ﻻﻱ ﺳﯘﺩﯨﻦ ﭼﺎﭼﯩﺮﻏﺎﻥ ﭼﻪﺷﻤﻪ
ﻣﯘﺋﻪﻟﻠﯩﭙﻰ:ﺋﺎﺑﺪﯗﺭﺍﺧﻤﺎﻥ ﺋﻪﺯﯨﺰ ﺋﻮﻏﻠﻰ-ﺋﯘﻳﻐﯘﺭ ﻗﯩﺰﻯ ﺩﯨﻠﺌﺎﺭﺍﻡ ﻗﯘﺭﺑﺎﻧﻐﺎ ﺳﺎﻻﻡ ﺧﻪﺕ
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﺳﯩﯖﻠﯩﻢ ﺩﯨﻠﺌﺎﺭﺍﻡ،ﺗﯩﻨﭻ-ﺋﺎﻣﺎﻧﻤﯘﺳﯩﺰ.
ﻛﯜﺗﻤﯩﮕﻪﻥ ﻳﻪﺭﺩﯨﻦ ﺑﯘ ﺋﻮﭼﯘﻕ ﺳﺎﻻﻡ ﺧﻪﺗﻨﻰ ﺋﻮﻗﯘﻏﯩﻨﯩﯖﯩﺰﺩﺍ ﺳﻪﻝ ﮬﻪﻳﺮﺍﻧﻠﯩﻖ ﮬﯧﺲ ﻗﯩﻼﺭﺳﯩﺰ.ﺷﯘﻧﺪﺍﻗﺘﯩﻤﻰ <<ﭼﻮﯕﻐﺎ ﮬﯚﺭﻣﻪﺕ،ﻛﯩﭽﯩﻜﻜﻪ ﺋﯩﺰﺯﻩﺕ>> ﺩﯦﮕﻪﻧﺪﻩﻙ،ﻛﺎﻣﺎﻟﯩﻲ ﺋﯩﻠﯩﻤﺪﻩ ﺋﻪﺭﺯﯨﻤﻪﺱ ﺩﯦﮭﻘﺎﻥ ﺑﻮﻟﺴﺎﻣﻤﯘ، ﻳﺎﺷﺘﺎ ﺳﯩﺰﮔﻪ ﺋﺎﻏﺎ ﻗﺎﺗﺎﺭﻯ ﺑﻮﻟﻐﯩﻨﯩﻢ ﺋﯜﭼﯜﻥ ﺋﯩﻜﺮﺍﻣﯩﻲ-ﺋﯩﺰﺯﻩﺕ ﺑﯩﻠﻪﻥ ﻳﯧﺰﯨﻠﻐﺎﻥ ﺑﯘ ﺳﺎﻟﯩﻤﯩﻤﻨﻰ ﺋﯩﻠﯩﻚ ﺋﺎﻟﯩﺪﯨﻐﺎﻧﻠﯩﻘﯩﯖﯩﺰﻏﺎ ﺗﺎﻏﺪﻩﻙ ﺋﯩﺸﯩﻨﯩﭗ ﺋﻮﻟﺘﯘﺭﻣﻪﻥ!
ﻣﻪﻥ ﺳﯩﺰﮔﻪ ﺋﻮﺧﺸﺎﺵ ﺋﻪﻗﻠﻰ ﺋﻮﻳﻐﺎﻕ،ﺋﻮﭼﯘﻕ ﭘﯩﻜﯩﺮﻟﯩﻚ ﺗﯩﺮﯨﺸﭽﺎﻥ ﺳﯩﯖﻠﯩﻤﯩﺰﻧﻰ <<ﺷﯩﻨﺠﺎﯓ ﻣﻪﺩﻩﻧﯩﻴﯩﺘﻰ>> ﮊﻭﺭﻧﯩﻠﯩﻨﯩﯔ ﺟﯘﻻﻟﯩﻖ ﺑﻪﺗﻠﯩﺮﯨﺪﯨﻦ ﺋﻮﺭﯗﻥ ﺋﺎﻟﻐﺎﻥ <<ﺳﺎﺭﺱ ﯞﻩ ﺑﯩﺰ>>،<<ﻗﻪﺩﯨﻤﯩﻲ ﺷﻪﮬﻪﺭﺩﻩ ﺋﻮﻳﻠﯩﻐﺎﻧﻠﯩﺮﯨﻢ>>،<<ﺳﯩﻠﻪﺭﮔﻪ ﺧﻪﺕ>>،<<ﺳﯧﺮﯨﻖ ﺋﯚﮔﯜﺯ ﯞﺍﺩﯨﺴﯩﺪﯨﻜﻰ ﻧﻪﯞﺭﯗﺯ ﺷﻪﻳﺪﺍﻟﯩﺮﻯ>> ﻗﺎﺗﺎﺭﻟﯩﻖ ﺑﯩﺮ ﻗﺎﻧﭽﻪ ﺗﺎﺗﻠﯩﻖ ﻳﺎﺯﻣﯩﯖﯩﺰ ﺑﯩﻠﻪﻥ ﻳﯩﺮﺍﻗﺘﯩﻦ ﺗﻮﻧﯘﺩﯗﻡ. ﻛﻪﻣﯩﻨﻪ ﺋﺎﻏﯩﯖﯩﺰ ﻳﻮﻟﻠﯩﺮﯨﺪﯨﻦ ﺋﻮﺷﯘﻗﻘﯩﭽﻪ ﺗﻮﭘﺎ ﭘﯘﻗﯩﺮﺍﭖ ﺗﯘﺭﯨﺪﯨﻐﺎﻥ، ﺳﻪﻟﻼ ﺷﺎﻣﺎﻝ ﭼﯩﻘﺴﺎ ﮬﻪﻣﻤﻪ ﻳﺎﻗﻨﻰ ﺗﻮﭘﯩﻐﺎ ﻛﯚﻣﯩﯟﯦﺘﯩﺪﯨﻐﺎﻥ ﺋﺎﻟﻘﺎﻧﭽﯩﻠﯩﻚ ﻣﻪﮬﻪﻟﯩﻤﯩﺰﺩﯨﻦ ﺋﯚﺯﮔﻪ ﻳﯘﺭﺕ،ﺷﻪﮬﻪﺭ-ﻗﻮﯞﯗﻗﻼﺭﻧﻰ ﻛﯚﺭﯛﭖ ﺑﺎﻗﻤﯩﻐﺎﻥ ﺳﺎﺩﺩﺍ ﻗﯩﺮﻏﯩﺰ ﺩﯦﮭﻘﺎﻧﻤﻪﻥ. ﻛﯜﻧﺪﻩ ﻛﯚﺭﯛﭖ ﺗﯘﺭﯨﺪﯨﻐﯩﻨﯩﻢ: ﺋﯩﺸﺘﺎﻥ ﻛﻪﻳﻤﻪﻳﺪﯨﻐﺎﻥ ﺳﻪﮬﺮﺍ ﺑﺎﻟﯩﻠﯩﺮﯨﻨﯩﯔ ﻣﻪﻳﻨﻪﺕ-ﺳﺎﺩﺩﺍ ﺗﯘﺭﻗﻰ ﺑﯩﻠﻪﻥ ﺩﯙﯞﻩ ﺗﻮﭘﯩﻨﯩﯔ ﺋﯩﻜﻜﻰ ﺗﻪﺭﯨﭙﯩﺪﻩ ﺗﯘﺭﯗﯞﯦﻠﯩﭗ ﯞﯨﯖﯩﻠﺪﯨﺸﯩﭗ ﭼﺎﻟﻤﺎ ﺋﯧﺘﯩﺸﯩﭗ<<ﮬﻪﺭﺑﯩﻲ-ﺩﯗﺷﻤﻪﻥ>>ﺋﻮﻳﯘﻧﻰ ﺋﻮﻳﻨﯩﻐﺎﻧﺪﯨﻜﻰ ﺷﻮﺥ ﯞﺍﺭﺍﯓ-ﭼﯘﺭﯗﯕﻰ؛ ﻛﻪﯓ-ﺗﺎﻏﺎﺭﺩﻩﻙ ﻛﯚﯕﻠﻪﻛﻠﻪﺭﻧﻰ ﻛﯩﻴﯩﺸﯩﭗ ﻛﯩﭽﯩﻚ ﺋﯧﻘﯩﻨﻐﺎ ﺳﯘﻏﺎ ﭼﯩﻘﯩﺸﻘﺎﻥ ﺳﯩﺰ ﺩﯦﻤﻪﺗﻠﯩﻚ ﻳﯧﺰﺍ ﻗﯩﺰﻟﯩﺮﯨﻨﯩﯔ ﺳﺎﺩﺩﺍ ﻛﯚﺭﯛﻧﯜﺷﻰ؛ ﻳﯧﺸﻰ 90ﺩﯨﻦ ﺋﯧﺸﯩﭗ ﻛﻪﺗﮕﻪﻥ ﭼﺎﯕﮕﺎ ﺳﺎﻗﺎﻝ ﺑﻮﯞﺍﻳﻼﺭﻧﯩﯔ ﺳﯩﺰ-ﺑﯩﺰ ﻛﯚﺗﯜﺭﯛﭖ ﺑﻮﻻﻟﻤﯩﻐﯘﺩﻩﻙ ﺋﯧﻐﯩﺮ ﺋﯚﺗﯜﻛﻠﻪﺭﻧﻰ ﮔﯚﻟﯜﭘﺸﯩﺘﯩﭗ ﺩﻩﺳﺴﻪﭖ،ﺟﺎﯕﮕﺎﻟﺪﯨﻦ ﺋﻮﺗﯘﻥ ﺋﯧﻠﯩﭗ ﭼﯩﻘﯩﺸﻠﯩﺮﻯ؛ ﮬﯧﭽﻘﺎﻧﺪﺍﻕ ﮔﺮﺍﺩﯗﺳﻠﯘﻕ ﻛﯚﺯﻩﻳﻨﻪﻛﻠﻪﺭﻧﯩﯔ ﻳﺎﺭﺩﯨﻤﯩﺴﯩﺰﻻ ﺋﯩﻨﭽﯩﻜﻪ ﻳﯩﯖﻨﯩﮕﻪ ﻳﯩﭗ ﺋﯚﺗﻜﯜﺯﯛﺷﯜﭖ ﻳﺎﻣﺎﻕ ﻳﺎﻣﯩﺸﯩﭗ ﺋﻮﻟﺘﯘﺭﻏﺎﻥ ﺋﻪﺳﯩﺮ ﻳﯧﺸﯩﻐﺎ ﺗﺎﻗﯩﻐﺎﻥ ﺩﯛﻣﭽﻪﻙ ﻣﻮﻣﺎﻳﻼﺭ؛ ﮬﯚﻳﻠﯩﺴﯩﺪﯨﻜﻰ ﺳﯧﺮﯨﻖ ﺋﺎﭘﺘﺎﭘﺘﺎ ﻣﯘﯕﺪﺍﺷﻘﺎﭺ ﻗﯧﻴﻨﺎﻧﯩﺴﯩﻨﯩﯔ ﭼﯧﭽﯩﻨﻰ ﺗﺎﺭﺍﭖ ﻗﻮﻳﯘﺷﯘﯞﺍﺗﻘﺎﻥ ﺳﻪﮬﺮﺍ ﻛﯧﻠﯩﻨﻠﯩﺮﻯ؛ ﭼﺎﻗﯩﺪﯨﻦ ﺷﻮﺗﯩﺴﻰ ﻳﻮﻏﺎﻥ،ﺷﻮﺗﯩﺴﯩﺪﯨﻦ ﺋﯧﺸﯩﻜﻰ ﻛﯩﭽﯩﻚ ﻣﯩﺴﯩﻠﺪﺍﭖ ﻣﺎﯕﻐﺎﻥ ﺋﯧﺸﻪﻙ ﮬﺎﺭﯞﯨﻠﯩﺮﻯ ﺑﯩﻠﻪﻥ ﻣﯩﺪﯨﺮﺷﯩﭗ ﻳﯜﺭﮔﻪﻥ ﺩﯦﮭﻘﺎﻥ ﺧﻪﻗﻠﻪﺭﻧﯩﯔ ﺋﺎﭘﺘﺎﭘﺘﺎ ﻛﯚﻳﯘﭖ-ﻗﺎﺭﯨﺪﺍﭖ،ﭼﯩﺸﻰ ﯞﻩ ﻛﯚﺯ ﺋﯧﻘﺪﯨﻦ ﺑﺎﺷﻘﺎ ﮬﻪﻣﻤﻪ ﻳﯧﺮﻯ ﻗﺎﭘﻘﺎﺭﺍ ﻛﯚﺭﯛﻧﯩﺪﯨﻐﺎﻥ،ﺋﯘ ﺋﺎﻱ-ﺑﯘ ﺋﺎﻱ ﺗﯩﻎ ﻛﯚﺭﻣﯩﮕﻪﻥ ﻗﻮﻣﯘﺷﺘﻪﻙ ﻳﯩﺮﯨﻚ ﺳﺎﻗﺎﻝ ﻳﯜﺯﻟﯩﺮﯨﻨﻰ ﺗﻪﻣﺮﻩﺗﻜﻪ ﺑﯧﺴﯩﭗ، ﻛﯚﺯ ﺟﯩﻴﻪﻛﻠﯩﺮﯨﻨﻰ ﭼﺎﭘﺎﻕ ﯞﻩ ﻗﯩﺰﯨﻠﻠﯩﻖ ﺑﺎﺳﻘﺎﻥ-ﻗﺎﺭﯨﻤﺎﻗﻘﺎ ﺗﻮﻟﯩﻤﯘ ﺧﯘﻧﯜﻙ ﯞﻩ ﺳﻪﺕ ﻛﯚﺭﯗﻧﯩﺪﯨﻐﺎﻥ،ﺑﯩﺮﺍﻕ ﺋﯜﭺ ﻳﺎﺷﻠﯩﻖ ﻧﺎﺭﺳﯩﺪﻩ ﺑﺎﻟﯩﺪﻩﻙ ﺗﻮﻟﯩﻤﯘ ﺳﻪﺑﯩﻲ ﻣﯩﺠﻪﺯ ﺳﺎﺩﺩﺍ ﮬﺎﻟﯩﺘﻰ؛ ﻗﺎﺭﺍﯕﻐﯘ ﺗﯜﻧﻠﻪﺭﺩﻩ ﺋﯧﺘﯩﺰﻏﺎ ﺳﯘ ﺋﺎﭼﻘﺎﻥ ﻳﻪﺭﺩﻩ ﺋﺎﻳﯩﻐﯩﻨﯩﯔ ﺑﯩﺮ ﭘﯧﻴﯩﻨﻰ ﭘﺎﺗﻘﺎﻗﻘﺎ ﭘﯧﺘﯩﭗ ﻳﻮﻗﯩﻠﯩﭗ، ﺑﯩﺮ ﭘﺎﻱ ﺋﺎﻳﺎﻍ ﺑﯩﻠﻪﻥ ﺩﯨﯖﮕﻮﺳﻼﭖ ﺳﯘ ﻳﺎﻗﯩﻼﭖ ﻳﯜﺭﮔﻪﻥ ﻛﻪﻣﯩﻨﻪ ﺋﺎﻏﯩﯖﯩﺰ ... ﻗﺎﺗﺎﺭﻟﯩﻖ ﺳﻪﮬﺮﺍ ﺗﯘﺭﻣﯘﺷﻠﯩﺮﻯ،ﺧﺎﻻﺱ. ﺳﯩﺰ ﻗﺎﻟﺪﯗﺭﻏﺎﻥ ﺋﯧﻠﯧﻜﺘﺮﻭﻧﻠﯘﻕ ﺧﻪﺕ ﺳﺎﻧﺪﯗﻗﯩﯖﯩﺰﻏﺎ ﺧﻪﺕ ﺳﺎﻟﻐﯘﺩﻩﻙ ﻳﯧﯖﻰ ﺗﯧﺨﻨﯩﻜﺎ ﺑﯩﺰﻧﯩﯔ ﺑﯘ ﭼﻪﺕ ﺳﻪﮬﺮﺍﻏﺎ ﮬﺎﺯﯨﺮﻏﯩﭽﻪ ﻧﯧﺴﯩﭗ ﺑﻮﻟﻐﯩﻨﻰ ﻳﻮﻕ. ﺑﻮﻟﻐﯩﻨﻰ-ﺩﺍﺋﯩﻤﻼ ﺳﻮﭘﻪﻛﻨﯩﯔ ﯞﺍﺗﺎﻗﺸﯩﭗ ﺗﯘﺭﯗﺷﻰ ﻧﯧﺮﻯ ﺑﻮﻟﻤﺎﻳﺪﯨﻐﺎﻥ ﭼﻮﯓ ﻳﻮﻟﻨﯩﯔ ﺑﻮﻳﯩﺪﯨﻜﻰ ﺋﻪﺑﺠﻪﻕ ﺗﯧﻠﯩﻔﯘﻥ ﺑﻮﺗﻜﯩﺴﯩﻼ،ﺧﺎﻻﺱ. ﺷﯘﯕﺎ ﻛﯚﯕﻠﯜﻡ ﺗﺎﺭﺗﯩﭗ ﺋﻮﺭﺗﺎﻗﻠﯩﺸﺎﻱ ﺩﯦﮕﻪﻥ ﺋﻮﻳﻠﯩﺮﯨﻤﻨﻰ ﺋﻮﭼﯘﻕ ﺧﻪﺕ ﺳﯜﭘﯩﺘﯩﺪﻩ ﺑﯩﺰﻟﻪﺭﻧﻰ ﺩﯨﺪﺍﺭﺳﯩﺰ ﺗﻮﻧﯘﺵ ﻗﯩﻠﻐﺎﻥ ﻣﻪﺯﻛﯘﺭ ﮊﻭﺭﻧﺎﻝ(ﺷﯩﻨﺠﺎﯓ ﻣﻪﺩﻩﻧﯩﻴﯩﺘﻰ)ﻏﺎ ﺋﻪﯞﻩﺗﻜﻪﻧﯩﺪﯨﻢ. ﺋﻪﭘﺴﯘﺱ،ﺋﺎﺩﺭﯦﺲ ﻳﯧﺰﯨﺸﺘﯩﻜﻰ ﻛﯩﭽﯩﻜﯩﻨﻪ ﺳﻪﯞﻩﻧﻠﯩﻚ ﺗﯘﭘﻪﻳﻠﻰ، ﺑﯘ ﻳﺎﺯﻣﺎﻡ ﺑﺎﺷﻘﺎ ﯞﯨﻼﻳﻪﺗﻠﻪﺭﻧﻰ ﻗﯩﺪﯨﺮﯨﭗ<<ﺋﯧﻜﺴﭙﯧﺪﯨﺘﺴﯩﻴﻪ ﻗﯩﻠﯩﭗ>> ﺋﯘﺯﺍﻕ ﻣﻪﺯﮔﯩﻠﺪﯨﻦ ﻛﯧﻴﯩﻦ ﻗﺎﻳﺘﺎ ﻗﻮﻟﯘﻣﻐﺎ ﺗﻪﮔﺪﻯ(ﺑﯘ ﺗﺎﺯﯨﻤﻰ ﻛﯜﻟﻜﯩﻠﯩﻚ ﺋﯩﺶ ﺑﻮﻟﺪﻯ!) ﺋﻪﻣﺪﯨﻠﯩﻜﺘﻪ ﺋﺎﺩﺭﯦﺴﻼﺭﻧﻰ ﺭﯗﺳﻼﭖ ﺗﯘﺭﯗﭖ ﻗﺎﻳﺘﺎ ﻳﻮﻟﻼﯞﺍﺗﯩﻤﻪﻥ.ﯞﺍﻗﯩﭙﻼﻧﻐﺎﻳﺴﯩﺰ!
ﺳﯩﯖﻠﯩﻢ ﺩﯨﻠﺌﺎﺭﺍﻡ:<<ﺋﻪﻧﺌﻪﻧﻪ>> ﯞﻩ <<ﺧﺎﺳﻠﯩﻘﻨﻰ ﺳﺎﻗﻼﺵ>> ﺗﻮﻏﺮﯨﺴﯩﺪﯨﻜﻰ ﺗﯩﺮﻩﻥ ﺋﻮﻳﻠﯩﺮﯨﯖﯩﺰﻧﻰ ﺋﻮﻗﯘﯞﺍﺗﻘﯩﻨﯩﻤﺪﺍ.ﻛﯚﭖ ﺋﯚﻛﯜﻧﭽﯩﻠﯩﻚ ﺋﻮﻳﻼﺭﻏﺎ ﺗﻮﻟﻐﺎﻧﯩﺪﯨﻢ.ﺳﻪﯞﻩﺑﻰ، ﺳﯩﺰ ﺗﻮﻟﯩﻤﯘ ﺋﺎﺭﻣﺎﻥ ﻗﯩﻠﻐﺎﻥ ﻗﯩﺮﯨﻖ ﻛﺎﻛﯘﻟﻠﯘﻕ ﺳﯘﻣﺒﯘﻝ ﭼﺎﭼﻼﺭﻧﻰ ﺋﻪﺳﻠﯩﻲ ﺳﯩﺰﻟﻪﺭ ﻗﻮﻏﺪﺍﺭ ﺋﯩﺪﯨﯖﯩﺰﻻﺭ. ﺋﺎﺳﺮﺍﭖ-ﺳﺎﻗﻼﺭ ﺋﯩﺪﯨﯖﯩﺰﻻﺭ. ﻣﯘﺷﯘ ﻛﻪﻣﺪﻩ ﺋﺎﻟﯩﻲ ﺋﻮﻗﯘﻝ(ﺋﯘﻧﯩﯟﯦﺮﺳﯩﺘﯧﺖ)ﻻﺭﺩﺍ ﺋﻮﻗﯘﯞﺍﺗﻘﺎﻥ ﺑﻪﺯﻯ ﺯﺍﻣﺎﻧﺪﺍﺷﻠﯩﺮﯨﯖﯩﺰ ﭼﺎﭼﻼﺭﻧﻰ ﻛﯧﺴﯩﭗ،ﺗﯘﺭﻟﯘﻙ ﺑﯘﻳﺎﻗﺘﺎ ﺭﻩﯕﻠﯩﻤﯩﺴﻪ،ﺑﯩﺮ ﻛﯩﻢ ﺳﺘﯘﺩﯦﻨﺖ ﺋﻪﻣﻪﺳﻜﻪﻥ،ﺩﻩﻳﺪﯨﻐﺎﻥ ﻳﺎﺕ-ﻏﻪﻟﯩﺘﻪ ﺳﺎﻻﭘﻪﺗﻨﻰ ﺋﯚﺯﻟﯩﺮﯨﮕﻪ ﺳﺎﻻﮬﯩﻴﺎﺕ ﻗﯩﻠﯩﯟﯦﻠﯩﺸﺘﻰ. ﺑﯩﺰﻟﻪﺭ (ﺋﺎﺗﺎ-ﺋﺎﻧﺎ،ﺋﺎﻏﺎ-ﮬﻪﺩﯨﻠﻪﺭ)ﺳﯩﺰﮔﻪ ﺋﻮﺧﺸﺎﺵ ﺳﯩﯖﯩﻠﻠﯩﺮﯨﻤﯩﺰﻧﻰ ﺋﻮﻗﯘﭖ،ﻛﯚﭖ ﻧﻪﺭﺳﯩﻨﻰ ﺑﯩﻠﯩﭗ ﻛﻪﻟﺴﯩﻜﻪﻥ،ﺩﻩﭖ ﻳﯩﺮﺍﻕ ﺟﺎﻳﻼﺭﻏﺎ ﻣﯘﺳﺎﭘﯩﺮ ﻗﯩﻠﯩﭗ ﻳﻮﻟﻐﺎ ﺳﺎﻟﯩﻤﯩﺰ. ﻛﺎﻧﯩﻜﻮﻝ-ﺗﻪﺗﯩﻠﻠﻪﺭﺩﻩ ﻗﺎﺭﯨﺴﺎﻕ ﺋﻪﻣﻪﺳﻼ ﺑﯩﺮ ﻛﯩﻢ ﺑﻮﻟﯘﭖ ﻛﻪﻟﺴﻪﯕﻼﺭ ﻳﺎﻗﯩﻠﯩﺮﯨﻨﻰ ﭼﯩﺸﻠﻪﭖ، ﺋﺎﺯﺍﺑﻠﯩﻖ ﺋﯘﮬﺴﯩﻨﻐﺎﻥ ﺋﺎﺗﺎ-ﺋﺎﻧﯩﻼﺭ ﻧﯘﺭﻏﯘﻥ. ﺑﯩﺮﺍﻕ ﺋﯘﻻﺭ ﺑﺎﻟﯩﻠﯩﺮﯨﻢ ﻳﯩﺮﺍﻕ ﺟﺎﻳﻼﺭﺩﺍ ﺑﯩﻠﯩﻢ ﺋﯧﻠﯩﭗ ﻗﺎﻟﺘﯩﺲ ﺋﺎﺩﻩﻡ ﺑﻮﻟﯘﭖ ﻛﻪﺗﺘﻰ، ﺩﻩﭖ ﺳﯚﻳﯜﻧﯜﭖ، ﻛﯚﯕﻠﯩﯖﯩﺰﻟﻪﺭﮔﻪ ﺋﺎﺯﺍﺭ ﺑﻪﺭﮔﯜﺳﻰ ﻛﻪﻟﻤﻪﻳﺪﯗ.ﺋﺎﺷﯘ ﺑﯩﻠﯩﻤﻠﯩﻚ ﺋﯩﻨﻰ-ﺳﯩﯖﯩﻠﻠﯩﺮﯨﻤﯩﺰﻧﯩﯔ ﻛﯚﭘﯩﻨﭽﯩﺴﻰ ﺷﯘﻧﯩﻤﯘ ﮬﯧﺲ ﻗﯩﻼﻟﻤﺎﻳﺪﯗ.ﺋﻪﻛﺴﯩﭽﻪ،ﻣﻪﻥ ﻣﯘﺷﯘﻧﺪﺍﻕ ﻳﯜﺭﻣﯩﺴﻪﻡ،ﺑﺎﺷﻘﯩﻼﺭ ﻣﯧﻨﻰ ﺳﺘﯘﺩﯦﻨﺖ ﺩﯦﻤﻪﻳﺪﯗ ،ﺩﻩﭖ ﻛﯜﻧﺪﯨﻦ-ﻛﯜﻧﮕﻪ ﻏﻪﻟﯩﺘﯩﻠﯩﺸﯩﭗ ﺑﺎﺭﯨﺪﯗ.
ﻧﯚﯞﯨﺘﻰ ﻛﻪﻟﮕﻪﻧﺪﻩ ﺷﯘﻧﯩﻤﯘ ﻗﯩﺴﺘﯘﺭﯗﭖ ﻛﯧﺘﻪﻱ: ﻣﻪﻧﻤﯘ ﺳﯩﺰﮔﻪ ﺋﻮﺧﺸﺎﺵ <<ﺋﻪﻧﺌﻪﻧﻪ-ﺧﺎﺳﻠﯩﻖ>>ﻧﯩﯔ ﺋﺎﺭﻣﺎﻥ ﻗﯩﻠﻐﯘﭼﯩﺴﻰ (ﮬﻪﺗﺘﺎ ﺟﺎﮬﯩﻠﺮﺍﻗﯩﻤﻪﻥ). ﻣﻪﮬﻪﻟﯩﻤﯩﺰﺩﻩ،ﺑﺎﺯﺍﺭﻻﺭﺩﺍ،ﺗﻮﻱ-ﺋﺎﺷﻼﺭﺩﺍ ﺋﺎﻟﺪﯨﺪﯨﻦ ﻳﯧﺮﯨﻖ ﺋﯧﭽﯩﻠﻐﺎﻥ ﻳﯘﻣﺸﺎﻕ ﺗﯩﯟﯨﺖ ﻗﺎﻟﭙﺎﻗﻨﻰ ﻗﯩﺮﻏﯩﺰﻧﯩﯔ ﺟﺎﻧﻠﯩﻖ ﺳﯩﻤﯟﻭﻟﻰ،ﻣﻪﯞﺟﯘﺩﻟﯘﻗﻨﯩﯔ ﺑﻪﻟﮕﯩﺴﻰ،ﺩﻩﭖ ﻛﯩﻴﯩﯟﺍﻟﺴﺎﻡ،ﮔﺎﮬﻰ ﺗﻪﯕﺘﯘﺷﻠﯩﺮﯨﻢ ﻧﯧﻤﻪ ﺩﻩﻳﺪﯗ ﺩﻩﻣﺴﯩﺰ ? <<ﻗﻮﻱ ﺋﺎﺭﯨﺴﯩﻐﺎ ﺋﯚﭼﻜﻪ ﻛﯩﺮﯨﯟﺍﻟﻐﺎﻧﺪﻩﻙ ﻏﻪﻟﯩﺘﻪ ﺑﻮﻟﯘﭖ ﻗﺎﻟﯩﺪﯨﻜﻪﻥ>>.ﺋﺎﺷﯘﻻﺭﻧﯩﯔ ﺑﯧﺸﯩﻐﺎ ﻗﺎﺭﯨﺴﯩﯖﯩﺰ،ﻣﺎﯕﻼﻱ ﺗﻪﺭﯨﭙﯩﮕﻪ << /\>> ﺑﻪﻟﮕﯩﺴﻰ(ﺩﯗﻧﻴﺎﻏﺎ ﺩﺍﯕﻠﯩﻖ ﺗﻪﻧﺘﻪﺭﺑﯩﻴﻪ ﻣﺎﺭﻛﺎ nikeﻧﯩﯔ ﺑﻪﻟﮕﯩﺴﯩﻨﻰ ﺩﯦﻤﻪﻛﭽﻰ) ﭼﯜﺷﯜﺭﯛﻟﮕﻪﻥ ﻣﯜﺷﯜﻙ ﭘﻮﻗﻰ ﺭﻩﯓ ﭘﻮﺳﻤﺎ.ﺋﻪﺟﯩﺒﺎ ﺋﯘﻻﺭﻧﯩﯔ ﻛﯩﻴﯩﯟﺍﻟﻐﺎﻥ ﺑﯩﺮ ﻧﯧﻤﯩﺴﻰ ﻏﻪﻟﯩﺘﻪ ﺋﻪﻣﻪﺳﻤﯩﻜﻪﻥ ﺩﻩﻳﻤﯩﻨﺎ ? ﻣﯧﻨﯩﯔ ﺑﯧﺸﯩﻤﻐﺎ ﻗﺎﻟﭙﺎﻕ ﻛﯩﻴﯩﺸﯩﻢ ﻛﯚﺭﮔﻪﻧﻼ ﻳﻪﺭﺩﻩ ﻗﯩﺰﯨﻖ ﺗﯧﻤﺎ،ﻗﯩﺰﯨﻖ ﭘﺎﺭﺍﯕﻨﯩﯔ ﻣﻪﺭﻛﯩﺰﻯ ﺑﻮﻟﯘﭖ ﻗﺎﻟﻐﯩﻠﻰ ﺗﯘﺭﯗﭘﺘﯘ.ﺩﻩﯕﺴﻪﭖ ﺋﻮﻳﻠﯩﺴﯩﯖﯩﺰ، ﺑﯘﻧﯩﯖﺪﯨﻨﻤﯘ ﺋﺎﺭﺗﯘﻕ ﺗﺮﺍﮔﯧﺪﯨﻴﻪ ﺑﻮﻻﻣﺪﯗ ? ﺋﯩﻠﻤﯩﻴﻠﯩﻚ ﻧﯘﻗﺘﯩﺴﯩﺪﯨﻦ ﺋﯧﻴﺘﻘﺎﻧﺪﺍ، ﻗﯩﺮﻏﯩﺰﻧﯩﯔ ﺋﺎﻕ ﻗﺎﻟﭙﯩﻘﻰ ﻳﯘﻣﺸﺎﻕ ﺗﯩﯟﯨﺖ،ﻗﻮﺯﺍ ﻳﯘﯕﯩﺪﯨﻦ ﺋﯩﺸﻠﻪﻧﮕﻪﻥ ﺑﻮﻟﯘﭖ،ﺋﯘﻧﯩﯖﺪﺍ ﮬﯧﭽﻘﺎﻧﺪﺍﻕ ﺳﯜﻧﯩﻲ-ﺑﯩﺮﯨﻜﻤﻪ ﺗﺎﻻ ﻳﻮﻕ.ﻗﻮﻟﺪﺍ ﺋﯩﺸﻠﯩﻨﯩﺪﯗ.ﺑﺎﺷﻘﺎ ﻳﯘﻣﺸﺎﻕ،ﺳﯩﻠﯩﻖ ﻛﯩﻴﯩﻠﯩﺪﯗ.ﺗﻪﺑﯩﺌﯩﻲ ﻳﯘﯓ-ﺗﯩﯟﯨﺖ ﻳﺎﺯﺩﺍ ﺳﺎﻟﻘﯩﻦ،ﻗﯩﺸﺘﺎ ﺋﯩﺴﺴﯩﻖ ﺑﻮﻟﯘﺵ ﺋﺎﻻﮬﯩﺪﯨﻠﯩﻜﯩﮕﻪ ﺋﯩﮕﻪ.ﮬﻪﺭ ﺧﯩﻞ ﺑﺎﺵ ﺋﺎﻏﺮﯨﻘﯩﻨﯩﯔ ﺋﺎﻟﺪﯨﻨﻰ ﺋﺎﻟﯩﺪﯗ.ﺋﻪﻣﻤﺎ ﺋﯩﻠﻤﯩﻴﻠﯩﻚ ﺗﻪﺭﻏﯩﭗ ﻗﯩﻠﯩﻨﺪﯨﻐﺎﻥ ﺋﯩﻠﻤﯩﻲ ﺟﺎﮬﺎﻧﺪﺍ ﻳﺎﺷﺎﯞﺍﺗﻘﺎﻥ ﺯﺍﻣﺎﻧﺪﺍﺷﻠﯩﺮﯨﻢ ﯞﻩ ﻛﻪﻣﯩﻨﻪ ﺋﺎﻏﯩﯖﯩﺰ ﺳﯩﺰ ﺳﯧﻐﯩﻨﻐﺎﻥ <<ﻧﻪﻗﯩﺸﻠﯩﻚ ﺩﻭﭘﭙﺎ-ﺗﯘﻣﺎﻗﻼﺭ،ﺷﺎﮬﺎﻧﻪ ﺗﻮﻥ-ﺳﻪﺭﯗﭘﺎﻳﻼﺭ>>ﻧﻰ ﺳﺎﻻﭘﻪﺗﻠﯩﻚ ﻛﯩﻴﯩﭗ ﻳﯜﺭﻩﻟﯩﮕﻪﻥ ﺑﻮﻟﺴﺎﻕ، ﺳﯩﺰﻟﻪﺭﺩﻩﻙ ﻗﯧﺮﯨﻨﺪﺍﺵ-ﺳﯩﯖﯩﻠﻠﯩﺮﯨﻤﯩﺰﻣﯘ ﺑﯩﺰ ﺳﯧﻐﯩﻨﻐﺎﻥ ﻗﯩﺮﯨﻖ ﻛﺎﻛﯘﻟﻠﯘﻕ ﺳﯘﻣﺒﯘﻝ ﭼﺎﭼﻠﯩﺮﯨﯖﯩﺰﻻﺭ ﺑﯩﻠﻪﻥ، ﺗﻮﺯ ﻗﺎﻧﯩﺘﯩﺪﻩﻙ ﺟﯘﻻ ﭼﺎﭼﻘﺎﻥ ﺋﯘﺯﯗﻥ ﻛﯚﯕﻠﯩﻜﯩﯖﯩﺰﻻﺭ ﺑﯩﻠﻪﻥ ،ﺧﻪﻗﻠﻪﺭ ﻳﯩﯖﻨﻪ ﺋﯩﺰﯨﻨﯩﻤﯘ ﺳﺎﻧﺎﭖ ﺑﻮﻻﻟﻤﺎﻳﺪﯨﻐﺎﻥ ﺋﻮﺗﻘﺎﺷﺘﻪﻙ ﮔﯜﻝ ﻛﻪﺷﺘﻪ ﺩﻭﭘﭙﯩﻠﯩﺮﯨﯖﯩﺰﻻﺭ ﺑﯩﻠﻪﻥ ﭼﯧﮭﺮﯨﯖﯩﺰﻻﺭ ﻧﯘﺭﻟﯩﻨﯩﭗ ﻳﯜﺭﻩﺭ ﺋﯩﺪﯨﯖﯩﺰﻟﻪﺭ. ﺋﻪﭘﺴﯘﺱ،ﺗﻮﻟﯩﻤﯘ ﺋﻪﭘﺴﯘﺱ ﺑﯘﻻﺭ ﺳﯩﺰ ﺋﯧﻴﺘﻘﺎﻧﺪﻩﻙ ﺗﺎﺭﯨﺨﯩﻲ ﻗﯩﻤﻤﯩﺘﯩﻨﻰ ﻳﻮﻗﯩﺘﯩﭗ ﻗﻮﻳﻤﺎﺳﺘﯩﻦ ،ﺑﻪﻟﻜﻰ ﺋﯚﺯﻟﯩﺮﯨﻤﯩﺰ <<ﺧﺎﻟﯩﺴﺎﻧﻪ>> ﻳﻮﻗﯩﺘﯩﭗ ﺑﯧﺮﯨﯟﺍﺗﻤﺎﻗﺘﯩﻤﯩﺰ!
ﺟﺎﻧﻠﯩﻖ ﺋﯩﻜﻜﻰ ﻣﯩﺴﺎﻝ ﻛﻪﻟﺘﯜﺭﻩﻱ:
ﺑﯩﺮﯨﻨﭽﯩﺴﻰ،ﺷﯩﻨﺠﺎﯓ ﺗﯧﻠﯧﯟﯨﺰﯨﻴﯩﺴﻰ 2-ﻳﯜﺭﯛﺵ ﻗﺎﻧﯩﻠﯩﻨﯩﯔ <<ﺗﻪﯕﺮﯨﺘﺎﻍ ﮔﯜﻟﺰﺍﺭﻯ>> ﭘﺮﻭﮔﺮﺍﻣﻤﯩﺴﯩﺪﺍ ﻣﯜﻧﯩﺮﻩ ﻏﻮﭘﯘﺭ ﮬﻪﺩﯨﻤﯩﺰ ﻣﻪﻟﯘﻡ ﺑﯩﺮ ﺋﺎﺭﺗﯩﺴﻨﻰ ﺯﯨﻴﺎﺭﻩﺕ ﻗﯩﻠﻐﺎﻧﺪﺍ،ﮬﯧﻠﯩﻘﻰ ﺋﺎﺭﺗﯩﺲ ﺋﯚﺯﯨﻨﯩﯔ ﺋﯘﻳﻐﯘﺭ ﺋﯘﺳﺴﯘﻟﯩﻨﻰ ﭼﻪﺕ ﺋﻪﻟﺪﻩ ﺋﻮﺭﯗﻧﺪﯨﻐﺎﻧﺪﺍ،ﭼﻪﺕ ﺋﻪﻟﻠﯩﻜﻠﻪﺭﻧﻰ ﮬﻪﻳﺮﺍﻥ ﻗﺎﻟﺪﯗﺭﻏﺎﻧﻠﯩﻘﯩﻨﻰ ﻣﯘﻧﺪﺍﻕ ﺗﻪﺳﯟﯨﺮﻟﻪﻳﺪﯗ:<<ﻣﻪﻟﯘﻡ ﺩﯙﻟﻪﺗﻜﻪ ﺑﺎﺭﻏﺎﻧﺪﺍ، ﺳﻪﮬﻨﯩﮕﻪ ﭼﯩﻘﯩﺸﺘﯩﻦ ﺑﯘﺭﯗﻥ ﭼﺎﭼﻠﯩﺮﯨﻤﯩﺰﻧﻰ ﺳﯧﻠﯩﭗ ﺗﻪﻳﻴﺎﺭ ﺑﻮﻟﯘﭖ،ﺷﯘﻧﺪﺍﻕ ﺋﻮﻳﻨﯩﺴﺎﻕ، ﭼﻪﺕ ﺋﻪﻟﻠﯩﻚ ﺩﯦﮕﻪﻥ ﮬﺎﯓ-ﺗﺎﯓ ﻗﺎﻟﺪﻯ.ﺳﻪﮬﻨﯩﺪﯨﻦ ﭼﯜﺷﻜﻪﻧﺪﻩ ﺋﯘﻻﺭ ﺋﻪﺗﯩﺮﺍﭘﯩﻤﯩﺰﻏﺎ ﺋﻮﻟﯩﺸﯩﭗ ﭼﺎﭼﻠﯩﺮﯨﻤﯩﺰﻧﻰ ﺗﯘﺗﯘﭖ ﺑﯧﻘﯩﺸﯩﭗ ﺑﻪﻛﻤﯘ ﮬﻪﻳﺮﺍﻥ ﻗﯧﻠﯩﺸﺘﻰ. . .>> ﻣﺎﻧﺎ ،ﺋﺎﺩﺩﯨﻴﺴﻰ ﺋﺎﺭﺗﯩﺴﻠﯩﺮﯨﻤﯩﺰﻣﯘ ﭼﻪﺕ ﺋﻪﻟﻠﯩﻜﻠﻪﺭﻧﻰ ﺋﯚﺯﯨﻨﯩﯔ ﺗﻪﺑﯩﻲ ﺋﯘﺯﯗﻥ ﭼﯧﭽﻰ ﺑﯩﻠﻪﻥ ﺋﻪﻣﻪﺱ،ﺳﯧﻠﯩﭗ ﺋﯘﻟﯩﻐﺎﻥ ﻳﺎﻟﻐﺎﻥ ﭼﺎﭼﻼﺭ ﺑﯩﻠﻪﻥ ﮬﻪﻳﺮﺍﻥ ﻗﺎﻟﺪﯗﺭﯗﭘﺘﯘ! ﺑﻮﻟﻤﯩﺴﺎ،ﭼﺎﭺ ﺩﯦﮕﻪﻥ ﺑﺎﺷﻘﺎ ﻳﺎﺭﺍﻟﻐﺎﻥ،ﺑﺎﺷﺘﺎ ﺗﯘﺭﻣﺎﻣﺪﯗ،ﺩﻩﯕﻪ.ﻳﺎ ﺋﯘ ﻗﻮﻝ ﺳﺎﺋﻪﺕ ﺑﻮﻟﻤﯩﺴﺎ،ﺋﯧﻠﯩﭗ-ﺗﺎﻗﯩﻐﯩﻠﻰ(ﺯﯨﻴﺎﺭﻩﺕ ﻗﯩﻠﯩﻨﯩﯟﺍﺗﻘﺎﻥ ﮬﯧﻠﯩﻘﻰ ﺋﺎﺭﺗﯩﺴﯩﻤﯩﺰﻧﯩﯔ ﺯﯨﻴﺎﺭﻩﺕ ﻣﯩﻨﯘﺗﻠﯩﺮﯨﺪﺍ ﺩﻭﻟﯩﺴﯩﻐﺎ ﭼﯜﺷﻤﯩﮕﻪﻥ ﻛﺎﻟﺘﻪ ﭼﯧﭽﻰ ﺑﺎﺭ ﺋﯩﺪﻯ). ﺑﯘﻧﯩﯖﺪﯨﻦ ﺑﯩﺰﻧﯩﯔ ﺋﯚﺯﯨﻤﯩﺰ ﺧﺎﻻﭖ ﺗﯘﺭﯗﭖ ﻣﯘﺯﯦﻴﺪﯨﻜﻰ ﺗﯩﺮﯨﻚ ﺋﺎﺳﺎﺭﺋﻪﺗﯩﻘﻪ ﺑﻮﻟﯘﭖ ﺑﻪﺭﮔﯩﻨﯩﻤﯩﺰ.ﺗﺎﺭﯨﺨﺘﺎ ﺋﯚﺯ ﮬﻪﻳﻜﯩﻠﯩﻤﯩﺰﻧﻰ ﻳﺎﺳﺎﭖ ﺑﯧﺮﯨﯟﺍﺗﻘﯩﻨﯩﻤﯩﺰ ﭼﯩﻘﯩﭗ ﺗﯘﺭﯨﺪﯗ.
ﺋﯩﻜﻜﯩﻨﭽﯩﺴﻰ، 2001-ﻳﯩﻠﻰ ﺋﯜﺭﯛﻣﭽﯩﺪﻩ ﻗﯩﺮﻏﯩﺰﻻﺭﻧﯩﯔ ﺗﺎﻟﻼﻧﻐﺎﻥ ﺋﺎﺭﺗﯩﺴﻠﯩﺮﻯ ﻧﻪﯞﺭﯗﺯﻧﻰ ﻗﯘﺗﻠﯘﻗﻼﭖ ﺋﯚﺗﻜﯜﺯﮔﻪﻥ ﺳﻪﻧﺌﻪﺕ ﻛﯧﭽﯩﻠﯩﻜﻰ ﺋﯧﻠﯩﻨﻐﺎﻥ VCDﺗﻪﺧﺴﯩﺴﯩﻨﻰ ﻛﯚﺭﮔﯩﻨﯩﻢ ﺑﻮﻟﺪﻯ. ﻣﻪﻥ ﺋﯩﻨﺘﺎﻳﯩﻦ ﭼﻮﻗﯘﻧﯩﺪﯨﻐﺎﻥ ﻏﺎﻳﯩﯟﯨﻲ ﮬﯚﺭﻣﯩﺘﯩﻢ ﺯﻭﺭ ﺑﻮﻟﻐﺎﻥ ﺑﯩﺮ ﺷﯚﮬﺮﻩﺗﻠﯩﻚ ﻧﺎﺧﺸﯩﭽﯩﻤﯩﺰ ﻛﯧﭽﯩﻠﯩﻜﻜﻪ ﺭﯨﻴﺎﺳﻪﺗﭽﯩﻠﯩﻚ ﻗﯩﻠﻐﺎﻧﯩﻜﻪﻥ. ﺋﯘﻧﯩﯔ ﺑﯧﺸﯩﺪﯨﻦ-ﭘﯘﺗﯩﻐﯩﭽﻪ ﭘﯘﺭﻛﻪﻧﮕﻪﻥ ﻣﯩﻠﻠﯩﻲ ﺋﻪﻧﺌﻪﻧﯩﯟﻯ ﻟﯩﺒﺎﺳﻼﺭ، ﺳﺎﻏﺮﯨﺴﯩﻐﺎ ﭼﯜﺷﻜﻪﻥ ﺋﯘﺯﯗﻥ، ﺗﺎﻝ-ﺗﺎﻝ ﺋﯚﺭﯛﻣﻪ ﭼﺎﭼﻼﺭ ﻗﯩﺮﻏﯩﺰ ﻗﯩﺰ-ﺋﺎﻳﺎﻟﻠﯩﺮﯨﻨﯩﯔ ﭘﻪﺭﯨﺸﺘﯩﺪﻩﻙ ﮬﯚﺳﻨﯩﮕﻪ ﯞﻩﻛﯩﻠﻠﯩﻚ ﻗﯩﻼﺗﺘﻰ. ﺭﯨﻴﺎﺳﻪﺗﭽﯩﻠﯩﻚ ﺗﺎﻻﻧﺘﯩﻐﺎ ﺧﯘﭖ ﻳﺎﺭﺍﺷﻘﺎﻥ ﺑﯘ ﻗﯩﻴﺎﭘﻪﺕ ﻛﯧﭽﯩﻠﯩﻜﻨﯩﯔ ﮬﯚﺳﻨﯩﮕﻪ ﮬﯚﺳﯩﻦ ﻗﻮﺷﻘﺎﻧﯩﺪﻯ. ﺑﯩﺮﺍﻕ ﺋﻮﻳﻠﯩﻤﯩﻐﺎﻥ ﻳﻪﺭﺩﯨﻦ ﻛﯧﭽﯩﻠﯩﻚ ﻳﯧﺮﯨﻤﻼﺷﻘﺎﻧﺪﺍ ﺭﯨﻴﺎﺳﻪﺗﭽﻰ ﮬﻪﺩﯨﻤﯩﺰ ﻛﯩﻴﯩﻢ ﺋﯚﺯﮔﻪﺭﺗﯩﭗ ﺋﯚﺯﻯ ﺑﯩﺮ ﻧﺎﺧﺸﺎ ﺋﻮﺭﯗﻧﺪﯨﺪﻯ. ﻗﺎﺭﯨﺴﺎﻡ، ﻛﯚﯕﻠﯜﻣﻨﻰ ﭘﻮﻕ ﻗﯩﻠﻐﺎﻥ ﻛﯚﺭﯛﻧﯜﺵ-ﮬﻪﺩﯨﻤﯩﺰﻧﯩﯔ ﺑﯧﺸﯩﺪﺍ ﺗﯧﺨﻰ ﺑﺎﻳﯩﻼ ﻛﻮﺭﮔﻪﻥ ﻣﯩﺴﻠﻰ ﻣﻪﺧﺘﯘﻣﺴﯘﻻﻧﯩﯔ ﺳﯘﻣﺒﯘﻝ-ﺳﯘﻣﺒﯘﻝ ﺋﻮﺭﯛﻣﻪ ﭼﺎﭼﻠﯩﺮﻯ ﻳﻮﻕ! ﻏﯧﺮﯨﭻ ﺋﯘﺯﯗﻧﻠﯘﻗﺘﺎ ﻳﻪﻟﭙﯜﻧﯜﭖ ﺗﯘﺭﻏﺎﻥ ﻣﻮﺩﺍ ﭼﺎﭺ ﺗﯘﺭﺍﺗﺘﻰ.ﻧﺎﺧﺸﯩﺴﯩﻨﯩﯔ ﺳﯧﮭﺮﯨﻲ ﻛﯜﭼﯩﺪﯨﻦ ﺗﻪﯞﺭﯨﻨﯩﯟﺍﺗﺴﺎﻣﻤﯘ، ﻛﯚﯕﻠﯜﻡ ﭼﯩﯟﯨﻦ ﻳﻪﯞﺍﻟﻐﺎﻧﺪﻩﻙ ﺑﯩﺮ ﻗﯩﺴﻤﺎ ﺑﻮﻟﯘﭖ،ﮬﯧﻠﯩﻘﻰ ﮬﻪﺩﯨﻤﯩﺰﮔﻪ ﺑﻮﻟﻐﺎﻥ ﻳﯜﻛﺴﻪﻙ-ﺯﻭﺭ ﮬﯚﺭﻣﯩﺘﯩﻤﮕﻪ ﻛﯚﻟﻪﯕﮕﯜ ﭼﯜﺷﯜﭖ ﻗﺎﻟﻐﺎﻧﺪﻩﻙ ﺑﻮﻟﺪﻯ.
ﺑﯘﻧﺪﺍﻕ ﻣﯩﺴﺎﻟﻼﺭ ﺩﯦﮕﻪﻥ ﺳﺎﻣﺎﻧﺪﻩﻙ. ﺑﯩﺮ ﻗﯧﺘﯩﻢ ﻣﻪﻟﯘﻡ ﺑﯩﺮ ﺋﻪﺩﯨﺒﻨﯩﯔ ﺗﯘﻏﯘﻟﻐﺎﻥ ﻛﯜﻧﯩﻨﻰ ﻗﯘﺗﻠﯘﻗﻼﺵ ﺋﯜﭼﯜﻥ ﻳﯩﻐﯩﻠﻐﺎﻥ ﺯﯨﻴﺎﻟﯩﻲ-ﺋﻮﻗﯘﻣﯘﺷﻠﯘﻗﻼﺭ ﮬﯧﻠﯩﻘﻰ ﺋﻪﺩﯨﺒﻨﯩﯔ:<<ﺗﯘﻏﯘﻟﻐﺎﻥ ﻛﯜﻧﯘﻣﻨﻰ ﺑﯩﺰﭼﻪ ﺋﯚﺗﻜﯜﺯﻩﻳﻠﻰ. ﺧﺎﺳﻠﯩﻘﻘﺎ ﺋﯩﮕﻪ ﻳﯧﯖﻰ،ﺋﺎﺩﺩﯨﻲ-ﺳﺎﺩﺩﺍ ﺷﻪﻛﯩﻠﻨﻰ ﺑﺎﺭﻟﯩﻘﻘﻪ ﻛﻪﻟﺘﯜﺭﺳﻪﻙ ﺑﻮﻟﻤﺎﺳﻤﯘ ?>> ﺩﻩﭖ،ﺷﺎﻡ ﻳﯧﻘﯩﭗ، ﻛﯚﺯﯨﻨﻰ ﻳﯘﻣﯘﭖ ﺗﯘﺭﯗﭖ ﺗﯩﻠﻪﻙ ﺗﯩﻠﻪﭖ ﺧﺮﯨﺴﺘﯩﺌﺎﻧﭽﻪ ﺗﯘﻏﯘﻟﻐﺎﻥ ﻛﯜﻥ ﺋﯚﺗﻜﯜﺯﯛﺷﻜﻪ ﺋﯘﻧﯩﻤﯩﺪﻯ.ﺑﯩﺮﺍﻕ ﮬﯩﻠﯩﻘﻰ ﺯﯨﻴﺎﻟﯩﻼﺭ ﻛﺎﺟﻠﯩﻖ ﻗﯩﻠﯩﭗ:<< ﯞﺍﻱ-ﯞﯗﻱ! ﺑﯩﺮ ﻛﯧﭽﻪ ﺗﯘﻏﯘﻟﻐﺎﻥ ﻛﯜﻥ ﺋﻮﻟﺘﯘﺭﯗﺷﻰ ﺑﯩﻠﻪﻥ ﺧﺮﯨﺴﺘﯩﺌﺎﻥ ﺑﻮﭘﻘﺎﻻﻣﺘﯩﯖﯩﺰ، ﻗﺎﺋﯩﺪﯨﺴﻰ ﺑﻮﻳﯩﭽﻪ ﺑﻮﻟﻤﯩﺴﺎ ﻳﺎﺭﯨﺸﯩﻘﻰ ﺑﻮﻟﻤﺎﻳﺪﯗ!>>ﺩﻩﭖ ﺯﻭﺭﻟﯩﺸﯩﭗ،ﺋﯚﻳﻨﯩﯔ ﺋﯩﭽﯩﻨﻰ ﮔﯚﺭﺩﻩﻙ ﻗﺎﺭﺍﯕﻐﯘﻻﺷﺘﯘﺭﯗﭖ،ﺷﺎﻡ ﻳﯧﻘﯩﭗ ﺗﯩﻠﻪﻙ ﺗﯩﻠﻪﺗﻜﯜﺯﺩﻯ. ﮬﻪﺗﺘﺎ ﺗﻮﺭﺗﻨﯩﯔ ﻗﺎﻳﻤﺎﻗﻠﯩﺮﯨﻨﻰ ﮬﯧﻠﯩﻘﻰ ﺋﻪﺩﯨﺒﻨﯩﯔ ﻳﯜﺯﻟﯩﺮﯨﮕﻪ ﭘﻮﻕ ﺳﯘﯞﯨﻐﺎﻧﺪﻩﻙ ﺳﯘﯞﺍﭖ ﮬﻪﺟﯩﯟﯨﻴﻠﻪﺷﺘﯜﺭﯛﭖ،ﺷﺎﺩﻟﯩﻨﯩﭗ ﻛﯜﻟﯜﺷﺘﻰ. <<ﺗﯘﻏﯘﻟﻐﺎﻥ ﻛﯜﻥ ﻧﺎﺧﺸﯩﺴﻰ>>ﻣﯘ ﻏﺎﺭﺍﯓ-ﻏﯘﺭﯗﯓ،ﺋﯧﮕﯩﺰ-ﭘﻪﺱ ﺋﺎﯞﺍﺯﺩﺍ ﻗﻮﻻﺷﻤﺎﻱ،ﻧﻮﺗﯩﻐﺎ،ﻛﯜﻳﮕﻪ،ﺗﯧﻤﭙﯩﻐﺎ ﭼﯜﺷﻤﻪﻱ ﺋﻮﻗﯘﻟﺪﻯ. ﺋﯚﺯﯗﯕﻨﯩﯔ ﺑﻮﻟﻤﯩﻐﺎﻥ ﮬﻪﺭ ﻗﺎﻧﺪﺍﻕ ﺑﯩﺮ ﻧﻪﺭﺳﻪ ﮬﻪﺭ ﻗﺎﻧﭽﻪ ﭘﻪﺭﺩﺍﺯﻟﯩﺴﺎﯕﻤﯘ ﺋﯚﺯ ﻗﯩﻨﯩﻐﺎ ﭼﯜﺷﻤﻪﻳﺪﯨﻜﻪﻥ! . . .
ﺳﯩﯖﻠﯩﻢ ﺩﯨﻠﺌﺎﺭﺍﻡ،ﺑﯩﺰﺩﯨﻜﻰ ﺗﺎﺷﻘﻰ ﺋﻪﻧﺌﻪﻧﻪ ﺧﺎﺳﻠﯩﻘﺘﯩﻦ ﻛﯚﺭﻩ،ﺧﺎﺭﺍﻛﺘﯧﺮ ﺧﺎﺳﻠﯩﻘﯩﻤﯩﺰ ﺷﯘ ﺩﻩﺭﯨﺠﯩﺪﻩ ﭘﯘﭼﻪﻛﻠﯩﺸﯩﭗ ﻛﻪﺗﺘﯩﻜﻰ،ﺳﯩﺰﮔﻪ ﺋﯧﻴﺘﺴﺎﻡ ﻗﻮﺭﺳﯩﻘﯩﯖﯩﺰ ﻛﯚﭘﯩﺪﯗ. ﺑﯩﺮ ﻗﯧﺘﯩﻤﻠﯩﻖ ﺗﻮﻱ ﻣﯘﺭﺍﺳﯩﻤﯩﺪﯨﻜﻰ ﺋﻮﺳﺎﻝ ﺋﻪﮬﯟﺍﻟﯩﻢ ﻣﻪﯕﮕﯜ ﻳﺎﺩﯨﻤﺪﯨﻦ ﭼﯩﻘﻤﺎﻳﺪﯗ. ﻳﯧﺰﯨﻤﯩﺰﺩﯨﻜﻰ ﻣﻪﻟﯘﻡ ﻗﯧﺮﯨﺪﯨﺸﯩﻤﯩﺰﻧﯩﯔ ﺗﻮﻱ ﻣﯘﺭﺍﺳﯩﻤﯩﺪﺍ ﻳﯩﻐﯩﻠﻐﺎﻥ ﻗﯘﺭﺩﺍﺷﻠﯩﺮﯨﻢ ﻛﯚﭖ ﺑﻮﻟﯘﭖ،ﻛﻮﭘﯩﻨﭽﯩﺴﻰ ﺷﻪﮬﻪﺭﺩﯨﻦ ﻛﻪﻟﮕﻪﻧﻠﻪﺭ ﺋﯩﺪﻯ .ﺗﻮﻳﺪﺍ ﺋﯘﺳﺴﯘﻟﻼﺭ ﺋﻮﻳﻠﯩﻨﯩﭗ ﺗﯘﺭﺩﻯ. ﻣﻪﻥ ﺋﯘﻳﻐﯘﺭ ﺭﺍﻳﻮﻧﯩﺪﺍ ﺗﯘﻏﯘﻟﯘﭖ ﺋﻮﺳﻜﻪﭼﻜﻪ، ﺋﯘﻳﻐﯘﺭ ﺋﯘﺳﺴﯘﻟﯩﻨﻰ ﺗﻮﻟﯩﻤﯘ ﻳﺎﺧﺸﻰ ﻛﯚﺭﯨﻤﻪﻥ ﯞﻩ ﺧﯧﻠﻰ ﻛﯧﻠﯩﺸﺘﯜﺭﯛﭖ ﺋﻮﻳﻨﺎﻳﻤﻪﻥ. ﺷﯘ ﺋﺎﺭﻟﯩﻘﺘﺎ ﻛﯩﻤﺪﯗﺭ ﺑﯩﺮﺳﻰ ﻣﯩﻜﺮﻭﻓﯘﻧﺪﺍ:<<ﺑﯩﺮ ﻣﻪﻳﺪﺍﻥ ﺗﺎﻧﺴﺎ>> ﺩﻩﭖ ﯸﻼﻥ ﻗﯩﻠﯩﯟﯦﺪﻯ، ﻳﯧﺰﯨﻤﯩﺰﺩﯨﻜﻰ ﻳﺎﺷﻼﺭ ﺗﻪﻣﺘﯩﺮﻩﭖ ﻗﯧﻠﯩﺸﺘﯘﻕ.ﭼﯜﻧﻜﻰ ﺑﯩﺰﻧﯩﯔ ﻳﯧﺰﯨﺪﺍ ﻣﯘﺷﯘ ﻛﻪﻣﮕﯩﭽﻪ ﺋﺎﻣﻤﯩﯟﯨﻲ ﺳﻮﺭﯗﻧﻼﺭﺩﺍ ﺋﻮﻏﯘﻟﻼﺭ ﻗﯩﺰﻻﺭﻧﯩﯔ ﻗﻮﻟﯩﻨﻰ،ﺑﯧﻠﯩﻨﻰ ﺳﯩﻼﭖ-ﺳﯩﻘﯩﻤﺪﺍﭖ ﻳﯜﺭﯛﺵ ﺋﯧﻐﯩﺮ ﺋﯧﻠﯩﻨﺎﺗﺘﻰ. ﻟﯧﻜﯩﻦ ﺑﯩﺰ ﺳﺎﮬﯩﺒﺨﺎﻥ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺋﻮﻟﺘﯘﺭﯞﺍﻟﺴﺎﻕ ﺋﻪﺩﻩﺑﺴﯩﺰﻟﯩﻚ ﺑﻮﻟﯩﺪﯗ،ﺩﻩﭖ ﺋﺎﺧﯩﺮ ﺋﻮﻏﯘﻟﻼﺭ ﺑﯩﻠﻪﻥ ﺋﻮﻏﯘﻟﻼﺭ،ﻗﯩﺰﻻﺭ ﺑﯩﻠﻪﻥ ﻗﯩﺰﻻﺭ ﺟﯜﭖ-ﺟﯜﭖ ﺑﻮﻟﯘﭖ ﺋﻮﻳﻨﯩﺸﯩﭗ ﺑﻪﺭﺩﯗﻕ. ﻣﯧﮭﻤﺎﻥ ﻗﯩﺰ-ﻳﯩﮕﯩﺘﻠﻪﺭ ﺗﺎﻧﺴﺎ ﺋﻮﻳﻨﯩﻐﺎﭺ، ﺑﯩﺮ-ﺑﯩﺮﯨﻨﯩﯔ ﺩﻭﻟﯩﺴﯩﺪﯨﻦ ﻣﺎﺭﯨﺸﯩﭗ ﻗﺎﺭﺍﭖ ﺑﯩﺰﻧﻰ ﻣﻪﺳﺨﯩﺮﻩ ﻗﯩﻠﯩﭗ،ﭘﯩﺨﯩﻠﺪﺍﭖ ﻛﯜﻟﯜﺷﺘﻰ. ﮬﻪﺗﺘﺎ ﺑﯩﺮ ﻗﯩﺰﻧﯩﯔ ﻣﯧﻨﻰ ﺋﯩﻤﺎ ﻗﯩﻠﯩﭗ ﺗﯘﺭﯗﭖ:<<ﻗﺎﺭﯨﯖﻪ xxﺟﺎﻥ، ﺋﺎﯞﯗ ﺑﺎﻟﯩﻨﯩﯔ ﺗﺎﻧﺴﺎ ﺋﻮﻳﻨﯩﺸﯩﻐﺎ،ﺗﯚﮔﯩﺪﻩﻙ ﺩﻩﺳﺴﻪﭖ ...>>،<<ﺗﻮﯞﺍ، ﺋﻮﻏﯘﻟﻼﺭ ﺑﯩﻠﻪﻥ ﺋﻮﻏﯘﻟﻼﺭ ﺗﺎﻧﺴﺎ ﺋﻮﻳﻨﯩﻐﺎﻥ ﻧﻪﺩﻩ ﺑﺎﺭ ? ﺑﯘ ﺳﻪﮬﺮﺍﻟﯩﻖ ﺩﯦﮕﻪﻥ ﺗﺎﺯﯨﻤﯘ ﻣﻪﺗﯘ ﺧﻪﻗﻜﻪﻥ! ﺋﯩﻜﻜﯩﻨﭽﻰ ﺳﻪﮬﺮﺍﻧﯩﯔ ﺗﻮﻳﯩﻐﺎ ﻛﯧﻠﯩﺪﯨﻐﺎﻥ ﺑﻮﻟﺴﺎﻡ ...>> ﺩﯦﻴﯩﺸﻜﯩﻨﻰ ﺋﺎﯕﻼﭖ ﻛﯚﯕﻠﯜﻡ ﺑﯩﺮ ﻗﯩﺴﻤﯩﻼ ﺑﻮﭘﻘﺎﻟﺪﻯ.ﺋﺎﻧﺪﯨﻦ ﺳﺎﺯﭼﻰ ﺋﯩﻨﯩﻤﯩﺰﮔﻪ:<< ﺑﯩﺰ ﻣﺎﺳﻠﯩﺸﺎﻟﻤﺎﻳﺪﯨﻜﻪﻧﻤﯩﺰ، ﻳﻪﻧﯩﻼ ﺋﯘﻳﻐﯘﺭﭼﻪ ﺋﯘﺳﺴﯘﻝ ﺋﻮﻳﻨﺎﻳﻠﯩﻴﺎ>> ﺩﯦﺴﻪﻡ، ﮬﯧﻠﯩﻘﻰ ﻗﯩﺰ ﻧﯧﻤﻪ ﺩﻩﻳﺪﯗ ﺩﯦﻤﻪﻣﺴﯩﺰ ?<<ﺋﻪﺟﻪﭖ ﻣﻮﻻﻡ ﺳﯜﭘﻪﺕ ﺑﺎﻟﯩﻜﻪﻧﻼ،ﻗﺎﺭﯨﻴﻠﯩﻘﺘﺎ ﺋﻮﻗﯘﻏﺎﻧﻤﯘ ?>> ﺷﯘﻧﯩﯔ ﺑﯩﻠﻪﻥ ﺳﻮﺭﯗﻧﺪﯨﻜﻰ ﻣﯧﮭﻤﺎﻧﻠﯩﺮﯨﻤﯩﺰ ﺧﯘﺩﺩﻯ ﺗﯜﻛﯩﻨﻰ ﺗﺎﺭﺗﻘﺎﻥ ﺋﯚﭼﻜﯩﺪﻩﻙ ﯞﺍﻗﯩﺮﺍﭖ-ﻛﯜﻟﯜﺷﯜﭖ،ﻳﻪﺗﻜﯜﭼﻪ ﻣﺎﺯﺍﻕ ﻗﯩﻠﯩﺸﺘﻰ. ﺋﯘﻻﺭ ﺗﺎﻧﺴﯩﻨﻰ ﺷﯜﻧﭽﯩﻠﯩﻚ ﻳﺎﺧﺸﻰ ﺋﻮﻳﻨﺎﻳﺪﯨﻜﻪﻧﯘ، ﺋﻮﻳﻨﯩﻐﺎﻥ ﺋﯘﺳﺴﯘﻟﯩﻐﺎ ﻗﺎﺭﯨﺴﯩﯖﯩﺰ ﮬﯚ ﻗﯩﻠﻐﯩﯖﯩﺰ ﻛﯧﻠﯩﺪﯗ. ﻗﯩﺰ-ﺋﻮﻏﯘﻟﻼﺭ ﺑﯧﻘﯩﺸﯩﭗ ﺋﻮﻳﻨﯩﻐﺎﻧﺪﺍ ﺋﻪﺧﻼﻗﻘﺎ ﻳﺎﺕ ﺑﻮﻟﻐﺎﻥ ﻗﯩﻠﯩﻘﻼﺭﻧﻰ ﭼﯩﻘﯩﺮﯨﺸﯩﭗ ﺗﯧﺨﻰ ﺧﯩﺠﺎﻟﻪﺕ ﺑﻮﻟﻤﺎﻱ،ﺋﻪﻛﺴﯩﭽﻪ ﺋﯘﻳﺎﺗﺴﯩﺰﻟﯩﻘﻠﯩﺮﯨﺪﯨﻦ ﭘﻪﺧﯩﺮﻟﯩﻨﯩﺸﯩﺪﯨﻜﻪﻥ.ﺋﯘﺳﺴﯘﻝ ﺋﻮﻳﻨﯩﻐﺎﻧﺪﺍ ﻗﻮﻝ ﺑﯧﻐﯩﺸﻰ ﺋﯘﻳﻐﯘﺭﻧﯩﯔ، ﺩﻭﻟﯩﻠﯩﺮﻯ ﺋﯩﺴﭙﺎﻧﻼﺭﻧﯩﯔ، ﻛﺎﺳﺴﯩﻠﯩﺮﻯ ﺳﯩﮕﺎﻧﻼﺭﻧﯩﯔ، ﺑﻪﻟﻠﯩﺮﻯ ﮬﯩﻨﺪﯨﻼﺭﻧﯩﯔ، ﭘﯘﺗﻠﯩﺮﻯ ﺭﯗﺳﻼﺭﻧﯩﯔ ﺋﯘﺳﺴﯘﻝ ﮬﻪﺭﻛﯩﺘﯩﻨﻰ ﻣﯘﺟﻪﺳﺴﻪﻡ ﻗﯩﻠﻐﺎﻥ ﺑﻮﻟﯘﭖ،ﻗﯩﺰﻻﺭﻧﯩﯔ ﺋﯘﺳﺴﯘﻟﯩﺪﯨﻦ ﺋﯘﻳﻐﯘﺭ ﻗﯩﺰﻟﯩﺮﯨﻐﺎ ﺧﺎﺱ ﻧﺎﺯﺍﻛﻪﺕ، ﺋﻮﻏﯘﻟﻼﺭﻧﯩﯖﻜﯩﺪﯨﻦ ﻧﻪ ﺋﯘﻳﻐﯘﺭﻏﺎ ﺧﺎﺱ ﻣﻪﺭﺩﺍﻧﯩﻠﯩﻘﯩﻨﻰ ﺋﻪﺳﻼ ﻛﯚﺭﻣﻪﻳﺴﯩﺰ.
ﻳﻪﻧﻪ ﺷﯘ ﺗﻮﻳﺪﺍ ﻛﯚﺭﮔﻪﻥ ﻗﻮﺭﺳﺎﻕ ﻛﯚﭘﯜﻛﯜﻣﻨﻰ ﺋﯧﻴﺘﺎﻱ: ﺗﻮﻱ ﺑﻮﻟﯜﯞﺍﺗﻘﺎﻥ ﺳﯩﯖﻠﯩﻤﯩﺰﻏﺎ ﺋﯜﺭﯛﻣﭽﯩﺪﯨﻦ ﻛﻪﻟﮕﻪﻥ ﺑﯩﺮ ﺗﯘﻏﻘﯩﻨﯩﻨﯩﯔ ﻗﯩﺰﻯ ﻗﻮﻟﺪﺍﺵ ﺑﻮﻟﻐﺎﻧﯩﻜﻪﻥ.ﺑﯩﺰﻧﯩﯔ ﻳﯧﺰﯨﺪﯨﻜﻰ ﻗﯩﺰﻻﺭﺩﯨﻦ ﺑﯩﺮﺳﻰ:<<ﮬﻪﺭ ﺋﯩﻜﻜﻰ ﻗﻮﻟﺪﺍﺵ ﻣﺎﺳﻼﺷﻤﯩﺴﺎﯕﻼﺭ ﺑﻮﻟﻤﺎﻳﺪﯗ>>ﺩﻩﭖ ﺑﯩﺮ ﻗﯩﺰﻧﯩﯔ ﺑﯧﺸﯩﺪﯨﻜﻰ ﮔﯩﻠﻪﻡ ﻧﯘﺳﺨﯩﻠﯩﻖ ﺩﻭﭘﭙﯩﻨﻰ ﺋﯧﻠﯩﭗ ﻛﯩﻴﮕﯜﺯﯛﭖ ﻗﻮﻳﻐﯩﻠﯩﯟﺍﺗﺴﺎ،ﮬﯧﻠﯩﻘﻰ ﺗﺎﯞﻯ ﻧﺎﺯﯗﻙ ﻗﯧﺮﯨﻨﺪﯨﺸﯩﻤﯩﺰ ﺧﯘﺩﺩﻯ ﺧﻮﻟﯧﺮﺍﺩﯨﻦ ﻗﺎﭼﻘﺎﻧﺪﻩﻙ،ﻗﺎﺷﺎﯓ ﺋﯘﻱ ﺑﻮﻳﯘﻧﺘﯘﺭﯗﻗﺘﯩﻦ ﺑﯧﺸﯩﻨﻰ ﺋﻪﭘﻘﺎﭼﻘﺎﻧﺪﻩﻙ ﺑﯧﺸﯩﻨﻰ ﻗﺎﭼﯘﺭﯗﭖ:<<ﯞﯨﻴﻪﻱ!ﺗﻮﻻ ﻧﻮﻣﯘﺳﯘﻣﻨﻰ ﻛﻪﻟﺘﯜﺭﻣﻪﯕﻼﺭﭼﯘ! ﻗﺎﺭﺍﭖ ﺗﯘﺭﯗﭖ ﺋﺎﺩﻩﻡ ﻛﯚﭖ ﻳﻪﺭﺩﻩ ... ﻳﻪ ﺑﯘ ﻳﻪﺭﺩﻩ ﺋﯚﻟﯜﻡ ﺑﻮﻟﻤﯩﺴﺎ!>> ﺩﻩﭖ ﻧﺎﺯﻻﻧﺪﻯ. ﺋﯘﻳﻐﯘﺭﻧﯩﯔ ﺑﺎﺵ ﻛﯩﻴﯩﻤﻰ ﭘﻪﻗﻪﺕ ﺋﯚﻟﯜﻡ-ﮬﺎﺯﯨﻼﺭﺩﯨﻼ ﻛﯩﻴﯩﻠﯩﭗ،ﺗﻮﻱ-ﺧﯘﺷﮭﺎﻟﻠﯩﻘﻘﺎ ﻣﺎﺱ ﻛﻪﻟﻤﻪﻳﺪﯨﻐﺎﻥ ﺷﯘﻡ ﻧﻪﺭﺳﻪ ﺋﻪﻣﻪﺳﻠﯩﻜﯩﻨﻰ ﺑﯘ ﻣﯚﮬﺘﯩﺮﻩﻡ ﺷﻪﮬﻪﺭﺩﯨﺸﯩﻤﯩﺰ ﺑﯩﻠﻤﻪﻳﺪﯨﻜﻪﻥ! <<ﺗﯘﺯﻧﻰ ﺗﯚﻛﻤﻪ، ﻗﯩﺰﻧﻰ ﺳﯚﻛﻤﻪ>> ﺩﯦﮕﻪﻥ ﺋﺎﺗﯩﻼﺭ ﺳﯚﺯﻯ ﺑﻮﻟﻤﯩﻐﺎﻥ ﺑﻮﻟﺴﺎ، ﮬﯧﻠﯩﻘﻰ ﻗﯧﺮﯨﻨﺪﯨﺸﯩﻤﯩﺰﻧﻰ ﻧﯧﻤﻪ ﺩﻩﭖ ﺗﻪﻧﻘﯩﺪﻟﻪﺭ ﺋﯩﺪﯨﻤﻜﯩﻨﺘﺎﯓ ?! ﺑﻪﻟﻜﯩﻢ:<<ﭼﻮﯓ ﺩﺍﺩﯨﯖﯩﺰﺩﻩﻙ ﺧﯩﺰﯨﺮ ﺳﯜﭘﻪﺕ ﺋﺎﻗﺴﺎﻗﺎﻟﻼﺭﺩﯨﻦ،ﭼﻮﯓ ﺋﺎﻧﯩﯖﯩﺰﺩﻩﻙ ﭘﻪﺭﯨﺸﺘﻪ ﺳﯜﭘﻪﺕ ﻣﻮﻣﺎﻳﻼﺭﺩﯨﻦ ﺋﯘﻳﺎﻟﻤﯩﻐﺎﻥ ﺋﺎﯞﯗ ﺋﻮﭼﯘﻕ ﻗﻮﻟﺘﯘﻗﯩﯖﯩﺰﺩﯨﻦ،ﺋﺎﻛﯩﻠﯩﺮﯨﯖﯩﺰﺩﻩﻙ ﻳﯩﮕﯩﺘﻠﻪﺭﺩﯨﻦ ﮬﯧﻴﯩﻘﻤﯩﻐﺎﻥ ﺋﺎﯞﯗ ﺋﻮﭼﯘﻕ ﻛﯩﻨﺪﯨﻜﯩﯖﯩﺰﺩﯨﻦ ﻧﻮﻣﯘﺳﯩﯖﯩﺰ ﻛﻪﻟﺴﯘﻥ!>> ﺩﻩﺭ ﺋﯩﺪﯨﻢ. ﺑﯩﺮﺍﻕ ﺋﯜﻧﺪﯨﻤﯩﺪﯨﻢ. ﭼﯜﻧﻜﻰ <<ﻗﯩﺰﻧﯩﯔ ﻗﯩﺮﯨﻖ ﺗﺎﻝ ﭼﯧﭽﻰ ﺋﯘﻟﯘﻍ>>.ﺋﻪﻟﯟﻩﺗﺘﻪ. ﭼﯧﭽﯩﻤﯘ ﺋﯘﻟﯘﻍ ﻗﯩﺰﻧﯩﯔ ﺋﯚﺯﯨﻤﯘ ﺑﯩﺮ ﺋﯘﻟﯘﻍ ﺋﯩﻨﺴﺎﻥ. ﺋﯚﺯ ﺋﯘﻟﯘﻏﻠﻘﯩﻨﻰ ﺋﯚﺯﻯ ﺑﯩﻠﻤﯩﺴﻪ ﺑﻮﭘﺘﯘ،ﺋﺎﻛﺎ ﻳﻮﻟﻠﯘﻕ ﺑﯩﺰ ﺑﻮﻟﺴﺎﻗﻤﯘ ﺑﯩﻠﻪﻳﻠﻰ،ﺩﯦﺪﯨﻢ. ﺳﯩﺰ ﺋﯧﻴﺘﯩﭗ ﺑﯧﻘﯩﯖﻪ،ﺩﯨﻠﺌﺎﺭﺍﻡ: ﺋﯘﻳﻐﯘﺭ ﺗﯘﺭﯗﭖ ﺩﻭﭘﭙﯩﺴﯩﺪﯨﻦ،ﻗﯩﺮﻏﯩﺰ ﺗﯘﺭﯗﭖ ﻗﺎﻟﭙﯩﻘﯩﺪﯨﻦ ﻧﻮﻣﯘﺱ ﻗﯩﻠﻐﺎﻥ ﻛﯩﺸﯩﻨﯩﯔ ﻗﺎﻧﭽﯩﻠﯩﻚ ﻣﻪﺳﺌﯘﻟﯩﻴﻪﺕ ﺗﯘﻳﻐﯘﺳﻰ ﺑﻮﻻﺭ ?ﻣﻪﻥ ﺋﻮﻳﻼﻳﻤﻪﻥ،ﺋﯘﻧﺪﺍﻕ ﻛﯩﺸﯩﻨﯩﯔ ﯞﯗﺟﯘﺩﯨﺪﯨﻦ ﺋﯚﺯ ﺧﻪﻟﻘﯩﮕﻪ ﺋﻪﻣﻪﺱ، ﺑﺎﺷﻘﺎ ﺧﻪﻟﻘﻠﻪﺭﮔﯩﻤﯘ ﻳﺎﺧﺸﻰ-ﺧﻪﻳﺮﻟﯩﻚ ﻧﯩﻴﻪﺕ ﻣﻪﯞﺟﯘﺩ ﺑﻮﻟﻤﺎﻳﺪﯗ.ﭼﯜﻧﻜﻰ ﺋﯚﺯﯨﻨﻰ ﻗﻪﺩﯨﺮﻟﯩﻤﯩﮕﻪﻥ ﺑﺎﺷﻘﯩﻼﺭﻧﻰ ﮬﯚﺭﻣﻪﺗﻠﯩﻤﻪﻳﺪﯗ. ﮬﯧﻠﯩﮭﻪﻡ،ﺳﯩﺰﺩﻩﻙ ﺋﻮﻳﻰ ﻛﯚﭘﻜﻪ، ﺑﻮﻳﻰ ﻛﯚﻛﻜﻪ ﻳﻪﺗﻜﻪﻥ ﺭﻭﮬﻰ ﺗﯧﺘﯩﻚ،ﺋﻪﻗﻠﻰ ﺋﻮﻳﻐﺎﻕ، ﺋﯩﺰﺩﯨﻨﯩﺸﭽﺎﻥ ﺭﻭﮬﻘﺎ ﺑﺎﻱ ﻗﯩﺰ(ﻛﻪﻟﮕﯜﺳﯩﺪﯨﻜﻰ ﻳﯘﻗﯩﺮﻯ ﺳﺎﭘﺎﻟﯩﻖ ﺋﯘﻟﯘﻍ ﺋﺎﻧﺎ)ﻟﯩﺮﻯ ﺑﺎﺭ ﻣﯩﻠﻠﻪﺕ ﻧﯧﻤﯩﺪﯦﮕﻪﻥ ﺗﻪﻟﻪﻳﻠﯩﻚ ﻣﯩﻠﻠﻪﺕ ﺩﯦﮕﯜﻡ ﻛﯧﻠﯩﺪﯗ. ﺳﯩﺰﻟﻪﺭﮔﻪ ﺯﻭﻗﻠﯩﻨﯩﻤﻪﻥ! . . .
ﺳﯩﯖﻠﯩﻢ ﺩﯨﻠﺌﺎﺭﺍﻡ،ﻣﯧﻨﯩﯖﭽﻪ ﺧﺎﺳﻠﯩﻘﻨﯩﯖﻤﯘ ﺗﯜﺭﻯ ﻛﯚﭖ ﺑﻮﻟﯘﺷﻰ ﻣﯘﻣﻜﯩﻦ. ﺗﯘﺭﻣﯘﺷﺘﯩﻜﻰ ﺧﺎﺳﻠﯩﻖ، ﺧﯩﺰﻣﻪﺗﺘﯩﻜﻰ ﺧﺎﺳﻠﯩﻖ، ﺋﯚﮔﯩﻨﯩﺸﺘﯩﻜﻰ ﺧﺎﺳﻠﯩﻖ ... ﮬﻪﻣﻤﯩﺴﻰ ﺑﯩﺮﻟﯩﺸﯩﭗ ﺧﺎﺱ ﻣﻪﺩﻩﻧﯩﻴﻪﺗﻨﻰ ﺷﻪﻛﯩﻠﻠﻪﻧﺪﯛﺭﺳﻪ ﻛﯧﺮﻩﻙ. ﺳﯩﺰ ﺑﺎﻳﻘﺎﭖ ﻛﯚﺭﯛﭘﺴﯩﺰ، ﺷﯩﺌﻪﻧﺪﯨﻜﻰ ﺋﺎﻟﯩﻲ ﺋﻮﻗﯘﻟﻼﺭﺩﺍ ﺋﻮﻗﯘﯞﺍﺗﻘﺎﻥ ﭘﺎﻛﯩﺴﺘﺎﻧﻠﯩﻖ، ﮬﯩﻨﺪﯨﺴﺘﺎﻧﻠﯩﻖ، ﻧﯧﭙﺎﻟﻠﯩﻖ ﻣﻪﻛﺘﻪﭘﺪﺍﺷﻠﯩﺮﯨﯖﯩﺰ ﮬﻪﺗﺘﺎ ﻣﻪﻛﺘﻪﭘﺘﯩﻤﯘ ﺋﯚﺯ ﺧﺎﺳﻠﯩﻘﯩﻨﻰ ﻳﻮﻗﺎﺗﻤﺎﭘﺘﯘ. ﻣﺎﻧﺎ ﺑﯘ ﺋﯚﮔﯩﻨﯩﺸﺘﯩﻜﻰ ﺧﺎﺳﻠﯩﻖ ﺑﻮﻟﯘﺷﻰ ﻣﯘﻣﻜﯩﻦ. ﭼﯜﻧﻜﻰ ﺋﻮﺑﻴﯧﻜﺘﯩﭗ ﺷﺎﺭﺍﺋﯩﺖ ﺋﻮﺑﻴﯧﻜﺘﯩﭗ ﻧﯩﺸﺎﻧﻐﺎ ﺷﻪﺭﺕ ﮬﺎﺯﯨﺮﻻﻳﺪﯗ.ﺋﺎﺷﯘ ﺋﻪﻧﺌﻪﻧﻪ-ﺧﺎﺳﻠﯩﻘﻨﻰ ﻳﻮﻗﺎﺗﻤﯩﻐﺎﻥ ﭼﻪﺕ ﺋﻪﻟﻠﯩﻚ ﻣﻪﻛﺘﻪﭘﺪﺍﺷﻠﯩﺮﯨﯖﯩﺰ ﺋﯚﺯ ﺋﯘﭼﯩﺴﯩﺪﯨﻜﻰ ﺋﻪﻧﺌﻪﻧﯩﯟﻯ-ﻣﯩﻠﻠﯩﻴﭽﻪ ﺧﺎﺳﻠﯩﻘﻘﺎ ﺋﯩﮕﻪ ﻛﯩﻴﯩﻤﻠﯩﺮﻯ ﺑﯩﻠﻪﻥ ﺋﯚﺯ ﺑﯘﺭﭼﯩﻨﻰ ﻳﻪﻧﯩﻤﯘ ﻳﺎﺧﺸﻰ ﮬﯧﺲ ﻗﯩﻠﯩﭗ ﺗﯘﺭﺍﻻﻳﺪﯗ. ﺋﯧﻨﯩﻘﺮﺍﻕ ﺋﯧﻴﺘﻘﺎﻧﺪﺍ،ﺋﯚﺯﯨﻨﯩﯔ ﻛﯩﻤﻨﯩﯔ ﭘﯘﺷﺘﻰ ﺋﯩﻜﻪﻧﻠﯩﻜﯩﻨﻰ،ﻛﯩﻤﮕﻪ ﺟﺎﯞﺍﺑﻜﺎﺭ ﯞﻩ ﻛﯩﻤﮕﻪ ﻗﻪﺭﺯﺩﺍﺭ ﺋﯩﻜﻪﻧﻠﯩﻜﯩﻨﻰ، ﺋﯚﺯ ﺳﺎﻻﮬﯩﻴﻪﺕ ﯞﻩ ﺳﺎﻻﭘﯩﺘﯩﻴﻨﯩﯔ ﻛﯩﻢ ﺑﯩﻠﻪﻥ ﺑﯩﯟﺍﺳﺘﻪ ﻣﯘﻧﺎﺳﯩﯟﻩﺗﻠﯩﻚ ﺋﯩﻜﻪﻧﻠﯩﻜﯩﻨﻰ ﮬﻪﺭ ﯞﺍﻗﯩﺖ ﺋﻪﺳﻜﻪ ﺋﯧﻠﯩﭗ ﺋﻮﻳﻼﭖ ﺗﯘﺭﺍﻻﻳﺪﯗ.ﺩﯦﻤﻪﻙ،ﺧﺎﺳﻠﯩﻖ-ﺷﻪﺧﺴﻨﯩﯔ ﺑﯘﺭﭺ ﺗﯘﻳﻐﯘﺳﯩﻨﻰ ﺋﯩﻠﮕﯩﺮﻯ ﺳﯜﺭﻩﻟﻪﻳﺪﯗ ﯞﻩ ﻳﯜﻛﺴﻪﻛﻠﯩﻜﻜﻪ ﻛﯚﺗﯜﺭﯛﭖ ﺗﯘﺭﺍﻻﻳﺪﯗ.
ﺳﯩﯖﻠﯩﻢ ﺩﯨﻠﺌﺎﺭﺍﻡ، ﺋﻮﻗﯘﺵ-ﺧﯩﺰﻣﻪﺗﻠﯩﺮﯨﯖﯩﺰﺩﻩ ﺋﯚﺯﯨﯖﯩﺰﻧﯩﯔ ﺋﺎﺷﯘ ﻳﯜﻛﺴﻪﻙ ﺑﯘﺭﭼﯩﯖﯩﺰﻧﻰ ﺋﯘﻧﯘﺗﻤﺎﻱ ﻗﯩﻠﺪﻩﻙ ﻗﯩﺮﯨﻖ ﺗﻮﻟﻐﯩﻨﯩﭗ، ﭘﯩﻜﯩﺮ ﻳﯜﺭﮔﯜﺯﯛﭖ ﺋﯩﻠﯩﻢ ﺗﻪﮬﺴﯩﻞ ﻗﯩﻠﯩﺸﯩﯖﯩﺰ ﻧﺎﺗﯩﯟﺍﻥ ﺧﻪﻟﻘﯩﯖﯩﺰ ﯞﻩ ﮬﻪﻣﻤﻪ ﺧﻪﻟﻘﯩﻤﯩﺰ ﺋﯜﭼﯜﻥ <<ﺋﯩﯖﻪ>>ﻟﻪﭖ ﭼﯜﺷﻜﻪﻧﺪﯨﻦ ﺗﺎﺭﺗﯩﭗ ﺋﯧﻐﯩﺮﯨﻤﯩﺰﻧﻰ ﻛﯚﺗﯜﺭﯛﭖ ﻛﻪﻟﮕﻪﻥ ﺩﯨﻴﺎﺭﯨﻤﯩﺰﻧﯩﯔ ﺋﺎﻟﺘﯘﻥ ﺗﯘﭘﺮﯨﻘﻰ ﺋﯜﭼﯜﻥ،ﻛﯜﻧﺪﯨﻦ-ﻛﯜﻧﮕﻪ ﻳﯜﻛﺴﯩﻠﯩﭗ، ﻣﻪﺯﻣﯘﺕ ﺑﻮﻱ ﻛﯚﺗﯜﺭﯛﯞﺍﺗﻘﺎﻥ ﺋﺎﻧﺎ ﯞﻩﺗﯩﻨﯩﻤﯩﺰ ﺋﯜﭼﯜﻥ ﺯﻭﺭ ﺑﺎﻳﻠﯩﻖ. ﺑﯘﻧﺪﺍﻕ ﻗﯩﻤﻤﻪﺗﻠﯩﻚ ﺑﺎﻳﻠﯩﻖ ﮬﻪﻣﻤﻪ ﻗﻮﯞﻣﺪﺍ ﺑﯩﮭﯧﺴﺎﺏ ﺑﻮﻟﺴﯩﻜﻪﻥ،ﺩﻩﭖ ﺋﺎﺭﻣﺎﻥ ﻗﯩﻠﯩﭗ ﻛﯧﺘﯩﻤﻪﻥ! ﺷﯘﻧﺪﺍﻕ ﺑﻮﻟﺴﺎ،ﺑﯘ ﺩﯗﻧﻴﺎ ﺭﻩﯕﺪﺍﺭ، ﮔﯜﺯﻩﻝ ﯞﻩ ﺧﯘﺷﭙﯘﺭﺍﻕ ﺑﻮﻻﺭ ﺋﯩﺪﻯ-ﮬﻪ!
ﮬﻪﺋﻪ! ﮔﯜﻝ-ﮔﯜﻝ ﺑﻮﻟﻐﯩﻨﻰ ﺋﯜﭼﯜﻥ ﺋﻪﻣﻪﺱ، ﮬﻪﻣﻤﻪ ﻳﻪﺭﺩﻩ،ﺋﺎﻟﻪﻣﻨﯩﯔ ﺋﯘ ﭼﯧﻜﯩﺴﯩﺪﻩ ﯞﻩ ﺑﯘ ﭼﯧﻜﯩﺴﯩﺪﻩ ﺋﻮﺧﺸﺎﺷﻼ ﺧﯘﺵ ﭘﯘﺭﺍﻕ ﺗﺎﺭﻗﯩﺘﯩﭗ ﺋﻮﺭﺗﺎﻕ ﻗﻪﺩﯨﺮﻟﻪﺷﻜﻪ، ﭘﻪﺧﯩﺮﻟﯩﻨﯩﺸﻜﻪ ﺋﻪﺭﺯﯨﮕﯩﻨﻰ ﺋﯜﭼﯜﻥ ﮔﯜﺯﻩﻝ! ... ﺑﯩﺰ ﻗﯩﺮﻏﯩﺰﻻﺭﺩﺍ <<ﻳﺎﺗﻘﺎﻥ ﺗﺎﺷﻨﻰ ﻏﯘﻻﺗﻘﺎﻥ ﺗﺎﺵ ﻳﯚﺗﻜﻪﺭ>> ﺩﯦﮕﻪﻥ ﻧﻪﻗﯩﻞ ﺑﺎﺭ.ﺳﯩﺰﻧﯩﯔ ﺗﯩﺮﻩﻥ ﺋﻮﻳﻠﯩﺮﯨﯖﯩﺰ،ﺋﻮﻳﻐﺎﻕ ﺭﻭﮬ-ﺳﯧﻤﺎﻳﯩﯖﯩﺰ ﺳﯩﺰﺩﻩﻙ ﻗﺎﻧﭽﯩﻠﯩﻐﺎﻥ ﺳﯩﯖﻠﯩﻤﯩﺰﻧﯩﯔ ﺋﻪﻗﯩﻞ ﻛﯚﺯﯨﻨﻰ ﻳﻮﺭﯗﺗﺎﻟﯩﻐﺎﻥ ﺑﻮﻟﺴﺎ، ﺑﯘ <<ﻏﯘﻻﺗﻘﺎﻥ ﺗﺎﺵ>>ﯨﯖﯩﺰ، ﺑﯘ ﻗﯩﻤﻤﻪﺗﻠﯩﻚ ﺑﺎﻳﻠﯩﻖ ﺷﯘﻧﭽﻪ ﻗﻪﺩﯨﺮﻟﻪﺷﻜﻪ ﺋﻪﺭﺯﯨﻴﺪﯗ.<<ﻣﻪﯞﺟﯘﺩﻟﯘﻗﻨﯩﯔ ﮔﯩﺮﯨﺴﻤﻪﻥ ﯞﻩ ﺋﻪﮔﺮﻯ-ﺑﯘﮔﺮﻯ ﻳﻮﻟﻠﯩﺮﯨﺪﺍ ﻧﯩﻤﺠﺎﻥ ﺋﯚﻣﯩﻠﻪﭖ ﺑﯧﺮﯨﯟﺍﺗﻘﺎﻧﻼﺭ>> ﺋﯜﭼﯜﻥ ﻧﯘﺭﻟﯘﻕ ﻣﺎﻳﺎﻙ،ﭘﺎﺭﻻﭖ ﻛﯚﺭﯛﻧﮕﻪﻥ ﺯﻭﮬﺮﻩ ﻳﯘﻟﺘﯘﺯﻯ ﺑﻮﻻﻻﻳﺪﯗ.(ﺑﺎﻳﻘﺎﭖ ﻛﯚﺭﻩﺭ ﻛﯚﺯ ﯞﻩ ﺋﻪﻗﯩﻞ ﺑﻮﻟﺴﺎ ﺋﻪﮔﻪﺭ!) ﺷﯘﯕﺎ ﺳﯩﺰﮔﻪ، ﺳﯩﺰﻧﻰ ﻛﯚﺯ ﺋﺎﭼﺘﯘﺭﯗﭖ،ﺳﻪﺯﮔﯘﺭ ﺭﻭﮬ ﭼﻪﺷﻤﯩﻠﯩﺮﻯ ﺑﯩﻠﻪﻥ ﺋﯧﻐﯩﺰﻻﻧﺪﯗﺭﻏﺎﻥ ﻣﯧﮭﺮﯨﺒﺎﻥ ﺋﺎﺗﺎ-ﺋﺎﻧﯩﯖﯩﺰﻏﺎ، ﺋﻪﻗﯩﻞ-ﺋﯩﺪﺭﺍﻛﻨﻰ ﺋﯘﺩﯗﻡ ﻗﺎﻟﺪﯗﺭﻏﺎﻥ ﺩﺍﻧﯩﺸﻤﻪﻥ ﺳﯜﭘﻪﺕ ﺧﻪﻟﻘﯩﯖﯩﺰﮔﻪ، ﻧﻪﺭﻗﯩﮕﻪ ﺑﺎﮬﺎ ﻳﻪﺗﻜﯜﺳﯩﺰ ﺑﺎﻳﻠﯩﻖ-ﺗﻪﺭﺑﯩﻠﻪﭖ-ﺋﯚﺳﺘﯜﺭﮔﻪﻥ ﻣﻪﻛﺘﻪﭖ،ﺋﯘﺳﺘﺎﺯﻟﯩﺮﯨﯖﯩﺰﻏﺎ ﯞﻩ ﻣﯘﺷﯘﻧﭽﯩﻠﯩﻚ ﺋﺎﺯﺍﺩﻩ،ﺋﻮﭼﯘﻕ-ﻳﻮﺭﯗﻕ،ﺗﯩﻨﭻ-ﺧﺎﺗﯩﺮﺟﻪﻡ ﭘﯩﻜﯩﺮﻟﯩﺸﯩﺶ ﻣﯘﮬﯩﺘﯩﻐﺎ ﺋﯩﮕﻪ ﻗﯩﻠﻐﺎﻥ،ﺋﻪﻟﻨﻰ ﺗﻮﻏﺮﺍ ﺟﺎﻣﺎﺋﻪﺕ ﻳﯚﻧﯩﻠﯩﺸﯩﮕﻪ ﺑﺎﺷﻠﯩﻐﯘﭼﻰ ﺋﯧﺴﯩﻞ ﻧﻪﺷﺮﯨﻲ ﺋﻪﭘﻜﺎﺭﯨﻤﯩﺰﻏﺎ ﻣﯩﯖﻼﺭﭼﻪ ﺗﻪﺷﻪﻛﻜﯘﺭ!
ﻳﻪﻧﻪ ﭘﯩﻜﯩﺮﻟﯩﺸﯩﺸﻜﻪ ﻣﯘﯞﻩﭘﭙﻪﻕ ﺑﻮﻟﻐﺎﻳﻤﯩﺰ. ﻳﯧﯖﻰ ﻳﯩﻠﯩﯖﯩﺰﻏﺎ ﻳﯧﯖﻰ ﺋﻪﻗﯩﻞ،ﻳﯧﯖﻰ ﻧﻪﺗﯩﺠﯩﻠﻪﺭﻧﻰ ﺧﺎﻻﭖ ﻛﻪﻣﯩﻨﻪ ﺋﺎﻏﯩﯖﯩﺰ:
ﺋﺎﺑﺪﯗﺭﺍﺧﻤﺎﻥ ﺋﻪﺯﯨﺰ ﺋﻮﻏﻠﻰ
2005-ﻳﯩﻞ ﺋﺎﻟﺘﯘﻥ ﻛﯜﺯ، ﺳﻪﮬﺮﺍﻳﻰ ﯬﺭﻣﯘﺩﯗﻥ
ﺋﯩﺰﺍﮬﺎﺕ: ﻣﯘﺋﻪﻟﻠﯩﭗ ﻗﯩﺮﻏﯩﺰ،ﻳﯧﯖﯩﺸﻪﮬﻪﺭ ﻧﺎﮬﯩﻴﻪ ﺋﻪﺭﻣﯘﺩﯗﻥ ﻳﯧﺰﺍ ﻗﯩﺮﻏﯩﺰ ﻣﻪﮬﻪﻟﯩﺴﻰ ﻛﻪﻧﺘﯩﺪﻩ ﺩﯦﮭﻘﺎﻥ، ﻧﺎﮬﯩﻴﯩﻠﯩﻚ ﺧﻪﻟﻖ ﻗﯘﺭﯗﻟﺘﯩﻴﻰ ﯞﻩﻛﯩﻠﻰ
ﻣﻪﻧﺒﻪ:<ﺷﯩﻨﺠﺎﯓ ﻣﻪﺩﻩﻧﯩﻴﯩﺘﻰ>> ﮊﻭﺭﻧﯩﻠﻰ 2006-ﻳﯩﻠﻰ 2-ﺳﺎﻥ خەتكۈچ
بەت:
[1]