ﺋﯩﺰﺩﯨﻨﯩﺸﺘﺎ amp«;amp«; ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺕ » »am
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ، ﮬﯚﺭﻣﻪﺗﻠﯩﻚ ﺋﯩﺰﺩﯨﻨﯩﺶ ﺋﻪﮬﻠﻰ، ﻣﯚﮬﺘﯩﺮﻩﻡ ﺋﻮﺗﺘﯘﺯ ﺋﻮﻏﯘﻝ ، ﺗﻮﻗﻘﯘﺯ ﻗﯩﺰ !ﮬﻪﻣﻤﯩﻤﯩﺰﮔﻪ ﻣﻪﻟﯘﻣﻜﻰ، ﺗﻪﮔﺌﺎﺕ ﻛﯩﺸﻰ ﺋﺎﺗﻠﯩﺮﯨﻐﺎ ﻗﻮﺷﯘﻟﯘﭖ ﻛﯧﻠﯩﭗ، ﺋﯘﻻﺭﻧﯩﯔ ﻗﺎﻧﺪﺍﺷﻠﯩﻖ ﻣﯘﻧﺎﺳﯩﯟﯦﺘﻰ، ﻧﻪﺳﯩﻞ - ﻧﻪﺳﻪﺑﻰ ﯞﻩ ﺋﯘﺭﯗﻕ - ﺟﻪﻣﻪﺗﯩﻨﻰ ﻛﯚﺭﺳﯩﺘﯩﭗ ﺑﯧﺮﯨﺪﯨﻐﺎﻥ ؛ ﻛﯩﺸﯩﻠﻪﺭﻧﯩﯔ ﻛﯩﻤﻠﯩﻜﯩﻨﻰ ﭘﻪﺭﻗﻠﻪﻧﺪﯛﺭﯛﺩﯨﻐﺎﻥ ﺟﻪﻣﻪﺗﯩﻲ ﺧﺎﺱ ﻧﺎﻡ.
ﺗﻮﻟﯩﻤﯘ ﺋﻪﭘﺴﯘﺳﻜﻰ، ﺑﯩﺰ ﺋﯘﻳﻐﯘﺭﻻﺭﺩﺍ ﮬﺎﺯﯨﺮﻗﻰ ﺯﺍﻣﺎﻥ ﻣﻪﻧﯩﺴﯩﺪﯨﻜﻰ ﺗﻪﮔﺌﺎﺕ ﺳﯩﺴﺘﯧﻤﯩﺴﯩﻨﯩﯔ ﺑﻮﻟﻤﺎﺳﻠﯩﻘﻰ ﻣﯘﺷﯘ ﺋﻪﯞﻻﺩ ﺋﯘﻳﻐﯘﺭﻻﺭ ﭼﻮﻗﯘﻡ ﺗﻮﻟﺪﯗﺭﯗﺷﻰ ﻛﯧﺮﻩﻙ ﺑﻮﻟﻐﺎﻥ ﺯﻭﺭ ﺑﯩﺮ ﺑﻮﺷﻠﯘﻕ ﺑﻮﻟﯘﭖ ﺗﯘﺭﯗﭘﺘﯘ.
ﺑﯘﻧﺪﯨﻦ ﻣﯩﯔ ﻳﯩﻠﻼﺭ ﺋﯩﻠﮕﯩﺮﯨﻜﻰ ﺋﺎﻏﯘﻥ - ﺋﻪﺟﺪﺍﺩﻟﯩﺮﯨﻤﯩﺰﻧﯩﯔ ﺗﺎﺭ ﺩﺍﺋﯩﺮﯨﺪﻩ ﺗﻪﮔﺌﺎﺕ ﻗﻮﻟﻠﯩﻨﯩﺶ ﺋﺎﺩﯨﺘﻰ ﺑﻮﻟﻐﺎﻥ ﺑﻮﻟﺴﯩﻤﯘ ﺋﻪﻣﻤﺎ ﺑﯩﺰﮔﯩﭽﻪ ﻣﯩﺮﺍﺱ ﺑﻮﻟﯘﭖ ﻳﯧﺘﯩﭗ ﻛﯧﻠﻪﻟﻤﯩﮕﻪﻧﻠﯩﻜﻰ، ﺋﯘﻳﻐﯘﺭﻻﺭﺩﺍ ﺗﺎﺭﯨﺨﯩﻲ ﺋﯩﺰﭼﯩﻠﻠﯩﻘﻘﺎ ﺋﯩﮕﻪ ﺑﻮﻟﻐﺎﻥ ﺗﯘﺭﺍﻗﻠﯩﻖ ﺗﻪﮔﺌﺎﺕ ﻗﻮﻟﻠﯩﻨﯩﺶ ﺳﯩﺴﺘﯧﻤﯩﺴﯩﻨﯩﯔ ﺑﻪﺭﭘﺎ ﻗﯩﻠﯩﻨﻤﯩﻐﺎﻧﻠﯩﻘﻰ ﺋﯜﭼﯜﻥ ﺑﯩﺰﻧﯩﯔ ﺑﯘ ﮬﻪﻗﺘﯩﻜﻰ ﺋﯩﺰﺩﯨﻨﯩﺸﻠﯩﺮﯨﻤﯩﺰﻧﻰ ﻧﯚﻟﺪﯨﻦ ﺑﺎﺷﻼﺷﻘﺎ، ﺋﯚﺯﯨﻤﯩﺰ ﻳﻮﻝ ﺋﯧﭽﯩﭗ ﺋﯩﻠﮕﯩﺮﯨﻠﻪﺷﻜﻪ، ﺑﺎﺷﻘﺎ ﺋﻪﻟﻠﻪﺭﻧﯩﯔ ﺑﯘ ﮬﻪﻗﺘﯩﻜﻰ ﺗﻪﺟﺮﯨﺒﯩﻠﻠﯩﺮﯨﻨﻰ ﺋﯚﺭﻧﻪﻙ ﻗﯩﻠﯩﺸﻘﺎ ، ﺟﯜﻣﻠﯩﺪﯨﻦ ﺧﻪﻧﺰﯗ ﺧﻪﻟﻘﻰ، ﺋﯧﻨﮕﯩﻠﯩﺰ، ﺭﻭﺱ، ﻧﯧﻤﯩﺲ، ﺋﺎﻣﯧﺮﯨﻜﺎﻧﻼﺭ ، ﻳﺎﭘﯘﻧﻼﺭ، ﺗﯜﺭﻛﯩﻴﻪ ﺗﯜﺭﻛﻠﯩﺮﯨﮕﻪ ﺋﻮﺧﺸﺎﺵ ﺗﯘﺭﺍﻗﻠﯩﻖ ﺗﻪﮔﺌﺎﺕ ﻗﻮﻟﻠﯩﻨﯩﺶ ﺋﻪﻧﺪﯨﺰﯨﺴﯩﮕﻪ ﺋﯩﮕﻪ ﺧﻪﻟﻘﻠﻪﺭﺩﯨﻦ ﺋﯚﮔﯩﻨﯩﺸﻜﻪ ﺗﻮﻏﺮﺍ ﻛﻪﻟﺪﻯ.
ﺷﯘﻧﻰ ﺋﯧﺘﺮﺍﭖ ﻗﯩﻠﯩﺶ ﻛﯧﺮﻩﻛﻜﻰ، ﺑﯩﺰ ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺕ ﮬﻪﻗﻘﯩﺪﻩ ﺗﻪﺗﻘﯩﻘﺎﺕ ﻳﻪﻧﯩﻼ ﺑﯩﺦ ﮬﺎﻟﯩﺘﯩﺪﻩ ﺑﻮﻟﯘﭖ، ﺗﯧﺨﻰ ﺑﯘ ﺳﺎﮬﻪﻧﯩﯔ ﭼﻮﯕﻘﯘﺭﻟﯘﻗﻠﯩﺮﻯ ﺑﯩﺰﻧﯩﯔ ﺋﯜﺯﻟﯜﻛﺴﯩﺰ ﺋﯚﮔﯩﻨﯩﺸﯩﻤﯩﺰﻧﻰ ﻛﯜﺗﯜﭖ ﺗﯘﺭﯗﭘﺘﯘ. ﺷﯘ ﯞﻩﺟﯩﺪﯨﻦ، ﮬﺎﺯﯨﺮ ﻣﯘﻧﺪﺍﻕ ﺑﯩﺮﻗﺎﻧﭽﻪ ﻣﻪﺳﯩﻠﻪ ﮔﻪﯞﺩﯨﻠﯩﻚ ﺑﻮﻟﯘﭖ ﺋﯩﭙﺎﺩﯨﻠﻪﻧﻤﻪﻛﺘﻪ.
1. ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺕ ﻗﻮﻟﻠﯩﻨﯩﺸﻨﯩﯔ ﻗﺎﻧﯘﻧﻠﯩﺸﯩﺶ ﻛﯜﻧﺘﻪﺭﺗﯩﭙﮕﻪ ﻛﯩﺮﮔﯜﺯﯛﻟﻤﻪﺳﻠﻜﻰ.
ﺑﯘ ﻣﻪﺳﯩﻠﻪ ﺑﯩﺮ ﻗﺎﻧﭽﻪ ﻗﯧﺘﯩﻢ ﺗﯩﻠﻐﺎ ﺋﯧﻠﯩﻐﺎﻥ ﺑﻮﻟﺴﯩﻤﯘ ﻟﯧﻜﯩﻦ ﺋﺎﻣﻤﯩﯟﯨﻲ ﺋﺎﺳﺎﺳﯩﻨﯩﯔ ﻛﯜﭼﻠﯜﻙ ﺑﻮﻟﻤﺎﺳﻠﯩﻘﻰ ﺗﯜﭘﻪﻳﻠﻰ ﻧﻪﺯﻩﺭﺩﯨﻦ ﭼﻪﺗﺘﻪ ﻗﺎﻟﺪﯗﺭﯗﻟﻐﺎﻥ. ﺑﯘ ﺋﯩﺸﻨﻰ ﮬﻪﻝ ﻗﯩﻠﯩﺸﺘﺎ ﺑﯩﺰﻧﯩﯔ ﻗﻮﻟﯩﻤﯩﺰﺩﯨﻦ ﻛﯧﻠﯩﺪﯨﻐﯩﻨﻰ ﺑﯘ ﮬﻪﻗﺘﯩﻜﻰ ﺗﻪﺷﯟﯨﻘﺎﺗﻨﻰ ﻛﯜﭼﻪﻳﯩﺘﺶ ﺧﺎﻻﺱ.
2. ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺗﻨﻰ ﻗﺎﻧﺪﺍﻕ ، ﻗﺎﻳﺴﻰ ﺗﻪﺭﯨﻘﯩﺪﻩ ﻗﻮﻟﻠﯩﻨﯩﺶ ﻣﻪﺳﯩﻠﯩﺴﻰ.
ﺑﯘ ﮬﻪﻗﺘﻪ ﻛﻪﻣﯩﻨﻪ ﺋﺎﻟﺪﯨﻨﻘﻰ ﺑﯩﺮ ﻗﺎﻧﭽﻪ ﭘﺎﺭﭼﻪ ﻳﺎﺯﻣﺎﻣﺪﺍ ﺗﻪﭘﯩﺴﻠﯩﻲ ﺗﻮﺧﺘﯩﻠﯩﭗ ﺋﯚﺗﻜﻪﻥ ﺋﯩﺪﯨﻢ
http://www.izdinix.com/munbar/forum.php?mod=viewthread&tid=22568
ﺷﯘﯕﺎ، ﺑﯘ ﻳﻪﺭﺩﻩ ﺋﺎﺭﺗﯘﻕ ﺗﻮﺧﺘﺎﻟﻤﺎﻳﻤﻪﻥ. ﺷﯘﻧﺪﺍﻗﺘﯩﻤﯘ ﺑﯩﺮ ﻧﯘﻗﺘﯩﻨﻰ ﺋﻪﺳﻜﻪﺭﺗﯩﭗ ﻗﻮﻳﯘﺵ ﻛﯧﺮﻩﻛﻜﻰ، ﺋﺎﻟﺪﯨﻤﯩﺰﺩﺍ ﺋﺎﯞﺍﻟﻘﯩﻼﺭ ﻗﺎﻟﺪﯗﺭﯗﭖ ﻛﻪﺗﻜﻪﻥ ﺋﯩﺰ ﺑﻮﻟﻤﯩﻐﺎﻧﻠﯩﻘﻰ ﺋﯜﭼﯜﻥ ، ﺋﯚﺯﯨﻤﯩﺰ ﻳﻮﻝ ﺋﯧﭽﯩﺸﻘﺎ ﺗﻮﻏﺮﺍ ﻛﯧﻠﯩﯟﺍﺗﯩﺪﯗ. ﻳﻮﻝ ﺩﺍﺋﯩﻢ ﺗﯜﭘﺘﯜﺯ ﺑﻮﻟﻤﺎﻳﺪﯗ،ﺷﯘﻧﺪﺍﻗﻜﻪﻥ ﺧﺎﺗﺎﻟﯩﻘﺘﯩﻦ ﺳﺎﻗﻼﻧﻤﺎﻕ ﺗﻪﺱ. ﺧﺎﺗﺎﻟﯩﻘﻼﺭ ﺑﺎﻳﻘﺎﻟﻐﺎﻥ ﺋﯩﻜﻪﻥ ﺗﯜﺯﯛﺗﯩﺶ ﻣﯘﻣﻜﯩﻦ. ﺋﻪﻣﻤﺎ ﺧﺎﺗﺎﻟﯩﻘﻼﺭﻧﯩﯔ ﻛﯧﻠﯩﭗ ﭼﯩﻘﯩﺸﯩﻨﻰ ﺑﺎﻧﺎ ﻗﯩﻠﯩﭗ، ﺑﯘ ﺋﯩﺸﺘﯩﻦ ﺑﺎﺵ ﺗﺎﺭﺗﺴﺎﻕ، ﺋﯧﺰﯨﭗ ﻗﯧﻠﯩﺸﺘﯩﻦ ﻗﻮﺭﻗﯘﭖ ﻣﺎﯕﻤﺎﻱ ﺗﯘﺭﯨﯟﺍﻟﻐﺎﻥ ﮔﯜﺩﻩﻛﻜﻪ ﺋﻮﺧﺸﺎﭖ ﻗﺎﻟﯩﻤﯩﺰ. ﺋﻪﺳﻠﻪﺭﺩﻩ ﺑﻮﻟﯘﺷﻰ ﻛﯧﺮﻩﻛﻜﻰ، ﻳﻮﻝ ﻣﺎﯕﻐﺎﻧﺴﯧﺮﻯ ﺋﯧﭽﯩﻠﯩﺪﯗ.
3. ﺗﻪﮔﺌﺎﺕ ﮬﻪﻗﻘﯩﺪﯨﻜﻰ ﺗﻪﺗﻘﯩﻘﺎﺗﻼﺭ ﻛﯚﻟﻪﻣﻠﯩﺸﯩﭗ، ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺕ ﻗﻮﻟﻠﯩﻨﯩﺶ ﻗﺎﻧﯘﻧﯩﻲ ﻗﯘﯞﯞﻩﺗﻜﻪ ﺋﯧﺮﯨﺸﻜﯜﭼﻪ ﺗﻪﮔﺌﺎﺕ ﻗﻮﻟﻠﯩﻨﯩﭗ ﺗﯘﺭﯗﺵ ﯞﻩ ﺑﯘ ﺟﻪﺭﻳﺎﻧﺪﺍ ﻛﯧﻠﯩﭗ ﭼﯩﻘﯩﺶ ﺋﯧﮭﺘﯩﻤﺎﻟﻰ ﺑﻮﻟﻐﺎﻥ ﻣﻪﺳﯩﻠﯩﻠﻪﺭ ﯞﻩ ﺑﯘﻻﺭﺩﯨﻦ ﺳﺎﻗﻠﯩﻨﯩﺶ.
ﺑﯩﺰﺩﻩ ﺋﺎﺕ ﺗﺎﭘﻘﯘﭼﻪ ﺋﯩﺸﻪﻙ ﻣﯩﻦ ، ﺩﻩﻳﺪﯨﻐﺎﻥ ﮬﯧﻜﻤﻪﺗﻠﯩﻚ ﺗﻪﻣﺴﯩﻞ ﺑﺎﺭ. ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺕ ﻗﺎﻧﯘﻧﯩﻲ ﺋﺎﺳﺎﺳﻘﺎ ﺋﯩﮕﻪ ﺑﻮﻟﻐﯘﭼﻪ ﻛﯩﺸﯩﻠﻪﺭﻧﯩﯔ ﺋﯚﺯﻟﯩﻜﯩﺪﯨﻦ ﺋﯚﺯ ﺟﻪﻣﻪﺗﻠﯩﺮﯨﮕﻪ ﻛﯧﯖﻪﺷﻠﯩﻚ ﮬﺎﻟﺪﺍ ﺗﻪﮔﺌﺎﺕ ﺗﺎﻟﻼﭖ ﻗﻮﻟﻠﯩﻨﯩﭗ ﺗﯘﺭﯗﺷﯩﻨﻰ، ﮬﻪﻡ ﺑﯘ ﮬﻪﻗﺘﯩﻜﻰ ﺗﻪﺷﯟﯨﻘﺎﺗﻨﻰ ﻛﯜﭼﻪﻳﺘﯩﺸﯩﻨﻰ ﺗﻪﺷﻪﺑﺒﯘﺱ ﻗﯩﻠﯩﻤﯩﺰ. ﺷﯜﺑﮭﯩﺴﯩﺰﻛﻰ ، ﺑﯘ ﺧﯩﻞ ﺋﻪﮬﯟﺍﻝ ﺋﻮﻣﯘﻣﻼﺷﻘﺎﻧﺴﯧﺮﻯ ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺕ ﻗﻮﻟﻠﯩﻨﯩﺶ ﻗﺎﻧﯘﻧﯩﻲ ﻛﯜﻧﺘﻪﺭﺗﯩﭙﻜﻪ ﺑﺎﻟﺪﯗﺭﺭﺍﻕ ﻛﯩﺮﯨﺸﯩﮕﻪ ﺗﯜﺭﯛﺗﻜﻪ ﺑﻮﻟﻐﯘﺳﻰ. ﺑﯘ ﺟﻪﺭﻳﺎﻧﯩﺪﺍ ﻛﯚﺭﯛﻟﮕﻪﻥ ﻣﻪﺳﯩﻠﯩﻠﻪﺭﻧﻰ ﮬﺎﻣﺎﻥ ﮬﻪﻝ ﻗﯩﻠﯩﺸﻨﯩﯔ ﭼﺎﺭﯨﺴﻰ ﭼﯩﻘﯩﺪﯗ.
ﻛﯚﺭﯛﻟﯜﺵ ﺋﯧﮭﺘﯩﻤﺎﻟﻠﯩﻘﻰ ﺋﻪﯓ ﻳﯘﻗﯩﺮﻯ ﯞﻩ ﻛﯧﻴﯩﻦ ﮬﻪﻝ ﻗﯩﻠﯩﺶ ﻧﯩﺴﺒﻪﺗﻪﻥ ﻗﯩﻴﯩﻦ ﺑﻮﻟﻐﺎﻥ ﻣﻪﺳﯩﻠﻪ ﺗﻪﮔﺌﺎﺕ ﺗﻪﻛﺮﺍﺭﻟﯩﻘﯩﺪﯨﻦ ﺋﯩﺒﺎﺭﻩﺕ ﺑﻮﻟﯘﭖ، ﺑﯘ ﺑﯩﺮ ﻗﺎﻧﭽﻪ ﻗﺎﻧﺪﺍﺷﻠﯩﻘﻰ ﺑﻮﻟﻤﯩﻐﺎﻥ ﺟﻪﻣﻪﺕ ﻛﯩﺸﯩﻠﯩﺮﯨﻨﯩﯔ ﺋﻮﺧﺸﺎﺵ ﺑﯩﺮ ﻧﺎﻣﻨﻰ ﺗﻪﮔﺌﺎﺕ ﻗﯩﻠﯩﭗ ﺋﯩﺸﻠﯩﺘﯩﭗ ﻗﯧﻠﯩﺸﯩﻨﻰ ﻛﯚﺭﺳﯩﺘﯩﺪﯗ.
ﺗﯚﯞﻩﻧﺪﻩ ﺋﯚﺯ ﮔﯧﭙﯩﻤﯩﺰﮔﻪ ﻛﻪﻟﺴﻪﻙ، ﺑﯩﺰ ﺩﻩﻝ ﻣﯘﺷﯘ ﺑﯩﺮ ﻗﺎﻧﭽﻪ ﺧﯩﻞ ﻣﻪﺳﯩﻠﯩﻨﻰ ﮬﻪﻝ ﻗﯩﻠﯩﺶ ﻳﺎﻛﻰ ﺋﯘﻧﯩﯔ ﺩﻩﺭﯨﺠﯩﺴﯩﻨﻰ ﺋﻪﯓ ﺗﯚﯞﻩﻥ ﭼﻪﻛﻜﻪ ﭼﯜﺷﯜﺭﯛﺵ ﺟﻪﮬﻪﺗﺘﻪ ﺑﯩﺮ ﺋﺎﺯ ﺭﻭﻟﻰ ﺑﻮﻟﯩﺪﯗ ﺩﻩﭖ ﻗﺎﺭﺍﭖ ﺋﯩﺰﺩﯨﻨﯩﺶ ﻣﯘﻧﯩﺒﯩﺮﯨﺪﻩ << ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺕ >> ﺳﻪﮬﯩﭙﯩﺴﯩﻨﻰ ﺗﻪﺳﺴﯩﺲ ﻗﯩﻠﯩﺶ ﺗﻪﻛﻠﯩﭙﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯩﻤﯩﺰ.
<< ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺕ >> ﺳﻪﮬﯩﭙﯩﺴﯩﻨﯩﯔ ﯞﻩﺯﯨﭙﯩﺴﻰ ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺕ ﻗﻮﻟﻠﯩﻨﯩﺶ ﺋﯩﺸﻠﯩﺮﻯ ﺋﯜﭼﯜﻥ ﺑﯩﺠﺎﻧﺪﯨﻞ ﺧﯩﺰﻣﻪﺕ ﻗﯩﻠﯩﺶ، ﺗﻪﮔﺌﺎﺕ ﮬﻪﻗﻘﯩﺪﻩ ﺗﻪﺗﻘﯩﻘﺎﺗﻼﺭﻧﻰ ﻳﻪﻧﯩﻤﯘ ﭼﻮﯕﻘﯘﺭﻻﺷﺘﯘﺭﯗﺵ، ﺑﯘ ﮬﻪﻗﺘﯩﻜﻰ ﺋﺎﻣﻤﯩﯟﯨﻲ ﻣﯘﻻﮬﺰﻩ - ﻣﯘﮬﺎﻛﯩﻤﯩﻠﻪﺭﮔﻪ ﻳﺎﺧﺸﻰ ﺑﯩﺮ ﻣﯘﻧﺒﻪﺭ ﮬﺎﺯﯨﺮﯨﻼﭖ ﺑﯧﺮﯨﺶ.
ﻳﻪﻧﻪ ﺑﯩﺮ ﺋﻪﮬﻤﯩﻴﻪﺗﻠﯩﻚ ﯞﻩﺯﯨﭙﯩﺴﻰ ﺷﯘﻛﻰ، ﺑﯘ ﺳﻪﮬﯩﭙﯩﺪﻩ << ﻣﯧﻨﯩﯔ ﺗﻪﮔﺌﺎﺗﯩﻢ >> ﻳﺎﻛﻰ << ﺋﯩﺸﻠﯩﺘﯩﻠﯩﭗ ﺑﻮﻟﻐﺎﻥ ﺗﻪﮔﺌﺎﺗﻼﺭ >> ﺳﻪﮬﯩﭙﯩﺴﻰ ﻳﻮﻟﻐﺎ ﻗﻮﻳﯘﻟﯘﭖ، ﺋﯘﻳﻐﯘﺭ ﻛﯩﺸﯩﻠﯩﺮﻯ ﮬﺎﺯﯨﺮﯨﻐﺎ ﻗﻪﺩﻩﺭ ﺋﯩﺸﻠﻪﺗﻜﻪﻥ ﺗﻪﮔﺌﺎﺗﻠﯩﺮﻯ ﯞﻩ ﺋﯩﺸﻠﻪﺗﻤﻪﻛﭽﻰ ﺑﻮﻟﻐﺎﻥ ﺗﻪﮔﺌﺎﺗﻠﯩﺮﻯ ﺋﯧﻼﻥ ﻗﯩﻠﯩﻨﯩﺪﯗ. ﺑﯘ ﺋﺎﺭﻗﯩﻠﯩﻖ ﻛﻴﯩﻦ ﺗﻪﮔﺌﺎﺕ ﻗﻮﻟﻼﻧﻤﺎﻗﭽﻰ ﺑﻮﻟﻐﺎﻧﻼﺭﻏﺎ ﺗﻪﻛﺮﺍﺭﻟﯩﻘﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﺘﯩﻜﻰ ﻣﯘﮬﯩﻢ ﺋﯘﭼﯘﺭ ﺑﯩﻠﻪﻥ ﺗﻪﻣﯩﻦ ﺋﯧﯩﺘﻠﯩﺪﯗ. ﺑﯘﻧﺪﯨﻦ ﺑﺎﺷﻘﺎ << ﺗﻪﮔﺌﺎﺕ ﺧﻪﺯﯨﻨﯩﺴﻰ >> ﺳﻪﮬﯩﭙﯩﺴﻰ ﺗﻪﺳﺴﯩﺲ ﻗﯩﻠﯩﻨﯩﭗ، ﺋﯘﻳﻐﯘﺭ ﻛﯩﺸﯩﻠﯩﺮﻯ ﺗﻪﮔﺌﺎﺕ ﻗﯩﻠﯩﭗ ﻗﻮﻟﻼﻧﺴﺎ ﺑﻮﻟﯩﺪﯨﻐﺎﻥ ﺳﯚﺯ ﺑﺎﻳﻠﯩﻘﻰ ﻳﯩﻐﯩﭗ ﺗﻮﭘﻠﯩﻨﯩﭗ، ﺗﻪﮔﺌﺎﺕ ﻗﻮﻟﻼﻧﻤﺎﻗﭽﻰ ﺑﻮﻟﻐﺎﻧﻼﺭﻏﺎ ﻗﻮﻻﻳﻠﯩﻖ ﺋﯧﻠﯩﭗ ﻛﯧﻠﯩﻨﯩﺪﯗ.
ﺷﯘﯕﺎ، ﻛﻪﻣﯩﻨﻪ ﺑﯘ ﻳﻪﺭﺩﻩ ﺑﯧﻠﻪﺗﻠﯩﻚ ﻳﺎﺯﻣﺎ ﻳﯧﺰﯨﺶ ﺋﺎﺭﻗﯩﻠﯩﻖ ﻛﯚﭘﭽﯩﻠﯩﻜﻨﯩﯔ ﺩﯨﻘﻘﯩﺘﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ << ﺗﻪﮔﺌﺎﺕ >> ﻗﺎ ﺑﯘﺭﯨﻤﺎﻗﭽﻰ، ﮬﻪﺭﻗﺎﻳﺴﯩﻠﻠﯩﺮﯨﻨﯩﯔ ﭘﯩﻜﯩﺮﻟﯩﺮﻯ ﺑﯩﻠﻪﻥ ﺟﺎﻣﺎﺋﻪﺕ ﭘﯩﻜﺮﻯ ﺗﻮﭘﻼﭖ ﺋﯩﺰﺩﯨﻨﯩﺸﻨﯩﯔ ﺋﯘﺷﺒﯘ ﺳﻪﮬﯩﭙﯩﻨﻰ ﺗﯧﺰﺭﺍﻕ ﺗﻪﺳﺴﯩﺲ ﻗﯩﻠﯩﭗ ﺑﯧﺮﯨﺸﻠﯩﺮﯨﮕﻪ ﺑﯧﺴﯩﻢ ﭼﯜﺷﯜﺭﯛﺵ !
ﻣﻪﻥ ﺩﯦﺴﻪﻡ << ﻣﺎﻗﯘﻝ >> ﺩﯦﮕﻪﻥ ﮔﻪﭖ ﺑﯩﻠﻪﻥ ﻳﯩﻞ ﺋﯚﺗﯩﺪﯨﻜﻪﻥ ﺋﻪﻣﻪﺳﻤﺎ ؟! ﺑﯧﻠﻪﺕ ﺗﺎﺷﻠﯩﻐﺎﭺ ﺋﯩﻨﻜﺎﺱ ﻗﺎﻟﺪﯗﺭﯗﺷﻨﯩﻤﯘ ﺋﯘﻧﯘﺗﻤﺎﯕﻼﺭ ﺋﻪﺯﯨﺰﻟﻪﺭ ! ﺋﯩﺰﺩﯨﻨﯩﺸﻨﻰ ﻗﻮﺭﻗﯩﺘﯩﭗ ﻗﻮﻳﻤﺎﻳﻤﯩﺰﻣﯘ ! ﻳﻪﻧﻪ ﺟﻪﯞﻻﻧﻨﯩﻤﯘ ....
ﺋﯘﻳﻐﯘﺭﻻﺭﺩﺍ ﻧﻪﺳﻪﭖ ﺳﯜﺭﯛﺷﺘﯜﺭﻣﻪﻳﺪﯨﻐﺎﻥ ﺑﻮﻟﯘﭖ ﻛﻪﺗﺘﻰ ﮬﺎﺯﯨﺮ. ﺑﯘ ﺋﺎﺩﻩﺗﻨﯩﯔ ﺑﯩﺮ ﻳﺎﺍﺧﺸﻰ ﻳﯧﺮﻯ ﺋﺎﺋﯩﻠﯩﻨﻰ ﺋﯩﻨﺎﻕ ﺳﺎﻗﻼﺵ، ﺋﻪﺧﻼﻗﻨﻰ ﺩﺍﯞﺍﻣﻼﺷﺘﯘﺭﯗﺵ. ﺋﺎﺋﯩﻠﻪ ﺋﻪﺧﻼﻗﻰ ﻳﺎﺭﯨﺘﯩﺶ.
ﻗﻮﻟﻼﻳﻤﻪﻥ!
\"ﺗﻪﮔﺌﺎﺕ\" ﺩﯨﮕﻪﻥ ﻓﺎﻣﯩﻠﯩﻤﯘ؟
ﻳﻪﻧﻪ ﺑﯩﺮ ﺋﻪﮬﻤﯩﻴﻪﺗﻠﯩﻚ ﺋﺸﻨﯩﯔ ﺑﯩﺸﻰ ﺑﺎﺷﻠﯩﻨﯩﭙﺘﯘ،ﺑﯘﮬﻪﻗﺘﯩﻜﻰ ﺗﻪﺗﻘﯩﻘﺎﺕ ﻣﺎﻗﺎﻟﯩﻠﯩﺮﯨﻤﯘ ﺧﯩﻠﻰ ﻛﯚﭖ ﻳﯩﺰﯨﻠﺪﻯ ،ﻟﯩﻜﯩﻦﺗﻪﮔﺌﺎﺕ(ﻓﺎﻣﯩﻠﻪ) ﺗﯧﺨﯩﭽﻪ ﺧﻪﻟﻘﯩﻤﯩﺰﻧﯩﯔ ﺋﻮﻣﻮﻣﻰ ﻳﯜﺯﻟﯜﻙ ﺗﺎﻟﻠﯩﺸﯩﻐﺎ ﺋﺮﯨﺸﻜﯩﻨﻰ ﻳﻮﻕ .ﺑﯘﻧﯩﯔ ﺋﺎﺳﺎﺳﻠﯩﻖ ﺳﻪﯞﻩﭘﻠﯩﺮﯨﻨﻰ ﺋﺎﻟﺪﻯ ﺑﯩﻠﻪﻥ ﺗﻪﮔﺌﺎﺕ ﻧﯩﯔ ﻣﯩﻠﯩﺘﯩﻤﯩﺰ ﺋﻮﻣﻮﻣﻰ ﺋﺠﺘﯩﻤﺎﺋﻰ ﺗﻪﺭﻩﻗﻘﯩﻴﺎﺕ ﻣﯘﺳﺎﭘﯩﺴﯩﺪﯨﻜﻰ ﺋﻪﮬﻤﯩﻴﯩﺘﯩﻨﻰ ﺗﻮﻟﯘﻕ ﻣﯚﻟﭽﻪﺭﻟﯩﻴﻪﻟﻤﻪﺳﻠﯩﻚ ﯞﻩ ﻣﯩﻠﻠﻰ ﻣﻪﯞﺟﯘﺗﻠﯘﻕ ﺋﯧﯖﯩﻤﯩﺰﻧﯩﯔ ﺳﯘﺳﻠﯩﻘﻰ ﺳﻪﯞﻩﭖ ﺑﻮﻟﻐﺎﻥ ﺩﻩﭖ ﻗﺎﺭﺍﺷﻘﺎﺑﻮﻟﯩﺪﯗ . ﺑﯘ ﮬﻪﻗﺘﯩﻜﻰ ﺋﻪﻣﻪﻟﻰ ﺧﯩﺰﻣﻪﺗﻠﻪﺭ ﻣﺎﻧﺎﻣﯘﺷﯘﻧﺪﺍﻕ ﮬﻪﺭﺧﻞ ﯞﺍﺳﺘﯩﻼﺭ ﺑﯩﻠﻪﻥ ﺗﯩﺨﯩﻤﯘ ﻳﺎﺧﺸﻰ ﻳﯘﺭﯗﺷﻜﯜﺳﻰ . ﻣﻪﻥ ﺷﻪﺧﺴﻪﻥ ﺑﯘ ﺗﯧﻤﺎ ﻧﯩﯔ ﺋﺰﺩﯨﻨﯩﺸﻨﯩﯔ ﻳﻪﻧﻪ ﺑﯩﺮ ﻳﯩﯖﻰ << ﺋﺰﺩﯨﻨﯩﺶ>>ﻯ ﺑﻮﻟﯘﻭﭖ ﻗﯩﻠﯩﺸﻨﻰ ﺑﻪﻛﻤﯘ ﺋﯜﻣﯩﺖ ﻗﯩﻠﯩﻤﻪﻥ .
ﺑﯩﻠﮕﻪ ﺋﻪﭘﻪﻧﺪﻯ . 2007.4.2 ﻗﻮﻟﻼﻳﻤﻪﻥ................... ﻳﯜﻛﺴﻪﻝ ﺋﻪﭘﻪﻧﺪﯨﻢ، ﺑﺎﻟﯩﻠﯩﻖ ﭼﺎﻏﻠﯩﺮﯨﻤﯩﺰﺩﺍ ﺋﻮﻳﻨﯩﻐﯩﻠﻰ ﭼﯩﻘﻘﯩﻨﯩﻤﯩﺰﺩﺍ ﻣﻪﮬﻪﻟﻠﯩﻤﯩﺰﺩﻩ ﺩﻭﺳﺘﻠﯩﺮﯨﻤﯩﺰ ﺑﻮﻟﻤﯩﺴﺎ، ﺑﯩﺮﺩﻩﻡ ﺳﺎﻗﻼﭖ ﺑﯧﻘﯩﭗ، ﻣﯘﻧﺪﺍﻕ ﻗﻮﺷﺎﻗﻨﻰ ﺑﻮﻟﯩﺸﯩﭽﻪ ﯞﺍﻗﯩﺮﺍﭖ ﺋﻮﻳﯘﻧﺪﺍﺷﻼﺭﻧﻰ ﭼﺎﻗﯩﺮﺍﺗﺘﯘﻕ، ﺑﯘ ﻗﻮﺷﺎﻗﻨﯩﯔ ﮬﻪﺭﮬﺎﻟﺪﺍ ﺋﯜﻧﯩﻤﻰ ﺑﻮﻻﺗﺘﻰ.
ﺭﺍﺧﻤﺎﻥ ﺗﻮﻛﯘﺭ ﺋﯚﻟﯜﭘﺘﯘ،
ﺋﺎﻕ ﻣﺎﺯﺍﺭﻏﺎ ﻛﯚﻣﯜﭘﺘﯘ،
ﻳﯩﻐﻠﯩﻐﯩﻠﻰ ﺋﺎﺩﻩﻡ ﻳﻮﻕ،
ﺋﯚﺯﻯ ﻗﻮﭘﯘﭖ ﻳﯩﻐﻼﭘﺘﯘ !!!!!
ﺋﻪﭘﺴﯘﺱ، ﮬﺎﺯﯨﺮ ﺑﯘ ﻗﻮﺷﺎﻗﻤﯘ ﻛﺎﺭ ﻗﯩﻠﻤﺎﺱ ﺑﻮﻟﯘﭖ ﻛﯧﺘﯩﭙﺘﯘ، ﺑﯘ ﮬﻪﻗﺘﻪ ﺑﻪﻛﻼ ﻛﯜﭼﻪﭖ ﻛﻪﺗﺘﯘﻕ، ﮬﻪﺗﺘﺎ ﺋﯘﻧﻰ ﻗﺎﻧﯘﻧﯩﻲ ﺋﺎﺳﺎﺳﻘﺎ ﺋﯩﮕﻪ ﻗﯩﻠﯩﺸﻨﯩﯔ ﻳﻮﻟﻠﯩﺮﯨﻨﯩﻤﯘ ﻛﯚﺭﺳﻪﺗﺘﯘﻕ، ﺳﺎﺩﺍ ﺑﻮﻟﻤﯩﺪﻯ. ﺑﯘ ﮬﻪﻗﺘﻪ ﺑﯩﺮ ﭼﯘﻗﺎﻥ ﻻﺯﯨﻢ ﺩﻩﭖ ﺩﺍﯕﻠﯩﻖ ﺗﻮﺭﺑﯩﻜﻪﺗﻠﯩﺮﯨﻤﯩﺰﻧﯩﯔ ﻛﯚﭘﯩﺪﻩ ﺟﺎﺭ ﺳﺎﻟﺪﯗﻕ، ﻧﻪﺗﯩﺠﻪ ﺋﻮﺧﺸﺎﺵ، ﺋﺎﻣﯩﺮﯨﻜﯩﺪﺍ ﺑﯩﺮ ﺋﯩﺸﻪﻛﻨﯩﯔ ﺗﻪﺧﯩﻴﻰ ﺋﺎﺳﻼﻧﺪﻩﻙ ﺷﯘﻧﺪﺍﻕ ﻛﯩﭽﯩﻜﻜﻪﻥ ﺩﻩﭖ ﻳﺎﻟﻐﺎﻧﺪﯨﻦ ﺑﯩﺮﻧﻰ ﺗﻮﻗﯘﻏﺎﻥ ﺑﻮﻟﺴﺎﻗﻤﯘ ﺑﻪﻟﻜﯩﻢ ﺑﯘﻧﯩﯖﻐﺎ ﻗﯩﺰﺯﯨﻘﯩﺪﯨﻐﺎﻧﻼﺭ ﺑﯘ ﻗﻪﺩﻩﺭ ﺳﯘﺱ ﺑﻮﻟﻤﺎﺱ ﺋﯩﺪﻯ، ...... ﺷﯘﻧﺪﺍﻕ ﺋﯜﻣﯩﺘﺴﯩﺰ ﺗﯘﺭﻏﯩﻨﯩﻤﺪﺍ ﺋﺎﺧﯩﺮﻯ ﮔﯜﻟﯩﺴﺘﺎﻥ ﺗﻮﺭﺑﯩﺘﻰ ﺑﯘ ﺋﯩﺸﻨﻰ ﻗﯩﻠﯩﺪﯨﻐﺎﻥ ﺑﻮﻟﺪﻯ، ﻣﯘﺷﯘ ﻳﯩﻘﯩﻦ ﺋﺎﺭﯨﺪﺍ ﯞﯗﺟﯘﺗﻘﺎ ﭼﯩﻘﻘﯘﺳﻰ. http://bilik.cn/bbs/viewthread.php?tid=8578&pid=61928&page=4&extra=#pid61928 ﭼﻮﻗﯘﻡ ﻛﯜﭼﻪﺵ ﻛﯧﺮﻩﻙ!!!!!!!!!!!!!!!!!!!!!!!!!!!
ﺋﻪﺟﻪﺑﺎ ﮬﻪﻣﻤﯩﻤﯩﺰ ﻳﻪﺗﺘﻪ ﺋﺎﺗﯩﻤﯩﺰﻧﻰ ﺑﯩﻠﻤﻪﻱ ﺑﯘ ﺩﯗﻧﻴﺎﺩﯨﻦ ﻛﯧﺘﻪﻳﻠﯘﻗﻤﯘ؟
ﺑﯩﺰ ﺋﯘﻧﭽﻪ ﺋﯘﻟﯘﻍ ﺋﯩﻨﺴﺎﻧﻼﺭﺩﯨﻦ ﺋﻪﻣﻪﺱ ، ﺑﻪﻟﻜﻰ ﭘﻪﻗﻪﺕ ﺋﺎﺩﺩﯨﻲ ﺗﻮﻟﯩﻤﯘ ﺋﺎﺩﺩﯨﻲ ﺋﯩﻨﺴﺎﻧﻼﺭﻣﯩﺰ. ﻣﯩﻠﻠﻪﺕ - ﺧﻪﻟﻖ ﺋﯜﭼﯜﻥ ﺋﯘﻧﭽﻪ ﭼﻮﯓ ﺋﯩﺸﻼﺭﻧﻰ ﻗﯩﻠﯩﭗ ﺑﯧﺮﯨﺶ ﻗﻮﻟﯩﻤﯩﺰﺩﯨﻦ ﻛﻪﻟﻤﻪﻳﺪﯗ. ﮬﻪﺗﺘﺎ ﺋﯚﺯ ﺟﯧﻨﯩﻤﯩﺰﻧﻰ ﺟﺎﻳﻼﭖ ﺑﺎﻗﺎﻟﻤﺎﻱ ﺗﯩﭙﯩﺮﻻﭖ ﻳﯜﺭﮔﻪﻥ ﺟﺎﻥ ﺋﺎﯞﺍﺭﯨﻠﯩﺮﯨﻤﯩﺰ. ﺷﯘﻧﺪﺍﻗﺘﯩﻤﯘ ﺑﯩﺮ ﭼﻪﺗﺘﻪ ﻗﻮﻝ ﻗﯘﯞﯗﺷﺘﯘﺭﯗﭖ ﻗﺎﺭﺍﭖ ﺗﯘﺭﯗﺷﺘﯩﻦ ﻧﯘﻣﯘﺱ ﻗﯩﻠﯩﺶ ﺗﯘﻳﻐﯘﻣﯩﺰﻧﻰ ﻳﻮﻗﯩﺘﯩﭗ ﻗﻮﻳﻐﯩﻨﯩﻤﯩﺰ ﻳﻮﻕ. ﺷﯘ ﯞﻩﺟﯩﺪﯨﻦ ﭼﺎﻣﯩﻤﯩﺰ ﻳﻪﺗﻜﻪﻥ ﺩﺍﺋﯩﺮﻩ ﺑﻮﻳﯩﭽﻪ ﺑﯩﺮ ﺋﯩﺸﻼﺭﻧﻰ ﻗﯩﻠﯩﭗ ﻛﯚﺭﯛﺵ ﺋﯩﺴﺘﯩﻜﯩﺪﻩ ﻣﯩﺪﺭﺍﭖ ﻳﯜﺭﯛﭘﺘﯩﻤﯩﺰ.
ﺑﯩﺰﻧﯩﯔ ﺑﺎﺷﻘﯩﻼﺭﺩﯨﻦ ﻛﯜﺗﯩﺪﯨﻐﺎﻥ ﺋﯜﻣﯩﺪﯨﻤﯩﺰﻣﯘ ﺋﯘﻧﭽﻪ ﭼﻮﯕﻤﯘ ﺋﻪﻣﻪﺱ، ﭘﻪﻗﻪﺕ ﺋﻪﺗﺮﺍﭘﯩﺪﺍ ﺑﻮﻟﯩﯟﺍﺗﻘﺎﻥ ﺋﯩﺸﻼﺭﻧﻰ ﺑﯩﻠﯩﭗ ﻗﻮﻳﺴﺎ، ﻣﯩﻠﻠﻪﺕ ﯞﻩ ﺧﻪﻟﻘﯩﻤﯩﺰﻧﯩﯔ ﺋﻮﻣﯘﻣﯩﻲ ﺋﯩﺠﺘﯩﻤﺎﺋﯩﻴﯩﺘﯩﮕﻪ ﺗﻪﯞﻩ ﺑﻮﻟﻐﺎﻥ ﺋﯩﺸﻼﺭﻏﺎ ﺯﻭﺭ ﻛﯜﭺ ﻗﺎﺗﻤﯩﺴﻤﯘ ، ﺷﯘ ﺧﯩﻠﺪﯨﻜﻰ ﺋﯩﺸﻼﺭﻧﻰ ﭼﯜﺷﯩﻨﯩﭗ ﻗﻮﻳﺴﺎ، ﮬﻪ - ﮬﯘ ﺩﻩﭖ ﺋﯧﻐﺰﺍﻛﻰ ﺑﻮﻟﺴﯩﻤﯘ ﻗﻮﻟﻼﭖ ﻗﻮﻳﺴﺎ ﺑﯩﺰ ﺋﯜﭼﯜﻥ ﺷﯘﻧﻰ ﺋﯚﺯﻯ ﻛﯘﭘﺎﻳﻪ ، ﺯﻭﺭ ﻣﻪﺩﻩﺕ !
ﺧﯘﺳﯘﺳﻪﻥ ﺷﯘﻧﺪﺍﻕ ﺑﯘ ﻳﺎﺯﻣﯩﺪﯨﻦ ﮬﺎﺯﯨﺮﻏﯩﭽﻪ ﺷﯘﻧﺪﺍﻕ ﺧﯘﻻﺳﻪ ﭼﯩﻘﯩﺮﯨﺸﻘﺎ ﺑﻮﻟﯩﺪﯗ:
ﻣﻪﻥ ﻣﻪﺯﻛﯘﺭ ﺋﯩﻨﻜﺎﺳﻨﻰ ﻳﺎﺯﻏﯘﭼﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺑﯘ ﺗﯧﻤﯩﻨﻰ ﻛﯚﺭﮔﯜﭼﯩﻠﻪﺭ ﺟﻪﻣﺌﯩﻲ 322 ﻧﻪﭘﻪﺭ.
ﻣﻪﺯﻛﯘﺭ ﺗﯧﻤﯩﻐﺎ ﺑﯧﻠﻪﺕ ﺗﺎﺷﻠﯩﻐﺎﻥ ﻛﯩﺸﻰ 21 ﻧﻪﭘﻪﺭ.
ﻣﯧﻨﯩﯔ ﺗﻪﺷﻪﺑﺒﯘﺳﯩﻤﻨﻰ ﻗﻮﻟﻼﻳﺪﯨﻐﺎﻧﻼﺭ ﺟﻪﻣﺌﯩﻲ 18 ﻛﯩﺸﻰ.
ﻣﯧﻨﯩﯔ ﺗﻪﺷﻪﺑﺒﯘﺳﯩﻤﻐﺎ ﺑﺎﺷﻘﯩﭽﻪ ﻛﯚﺯ ﻗﺎﺭﺍﺷﺘﯩﻜﯩﻠﻪﺭ 3 ﻛﯩﺸﻰ.
ﻣﻪﺯﻛﯘﺭ ﺗﯧﻤﯩﻐﺎ ﺋﻪﺳﺘﺎﺋﯩﺪﯨﻞ ﻗﺎﺭﺍﭖ، ﺑﯧﻠﻪﺕ ﺗﺎﺷﻼﺵ ﺑﯩﻠﻪﻥ ﺑﯩﺮﮔﻪ ﺋﯩﻨﻜﺎﺱ ﻗﺎﻳﺘﯘﺭﻏﯘﭼﻰ ﺋﺎﺭﺍﻥ ﺋﯚﺯﻩﻣﺪﯨﻦ ﺑﺎﺷﻘﺎ 8 ﻛﯩﺸﻰ .
ﻣﻪﺯﻛﯘﺭ ﺗﯧﯩﻤﯩﻨﻰ ﻛﯚﺭﮔﻪﻥ ، ﺑﯘ ﺗﯧﻤﯩﻐﺎ ﺋﯧﺘﯩﺒﺎﺭﺳﯩﺰ ﻗﺎﺭﯨﻐﺎﻥ ﻳﺎﻛﻰ ﻣﯧﻨﯩﯔ ﺗﻪﺷﻪﺑﺒﯘﺳﯩﻤﻨﻰ ﭼﯜﺷﻪﻧﻤﯩﮕﯜﭼﻰ، ﮬﻮﺭﯗﻧﻠﯘﻕ ﻗﯩﻠﯩﭗ ﺑﯧﻠﻪﺕ ﺗﺎﺷﻼﺵ ﻳﺎﻛﻰ ﺋﯩﻨﻜﺎﺱ ﻗﺎﻳﺘﯘﺭﯗﺷﺘﯩﻦ ﺑﺎﺵ ﺗﺎﺭﺗﻘﯘﭼﻰ 301 ﻧﻪﭘﻪﺭ.
ﻛﯚﺭﯛﻧﯜﭖ ﺗﯘﺭﯗﭘﺘﯩﻜﻰ، ﺑﯘﺭﻧﯩﻤﯩﺰﻧﯩﯔ ﺋﯘﭼﯩﻨﻰ ﻛﯚﺭﯛﺵ، ﻣﯩﻠﻠﻪﺕ - ﺧﻪﻟﻘﻨﯩﯔ ﺋﻮﻣﯘﻣﯩﻴﯩﺘﯩﮕﻪ ﺗﻪﯞﻩ ﺟﯜﻣﻠﯩﺪﯨﻦ ﺋﯚﺯﯨﻤﯩﺰﻧﯩﯔ ﺑﯜﮔﯜﻧﻰ ﯞﻩ ﺋﻪﺗﯩﺴﯩﮕﻪ ﺑﯩﯟﺍﺳﯩﺘﻪ ﻣﯘﻧﺎﺳﯩﯟﻩﺗﻠﯩﻚ ﺋﯩﺸﻼﺭﻏﺎ ﺋﯧﺘﯩﺒﺎﺭﺳﯩﺰ ﻗﺎﺭﺍﺵ ﺑﯩﺰ ﺋﯘﻳﻐﯘﺭﻻﺭﺩﺍ ﺗﻮﻟﯩﻤﯘ ﺋﯧﻐﯩﺮ ﺋﯩﻜﻪﻥ. ﺑﯘ ﺧﯩﻞ ﺋﯧﺘﯩﺒﺎﺭﺳﯩﺰﻟﯩﻖ ﺋﺎﺩﺍﻗﻘﯩﻲ ﻧﯘﻗﺘﯩﺪﯨﻦ ﺋﯧﻠﯩﭗ ﺋﯧﻴﺘﻘﺎﻧﺪﺍ ﺋﯩﻨﺴﺎﻧﻨﯩﯔ ﺋﯚﺯ - ﺋﯚﺯﯨﮕﻪ ﻗﯩﻠﯩﻨﻐﺎﻥ ﺋﯧﺘﯩﺒﺎﺭﺳﯩﺰﻟﯩﻖ ﺑﻮﻟﯘﭖ، ﺑﯘ ﺧﯩﻞ ﻧﺎﭼﺎﺭ ﺋﻮﻣﯘﻣﯩﻲ ﻣﯩﻠﻠﯩﻲ ﭘﺴﯩﺨﯩﻚ ﮬﺎﻟﻪﺗﻨﯩﯔ ﺑﯩﺰﮔﻪ ﺋﯧﻠﯩﭗ ﻛﯧﻠﯩﺪﯨﻐﺎﻥ ﺋﺎﻗﯩﯟﯨﺘﯩﻨﻰ ﻣﯚﻟﭽﻪﺭﻟﯩﻤﻪﻙ ﺗﻪﺱ.
ﺧﻪﻳﯩﺮ، ﺷﯘﻧﺪﺍﻗﺘﯩﻤﯘ ﺋﯜﻣﯩﺪﺳﯩﺰﻟﯩﻚ ﺷﻪﻳﺘﺎﻧﺪﯗﺭ، ﺩﯦﮕﻪﻥ ﮬﯧﻜﻤﻪﺕ ﺑﻮﻳﯩﭽﻪ ﺋﯚﺯ ﺋﯩﺸﯩﻤﯩﺰﻏﺎ ﻛﯧﻠﻪﻳﻠﻰ، ﻣﻪﻥ ﺋﯩﺰﺩﯨﻨﯩﺶ ﺋﻪﭘﻪﻧﺪﻯ ﯞﻩ ﺟﻪﯞﻻﻥ ﺋﻪﭘﻪﻧﺪﯨﺪﯨﻦ ﻣﻪﺯﻛﯘﺭ << ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺕ >> ﺩﯦﮕﻪﻥ ﺳﻪﮬﯩﭙﯩﻨﻰ ﺋﯩﻤﻜﺎﻧﻘﻪﺩﻩﺭ ﺗﯧﺰﺭﺍﻕ ﺗﻪﺳﺴﯩﺲ ﻗﯩﻠﯩﭗ ﺑﯧﺮﯨﺸﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ. ﺋﯘﻳﻐﯘﺭﻻﺭﻧﯩﯔ ﺗﻪﮔﺌﺎﺗﻠﯩﻖ ﻗﻮﯞﻣﻠﻪﺭ ﻗﺎﺗﺎﺭﯨﺪﯨﻦ ﺋﻮﺭﯗﻥ ﺋﯧﻠﯩﺸﻰ ﺋﯜﭼﯜﻥ ﺋﯩﺰﺩﯨﻨﯩﺶ ﺗﻮﺭﯨﻨﯩﯔ ﺋﯚﺯﯨﻨﯩﯔ ﺗﯧﮕﯩﺸﻠﯩﻚ ﺗﯚﮬﭙﯩﺴﯩﻨﻰ ﻗﻮﺷﯘﺷﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ. ﺗﻪﮔﺌﺎﺗﺎ ﺗﻮﻏﯘﺭﻟﯘﻕ ﺋﺎﺯ-ﺗﻮﻻ ﺋﺎﯕﻠﯩﻐﯩﻨﯩﻤﺪﯨﻦ ﻛﯧﻴﯩﻦ ﺗﻪﮔﺌﺎﺗﺎ ﻗﻮﻟﻠﯩﻨﯩﺸﻨﻰ ﺋﻮﻳﻠﯘﺷﯘﭖ ﺋﺎﺋﯩﻠﯩﺪﯨﻜﯩﻠﻪﺭﻧﻰ ﺑﯩﺮﻟﯩﻜﻜﻪ ﻛﻪﻟﺘﯜﺭﻩﻟﻤﯩﮕﻪﻧﻠﯩﻜﯩﻤﺪﯨﻦ ﮬﻪﻡ ﻣﯘﯞﺍﭘﯩﻖ ﺑﯩﺮﻩﺭ ﺗﻪﮔﺌﺎﺗﯩﻤﯘ ﺗﺎﭘﺎﻟﻤﯩﻐﺎﻧﻠﯩﻘﯩﻤﺪﯨﻦ ﺋﯩﭽﯩﻢ ﺋﺎﭼﭽﯩﻖ ﺑﻮﻟﺴﺎ ،ﺋﺎﺗﺎ ﺗﯜﺭﯛﻙ ﻣﯘﺳﺘﺎﭘﺎﻛﺎﻣﺎﻟﯩﻨﯩﯔ ﭘﯜﺗﯜﻥ ﺗﯜﺭﻛﯩﻴﻪ ﺧﻪﻟﻘﯩﻨﯩﯔ ﺗﻪﮔﺌﺎﺗﺎ ﻗﻮﻟﻠﯘﻧﯘﺵ ﻛﯩﺮﻩﻛﻠﯩﻜﻰ ﮬﻪﻗﻘﯩﺪﻩ ﻗﺎﻧﯘﻥ ﭼﯜﺷﯜﺭﮔﻪﻥ ﺟﺎﺳﺎﺭﯨﺘﯩﺪﯨﻦ ﺳﯚﻳﯜﻧﯜﭖ ﺧﯩﺠﯩﻠﻠﯩﻖ ﮬﯧﺲ ﻗﯩﻠﯩﻤﻪﻥ .
ﻣﯧﻨﯩﯖﭽﻪ ﺑﻮﻟﻐﺎﻧﺪﺍ ﺑﯘ ﺗﻮﻏﯘﺭﻟﯘﻕ ﺳﻪﮬﯩﭙﻪ ﺋﯧﭽﯩﻠﻐﺎﻧﻨﯩﯔ ﺋﻪﮬﻤﯩﻴﺘﻰ ﭼﻮﯓ .
ﻗﻮﻟﻼﻳﻤﻪﻥ . 11-ﺑﻪﺵ ﻳﯩﻠﻠﯩﻖ ﭘﯩﻼﻧﺪﺍ ﺑﺎﺭﻣﯩﺪﯗ؟ ﺑﯧﻠﻪﺕ ﺗﺎﺷﻠﯩﻐﺎﻧﻼﺭ ﺋﯩﻨﻜﺎﺱ ﻳﺎﺯﻣﺎﻳﻤﯩﺰ؟! ﺋﯩﻨﻜﺎﺱ ﻳﺎﺯﻏﺎﻧﻼﺭ ﺑﯧﻠﻪﺕ ﺗﺎﺷﻠﯩﻤﺎﻣﺪﯗﻕ ؟! ؟! ...
ﻣﻪﻥ ﻗﯘﻻﻳﻤﻪﻥ ،ﻣﻪﻧﻤﯘ ﺋﯘﺯ ﺋﺎﯨﻠﻪﻣﻨﯩﯔ ﻧﻪﺳﻪﺑﻨﻪﻣﺴﻨﻰ ﻳﯧﺰﯨﭗ ﭼﯩﻘﺘﯩﻢ (6-ﺋﻪﯞﻟﻪﺗﻘﯩﭽﻪ )ﺋﻪﭘﺴﯘﺳﻜﻰ ﻗﯘﺭﻟﻤﯩﺴﻨﯩﯔ ﻗﺎﻧﺪﺍﻕ ﺑﯘﻟﺪﻏﺎﻧﻠﻘﻰ ﺗﯘﻏﯘﺭﯗﻟﯘﻕ ﺑﯩﻠﻢ ﺑﯘﻟﻤﻐﺎﭼﺎ ﭘﻪﻗﻪﺕ ﺧﺎﺗﺮﺩﻩﻻ ﺑﺎﺭ ﺳﯩﺰﺩﯨﮕﻪﻥ ﺗﻪﮔﺌﺎﺕ ﺗﯘﻏﯘﺭﻟﯘﻕ ﺋﯘﺯﻩﻣﻨﯩﯔ ﻳﻪﺭ ﻧﺎﻣﻨﻰ ﻳﺎﻛﻰ ﻗﻪﺑﻠﻪ ﻧﺎﻣﻨﻰ ﻧﺎﻣﻨﻰ ﻗﯘﻟﯘﻧﯘﺵ ﺗﯘﻏﯘﺭﻟﻖ ﺋﯩﻨﻖ ﻣﻪﻟﻤﺎﺗﻘﺎ ﺋﯩﮕﻪ ﺋﻪﻣﻪﺳﻤﻪﻥ ﻣﻪﺳﻠﯩﮭﻪﺕ ﺑﯩﺮﻟﺴﻪ ﺭﺍﺱ ﻗﺎﻧﺪﺍﻕ ﺑﯩﻠﻪﺕ ﺗﺎﺷﻼﻳﻤﻪﻥ ﺑﯩﻠﻤﺪﯨﻢ
ﻛﻪﭼﯘﺭﯗﯕﻚ ﺗﻪﮔﺌﺎﺕ ﻗﻮﻟﻠﯩﻨﯩﺶ ﻳﺎﺧﺸﻰ ﺋﯩﺶ ﺋﯩﺪﻯ... ﺑﯘﺭﺍﺩﯨﺮﯨﻤﯩﺰﻧﯩﯔ ﺑﯘ ﺗﻪﻛﻠﯩﭙﯩﻤﯘ ﻧﺎﮬﺎﻳﯩﺘﻰ ﺋﻮﺭﯗﻧﻠﯘﻕ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺋﯩﻜﻪﻥ، ﮬﻮﺭﯗﻧﻠﯘﻕ ﻗﯩﻠﻤﺎﯕﻼﺭ ﺩﻭﺳﺘﻠﯩﺮﯨﻢ، ﺑﯩﺮﻩﺭ ﭘﯩﻼﻛﺎﺗﻘﺎ ﺋﻮﭘﭽﻪ ﺋﯧﻤﺰﺍﻳﯩﻤﯩﺰﻧﻰ ﻗﻮﻳﯘﭖ ﺧﻪﻟﻖ ﮬﯚﻛﯜﻣﯩﺘﯩﮕﻪ ﺋﻪﯞﻩﺗﯩﻤﯩﺰ ﺩﻩﯞﺍﺗﻤﺎﻳﻤﯩﺰ، ﮬﯜﺭﻛﯩﻤﻪﯕﻼﺭ، ﭼﯚﭼﯜﻣﻪﯕﻼﺭ... ﭘﻪﻗﻪﺕ ﻛﯚﭘﻨﯩﯔ ﺳﺎﺩﺍﺳﻰ ﻛﯧﺮﻩﻙ!
ﺋﯩﻨﻜﺎﺱ ﻗﺎﻳﺘﯘﺭﻣﯩﻐﺎﻧﻼﺭ ﺋﯩﭽﯩﺪﻩ،ﺋﯩﻨﻜﺎﺱ ﻗﺎﻳﺘﯘﺭﻏﺎﻧﻼﺭﺩﯨﻨﻤﯘ ﺑﻪﻛﺮﻩﻙ ﻛﯚﯕﯜﻝ ﺑﯚﻟﯩﺪﯨﻐﺎﻧﻼﺭ ﺑﺎﺭ ﺑﻮﻟﯘﺷﻰ ﻣﯘﻣﻜﯩﻦ!ﮬﻪﻣﻤﯩﻨﻰ ﺑﯩﺮ ﺗﺎﻳﺎﻗﺘﺎ ﮬﻪﻳﺪﯨﮕﯩﻠﻰ ﺑﻮﻟﻤﺎﻳﺪﯗ ﺩﻩ!!!؟ﻧﺎﮬﺎﻳﯩﺘﻰ ﻳﺎﺧﺸﻰ ﺗﯧﻤﺎ ﺑﻮﭘﺘﯘ!
