ﺋﯚﺯﯨﻨﻰ ﺗﯘﺗﯘﺵ ﮬﻪﻗﻘﯩﺪﻩ
ﺋﯚﻱ ﺋﯩﭽﯩﮕﻪ ﻗﺎﺭﺍﺵ، ﻳﯧﻤﻪﻙ-ﺋﯩﭽﻤﻪﻙ ﺟﻪﮬﻪﺗﻠﻪﺭﺩﻩ ﺗﻪﺩﺑﯩﺮ ﻛﯚﺭﯗﺵ -ﺋﺎﻳﺎﻟﻼﺭﻧﯩﯔ ﺯﯨﻤﻤﯩﺴﯩﺪﯨﻜﻰ ﺋﯩﺸﻼﺭﺩﯗﺭ. ﺗﻪﺭﺑﯩﻴﻠﯩﻚ ﺋﺎﻳﺎﻟﻼﺭ ﮬﻪﺭ ﺑﯩﺮ ﺋﯩﺸﺘﺎ ﺋﻮﻳﻠﯩﻨﯩﭗ، ﺗﻪﺭﺗﯩﭗ ﺑﯩﻠﻪﻥ ﺋﯚﻟﭽﻪﭖ ﺋﯩﺶ ﻗﯩﻠﯘﺭ. ﺋﯩﺴﺮﺍﭘﭽﯩﻠﯩﻘﯩﺘﯩﻦ ﺳﺎﻗﻠﯩﻨﯘﺭ. ﭼﯜﻧﻜﻰ، ﺩﯗﻧﻴﺎﺩﺍ ﻳﺎﺷﯩﻤﺎﻕ، ﺑﺎﻟﯩﻼﺭﻧﻰ ﺑﺎﺷﻘﯩﻼﺭﻏﺎ ﻣﯘﮬﺘﺎﺟﺴﯩﺰ ﺑﯩﺮ ﮬﺎﻟﻪﺗﺘﻪ ﻗﺎﻟﺪﯗﺭﯗﺵ ﻣﺎﻝ ﯞﻩ ﺑﺎﻳﻠﯩﻘﻘﺎ ﺑﯧﺮﯨﭗ ﺗﺎﻗﯩﻠﯩﺪﯗ. ﺋﯚﻟﮕﻪﻥ ﻛﯩﺸﻰ ﻛﯧﭙﻪﻧﮕﻪ ﻣﯘﮬﺘﺎﺝ ﺑﻮﻟﻐﺎﻧﺪﻩﻙ، ﺗﯩﺮﯨﻜﻠﻪﺭﻧﯩﯖﻤﯘ ﻣﺎﻝ-ﺩﯗﻧﻴﺎﻏﺎ ﻣﯘﮬﺘﺎﺝ ﺑﻮﻟﯘﺷﻰ ﺷﯘﺑﯩﮭﺴﯩﺰﺩﯗﺭ.ﺧﯘﺳﯘﺳﻪﻥ، ﺑﯩﺰﻟﻪﺭ ﺷﯘﻧﺪﺍﻕ ﺑﯩﺮ ﺯﺍﻣﺎﻧﯩﻤﯩﺰﺩﯨﻜﻰ ﺋﺎﺩﻩﻣﻨﯩﯔ ﺋﯧﺘﺒﺎﺭﻯ ﺋﯘﻧﯩﯔ ﺑﺎﻳﻠﯩﻘﯩﺪﺍ، ﺧﺎﺭ ﺑﻮﻟﯘﺷﻰ ﻛﻪﻣﺒﯩﻐﻪﻟﻠﯩﻜﯩﺪﯨﻨﺪﯗﺭ. ﮬﺎﻟﺒﯘﻛﻰ ﺑﺎﻳﻠﯩﻘﻨﻰ ﺗﯧﭙﯩﺶ ﺋﺎﺳﺎﻥ ﺋﻪﻣﻪﺱ، ﺗﺎﭘﻘﺎﻥ ﺑﺎﻳﻠﯩﻘﻨﻰ ﺗﯘﺗﯘﭖ ﺗﯘﺭﯗﺵ ﻗﺎﻧﺪﺍﻕ ﺋﯩﺸﻠﯩﺘﯩﺶ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻜﺘﯘﺭ. ﺋﯚﻱ ﺋﯩﭽﯩﺪﻩ ﺑﻮﻟﯩﺪﯨﻐﺎﻥ ﺧﯩﺮﺍﺟﻪﺗﻠﻪﺭ ﯞﻩ ﺧﯩﺰﻣﻪﺗﻠﻪﺭ ﺋﺎﻳﺎﻟﻼﺭ ﻗﻮﻟﯩﺪﯨﻦ ﺋﯚﺗﯜﭖ ﺗﯘﺭﻏﯩﻨﻰ ﺋﯜﭼﯜﻥ، ﺋﻪﺭﻟﻪﺭﺩﯨﻨﻤﯘ ﺑﻪﻛﺮﻩﻙ ﺋﯧﺘﺒﺎﺭ ﺑﯩﻠﻪﻥ ﻛﯚﯕﯜﻝ ﺑﯚﻟﯘﺷﻰ ﻻﺯﯨﻤﺪﯗﺭ.
ﻣﻪﺭﺩﻟﯩﻚ- ﺋﻪﺭﻟﻪﺭ ﺋﯜﭼﯜﻥ ﻳﺎﺭﺍﺷﺴﯩﻤﯘ، ﺋﺎﻳﺎﻟﻼﺭ ﺋﯜﭼﯜﻥ ﺋﻪﻳﯩﺐ ﺳﺎﻧﯩﻠﯩﺪﯗ، ﻣﺎﻝ-ﺩﯗﻧﻴﺎﻧﯩﯔ ﻗﻪﺩﯨﺮﯨﮕﻪ ﻳﻪﺗﻜﻪﻥ ﺋﺎﻳﺎﻝ ﻧﺎﻥ ﺋﯘﯞﺍﻗﻠﯩﺮﯨﻐﯩﭽﻪ ﺩﯨﻘﻘﻪﺕ ﻗﯩﻠﯩﭗ ﺯﺍﻳﺎ ﻗﯩﻠﻤﺎﻳﺪﯗ، ﻧﺎﻧﻨﯩﻤﯘ ﮬﺎﺟﻪﺗﺘﯩﻦ ﺋﺎﺭﺗﯘﻕ ﺳﯘﻧﺪﯗﺭﻣﺎﻳﺪﯗ. ﻧﺎﻥ ﭘﺎﺭﭼﯩﻠﻠﯩﺮﯨﻨﻰ ﺧﺎﻟﯩﻐﺎﻥ ﻳﻪﺭﮔﻪ ﺗﺎﺷﻠﯩﻤﺎﻳﺪﯗ،ﻧﻪﺯﻩﺭﯨﻤﯩﺰﮔﻪ ﺋﯩﻠﻤﯩﻐﺎﻥ ﻧﺎﻥ ﭘﺎﺭﭼﯩﻠﺮﻯ ﺋﯜﭼﯜﻥ ﻗﺎﻧﭽﯩﻠﯩﻚ ﺋﻪﻣﮕﻪﻙ ﺳﻪﺭﭖ ﻗﯩﻠﯩﻨﻐﺎﻧﻠﯩﻘﯩﻨﻰ ﺑﯩﻠﻪﻣﺴﯩﺰ؟ﺑﯩﺮ ﺑﯘﺭﺩﺍ ﻧﺎﻥ ﺋﯜﭼﯜﻥ ﺩﯗﻧﻴﺎﺩﺍ ﺑﻪﺯﻩﻥ ﻛﯩﺸﻠﻪﺭ ﺟﺎﻥ ﺑﻪﺭﻣﻪﻛﺘﻪ. ﻳﻪﺭ ﻳﯜﺯﯨﺪﻩ ﺑﯩﺮ ﭘﯩﻴﺎﻟﻪ ﺳﯘ ﺑﯩﻠﻪﻥ ﺑﯩﺮ ﺑﯘﺭﺩﺍ ﻧﺎﻥ ﺋﯜﭼﯜﻥ ﭘﯜﺗﯜﻥ ﻣﯜﻟﻜﯩﻨﻰ ﺑﯧﺮﯨﺸﻜﻪ ﺗﻪﻳﻴﺎﺭ ﺗﯘﺭﻏﺎﻧﻼﺭﻧﯩﯔ ﺗﯧﺨﻰ ﮬﺎﺯﯨﺮﻣﯘ ﺑﺎﺭﻟﯩﻘﯩﻨﻰ ﻛﯚﺯ ﻳﯘﻣﯘﭖ ﺋﯩﻨﻜﺎﺭ ﻗﯩﻠﯩﺶ، ﺋﯘﭼﯩﻐﺎ ﭼﯩﻘﻘﺎﻥ ﺋﻪﻗﯩﻠﺴﯩﺰﻟﯩﻖ ﻳﺎﻛﻰ ﯞﯨﺠﺪﺍﻧﺴﯩﺰﻟﯩﻖ ﺑﻮﻟﯩﺪﯗ!
ﺗﻪﺭﺑﯩﻴﻪ ﻛﯚﺭﮔﻪﻥ ﻗﯩﺰ-ﺋﺎﻳﺎﻟﻼﺭ ﻛﯩﻴﯩﻢ-ﻛﯧﭽﻪﻙ، ﺯﯨﺒﯘ-ﺯﯨﻨﻨﻪﺕ ﺋﯧﻠﯩﺸﻨﻰ ﺋﻮﻳﻠﯩﻐﺎﻧﺪﺍ<<ﻳﻮﺗﻘﺎﻧﻐﺎ ﻗﺎﺭﺍﭖ ﭘﯘﺕ ﺳﯘﻥ>>ﺩﯨﮕﻪﻥ ﺗﻪﻣﺴﯩﻠﻨﻰ ﺋﯚﺯﻟﯩﺮﯨﮕﻪ ﺑﯩﺮ ﻗﺎﺋﯩﺪﻩ ﺑﯩﻠﯩﭗ ﺋﻪﻣﻪﻝ ﻗﯩﻠﯩﺴﯘﻥ ﯞﻩ ﺋﯘﻧﻰ ﮬﻪﺭ ﻗﺎﭼﺎﻥ ﺋﯧﺴﯩﺪﻩ ﺳﺎﻗﻠﯩﺴﯘﻥ. ﺩﯗﻧﻴﺎﻧﯩﯔ ﺋﯘﭼﻰ ﺋﯘﺯﯗﻥ ﺑﻮﻟﯘﭖ، ﺋﺎﺧﯩﺮﯨﺴﻰ ﻳﻮﻕ، ﭘﯘﻝ ﺗﯧﭙﯩﺶ ﺋﺎﺳﺎﻥ ﺋﻪﻣﻪﺱ. ﺋﺎﻳﺎﻟﻼﺭﻏﺎ ﻧﯩﺴﺒﻪﺗﻪﻥ ﻛﯚﺭﮔﻪﻧﻼ ﻧﻪﺭﺳﯩﻨﻰ ﺋﯧﻠﯩﺶ، ﺑﺎﻳﯟﻩﭼﭽﯩﻠﻪﺭﻧﻰ ﺩﻭﺭﺍﺵ، ﺋﯩﺴﺮﺍﭘﭽﯩﻠﯩﻖ ﺋﯩﺸﻜﯩﻨﻰ ﺋﺎﭼﻘﺎﻧﻠﯩﻘﺘﯘﺭ. ﺋﯩﺴﺮﺍﭘﺨﻮﺭ ﺋﺎﺩﻩﻣﺪﻩ ﺑﺎﻳﻠﯩﻖ ﺋﯘﺯﺍﻕ ﺗﯘﺭﻣﺎﻳﺪﯨﻐﺎﻧﻠﯩﻘﻰ، ﺑﯩﺮ ﻣﻪﺭﺗﯩﯟﻩ ﻛﯧﻠﯩﭗ ﻛﻪﺗﻜﻪﻥ ﺩﯙﻟﻪﺗﻨﯩﯔ ﻗﺎﻳﺘﺎ ﻳﯧﻨﯩﭗ ﻛﻪﻟﻤﻪﻳﺎﯨﻐﺎﻧﻠﯩﻘﻰ ﺑﻪﺭﮬﻪﻗﺘﯘﺭ. ﺩﯙﻟﻪﺕ ﺗﯘﺗﯘﺷﻨﻰ ﺑﯩﻠﻤﯩﮕﻪﻥ ﺋﺎﻳﺎﻟﻨﯩﯔ ﺋﯧﺮﻯ ﻛﯧﭽﻪ-ﻛﯜﻧﺪﯗﺯ ﺋﯩﺸﻠﻪﭖ ﭘﯘﻝ ﺗﺎﭘﺴﯩﻤﯘﻳﻪﻧﯩﻼ ﻣﯘﮬﺘﺎﺟﻠﯩﯩﻘﺘﯩﻦ ﻗﯘﺗﯘﻻﻟﻤﺎﻳﺪﯗ-ﺩﻩ، ﻣﯩﯔ ﺋﯩﺸﻠﯩﺴﻪﻣﻤﯘ ﺑﻮﻟﯘﺷﯘﻡ ﺷﯘ ﺗﯘﺭﺳﺎ، ﺩﻩﭖ ﺋﯚﺯﯨﻨﻰ ﺗﺎﺷﻠﯩﯟﯨﺘﯩﺪﯗ.
ﻧﻪﺗﯩﺠﯩﺪﻩ، ﺑﯘ ﺑﯩﭽﺎﺭﻩ ﺋﻪﺭﺧﺎﺭﻟﯩﻖ-ﺯﻩﺑﯘﻧﻠﯘﻗﺘﺎ ﮬﺎﻻﻙ ﺑﻮﻟﯩﺪﯗ. ﺷﯘ ﺳﻪﯞﻩﭘﻠﯩﻚ ﺑﯘﺭﯗﻧﻘﻰ ﺯﺍﻣﺎﻧﻤﯩﺰﻧﯩﯔ ﺗﻪﺭﺑﯩﻴﻪ ﻛﯚﺭﮔﻪﻥ ﺋﺎﻳﺎﻝ-ﻗﯩﺰﻟﯩﺮﻯ ﺋﯚﺯ ﺋﻪﺭﻟﯩﺮﯨﻨﻰ ﺑﯘ ﺧﯩﻞ ﻳﺎﻣﺎﻥ ﺋﺎﻗﯩﯟﻩﺗﺘﯩﻦ ﺳﺎﻗﻼﺵ ﺋﯜﭼﯜﻥ ﻏﺎﻳﻪﺗﺰﻭﺭ ﻗﺎﻧﺎﺋﻪﺗﻠﯩﻚ ﺑﻮﻟﯘﺷﻘﺎﻧﺪﻯ، ﺋﻪﺭﻟﯩﺮﻯ ﺋﻪﺗﯩﮕﻪﻥ ﺗﯘﺭﯗﭖ ﺋﯩﺸﻘﺎ ﻣﺎﯕﻐﺎﻧﺪﺍ، ﮬﺎﺭﺍﻡ ﺋﯩﺶ ﻗﯩﻠﯩﭗ ﻗﻮﻳﻤﺎﯓ، ﺋﺎﭺ ﻗﺎﻟﺴﺎﻕ ﺳﻪﯞﯨﺮﻯ ﻗﯩﻼﻳﻠﯩﻜﻰ، ﻧﺎﺗﻮﻏﺮﺍ ﺋﯩﺶ ﺗﯘﭘﻪﻳﻠﻰ ﺩﻭﺯﺍﺥ ﺋﻮﺗﯩﺪﺍ ﻛﯚﻳﻤﻪﻳﻠﻰ، ﺩﻩﭖ ﺗﯩﻠﻪﻙ ﺗﯩﻠﻪﺷﻜﻪﻥ، ﺋﺎﻟﻼﮬﻨﯩﯔ ﺑﯘ ﺋﯘﻟﯘﻍ ﺯﯨﻤﯩﻨﯩﺪﺍ ﺋﺎﺷﯘ ﺧﯩﻞ ﺋﺎﻳﺎﻝ -ﻗﯩﺰﻟﯩﺮﯨﻤﯩﺰ ﮬﺎﺯﯨﺮﻣﯘ ﺑﺎﺭﺩﯗﺭ، ﺑﻪﻟﻜﯩﻢ ﻛﯚﯕﯜﻝ ﻛﯚﺯﻯ ﻛﯚﺭﮔﻪﻥ ﺋﺎﺩﻩﻡ ﺋﯜﭼﯜﻥ ﺑﯘ ﺧﯩﻞ ﺋﺎﻟﯩﻴﺠﺎﻧﺎﺏ ﺋﺎﻳﺎﻟﻨﯩﯔ ﺋﯧﺮﻯ ﺑﻮﻟﯘﺵ- ﺑﯩﺮ ﻣﻪﻣﻠﯩﻜﻪﺗﻨﯩﯔ ﭘﺎﺩﯨﺸﺎﮬﻰ ﺑﻮﻟﯘﺷﺘﯩﻨﻤﯘ ﻳﺎﺧﺸﯩﺮﺍﻗﺘﯘﺭ. ﺋﻪﮔﻪﺭ ﺋﺎﻳﺎﻝ ﻛﯩﺸﻰ ﺋﺎﭺ-ﻳﺎﻟﯩﯖﺎﭺ ﻗﺎﻟﻤﯩﻐﯩﻨﯩﻐﺎ ﺷﯜﻛﺮﻯ ﻗﯩﻠﺸﻨﯩﯔ ﺋﻮﺭﻧﯩﻐﺎ ﺋﯧﺮﯨﻨﯩﯔ ﺗﻪﺭﻟﻪﭖ-ﺗﻪﭘﭽﯩﺮﻩﭖ ﺗﺎﭘﻘﺎﻥ ﭘﯘﻟﯩﻨﻰ ﺗﯘﺗﯘﺷﻨﻰ ﺑﯩﻠﻤﻪﻱ، ﺋﯘﺩﯗﻝ ﻛﻪﻟﮕﻪﻥ ﻧﻪﺭﺳﯩﻠﻪﺭﻧﻰ ﺋﯧﻠﯩﭗ، ﺑﯘﺯﯗﭖ-ﭼﯧﭽﯩﭗ ﺗﯜﮔﻪﺗﺴﻪ ﻳﺎﻛﻰ ﻛﯜﻧﻠﻪﺭ ﺋﯜﭼﯜﻥ ﺳﺎﻗﻼﭖ ﻗﻮﻳﻐﺎﻥ ﭘﯘﻟﻠﯩﺮﯨﻨﻰ ﻛﯧﺮﻩﻙ ﺑﻮﻟﻤﯩﻐﺎﻥ ﺯﯨﻨﻨﻪﺗﻠﻪﺭ، ﺯﺍﻣﺎﻧﻪ ﺋﯚﺭﭖ-ﺋﺎﺩﻩﺗﻠﯩﺮﯨﮕﻪ ﺳﻪﺭﭖ ﻗﯩﻠﯩﭗ ﺯﺍﻳﺎ ﻗﯩﻠﯩﯟﻩﺗﺴﻪ، ﺑﯘ ﺑﯩﭽﺎﺭﻩ ﺋﻪﺭﻧﯩﯔ ﮬﺎﻟﯩﻐﺎ ﯞﺍﻱ!
ﺋﯚﺯ ﮬﺎﻟﯩﻨﻰ ﺑﯩﻠﻤﯩﮕﻪﻥ، ﺑﯧﺮﯨﻠﮕﻪﻥ ﻧﻪﺳﮭﻪﺗﻠﻪﺭﮔﻪ ﻗﯘﻻﻕ ﺳﺎﻟﻤﯩﻐﺎﻥ ﺑﯘﻧﺪﺍﻕ ﺗﻪﺭﺑﯩﻴﻪ ﻛﯚﺭﻣﯩﮕﻪﻥ ﺋﺎﻳﺎﻝ ﺑﯩﻠﻪﻥ ﺑﯩﻠﻠﻪ ﻳﺎﺷﯩﻤﺎﻕ، ﺟﻪﻧﻨﻪﺕ ﺑﯩﻠﻪﻥ ﺟﻪﮬﻪﻧﻨﻪﻡ ﺋﻮﺗﺘﯘﺭﯨﺴﯩﺪﺍ ﺗﻮﺳﺎﻕ ﺗﺎﻡ ﺑﻮﻟﻤﯩﻐﺎﻧﻠﯩﻖ ﺑﯩﻠﻪﻥ ﺑﺎﺭﺍﯞﻩﺭﺩﯗﺭ.
ﺷﯘﯕﺎ، ﺋﺎﻳﺎﻝ-ﻗﯩﺰﻟﯩﺮﯨﻤﯩﺰﻏﺎ ﻣﯘﻧﺎﺳﯩﯟﻩﺗﻠﯩﻚ ﺳﺎﯞﺍﺗﻼﺭﻧﻰ، ﺋﯩﮕﻠﯩﻚ ﺑﺎﺷﻘﯘﺭﯗﺵ، ﺋﯩﻘﺘﯩﺴﺎﺩ ﺑﺎﺷﻘﯘﺭﯗﺵ ﯞﻩ ﺋﺎﺋﯩﻠﻪ ﺑﺎﺷﻘﯘﺭﯗﺷﺘﻪﻙ ﺗﯩﺮﯨﻜﭽﯩﻠﯩﻚ ﻳﻮﻟﯩﺪﯨﻜﻰ ﺑﯩﻠﯩﻤﻠﻪﺭﻧﻰ ﺋﯚﮔﯩﺘﯩﺶ ﻛﯧﺮﻩﻛﺘﯘﺭ. ﺋﻪﻗﯩﻠﻠﯩﻖ ﮬﻪﻡ ﺗﻪﺭﺑﯩﻴﻠﯩﻚ ﺑﯩﺮ ﺋﺎﻳﺎﻝ ﺑﺎﺭ ﺑﻮﻟﻐﺎﻥ ﮬﻪﺭ ﻗﺎﻧﺪﺍﻕ ﺑﯩﺮ ﺋﯚﻱ ﮬﯧﭽﻘﺎﭼﺎﻥ ﺑﯩﺮﺍﯞﻏﺎ ﻣﯘﮬﺘﺎﺝ ﻳﺎﻛﻰ ﺧﺎﺭ ﺑﻮﻟﻤﺎﺱ...
ﻣﻪﻧﺒﻪ: ﺳﻮﯞﻏﺎﺕ
بەت:
[1]