ﺳﻮﻏﯘﻕ ﺗﺎﻡ
ﺳﻮﺩﺍ ﺋﯩﺸﻰ ﺑﯩﻠﻪﻥ ﻫﻪﻣﻤﯩﻨﻰ ﺋﯘﻧﺘﯘﭖ ، ﺋﺎﺩﻩﻣﻠﻪﺭﻧﻰ ﻫﻪﺭ ﻛﻮﻳﻐﺎ ﺳﺎﻟﯩﺪﯨﻐﺎﻥ ﭘﯘﻝ ﻛﻮﻳﯩﺪﺍ ﻳﯜﺭﺩﯛﻡ . ﺑﯜﮔﯜﻥ ﻗﻮﻟﯘﻡ ﺳﻪﻝ ﺑﻮﺵ ﺑﻮﻟﯘﭖ ﻗﺎﻟﻐﺎﭼﻘﺎ ، ﻗﻮﺭﯗ ﺋﯩﭽﯩﺪﯨﻜﻰ ﻛﯩﭽﯩﻜﻜﯩﻨﻪ ﺑﺎﻏﻨﻰ ﺋﺎﻳﻼﻧﻐﯘﻡ ﻛﻪﻟﺪﻯ .ﻣﻪﻥ ﺋﯜﺯﯛﻡ ﺑﺎﺭﯨﯖﻰ ﺋﺎﺳﺘﯩﺪﺍ ﻣﺎﯕﻤﺎﻗﺘﯩﻤﻪﻥ ، ﺑﯘ ﻛﯩﭽﯩﻜﻜﯩﻨﻪ ﺑﺎﻏﻨﻰ ﻳﺎﯞﺍ ﺋﻮﺕ - ﭼﯚﭘﻠﻪﺭ ﻗﺎﭘﻼﭖ ﻛﻪﺗﻜﻪﻧﯩﺪﻯ . ﺑﺎﻟﯩﻠﯩﻖ ﭼﺎﻏﻠﯩﺮﯨﻤﺪﺍ ﻣﻪﻫﻪﻟﻠﯩﺪﯨﻜﻰ ﺩﻭﺳﺘﻠﯩﺮﯨﻢ ﺑﯩﻠﻪﻥ ﺋﺎﻟﻤﺎ ﺋﯧﻐﯩﺘﯩﭗ ﻳﻪﻳﺪﯨﻐﺎﻥ ﻗﯧﺮﻯ ﺋﺎﻟﻤﺎ ﺩﻩﺭﯨﺨﻰ ﻣﯘﯕﻠﯘﻕ ﺳﯜﻛﯜﺗﻜﻪ ﭼﯚﻣﮕﻪﻧﺪﻩﻙ ﺷﺎﺧﻠﯩﺮﯨﻨﻰ ﻫﻪﺭﻳﺎﻧﻐﺎ ﻳﯧﻴﯩﭗ ﺟﯩﻤﻤﯩﺪﻩ ﺗﯘﺭﺍﺗﺘﻰ . ﺋﯘﻧﯩﯔ ﺷﯧﺨﯩﻐﺎ ﻗﻮﻧﯘﯞﺍﻟﻐﺎﻥ ﺑﯘﻟﺒﯘﻝ ﻣﯘﯕﻠﯘﻕ ﺳﺎﻳﺮﺍﯞﺍﺗﺎﺗﺘﻰ . ﺗﺎﻡ ﺗﯜﯞﯨﺪﯨﻜﻰ ﺩﯛﻣﭽﻪﻙ ﺟﯩﮕﺪﻩ ﺩﻩﺭﯨﺨﯩﺪﯨﻤﯘ ﺑﯩﺮ ﺗﻮﭖ ﻗﯘﭼﻘﺎﭼﻼﺭ ﻧﯧﻤﯩﺪﯨﻨﺪﯗﺭ ﺯﺍﺭﻟﯩﻨﯩﯟﺍﺗﻘﺎﻧﺪﻩﻙ ﯞﯨﭽﯩﺮﻟﯩﺸﺎﺗﺘﻰ . ﺑﺎﻟﯩﻠﯩﻖ ﭼﺎﻏﻠﯩﺮﯨﻤﺪﺍ ﺑﯘ ﻳﻪﺭﺩﻩ ﺩﻭﺳﺘﻠﯩﺮﯨﻢ ﺑﯩﻠﻪﻥ ﻫﻪﺭ ﺧﯩﻞ ﻗﯩﺰﯨﻘﺎﺭﻟﯩﻖ ﺋﻮﻳﯘﻧﻼﺭﻧﻰ ﺋﻮﻳﻨﯩﻐﺎﻧﻠﯩﺮﯨﻢ ﺋﯧﺴﯩﻤﮕﻪ ﻛﻪﻟﺪﻯ - ﺩﻩ ، ﻛﯚﺯﻟﯩﺮﯨﻤﮕﻪ ﻳﺎﺵ ﭘﻪﺭﺩﯨﻠﯩﺮﻯ ﺗﺎﺭﺗﯩﻠﯩﭗ ، ﺩﯗﻧﻴﺎ ﮔﯩﺮﯨﻤﺴﻪﻥ ﻛﯚﺭﯛﻧﺪﻯ ... ﻣﻪﻥ ﭼﻮﯕﻘﯘﺭ ﻧﻪﭘﻪﺱ ﺋﺎﻟﺪﯨﻢ ، ﺋﯩﭻ - ﺋﭽﯩﻤﺪﯨﻦ ﺋﻮﺕ ﻗﺎﻳﻨﺎﭖ ﭼﯩﻘﺘﻰ . " ﻗﯧﻨﻰ ﻣﯧﻨﯩﯔ ﺋﺎﺷﯘ ﺩﻭﺳﺘﻠﯩﺮﯨﻢ ؟ " ﺋﯚﺯ - ﺋﯚﺯﯛﻣﮕﻪ ﺧﯩﺘﺎﺏ ﻗﯩﻠﺪﯨﻢ ؛ "ﺋﯘﻻﺭ ﻧﻪﻟﻪﺭﮔﻪ ﻛﻪﺗﺘﻰ . ﺗﻮﻏﺮﺍ ، ﺋﯘﻻﺭ ﻫﯧﭽﻴﻪﺭﮔﻪ ﻛﻪﺗﻜﯩﻨﻰ ﻳﻮﻕ . ﻳﻪﻧﯩﻼ ﻣﯘﺷﯘ ﻣﻪﻫﻪﻟﻠﯩﺪﻩ ... ﻧﯧﻤﻪ ﺋﯜﭼﯜﻥ ﺑﯩﺰ ﻳﻪﻧﻪ ﻗﻮﻳﯘﻕ ﺋﺎﺭﻟﯩﺸﺎﻟﻤﺎﻳﻤﯩﺰ ، ﺗﯘﺭﻣﯘﺵ ﺋﺎﺩﻩﻣﻠﻪﺭﻧﻰ ﺷﯘﻧﺪﺍﻗﻤﯘ ﻫﻪﺭ ﻛﻮﻳﻐﺎ ﺳﯧﻠﯩﯟﯦﺘﻪﻣﺪﯨﻐﺎﻧﺪﯗ . ﺟﺎﻫﺎﻧﺪﺍﺭﭼﯩﻠﯩﻖ ﺩﯦﮕﻪﻥ ﺷﯘﻧﺪﺍﻕ ﺑﻮﻻﻣﺪﯨﻐﺎﻧﺪﯗ " . ﺑﯘﻻﺭﻧﻰ ﺋﻮﻳﻠﯩﻐﺎﻧﺴﯧﺮﻯ ﺧﯩﻴﺎﻟﻠﯩﺮﯨﻢ ﭼﯩﮕﯩﺸﻠﯩﺸﯩﭗ ﻛﻪﺗﺘﻰ . ﺧﯩﻴﺎﻟﻠﯩﺮﯨﻢ ﻫﯧﭻ ﺑﯧﺸﯩﻐﺎ ﭼﯩﻘﯩﺪﯨﻐﺎﻧﺪﻩﻙ ﺋﻪﻣﻪﺱ ﺋﯩﺪﻯ . ﺋﺎﺷﯘ ﺩﻭﺳﺘﻠﯩﺮﯨﻤﻨﯩﯔ ﺑﻪﺯﯨﻠﯩﺮﻯ ﻫﺎﺭﺍﻕ ﺋﯩﭽﯩﭗ ﺋﯚﻟﯜﭖ ﻛﻪﺗﺘﻰ ، ﺑﻪﺯﯨﻠﯩﺮﻯ ﺗﯜﺭﻣﯩﺪﻩ ، ﻳﻪﻧﻪ ﺑﻪﺯﯨﻠﯩﺮﻯ ﺑﯩﺮﻧﻰ ﺑﯩﺮﯨﮕﻪ ﺋﯘﻻﭖ ﺋﺎﺭﺍﻥ ﻛﯧﺘﯩﭗ ﺑﺎﺭﻏﺎﻥ ، ﺋﺎﺟﺎﻳﯩﭗ ﺟﺎﻫﺎﻥ -ﻫﻪ ! ﻣﻪﻥ ﺋﺎﺷﯘﻧﺪﺍﻕ ﺧﯩﻴﺎﻟﻼﺭ ﺑﯩﻠﻪﻥ ﺑﯩﺮ ﺩﻩﺳﺴﻪﭖ ، ﺋﯩﻜﻜﻰ ﺩﻩﺳﺴﻪﭖ ، ﺋﯘﺩﯗﻝ ﻗﻮﺷﻨﯩﻤﯩﺰ ﺑﯩﻠﻪﻥ ﭼﯧﮕﺮﯨﺪﺍﺵ ﺑﻮﻟﻐﺎﻥ ﺗﺎﻡ ﺗﯜﯞﯨﮕﻪ ﻛﯧﻠﯩﭗ ﻗﺎﭘﺘﯩﻤﻪﻥ . ﺋﯚﺗﻜﻪﻧﺪﻩ "ﺋﯧﭽﯩﯟﯦﺘﯩﺶ ﺭﺍﻳﻮﻧﻰ" ﺗﻪﺭﯨﭙﯩﺪﯨﻦ ﺑﯘ ﻳﻪﺭﺩﯨﻜﻰ ﺋﯚﻳﻠﻪﺭ ﭼﯧﻘﯩﻠﯩﭗ ﻛﯧﺘﯩﺪﯗ ، ﺩﯦﮕﻪﻧﺪﻩ ﺑﯘ ﺗﺎﻡ ﮔﻪﺭﭼﻪ ﺑﯩﺰﻧﯩﯔ ﺑﻮﻟﺴﯩﻤﯘ ﻗﻮﺷﻨﯩﻤﯩﺰ ﺑﯩﺰﻧﯩﯔ ﺩﻩﭖ ﺗﯘﺭﯗﯞﺍﻟﻐﺎﻥ ﻣﺎﺟﯩﺮﺍﻧﻰ ﺋﯚﻳﺪﯨﻜﯩﻠﻪﺭﺩﯨﻦ ﺋﺎﯕﻠﯩﻐﺎﻧﯩﺪﯨﻢ ، ﻛﯧﻴﯩﻦ ﺋﯚﻳﺪﯨﻜﯩﻠﻪﺭﮔﻪ : " ﺋﯘﻧﻰ ﺗﺎﻟﯩﺸﯩﭗ ﻧﯧﻤﻪ ﻗﯩﻠﯩﺴﯩﻠﻪﺭ ، ﺑﻮﻟﺪﻯ ﺋﺎﺷﯘﻻﺭﻏﺎ ﺑﯧﺮﯨﯟﯦﺘﯩﯖﻼﺭ ، ﻳﯩﺮﺍﻗﺘﯩﻜﻰ ﺗﯘﻗﻘﺎﻧﺪﯨﻦ ﻳﯧﻘﯩﻨﺪﯨﻜﻰ ﻗﻮﺷﻨﺎ ﻳﺎﺧﺸﻰ ﺩﯦﮕﻪﻥ ﮔﻪﭖ ﺑﺎﺭ " ﺩﯦﮕﯩﻨﯩﻤﺪﯨﻦ ﻛﯧﻴﯩﻨﻼ ﺋﯘﻻﺭﻏﺎ ﺋﯚﺗﯜﭖ ﻛﻪﺗﻜﻪﻧﯩﺪﻯ . ﺷﯘﯕﺎ ﺑﯘ ﻗﻮﺷﻨﯩﻤﯩﺰ ﺋﯚﻳﯩﻤﯩﺰ ﭼﯧﻘﯩﻠﺴﺎ ، ﭘﯘﻝ ﺑﻮﻻﺭ ﺩﯦﮕﻪﻥ ﺋﯜﻣﯩﺘﺘﻪ ، ﺑﯘ ﺋﻪﺳﻜﻰ ﺗﺎﻣﻐﺎ ﻳﯚﻟﻪﭘﻼ ﺑﯩﺮﻧﻪﭼﭽﻪ ﺋﯧﻐﯩﺰ ﺋﯚﻳﻨﻰ ﺳﯧﻠﯩﯟﺍﻟﻐﺎﻧﯩﺪﻯ . ﻣﻪﻥ ﺋﺎﺷﯘ ﺑﺎﻟﯩﻠﯩﻖ ﭼﺎﻏﻠﯩﺮﯨﻤﺪﺍ ﺑﯘ ﺗﺎﻣﻼﺭﻏﺎ ﻳﺎﻣﯩﺸﯩﭗ ﺋﻮﻳﻨﯩﻐﺎﻥ ﯞﺍﻗﯩﺘﻠﯩﺮﯨﻤﻨﻰ ﺋﻪﺳﻠﻪﭖ ، ﺑﯘ ﺗﺎﻣﻐﺎ ﺋﯩﻨﭽﯩﻜﯩﻠﯩﻚ ﺑﯩﻠﻪﻥ ﻧﻪﺯﻩﺭ ﺗﺎﺷﻠﯩﺪﯨﻢ . ﻛﯚﺯﯛﻡ ﺑﯩﺮﺩﯨﻨﻼ ﺗﺎﻣﺪﯨﻜﻰ ﻛﯧﺴﻪﻙ ﺑﯩﻠﻪﻥ ﺋﯧﺘﯩﯟﯦﺘﯩﻠﮕﻪﻥ ﻛﯩﭽﯩﻜﻜﯩﻨﻪ ﺩﯦﺮﯨﺰﯨﮕﻪ ﭼﯜﺷﻜﯩﻨﯩﺪﻩ ﺳﻮﻏﯘﻕ ﺑﯩﺮ ﺗﯩﺘﺮﻩﻙ ﯞﯗﺟﯘﺩﯗﻣﻨﻰ ﭼﯘﻟﻐﯘﯞﺍﻟﺪﻯ . " ﺋﺎﻫ ﺑﯘ ﻛﯩﭽﯩﻜﻜﯩﻨﻪ ﺩﯦﺮﯨﺰﻩ ﻗﻮﺷﻨﯩﻼﺭ ﺋﺎﺭﺍ ﺗﺎﻣﺎﻕ ﺗﺎﻣﺎﻕ ﺳﯘﻧﯩﺸﯩﺪﯨﻐﺎﻥ ﺟﺎﻱ ﺋﯩﺪﯨﻐﯘ ، ﻗﺎﭼﺎﻥ ﺋﯧﺘﯩﻠﯩﭗ ﻛﻪﺗﻜﻪﻧﺪﯗ ؟ ﻣﻪﻥ ﺋﻪﺟﻪﭖ ﻛﯚﺭﻣﻪﭘﺘﯩﻤﻪﻥ ؟ ... " ﺧﯩﻴﺎﻟﯩﻢ ﺑﯩﺮﺩﯨﻨﻼ ﺋﯚﺗﻜﻪﻥ ﺋﯩﺸﻼﺭﻏﺎ ﻛﯚﭼﺘﻰ :
|- ﻫﻮﻱ ، ﻧﯘﺭﻧﯩﺴﺎ ﺋﺎﭼﺎ ، ﺋﻪﻱ ﻧﯘﺭﻧﯩﺴﺎ ﺋﺎﭼﺎ ... ﺋﺎﭘﺎﻡ ﺳﯩﺰﮔﻪ ﺋﺎﺵ ﻛﯩﺮﮔﯜﺯﮔﻪﻥ ....
|I- ﻣﺎﻧﺎ ﺑﺎﻻﻡ ﻫﺎﺯﯨﺮ ، -- ﻧﯘﺭﻧﯩﺴﺎ ﺋﺎﭼﺎﻡ ﺋﯩﻠﻠﯩﻖ ﭼﯩﺮﺍﻱ ﺑﯩﻠﻪﻥ ﭼﯩﻘﯩﭗ ﻛﯧﻠﯩﭗ ﺋﺎﺷﻨﻰ ﻗﻮﻟﯘﻣﺪﯨﻦ ﺋﺎﺷﯘ ﻛﯩﭽﯩﻜﻜﯩﻨﻪ ﺩﯦﺮﯨﺰﻩ ﺋﺎﺭﻗﯩﻠﯩﻖ ﺋﺎﻟﻐﺎﻧﯩﺪﻯ ، --- ﺋﺎﭘﺎﯕﻐﺎ ﺭﻩﻫﻤﻪﺕ -ﺩﻩ ﺟﯘﻣﯘ ﺋﯘﻧﺘﯘﭖ ﻗﺎﻟﻤﺎﻱ .
-- ﻣﺎﻗﯘﻝ .
-- ﻫﻪﻱ ، ﭼﯩﻤﻪﻧﮕﯜﻝ ، -- ﻣﻪﻥ ﻧﯘﺭﻧﯩﺴﺎ ﺋﺎﭼﺎﻣﻨﯩﯔ ﺋﺎﯞﺍﺯﯨﻨﻰ ﺋﺎﯕﻼﭖ ﺩﯦﺮﯨﺰﯨﮕﻪ ﭼﯧﭙﯩﭗ ﺑﺎﺭﻏﺎﻧﯩﺪﯨﻢ ، -- ﻛﯚﻙ ﭼﯚﭼﯜﺭﯨﺴﻰ ﺋﻪﺗﻜﻪﻥ ، ﺋﯩﺴﺴﯩﻘﻘﯩﻨﻪ ﻳﻪﯞﯦﻠﯩﯖﻼﺭ .
-- ﺭﻩﻫﻤﻪﺕ ﺋﺎﭼﺎ .
-- ﻛﺎﺩﺍﯕﻠﯩﻘﯩﻨﻰ ﻗﺎﺭﺍ ﺑﯘﻧﯩﯔ ، -- ﺋﯘ ﺷﯘﻧﺪﺍﻕ ﺩﻩﭖ ﺑﯘﺭﻧﯘﻣﻨﻰ ﻣﯩﺠﯩﭗ ﻗﻮﻳﻐﺎﻧﯩﺪﻯ .
-- ﺋﯘﻧﺪﺍﻕ ﻗﯩﻠﻤﺎﯓ ، ﭘﯘﺗﯘﻣﺪﯨﻜﻰ ﻛﯧﺴﻪﻙ ﺋﯚﺭﯛﻟﯜﭖ ﭼﯜﺷﻤﯩﺴﯘﻥ .
-- ﻗﺎﭼﺎﻧﻤﯘ ﻛﯧﺴﻪﻛﻜﻪ ﺩﻩﺳﺴﯩﻤﻪﻱ ﺋﺎﺵ ﺳﯘﻧﻐﯘﺩﻩﻙ ﺑﻮﻻﺭﺳﻪﻥ ؟
-- ﭼﻮﯓ ﺑﻮﻟﻐﺎﻧﺪﺍ .
-- ﻧﯘﺭﻧﯩﺴﺎ ﺋﺎﭼﺎ ، ﺋﺎﭘﺎﻡ ﭘﻮﻟﻮ ﺋﻪﺗﻜﻪﻥ ....
-- ﻣﺎﻧﺎ ﺑﺎﻻﻡ ﻫﺎﺯﯨﺮ .... -- ﻧﯘﺭﻧﯩﺴﺎ ﺋﺎﭼﺎﻡ ﻳﯜﮔﯜﺭﮔﻪﻧﺪﻩﻙ ﭼﯩﻘﯩﭗ ﺋﺎﺷﻨﻰ ﻗﻮﻟﯘﻣﺪﯨﻦ ﺋﯧﻠﯩﺸﯩﻐﺎ ﭘﯘﺗﯘﻣﺪﯨﻜﻰ ﻛﯧﺴﻪﻙ ﺗﯧﻴﯩﻠﯩﭗ ﻛﯧﺘﯩﭗ ، ﺋﺎﺵ ﻳﻮﺗﺎﻣﻐﺎ ﺗﯚﻛﯜﻟﯜﭖ ﻛﻪﺗﺘﻰ . ﺷﯘ ﭼﺎﻏﺪﺍ ﻧﯘﺭﻧﯩﺴﺎ ﺋﺎﭼﺎﻡ :
-- ﺟﯧﻨﯩﻢ ﺑﺎﻻﻡ ، --- ﺩﻩﭖ ﺩﯦﺮﯨﺰﯨﺪﯨﻦ ﻛﯩﺮﻣﻪﻛﭽﻰ ﺑﻮﻟﯘﭖ ﻗﯩﺴﯩﻠﯩﭗ ﻗﺎﻟﻐﯩﻠﻰ ﺗﺎﺱ ﻗﺎﻟﻐﺎﻧﯩﺪﻯ .
-- ﺑﺎﻻﻡ ﻧﯧﻤﯩﮕﻪ ﻗﺎﺭﺍﭖ ﻛﻪﺗﺘﯩﯔ ؟ -- ﺋﺎﭘﺎﻣﻨﯩﯔ ﺋﺎﯞﺍﺯﻯ ﺧﯩﻴﺎﻟﯩﻤﻨﻰ ﺑﯚﻟﺪﻯ .
-- ﺋﺎﯞﯗ ﺩﯦﺮﯨﺰﯨﮕﻪ ﻗﺎﺭﺍﯞﺍﺗﯩﻤﻪﻥ ﺋﺎﭘﺎ ، ﺋﯘ ﻗﺎﭼﺎﻥ ﺋﯧﺘﯩﻠﯩﭗ ﻛﻪﺗﻜﻪﻧﺪﯗ ؟
-- ﺑﯩﻠﻤﻪﻳﺪﯨﻜﻪﻧﻤﻪﻥ ﺑﺎﻻﻡ ، ﺯﺍﻣﺎﻥ ﺋﯚﺯﮔﻪﺭﺩﻯ - ﺩﻩ .
-- ﻧﯧﻤﯩﺸﻘﺎ ﺋﯧﺘﯩﻠﯩﭗ ﻛﻪﺗﻜﻪﻧﺪﯗ - ﻫﻪ ؟ -- ﺩﯦﺪﯨﻢ ﻣﻪﻳﯜﺱ ﻫﺎﻟﺪﺍ ﺋﯚﺯ - ﺋﯚﺯﯛﻣﮕﻪ ﭘﯩﭽﯩﺮﻻﭖ .
-- ﺑﺎﻻﻡ ، ﺑﯘﺭﯗﻥ ﺑﯘﻧﺪﺍﻕ ﺩﯦﺮﯨﺰﯨﻠﻪﺭ ﻫﻪﻣﻤﻪ ﺋﺎﺋﯩﻠﯩﻠﻪﺭﺩﻩ ﺑﻮﻟﯩﺪﯨﻐﺎﻥ ، ﻫﺎﺯﯨﺮ ﺋﯧﺘﯩﻠﯩﭗ ﻛﻪﺗﺘﯩﻐﯘ - ﺗﺎﯓ ؟ -- ﺋﺎﭘﺎﻡ ﺷﯘﻧﺪﺍﻕ ﺩﯦﮕﯩﻨﯩﭽﻪ ﻛﯧﺘﯩﭗ ﻗﺎﻟﺪﻯ .
ﻛﯚﺯﻟﯩﺮﯨﻤﮕﻪ ﺋﺎﺷﯘ ﺩﯦﺮﯨﺰﯨﻨﻰ ﺋﻪﺗﻜﻪﻥ ﺑﯩﺮ ﻧﻪﭼﭽﻪ ﻛﯧﺴﻪﻙ ﺷﯘﻧﭽﯩﻠﯩﻚ ﺳﻮﻏﯘﻕ ﻛﯚﺭﯛﻧﺪﻯ ، ﺋﯘ ﮔﻮﻳﺎ ﭘﯜﺗﻜﯜﻝ ﺋﺎﺩﻩﻣﻠﻪﺭﻧﯩﯔ ﻳﯜﺭﯨﻜﯩﻨﻰ ﻣﯩﺠﯩﭗ ﻗﺎﺗﺘﯩﻖ ﺯﻩﺭﺑﻪ ﺑﯩﻠﻪﻥ ﺑﯧﺴﯩﯟﺍﺗﻘﺎﻧﺪﻩﻙ ، ﺋﺎﺭﯨﻠﯩﻘﺘﯩﻦ ﺋﯚﺗﻜﯩﻠﻰ ﺑﻮﻟﻤﺎﻳﺪﯨﻐﺎﻥ ﭼﻮﯕﻘﯘﺭ ﺑﯩﺮ ﻫﺎﯓ ﻗﺎﻟﺪﯗﺭﻏﺎﻧﺪﻩﻙ ﺑﯩﻠﯩﻨﺪﻯ ....
ﺋﺎﭘﺘﻮﺭﻯ : ﻣﯘﮬﻪﻣﻤﻪﺗﺌﯧﻠﻰ ﮬﯧﻠﯩﻢ ﺑﯘ ﺗﯧﻤﺎ ﮬﯧﭽﻜﯩﻤﻨﯩﯔ ﺋﻮﻳﻠﯩﻨﯩﭗ ﺑﯧﻘﯩﺸﯩﻐﺎ ﻣﯘﻳﻪﺳﺴﻪﺭ ﺑﻮﻻﻟﻤﺎﭘﺘﯘ....
ﺭﯦﺌﺎﻟﻠﯩﻘﻘﺎ ﺑﻪﻛﻤﯘ ﺋﯘﻳﻐﯘﻥ ﺗﯧﻤﺎ ﺋﯩﺪﻯ ﻳﯘﻟﺘﯘﺯ ﻗﯩﺰﭼﺎﻕ ﭺ ﭺ ﻧﯘﻣﯘﺭﯨﯖﯩﺰﻧﻰ ﺩﻩﭖ ﺑﯩﺮﯨﯖﻪ ﻣﯩﻨﯩﯔ ﺳﯩﺰ ﺑﯩﻠﻪﻥ ﺩﻭﺳﺖ ﺑﻮﻟﻐﯘﻡ ﺑﺎﺭ ﺋﯩﺪﻯ، ﺳﯩﺰ ﺧﺎﻟﯩﺴﯩﯖﯩﺰ، ﻣﯩﻨﯩﯔ ﭺ ﭺ ﻧﻮﻣﯘﺭﯗﻡ 378974383 ﺑﯘ ﺋﻮﺑﺪﺍﻥ ﺗﯧﻤﺎ ﺋﯩﻜﻪﻥ......ﺑﯩﺮﺍﻕ ﻛﯩﺸﯩﻠﻪﺭﻧﯩﯔ ﻧﯩﻤﺸﯩﻘﺎ ﻧﻪﺯﯨﺮﻯ ﭼﯜﺷﻤﯩﮕﻪﻧﺪﯗ؟ ﮬﻪﺭ ﻛﯩﻤﻨﯩﯔ ﻛﯚﯕﻠﯩﮕﻪ ﺋﯩﻨﺴﺎﭖ ﺑﻪﺭﺳﯘﻥ ﺋﯘﻟﯘﻍ ﺋﺎﻟﻼﮬ.....ﺋﺎﻣﯩﻦ
بەت:
[1]