ﺯﺍﻣﺎﻧﯩﻤﯩﺰ ﺋﻪﺭﻟﯩﺮﯨﻨﯩﯔ ﮔﯩﭙﻰ ﺑﺎﺭﻛﻪﻥ ........
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﺧﺎﻧﯩﻢ - ﻗﯩﺰﻻﺭ ...!
ﻣﺎﺗﯩﺮﻳﺎﻝ ﻛﯚﺭﯛﯞﯦﺘﯩﭗ ﺋﻪﺧﻤﻪﺗﺠﺎﻥ ﻣﯘﮬﻪﻣﻤﻪﺕ ﺟﻪﯞﮬﻪﺭ ( ﺋﺎﭘﺘﯘﻧﯘﻡ ﺭﺍﻳﻮﻧﻠﯘﻕ ﺋﺎﺧﺒﺎﺭﺍﺕ ﻧﻪﺷﯩﺮﻳﺎﺕ ﺋﯩﺪﺍﺭﯨﺴﯩﺪﻩ ) ﻧﯩﯔ ﮬﺎﻳﺎﺗﻠﯩﻖ ﮊﻭﺭﻧﯩﻠﯩﻐﺎ ﺋﯧﻼﻥ ﻗﯩﻐﺎﻥ < ﺋﺎﻳﺎﻟﻠﯩﻖ ﻗﻪﺩﯨﺮ - ﻗﯩﻤﻤﻪﺕ ﮬﻪﻗﻘﯩﺪﻩ ﺋﻮﻳﻠﯩﻐﺎﻧﻠﯩﺮﯨﻢ > ﺩﯨﮕﻪﻥ ﺋﻪﺳﯩﺮﯨﻨﻰ ﺋﻮﻗﯘﭖ ﺋﯩﺰﺩﯨﻨﯩﺸﺘﯩﻜﻰ ﺑﺎﺷﻘﺎ ﺧﺎﻧﯩﻢ - ﻗﯩﺰﻟﯩﺮﯨﻤﯩﺰﻧﯩﯖﻤﯘ ﺋﻮﺭﺗﺎﻗﻠﯩﺸﯩﺸﯩﻐﺎ ﺳﯘﻧﺪﯗﻡ ...... ﻣﻪﻧﯩﯟﯨﻴﯩﺘﯩﻤﯩﺰﻧﻰ ﺑﯧﻴﯩﺘﯩﺸﯩﻤﯩﺰﻏﺎ ، ﺗﻪﭘﻪﻛﻜﯘﺭﯨﻤﯩﺰﻧﻰ ﻛﯧﯖﻪﻳﺘﯩﺸﻜﻪ ﭘﺎﻳﺪﯨﺴﻰ ﺑﻮﭘﻘﺎﻟﺴﺎ ﺋﻪﺟﻪﭖ ﺋﻪﻣﻪﺱ ﺩﻩﭖ ..............
ﺯﺍﻣﺎﻥ ﺗﻪﺭﻩﻗﻘﯩﻴﺎﺗﻰ ﺋﯚﺯﯨﻨﯩﯔ ﻣﺎﺩﺩﻯ ﯞﻩ ﻣﻪﻧﯩﯟﻯ ﻗﺎﺗﻼﻣﻠﯩﺮﯨﺪﺍ ﻳﻪﻧﻪ ﻧﯘﺭﻏﯘﻥ ﺳﯩﺮﻟﯩﻖ ﺳﻮﺋﺎﻟﻼﺭﻧﻰ ﭘﻪﻳﺪﺍ ﻗﯩﻠﺪﻯ . ﺋﻪﻧﻪ ﺷﯘ ﺳﯩﺮﻟﯩﻖ ﺳﻮﺋﺎﻟﻼﺭ ﺋﯩﭽﯩﺪﻩ ﺋﺎﻳﺎﻟﻼﺭﻧﯩﯔ ﺋﻮﺭﻧﻰ ﻣﻪﺳﻠﯩﺴﻰ ﯞﯨﺠﺪﺍﻧﯩﻲ ﺑﯘﺭﭺ ﺗﯘﻳﻐﯘﺳﯩﺪﺍ ﺗﯘﺭﯗﭖ ﺟﺎﯞﺍﭖ ﺑﻪﺭﻣﯩﺴﻪ ﯞﻩ ﺟﺎﯞﺍﭖ ﺗﺎﭘﻤﯩﺴﺎ ﺑﻮﻟﻤﺎﻳﺪﯨﻐﺎﻥ ﭘﺎﺳﯩﻞ ﺳﯜﭘﯩﺘﯩﺪﻩ ﺧﻪﻟﻘﯩﻤﯩﺰﻧﯩﯔ ﻣﻪﻧﯩﯟﯨﻴﯩﺘﯩﮕﻪ ﻧﯩﻘﺘﯩﻠﯩﭗ ﻛﻪﻟﺪﻯ ﺑﯩﺰ ﺑﯘ ﭘﺎﺳﯩﻠﺪﯨﻦ ﺋﯚﺯﯨﻤﯩﺰﻧﻰ ﻗﺎﭼﯘﺭﺳﺎﻕ ، ﻣﯘﺷﯘﻧﯩﯖﻐﺎ ﺋﻮﺧﺸﺎﺵ ﺭﯨﺌﺎﻝ ﻣﻪﺳﯩﻠﻠﻪﺭﻧﯩﯔ ﮬﯩﭽﻘﺎﻧﺪﯨﻘﯩﻐﺎ ﮬﻪﻝ ﻗﯩﻠﯩﺶ ﻳﻮﻟﻰ ﻛﯚﺭﺳﯩﺘﻪﻟﻤﻪﻳﻤﯩﺰ ، ﺋﯘﻧﺪﺍﻗﺘﺎ ﺋﺎﻳﺎﻟﻼﺭﻧﯩﯔ ﺋﯩﺠﺘﯩﻤﺎﺋﻰ ﺋﻮﺭﻧﻰ ﻣﻪﺳﻠﯩﺴﯩﮕﻪ ﺯﺍﺩﻯ ﻗﺎﻧﺪﺍﻕ ﻗﺎﺭﯨﻐﯘﻟﯘﻕ ................. ؟
ﻛﻪﻣﯩﻨﻪ ﻣﯘﺋﻪﻟﻠﯩﭗ ﺋﺎﻳﺎﻟﻼﺭﻧﯩﯔ ﮬﻪﻗﯩﻘﻰ ﺋﻪﺭﻛﻰ ، ﮬﻪﻗﯩﻘﻰ ﺑﻪﺧﺘﻰ ، ﮔﯜﺯﻩﻝ ﺋﻮﺭﻧﻰ ﺋﻪﺭﻟﻪﺭﻧﯩﯔ ﺋﻪﺭﻟﻪﺭﻧﯩﯔ ﯞﯗﺟﯘﺩﯨﺪﺍ ، ﺋﻪﺭﻟﻪﺭﻧﯩﯔ ﻣﯧﮭﺮﻯ - ﻣﯘﮬﻪﺑﺒﯩﺘﯩﺪﻩ ، ﯞﻩ ﺋﻪﺭﻟﻪﺭﻧﯩﯔ ﺷﯩﺪﺩﻩﺕ ﺑﯩﻠﻪﻥ ﻣﻪﯞﺝ ﺋﯘﺭﯗﭖ ﺗﯘﺭﯨﺪﯨﻐﺎﻥ ﺟﯩﺴﻤﺎﻧﯩﻴﯩﺘﻰ ﯞﻩ ﻣﻪﻧﯩﯟﯨﻴﯩﺘﯩﺪﻩ ﺩﻩﭖ ﻗﺎﺭﺍﻳﻤﻪﻥ . ﺯﺍﻣﺎﻧﯩﻤﯩﺰ ﺋﺎﻳﺎﻟﻠﯩﺮﻯ ﺑﯘ ﻳﻪﻛﯜﻧﻨﯩﯔ ﺷﻪﺭﮬﯩﻨﻰ ﭼﯜﺷﻪﻧﻤﯩﺴﻪ ﯞﻩ ﭼﯜﺷﯩﻨﯩﺸﻨﻰ ﺧﺎﻟﯩﻤﯩﺴﺎ ﻣﯘﺷﻪﻗﻘﻪﺗﻠﯩﻚ ﮬﺎﻳﺎﺕ ﺳﻪﭘﯩﺮﯨﻨﻰ ﮔﺎﯕﮕﯩﺮﺍﺵ ، ﻗﻮﺭﻗﯘﻧﭻ ﺋﯩﭽﯩﺪﻩ ﺋﯚﺗﻜﯜﺯﯨﺪﯗ .
ﺩﻩﯞﺭ ﺭﯨﺌﺎﻟﻠﯩﻘﻰ ﺋﻪﺭﻟﻪﺭﻧﻰ ﮔﺎﯕﮕﯩﺮﺗﯩﯟﺍﺗﻘﺎﻥ ، ﺗﻪﻣﺘﯩﺮﺗﯩﯟﺍﺗﻘﺎﻥ ﺋﻪﮬﯟﺍﻟﺪﺍ ﺋﺎﻳﺎﻟﻼﺭ ﺋﻪﺭﻟﻪﺭﮔﻪ ﮬﻪﻣﻨﻪﭘﻪﺱ ، ﻣﯘﯕﺪﺍﺵ ، ﭘﯩﻜﯩﺮﺩﺍﺵ ﯞﻩ ﻧﯩﺸﺎﻧﺪﺍﺵ ﺑﻮﻟﯘﺷﻨﯩﯔ ﺋﻮﺭﻧﯩﻐﺎ ، ﺋﻪﺭﻟﻪﺭ ﺑﯩﻠﻪﻥ ﺯﯨﺘﻠﯩﺸﯩﭗ ، ﺋﯘﻻﺭﻏﺎ ﺩﻩﯞﺭ ﺋﻪﮬﻜﺎﻣﻠﯩﺮﯨﻨﯩﯔ ﺗﻪﻣﯩﻨﻰ ﺗﯧﺘﯩﺘﯩﻤﻪﻥ ﺩﻩﭖ ﻳﯜﺭﺳﻪ ﺋﺎﻳﺎﻟﻠﯩﻖ ﻗﻪﺩﯨﺮ ﻗﯩﻤﻤﻪﺕ ، ﻻﺗﺎﭘﻪﺕ ﯞﻩ ﻧﺎﺯﺍﻛﻪﺕ ﻛﯘﺭﺳﯩﺪﯨﻦ ﭼﯜﺷﯜﭖ ﻛﯩﺘﯩﺸﻰ ﻣﯘﻣﻜﯩﻦ .
ﺑﻪﺯﻯ ﺋﺎﻧﯩﻼﺭ ﺷﯘ ﻗﻪﺩﻩﺭ ﺋﻪﻗﯩﻠﻠﯩﻖ ، ﻣﯧﮭﺮﯨﺒﺎﻥ ﺗﯘﺭﯗﭖ ﻧﯩﻤﯩﺸﻘﺎ ﺑﯘﻧﻰ ﻗﯩﻴﺎﺱ ﻗﯩﻼﻟﻤﺎﻳﺪﯨﻐﺎﻧﺪﯗ ﺩﻩﻳﻤﻪﻥ ......... ؟
ﺋﯘﻳﻐﯘﺭ ﺟﻪﻣﯩﻴﯩﺘﯩﺪﻩ ﺗﺎﺭﯨﺨﺘﯩﻦ ﺑﯘﻳﺎﻥ ﻧﯧﮕﯩﺰﻟﯩﻚ ﻣﻪﺳﻠﯩﮕﻪ ﺋﺎﺗﯩﻼﺭ ﺟﺎﯞﺍﭖ ﺑﯩﺮﯨﭗ ﻛﻪﻟﺪﻯ ، ﻣﯩﻠﻠﻰ ﺋﻮﻣﯘﻣﻰ ﻛﻮﻟﻠﯩﻜﺘﯩﭙﻨﯩﯔ ﻣﻪﻧﯩﯟﻯ ﻳﯜﻛﺴﯩﻠﯩﺸﯩﺪﻩ ﺋﺎﺗﯩﻨﯩﯔ ﺯﯨﻤﻤﯩﺴﯩﮕﻪ ﻳﯜﻛﻠﻪﻧﮕﻪﻥ ﺋﯩﺠﺘﯩﻤﺎﺋﻰ ﺑﯘﺭﭺ ﻧﯩﺴﺒﻪﺗﻪﻥ ﺋﯧﻐﯩﺮ ﮬﻪﻡ ﺯﯙﺯﯛﺭ ﺑﻮﻟﺪﻯ ، ﺷﯘ ﺯﯙﺭﯛﺭﯨﻴﻪﺗﻨﯩﯔ ﺗﯜﺭﺗﻜﯩﺴﯩﺪﻩ ﺋﺎﻳﺎﻟﻼﺭ ﺋﻪﺭﻟﻪﺭ ﻣﺎﮬﯩﻴﯩﺘﯩﻨﻰ ﺑﯩﻠﯩﺸﻜﻪ ﺋﺎﻟﺪﯨﺮﯨﺴﺎ ، ﺋﯚﺯ ﻗﻪﺩﯨﺮ ﻗﯩﻤﻤﯩﺘﯩﻨﻰ ﺋﻪﺭ ﺗﻪﺭﺑﯩﻴﯩﺴﯩﺪﯨﻦ ، ﺋﻪﺭ ﯞﯗﺟﯘﺩﯨﺪﯨﻦ ﺗﯧﭙﯩﺸﻨﻰ ﺋﯩﺰﺩﯨﺴﻪ ، ﺋﯧﻨﯩﻘﻜﻰ ﻗﻪﺩﯨﺮﺩﺍﻥ ﺋﺎﻳﺎﻟﻠﯩﺮﯨﻤﯩﺰﻧﯩﯔ ﻗﻪﺩﯨﺮ - ﻗﯩﻤﻤﻪﺗﻜﻪ ﻳﯧﺘﯩﺶ ﮬﺎﻳﺎﺕ ﺳﻪﭘﯩﺮﻯ ﺯﻭﺭ ﺑﻪﺩﻩﻟﻨﻰ ﺷﻪﺭﺕ ﻗﯩﻠﻤﺎﻳﺪﯗ .
ﺑﻪﻟﻠﻰ ............... ﺑﯩﺰﻣﯘ ﺋﺎﺩﻩﻡ ، ﺋﻮﺧﺸﺎﺵ ﺋﺎﺩﻩﻡ ﺗﯘﺭﯗﭖ ﻧﯩﻤﯩﺸﻘﺎ ﺋﺎﺩﻩﻣﻠﯩﻚ ﺋﯩﺰﺯﻩﺕ ﺋﺎﺑﺮﻭﻳﯩﻤﯩﺰﻧﻰ ، ﻗﻪﺩﯨﺮ - ﻗﯩﻤﻤﯩﺘﯩﻤﯩﺰﻧﻰ ، ﺋﻮﺭﻧﯩﻤﯩﺰﻧﻰ ﺋﻪﺭﻟﻪﺭﻧﯩﯔ ﻣﺎﮬﯩﻴﯩﺘﯩﺪﯨﻦ ﺋﻪﺭ ﯞﯗﺟﯘﺩﯨﺪﯨﻦ ﺗﺎﭘﻘﯘﺩﻩﻛﻤﯩﺰ ؟ ﺋﻪﺭﺩﯨﻦ ﺗﻪﻟﻪﭖ ﻗﯩﻠﻐﯘﺩﻩﻛﻤﯩﺰ ؟ ﻧﯩﻤﯩﺸﻘﺎ ﺋﯚﺯﯨﻤﯩﺰﺩﯨﻦ ، ﺟﻪﻣﯩﻴﻪﺗﺘﯩﻦ ، ﻗﺎﻧﯘﻧﺪﯨﻦ ﺗﺎﭘﻤﺎﻳﻤﯩﺰ ﺩﻩﭖ ﭘﻮﭘﺎﯓ ﻛﯚﺗﯜﺭﯨﺪﯨﻐﺎﻥ ﺋﺎﻳﺎﻟﻼﺭﻧﯩﯔ ﺋﺎﻳﺎﻝ ﺑﻮﻟﯘﺵ ﻣﻪﭘﻜﯜﺭﯨﺴﻰ ﺑﯩﻠﻪﻥ ﺋﻪﺭﻟﻪﺭﻧﯩﯔ ﻳﯧﻘﯩﻨﻘﻰ ﻳﯜﺯ ﻳﯩﻞ ﻣﺎﺑﻪﻳﻨﯩﺪﻩ ﺋﺎﻳﺎﻟﻠﯩﺮﯨﻤﯩﺰﻏﺎ ﺋﯩﺰﭼﯩﻞ ﭼﯜﺷﻪﻧﺪﯛﺭﯛﭖ ﺑﯩﺮﻩﻟﻤﻪﻳﯟﺍﺗﻘﺎﻥ < ﺋﯩﺰﺯﻩﺕ - ﺋﺎﺑﺮﻭﻱ ، ﻗﻪﺩﯨﺮ - ﻗﯩﻤﻤﻪﺗﻨﻰ ﺑﯩﺰ ﺋﻪﺭﻟﻪﺭﺩﯨﻦ ﺗﯧﭙﯩﯖﻼﺭ > ﺩﯨﮕﻪﻥ ﻣﯘﺭﺍﺟﻪﺕ ﺋﻮﺗﺘﯘﺭﺳﯩﺪﺍ ﺷﻪﺭﮬﯩﻪﺵ ﯞﻩ ﺷﻪﺭﮬﯩﻠﯩﻨﯩﺸﻨﯩﯔ ﺑﯩﺮﻟﯩﻜﯩﺪﯨﻦ ﭘﯜﺗﻜﻪﻥ ﺋﻮﺭﺗﺎﻕ ﻳﻪﻛﯜﻥ ﺑﻮﻟﻤﯩﻐﺎﭼﻘﺎ ، ﻣﺎﻧﺎ ﺋﻪﻣﺪﻯ ﺋﺎﻳﺎﻟﻼﺭﻏﺎ ﺗﻪﺭﺑﯩﻴﻪ ﻗﯩﻠﯩﺶ - ﺋﺎﻳﺎﻟﻼﺭﻧﯩﯔ ﻧﻪﺯﻩﺭﯨﺪﻩ < ﺗﺎﻧﺎﯞﯨﻨﻰ ﺗﺎﺭﺗﯩﭗ ﻛﻪﻣﺴﯘﻧﺪﯗﺭﻏﺎﻧﻠﯩﻖ > ﺩﻩﭖ ﮬﻪﺯﯨﻢ ﻗﯩﻠﯩﻨﯩﺪﯨﻐﺎﻥ ﺑﻮﻟﺪﻯ . ﺋﺎﻳﺎﻟﻼﺭ ﺋﻪﺭ ﺗﻪﺭﺑﯩﻴﯩﺴﯩﻨﻰ ﺋﯘﺳﺘﺎﺯ ، ﺋﺎﺗﺎ ﺗﻪﺭﺑﯩﻴﯩﺴﻰ ﺩﻩﭖ ﭼﯜﺷﻪﻧﻤﻪﻱ ﺷﺎﮬﻨﯩﯔ ﻗﯘﻟﯩﻐﺎ ﭼﯜﺷﯜﺭﮔﻪﻥ ﺑﯘﻳﺮﯨﻘﻰ ﺩﻩﭖ ، ﺋﯩﺪﯨﻴﯟﻯ ﺗﻪﻳﻴﺎﺭﻟﯩﻘﺘﺎ ﺗﯘﺭﯞﺍﻟﺴﺎ ﻗﺎﻧﺪﺍﻕ ﺑﻮﻟﯩﺪﯗ ؟ ! ﺋﺎﻳﺎﻟﻼﺭ ﺑﯩﺰﻧﯩﯔ ﺋﺎﻧﯩﻤﯩﺰ ، ﻣﯩﻠﻠﻪﺗﻨﯩﯔ ﺋﺎﻧﯩﺴﻰ . ﺋﻪﺭ ﯞﯗﺟﯘﺩﯨﺪﺍ ﺋﺎﻧﯩﺴﯩﻨﻰ ﭘﻪﺱ ﻛﯚﺭﯛﺵ ﺩﻩﻳﺪﯨﻐﺎﻥ ﺋﯘﻗﯘﻡ ﺋﻪﺳﻠﻰ ﻣﻪﯞﺟﯘﺕ ﺋﻪﻣﻪﺱ .
ﺋﯩﺰﺯﻩﺗﻠﯩﻚ ﺋﺎﻳﺎﻟﻼﺭ ﺋﻪﺭ ﻣﺎﮬﯩﻴﯩﺘﯩﻨﯩﯔ ﻧﯩﻤﯩﻠﯩﻜﯩﻨﻰ ﭼﯜﺷﯩﻨﯩﺸﻨﻰ ﺧﺎﻻﻳﺪﯨﻐﺎﻧﺴﯩﻠﻪﺭ ؟ ﺋﻪﻣﻤﺎ ﮬﺎﺯﯨﺮ ﺑﯘ ﻣﺎﮬﯩﻴﻪﺗﻨﻰ ﺗﯧﺨﻰ ﭼﯜﺷﯩﻨﯩﭗ ﻛﻪﺗﻜﻪﻧﺪﻩ ﻗﯩﻠﻤﺎﻳﺴﺴﯩﻠﻪﺭ ، ﺷﯘﯕﺎ ﺳﯩﻠﻪﺭﻧﯩﯔ ﭘﯩﺴﺨﯩﻚ ﺑﯧﺴﯩﻤﯩﯖﻼﺭ ﺋﯧﺸﯩﭗ ، ﺭﻭﮬﻰ ﯞﻩ ﺟﯩﺴﻤﺎﻧﻰ ﺟﻪﮬﻪﺗﺘﯩﻦ ﺳﯩﻘﯩﻠﯟﺍﺗﯩﺴﯩﻠﻪﺭ ، ﻛﻪﻣﯩﻨﻪ ﺑﯘ ﭘﯜﺗﯜﻛﯜﻣﺪﻩ ﺳﯩﻠﻪﺭﮔﻪ ﯞﺍﮬﯩﺰﻟﯩﻖ ﻗﯩﻠﯩﭗ ، ﻛﻪﻳﭙﯩﯖﻼﺭﻧﻰ ﺋﯘﭼﯘﺭﯗﺵ ،ﻩﺧﺴﯩﺪﯨﺪﻩ ﺋﻪﻣﻪﺳﻤﻪﻥ . ﺟﺎﮬﺎﻥ ﻗﻪﺳﯩﺪﯨﻠﯩﺮﯨﻨﻰ ﺭﻩﯕﺪﺍﺭﻻﺷﺘﯘﺭﯗﭖ ، ﺷﻪﺭﻕ ﺩﯗﻧﻴﺎﺳﯩﺪﺍ ﺳﯩﺮﻟﯩﻖ ﺋﺎﺑﯩﺪﻩ ﺗﯩﻜﻠﯩﮕﻪﻥ ﺷﺎﮬ ﭼﯩﯖﮕﯩﺰﺧﺎﻥ ﭼﻪﯞﻩﻧﺪﺍﺯﻟﯩﺮﯨﻐﺎ ﺷﯘﻧﺪﺍﻕ ﺩﻩﭘﺘﯩﻜﻪﻥ : < ﺋﺎﻗﻜﯚﯕﯜﻝ ، ﺋﯘﻟﯘﻍ ،ﻣﯘﯕﻐﯘﻝ ﺋﺎﻧﯩﻠﯩﺮﯨﻨﯩﯔ ﺑﺎﺗﯘﺭ ﺋﻮﻏﻼﻧﻠﯩﺮﻯ ، ﺟﻪﯕﮕﺎﮬﺘﺎ ﺋﺎﻧﺎﯕﻼﺭﻧﯩﯔ ﺳﯜﺗﯩﻨﻰ ﺋﺎﻗﻼﯕﻼﺭ . > ﻣﺎﻧﺎ ﺑﯘ ﺟﺎﮬﺎﻧﮕﯩﺮ ﺳﯘﻟﺘﺎﻧﻨﯩﯔ ﻣﯩﯖﻠﯩﻐﺎﻥ ، ﺋﻮﻧﻤﯩﯖﻠﯩﻐﺎﻥ ﺋﺎﻳﺎﻟﻠﯩﺮﻯ ﺋﻪﻳﻨﻰ ﭼﺎﻏﺪﺍ ﺋﻮﻧﻮﻥ ﺩﻩﺭﻳﺎﺳﻰ ﯞﺍﺩﯨﺴﯩﺪﺍ ﺋﯚﻱ - ﻣﺎﻛﺎﻧﯩﻨﻰ ، ﻗﺎﺯﺍﻥ - ﺗﯚﺷﻪﻛﻨﻰ ، ﻧﺎﺭﺳﯩﺪﻩ ﺑﺎﻟﯩﻼﺭﻧﻰ ﺳﺎﻗﻼﭖ ﺋﯚﺯ ﺋﺎﻳﺎﻟﻠﯩﻖ ﺳﯜﭘﯩﺘﯩﻨﻰ ﺟﻪﯞﻻﻥ ﻗﯩﻠﺪﯗﺭﻏﺎﻥ ، ﺷﯘ ﺳﻪﯞﻩﺑﻠﯩﻚ ﭼﯩﯖﮕﯩﺰﺧﺎﻥ ﺋﯘﻻﺭﻧﻰ ﭘﻪﺱ ﺋﻮﺭﯗﻧﺪﺍ ﻛﯚﺭﻣﯩﮕﻪﻥ ، ﺋﻪﻛﯩﺴﭽﻪ < ﺋﯘﻟﯘﻍ ﻣﯘﯕﻐﯘﻝ ﺋﺎﻧﯩﻠﯩﺮﻯ > ﺩﻩﭖ ﺗﻪﺭﯨﭙﻠﯩﮕﻪﻥ . ﻣﺎﻧﺎ ﺑﯘ ﺋﻪﺭ ﻣﺎﮬﯩﻴﯩﺘﯩﻨﯩﯔ ﻳﯧﺸﯩﻤﯩﺪﯨﻦ ﭘﯜﺗﻜﻪﻥ ﺋﺎﻳﺎﻟﻠﯩﻖ ﻗﻪﺩﯨﺮ - ﻗﯩﻤﻤﻪﺕ . ﺋﯧﻨﯩﻘﻜﻰ ، ﺋﻪﺭ ﻣﺎﮬﯩﻴﯩﺘﻰ ﺋﺎﻳﺎﻝ ﻛﺎﻟﻠﯩﺴﯩﺪﺍ ﻳﯧﺸﯩﻤﯩﻨﻰ ﺗﺎﭘﻤﯩﺴﺎ ﺋﺎﻳﺎﻝ ﻗﻪﺩﺭﻯ ﺋﺎﺩﺍﻗﻘﯩﭽﻪ ﺗﻪﺑﯩﺮﺳﯩﺰ ﻛﯩﺘﯩﯟﯦﺮﯨﺪﯗ . ﺋﯘﻧﺪﺍﻗﺘﺎ ﺑﯘ ﻣﺎﮬﯩﻴﻪﺕ ﺯﺍﺩﻯ ﻧﯩﻤﻪ ...؟ ﺷﺎﺋﯩﺮ ﻝ . ﻣﯘﺗﻪﻟﻠﯩﭙﻨﯩﯔ ﺋﻪﻳﻨﻰ ﭼﺎﻏﺪﯨﻜﻰ ﻗﻪﻟﻪﻣﺪﯨﺸﻰ ﺑﯩﻼﻝ ﺋﻪﺯﯨﺰﯨﮕﻪ ﺋﯧﻴﺘﻘﺎﻥ ﻣﯘﻧﯘ ﺳﯚﺯﯨﺪﻩ ﺑﯘ ﻣﺎﮬﯩﻴﻪﺕ ﺭﯙﺷﻪﻥ ﺋﯩﭙﺎﺩﯨﻠﻪﻧﮕﻪﻥ : < ﺋﺎﻳﺎﻝ ﻛﯩﺸﻰ ﺩﯨﮕﻪﻥ ﺋﺎﺟﯩﺰ ﺑﻮﻟﯩﺪﯨﻐﺎﻥ ﮔﻪﭘﻜﻪﻥ ، ﺑﯩﺮﻧﻰ ﺩﯦﺴﻪﯓ ﺋﻮﻧﻨﻰ ﺩﻩﻳﺪﯨﻐﺎﻥ ﺯﯗﯞﺍﻧﺪﺍﺭ ﺋﺎﻳﺎﻟﻐﯩﻐﯘ ﺋﺎﺩﻩﻣﻨﯩﯔ ﺑﺎﻏﺮﻯ ﺗﯧﻠﯩﭗ ﺑﯩﺮ ﺋﯩﺸﻼﺭﺩﺍ ﻣﯩﺴﻜﯩﻨﻠﯩﻚ ﺗﺎﺭﺗﯩﭗ ﻗﺎﻻﺭﻣﯩﻜﯩﻦ ﺩﻩﭖ ﺋﻪﻧﺴﯩﺮﻣﯩﺴﯩﻤﯘ ﺑﻮﻟﯩﺪﯗ ، ﺗﻪﺗﯜﺭ ﭘﻪﻟﻪﻙ ﺟﯧﻨﯩﻤﻐﺎ ﻗﻪﺳﺖ ﻛﯧﻠﯩﭗ ﺗﺎﯕﻼ ﺋﺎﺧﺸﺎﻣﺪﺍ ﺷﯧﮭﯩﺖ ﻛﻪﺗﺴﻪﻡ ، ﮬﻪﻣﻤﻪ ﺋﯩﺸﺘﺎ ﻛﯚﺯﯛﻣﮕﻪ ﻗﺎﺭﺍﭘﻼ ﺗﯘﺭﯨﺪﯨﻐﺎﻥ ﺷﯘ ﺑﯩﭽﺎﺭﻩ ﻣﻪﺯﻟﯘﻡ ﺋﺎﻳﺎﻟﯩﻢ ﻧﻪﻟﻪﺭﺩﻩ ﮬﻪﺭﻩﺝ ﺗﺎﺭﺗﯩﭗ ﻳﯜﺭﻩﺭ ﺩﻩﭖ ﻗﻮﺭﻗﯘﯞﺍﺗﯩﻤﻪﻥ ... > ﻣﺎﻧﺎ ﺑﯘ ﮬﯩﭽﻨﯩﻤﯩﺪﯨﻦ ﻗﻮﺭﻗﯘﭖ ﺑﺎﻗﻤﯩﻐﺎﻥ ﺟﻪﺳﺴﯘﺭ ﺷﺎﺋﯩﺮﻧﯩﯔ ﻗﻮﺭﻗﯩﺪﯨﻐﺎﻥ ﻳﯧﺮﻯ . ﺋﺎﻳﺎﻟﯩﻨﯩﯔ ﺑﻪﺧﯩﺖ ﺳﺎﺋﺎﺩﯨﺘﯩﻨﻰ ﺋﻮﻳﻼﺵ ، ﺋﯚﺯ ﺋﺎﻳﺎﻟﯩﻨﯩﯔ ﺑﺎﺷﻘﯩﻼﺭ ﺋﺎﻟﺪﯨﺪﺍ ﻣﯩﺴﻜﯩﻨﻠﯩﻚ ﺗﺎﺭﺗﯩﭗ ﻗﯧﻠﯩﺸﯩﺪﯨﻦ ﺋﻪﻧﺴﯩﺮﻩﺵ - ﺋﻪﺭ ﻣﺎﮬﯩﻴﯩﺘﯩﻨﯩﯔ ﺋﻪﯓ ﻧﯩﮕﯩﺰﻟﯩﻚ ﺗﻪﺭﭘﻰ . ................
ﻣﯧﻨﯩﯔ ﺋﻪﺭﻛﻪﻙ ﺗﯜﻛﻰ ﻗﻮﻳﯘﻗﺮﺍﻕ ﺑﯩﺮ ﺋﺎﻏﯩﻨﻪﻡ ﺑﺎﺭ ﺋﯩﺪﻯ ، ﺑﯩﺮ ﻛﯜﻧﻰ ﺋﯩﻜﻜﯩﻤﯩﺰ ﻛﻮﭼﯩﺪﺍ ﻛﯩﺘﯟﯦﺘﯩﭗ ﺋﯘﻧﯩﯔ ﺋﯩﻠﮕﯩﺮﻛﻰ ﺋﺎﻳﺎﻟﯩﻨﻰ ﺋﯘﭼﺮﯨﺘﯩﭗ ﻗﺎﻟﺪﯗﻕ ، ﺋﺎﻳﺎﻟﻨﯩﯔ ﭼﯩﺮﺍﻳﻰ ﺳﯘﻟﻐﯘﻥ ، ﻛﯩﻴﯩﻤﻠﯩﺮﻯ ﺗﻮﻟﯩﻤﯘ ﺋﺎﺩﺩﻯ ﺑﻮﻟﯘﭖ ﺑﯧﺸﯩﻨﻰ ﺗﯚﯞﻩﻥ ﺳﯧﻠﯩﭗ ﻛﯩﺘﯟﯦﺘﯩﭙﺘﯘ ..... < ﭼﯩﺮﺍﻳﯩﻨﻰ ﻛﯚﺭﺳﻪﻣﻼ ﻏﻪﺯﯨﭙﯩﻢ ﺗﺎﺷﯩﺪﯗ ﻣﯘﺷﯘ ﺧﻮﺗﯘﻧﻨﯩﯔ .... > ﺩﻩﭖ ﻳﯜﺭﯨﺪﯨﻐﺎﻥ ﺑﯘ ﺋﺎﻏﯩﻨﻪﻡ ﺋﯩﻠﮕﯩﺮﻛﻰ ﺋﺎﻳﺎﻟﯩﻨﻰ ﺑﯘ ﻣﯩﺴﻜﯩﻦ ﺗﯘﺭﻗﯩﻐﺎ ﻗﺎﺭﺍﭖ ﺑﯩﺮ ﻗﯩﺴﻤﯩﻼ ﺑﻮﻟﯘﭖ ﻗﺎﻟﺪﻯ ﯞﻩ ﺧﯧﻠﯩﻐﯩﭽﻪ ﮔﻪﭖ ﻗﯩﻠﻤﺎﻱ ﺟﯩﻤﯩﭗ ﻛﻪﺗﺘﻰ ، ﻧﯩﻤﻪ ﺑﻮﻟﻐﺎﻧﻠﯩﻘﯩﻨﻰ ﺳﻮﺭﯨﺴﺎﻡ < ﻧﯩﻤﻪ ﺑﻮﻟﻐﺎﻧﺪﯗ ﺑﯘﻧﯩﯖﻐﺎ ، ﺋﻪﺟﻪﭖ ﺟﯜﺩﻩﭖ ﻛﯩﺘﯩﭙﺘﺎ .... > ﺩﻩﭖ ﺳﺎﻟﺪﻯ ... ﻛﯩﻴﯩﻨﻜﻰ ﻛﯜﻧﻠﻪﺭﺩﻩ ﺋﯘ ﺑﺎﻟﯩﺴﯩﺪﯨﻦ ﺋﺎﻳﺎﻟﯩﻐﺎ ﭘﯘﻝ ﭘﯘﭼﻪﻙ ﺋﻪﯞﻩﺗﯩﭗ ﺑﯩﺮﯨﭙﺘﯘ . ﺗﯧﺨﻰ < ﺋﺎﺗﺎﻡ ﺋﻪﯞﻩﺗﺘﻰ ﺩﯦﻤﻪﻱ ﻳﯘﺭﺗﺘﯩﻜﻰ ﺗﯘﻗﻘﺎﻧﻼﺭ ﺋﻪﻛﻪﭘﺘﯩﻜﻪﻥ ﻳﻮﻗﻼﭖ ﻛﻪﻝ > ﺩﻩﭘﺘﯘ ... ﺋﻪﺭ ﺑﺎﻏﺮﻯ ﺩﯨﮕﻪﻥ ﺋﻪﻧﻪ ﺷﯘ .......................
ﺋﺎﻳﺎﻝ ﺩﯨﮕﻪﻥ ﺋﻪﺭﮔﻪ ﮬﻪﻳﯟﻩﺕ ﻛﯚﺭﯛﻧﯜﭖ ، ﻛﯜﭼﻠﯜﻙ ﺑﯧﺴﯩﻤﺪﺍﺭ ﻗﯩﻴﺎﭘﻪﺗﺘﻪ ﺯﺍﮬﯩﺮ ﺑﻮﻟﯘﭖ ﺗﯘﺭﯞﺍﻟﺴﺎ ، ﺋﻪﺭ ﻣﺎﮬﯩﻴﯩﺘﯩﻨﯩﯔ ﻗﻮﭘﺎﻝ ، ﺯﻭﻣﯩﮕﻪﺭ ، ﺳﻮﻏﯘﻕ ، ﺭﻩﮬﯩﻤﺴﯩﺰ ﺗﻪﺭﭘﯩﻨﻰ ﻛﯚﺭﯨﺪﯗ ... ﻧﺎﯞﺍﺩﺍ ﺋﺎﻳﺎﻝ ﺭﺍﻳﯩﺶ ، ﻣﯘﻻﻳﯩﻢ ، ﻳﯜﺯﻯ ﺗﯚﯞﻩﻥ ، ﺋﯩﻠﻠﯩﻖ ، ﺋﻪﺭﮔﻪ ﺳﻮﯕﺪﯨﺸﯩﭗ ﺗﯘﺭﺳﺎ ﺑﯘ ﺧﺎﺭﻩﻛﺘﯩﺮ ﺑﯩﻠﻪﻥ ﺋﻪﺭ ﻣﺎﮬﯩﻴﯩﺘﯩﻨﯩﯔ ﺟﻪﺳﺴﯘﺭ ، ﯞﺍﭘﺎﺩﺍﺭ ، ﻛﯩﭽﯩﻚ ﭘﯧﺌﯩﻞ ، ﻣﻪﺳﺌﯘﻟﯩﻴﻪﺗﭽﺎﻥ ، ﺋﻪﭘﯘﭼﺎﻥ ﺗﻪﺭﭘﯩﻨﻰ ﻛﯚﺭﯨﺪﯗ . ﺋﯧﺮﯨﯖﯩﺰﮔﻪ ﻣﯘﻻﻳﯩﻢ ﺳﯜﭘﻪﺗﺘﻪ ﺑﯧﻘﯩﺸﺘﯩﻦ ﺧﯩﺠﯩﻞ ﺑﻮﻟﺴﯩﯖﯩﺰ ، ﺟﺎﺯﯨﯖﯩﺰ ﭼﯜﺷﯜﭖ ﻛﻪﺗﻜﻪﻧﺪﻩﻙ ﮬﯩﺲ ﻗﯩﻠﺴﯩﯖﯩﺰ، ﺑﯘ ﺳﯩﺰﻧﯩﯔ ﺋﺎﻳﺎﻝ ﺳﯜﭘﻪﺕ ﺋﯩﻜﻪﻧﻠﯩﻜﯩﯖﯩﺰﻧﻰ ، ﺗﻪﺭﺑﯩﻴﻪ ﻛﯚﺭﮔﻪﻧﻠﯩﻜﯩﯖﯩﺰﻧﻰ ﺑﯩﻠﺪﯛﺭﻣﻪﻳﺪﯗ .
ﺯﺍﻣﺎﻧﯩﻤﯩﺰ ﺋﺎﻳﺎﻟﻠﯩﺮﯨﻨﯩﯔ ﺗﻪﺭﺑﯩﻴﯩﺴﯩﺰ ﻗﯧﻠﯩﺸﻰ ﻣﯘﻧﺪﺍﻕ ﺳﻪﯞﻩﺑﻠﻪﺭﺩﯨﻦ ﺑﻮﻟﯘﺷﯘ ﻣﯘﻣﻜﯩﻦ ، ﺑﯩﺮﻯ ، ﺯﺍﻣﺎﻧﻐﺎ ﻻﻳﯩﻖ ﺗﻪﺭﺑﯩﻴﻪ ﺋﯘﺳﯘﻟﯩﺪﺍ ﺋﯚﺯ ﭘﯩﻜﺮﯨﻨﻰ ﺋﺎﻳﺪﯨﯖﻼﺷﺘﯘﺭﯗﭖ ﺋﯜﻟﮕﯜﺭﻣﯩﺪﻯ . ﻳﻪﻧﻪ ﺑﯩﺮﻯ ، ﺋﺎﻳﺎﻟﻼﺭ ﺑﯘ ﭘﯩﻜﯩﺮ ﻧﯩﺸﺎﻧﻼﺭﻧﻰ ﺋﻪﺭﻟﻪﺭﻧﯩﯔ ﺋﺎﻳﺪﯨﯖﻼﺷﺘﯘﺭﯞﯦﻠﯩﺸﯩﻐﺎ ﭘﯘﺭﺳﻪﺕ ﺑﻪﺭﻣﯩﺪﻯ ، ﺋﻪﺭ ﻛﺎﻟﻠﯩﺴﯩﺪﺍ ﺋﯘﻗﯘﻡ ﺗﺎﭘﺴﺎ ، ﺋﺎﻳﺎﻝ ﺭﻭﮬﯩﻴﯩﺘﯩﺪﻩ ﺭﻭﻧﺎﻗﻠﯩﻖ ﭘﻪﻳﺪﺍ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺳﻪﺯﻣﯩﺪﻯ - ﺩﻩ ، ﺋﺎﺋﯩﻠﯩﺪﻩ ﮬﯚﻛﯜﻣﺮﺍﻧﻠﯩﻖ ﺗﺎﻟﯩﺸﯩﺸﻨﻰ ﻗﺎﻧﯘﻧﻨﯩﯔ ﻛﯜﭺ ﻗﯘﺩﺭﯨﺘﻰ ﺑﯩﻠﻪﻥ ﺭﯨﺌﺎﻟﻼﺷﺘﯘﺭﻣﺎﻗﭽﻰ ﺑﻮﻟﺪﻯ . ﮬﻪﻕ ﮔﻪﭘﻨﻰ ﻗﯩﻠﻐﺎﻧﺪﺍ ﺋﯩﺠﺘﯩﻤﺎﺋﻰ ﺋﻪﻣﻪﻟﻴﯩﺘﯩﻤﯩﺰﺩﯨﻜﻰ ﻧﯘﺭﻏﯘﻥ ﺯﻩﺋﯩﭙﻠﯩﻜﻠﻪﺭ ﺋﻪﻟﺒﻪﺗﺘﻪ ﺋﻪﺭﻟﻪﺭﻧﯩﯔ ﭘﯩﻜﯩﺮ ﺋﯧﯖﯩﻨﻰ ﻳﯧﯖﻪﻟﻤﻪﺳﻠﯩﻜﺪﯨﻦ ، ﺋﯜﻧﯜﻣﻠﯜﻙ ﺗﻪﺩﺑﯩﺮ ﺑﯩﻠﻪﻥ ﺋﺎﻳﺎﻝ ﺭﻭﮬﯩﻴﯩﺘﯩﮕﻪ ﺗﻪﺭﺑﯩﻴﻪ ﭘﻪﻳﺪﺍ ﻗﯩﻠﯩﺪﯨﻐﺎﻥ ﻣﻪﻧﯩﯟﻯ ﺋﯩﻠﮕﯩﺮﻟﻪﺷﻨﯩﯔ ﺋﺎﺳﺘﯩﻠﯩﻘﯩﺪﯨﻦ ﺑﻮﻟﻐﺎﻥ ، ﻟﯧﻜﯩﻦ ﺑﯘ ﺋﺎﻳﺎﻟﻼﺭﻧﯩﯔ ﺋﻪﺭﻟﻪﺭﻧﯩﯔ ﺗﻪﺭﺑﻴﻴﻪ ﻗﯩﻠﯩﺶ ﺋﯩﺴﺘﯩﻜﯩﻨﻰ ﭘﯘﺭﺳﻪﺕ ﺑﯩﻠﻪﻥ ﺗﻪﻣﯩﻨﻠﯩﻤﻪﻱ ﺧﺎﺗﺎ ﻗﯩﻠﻐﺎﻥ ﺗﻪﺭﻩﭘﻠﯩﺮﯨﻨﯩﯔ ﻛﯚﭖ ﺑﻮﻟﯟﺍﺗﻘﺎﻧﻠﯩﻘﻰ ﺩﯨﻘﻘﯩﺘﯩﻤﯩﺰﻧﻰ ﺗﺎﺭﺗﯩﺸﻰ ﺯﯙﺭﯛﺭ .
ﻛﻮﻧﯩﻼﺭ ؛ ﺋﻪﺭﻧﯩﯔ ﻛﯚﺯﯨﮕﻪ ﺗﯩﻜﯩﻠﯩﭗ ﻗﺎﺭﯨﺴﺎ ﻳﺎﻣﺎﻥ ﺑﻮﻟﯩﺪﯗ ، ﺋﻪﺭ ﺩﯨﮕﻪﻥ ﻳﯧﺮﯨﻢ ﺧﯘﺩﺍ > ﺩﯨﻴﯩﺸﯩﺪﯨﻜﻪﻥ . ﺯﺍﻣﺎﻧﯩﻤﯩﺰﺩﯨﻜﻰ ﺋﺎﻳﺎﻟﻼﺭ ﺑﻮﻟﯘﭘﻤﯘ ﺷﻪﮬﻪﺭ ﻛﯚﺭﮔﻪﻥ ﺋﺎﻳﺎﻟﻼﺭ ﺑﯘ ﻳﻪﻛﯜﻧﻨﯩﯔ ﺋﯩﻠﻤﯩﻲ ﻗﯩﻤﻤﯩﺘﯩﻨﻰ ﺋﯚﺯﻯ ﺗﻪﯞﻩ ﻣﯩﻠﻠﻰ ﺋﻮﻣﯘﻣﻰ ﻛﻮﻟﻠﯩﻜﺘﯩﭙﻨﯩﯔ ﺋﯘﺯﺍﻕ ﻣﯘﺩﺩﻩﺗﻠﯩﻚ ﺋﯩﺠﺘﯩﻤﺎﺋﯩﻴﯩﺘﻰ ﺋﺎﭘﯩﺮﺩﻩ ﻗﯩﻠﻐﺎﻥ ﺋﯘﻳﻐﯘﺭ ﺋﻪﺭﻟﯩﺮﯨﻨﯩﯔ ﻣﺎﮬﯩﻴﯩﺘﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﻪﺷﺘﯜﺭﯛﭖ ﻛﯚﺭﺳﻪ ، ﺋﺎﺋﯩﻠﯩﯟﻯ ﻣﯘﮬﯩﺘﺘﺎ ﭘﯩﻜﺮﻯ ﺋﯧﭽﯩﻠﯩﭗ ﻗﯧﻠﯩﺸﻰ ﻣﯘﻣﻜﯩﻦ ، ﺋﯘﻧﯩﯔ ﺋﯜﺳﺘﯩﮕﻪ ﺋﻪﻧﺌﻪﻧﯩﯟﻯ ﺋﺎﺋﯩﻠﻪ ﻗﺎﺭﯨﺸﻰ ، ﺋﻪﺕ ﺗﻪﺭﺑﯩﻴﯩﺴﻰ ، ﺋﺎﻳﺎﺭ ﺭﺍﻳﯩﺸﻠﯩﻘﻰ ﺑﯩﻠﻪﻥ ﺋﺎﺋﯩﻠﯩﺴﯩﻨﻰ ﺑﺎﺷﻼﭖ ﻛﯩﺘﯟﺍﺗﻘﺎﻧﻼﺭ ﯞﻩ ﺑﯘ ﻧﻮﻗﺘﯩﺪﺍ ﻣﯘﯞﺍﭘﯩﻘﯩﻴﻪﺕ ﻗﺎﺯﺍﻧﻐﺎﻧﻼﺭ ﻧﯘﺭﻏﯘﻥ . ﺋﻪﻛﯩﺴﭽﻪ ، ﻧﻪﭼﭽﻪ ﻣﯩﯔ ﻳﯩﻠﻠﯩﻖ ﻣﻪﺩﻩﻧﯩﻴﻪﺕ ﺋﻪﻧﺌﻪﻧﯩﺴﻰ ، ﺋﺎﺋﯩﻠﻪ ﻗﺎﺭﯨﺸﻰ ، ﺋﻪﺭ ﻣﺎﮬﯩﻴﯩﺘﻰ ﻗﺎﺭﯨﺸﯩﻨﯩﯔ ﭼﯚﻛﻤﯩﺴﯩﮕﻪ ﺩﻩﺳﺴﻪﭖ ﺗﯘﺭﻏﺎﻥ ﺋﻪﺭﻟﻪﺭﻧﻰ ﻳﯧﯖﻰ ﺯﺍﻣﺎﻧﻨﯩﯔ ﺋﯘﻗﯘﻣﻰ ﺗﯧﺨﻰ ﺷﻪﺭﮬﯩﺴﯩﻨﻰ ﺗﺎﭘﻤﯩﻐﺎﻥ ﺑﺎﺭﺍﯞﻩﺭﻟﯩﻚ ﺗﺎﺭﺍﺯﯨﺴﯩﺪﺍ ﺑﻪﻛﺮﻩﻙ ﺋﯚﻟﭽﻪﭖ ، ﺋﯚﺯ ﻏﺎﻳﯩﺴﯩﺪﯨﻜﻰ ﺋﻪﺭﻟﻪﺭ ﺩﯗﻧﻴﺎﺳﯩﻨﯩﯔ ﺑﯩﺮ ﻛﯧﭽﯩﺪﯨﻼ ﭘﻪﻳﺪﺍ ﺑﻮﻟﯘﭖ ﻗﯧﻠﯩﺸﯩﻨﻰ ﺋﺎﺭﺯﯗ ﻗﯩﻠﯩﺪﯨﻐﺎﻥ ﺋﺎﻳﺎﻟﻼﺭﻧﯩﯔ ﺋﺎﺋﯩﻠﻪ ﻣﯘﮬﯩﺘﯩﺪﺍ ﻣﻪﻏﻠﯘﺑﯩﻴﯩﺘﻰ ﻛﯚﭘﺮﻩﻙ ﻛﯚﺭﯛﻟﯟﺍﺗﯩﺪﯗ .....................
( ﺩﺍﯞﺍﻣﻰ ﺑﺎﺭ ) ﺑﯘ ﻣﺎﻗﺎﻟﯩﻨﻰ ﻛﯚﺭﯛﭖ ﺋﯚﺯﯛﻣﺪﯨﻜﻰ ﻛﻪﻣﭽﯩﻠﯩﻜﻨﻰ ﻛﯚﺭﺩﯗﻡ . ﻣﻪﻥ ﺋﻪﺯﻩﻟﺪﯨﻦ ﻣﯘﻻﻳﯩﻢ ﺋﻪﻣﻪﺱ ، ﺷﯘﯕﺎ ﻣﯘﮬﻪﺑﺒﻪﺗﺘﻪ ﻛﯚﭖ ﻗﯩﺘﯩﻢ ﺯﯨﻴﺎﻥ ﺗﺎﺭﺗﺘﯩﻢ . ﺑﯘ ﻣﺎﻗﺎﻟﯩﻨﻰ ﻛﯚﺭﯛﭖ ﺋﯚﺯﯛﻣﺪﯨﻜﻰ ﺑﯘ ﺋﯩﻠﻠﻪﺗﻨﻰ ﺗﯜﺯﯨﺘﯩﺶ ﻧﯩﻴﯩﺘﯩﮕﻪ ﻛﻪﻟﺪﯨﻢ .ﺭﻩﮬﻤﻪﺕ ﺳﯩﺰﮔﻪ ﺳﯩﺰﮔﻪ ﻧﯩﺴﺒﻪﺗﻪﻥ ﭘﺎﻳﺪﯨﻠﯩﻨﯩﺶ ﻗﯩﻤﻤﯩﺘﻰ ﺑﻮﻟﺴﯩﻼ ﻣﻪﻥ ﺷﯘﻧﯩﯖﺪﯨﻦ ﺭﺍﺯﻯ .................... ﻣﻪﻥ ﻛﯘﺭﺳﻪﻡ ﺑﻮﻻﻣﺪﯗ،،،،،،،،
ﺑﻮﻟﻤﺎﻳﺪﯨﻐﺎﻥ ﻳﯧﺮﻯ ﻳﻮﻕ ..........ﻗﯧﻨﻰ ﻣﻪﺭﮬﻪﻣﻤﻪﺕ ........... ﺋﯚﺯﯨﯖﯩﺰﻧﯩﯔ ﺋﻮﻳﻠﯩﻐﯩﻨﯩﺪﻩﻙ ﭼﯩﻘﯩﭗ ﻗﺎﻟﺲ ﺋﻪﺟﻪﭖ ﺋﻪﻣﻪﺱ ﻣﻪﻳﻠﻰ ﺋﻪﺭ ﻳﺎﻛﻰ ﺋﺎﻳﺎﻝ ﺑﻮﻟﺴﯘﻥ ﺋﻮﺯﯨﺪﯨﻜﻰ ﻧﻮﻗﺴﺎﻧﻼﺭﻧﻰ ﺗﯘﮔﯘﺗﯘﭖ ، ﺋﯚﺯﯨﻨﻰ ﻣﯘﻛﻪﻣﻤﻪﻟﻠﻪﺷﺘﯘﺭﻩﻟﯩﺴﻪ ﺋﯩﻠﻠﯩﻖ ﺋﺎﺋﯩﻠﻪ ، ﺋﯩﻨﺎﻕ ﺗﯘﺭﻣﯘﺷﻘﺎ ﭼﻮﻗﯘﻡ ﺋﯩﺮﺷﻪﻟﻪﻳﺪﯗ..
ﺋﺎﻳﺎﻟﻼﺭ ﺩﯗﻧﻴﺎﻧﯩﯔ ﺋﺎﻧﯩﺴﻰ ، ﺋﺎﻳﺎﻟﻼﺭﻧﯩﯔ ﺳﺎﭘﺎﺳﻰ ﺋﯚﺯ ﻧﯚﯞﯨﺘﯩﺪﻩ ﻣﯩﻠﻠﻪﺗﻨﯩﯔ ﺳﺎﭘﺎﺳﯩﻨﻰ ﺑﻪﻟﮕﯩﻠﻪﭖ ﻗﯘﻳﺎﻻﻳﺪﯗ ...
ﺑﯘ ﻣﺎﻗﺎﻟﻪ (ﮬﺎﻳﺎﺗﻠﯩﻖ ) ﮊﻭﺭﻧﯩﻠﯩﻨﯩﯔ ﻗﺎﻳﺴﻰ ﻳﯩﻠﻰ ﻗﺎﻧﭽﯩﻨﭽﻰ ﺳﺎﻧﯩﻐﺎ ﺑﯧﺴﯩﻠﻐﺎﻥ ﺋﯩﻜﻪﻥ ؟ ﺳﺎﻗﻼﭖ ﻗﻮﻳﺴﺎ ﺑﻮﻟﯩﺪﯨﻜﻪﻥ .
بەت:
[1]