ﭼﻮﻟﭙﺎﻧﻠﯩﺮﯨﻤﯩﺰ ﻧﯩﻤﯩﺸﻘﺎ ﺋﺎﻏﺰﯨﻨﻰ ﻳﯘﻣﻤﺎﻳﺪﯗ ؟
ﭼﻮﻟﭙﺎﻧﻠﯩﺮﯨﻤﯩﺰ ﻧﯩﻤﯩﺸﻘﺎ ﺋﺎﻏﺰﯨﻨﻰ ﻳﯘﻣﻤﺎﻳﺪﯗ ؟ﺗﯧﻠﯩﯟﯨﺰﻭﺭﻧﻰ ﺷﯘﻧﺪﺍﻗﻼ ﺋﺎﭼﯩﺪﯨﻐﺎﻥ ﺑﻮﻟﺴﯩﯖﯩﺰ، ﺳﺎﻗﻠﯩﻘﻨﻰ ﺳﺎﻗﻼﺵ ﺑﯘﻳﯘﻣﻠﯩﺮﻯ،ﺋﯚﮔﯩﻨﯩﺶ ﺑﻮﻳﯘﻣﻠﯩﺮﻯ،ﻳﯧﺰﺍ ﺋﯩﮕﯩﻠﯩﻚ ﺑﯘﻳﯘﻣﻠﯩﺮﻯ ﯞﻩ ﺗﯩﺒﺒﯩﻲ ﺩﺍﯞﺍﻻﺵ ﺳﺎﮬﻪﺳﯩﺪﯨﻜﻰ ﺋﯧﻼﻧﻼﺭﻧﯩﯔ ﮬﻪﻣﻤﯩﺴﯩﺪﻩ ﭼﻮﻟﭙﺎﻧﻠﯩﺮﯨﻤﯩﺰﻧﯩﯔ "ﭼﺎﻗﻨﺎﭖ ﻛﻪﺗﻜﻪﻥ" ﻟﯩﻜﯩﻨﻰ ﺑﺎﻳﻘﯩﯟﯨﻠﯩﺸﯩﯖﯩﺰ ﺋﺎﻧﭽﻪ ﺗﻪﺱ ﺋﻪﻣﻪﺱ . ﮬﺎﻣﯩﻠﺪﺍﺭ ﺑﻮﻻﻟﻤﺎﺳﻠﯩﻘﻨﻰ ﺩﺍﯞﺍﻻﻳﺪﯨﻐﺎﻥ ﺩﻭﺧﺘﯘﺭﺧﺎﻧﯩﻼﺭﻧﯩﯔ ﺋﯧﻼﻧﻠﯩﺮﯨﺪﯨﻦ ﺋﯧﺸﻪﻙ ﻳﯩﻠﯩﻤﻰ ﻗﺎﻥ ﺗﻮﻟﯘﻗﻼﺵ ﻣﻪﻟﮭﯩﻤﯩﻨﯩﯔ ﺋﯧﻼﻧﻠﯩﺮﯨﻐﯩﭽﻪ ، ﺋﻮﺭﯗﻟﯩﺘﯩﺶ ﻣﻪﮬﺴﯘﻻﺗﻠﯩﺮﯨﻨﯩﯔ ﺋﯧﻼﻧﻠﯩﺮﯨﺪﯨﻦ ﺗﺎﺭﺗﯩﭗ ﺑﯚﺭﻩﻛﻨﻰ ﺟﺎﻧﻼﻧﺪﯗﺭﯗﭖ ،ﺑﺎﮬﻨﻰ ﻛﯘﭼﻪﻳﺘﯩﺪﯨﻐﺎﻥ ﭼﯜﻣﯜﻟﻪ ﻛﻮﻣﯩﻠﯩﭽﻰ ﯸﻼﻧﻠﯩﺮﯨﻐﯩﭽﻪ ،ﺧﺎﺗﯩﺮﻩ ﻛﻮﻣﭙﯩﻴﻮﺗﯩﺮﻯ ،ﻛﯚﺯ ﺋﺎﺳﺮﺍﺵ ﺋﯜﺳﻜﯜﻧﯩﺴﻨﯩﯔ ﯸﻼﻧﻠﯩﺮﯨﺪﯨﻦ ﺗﺎﺭﺗﯩﭗ ،ﺋﯘﺭﯗﻕ ، ﺩﯦﮭﻘﺎﻧﭽﯩﻠﯩﻖ ﺩﻭﺭﯨﻠﯩﺮﻯ،ﺧﯧﻤﯩﻴﯩﯟﻯ ﺋﻮﻏﯘﺗﻼﺭﻧﯩﯔ ﺋﯧﻼﻧﻠﯩﺮﯨﻐﯩﭽﻪ ﮬﻪﻣﻤﯩﺴﯩﺪﻩ ﺩﯦﮕﯘﺩﻩﻙ ﭼﻮﻟﭙﺎﻧﻠﯩﺮﯨﻤﯩﺰﻧﯩﯔ "ﺭﺍﺳﺖ،ﺷﯘﻧﺪﺍﻕ ، ﺧﯘﺩﺍ ﮬﻪﻗﻘﻰ" ﺩﻩﭖ ﮔﯘﯞﺍﮬﻠﯩﻖ ﺑﯧﺮﯨﯟﺍﺗﻘﺎﻧﻠﯩﻘﻠﯩﺮﯨﻨﻰ ﻛﯚﺭﯗﭖ ﺗﯘﺭﯨﻤﯩﺰ . ﺋﯧﻨﯩﻘﻜﻰ ، ﺋﯘﻻﺭﻧﯩﯔ ﺷﯘﻧﺪﺍﻕ ﻗﯩﻠﯩﺸﻰ ﮬﻪﺭﮔﯩﺰﻣﯘ ﺋﻮﻣﯘﻣﻨﯩﯔ ﻣﻪﻧﭙﻪﺗﻰ ﺋﯘﭼﯘﻥ ﺋﻪﻣﻪﺱ . ﺋﺎﺷﻜﺎﺭﻟﯩﻨﯩﺸﯩﭽﻪ ، ﺯﺍﯞﯗﺗﻼﺭ ﻣﯘﺷﯘﻧﺪﺍﻕ ﺋﯧﻼﻧﻼﺭﻧﯩﯔ ﻛﯜﭼﻰ ﺑﯩﻠﻪﻥ ﻧﻪﭼﭽﻪ ﮬﻪﺳﺴﻪ،ﮬﻪﺗﺘﺎ ﻧﻪﭼﭽﻪ ﺋﻮﻥ ﮬﻪﺳﺴﻪ ﺋﯩﻘﺘﯩﺴﺎﺩﯨﻲ ﺋﯜﻧﯜﻣﮕﻪ ﺋﯧﺮﯨﺸﯩﺪﯨﻜﻪﻥ . ﺑﯘﻧﯩﯖﻐﺎ ﻳﺎﺭﯨﺸﺎ ﻧﻪﭼﭽﻪ ﻳﯘﺯ ﻣﯩﯔ ، ﮬﻪﺗﺘﺎ ﻧﻪﭼﭽﻪ ﻣﯩﻠﻴﻮﻧﻼﭖ ﭘﯘﻝ ﭼﻮﻟﭙﺎﻧﻠﯩﺮﯨﻤﯩﺰﻧﯩﯔ ﭼﯚﻧﺘﯩﻜﯩﮕﻪ ﻣﻮﻛﻜﯩﺪﻩ ﭼﯜﺷﯩﺪﯨﻜﻪﻥ .ﺷﯘﻧﭽﻪ ﺋﺎﺳﺎﻧﻼ ﻣﯘﻧﺪﺍﻕ ﻗﻮﺵ ﭘﺎﻳﺪﯨﻐﺎ ﺋﯧﺮﯨﺸﯩﺪﯨﻐﺎﻥ ﺋﯩﺶ ﺑﻮﻟﺴﺎ ، ﻛﯩﻤﻤﯘ ﺋﺎﻏﺰﯨﻨﻰ ﻳﯘﻣﯘﺷﻨﻰ ﺧﺎﻻﻳﺪﯗ ﺩﻩﻳﺴﯩﺰ ؟
ﻛﺎﺭﺧﺎﻧﻼﺭﻧﯩﯔ ﭼﻮﻟﭙﺎﻧﻠﯩﺮﯨﻤﯩﺰ ﺋﺎﺭﻗﯩﻠﯩﻖ ﺋﯚﺯ ﻣﻪﮬﺴﯘﻻﺗﻠﯩﺮﯨﻨﯩﯔ ﺋﻮﺑﺮﺍﺯﯨﻨﻰ ﺗﯩﻜﻠﯩﺸﯩﻨﯩﯔ ﺧﺎﺗﺎﺳﻰ ﻳﻮﻕ . ﺋﻪﻣﻤﺎ ،ﭼﻮﻟﭙﺎﻧﻼﺭ ﮔﯘﯞﺍﮬﻠﯩﻖ ﺑﯧﺮﯨﺸﺘﻪ ﭼﻮﻗﯘﻡ ﺳﻪﻣﯩﻤﯩﻲ ﺑﻮﻟﯘﺷﻰ ، ﻣﻪﻧﭙﻪﺗﯩﻨﻰ ﺩﻩﭖ ﻗﺎﺭﻏﯘﻻﺭﭼﻪ ﻗﻪﺳﻪﻡ ﻗﯩﻠﯩﯟﻩﺭﻣﻪﺳﻠﯩﻜﻰ ، ﺳﺎﺧﺘﺎ ﮬﯧﻜﺎﻳﻪ - ﻛﯚﺭﯗﻧﯘﺷﻠﻪﺭﻧﻰ ﺋﻮﻳﺪﯗﺭﯗﭖ ﭼﯩﻘﺎﺭﻣﺎﺳﻠﯩﻘﻰ ﻛﯧﺮﻩﻙ ﺋﯩﺪﻯ . ﺑﯘ ﻳﯩﻞ 15-ﻣﺎﺭﺕ ،ﻳﻪﻧﻰ "ﺋﯩﺴﺘﯩﻤﺎﻟﭽﯩﻼﺭﻧﯩﯔ ﮬﻮﻗﯘﻕ ﻣﻪﻧﭙﻪﺗﯩﻨﻰ ﻗﻮﻏﺪﺍﺵ ﻛﯘﻧﻰ" ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﻯ ﺧﻪﻟﯩﻘﻘﻪ ﺋﯧﻐﯩﺮ ﺯﯨﻴﺎﻥ ﻛﻪﻟﺘﯘﺭﮔﻪﻥ ﻧﯘﺭﻏﯘﻧﻠﯩﻐﺎﻥ ﺳﺎﺧﺘﺎ ﮬﺎﺭﺍﻕ ، ﺳﺎﺧﺘﺎ ﺩﻭﺭﺍ ، ﺳﺎﺧﺘﺎﺋﯘﺭﯗﻕ ،ﺳﺎﺧﺘﺎ ﺋﺎﺋﯩﻠﻪ ﺋﯧﻠﯩﻜﺘﯩﺮ ﺳﺎﻳﻤﺎﻧﻠﯩﺮﯨﻨﻰ ﮬﻪﺗﺘﺎ ﺋﺎﻟﺪﺍﻣﭽﻰ ﺩﻭﺧﺘﯘﺭﺧﺎﻧﺎ ﯞﻩ ﺋﺎﻟﺪﺍﻣﭽﻰ ﺟﯩﺪﺩﻯ ﻗﯘﺗﻘﯘﺯﯗﺵ ﻣﺎﺷﯩﻨﯩﻠﯩﺮﯨﻨﻰ ﺋﺎﺷﻜﺎﺭﻟﯩﺪﻯ . ﻣﯘﺷﯘ ﻣﻪﺯﮔﯩﻠﺪﻩ ،ﮬﯚﺭﻣﻪﺗﻜﻪ ﺳﺎﺯﺍﯞﻩﺭ ﺑﻪﺯﻯ ﭼﻮﻟﭙﺎﻧﻠﯩﺮﯨﻤﯩﺰ ﻗﻮﯕﯩﻨﻰ ﻗﻮﻳﯩﺪﯨﻐﺎﻧﻐﺎ ﻳﻪﺭ ﺗﺎﭘﺎﻟﻤﺎﻱ ﻗﺎﻟﺪﻯ .ﻣﯩﺴﺎﻟﻪﻥ : ﺋﺎﻻﻳﻠﯘﻕ ، ﻳﯧﻘﯩﻨﺪﺍ ﻣﻪﻟﯘﻡ ﺑﯩﺮ ﺋﺎﻳﺎﻝ ﻛﯩﻨﻮ ﭼﻮﻟﭙﯩﻨﻰ "ﮬﻪﻣﻤﻪ ﻛﯧﺴﻪﻟﮕﻪ ﺷﯩﭙﺎ ﺑﻮﻟﯩﺪﯨﻐﺎﻥ"ﺑﯩﺮ ﺧﯩﻞ ﺩﻭﺭﺍ ﺋﯧﻼﻧﯩﻐﺎ ﭼﯩﻘﯩﭗ ، ﺋﯩﺴﺘﯩﻤﺎﻟﭽﯩﻼﺭﻧﯩﯔ ﻣﻪﻧﭙﻪﺗﯩﻨﻰ ﺋﯧﻐﯩﺮ ﺯﯨﻴﺎﻧﻐﺎ ﺋﯘﭼﺮﺍﺗﻘﺎﻥ .ﺋﻪﺳﻠﯩﺪﻩ ﺑﯘ ﺩﻭﺭﺍ ﺷﯩﺰﺍﯕﺪﺍ ﺋﯩﺸﻠﻪﻧﮕﻪﻥ ﺑﻮﻟﻤﺎﺳﺘﯩﻦ ﺑﻪﻟﻜﻰ ﺧﯘﺑﯩﻴﺪﺍ ﺋﯩﺸﻠﻪﻧﮕﻪﻥ ﺑﻮﻟﺴﯩﻤﯘ ، ﺷﯘﻧﺪﺍﻗﻼ ﻳﻪﻧﻪ ﺩﻭﺭﯨﻨﯩﯔ ﻳﺎﺳﯩﻠﯩﺶ ﺭﯦﺘﺴﯩﭙﯩﻨﯩﯖﻤﯘ ﺷﯩﺰﺍﯓ ﺑﯩﻠﻪﻥ ﮬﯧﭽﻘﺎﻧﺪﺍﻕ ﻣﯘﻧﺎﺳﯩﯟﯨﺘﻰ ﺑﻮﻟﻤﯩﺴﯩﻤﯘ ، ﺋﻪﻣﻤﺎ ﺋﯧﻼﻧﺪﺍ ﭘﯜﺗﯜﻧﻠﻪﻱ ﻣﯘﺷﯘﻧﺪﺍﻕ ﺩﯦﻴﯩﻠﮕﻪﻥ .ﺷﯘﻧﯩﯔ ﺑﯩﻠﻪﻥ ﺋﯩﺴﺘﯩﻤﺎﻟﭽﯩﻼﺭﻧﯩﯔ ﺷﯘ ﺯﺍﯞﯗﺕ ﯞﻩ ﺋﺎﻳﺎﻝ ﻛﯩﻨﻮ ﭼﻮﻟﭙﯩﻨﻰ ﺋﯘﺳﺘﯩﺪﯨﻦ ﺳﻮﺗﻘﺎ ﺋﻪﺭﺯ ﺳﯘﻧﻐﺎﻥ . ﺑﯩﺮﺍﻕ ﺳﻮﺕ ﻣﻪﮬﻜﯩﻤﯩﺴﻰ ﺯﺍﯞﯗﺗﻨﻰ ﺋﺎﻟﺪﺍﻣﭽﯩﻠﯩﻖ ﻗﯩﻠﻐﺎﻥ ،ﺩﻩﭖ ﮬﯚﻛﯘﻡ ﭼﯩﻘﺎﺭﻏﺎﻥ ﺑﻮﻟﺴﯩﻤﯘ ، ﺋﺎﻳﺎﻝ ﻛﯩﻨﻮ ﭼﻮﻟﭙﯩﻨﯩﻐﺎ ﮬﯧﭽﻘﺎﻧﺪﺍﻕ ﺟﺎﺯﺍ ﮬﯚﻛﯘﻡ ﻗﯩﻠﻤﯩﻐﺎﻥ . ﻳﻪﻧﻪ ﺑﯩﺮ ﻛﯩﻨﻮ ﭼﻮﻟﭙﯩﻨﯩﻤﯘ ﮬﺎﻣﯩﻠﺪﺍﺭ ﺑﻮﻻﻟﻤﺎﺳﻠﯩﻘﻨﻰ ﺩﺍﯞﺍﻻﻳﺪﯨﻐﺎﻥ ﺑﯩﺮ ﺩﻭﺧﺘﯘﺭﻏﺎﻧﺎ ﺋﯜﭼﯜﻥ ﺋﯧﻼﻧﻐﺎ ﭼﯩﻘﯩﭗ ﺑﻪﺭﮔﻪﻥ . ﻧﻪﺗﯩﺠﯩﺪﻩ ، ﺑﯘ ﺩﻭﺧﺘﯘﺭﺧﺎﻧﯩﻨﯩﯔ ﺋﺎﻟﺪﺍﻣﭽﯩﻠﯩﻖ ﻗﯩﻠﻐﺎﻧﻠﯩﻘﻰ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﻯ ﺗﻪﺭﯨﭙﯩﺪﯨﻦ ﺋﺎﺷﻜﺎﺭﻟﯩﻨﯩﭗ ، ﺟﺎﺯﺍﻻﻧﻐﺎﻥ ، ﻟﯧﻜﯩﻦ ﮬﯧﻠﯩﻘﻰ ﻛﯩﻨﻮ ﭼﻮﻟﭙﯩﻨﯩﻤﯩﺰ ﻳﻪﻧﯩﻼ ﮬﯧﭽﻘﺎﻧﺪﺍﻕ ﺟﺎﺯﺍﻏﺎ ﺋﯘﭼﺮﯨﻤﯩﻐﺎﻥ .
ﻧﯧﻤﻪ ﺋﯘﭼﯘﻥ ﭼﻮﻟﭙﺎﻧﻼﺭﻧﯩﯔ ﺟﺎﺯﺍﻻﻧﻤﺎﻳﺪﯨﻐﺎﻧﻠﯩﻘﻰ ﻣﻪﺳﻠﯩﺴﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻧﺪﺍ ، ﻣﯘﻧﺎﺳﯩﯟﻩﺗﻠﯩﻚ ﺗﺎﺭﻣﺎﻗﻼﺭ ﭼﻮﻟﭙﺎﻧﻼﺭﻧﯩﯔ ﺷﯘ ﺯﺍﯞﯗﺕ ﻣﻪﮬﺴﯘﻻﺗﻠﯩﺮﯨﻨﯩﯔ ﺳﺎﺧﺘﺎ ﺋﯩﻜﻪﻧﻠﯩﻜﯩﻨﻰ ﺑﯩﻠﻤﻪﻳﺪﯨﻐﺎﻧﻠﯩﻘﯩﻨﻰ ، ﺋﯘﻻﺭﻧﯩﯖﻤﯘ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﯘﭼﻰ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﯩﺸﻘﺎﻥ .ﺋﯘﻧﺪﺍﻗﺘﺎ ،ﺋﺎﯞﺍﻡ ﭘﯘﻗﺮﺍﻻﺭﻣﯘ ﺋﻪﻣﯩﻠﯩﻲ ﺋﻪﮬﯟﺍﻟﻨﻰ ﭼﯘﺷﻪﻧﻤﻪﻱ ﺗﯘﺭﯗﭖ ﺑﺎﺷﻘﯩﻼﺭﻏﺎ ﻛﺎﭘﺎﻟﻪﺕ ﺑﯧﺮﯨﭗ ،ﺋﻮﻣﯘﻣﻨﻰ ﯞﻩ ﺷﻪﺧﯩﺴﻨﻰ ﺯﯨﻴﺎﻧﻐﺎ ﺋﯘﭼﺮﺍﺗﺴﺎ ، ﺋﻪﺟﺎﺑﺎ ﺋﯘﻻﺭﻣﯘ ﻗﺎﻧﯘﻥ ﺳﯩﺮﺗﯩﺪﺍ ﻗﺎﻻﺭﻣﯘ ؟ ﺑﯘﻧﺪﺍﻕ ﮔﯘﯞﺍﮬﻠﯩﻖ ﺷﻪﻛﻠﯩﺪﯨﻜﻰ ﺋﯧﻼﻧﻼﺭﻧﯩﯔ ﺧﺎﺭﻩﻛﺘﯩﺮﻯ ﭼﻮﻟﭙﺎﻧﻼﺭﺩﻩﻙ ﺩﺍﯕﻠﯩﻖ ﻛﯩﺸﯩﻠﻪﺭﻧﯩﯔ ﺟﻪﻣﺌﯩﻴﻪﺕ ﯞﻩ ﺧﻪﻟﯩﻘﻘﻪ ﻧﯩﺴﺒﻪﺗﻪﻥ ﻛﯜﭼﻠﯜﻙ ﻣﻪﺳﺌﯘﻟﯩﻴﻪﺕ ﺗﯘﻳﻐﯘﺳﯩﻐﺎ ﺋﯩﮕﻪ ﺑﻮﻟﯘﺷﻨﻰ ﺑﻪﻟﮕﯩﻠﻪﻳﺪﯗ . ﻧﻮﯞﻩﺗﺘﻪ ، ﻳﺎﯞﺭﯗﭘﺎ ﯞﻩ ﺋﺎﻣﯩﺮﯨﻜﺎ ﻗﯩﺘﺌﻪﺳﯩﺪﯨﻜﻰ ﺩﯙﻟﻪﺗﻠﻪﺭ ﮔﯘﯞﺍﮬﻠﯩﻖ ﺷﻪﻛﻠﯩﺪﯨﻜﻰ ﺋﯧﻼﻧﻼﺭﺩﺍ ، ﺋﯧﻼﻧﻐﺎ ﭼﯩﻘﻘﯘﭼﯩﻨﯩﯔ ﭼﻮﻗﯘﻡ ﻣﻪﺳﺌﯘﻟﯩﻴﻪﺗﻨﻰ ﺋﯚﺯ ﺋﯘﺳﺘﯩﮕﻪ ﺋﺎﻟﯩﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﺋﯧﻨﯩﻖ ﺑﻪﻟﮕﯩﻠﯩﻤﻪ ﭼﯩﻘﺎﺭﺩﻯ . ﻧﺎﯞﺍﺩﺍ ﺳﯩﺰ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﺪﺍ ﻣﻪﻟﯘﻡ ﺩﻭﺭﯨﻨﯩﯔ ﺋﯘﻧﯘﻣﯩﻨﯩﯔ ﻧﺎﮬﺎﻳﯩﺘﻰ ﻳﺎﺧﺸﻰ ﺋﯩﻜﻪﻧﻠﯩﻜﻰ ﺗﻮﻏﺮﯨﺴﯩﺪﺍ ﮔﯘﯞﺍﮬﻠﯩﻖ ﺑﻪﺭﮔﻪﻥ ﺑﻮﻟﺴﯩﯖﯩﺰ ،ﺋﯘﻧﺪﺍﻗﺘﺎ ، ﺋﯚﺯﯨﯖﯩﺰﻧﯩﯔ ﺑﯘ ﺩﻭﺭﯨﻨﻰ ﻗﺎﻳﺴﻰ ﯞﺍﻗﯩﺘﺘﺎ ، ﻗﺎﻧﭽﯩﻠﯩﻚ ﻣﯩﻘﺪﺍﺭﺩﺍ ﻳﯩﮕﻪﻧﻠﯩﻜﯩﯖﯩﺰ ، ﺋﯘﻧﯘﻣﯩﻨﯩﯔ ﻗﺎﻧﺪﺍﻕ ﺑﻮﻟﻐﺎﻧﻠﯩﻘﻰ ﻗﺎﺗﺎﺭﻟﯩﻖ ﺟﻪﮬﻪﺗﻠﻪﺭﺩﻩ ﺋﻪﻣﯩﻠﯩﻲ ﭘﺎﻛﯩﺘﻼﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﺎﻟﯩﺴﯩﯖﯩﺰ ﻳﺎﺧﺸﻰ ﺑﻮﻟﻐﯩﻨﻰ ، ﻧﺎﯞﺍﺩﺍ ﺩﯨﮕﻪﻧﻠﯩﺮﯨﯖﯩﺰ ﻳﺎﻟﻐﺎﻥ ﺑﻮﻟﯘﭖ ﻗﺎﻟﺴﺎ ﺩﻩﺭﮬﺎﻝ ﺳﻮﺭﺍﻗﻘﺎ ﺗﺎﺭﺗﯩﻠﯩﭗ ﺟﺎﺯﺍﻟﯩﻨﯩﺴﯩﺰ . ﺑﯘﻧﺪﺍﻕ ﺑﻮﻟﻐﺎﻧﺪﺍ ﻛﯩﻤﻤﯘ ﻗﺎﻻﻳﻤﯩﻘﺎﻥ ﺟﯚﻳﻠﯘﺷﻜﻪ ﭘﯩﺘﯩﻨﺎﻟﯩﺴﯩﯘﻥ؟
"ﺷﯩﻨﺠﺎﯓ ﻣﻪﺩﻩﻧﯩﻴﯩﺘﻰ " ﮊﻭﺭﻧﯩﻠﯩﺪﯨﻦ .
ﭘﯘﻝﭘﯘﻝ . ﮬﯧﻠﯩﻘﻰ ﺳﺎﺧﺘﯩﭙﻪﺯ ﻛﺎﺭﺧﺎﻧﯩﭽﯩﻼﺭﺩﯨﻦ ﭘﯘﻝ ﺋﯧﻠﯩﭗ ﺋﯧﻼﻧﻐﺎ ﭼﯩﻘﯩﭗ ﺑﻪﺭﮔﻪﻥ ﭼﻮﻟﭙﺎﻧﻼﺭﻏﺎ ﺋﯘﯞﺍﻝ ﺑﻮﻟﻐﺎﻧﻠﯩﻘﻰ ﻣﺎﯞﯗ ﻗﺎﻣﻼﺷﻤﺎﭘﺘﯘ. ﺋﯘﻻﺭ ﺗﯩﻜﻪﻧﻨﻰ ﺋﺎﺩﻩﻡ ﺑﻪﺩﯨﻨﯩﮕﻪ ﺳﺎﻧﭽﯩﻐﯘﭼﯩﻼﺭ ﺋﻪﻣﻪﺳﻤﯘ. ﺋﯩﺴﺘﯩﻤﺎﻟﭽﯩﻼﺭ ﺟﻪﻣﺌﯩﻴﯩﺘﻰ ﯞﻩ ﺗﻪﭘﺘﯩﺶ ﺋﻮﺭﯗﻧﻠﯩﺮﻯ ﺑﯘ ﻧﻮﻗﺘﯩﻐﺎ ﺩﯦﻘﻘﻪﺕ ﻗﯩﻠﺴﺎ ﺑﻮﻟﯩﺪﯨﻜﻪﻥ. ﺋﯘﻻﺭ ﮬﺎﻳﺎﺗﻼ ﺑﯘﻟﺪﯨﻜﻪﻥ ﻣﻪﯕﮕﯘ ﺋﺎﻏﺰﯨﻨﻰ ﻳﯘﻣﻤﺎﻳﺪﯗ . ﺑﯘ ﺋﻪﺑﻪﺩﯨﻴﻠﯩﻚ ﺯﯨﺪﺩﯨﻴﻪﺕ ﺑﯘﻟﯘﭖ ﺋﯘﻧﻰ ﮬﻪﻝ ﻗﯩﻠﯩﺶ ﻣﯘﻣﻜﯩﻦ ﺋﻪﻣﻪﺱ ﭼﯘﻧﻜﻰ ﺑﯩﺮ ﭼﻮﻟﭙﺎﻥ ﺑﯩﺮ ﻗﯩﺘﯩﻢ ﻛﯘﻟﯘﻣﺴﯩﺮﻩﭖ ﺗﯘﺭﯗﭖ ﺋﯘ ﻧﻪﺭﺳﻪ ﻳﺎﺧﺸﻰ ﺩﻩﭖ ﻗﻮﻳﺴﺎ ﺑﯩﺮ ﻣﯘﻧﭽﻪ ﭘﯘﻟﻐﺎ ﺋﯩﺮﯨﺸﺪﯗ ﻣﻪﺳﯩﻠﻪﻥ ؛ ﺟﯘﯕﮕﯘﻧﯩﯔ ﻛﻨﻮ ﺋﺎﺭﺗﯩﺴﻰ ﮔﯘﯕﻠﻰ ﺑﯩﺮ ﻛﯘﻟﯘﻣﺴﯩﺮﻩﭘﻼ ﺑﯩﺮ ﺳﯩﻜﻨﯘﺗﻠﯘﻕ ﻛﯘﺭﯗﻧﯘﺵ ﺋﯘﭼﯘﻥ ﺑﯩﺮ ﻣﯩﻠﻴﯘﻥ ﺋﺎﻟﻐﺎﻥ . ﺷﯘﯕﺎ ﺧﻪﻟﯩﻘﻨﯩﯔ ﺯﯨﺮﯨﻜﯩﺶ ﮬﯩﺴﻴﺎﺗﻰ ﻳﺎﻛﻰ ﺗﯩﻠﻠﯩﺸﻰ ﺋﯘﻻﺭﻧﯩﯔ ﺋﺎﻏﺰﯨﻨﻰ ﺑﺎﺳﺎﻟﻤﺎﻳﺪﯗ . ﺷﯩﻨﺠﺎﯓ ﺗﯩﻠﯟﯨﺰﯨﻴﻪ ﺋﯩﺴﺘﺎﻧﺴﺴﻰ ﻳﯩﻠﺪﺍ ﺋﯩﻼﻥ ﺑﯩﺮﯨﭙﻼ 300 ﻣﯩﻠﻴﯘﻥ ﭘﯘﻝ ﺗﺎﭘﺪﯨﻜﻪﻥ . ﺑﯩﺮ ﭘﻪﻗﻪﺕ ﻗﺎﺧﺸﺎﻳﻤﯩﺰ ﻟﯩﻜﯩﻦ ﺋﯘﻻﺭﻧﯩﯔ ﺋﯘﭺ ﻣﯩﻠﻴﯘﻥ ﭘﯘﻟﯩﻨﻰ ﺑﯩﺮﯨﭗ ﻳﯩﻐﯩﺶ ﻗﯩﻠﯩﭗ ﺑﯩﺮﻩﻟﻤﻪﻳﻤﯩﺰ . ﻟﯩﻜﯩﻦ ﻗﺎﺭﺷﯩﻠﯩﻖ ﮬﯩﺴﻴﺎﺗﯩﻐﺎ ﺗﻮﻟﻐﺎﻥ ﻣﺎﻗﺎﻟﻠﻪﺭﺩﯨﻦ ﻗﯩﺰﺯﯨﻖ ﯞﻩ ﺋﻪﻣﻪﻟﻰ ﺑﻪﺯﻯ ﮔﻪﭘﻠﻪﺭﻧﻰ ﮬﻪﻕ ﺩﻩﭖ ﺋﻮﻗﯘﻳﻤﯩﺰ . ﻗﻮﺷﯘﻟﯩﻤﯩﺰ . ﭼﻮﻟﭙﺎﻧﻼﺭﻣﯘ ﺑﯘﻧﺪﺍﻕ ﻣﺎﻗﺎﻟﻠﻪﺭﻧﻰ ﻛﯚﺭﺳﻪ ﻛﯘﻟﯘﭖ ﻛﯩﺘﯩﺸﻰ ﻣﯘﻣﻜﯩﻦ . ﻟﯩﻜﯩﻦ ﺋﯘﻻﺭ ﻳﻪﻧﻪ ﺋﯩﻼﻥ ﺋﯩﺸﻠﻪﯞﯨﺮﯨﺪﯗ . ﺧﯘﺩﺩﻯ ﺋﺎﺑﺪﯗﻛﯩﺮﯨﻢ ﺋﺎﺑﻠﯩﺰ ﮬﻪﺭ ﻗﯩﺘﯩﻢ ﺳﻪﮬﻨﮕﻪ ﭼﯩﻘﯩﭗ ﺋﯩﻼﻥ ﺋﯩﺸﻠﯩﮕﻪﻧﻠﻪﺭﻧﻰ ﻣﻪﺳﺨﯩﺮﻩ ﻗﯩﻠﯩﭗ ﺗﯘﺭﯗﭖ ﻳﻪﻧﻪ ﺑﯩﺮ ﺋﯩﻼﻥ ﺋﯩﺸﻠﯩﮕﻪﻧﺪﻩﻛﻼ ﭘﯘﻟﻨﯩﯔ ﻣﯩﮭﺮﻯ ﺑﻪﻙ ﺋﯧﺴﺴﯩﻖ . ﺋﯘﻧﯩﯔ ﺋﺎﻟﺪﯨﺪﺍ ﮬﺎﻗﺎﺭﻩﺕ . ﺗﯩﻞ ﺋﺎﮬﺎﻧﻪﺕ ﮬﯩﭻ ﻧﻪﺭﺳﻪ ﺋﻪﻣﻪﺱ . ﺷﯘﯕﺎ ﺋﯩﻼﻧﻨﻰ ﺋﻪﻳﯩﭙﻠﻪﺵ ﺋﺎﻗﻤﺎﻳﺪﯗ . ﺷﯘﻧﺪﺍﻗﺘﯩﻤﯘ ﺑﯩﺰ ﻳﻪﻧﻪ ﻗﺎﺭﺷﯩﻠﯩﻖ . ﺑﯩﺰﺍﺭﻟﯩﻖ ﮬﯩﺴﻴﺎﺗﯩﻤﯩﺰﻧﻰ ﺑﺎﻳﺎﻥ ﻗﯩﻠﯩﯟﯨﺮﯨﻤﯩﺰ ﻣﺎﻧﺎ ﺑﯘﻧﯩﯔ ﺋ.ﯚﺯﻯ ﮬﺎﻳﺎﺕ ﯞﻩ ﺗﯩﺮﯨﮕﻠﯩﻜﻨﯩﯔ ﻧﯩﺸﺎﻧﯩﺴﻰ ﺧﺎﻻﺱ ، ﭘﯘﻝ ﺑﻪﺭﺳﻪ ﺑﻪﺯﯨﻠﻪﺭ ﮬﻪﺭﻗﺎﻧﺪﺍﻕ ﺋﯩﺶ ﻗﯩﻠﯩﺸﺘﯩﻦ ﻳﺎﻣﺎﻳﺪﯗ ﺭﺍﺳﺘﻼ ﺋﯘﻻﺭﺩﺍ ﺟﯩﻨﺎﻳﻰ ﺟﺎﯞﺍﭘﻜﺎﺭﻟﯩﻖ ﺑﺎﺭ! ﺋﯘ ﭼﻮﻟﭙﺎﻧﻼﺭ ﻛﯩﺸﯩﻠﻪﺭﻧﯩﯔ ﺋﯘﻻﺭﻏﺎ ﺑﻮﻟﻐﺎﻥ ﺋﺸﻪﻧﭽﯩﺴﯩﻨﻰ ﺳﯩﺘﯩﭗ ﻳﻪﯞﺍﺗﯩﺪﯗ .
...ﻧﯩﻤﻪ،،،ﻧﯩﻤﻪ،،،ﺗﯩﺨﻰﮬﯩﻠﻘﻰﺋﯧﻼﻧﭽﯘ.ﺋﻪﺭﻟﻪﺭﻧﯩﯔﺑﻮﻳﺴﯘﻧﺪﯗﺭﯗﺵﻛﯘﭼﻰﺩﻩﻳﺪﯨﻐﺎﻥ،،،،،،،ﭘﻪﭼﻪﺕﮬﻪ،،،،،،،؟
......
ﺋﯧﻼﻧﻨﻰ ﭼﻮﻟﭙﺎﻧﻼﺭ ﺋﯩﺸﻠﯩﻤﯩﺴﻪ ﻛﯩﻢ ﻛﻮﺭﯨﺪﯗ.،.....ﻣﻪﺳﯩﻠﻪ ﺷﯘﻛﻰ ﻣﻪﮬﺴﯘﻻﺕ ﺋﯩﺸﻠﻪﭘﭽﯩﻘﺎﺭﻏﯘﭼﯩﻼﺭ ﺑﯩﻠﻪﻥ ﺋﯧﻼﻥ ﻻﮬﯩﻴﯩﻠﯩﮕﯘﭼﯩﻠﻪﺭ ﺋﯧﻼﻧﻨﯩﯔ ﺳﯘﭘﯩﺘﯩﻨﻰ ﺑﻪﻟﮕﯩﻠﻪﻳﺪﯗ،ﺷﯘﯕﺎ ﭼﻮﻟﭙﺎﻧﻼﺭﺩﯨﻦ ﺧﺎﭘﺎ ﺑﻮﻟﯘﺷﻨﯩﯔ ﺋﻮﺭﻧﻰ ﻳﻮﻕ...ﺗﺎﯞﺍﺭ ﺟﻪﻣﯩﻴﻪﺕ ﺑﯘ.
ﭘﯘﻝ ﺗﯩﭙﯩﺶ ﺋﯘﭼﯘﻥ ﻳﻪﻧﻪ ﺑﯩﺮﮔﻪ ﺋﯩﻼﻥ ﻗﯩﻠﻐﺎﻥ ﺋﻮﺭﯗﻥ ﺷﯘ ﭼﻮﻟﭙﺎﻧﻼﺭﻧﻰ ﺑﯩﺰ ﺗﻮﻧﯩﻐﺎﭼﻘﺎ ﺑﯩﺰ ﺋﯘﻻﺭﻧﻰ ﮬﯚﺭﻣﻪﺗﻠﯩﮕﻪﭼﻜﻪ، ﺋﯩﺸﻪﻧﮕﻪﭼﻜﻪ ﺷﯘ ﻳﻪﺭﺩﯨﻦ ﭘﺎﻳﺪﯨﻠﯩﻨﯩﭗ ﻛﯩﺘﯩﭗ ﺑﺎﺭﯨﺪﯗ.
ﺳﯩﺰﮔﻪ ﭘﯘﻝ ﺑﻪﺭﺳﻪ ﺋﯩﻼﻧﻐﺎ ﭼﯩﻘﺎﻣﺴﯩﺰ ﻳﺎﻛﻰ ﭼﯩﻘﻤﺎﻣﺴﯩﺰ؟ﺷﯘﻧﯩﯖﻐﺎ ﺟﺎﯞﺍﭖ ﺑﯧﺮﯨﭗ ﺑﯧﻘﯩﯖﻼﺭ ﻗﯧﻨﻰ.
ﻣﯩﻨﯩﯖﭽﻪ ﺑﻮﻟﻐﺎﻧﺪﯨﻤﯘ ﭼﻮﻟﭙﺎﻧﻼﺭﺩﯨﻦ ﺋﺎﻏﺮﯨﻨﯩﺶ ﻣﻪﺳﯩﻠﯩﻨﻰ ﮬﻪﻝ ﻗﯩﻼﻟﻤﺎﻳﺪﯗ . ﭼﻮﻟﭙﺎﻧﻼﺭﻧﯩﯔ ﺋﯧﻼﻧﻐﺎ ﭼﯩﻘﯩﺸﻰﺑﯘ ﺧﻪﻟﯩﻘﺎﺭﺍﻟﯩﺸﯩﭗ ﻛﻪﺗﻜﻪﻥ ﻣﻪﺳﯩﻠﻪﺑﯘﻧﯩﯖﻐﺎ ﯪﻣﺎﻝ ﻳﻮﻕ.ﻧﺎﭼﺎﺭ ﺗﺎﯞﺍﺭﻧﯩﯔ ،ﯸﻼﻧﯩﻨﻰ ﻗﺎﻧﭽﻪ ﻳﺎﺧﺸﻰ ﻗﯩﻠﯩﭗ ﺋﯩﺸﻠﯩﺴﻪ،ﻳﺎﻟﻐﺎﻥ ﻧﻪﺭﺳﯩﻤﯘ ﺭﺍﺳﻘﺎ ﺋﺎﻳﻠﯩﻨﯩﺪﯗ.ﺷﯘﯕﺎ ﮬﻪﻣﯩﻤﯩﺰ ﺋﯚﺯﯨﻤﯩﺰﮔﻪ ﭼﯩﯔ ﺑﻮﻟﺴﺎﻕ ﺑﯘﻟﯩﺪﯗ.
ﮬﻪﻣﻤﯩﺴﻰ ﭘﯘﻟﻨﯩﯔ ﻛﺎﺭﺍﻣﯩﺘﻰ ﺑﻮﻟﻤﺎﻣﺪﯗ ،ﮬﺎﺯﯨﺮ ﺭﺍﺳﺘﯩﻨﻼ ﺑﯘ ﺋﺎﺩﻩﻣﻠﻪﺭﮔﻪ ﺋﯩﺸﻪﻧﮕﯜﺳﯩﺰ ﺑﯘﻟﯘﭖ ﻛﻪﺗﺘﻰ
بەت:
[1]