﻪﻟﺪﻯ. ﺋﯜﺭﯛﻣﭽﯩﺪﯨﻜﻰ ﺩﺍﯕﻠﯩﻖ "ﺩﻩﺭﻣﺎﻥ" ﻧﺎﻥ ﺳﻮﺩﯨﮕﯩﺮﻯ ﺋﺎﺑﻼﺟﺎﻥ ﺋﻪﻧﻪ ﺷﯘﻻﺭﻧﯩﯔ ﺑﯩﺮﻯ. "ﺩﻩﺭﻣﺎﻥ" ﻧﺎﻧﻠﯩﺮﻯ ﻫﺎﺯﯨﺮ ﺩﯙﻟﯩﺘﯩﻤﯩﺰﻧﯩﯔ ﺋﯧﭽﯩﺪﯨﻦ ﻫﺎﻟﻘﯩﭗ ﺷﻪﺭﻗﯩﻲ ﺟﻪﻧﯘﺑﯩﻲ ﺋﺎﺳﯩﻴﺎ ﺑﺎﺯﺍﺭﻟﯩﺮﯨﻐﺎ ﻛﯧﯖﻪﻳﺪﻯ. ﻫﺎﺯﯨﺮ ﻧﺎﻥ ﺧﺎﺱ ﺋﯘﻳﻐﯘﺭﻻﺭﻧﯩﯔ ﻳﯧﻤﻪﻛﻠﯩﻜﻰ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ، ﺑﺎﺷﻘﺎ ﻣﯩﻠﻠﻪﺕ، ﺑﺎﺷﻘﺎ ﺩﯙﻟﻪﺕ ﻛﯩﺸﯩﻠﯩﺮﯨﻨﯩﯖﻤﯘ ﻳﺎﻗﺘﯘﺭﯗﭖ ﺋﯩﺴﺘﯩﻤﺎﻝ ﻗﯩﻠﯩﺪﯨﻐﺎﻥ ﻳﯧﻤﻪﻛﻠﯩﻜﯩﮕﻪ ﺋﺎﻳﻼﻧﺪﻯ. ﻫﺎﺯﯨﺮ ﺋﯘﻳﻐﯘﺭ ﻧﺎﻧﻠﯩﺮﯨﻨﯩﯔ ﺑﯩﺮ ﻗﯩﺴﻤﻰ ﺗﻮﻧﯘﺭﺩﺍ ﺋﻪﻧﺌﻪﻧﯩﯟﻯ ﻫﯜﻧﻪﺭ- ﺳﻪﻧﺌﻪﺕ ﺗﯜﺭﻯ ﺑﻮﻳﯩﭽﻪ ﻗﺎﻗﻼﭖ ﭘﯩﺸﯘﺭﯗﻟﯘﺷﺘﯩﻦ ﺑﺎﺷﻘﺎ، ﻧﯘﺭﻏﯘﻥ ﻧﺎﻥ ﺗﯜﺭﻟﯩﺮﻯ ﺯﺍﻣﺎﻧﯩﯟﻯ ﻧﺎﻥ ﭘﯩﺸﯘﺭﯗﺵ ﺋﯜﺳﻜﯩﻨﯩﻠﯩﺮﯨﺪﻩ ﭘﯩﺸﯘﺭﯨﻠﯩﯟﺍﺗﯩﺪﯗ. ﺑﯘ ﺧﯩﻞ ﻧﺎﻧﻨﯩﯔ ﺋﺎﻻﻫﯩﺪﯨﻠﯩﻜﻰ ﺷﯘﻛﻰ، ﺋﯘﻧﻰ ﺋﯘﺯﯗﻥ ﻣﯘﺩﺩﻩﺕ ﺳﺎﻗﻼﺷﻘﺎ، ﺋﯧﻠﯩﭗ ﻳﯜﺭﯛﺷﻜﻪ، ﺧﺎﻟﯩﻐﺎﻥ ﯞﺍﻗﯩﺘﺘﺎ، ﺧﺎﻟﯩﻐﺎﻥ ﺋﻮﺭﯗﻧﺪﺍ ﻳﯩﻴﯩﺸﻜﻪ ﻗﻮﻻﻳﻠﯩﻖ.
ﺋﯘﻳﻐﯘﺭﻻﺭ ﻧﺎﻧﻨﻰ ﺗﻮﻟﯩﻤﯘ ﺋﻪﺗﯩﯟﺍﺭﻻﻳﺪﯗ. ﺋﯘﻧﻰ ﺑﯘﺯﯗﭖ- ﭼﯧﭽﯩﺸﻨﻰ، ﺋﯩﺴﺮﺍﭖ ﻗﯩﻠﯩﺸﻨﻰ ﺟﯩﻨﺎﻳﻪﺕ ﻫﯧﺴﺎﭘﻼﻳﺪﯗ. ﺋﯘﻳﻐﯘﺭﻻﺭﻧﯩﯔ ﻧﯘﺭﻏﯘﻥ ﺋﯚﺭﯛﭖ- ﺋﺎﺩﻩﺗﻠﯩﺮﻯ، ﻣﻪﺩﻩﻧﯩﻴﻪﺕ ﺷﻪﻛﻠﻰ ﻧﺎﻥ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ. ﻫﻪﺗﺘﺎ ﺋﯘﻳﻐﯘﺭﻻﺭﻧﯩﯔ ﻗﻪﺳﻪﻡ ﺷﻪﻛﻠﻰ ﻧﺎﻥ ﺑﯩﻠﻪﻥ ﺋﯘﻟﯘﻏﻠﯩﻨﯩﺪﯗ. ﻳﻪﻧﻪ ﻧﺎﻥ ﺑﯩﻠﻪﻥ ﺑﯩﯟﺍﺳﺘﻪ ﻣﯘﻧﺎﺳﯩﯟﻩﺗﻠﯩﻚ ﻧﯘﺭﻏﯘﻥ ﺋﯚﺭﯛﭖ- ﺋﺎﺩﻩﺗﻠﻪﺭ ﺑﺎﺭ. ﺑﯘﻻﺭﻣﯘ ﺋﯘﻳﻐﯘﺭﻻﺭﻧﯩﯔ ﻧﺎﻧﻨﻰ ﺋﯘﻟﯘﻏﻼﻳﺪﯨﻐﺎﻥ ﺋﻪﻧﺌﻪﻧﯩﯟﻯ ﺋﯧﺘﯩﻘﺎﺩﯨﻨﻰ ﺋﯩﭙﺎﺩﯨﻠﻪﻳﺪﯗ. ﻧﺎﻥ ﺗﯩﺠﺎﺭﯨﺘﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﺶ ﺋﻪﯓ ﻳﺎﺧﺸﻰ، ﺋﻪﯓ ﻣﯘﯞﺍﭘﯩﻖ، ﺋﻪﯓ ﺑﯩﺨﻪﺗﻪﺭ ﻛﻪﺳﭗ ﺑﻮﻟﯘﭖ ﻗﺎﻟﺪﻯ. ﭼﯜﻧﻜﻰ ﻫﻪﻣﻤﻪ ﺋﺎﺩﻩﻡ ﻫﻪﺭ ﻛﯜﻧﻰ ﺋﯜﭺ ﯞﺍﻕ ﺗﺎﻣﺎﻕ ﻳﯧﻤﯩﺴﻪ ﺑﻮﻟﻤﺎﻳﺪﯗ. ﻧﺎﻥ ﺗﯩﺠﺎﺭﯨﺘﯩﺪﻩ ﺑﯜﮔﯜﻥ ﺋﯧﺸﯩﭗ ﻗﺎﻟﻐﺎﻥ ﻧﺎﻧﻨﻰ ﺋﻪﺗﻪ ﻳﻪﻧﻪ ﺳﯧﺘﯩﺸﻘﺎ ﺑﻮﻟﯩﺪﯗ، ﺋﯩﺴﺮﺍﭘﭽﯩﻠﯩﻖ ﻛﯚﭖ ﻛﯚﺭﯛﻟﻤﻪﻳﺪﯗ.
ﺩﯦﻤﻪﻙ، ﺋﯘﻳﻐﯘﺭﻻﺭ ﻳﯧﺰﺍ ﺋﯩﮕﯩﻠﯩﻚ ﻣﻪﻫﺴﯘﻻﺗﻠﯩﺮﯨﻨﻰ ﭘﯩﺸﺸﯩﻘﻼﺵ ﺗﯧﺨﻨﯩﻜﯩﺴﯩﻨﻰ ﺋﯩﮕﯩﻠﻠﯩﮕﻪﻧﺪﯨﻦ ﺗﺎﺭﺗﯩﭗ ﻫﺎﺯﯨﺮﻗﻰ ﺩﻩﯞﺭﮔﯩﭽﻪ ﻧﺎﻥ ﺋﯘﻳﻐﯘﺭﻻﺭﻧﯩﯔ ﺋﻪﯓ ﻳﺎﺧﺸﻰ، ﺋﻪﯓ ﺋﺎﺳﺎﺳﻠﯩﻖ ﻳﯧﻤﻪﻛﻠﯩﻜﻰ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﺑﯩﻠﻠﻪ ﻧﺎﻥ ﻣﻪﺩﻩﻧﯩﻴﯩﺘﻰ ﺋﯜﺯﻟﯜﻛﺴﯩﺰ ﺗﻪﺭﻩﻗﻘﯩﻲ ﻗﯩﻠﯩﭗ، ﻳﯧﯖﯩﻠﯩﻨﯩﭗ، ﻧﻪﺯﻩﺭﯨﻴﻪ ﺟﻪﻫﻪﺗﺘﯩﻦ ﻣﯘﻛﻪﻣﻤﻪﻟﻠﯩﺸﯩﭗ ﻛﻪﻟﺪﻯ. ﺋﻪﺳﻠﯩﺪﻩ ﺋﺎﺋﯩﻠﻪ ﻳﯧﻤﻪﻛﻠﯩﻜﻰ ﻗﯩﻠﯩﻨﯩﺸﺘﯩﻦ ﻛﻪﺳﯩﭙﻠﯩﺸﯩﭗ ﺑﺎﺯﺍﺭﻏﺎ ﻳﯜﺯﻟﻪﻧﺪﻯ. ﺋﯚﺯ ﺋﻮﺭﯗﻧﻠﯩﺮﯨﺪﯨﻜﻰ ﺋﺎﺩﺩﻯ ﺗﯩﺠﺎﺭﻩﺕ ﺷﻪﻛﻠﯩﺪﯨﻦ ﺧﻪﻟﻘﺌﺎﺭﺍﻟﯩﻖ ﺗﯩﺠﺎﺭﻩﺗﻜﻪ ﻛﯧﯖﻪﻳﺪﻯ. ﻧﺎﻧﻨﯩﯔ ﺋﯩﺠﺎﺩ ﺑﻮﻟﻐﺎﻥ ﺩﻩﯞﺭﻯ ﻧﺎﻫﺎﻳﯩﺘﻰ ﺋﯘﺯﯗﻥ ﺑﻮﻟﺴﯩﻤﯘ، ﻟﯧﻜﯩﻦ ﻳﯩﻠﻼﺭ، ﺋﻪﺳﯩﺮﻟﻪﺭﻧﯩﯔ ﺋﯚﺗﯜﺷﻰ ﺑﯩﻠﻪﻥ ﺷﺎﻟﻠﯩﻨﯩﭗ، ﺗﺎﺷﻠﯩﻨﯩﭗ ﻗﺎﻟﻤﺎﻱ ﺑﻪﻟﻜﻰ ﺗﯧﺨﯩﻤﯘ ﺗﻪﺭﻩﻗﻘﯩﻲ ﻗﯩﻠﯩﭗ ﺋﯘﻧﻰ ﺋﯩﺴﺘﯧﻤﺎﻝ ﻗﯩﻠﯩﺪﯨﻐﺎﻥ ﺋﻮﺑﻴﯩﻜﺘﯩﻼﺭ ﺑﺎﺷﻘﺎ ﻣﯩﻠﻠﻪﺗﻠﻪﺭﮔﯩﭽﻪ ﻛﯧﯖﻪﻳﺪﻯ، ﺗﯩﺠﺎﺭﻩﺕ ﺷﻪﻛﻠﻰ ﻣﯩﻠﻠﻪﺕ، ﺩﯙﻟﻪﺕ ﻫﺎﻟﻘﯩﺪﻯ. ﺑﯘﻧﻰ ﻫﻪﺭﮔﯩﺰ ﻛﯩﭽﯩﻚ ﺋﯩﺶ ﺩﯦﻴﯩﺸﻜﻪ ﺑﻮﻟﻤﺎﻳﺪﯗ. ﮬﻪﺟﻪﭖ ﺑﻪﻟﻪﻥ ﺗﯩﻤﯩﻼﺭﻧﻰ ﻳﻮﻻﭘﺴﯩﺰ ﺷﯘﯕﺎ ﺑﺎﻟﯩﻠﯩﺮﯨﻤﯩﺰﻧﯩﯖﻤﯘ ﺋﺎﻧﺎ ﺩﻩﭖ ﺑﻮﻟﯘﭖ ﻧﺎﻥ ﺩﻩﭖ ﺗﯩﻠﻰ ﭼﯩﻘﯩﺪﯗ ﺋﻪﻣﻪﺳﻤﯘ. ﺋﯩﻨﺴﺎﻥ ﺑﺎﻟﯩﺴﻰ 3 ﻧﻪﺭﺳﯩﺪﯨﻦ ﺯﯨﺮﯨﻜﻤﻪﻳﺪﯗ: ﺑﯩﺮﻯ ﺟﺎﻧﺪﯨﻦ، ﺋﯩﻜﻜﯩﻨﺠﯩﺴﻰ ﻧﺎﻧﺪﯨﻦ، ﺋﯘﭼﯩﻨﺠﯩﺴﻰ ﺋﯚﻳﺪﯨﻦ ﺯﯨﺮﯨﻜﻤﻪﻳﺪﯗ. ﺟﺎﮬﺎﻧﺪﺍ ﺑﯩﺮﺩﯨﻨﺒﯩﺮ ﭼﻮﯓ - ﻛﯩﭽﯩﻚ ، ﻗﯧﺮﻯ - ﻳﺎﺷﻘﺎ . ﮬﻪﺭﻗﺎﻧﺪﺍﻕ ﻛﯩﺴﻪﻟﮕﻪ ﺋﻪﻛﯩﺲ ﺗﻪﺳﯩﺮ ﻗﯩﻠﻤﺎﻳﺪﯨﻐﺎﻥ ﻳﯩﻤﻪﻛﻠﯩﻚ - ﻧﺎﻥ
بەت:
[1]