ﺋﯘﻳﻐﯘﺭ ﺗﻮﺭ ﺋﻪﺩﯨﺒﯩﻴﺎﺗﻰ ﺗﻪﺭﻩﻗﻘﯩﻴﺎﺗﯩﻐﺎ ﻧﻪﺯﻩﺭ
ﺗﯧﻤﺎﻣﻨﯩﯔ ﺳﺎﻟﻤﯩﻘﯩﻨﯩﯔ ﺧﯧﻠﯩﻼ ﺯﻭﺭ ﺑﻮﭖ ﻛﻪﺗﻜﻪﻧﻠﯩﻜﯩﻨﻰ ﺑﯩﻠﯩﻤﻪﻥ . ﻟﯧﻜﯩﻦ ﺋﯚﺯ ﺋﻮﻳﻠﯩﻐﺎﻧﻠﯩﺮﯨﻨﻰ ﺋﯧﻴﺘﯩﯟﻩﺗﻤﻪﺳﻠﯩﻜﻤﯘ ﻛﯩﺸﯩﻨﻰ ﺑﯩﺌﺎﺭﺍﻡ ﻗﯩﻠﯩﺪﯨﻜﻪﻥ . 4-5ﻳﯩﻠﻠﯩﻖ ﺗﻮﺭ ﮬﺎﻳﺎﺗﯩﻢ ﻣﺎﯕﺎ ﺋﺎﺯ ﺑﻮﻟﻤﯩﻐﺎﻥ ﻧﻪﺭﺳﯩﻠﻪﺭﻧﻰ ﺳﻮﯞﻏﺎ ﻗﯩﻠﺪﻯ . ﻣﯘﺷﯘ ﺟﻪﺭﻳﺎﻧﺪﺍ ﮬﯧﺲ ﻗﯩﻠﻐﺎﻧﻠﯩﺮﯨﻤﻨﻰ ﺋﻮﭼﯘﻕ ،ﺳﻪﻣﯩﻤﻰ ﮬﺎﻟﺪﺍ ﺗﻮﺭﺩﺍﺷﻼﺭ ﺑﯩﻠﻪﻥ ﺋﻮﺭﺗﺎﻗﻼﺷﺴﺎﻡ ﮬﻪﺭ ﮬﺎﻟﺪﺍ ﺋﯘﺯﺍﻗﺘﯩﻦ ﺑﯘﻳﺎﻥ ﻳﯜﺩﯛﭖ ﻳﯜﺭﮔﻪﻥ ﭘﯩﻜﯩﺮ ﻗﺎﺭﺍﺷﻠﯩﺮﯨﻢ ﺋﯚﺯ ﺟﺎﻳﯩﻐﺎ ﻗﻮﻳﯘﻟﯘﭖ ﻳﯧﻨﯩﻜﻠﻪﭖ ﻗﺎﻟﺴﺎﻡ ﺋﻪﺟﯩﭗ ﺋﻪﻣﻪﺱ! ﻗﯧﻨﻰ ﺋﻪﻣﯩﺴﻪ ، ﺳﯚﺯ ﻣﻪﻧﺪﯨﻦ ﺑﻮﻟﺴﯘﻥ ، ﺑﺎﮬﺎ ﺳﯩﻠﻪﺭﺩﯨﻦ :ﻛﯩﺮﯨﺶ ﺳﯚﺯ
ﺋﯘﻳﻐﯘﺭ ﺗﻮﺭﺑﻪﺗﭽﯩﻠﯩﻜﻰ ﺋﯩﺰﭼﯩﻞ ﮬﺎﻟﺪﺍ ﺋﯘﻳﻐﯘﺭ ﺗﻮﺭ ﺋﻪﺩﯨﺒﯩﻴﺎﺕ -ﺳﻪﻧﺌﯩﺘﻰ ﺩﯦﮕﻪﻥ ﺋﯘﻗﯘﻡ ﺑﯩﻠﻪﻥ ﻳﺎﻧﺪﺍﺷﻤﺎ ﺑﻮﻟﯘﭖ ﻛﻪﻟﺪﻯ . ﭼﯜﻧﻜﻰ ﺧﻪﻟﻘﯩﻤﯩﺰ ﺗﯧﺨﻰ ﺋﻪﻣﺪﯨﻼ ﺗﻮﺭﺩﯨﻦ ﺋﯩﺒﺎﺭﻩﺕ ﺑﯘ ﻣﻪﯞﮬﯘﻡ ﻛﻪﯕﺮﻯ ﺩﯗﻧﻴﺎﺩﺍ ﻗﻪﺩﻩﻡ ﺋﯧﻠﯩﯟﺍﺗﻘﺎﻧﻠﯩﻘﺘﯩﻦ ، ﺑﺎﺷﻠﯩﻨﯩﺸﺘﺎ ﻳﻪﻧﯩﻼ ﺋﻮﻗﯘﻟﯘﺵ ﻗﯩﻤﻤﯩﺘﻰ ﻳﯘﻗﯩﺮﻯ ، ﻛﯩﺸﯩﻨﻰ ﺟﻪﻟﯩﭗ ﻗﯩﻼﻻﻳﺪﯨﻐﺎﻥ ﻣﺎﻗﺎﻟﻪ، ﺷﺌﯧﺮ، ﺧﻪﯞﻩﺭ ﻗﺎﺗﺎﺭﻟﯩﻖ ﺋﻪﺩﯨﺒﻰ ﺋﻪﺳﻪﺭﻟﻪﺭ ، ﻧﺎﺧﺸﺎ ،ﺳﯜﺭﻩﺗﻠﯩﻚ ﻧﺎﺧﺸﺎ ﻗﺎﺗﺎﺭﻟﯩﻖ ﺳﻪﻧﺌﻪﺕ ﻧﺎﻣﺎﻳﻪﻧﺪﯨﻠﯩﺮﯨﮕﻪ ﻣﯘﮬﺘﺎﻕ ﺑﻮﻟﺪﻯ...ﺑﯘ ﻣﯘﮬﺘﺎﺟﻠﯩﻖ ﺋﻪﻣﺪﯨﻼ ﺗﻮﺭﻏﺎ ﻗﯩﺰﯨﻘﯩﯟﺍﺗﻘﺎﻥ ﻛﻪﯓ ﺗﻮﺭ ﺋﺎﺑﻮﻧﺘﻠﯩﺮﯨﻨﯩﯔ ﻣﯘﮬﺘﺎﺟﻠﯩﻘﻰ ﺑﻮﻟﻐﺎﻧﻠﯩﻘﺘﯩﻦ ﺗﻪﺑﯩﺌﯩﻼ ﺑﯘ ﯞﻩﺯﯨﭙﻪ ﺗﻮﺭ ﺋﯩﺸﻠﻪﯞﺍﺗﻘﺎﻥ ﭘﯩﺪﺍﻛﺎﺭ ﺋﻪﺯﯨﻤﻪﺗﻠﻪﺭﮔﻪ ﻳﯜﻛﻠﻪﻧﺪﻯ.
ﺷﯘﻧﯩﯔ ﺑﯩﻠﻪﻥ ﺩﻩﺳﻠﻪﭘﻜﻰ ﻗﻪﺩﻩﻣﺪﻩ ﺋﯘﻳﻐﯘﺭ ﺗﻮﺭ ﺑﻪﺗﭽﯩﻠﯩﻜﯩﻨﯩﯔ ﻧﺎﻣﺎﻳﻪﻧﺪﯨﻠﻠﯩﺮﯨﺪﯨﻦ ﻣﺎﻛﺎﻧﯩﻢ ﺗﻮﺭﻯ ﺷﻪﻛﯩﻠﻠﯩﻨﯩﭗ ﺋﻪﯓ ﺋﯩﭙﺘﯩﺪﺍﺋﻰ ﺷﻪﻛﯩﻠﺪﯨﻜﻰ ﺗﻮﺭ ﻳﯧﺰﯨﻘﭽﯩﻠﯩﻘﯩﻐﺎ ﺋﯩﻤﻜﺎﻥ ﺗﯘﻏﯘﻟﺪﻯ . ﺋﯘﻧﺪﯨﻦ ﻛﯚﭖ ﺋﯚﺗﻤﻪﻳﻼ ﺋﯩﺰﺩﯨﻨﯩﺶ ﺗﻮﺭﻯ ، ﺳﻪﻧﻪﻡ ﺗﻮﺭﻯ ، ﺩﯨﻴﺎﺭﯨﻢ ،ﺳﯘﻣﺮﯗﻍ ، ﺷﻪﺑﻨﻪﻡ ، ﺋﯩﺰﺩﻩﻥ ﻗﺎﺗﺎﺭﻟﯩﻖ ﺋﺎﯞﺍﻧﮕﺎﺭﺕ ﺗﻮﺭ ﺑﻪﺗﻠﻪﺭ ﺑﺎﺭﻟﯩﻘﻘﺎ ﻛﻪﻟﺪﻯ.ﺑﯘ ﺗﻮﺭ ﺑﻪﺗﻠﻪﺭ ﺗﻮﺭ ﺑﻪﺗﺘﯩﻜﻰ ﺷﻪﻛﯩﻞ ، ﻣﯘﻻﺯﯨﻤﻪﺕ ﯞﻩ ﺷﯘﻧﺪﺍﻗﻼ ﻣﻪﺯﻣﯘﻥ ﻗﺎﺗﺎﺭﻟﯩﻖ ﺟﻪﮬﻪﺗﻠﻪﺭﺩﻩ ﺋﯩﺰﭼﯩﻞ ﺋﻮﺧﺸﺎﺷﻤﯩﻐﺎﻥ ﻣﯘﺩﺩﯨﺌﺎﺩﺍ ﺋﻮﺧﺸﺎﺷﻤﯩﻐﺎﻥ ﺋﯩﺴﻼﮬﺎﺗﻼﺭﻧﻰ ﺋﯧﻠﯩﭗ ﺑﯧﺮﯨﭗ ﺧﻪﻟﻘﻨﯩﯔ ﺳﯚﻳﯜﺷﯩﮕﻪ ﻣﯘﻳﻪﺳﺴﻪﺭ ﺑﻮﻟﺪﻯ .(ﺑﯘ ﺗﻮﻏﯘﺭﻟﯘﻕ ﺋﺎﻳﺮﯨﻢ ﺗﻮﺧﺘﯩﻠﯩﻤﻪﻥ)
ﺑﯘ ﺟﻪﺭﻳﺎﻧﺪﺍ ﺑﯘ ﺗﻮﺭ ﺑﻪﺗﻠﻪﺭﺩﻩ ﺋﻮﺧﺸﺎﺷﻤﯩﻐﺎﻥ ﭘﯩﺪﺍﻛﺎﺭ ﺗﻮﺭﺩﺍﺷﻼﺭ ﻣﻪﻳﺪﺍﻧﻐﺎ ﻛﯧﻠﯩﭗ ، ﺗﻮﺭ ﺑﻪﺕ ﺗﯜﺯﮔﯜﭼﯩﺴﯩﺪﯨﻦ ﺑﺎﺷﻘﺎ ﺋﻪﯓ ﻣﯘﮬﯩﻢ ﺗﯚﮬﭙﯩﻜﺎﺭﻻﺭﻏﺎ ﺋﺎﻳﻼﻧﺪﻯ .
ﻣﺎﻗﺎﻟﯩﻤﯩﺰ ﻣﻪﻥ ﻧﯩﺴﺒﻪﺗﻪﻥ ﺋﯧﻨﯩﻖ ﺑﯩﻠﯩﺪﯨﻐﺎﻥ ﺑﯩﺮﻗﺎﻧﭽﻪ ﺗﻮﺭ ﺑﻪﺗﻠﻪﺭﻧﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﺑﺎﮬﺎ ﺑﯧﺮﯨﺶ ﺑﯩﻠﻪﻥ ﺑﯩﺮ ﯞﺍﻗﺘﺘﺎ ﺋﯘﻻﺭﻧﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﻛﯜﭼﻠﯜﻙ ﺗﯜﺭﺗﻜﻪ ﺑﻮﻟﻐﺎﻥ ﺧﺎﻟﯩﺲ ﭘﯩﺪﺍﺋﻰ ﺗﻮﺭﺩﺍﺷﻼﺭ ﮬﻪﻗﻘﯩﺪﻩ ﻗﺎﻧﺎﺕ ﻳﺎﻳﯩﺪﯗ .
1.ﺋﯩﺰﺩﯨﻨﯩﺶ ﺗﻮﺭﻯ ﮬﻪﻗﻘﯩﺪﻩ
2003-ﻳﯩﻠﻰ ﺋﯩﺰﺩﯨﻨﯩﺶ ﻣﯘﻧﺒﯩﺮﯨﮕﻪ ﻳﯧﯖﻰ ﺗﯩﺰﯨﻤﻼﻧﻐﺎﻥ ﯞﺍﻗﺘﯩﻤﺪﺍ ، ﺗﻮﺭﺩﯨﻜﻰ ﺑﯩﺮﻗﺎﻧﭽﻪ ﺗﻮﺧﺘﺎﯞﻟﯩﻖ ، ﺑﯩﻠﯩﻤﻠﯩﻚ ﻛﯩﺸﯩﻠﻪﺭﺩﯨﻦ ﺑﺎﺷﻘﺎ ﮬﻪﻣﻤﯩﻤﯩﺰ ﺗﯧﺨﻰ ﻗﯩﺰﯨﻖ ﻗﺎﻥ ، ﺑﯩﻠﻪﺭﻣﻪﻥ ﻳﺎﺷﻼﺭﺩﯨﻦ ﺋﯩﺪﯗﻕ!
ﺋﯘﭼﺎﻏﻼﺭﺩﺍ ﻣﯘﻧﺒﻪﺭ ﺋﺎﺳﺎﺳﻪﻥ ، ﺷﺌﯧﺮ ﻗﻮﺷﺎﻕ ، ﻗﯩﺰﯨﻖ ﻧﯘﻗﺘﺎ ، ﺋﯘﺷﺸﺎﻕ ﺋﯩﺸﻼﺭ ﺗﻮﻏﯘﺭﻟﯘﻕ ﻣﯘﻧﺎﺯﺭﯨﺪﻩ ﺑﻮﻻﺗﺘﻰ . ﺗﻮﻟﯩﻤﯩﺰ ﻳﯧﯖﻰ ﺗﻮﺭ ﺩﯗﻧﻴﺎﺳﯩﻐﺎ ﻗﻪﺩﻩﻡ ﻗﻮﻳﻐﺎﭼﻘﯩﻤﯘ ، ﺋﻪﺭﺯﯨﻤﻪﺱ ﺋﯩﺸﻼﺭﻏﯩﻤﯘ ﻳﯩﭙﯩﺪﯨﻦ ﻳﯩﯖﻨﯩﺴﯩﻐﯩﭽﻪ ﻣﯘﻧﺎﺯﯨﺮﻩ ﻗﯩﭗ ﻛﯧﺘﻪﺗﺘﯘﻕ ! ﮬﻪﺗﺘﺎ ﻳﺎﺯﺍﻻﻳﺪﯨﻐﺎﻧﻼﺭ ﺑﻮﻟﺴﯘﻥ ،ﻳﺎﺯﺍﻟﻤﺎﻳﺪﯨﻐﺎﻧﻼﺭ ﺑﻮﻟﺴﯘﻥ ﺑﻪﺯﯨﺪﻩ ﺋﯩﻨﻜﺎﺳﻼﺭ ﺋﻮﺭﻧﯩﻐﺎ ﻗﻮﺷﺎﻕ ﻗﯧﺘﯩﭗ ﻗﻮﻳﺎﺗﺘﯘﻕ . ﺑﯘ ﺧﯘﺩﺩﻯ ﻳﯧﯖﻰ ﯞﯦﻠﺴﯩﭙﯩﺖ ﺋﯜﮔﻪﻧﮕﻪﻥ ﺑﺎﻟﯩﻨﯩﯔ ﮬﻮﻳﻠﯩﺪﺍ ﺋﻮﺑﯘﺭﻧﯩﻐﯩﻤﯘ ﯞﻩﻟﺴﯩﭙﯩﺘﻠﯩﻚ ﺑﺎﺭﻏﯩﻨﯩﻐﺎ ﺋﻮﺧﺸﺎﻳﺘﻰ . ﻟﯧﻜﯩﻦ ﺑﯩﺰ ﻳﺎﺷﻼﺭﻧﯩﯔ (ﺗﻮﻏﺮﯨﺴﻰ ﻛﯩﭽﯩﻜﻠﻪﺭﻧﯩﯔ ) ﺋﻪﻛﺴﯩﭽﻪ ﺧﯧﻠﻰ ﺧﯧﻠﻰ ﻛﯩﺸﯩﻠﻪﺭﻣﯘ ﺋﺎﻟﺪﯨﺪﺍ ﮬﯚﺗﯜﺕ ﭘﯚﺗﯜﺕ ﻗﯩﻼﻟﻤﺎﻳﺪﯨﻐﺎﻥ ﺑﯩﻠﯩﻤﻠﯩﻚ ﻛﯩﺸﯩﻠﻪﺭﻣﯘ ، ﺩﻭﺧﺘﯘﺭ ، ﺗﯩﯟﯨﭗ ، ﺗﺎﺭﯨﺨﺸﯘﻧﺎﺳﻠﯩﻖ ﻣﻪﺭﺗﯩﯟﯨﺴﯩﮕﻪ ﻳﯧﺘﻪﻱ ﺩﻩﭖ ﻗﺎﻟﻐﺎﻥ ﻳﺎﺵ ﻳﯩﮕﯩﺘﻠﻪﺭﻣﯘ ﺑﺎﺭ ﺋﯩﺪﻯ . ﺋﯘ ﭼﺎﻏﻼﺭﺩﺍ ﺋﯘﺯﯗﻥ ﺋﯘﺯﯗﻥ ﻣﯘﻧﺎﺯﯨﺮﯨﻠﻪﺭ ﮬﻪﭘﺘﻪ ﮬﻪﭘﺘﯩﻠﻪﭖ ﺩﺍﯞﺍﻡ ﻗﯩﻼﺗﺘﻰ . ﮔﻪﺭﭼﻪ ﺋﺎﺩﻩﻡ ﺑﻪﻙ ﻛﯚﭖ ﺑﻮﻟﻤﯩﺴﯩﻤﯘ ﻟﯧﻜﯩﻦ ﻳﯧﯖﻰ ﻛﯚﺭﯛﺷﻜﻪﻧﻠﻪﺭﺩﯨﻜﻰ ﺗﺎﺭﺗﯩﻨﯩﺶ ، ﮬﯧﺘﯩﺮﻗﺎﺵ ﺑﻮﻟﻐﺎﭼﻘﺎ ﺋﯚﺯﺋﺎﺭﺍ ﺋﯘﺭﯗﺵ ﺟﯩﺪﻩﻝ ﺋﺎﺳﺎﺳﻪﻥ ﺑﻮﻟﻤﺎﻳﺘﻰ . ﺑﻮﻟﻐﺎﻧﺪﯨﻤﯘ 1ﺳﺎﺋﻪﺗﻜﻪ ﻗﺎﻟﻤﺎﻱ ﻳﺎ ﺑﺎﺷﻘﯘﺭﻏﯘﭼﯩﻨﯩﯔ ﻧﻪﺳﯩﮭﯩﺘﻰ ﻳﺎ ﺑﺎﺷﻘﺎ "ﺋﺎﻗﺴﺎﻗﺎﻝ"ﻻﺭﻧﯩﯔ ﻧﻪﺳﯩﮭﯩﺘﻰ ﺑﯩﻠﻪﻥ ﺩﻩﺭﺭﯗ ﺑﯧﺴﯩﻠﯩﭗ ﺋﯚﺯﺋﺎﺭﺍ ﺋﻪﭘﯘ ﺳﻮﺭﯨﺸﺎﺗﺘﻰ . ﮔﻪﭘﻠﻪﺭﺩﯨﻤﯘ ﺋﯘﻧﭽﻪ ﻗﻮﭘﺎﻟﻠﯩﻖ ، ﺗﻪﺗﯜﺭ ﺋﯩﻨﻜﺎﺭﭼﯩﻠﯩﻖ ﻳﻮﻕ ﺋﯩﺪﻯ . ﺑﻪﺯﻯ ﻛﻮﻧﺎ ﺗﻮﺭﺩﺍﺷﻼﺭﻧﯩﯔ ﺷﯘ ﯞﺍﻗﺘﻼﺭﻧﻰ ﺋﻪﺳﻠﻪﭖ ﻗﯧﻠﯩﺸﯩﻤﯘ ﺷﯘﻧﯩﯖﺪﯨﻦ ﺑﻮﻟﺴﺎ ﻛﯧﺮﻩﻙ!
ﻟﯧﻜﯩﻦ3-4ﻳﯩﻞ ﻣﺎﺑﻪﻳﻨﯩﺪﻩ ﺋﯩﺰﺩﯨﻨﯩﺶ ﺋﯚﺯﯨﮕﻪ ﻳﺎﺭﯨﺸﺎ ﺟﯘﻻﻟﯩﻖ ﺗﻪﺭﻩﻗﻘﯩﻴﺎﺗﻼﺭﻧﻰ ﻗﻮﻟﻐﺎ ﻛﻪﻟﺘﯜﺭﺩﻯ . ﮔﻪﺭﭼﻪ ﺗﻮﺭﺩﺍﺷﻼﺭﻧﯩﯔ ﻛﯚﭘﯩﻴﺸﯩﮕﻪ ﺋﻪﮔﯩﺸﯩﭗ ، ﺗﻮﺭﺩﯨﻜﯩﻠﻪﺭﻧﯩﯔ ﻳﺎﺵ ﭘﻪﺭﻗﻰ ﯞﻩ ﺗﻮﺭﻏﺎ ﭼﯩﻘﯩﺶ ﻣﯘﺩﺩﯨﺌﺎﺳﯩﺪﺍ ﺭﻭﺷﻪﻥ ﺋﯚﺯﮔﯩﺮﯨﺸﻠﻪﺭ ﺑﻮﻟﯘﭖ ، ﺗﯘﻟﯘﻣﺪﯨﻦ ﺗﺎﺭﺷﺎ ﭼﯩﻘﻘﺎﻧﺪﻩﻙ ﭘﻮﺳﯘﻗﻘﯩﺪﻩ ﻧﺎﭼﺎﺭ ﮔﻪﭘﻠﻪﺭﻧﻰ ﻗﯩﭗ ﻗﻮﻳﯘﺵ ، ﺋﯚﺗﻜﻪﻥ ﺋﻪﺳﯩﺮﻛﻰ ﺋﯩﺸﻨﻰ ﺑﯜﮔﯜﻧﮕﻪ ﺳﯚﺭﻩﭖ ﺋﺎﺩﺍﯞﻩﺕ ﭘﻪﻳﺪﺍ ﻗﯩﻠﯩﺸﺘﻪﻙ ﺋﻪﺧﻼﻗﺴﯩﺰ ﻗﯩﻠﯩﻤﯩﺸﻼﺭ ﭘﺎﺕ ﭘﺎﺕ ﻛﯚﺭﯛﻟﯜﭖ ﺗﯘﺭﯗﯞﺍﺗﻘﺎﻥ ﺑﻮﻟﺴﯩﻤﯘ ﻟﯧﻜﯩﻦ ﺑﯘ ﮬﺎﺯﺭﯨﻘﻰ ﺋﯩﺰﺩﯨﻨﯩﺸﻨﯩﯔ ﺷﯚﮬﺮﻩﺕ ﺟﯘﻻﺳﯩﻨﻰ ﻗﯩﻠﭽﯩﻤﯘ ﺧﯩﺮﻩﻟﻪﺷﺘﯜﺭﻩﻟﻤﯩﺪﻯ .
ﺋﻪﯓ ﺩﻩﺳﻠﻪﭘﺘﻪ ﺋﯩﺰﺩﯨﻨﯩﺸﻨﯩﯔ ﺗﻮﺭﯨﻨﯩﯔ ﺑﯧﺸﻰ ﺋﯩﺰﺩﯨﻨﯩﺶ ، ﺑﺎﺑﯘﺭ ﺋﯩﺴﯩﻤﻠﯩﻚ ﺗﻮﺭﺩﺍﺷﻼﺭ ﺋﯩﺪﻯ . ﺋﯩﺰﺩﯨﻨﯩﺶ ﺋﻪﭘﻪﻧﺪﯨﻨﯩﯔ ﺷﯘ ﯞﺍﻗﺘﻼﺭﺩﯨﻤﯘ ﺋﺎﺟﺎﻳﯩﭗ ﺧﯘﻳﻰ ﺑﺎﺭ ﺋﯩﺪﻯ ، ﺋﯘﻧﯩﯔ ﺑﯩﺮ ﺳﯚﺯﻯ ﮬﯧﻠﯩﻤﯘ ﮬﻪﻡ ﺋﯚﺯﮔﻪﺭﻣﯩﺪﻯ :
-ﺋﯩﺰﺩﯨﻨﯩﺸﺘﺎ ﺋﯚﺯﯛﻡ ﻳﺎﻟﻐﯘﺯ ﻗﯧﻠﯩﺸﻘﺎ ﺭﺍﺯﯨﻤﻪﻧﻜﻰ ، ﺋﯩﺰﺩﯨﻨﯩﺸﻨﻰ ﭘﯜﭼﻪﻙ ﺋﻪﺧﻠﻪﺗﻠﻪﺭ ﺑﯩﻠﻪﻥ ﺗﻮﻟﺪﯗﺭﯨﯟﯨﺘﯩﺸﻘﺎ ﮬﻪﺭﮔﯩﺰ ﭼﯩﺪﯨﻤﺎﻳﻤﻪﻥ...ﻣﺎﻧﺎ ﺑﯘ ﺷﯘﺋﺎﺭ ﺋﯩﺰﺩﯨﻨﯩﺶ ﻣﯘﻧﺒﯩﺮﯨﻨﯩﯔ ﺋﯩﺰﭼﯩﻞ ﺷﯘﺋﺎﺭﻯ ﺑﻮﻟﯘﭖ ﻛﻪﻟﺪﻯ . ﺗﺎ ﮬﺎﺯﯨﺮﻏﯩﭽﻪ ﺑﯘ ﺷﯘﺋﺎﺭ ﺋﯚﺯﮔﻪﺭﮔﯩﻨﻰ ﻳﻮﻕ . ﺑﺎﺷﺘﯩﻜﻰ "ﺳﯜﺯﯛﻛﻠﯜﻙ "ﯞﻩ ﻗﻪﺗﺌﯩﻠﯩﻚ ، ﻳﺎﺭﺩﻩﻣﭽﻰ ﺑﺎﺷﻘﯘﺭﻏﯘﭼﯩﻼﺭﺩﯨﻜﻰ ﻗﻮﻟﻼﺵ ﯞﻩ ﭼﯜﺷﯩﻨﯩﺶ ،ﭘﯩﻜﯩﺮ ﺑﯩﺮﻟﯩﻜﻰ ﺑﯘ ﺷﯘﺋﺎﺭﻧﻰ ﺗﻮﺳﺎﻟﻐﯘﺳﯩﺰ ﺋﯩﺠﺮﺍ ﻗﯩﭗ ﻛﻪﻟﺪﻯ . ﺷﯘﯕﺎ ﺑﻪﺯﻯ ﻳﯧﯖﻰ ﺗﻮﺭﺩﺍﺷﻼﺭ ﺩﺍﺋﯩﻢ ﺋﯩﺰﺩﯨﻨﯩﺸﺘﯩﻦ ﺧﺎﭘﺎ ﺑﻮﻟﯘﭖ ﻗﺎﻟﯩﺪﯗ . ﻧﯧﻤﻪ ﺋﺎﻣﺎﻝ؟...ﻛﻮﺯﯨﻨﻰ ﻗﯩﻤﻤﻪﺗﻜﻪ ﺋﯩﮕﻪ ﻗﯩﻠﯩﺶ ﺋﯜﭼﯜﻥ ﺋﯘﻧﯩﯖﺪﺍ ﺋﻪﺧﻠﻪﺗﻠﻪﺭ ﯞﻩ ﯞﻩﮬﯩﻤﯩﻠﻪﺭﻧﯩﯔ ﺑﻮﻟﯩﺸﯩﻐﺎ ﻳﻮﻝ ﻗﻮﻳﻤﺎﺳﻠﯩﻖ ﻛﯧﺮﻩﻛﻘﯘ؟!...
...ﺟﻪﯞﻻﻥ ﺋﻪﭘﻪﻧﺪﻯ ﻳﯧﯖﻰ ﻛﻪﻟﮕﻪﻧﺪﻩ ، ﻧﯧﻤﯩﺸﻘﯩﻜﯩﻦ ﺑﯩﺮ ﻧﻪﭼﭽﯩﻤﯩﺰﮔﻪ ﭘﻪﻗﻪﺗﻼ ﻳﺎﻗﻤﯩﻐﺎﻥ ﺋﯩﺪﻯ . ﺑﯘ ﺑﻪﻟﻜﯩﻢ ﻛﻮﻧﯩﻼﺭﻏﺎ ﻛﯚﻧﯜﭖ ﻗﯧﻠﯩﺶ ﻛﯧﺴﯩﻠﯩﺪﯨﻦ ﺑﻮﻟﺴﺎ ﻛﯧﺮﻩﻙ! ﻟﯧﻜﯩﻦ ﻧﻪﭼﭽﻪ ﻳﯩﻠﻨﯩﯖﻴﺎﻗﻰ ﺋﯘﻧﯩﯔ ﻗﯩﻠﯩﯟﺍﺗﻘﺎﻥ ﻣﯩﻨﻨﻪﺗﺴﯩﺰ ﺋﻪﺟﺮﻯ ﻣﯧﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺑﺎﺭﻟﯩﻖ ﺗﻮﺭﺩﺍﺷﻼﺭﻧﯩﯔ ﺳﻪﻣﯩﻤﻰ ﮬﯚﺭﻣﯩﺘﯩﻨﻰ ﻗﻮﺯﻏﯩﺪﻯ ...
ﺟﻪﯞﻻﻧﻨﻰ ﺋﯩﺰﺩﯨﻨﯩﺸﻨﯩﯔ ﻣﺎﺗﻮﺭﻯ ، ﺋﯩﺰﺩﯨﻨﯩﺸﻨﯩﯔ ﭘﺎﺭﻯ ﺩﯦﻴﯩﺸﻜﻪ ﺑﻮﻻﺗﺘﻰ ! ﺋﯘﻧﯩﯔ ﮔﻪﭘﺪﺍﻧﻠﯩﻘﻰ ، ﭼﺎﻗﭽﺎﻗﺨﯘﻣﺎﺭﻟﯩﻘﻰ ، ﺑﯩﺮ ﺋﯩﺸﻼﺭﺩﺍ ﻛﻪﺳﻜﯩﻨﻠﯩﻜﻰ ، ﭼﯩﻘﯩﺸﻘﺎﻗﻠﯩﻘﻰ ﺋﯩﺰﺩﯨﻨﯩﺶ ﺋﻪﺯﺍﻟﯩﺮﯨﻨﻰ ﺑﯘ ﻳﻪﺭﺩﯨﻦ ﺋﺎﻳﺮﯨﻼﻟﻤﺎﺱ ﻗﯩﻠﯩﯟﻩﺗﺘﻰ . ﮬﻪﺭ ﻗﯧﺘﯩﻢ ﺋﯩﺰﺩﯨﻨﯩﺸﺘﯩﻦ ﺋﺎﺳﺘﺎ ﺋﺎﺳﺘﯩﻼﯞﺍﺗﻘﺎﻧﺪﺍ ،ﺋﯘ ﺩﻩﺭﮬﺎﻝ ﭘﻪﻳﺪﺍ ﺑﻮﻻﺗﺘﻰ ،ﺩﻩ -ﻛﯩﺸﻰ ﺋﻮﻳﻼﭘﻤﯘ ﺑﺎﻗﯩﻤﯩﻐﺎﻥ ﺑﯩﺮ ﺗﯧﻤﯩﻨﻰ ﺷﯘﻧﺪﺍﻕ ﻗﯩﺰﯨﻖ ﯞﻩ ﺳﻪﻣﯩﻤﻰ ﺑﺎﻳﺎﻥ ﻗﯩﻠﯩﭗ ﮔﯜﺭﺭﯨﺪﻩ ﺗﻮﺭﺩﺍﺷﻼﺭﻧﻰ ﺗﻮﭘﻼﭖ ﮬﻪﻣﻤﻪ ﻛﯩﺸﯩﻨﯩﯔ ﮬﺎﺭﺩﯗﻗﯩﻨﻰ ﭼﯩﻘﯩﺮﺍﺗﺘﻰ . ﺋﯩﺰﺩﯨﻨﯩﺶ ﺳﯘﯞﺍﻱ ﺩﯨﮕﻪﻧﺪﻩ ، ﺋﯘ ﻳﻪﻧﻪ ﭘﻪﻳﺪﺍ ﺑﻮﻟﯩﺪﯗ ﺩﻩ ﻳﻪﻧﻪ ﺋﯚﺯﮔﯩﭽﻪ ﻣﺎﻗﺎﻟﻠﯩﺮﻯ ﺑﯩﻠﻪﻥ ﺑﯘ ﻣﻪﯞﮬﯘﻡ ﺩﯗﻧﻴﺎﻧﻰ ﻣﯧﮭﯩﺮ ﻣﯘﮬﻪﺑﺒﻪﺗﺘﻪ ﺋﯩﻠﻠﯩﺘﺎﺗﺘﻰ .
ﺋﯘ ﺋﯚﺯ ﻧﯚﯞﯨﺘﯩﺪﻩ ﻛﯩﻤﮕﻪ ﻗﺎﻧﺪﺍﻕ ﮔﻪﭖ ﻗﯩﻠﯩﺸﻨﻰ ، ﻗﺎﭼﺎﻥ ﻗﺎﻧﺪﺍﻕ ﻗﯩﻠﯩﺸﻨﻰ ﺑﯩﻠﮕﻪﭼﻜﻪ ﺋﯚﺯ ﻣﻪﺟﺒﯘﺭﯨﻴﺘﯩﻨﻰ ﻣﺎﻧﺎ ﻣﯘﺷﯘﻧﺪﺍﻕ ﯞﺍﻳﯩﻐﺎ ﻳﻪﺗﮕﯜﺯﯛﭖ ﺋﻮﺭﯗﻧﺪﺍﻳﺘﻰ!
ﻧﻪﭼﭽﻪ ﻳﯩﻠﻨﯩﯖﻴﺎﻗﻰ ﺋﯘ ﺋﯚﺯﻯ ﺗﺎﻟﻠﯩﻐﺎﻥ ﻳﻮﻟﺪﯨﻦ ﻗﺎﻳﺘﻤﯩﺪﻯ . ﺋﯘﻧﯩﯔ ﻛﻪﻳﻨﯩﺪﯨﻜﻰ ﺗﻮﺭﺩﺍﺷﻼﺭﻣﯘ ﺋﺎﺭﻗﯩﻐﺎ ﻳﺎﻛﻰ ﺋﯩﻜﻜﻰ ﻳﯧﻨﯩﻐﺎ ﻗﺎﺭﺍﭘﻤﯘ ﻗﻮﻳﻤﯩﺪﻯ. ﺑﻪﻟﻜﯩﻢ ﺩﻩﻝ ﻣﯘﺷﯘ - ﺋﯩﺰﺩﯨﻨﯩﺸﻨﯩﯔ ﻣﯘﻗﯩﻢ ﺗﻪﺭﻩﻗﻘﯩﻴﺎﺗﯩﻨﯩﯔ ﺳﯩﺮﻯ ﺑﻮﻟﺴﺎ ﻛﯧﺮﻩﻙ!ﻳﻪﻧﻰ ﺳﻪﻣﯩﻤﯩﻴﻪﺕ ، ﺋﯩﺸﯩﻨﯩﺶ ، ﺋﯩﻨﺎﻗﻠﯩﻖ ﯞﻩ ﻳﯘﻗﯩﺮﻯ ﺳﺎﭘﺎ ﺋﯩﺰﺩﯨﻨﯩﺸﻨﻰ ﺗﯧﺰﻻ ﺋﯘﻳﻐﯘﺭ ﺗﻮﺭ ﺑﻪﺗﭽﯩﻠﯩﻜﯩﻨﯩﯔ ﮔﯜﻟﺘﺎﺟﯩﻐﺎ ﺋﺎﻳﻼﻧﺪﯗﺭﺩﻯ .
ﺳﻪﻣﯩﻤﯩﯩﻴﻪﺕ ﺋﺎﯞﺍﻝ ﺋﯩﺰﺩﯨﻨﯩﺶ ﯞﻩ ﺟﻪﯞﻻﻥ ﻗﺎﺗﺎﺭﻟﯩﻖ ﺑﺎﺭﻟﯩﻖ ﺑﺎﺷﻘﯘﺭﻏﯘﭼﯩﻼﺭﻧﯩﯔ ﺗﻮﺭﺩﺍﺷﻼﺭﻏﺎ ﺑﻮﻟﻐﺎﻥ ﺳﻪﻣﯩﻤﯩﻴﺘﯩﺪﻩ ﺋﯩﭙﺎﺩﯨﻠﻪﻧﺴﻪ ، ﺋﯩﺸﯩﻨﯩﺶ ﻛﯚﭖ ﻗﯩﺴﯩﻢ ﺗﻮﺭﺩﺍﺷﻼﺭﻧﯩﯔ ﺋﯩﺰﯨﺪﯨﻨﯩﺶ ﺑﺎﺷﻘﯘﺭﯗﺵ ﻗﺎﺗﻠﯩﻤﯩﻐﺎ ﺑﻮﻟﻐﺎﻥ ﻣﯘﺋﺎﻣﯩﻠﯩﺴﯩﺪﻩ ﮔﻪﯞﺩﯨﻠﻪﻧﺪﻯ . ﺋﯩﻨﺎﻗﻠﯩﻖ ﯞﻩ ﻳﯘﻗﯩﺮﻯ ﺳﺎﭘﺎ ﺋﻪﯓ ﺋﺎﯞﯞﺍﻝ ﺑﺎﺷﻘﯘﺭﻏﯘﭼﯩﻼﺭ ﺋﺎﺭﯨﺴﯩﺪﯨﻜﻰ ﭼﯜﺷﯩﻨﯩﺶ ﯞﻩ ﺩﻭﺳﺘﻠﯘﻗﯩﺪﺍ ،ﺳﺎﭘﺎﺳﯩﺪﺍ ﮔﻪﯞﺩﯨﻠﻪﻧﺴﻪ ، ﺗﻮﺭﺩﺍﺷﻼﺭ ﺋﺎﺭﯨﺴﯩﺪﯨﻜﻰ ﺋﺎﯞﺍﻧﮕﺎﺭﺕ ﺑﯩﻠﯩﻤﻠﯩﻜﻠﻪﺭﺩﯨﻦ ﺋﯘﺷﺸﺎﻕ ﺑﺎﻟﯩﻼﺭﻧﯩﯔ ﺳﺎﭖ ﺋﻪﺧﻼﻗﯩﻐﯩﭽﻪ ﺋﻮﺑﺪﺍﻥ ﺋﯩﭙﺎﺩﯨﻠﻪﻧﺪﻯ .
ﺋﯩﺸﻘﯩﻠﯩﭗ ، ﺋﯩﺰﺩﯨﻨﯩﺶ ﺭﻭﮬﻰ ﺋﯩﺰﺩﯨﻨﯩﺸﺘﻪ ﺷﻪﻛﯩﻠﻠﻪﻧﺪﻯ . ﺋﻪﯓ ﻳﯘﻗﯩﺮﻯ ﺑﺎﺷﻘﯘﺭﻏﯘﭼﯩﺪﯨﻦ ﺋﻪﯓ ﻳﯧﯖﻰ ﺋﻪﺯﺍﻏﯩﭽﻪ " ﭼﯩﺸﻠﯩﻖ ﭼﺎﻕ"ﻧﯩﯔ ﺭﻭﮬﻰ ﮔﻪﯞﺩﯨﻠﻪﻧﺪﻯ . ﺷﯘﻧﯩﯔ ﺑﯩﻠﻪﻥ ﻣﺎﻧﺎ ﺑﯜﮔﯜﻧﻜﯩﺪﻩﻙ ﺳﯚﻳﯜﻣﻠﯜﻙ ﺋﯩﺰﺩﯨﻨﯩﺸﯩﻤﯩﺰ ﺑﺎﺭﻟﯩﻘﻘﺎ ﻛﻪﻟﺪﻯ ...
2.ﺋﯩﺰﺩﯨﻨﯩﺸﺘﯩﻜﻰ ﺑﯩﺮﻗﺎﻧﭽﻪ ﺋﺎﯞﺍﻧﮕﺎﺭﺕ ﺗﻮﺭﺩﺍﺵ ﮬﻪﻗﻘﯩﺪﻩ....
ﮬﺎ...ﮬﺎ..ﮬﺎ...
ﺧﯩﻠﻠﻮ ﻻﻳﻔﻨﯩﯔ ﻣﯧﻐﯩﺰﻟﯩﻖ ﻣﺎﻗﺎﻟﻠﯩﺮﯨﻐﺎ ، ﺋﺎﻗﺴﺎﻗﺎﻝ ﺯﺍﺗﻼﺭﺩﻩﻙ ﺋﯚﺗﻜﯜﺭ ﭘﯩﻜﯩﺮﻟﯩﺮﯨﮕﻪ ﻗﺎﺭﺍﭖ ﺋﯘﻧﻰ ﮬﯩﭻ ﺑﻮﻟﻤﯩﻐﺎﻧﺪﺍ 60ﻳﺎﺷﻼﺭﺩﯨﻦ ﮬﺎﻟﻘﯩﻐﺎﻥ ﻣﻮﻳﺴﯩﭙﯩﺘﻤﯩﻜﯩﻦ ﺩﻩﭖ ، ﺧﯩﻠﻠﯘﻻﻳﻔﻜﺎ ﺩﻩﭖ ﭼﺎﻗﯩﺮﻏﯩﻠﻰ ﺗﺎﺱ ﻗﺎﭘﺘﯩﻜﻪﻧﻤﻪﻥ! ﺑﯩﺮ ﻗﯧﺘﯩﻢ ﺋﯘﻧﯩﯔ ﺑﯩﻠﻪﻥ ﭺ ﭼﺪﺍ ﭘﺎﺭﺍﯕﻠﯩﺸﯩﭗ ،ﺋﯘﻧﯩﯔ ﺑﯩﺰ ﺩﯨﻤﻪﺗﻠﯩﻚ ﺋﯩﻜﻪﻧﻠﯩﻜﯩﻨﻰ ﺋﺎﯕﻼﭖ ﮬﻪﻳﺮﺍﻥ ﻗﺎﻟﺪﯨﻢ . ﺷﯘﻧﺪﺍﻗﻼ ﺋﺎﻗﻜﯚﯕﯜﻝ ، ﺩﯗﺭﯗﺱ ﺳﯚﺯﻟﯜﻙ ﺑﯘ ﺗﻮﺭﺩﺍﺷﻘﺎ ﭼﯩﻦ ﺩﯨﻠﯩﻤﺪﯨﻦ ﻗﺎﻳﯩﻞ ﺑﻮﻟﺪﯗﻡ . ﺋﯘﻧﯩﯔ ﻣﺎﻗﺎﻟﻠﯩﺮﻯ ﯞﻩ ﻛﻪﺳﻜﯩﻦ ﺳﯚﺯﻟﯩﻜﻰ ﺋﯩﺰﯨﺪﯨﻨﯩﺶ ﺗﻮﺭﯨﻤﯩﺰﻧﯩﯔ ﻳﻪﻧﻪ ﺑﯩﺮ ﻣﺎﮔﯩﻨﯩﺘﻰ ﺋﯩﺪﻯ. ﻣﻪﻳﻠﻰ ﺭﺍﺳﺖ ﺑﻮﻟﺴﯘﻥ ﻳﺎﻛﻰ ﻣﺎﺧﺘﺎﭖ ﺩﯦﻴﯩﻠﮕﻪﻥ ﮔﻪﭖ ﺑﻮﻟﺴﯘﻥ ﻧﯘﺭﻏﯘﻥ ﺗﻮﺭﺩﺍﺵ ﺋﯩﺰﺩﯨﻨﯩﺸﻜﻪ ﭘﻪﻗﻪﺕ ﺋﯘﻧﯩﯔ ﻣﺎﻗﺎﻟﻠﯩﺮﯨﻨﻰ ﻛﯚﺭﯛﺷﻜﯩﻼ ﻛﯩﺮﯨﺪﯨﻐﺎﻧﻠﯩﻘﯩﻨﻰ ﺩﯦﻴﯩﺸﻜﻪﻥ ﺋﯩﺪﻯ . ﻧﯧﻤﯩﻼ ﺑﻮﻟﻤﯩﺴﯘﻥ ، ﺋﯘ "ﺋﻮﺗﺘﯘﺯ ﺋﻮﻏﯘﻟﻨﯩﯔ ﺑﯩﺮ ﮔﯜﻟﻰ ، ﺋﯩﺰﺩﯨﻨﯩﺸﻨﯩﯔ ﺑﯘﻟﺒﯘﻟﻰ " ﺋﯩﺪﻯ . ﺋﯘﻧﯩﯔ ﺋﯧﺮﯨﻨﻤﻪﻱ ﻳﺎﺯﻏﺎﻥ ﺳﻪﯞﻳﯩﻠﯩﻚ ﻣﺎﻗﺎﻟﻠﯩﺮﯨﻨﻰ ﯞﻩ ﻣﯧﻐﯩﺰﻟﯩﻖ ﺋﯩﻨﻜﺎﺳﻠﯩﺮﯨﻨﻰ ﮔﻪﺭﭼﻪ ﻧﻮﻗﯘﻝ ﺋﯩﺰﺩﯨﻨﯩﺶ ﺋﯜﭼﯜﻥ ﺩﻩﭖ ﻛﻪﺗﻜﯩﻠﻰ ﺑﻮﻟﻤﯩﺴﯩﻤﯘ ، ﺋﯘﻧﯩﯔ ﺋﯩﺰﺩﯨﻨﯩﺸﺘﯩﻜﻰ ﮬﻪﺭ ﺑﯩﺮ ﮬﻪﺭﻛﯩﺘﻰ ﺋﯩﺰﺩﯨﻨﯩﺶ ﺋﯜﭼﯜﻥ ﺑﯩﺮ ﺗﯚﮬﭙﻪ ﺑﻮﻟﺪﻯ . ﺑﯘ ﺧﯘﺩﺩﻯ ﮬﻪﺭﺑﯩﺮ ﺟﻪﻣﯩﺌﻪﺕ ﺋﻪﺯﺍﺳﻰ ﺋﯚﺯ ﮬﺎﻟﯩﺪﯨﻦ ﺭﺍﯞﯗﺭﯗﺱ ﭼﯩﻘﻘﺎﻧﻨﯩﯔ ﺋﯚﺯﯨﻼ ﺟﻪﻣﯩﺌﻪﺗﭽﯜﻥ ﺋﻮﺑﺪﺍﻥ ﺗﯚﮬﭙﻪ ﻗﻮﺷﻘﺎﻧﻐﺎ ﺑﺎﺭﺍﯞﻩﺭ ﺩﯦﮕﻪﻧﮕﻪ ﺋﻮﺧﺸﺎﭖ ﻛﯧﺘﯩﺪﯨﻐﺎﻥ ﺑﯩﺮ ﻗﺎﺋﯩﺪﻩ ﺋﯩﺪﻯ . ﺋﯘﻧﯩﯔ ﮬﺎﺯﯨﺮﭼﻪ ﻧﯧﻤﻪ ﺋﯜﭼﯜﻥ ﺋﯩﺰﺩﯨﻨﯩﺸﺘﻪ ﻳﻮﻗﻠﯩﻘﻰ ﻧﺎﻣﻪﻟﯘﻡ .ﻟﯧﻜﯩﻦ ﻣﻪﻳﻠﻰ ﺋﯘ ﺑﺎﺭ ﻳﺎﻛﻰ ﻳﻮﻕ ﺑﻮﻟﺴﯘﻥ ﺋﯘﻧﯩﯔ ﮬﻪﻗﺪﺍﺩﯨﻠﻠﯩﻘﻰ ﻧﯘﺭﻏﯘﻥ ﺗﻮﺭﺩﺍﺷﻨﻰ ﺗﻪﺭﺑﯩﻴﻠﯩﺪﻯ ، ﺋﯘﻧﯩﯔ ﺭﻭﮬﻰ ﺋﯩﺰﺩﯨﻨﯩﺸﺘﻪ ﻗﺎﻟﺪﻯ . ﺋﻪﻟﯟﻩﺗﺘﻪ ﺑﯘ ﺋﯘﻧﯩﯔ ﺑﺎﺭﻟﯩﻘﯩﻐﺎ ﺗﻪﯓ ﺑﻮﻟﻤﯩﺴﯩﻤﯘ ، ﺋﯘﻧﯩﯔ ﺗﯚﮬﭙﯩﺴﯩﻨﯩﯔ ﺋﯜﺯﯛﻟﻤﻪﻳﺪﯨﻐﺎﻧﻠﯩﻘﯩﻐﺎ ﺋﯩﺸﺎﺭﻩ ﺑﻮﻟﺪﻯ . ﺑﯩﺰ ﺋﻪﯓ ﺋﺎﯞﯞﺍﻝ ﺋﯘﻧﯩﯔ ﺗﯧﻨﯩﮕﻪ ﺳﺎﻻﻣﻪﺗﻠﯩﻚ ﺗﯩﻠﻪﺵ ﺑﯩﻠﻪﻥ ﺑﯩﺮﮔﻪ ﺋﯘﻧﯩﯔ ﺑﺎﺭﻟﯩﻖ ﺋﯩﺸﻠﯩﺮﯨﻨﯩﯔ ﻣﯘﯞﺍﭘﯩﻘﯩﻴﻪﺗﻠﯩﻚ ﺑﻮﻟﯩﺸﯩﻨﻰ ﺋﯜﻣﯜﺕ ﻗﯩﻠﯩﻤﯩﺰ.
ﺟﺎﻟﻼﺗﻨﯩﯔ ﮔﯧﭙﻰ ﭼﯩﻘﺴﯩﻼ ﺩﺍﺋﯩﻢ ﻏﻪﻟﯩﺘﻪ ﺗﻪﭘﻪﻛﻜﯘﺭ ﻗﯩﻠﯩﺪﯨﻐﺎﻥ ، ﻏﻪﻟﯩﺘﻪ ﺷﺌﯧﺮﻻﺭﻧﻰ ﻳﯧﺰﯨﭗ ﻛﯩﺸﯩﻨﻰ ﺋﯩﻨﭽﯩﻜﯩﻠﻪﭖ ﺋﻮﻗﯘﺷﻘﺎ ﻣﻪﺟﺒﯘﺭﻻﭖ ﺋﺎﺩﻩﻣﻨﻰ ﮬﺎﺭﺩﯗﺭﯨﯟﯨﺘﯩﻐﺎﻥ ﺑﯘ ﭘﻪﺯﯨﻠﻪﺗﻠﯩﻚ ﺗﻮﺭ ﺋﺎﺩﯨﻤﯩﮕﻪ ﮬﻪﻣﻤﻪ ﻗﺎﻳﯩﻞ ﺑﻮﻟﻤﺎﻱ ﺗﯘﺭﺍﻟﻤﺎﻳﺪﯗ . ﺋﯘﻧﯩﯔ ﺷﺌﯧﺮﻟﯩﺮﯨﺪﯨﻦ ﺗﯧﻤﯩﭗ ﺗﯘﺭﻏﺎﻥ ﺳﻪﻣﯩﻤﯩﻴﻠﯩﻚ ، ﺑﻪﺯﯨﺪﻩ ﮔﻪﭘﻠﯩﺮﯨﺪﯨﻜﻰ ﭘﻮ ﺋﺎﺭﯨﻼﺷﻘﺎﻥ ﻳﺎﻟﻐﺎﻧﭽﯩﻠﯩﻖ ، ﺗﻮﻳﯘﻗﺴﯩﺰ ﻛﯩﺸﯩﻨﯩﯔ ﻛﺎﻟﻠﯩﺴﯩﻐﺎ ﻛﺎﻟﺘﻪﻙ ﺗﻪﻛﻜﻪﻧﺪﻩﻙ ﺗﻪﺳﯩﺮ ﻗﯩﻠﯩﺪﯨﻐﺎﻥ ﯞﻩﮬﯩﻤﯩﻠﯩﻚ ﮔﻪﭖ ﺳﯚﺯﻟﯩﺮﻯ ﺋﯘﻧﯩﯔ ﺋﯩﺴﻤﯩﻨﻰ ﻛﯩﺸﯩﻨﯩﯔ ﻗﻪﻟﺒﯩﮕﻪ ﺋﯚﭼﻤﻪﺱ ﻗﯩﻠﯩﭗ ﺋﻮﻳﯩﯟﻩﺗﻤﻪﻱ ﻗﺎﻟﻤﺎﻳﺪﯗ. ﺑﯘ ﺷﯘﻧﺪﺍﻕ ﺋﺎﺩﻩﻣﻜﻰ ﺧﯘﺩﺩﻯ ﺷﺌﯧﺮ ﺋﯜﭼﯜﻧﻼ ﻳﺎﺷﺎﯞﺍﺗﻘﺎﻥ ، ﺑﯘ ﺷﯘﻧﺪﺍﻕ ﺋﺎﺩﻩﻣﻜﻰ ﺋﯘﻧﯩﯖﭽﯜﻥ ﺩﻭﺳﺘﻠﯘﻗﺘﯩﻦ ﻗﯩﻤﻤﻪﺕ ﻧﻪﺭﺳﻪ ﻳﻮﻕ . ﺋﯘ ﺷﯘﻧﺪﺍﻕ ﺋﺎﺩﻩﻣﻜﻰ ﺋﯘﻧﯩﯔ ﺑﻪﺯﻯ ﭼﺎﻗﭽﺎﻕ ﻳﺎﻟﻐﺎﻧﻠﯩﺮﻯ ﺋﯩﭽﯩﺪﯨﻤﯘ ﺳﻪﻣﯩﻤﯩﻴﻠﯩﻚ ﭼﺎﻗﻨﺎﭖ ﺗﯘﺭﯨﺪﯨﻐﺎﻥ .
ﺋﯚﺯﮬﺎﻝ ﺋﻪﭘﻪﻧﺪﯨﻨﯩﯔ ﺑﯩﺮ ﺋﯧﻐﯩﺰ ﮔﯧﭙﻰ ﮬﯧﭻ ﻳﺎﺩﯨﻤﺪﯨﻦ ﭼﯩﻘﻤﺎﻳﺪﯗ : ﺟﺎﮬﺎﻧﺪﯨﻜﻰ ﺑﺎﺭﻟﯩﻖ ﻛﯩﺸﯩﻠﻪﺭﻧﯩﯔ ﻳﺎﻟﻐﺎﻧﭽﯩﻠﯩﻘﯩﻨﻰ ﻛﻪﭼﯜﺭﻩﻟﻤﻪﻳﻤﻪﻥ . ﻟﯧﻜﯩﻦ ﻧﯧﻤﯩﺸﻘﯩﻜﯩﻦ ﺟﺎﻟﻼﺗﻨﯩﯔ ﺑﻪﺯﻩﻥ ﺑﻪﺯﻩﻥ ﺩﻩﭖ ﻗﻮﻳﯩﺪﯨﻐﺎﻥ "ﻳﺎﻟﻐﺎﻥ"ﻟﯩﺮﻯ ﻣﺎﯕﺎ ﮬﯧﭻ ﮔﻪﭖ ﺋﻪﻣﻪﺱ ، ﻣﻪﻥ ﺑﯘ ﺟﻪﮬﻪﺗﺘﻪ ﭘﻪﻗﻪﺕ ﺋﯘﻧﯩﻼ ﻛﻪﭼﯜﺭﯨﻤﻪﻥ!...
ﺑﯘ ﺳﯚﺯﻧﯩﯔ ﺳﻪﯞﻩﺑﻰ ﮬﻪﻗﻘﯩﺪﻩ ﺧﯧﻠﻰ ﺋﻮﻳﻼﺷﺘﯩﻢ . ﭼﯜﻧﻜﻰ ﻧﻪﺯﯨﺮﯨﻤﺪﻩ ﺋﯚﺯﮬﺎﻝ ﺗﯘﺗﺮﯗﻗﺴﯩﺰ ﭘﺎﺭﺍﯕﻨﻰ ﻗﻪﺗﺌﻰ ﻗﯩﻠﻤﺎﻳﺪﯨﻐﺎﻧﻼﺭﺩﯨﻦ ﺋﯩﺪﻯ . ﮔﻪﺭﭼﻪ ﺩﯗﻧﻴﺎﺩﺍ ﻣﻪﻳﻠﻰ ﺩﻭﺳﺖ ﻣﻪﻳﻠﻰ ﻗﯧﺮﯨﻨﺪﺍﺷﻼﺭ ﺋﺎﺭﺍ ﮬﯧﭽﻜﯩﻢ ﺑﻪﺯﻩﻥ ﻳﺎﻟﻐﺎﻥ ﮔﻪﭖ ﻗﯩﻠﯩﺸﺘﯩﻦ ﭘﺎﻙ ﺑﻮﻻﻟﻤﯩﺴﯩﻤﯘ ، ﺟﺎﻟﻼﺗﻨﯩﯔ ﮬﻪﺭﻗﺎﻧﺪﺍﻕ ﮔﯧﭙﻰ ﺑﺎﺷﻘﯩﻼﺭﺩﯨﻦ ﮬﻪﻗﯩﻘﻪﺗﻪﻥ ﭘﻪﺭﯨﻘﻠﯩﻨﻪﺗﺘﻰ . ﺋﯘﻧﯩﯔ ﮬﻪﺗﺘﺎﻛﻰ ﭼﺎﻗﭽﺎﻕ ﺋﺎﺭﯨﻼﺵ ﺩﯦﮕﻪﻥ ﺑﯩﺮﺍﺳﺖ ﮔﻪﭘﻠﯩﺮﻯ ﺑﻮﻟﺴﯘﻥ ﻳﺎﻛﻰ ﻣﯘﻧﺪﺍﻗﻼ ﺩﻩﭖ ﻗﻮﻳﻐﺎﻥ ﺋﺎﺩﻩﺗﺘﯩﻜﻰ ﺳﯚﺯﻟﯩﺮﻯ ﺑﻮﻟﺴﯘﻥ ﮬﻪﻣﻤﯩﺴﯩﺪﯨﻨﻼ ﺳﻪﻣﯩﻤﯩﻴﻠﯩﻚ ﺗﯧﻤﯩﭗ ﺗﯘﺭﺍﺗﺘﻰ . ﺑﻪﻟﻜﯩﻢ ﺑﯘ ﺋﯚﺯﻯ ﺳﯚﻳﮕﻪﻥ ﺷﺌﯧﺮ ﺭﻭﮬﯩﻨﯩﯔ ﺋﯘﻧﯩﯖﻐﺎ ﺑﻪﺭﮔﻪﻥ ﺳﻮﯞﻏﯩﺴﻰ ﺑﻮﻟﺴﺎ ﻛﯧﺮﻩﻙ .
ﮬﯧﻠﯩﻐﯩﭽﻪ ﺋﯧﺴﯩﻤﺪﯨﻦ ﭼﯩﻘﻤﺎﻳﺪﯗ ،ﺟﻪﻧﯘﭘﺘﯩﻜﻰ ﺑﯩﺮ ﺋﺎﻳﻠﯩﻖ ﺳﻪﭘﯩﺮﯨﻢ ﻗﻪﺷﻘﻪﺭﮔﻪ ﺩﺍﯞﺍﻡ ﻗﯩﻠﻐﯩﻨﯩﺪﺍ ، 5ﻳﺎﺷﺘﯩﻦ ﺑﺎﺷﻼﭖ ﭼﻮﯓ ﺑﻮﻟﻐﺎﻥ ﺋﺎﻏﯩﻨﻪﻣﻨﻰ ﻗﻮﻳﯘﭖ ﺗﯧﺨﻰ ﻛﯚﺭﯛﺷﯜﭘﻤﯘ ﺑﺎﻗﻤﯩﻐﺎﻥ ﺟﺎﻟﻼﺗﻨﻰ ﻛﯚﺭﯛﺷﻨﻰ ﺋﯩﺰﻟﻪﭖ ﻳﻪﻛﻪﻧﮕﻪ ﺑﺎﺭﻏﯩﻨﯩﻢ . ﺳﺎﺋﻪﺕ 1ﮔﯩﭽﻪ ﺩﺍﯞﺍﻣﻼﺷﻘﺎﻥ ﺳﻪﻣﯩﻤﻰ ﺳﯚﮬﺒﻪﺗﺘﯩﻦ ﺑﯘ ﻗﺎﺭﺍﺭﯨﻤﻨﯩﯔ ﺗﻮﻟﯩﻤﯘ ﺗﻮﻏﺮﺍ ﺑﻮﻟﻐﺎﻧﻠﯩﻘﻰ ﺋﯩﺴﭙﺎﺗﻼﻧﺪﻯ . ...ﺩﯦﻤﻪﻙ ﻛﯚﭖ ﺳﯚﺯﻟﻪﺵ ﺑﯩﮭﺎﺟﻪﺕ ...ﺋﯘﻧﯩﯔ ﺋﺎﺩﯨﻤﯩﻠﯩﻜﻰ ﺋﯘﻧﯩﯔ ﮬﺎﻳﺎﺗﯩﻨﻰ ﺷﺌﯧﺮ ﻗﯩﭗ ﻳﺎﺯﻣﺎﻗﺘﺎ . ﺷﯘﯕﻼﺷﻘﺎ ﺋﯘﻧﯩﯔ ﺋﯩﺰﺩﯨﻨﯩﺸﺘﻪ ﺗﻮﻳﯘﻗﺴﯩﺰ ﺑﻮﻟﻐﺎﻥ ﭘﻪﻳﺪﺍﺳﯩﺪﯨﻦ ﺑﺎﺷﻼﭖ ﮬﺎﺯﯨﺮﻏﯩﭽﻪ ﺋﯩﺰﺩﯨﻨﯩﺸﺘﯩﻜﯩﻠﻪﺭﻧﯩﯔ ﭘﯩﺴﺨﯩﻜﯩﺴﯩﻐﯩﻤﯘ ﺗﻪﺳﯩﺮﻯ ﺋﺎﺯ ﺑﻮﻟﻤﯩﺪﻯ ﺩﻩﭖ ﺋﻮﻳﻼﻳﻤﻪﻥ.
ﮬﯩﭻ ﺑﻮﻟﻤﯩﻐﺎﻧﺪﺍ ، ﺋﯘ ﺋﯩﺰﺩﯨﻨﯩﺶ ﺗﻮﺭﯨﻨﯩﯔ ﺑﯩﺮ ﺑﯚﻟﯜﻙ ﺋﻪﺯﺍﻟﯩﺮﯨﻨﯩﯔ ﯞﻩﻛﯩﻠﻠﯩﺮﯨﺪﯨﻦ ﺑﯘﻻﻟﯩﺪﻯ . ﺋﯘﻧﯩﯔ ﮬﻪﻗﻘﯩﺪﻩ ﺑﻮﻟﻐﺎﻥ ﺑﯩﺮ ﺋﯘﭼﯘﻡ ﻣﯘﻧﺎﺯﯨﺮﯨﻠﻪﺭ ﺑﯩﺮ ﭼﺎﻏﻼﺭﺩﺍ ﺋﯩﺰﺩﯨﻨﯩﺸﺘﯩﻜﻰ ﺋﻪﯓ ﻗﯩﺰﯨﻖ ﺗﯧﻤﯩﻼﺭﻍ ﺋﺎﻳﻼﻧﺪﻯ . ﺋﯘﻧﯩﯖﻐﺎ ﺑﯧﺮﯨﻠﮕﻪﻥ ﺩﻩﺷﻨﺎﻡ ﯞﻩ ﻧﺎﮬﻪﺕ ﺗﯩﻠﻼﺭﻏﺎ ﺋﯘ ﺋﯩﺰﭼﯩﻞ ﺳﯜﻛﯜﺕ ﻗﯩﻠﯩﭗ ﻳﺎﻛﻰ ﺳﻮﻏﯘﻗﻘﺎﻥ ﭘﻮﺯﯨﺘﺴﯩﻴﺪﻩ ﺑﻮﻻﻟﯩﺪﻯ . ﻣﺎﻧﺎ ﻳﯘﻗﺎﺭﻗﻰ ﺟﻪﮬﻪﺗﻠﻪﺭﺩﻩ ﺑﯩﺰ ﮬﻪﺭﯞﺍﻗﺖ ﻳﻪﻧﻪ ﺋﯘﻧﯩﯖﺪﯨﻦ ﺋﯜﮔﻪﻧﺴﻪﻙ ﺑﻮﻟﯩﺪﯗ .
ﺋﯘ ﺗﻮﻏﺮﯗﻟﯘﻕ ﻗﺎﻟﻐﺎﻥ ﺑﺎﻳﺎﻧﻼﺭﻧﻰ ﻣﺎﻗﺎﻟﯩﻤﯩﺰﻧﯩﯔ "ﺳﯘﻣﺮﯗﻍ ﮬﻪﻗﻘﯩﺪﻩ"ﻛﻰ ﺑﻮﻟﯩﻜﯩﺪﻩ ﺋﯩﺸﯩﺘﻜﻪﻳﺴﯩﺰ!
ﻣﺎﻗﺎﻟﯩﻤﯩﺰ ﻛﯩﺸﻰ ﮬﻪﻗﻘﯩﺪﻩ ﺑﺎﮬﺎﻻﺭﻏﺎ ﺯﯨﻴﺎﺩﻩ ﺑﯧﺮﯨﻠﯩﺸﺘﯩﻦ ﺑﯘﺭﯗﻥ ﻳﻪﻧﯩﻼ ﺗﻮﺧﺘﯩﺘﯩﯟﯨﻼﻱ. ﺗﯚﯞﻩﻧﺪﻩ ﺋﯩﺰﺩﯨﻨﯩﺶ ﺗﻮﺭﯨﻨﯩﯔ ﺗﻪﺭﻩﻗﻘﯩﻴﺎﺗﯩﺪﯨﻜﻰ ﻛﻪﻣﭽﯩﻠﯩﻜﻰ ﮬﻪﻗﻘﯩﺪﻩ ﻗﯩﺴﻘﺎ ﺗﻮﺧﺘﯩﻠﯩﻤﻪﻥ :
ﺗﻮﺭ ﺋﻪﺩﻩﺑﯩﻴﺎﺗﯩﻨﯩﯔ ﺋﯩﻨﺎﯞﯨﺘﯩﻨﻰ ﭼﯜﺷﯜﺭﯛﯞﺍﺗﻘﯩﻨﻰ ﻳﻪﻧﯩﻼ \"ﺳﺎﺭﺍﯕﻼﺭ ﺳﺎﻟﻮﻧﻰ\" ، ﺷﯘﻧﺪﺍﻗﻼ ﺑﯩﺮ ﻗﯩﺴﯩﻢ ﺗﻮﺭ ﺯﻭﻣﯩﮕﻪﺭﻟﯩﺮﯨﺪﯗﺭ. ﺗﻮﺭ ﺋﻪﺩﻩﺑﯩﻴﺎﺗﯩﻨﯩﯔ ﺋﯩﻨﺎﯞﯨﺘﯩﻨﻰ ﻛﯚﺗﯜﺭﯛﯞﺍﺗﻘﯩﻨﻰ ﻳﻪﻧﯩﻼ ﺳﯘﻣﺮﯗﻍ،ﺋﯩﺰﺩﻩﻥ . ﺩﺍﯞﺍﻣﻰ... ﺗﻮﺭ ﺩﯨﮕﻪﻥ ﺷﯘﻧﺪﺍﻙ ﻧﯩﻤﻪ ﺩﯨﺴﻪ ﺩﻩﻳﺪﯨﻐﺎﻥ ﻳﻪﺭ ، ﻣﯜﺷﯜﻛﻨﻰ ﮬﺎﺭﯞﯨﻐﺎ ﻗﺎﺗﺴﺎ ﻛﺎﺭﯨﯟﺍﺗﻨﯩﯔ ﺋﺎﺳﺘﯩﻐﺎ ﺳﯚﺭﻩﭘﺘﯘ ﺩﻩﭖ ﺗﻮﺭ ﺩﯨﮕﻪﻥ ﺋﻪﺩﻩﺑﯩﻴﺎﺗﻼ ﺑﺎﺭ ﻳﻪﺭ ﺩﻩﭖ ﻛﯩﻢ ﺩﻩﻳﺪﯗ ؟ ﺋﯩﺰﺩﯨﻨﯩﺸﺘﯩﻜﻰ ﺧﻮﺷﺎﻟﻠﯩﻨﺎﺭﻟﯩﻖ ﻧﻪﺗﯩﺠﻪ :
ﺧﯘﺩﺩﻯ ﻳﯘﻗﺎﺭﺩﺍ ﺋﯧﻴﺘﻘﯩﻨﯩﻤﯩﺰﺩﻩﻙ ﺋﯩﺰﺩﯨﻨﯩﺶ ﻣﺎﯕﻐﺎﻧﺴﯩﺮﻯ ﺗﺎﯞﻟﯩﻨﯩﭗ ﻳﯘﻗﯩﺮﻯ ﻧﻪﺗﯩﺠﯩﻠﻪﺭﻧﻰ ﻗﻮﻟﻐﺎ ﻛﻪﻟﺘﯜﺭﺩﻯ . ﺑﯘ ﺗﯚﯞﻩﻧﺪﯨﻜﻰ ﺑﯩﺮﻗﺎﻧﭽﻪ ﺟﻪﮬﻪﺗﺘﻪ ﺋﯩﭙﺎﺩﯨﻠﯩﻨﯩﺪﯗ.
1.ﻳﯘﻗﯩﺮﻯ ﺗﯚﯞﻩﻥ ﺑﺎﺷﻘﯘﺭﻏﯘﭼﯩﻼﺭ ﺋﺎﺭﯨﺴﯩﺪﯨﻜﻰ ﺳﺎﭘﺎ ﺋﺎﺭﺗﯘﻗﭽﯩﻠﯩﻘﻰ . ﺑﺎﺷﻘﯘﺭﻏﯘﭼﯩﻼﺭﻧﯩﯔ ﭘﯩﻜﯩﺮ ﺑﯩﺮﺩﻩﻛﻠﯩﻜﻰ ﺑﯩﻠﻪﻥ ﺑﯩﻠﻠﻪ ﺋﯘﻻﺭﻧﯩﯔ ﮬﻪﺭﺋﯩﺸﻼﺭﺩﯨﻜﻰ ﺋﯧﻐﯩﺮ ﺑﯧﺴﯩﻘﻠﯩﻘﻠﯩﻘﻰ ، ﮬﻪﺭﯞﺍﻗﺖ ﻣﻪﺟﺒﯘﺭﯨﻴﺘﯩﻨﻰ ﺋﯘﻧﺘﯘﭖ ﻗﺎﻟﻤﺎﺳﻠﯩﻘﺘﻪﻙ ﺭﻭﮬﻰ ﺋﯩﺰﺩﯨﻨﯩﺸﻘﺎ ﻧﯘﺭﺍﻧﻪ ﺑﯩﺮ ﭼﯩﺮﺍﻕ ﻳﯧﻘﯩﭗ ﺗﯘﺭﺩﻯ.
2.ﺋﯩﺰﭼﯩﻞ ﺋﯩﺰﺩﯨﻨﯩﺸﻨﻰ ﺳﯚﻳﯜﭖ ﻛﯧﻠﯩﯟﺍﺗﻘﺎﻥ ﺋﺎﺑﻮﻧﺘﻼﺭﻧﯩﯔ ﻛﯚﭘﻠﯩﻜﻰ . ﺑﯘ ﮬﻪﺭﺑﯩﺮ ﺗﻮﺭ ﺑﯧﻜﻪﺗﻨﯩﯔ ﺑﺎﺵ ﻧﯩﺸﺎﻧﻰ ﺋﯩﺪﻯ. ﮬﺎﻟﺒﯘﻛﻰ ﺋﯩﺰﺩﯨﻨﯩﺶ ﺗﻮﺭﻯ ﺋﺎﻟﻠﯩﻘﺎﭼﺎﻥ ﺑﯘ ﺟﻪﮬﻪﺗﺘﻪ ﺭﯨﻜﻮﺭﺕ ﻳﺎﺭﺍﺗﺘﻰ!
3.ﺋﯘﺭﯗﺵ ﻣﺎﺟﺮﺍ ﻛﯚﯕﯜﻟﺴﯩﺰﻟﯩﻜﻠﻪﺭﻧﯩﯔ ﺩﻩﻝ ﯞﺍﻗﺘﯩﺪﺍ ﮬﻪﻝ ﻗﯩﻠﯩﻨﯩﺸﻰ . ﻧﯩﮭﺎﻳﻪﺗﻜﻰ ﺋﯘﺭﯗﺵ ﺟﯩﺪﻩﻝ ،ﻛﯚﯕﯜﻟﺴﯩﺰﻟﯩﻜﻨﯩﯔ ﺋﺎﺯ ﺑﻮﻟﯘﺷﻰ ﺋﯩﺰﺩﯨﻨﯩﺸﻨﯩﯔ ﺗﻮﺭ ﺑﻪﺗﻠﻪﺭ ﺋﯩﭽﯩﺪﯨﻜﻰ ﺋﯩﻨﺎﯞﯨﺘﯩﻨﻰ ﺭﺍﯞﯗﺭﯗﺱ ﻛﯚﺗﯜﺭﺩﻯ.
4.ﺋﻪﮬﻤﯩﻴﻪﺗﺴﯩﺰ ﺗﯧﻤﯩﻼﺭﻧﯩﯔ ﺑﯩﺮﺩﻩﻙ ﺭﻩﺕ ﻗﯩﻠﯩﻨﯩﺸﻰ .ﮔﻪﺭﭼﻪ ﺑﯘ ﻳﯧﯖﻰ ﺗﻮﺭﺩﺍﺷﻼﺭ ﺋﯩﭽﯩﺪﻩ ﻗﯩﺴﻤﻪﻥ ﭼﯜﺷﻪﻧﻤﻪﺳﻠﯩﻜﻠﻪﺭﻧﻰ ﻛﯧﻠﯩﭗ ﭼﯩﻘﺎﺭﻏﺎﻥ ﺑﻮﻟﺴﯩﻤﯘ ،ﻟﯧﻜﯩﻦ ﺋﯩﺰﺩﯨﻨﯩﺸﻨﯩﯔ ﺑﯩﺒﺎﮬﺎ ﻗﺎﻣﯘﺱ ﺑﻮﻟﯩﺸﯩﻐﺎ ﻳﻮﻝ ﺋﺎﭼﺘﻰ .
5.ﺋﯩﺰﭼﯩﻞ ﺗﻪﺭﻩﻗﻘﯩﻴﺎﺕ ﺋﯩﺰﺩﯨﻨﯩﺸﻨﻰ ﺑﯩﺮ ﻗﯩﺴﯩﻢ \"ﻧﻮﭘﯘﺱ\"ﺗﯩﻦ ﻗﻮﺭﻗﻤﺎﻳﺪﯨﻐﺎﻥ ،ﺩﺍﺩﯨﻞ ﭘﯩﻜﯩﺮ ﻗﯩﻼﻻﻳﺪﯨﻐﺎﻥ ﮬﻪﻗﻘﺎﻧﯩﻴﻪﺕ ﺗﯘﻳﻐﯘﺳﻰ ﻛﯜﭼﻠﯜﻙ ﺗﻮﺭﺩﺍﺷﻼﺭﻧﻰ ﻣﻪﻳﺪﺍﻧﻐﺎ ﻛﻪﻟﺘﯜﺭﺩﻯ. ﺑﯘﻻﺭ ﺟﯧﻚ ، ﺑﯩﻜﺎﺭﭼﻰ ...ﻗﺎﺗﺎﺭﻟﯩﻖ ﻧﯘﺭﻏﯘﻥ ﺗﻮﺭﺩﺍﺷﻼﺭﻧﯩﯔ ﺋﻪﻣﯩﻠﯩﻴﺘﯩﺪﻩ ﺋﻮﺑﺪﺍﻥ ﺋﯩﺴﭙﺎﺗﻼﻧﺪﻯ.ﺷﯘﻧﺪﺍﻗﻼ ﺑﯘ ﺧﯩﻞ ﻛﻪﻳﭙﯩﻴﺎﺕ ﺋﯩﺰﺩﯨﻨﯩﺸﻨﯩﯔ ﻛﻪﻡ ﺑﻮﻟﺴﺎ ﺑﻮﻟﻤﺎﻳﺪﯨﻐﺎﻥ ﺗﯜﯞﺭﯨﻜﯩﻨﻰ ﺷﻪﻛﯩﻠﻠﻪﻧﺪﯛﺭﺩﻯ.
ﺋﻪﻟﯟﻩﺗﺘﻪ ﺋﯩﺰﺩﯨﻨﯩﺸﻤﯘ ﺋﯚﺯ ﻧﯚﯞﯨﺘﯩﺪﻩ ﺋﻮﺧﺸﺎﺷﻼ ﺑﯩﺮ ﻗﯩﺴﯩﻢ ﻳﯧﺘﻪﺭﺳﯩﺰﻟﯩﻜﻠﻪﺭﺩﯨﻦ ﺧﺎﻟﻰ ﺑﻮﻟﻤﯩﺪﻯ. ﮔﻪﺭﭼﻪ ﺑﯘ ﺋﯩﺸﻼﺭﻧﯩﯔ ﺑﯩﺮ ﻗﯩﺴﻤﯩﺪﺍ ﻣﯧﻨﯩﯖﻤﯘ ﺑﺎﺵ ﺗﺎﺭﺗﯩﭗ ﺑﻮﻟﻤﺎﻳﺪﯨﻐﺎﻥ ﻣﻪﺳﺌﯘﻟﯩﻴﺘﯩﻢ ﺑﻮﻟﺴﯩﻤﯘ ،ﻟﯧﻜﯩﻦ ﺑﯜﮔﯜﻥ 3-ﺷﻪﺧﺲ ﻧﺎﻣﯩﺪﺍ ﺗﯘﺭﯗﭖ ﮬﯧﺲ ﻗﯩﻠﻐﺎﻧﻠﯩﺮﯨﻤﻨﻰ ﺋﯧﭽﯩﭗ ﺗﺎﺷﻼﺷﻨﻰ ﻣﯘﯞﺍﭘﯩﻖ ﻛﯚﺭﺩﯛﻡ :
1.ﺋﯩﺰﺩﯨﻨﯩﺶ ﺑﺎﺵ ﺑﯧﺘﯩﻨﯩﯔ ﮬﺎﺯﯨﺮﻏﯩﭽﻪ ﻣﯘﻛﻪﻣﻤﻪﻝ ،ﺭﻩﯕﺪﺍﺭ ﻗﯩﻠﯩﭗ ﺋﯩﺸﻠﯩﻨﯩﻠﻤﻪﺳﻠﯩﻜﻰ ﺋﻪﯓ ﻛﯚﺭﯛﻧﻪﺭﻟﯩﻚ ﺳﻪﯞﻩﻧﻠﯩﻚ ﮬﯧﺴﺎﭘﻠﯩﻨﯩﺪﯗ. ﺋﯩﺰﺩﯨﻨﯩﺶ ﺗﻮﺭﯨﺪﯨﻦ ﺋﯩﺒﺎﺭﻩﺕ ﺯﯨﻴﺎﺭﻩﺕ ﻗﯧﺘﯩﻢ ﺳﺎﻧﻰ ﺋﻪﯓ ﻛﯚﭖ ﺑﻮﻟﻐﺎﻥ ﺑﯩﺮ ﺗﻮﺭ ﺑﯧﻜﻪﺗﻨﯩﯔ ﺑﺎﺵ ﺑﯧﺘﯩﻨﯩﯔ ﺭﻩﯕﺪﺍﺭ ﺟﻪﻟﯩﭗ ﻗﯩﻼﺭﻟﯩﻖ ﺑﻮﻻﻟﻤﯩﻐﺎﻧﻠﯩﻘﻰ ﻛﯩﺸﯩﻨﻰ ﯸﭽﯩﻨﺪﯛﺭﯨﺪﯗ .ﺋﻪﭘﺴﯘﺳﻜﻰ ﺑﯘ ﻣﻪﺳﻠﻪ ﺑﯧﻜﻪﺕ ﺑﺎﺷﻠﯩﻘﯩﻨﯩﯔ ﺋﺎﻟﺪﯨﺮﺍﺷﻠﯩﻘﯩﺪﯨﻨﻤﯘ ﻳﺎﻛﻰ ﻗﯩﺰﯨﻘﻤﺎﺳﻠﯩﻘﯩﺪﯨﻨﻤﯘ ﺋﻪﻳﺘﺎﯞﯗﺭ ﮬﺎﺯﯨﺮﻏﯩﭽﻪ ﮬﻪﻝ ﺑﻮﻟﻤﺎﻱ ﻛﻪﻟﺪﻯ. ﺋﻪﺳﻠﻰ ﺋﯩﺰﺩﯨﻨﯩﺶ ﺑﺎﺵ ﺑﯧﺘﯩﻤﯘ ﺩﯨﻴﺎﺭﯨﻢ ،ﺳﻪﻟﻜﯩﻦ ﻗﺎﺗﺎﺭﻟﯩﻘﻼﺭﻏﺎ ﺋﻮﺧﺸﺎﺵ ﻛﯚﭖ ﻣﻪﺯﻣﯘﻥ ﻣﯘﺟﻪﺳﺴﻪﻣﻠﻪﻧﮕﻪﻥ ﭼﯩﺮﺍﻳﻠﯩﻖ ﻗﯩﻠﯩﭗ ﺋﯩﺸﻠﻪﻧﮕﻪﻥ ﺑﻮﻟﺴﺎ ﺗﯧﺨﯩﻤﯘ \"ﮔﯜﻝ ﮔﯜﻟﯩﮕﻪ \"ﻛﻪﻟﮕﻪﻥ ﺑﻮﻻﺗﺘﻰ . ﺑﯘ ﺟﻪﮬﻪﺗﺘﻪ ﺋﯩﺰﺩﯨﻨﯩﺶ ﺋﻪﭘﻪﻧﺪﯨﻨﯩﯔ ﻳﻪﻧﯩﻤﯘ ﺗﯩﺮﯨﺸﯩﺸﯩﻐﺎ ﺗﻮﻏﺮﺍ ﻛﯧﻠﯩﺪﯗ.
2.ﺋﯩﺰﺩﯨﻨﯩﺸﻨﯩﯔ ﺋﯩﻘﺘﯩﺴﺎﺩﻯ ﻣﻪﻧﺒﻪﺳﯩﻨﯩﯔ ﺗﻮﻟﯘﻕ ﮬﻪﻝ ﺑﻮﻟﻤﺎﺳﻠﯩﻘﻰ .ﮬﻪﻣﻤﯩﮕﻪ ﻣﻪﻟﯘﻡ :ﺗﻮﺭ ﺑﻪﺗﻨﯩﯔ ﭼﯩﻘﯩﻤﯘ ﺋﺎﺩﺩﻯ ﭼﯩﻘﯩﻢ ﺋﻪﻣﻪﺱ ...ﻟﯧﻜﯩﻦ ﺑﯘ ﭼﯩﻘﯩﻢ ﺋﯩﺰﭼﯩﻞ ﺋﯩﺰﺩﯨﻨﯩﺶ ﺋﻪﭘﻪﻧﺪﯨﻨﯩﯔ ﻳﺎﻧﭽﯘﻗﯩﺪﯨﻦ ﭼﯩﻘﯩﭗ ﻛﻪﻟﺪﻯ . ﻗﺎﺗﺘﯩﻖ ﺭﯨﻘﺎﺑﻪﺗﻜﻪ ﺋﺎﻳﻠﯩﻨﯩﯟﺍﺗﻘﺎﻥ ﺋﯩﻘﺘﯩﺴﺎﺩﻯ ﺟﻪﻣﯩﺌﻪﺗﺘﻪ ﺑﯘﻣﯘ ﺋﺎﺯ ﺑﯧﺴﯩﻢ ﺋﻪﻣﻪﺱ ﺋﻪﻟﯟﻩﺗﺘﻪ.
ﺑﯘ ﻳﻪﺭﺩﻩ ﺗﻮﺭﺩﺍﺵ ﺟﺎﻟﻼﺕ ﺋﻪﭘﻪﻧﺪﯨﻨﯩﯔ ﺗﯚﯞﻩﻧﺪﯨﻜﻰ ﮔﯧﭙﯩﻨﻰ ﻗﯩﺴﺘﯘﺭﻏﯘﻡ ﻛﯧﻠﯩﯟﺍﺗﯩﺪﯗ:
-ﺗﻮﺧﺘﺎﺧﯘﻧﻐﺎ ﮬﻪﻗﯩﻘﻰ ﻗﻮﻝ ﻗﻮﻳﺪﯗﻡ ، ﺋﻪﻣﯩﻠﯩﻴﻪﺗﺘﻪ ﺋﯩﺰﺩﯨﻨﯩﺸﻜﻪ ﺋﯧﻼﻥ ﻗﻮﻳﺴﺎ ﻧﺎﮬﺎﻳﯩﺘﻰ ﻛﯚﭖ ﭘﯘﻝ ﺗﺎﭘﻘﯩﻠﻰ ﺑﻮﻻﺗﺘﻰ . ﺋﻪﻣﻤﺎ ﺋﯘ ﺋﯩﺰﭼﯩﻞ ﺑﯘﻧﺪﺍﻕ ﻗﯩﻠﯩﺸﻨﻰ ﺧﺎﻟﯩﻤﯩﺪﻯ ﻳﺎﻛﻰ ﻗﯩﺰﯨﻘﻤﯩﺪﻯ!
ﺷﯘﻧﺪﺍﻕ ،ﻣﯧﻨﯩﯖﭽﻪ ﺋﯩﺰﺩﯨﻨﯩﺶ ﺋﻪﺳﻠﯩﺪﻩ ﭘﯜﺗﯜﻧﻠﻪﻱ ﺑﯩﺮ ﺗﻮﺭ ﺋﯘﭼﯘﺭ ﺷﯩﺮﻛﯩﺘﯩﮕﻪ ﺋﺎﻳﻠﯩﻨﯩﺶ ﺋﯩﻤﻜﺎﻧﯩﻴﺘﻰ ﺑﺎﺭ ﺋﯩﺪﻯ ...ﮬﯧﻠﯩﻤﯘ ﮬﻪﻡ ﺷﯘﻧﺪﺍﻕ.ﺷﯘﻧﯩﯔ ﺋﯜﭼﯜﻥ ﻳﻪﻧﯩﻤﯘ ﻣﯘﻛﻪﻣﻤﻪﻝ ﺗﻪﺭﻩﻗﻘﯩﻴﺎﺕ ﺋﺎﺳﺎﺳﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﺋﯜﭼﯜﻥ ﺋﯩﺰﺩﯨﻨﯩﺶ ﺋﻪﭘﻪﻧﺪﻯ ﺑﯘ ﻧﯘﻗﺘﯩﻐﺎ ﺩﯨﻘﻘﻪﺕ ﻗﯩﻠﻤﯩﺴﺎ ﻗﻪﺗﺌﻰ ﺑﻮﻟﻤﺎﻳﺪﯗ . ﺑﯘ ﯞﻩﮬﯩﻤﯩﻠﯩﻚ ﮔﻪﭖ ﺋﻪﻣﻪﺱ ...ﻣﯘﻛﻪﻣﻤﻪﻝ ﺋﯩﻘﺘﯩﺴﺎﺩﻯ ﺋﺎﺳﺎﺳﻰ ﺑﻮﻟﻤﯩﻐﺎﻥ ﺗﻮﺭﺑﻪﺗﻨﯩﯔ ﺗﻪﺭﻩﻗﻘﯩﻴﺎﺕ ﺋﺎﺳﺎﺳﯩﻤﯘ ﻛﯚﭘﯜﻙ ﺑﻮﭖ ﻗﯧﻠﯩﺸﻰ ﻣﯜﻣﻜﯩﻦ .
3.ﺋﯩﺰﺩﯨﻨﯩﺶ ﺗﻮﺭﻯ ﮬﯧﭽﺒﯩﺮ ﺗﯘﺗﺎﻣﻐﺎ ﭼﯩﻘﻘﯘﺩﻩﻙ ﺳﻪﯞﻩﭘﺴﯩﺰﻻ ﺋﺎﺯ ﺑﯩﺮ ﻗﯩﺴﯩﻢ ﭘﯩﺪﺍﻛﺎﺭ، ﺑﯩﻠﯩﻤﻠﯩﻚ ﺋﯩﻘﺘﯩﺪﺍﺭﻟﯩﻖ ﺯﯨﻴﺎﻟﻰ ﺗﻮﺭﺩﺍﺷﻼﺭﻧﻰ ﻗﻮﻟﺪﯨﻦ ﺑﯧﺮﯨﭗ ﻗﻮﻳﺪﻯ.ﮔﻪﺭﭼﻪ ﺑﯘﻧﯩﯔ ﺋﺎﺭﻗﯩﺴﯩﺪﺍ ﺑﻪﺯﯨﻠﻪﺭﻧﯩﯔ ﺋﻮﻳﻨﺎﯞﺍﺗﻘﺎﻥ ﺋﻮﻳﯘﻧﻰ ﺑﻮﻟﺴﯩﻤﯘ ﻟﯧﻜﯩﻦ ﻧﯧﻤﯩﻼ ﺑﻮﻟﻤﯩﺴﯘﻥ ﺑﯘ ﺳﻪﯞﻩﻧﻠﯩﻚ ﻳﻪﻧﯩﻼ ﺋﯩﺰﺩﯨﻨﯩﺶ ﺗﻮﺭﯨﻐﺎ ﻣﻪﻧﺴﯘﭖ ﺋﯩﺪﻯ . ﭼﯜﻧﻜﻰ ﻳﺎﭘﻮﻧﻼﺭﺩﺍ ﺑﯩﺮ ﮔﻪﭖ ﺑﺎﺭ : ﻳﻮﻗﺎﺗﻘﺎﻧﻜﻪﻧﺴﻪﻥ ﺳﻪﯞﻩﭖ ﻛﯚﺭﺳﻪﺗﻤﻪ ، ﺑﯘ ﺳﯧﻨﯩﯔ ﺧﺎﺗﺎﻟﯩﻘﯩﯔ!...
4.ﺋﯩﺰﺩﯨﻨﯩﺶ ﻣﯘﻧﺒﻪﺭ ﮔﯜﺯﻩﻟﻠﯩﻜﯩﻨﯩﻤﯘﯞﺍﻳﯩﻐﺎ ﻳﻪﺗﻜﻪﻥ ﺩﻳﯩﺸﻜﻪ ﺑﻮﻟﻤﺎﻳﺪﯗ . ﺑﻪﺯﻯ ﺗﻮﺭ ﺑﯧﻜﻪﺗﻠﻪﺭ ﺑﺎﺭ ...ﻛﯩﺮﯨﺪﯨﻐﺎﻥ ﺋﺎﺩﻩﻡ ﻳﻮﻕ ، ﺑﻪﻙ ﭼﯩﺮﺍﻳﻠﯩﻖ ﻳﺎﺳﺎﻟﻐﺎﻥ ، ﻳﻪﻧﻪ ﺑﻪﺯﯨﻠﻪﺭ ﺋﯩﺰﺩﯨﻨﯩﺸﻜﻪ ﺋﻮﺧﺸﺎﺵ ﮬﻪﻣﻤﻪ ﺋﺎﯕﺎ ﺋﺎﺷﯩﻖ ،ﻟﯧﻜﯩﻦ ﺋﺎﻧﭽﻪ ﭼﯩﺮﺍﻳﻠﯩﻖ ﺋﻪﻣﻪﺱ! ﮬﻰ ..ﮬﻰ..ﮬﻰ...ﺑﻪﻟﻜﯩﻢ \"ﺳﻪﺗﻨﯩﯔ ﻣﯧﮭﺮﻯ ﺋﯩﺴﺴﯩﻖ !\"ﺩﯦﮕﻪﻥ ﮔﻪﭖ ﻣﯘﺷﯘ ﺑﻮﻟﺴﺎ ﻛﯧﺮﻩﻙ!ﺋﯩﺰﺩﯨﻨﯩﺸﺘﻪﻙ ﻣﯘﺷﯘﻧﺪﺍﻕ ﺋﻮﺧﭽﯘﭖ ﺗﯘﺭﻏﺎﻥ ﺑﯘﻻﻗﻨﻰ ﮬﺎﻣﯩﻨﻰ ﮔﯜﺯﻩﻝ ﭼﯩﻤﻪﻧﻠﻪﺭ ﺑﯩﻠﻪﻥ ﺑﯧﺰﻩﺵ ﻛﯧﺮﻩﻙ ﺋﯩﺪﻯ. ﺑﯘﻧﯩﯔ ﺋﯜﭼﯜﻥ ﻳﻪﻧﯩﻼ ﺟﺎﭘﺎﻛﻪﺵ ﺋﯩﺰﺩﯨﻨﯩﺶ ﻛﯜﭼﯩﻤﯩﺴﻪ ﺑﻮﻟﻤﯩﻐﯘﺩﻩﻙ!
5.ﺗﻮﺭ ﺑﻪﺗﻠﻪﺭﻧﯩﯔ ﺗﻪﺭﻩﻗﻘﯩﻴﺎﺗﻰ ﺑﻮﻟﯘﭘﻤﯘ ﺋﻪﺩﯨﺒﻰ ﺋﻪﺳﻪﺭﻟﻪﺭ ﻳﻪﻧﯩﻼ ﻛﯚﭖ ﺳﺎﻟﻤﺎﻗﻨﻰ ﺋﯩﮕﻪﻟﻠﻪﻳﺪﯨﻐﺎﻥ ﺋﯩﺰﺩﯨﻨﯩﺸﺘﻪﻙ ﺗﻮﺭﺑﻪﺗﻠﻪﺭ ﺋﺎﻟﻠﯩﺒﯘﺭﯗﻧﻼ ﻣﻪﺗﺒﯘﺋﺎﺗﻼﺭ ﺑﯩﻠﻪﻥ ﮬﻪﻣﻜﺎﺭﻟﯩﻖ ﺋﻮﺭﻧﯩﺘﯩﺸﻰ ﻛﯧﺮﻩﻙ ﺋﯩﺪﻯ. ﻟﯧﻜﯩﻦ ﺑﯩﺮ ﻗﯩﺴﯩﻢ ﺑﯧﻜﻪﺗﻠﻪﺭ ﺑﯘ ﻧﻰ ﺋﯩﺸﻘﺎ ﺋﺎﺷﯘﺭﻏﺎﻥ ﺑﻮﻟﺴﯩﻤﯘ ،ﺋﯩﺰﺩﯨﻨﯩﺶ ﺑﯘ ﺟﻪﮬﻪﺗﺘﻪ ﺋﯘﺗﺘﯘﺭﯗﭖ ﻗﻮﻳﺪﻯ. ﮬﺎﻟﺒﯘﻛﻰ ﺑﯘ ﺋﯩﺶ ﺭﯗﻳﺎﭘﻘﺎ ﭼﯩﻘﺴﺎ ﻣﻪﺗﺒﯘﺋﺎﺗﻼﺭ ﺋﯜﭼﯜﻧﻤﯘ ، ﺋﯩﺰﺩﯨﻨﯩﺶ ﺋﯜﭼﯜﻧﻤﯘ ﺑﻪﻙ ﭘﺎﻳﺪﯨﻠﯩﻖ ﺋﯩﺶ ﺑﻮﻻﺗﺘﻰ . ﺗﻮﺭﺩﺍﺷﻼﺭﻧﯩﯔ ﻗﯩﺰﻏﯩﻨﻠﯩﻘﻰ ﺗﯧﺨﯩﻤﯘ ﺋﺎﺷﺎﺗﺘﻰ .
6.ﺗﻪﺳﺘﯩﻘﻼﻧﻤﯩﻐﺎﻥ ، ﺋﯚﭼﯜﺭﯨﯟﯨﺘﯩﻠﮕﻪﻥ ﺋﻪﺳﻪﺭﻟﻪﺭ ﺋﺎﭘﺘﻮﺭﯨﻐﺎ ﺋﯘﭼﯘﺭ ﺋﻪﯞﻩﺗﯩﭗ ﺳﻪﯞﻩﺑﯩﻨﻰ ﺑﯩﻠﺪﯛﺭﯛﭖ ﻗﻮﻳﯘﺵ ﺋﯩﺸﻘﺎ ﺋﺎﺷﻤﯩﺪﻯ . ﮔﻪﺭﭼﻪ ﺑﯘ ﺋﻮﺧﺸﺎﺷﻼ ﺗﯧﺨﻰ ﮬﯧﭽﻘﺎﻳﺴﻰ ﺑﯧﻜﻪﺗﺘﻪ ﺋﻮﺭﯗﻧﻼﻧﻤﯩﻐﺎﻥ ﺑﻮﻟﺴﯩﻤﯘ ، ﺋﯩﺰﺩﯨﻨﯩﺶ ﺋﻪﻟﯟﻩﺗﺘﻪ ﺑﺎﺷﻼﻣﭽﯩﻠﯩﻖ ﻗﯩﻠﯩﭗ ﺋﯩﺸﻠﻪﺷﻜﻪ ﺗﯧﮕﯩﺸﻠﯩﻚ ﺑﯩﺮ ﺗﻮﺭﺑﻪﺕ ﺋﯩﺪﻯ.ﺑﯘﻧﺪﺍﻕ ﺑﻮﻟﻐﺎﻧﺪﺍ ﺋﯩﺰﺩﯨﻨﯩﺸﺘﺎ ﺧﻪﺕ ﻳﺎﺯﻏﺎﻧﻠﯩﻜﻰ ﻛﯩﺸﯩﻨﯩﯔ ﺋﻪﻣﮕﯩﻜﻰ ﺋﯧﺘﯩﺒﺎﺭﻏﺎ ﺋﯧﻠﯩﻨﯩﭗ ،ﻛﻮﻧﺎ ﻳﯧﯖﻰ ﺗﻮﺭﺩﺍﺷﻼﺭﯞﻩ ﺑﺎﺷﻘﯘﺭﻏﯘﭼﯩﻼﺭ ﺋﺎﺭﯨﺪﯨﻜﻰ ﺋﯩﺸﻪﻧﭻ ﺗﯧﺨﯩﻤﯘ ﺋﺎﺷﺎﺗﺘﻰ .ﮔﻪﺭﭼﻪ ﺑﯘ ﺋﯩﺶ ﺑﺎﺷﻘﯘﺭﻏﯘﭼﯩﻼﺭﺩﯨﻦ ﻳﯘﻗﯩﺮﻯ ﺋﻪﻣﮕﻪﻙ ﯞﻩ ﯞﺍﻗﺖ ﺳﻪﺭﭘﯩﻴﺎﺗﯩﻨﻰ ﺗﻪﻟﻪﭖ ﻗﯩﻠﺴﯩﻤﯘ ، ﺋﯩﺸﯩﻨﯩﻤﯩﺰﻛﻰ ﺋﯩﺰﺩﯨﻨﯩﺸﻨﯩﯔ ﺑﺎﺷﻘﯘﺭﻏﯘﭼﯩﻠﻠﯩﺮﻯ ﺗﻪﺭﯨﭙﯩﺪﯨﻦ ﻛﯚﭖ ﺋﯚﺗﻤﻪﻱ ﺋﻮﺭﯗﻧﻼﻧﻐﯘﺳﻰ!
...ﻳﯘﻗﺎﺭﻗﻰ ﺑﯩﺮﻧﻪﭼﭽﻪ ﺗﯜﺭﻟﯜﻙ ﺋﺎﺭﺗﯘﻗﭽﯩﻠﯩﻖ ﯞﻩ ﻳﯧﺘﻪﺭﺳﯩﺰﻟﯩﻜﻜﻪ ﺋﺎﺳﺎﺳﻪﻥ ﺋﯩﺰﺩﯨﻨﯩﺸﻨﻰ \"ﺋﯧﮕﯩﺰ \"ﺗﻮﺭ ﺑﯧﻜﻪﺕ ﺩﻩﭖ ﺋﺎﺗﺎﺷﻘﺎ ﺑﻮﻟﯩﺪﯗ. ﭼﯜﻧﻜﻰ ﺋﯘﻧﯩﯔ ﺗﯧﻤﺎ ﺗﻪﺳﺘﯩﻘﻼﺷﺘﯩﻜﻰ \"ﺋﻮﻗﯘﺭﻯ ﺋﯧﮕﯩﺰ \"ﻠﯩﻜﻰ ، ﺗﻪﺭﻩﻗﻘﯩﻴﺎﺗﺘﯩﻜﻰ ﺋﯜﺳﺘﯜﻧﻠﯩﻜﻰ ،ﺑﯘ ﻳﻪﺭﺩﻩ ﻳﯧﺘﯩﺸﯩﯟﺍﺗﻘﺎﻥ ﯞﻩ ﺑﯘ ﻳﻪﺭﻧﻰ ﻗﻮﻟﻼﯞﺍﺗﻘﺎﻥ ﺗﻮﺭ ﮔﯧﮕﺎﻧﯩﺘﻠﯩﺮﯨﻨﯩﯔ ﻛﯚﭘﻠﯜﻛﻰ ﻗﺎﺗﺎﺭﻟﯩﻖ ﺋﺎﻣﯩﻠﻼﺭ ﺑﯘ ﺋﺎﺗﺎﻟﻐﯘﻧﻰ ﺗﻪﺳﺘﯩﻘﻠﯩﺸﻰ ﻣﯜﻣﻜﯩﻦ .
ﺷﯘﻧﺪﺍﻕ ،ﮬﻪﺭﺑﯩﺮ ﺗﻮﺭﺩﺍﺵ ﺑﯘ \"ﺋﯧﮕﯩﺰ\"ﺑﯧﻜﻪﺗﻨﯩﯔ ﻳﻪﻧﯩﻤﯘ ﺗﻪﺭﻩﻗﻘﻰ ﻗﯩﻠﯩﺸﯩﻨﻰ ﺳﻪﻣﯩﻤﻰ ﺋﯜﻣﯜﺕ ﻗﯩﻠﯩﻤﯩﺰ!
3.ﺳﯘﻣﺮﯗﻍ ﺗﻮﺭ ﺑﯧﻜﯩﺘﻰ ﮬﻪﻗﻘﯩﺪﻩ
ﺳﯘﻣﺮﯗﻍ ﺗﻮﺭ ﺑﯧﻜﯩﺘﯩﻨﻰ \"ﻣﯧﻐﯩﺰ\"ﺗﻮﺭ ﺑﯧﻜﻪﺕ ﺩﻩﭖ ﺋﺎﺗﺎﺷﻘﺎ ﺑﻮﻟﯩﺪﯗ . ﭼﯜﻧﻜﻰ ﺋﯘ ﺑﯩﺮﻗﻪﺩﻩﺭ ﺳﺎﭘﺎﻟﯩﻖ ﺷﺎﺋﯩﺮ ،ﻳﺎﺯﻏﯘﭼﯩﻼﺭ ﺗﻮﭘﻼﺷﻘﺎﻥ ﺳﺎﭖ ﺋﻪﺩﯨﺒﯩﻴﺎﺕ ﺑﯧﻜﯩﺘﻰ . ﺑﯩﺮ ﭼﺎﻏﻼﺭﺩﺍ ﺟﺎﻟﻼﺕ ﺋﻪﭘﻪﻧﺪﻯ ﺑﺎﺷﭽﯩﻠﯩﻘﯩﺪﺍ ﺋﯘﻧﯩﯖﺪﺍ ﺋﯧﻠﯩﻜﺘﯩﺮﻭﻧﻠﯘﻕ ﮊﻭﺭﻧﺎﻝ ﺋﯩﺸﻠﻪﺵ ﻗﯩﺰﻏﯩﻨﻠﯩﻘﯩﻤﯘ ﻛﯚﺗﯜﺭﯛﻟﮕﻪﻥ . ﻟﯧﻜﯩﻦ ﺑﯘﻧﻰ ﺗﻪﺷﻜﯩﻠﻠﯩﮕﯜﭼﯩﻠﻪﺭ ﺳﯘﻣﺮﯗﻍ ﺑﯧﻜﺘﯩﻨﯩﯔ ﺋﯚﺯﯨﻼ ﺗﻮﺭﺩﯨﻜﻰ ﻧﻮﭘﯘﺯﻟﯘﻕ ، ﺭﻩﯕﺪﺍﺭ ﺋﯧﻠﯩﻜﺘﯩﺮﻭﻧﻠﯘﻕ ﻣﻪﺗﺒﯘﺋﺎﺕ ﺋﯩﻜﻪﻧﻠﯩﻜﯩﻨﻰ ﮬﯧﺲ ﻗﯩﻠﯩﺸﻘﺎﻥ ﭼﯧﻐﻰ ، ﺑﯘ ﭘﯩﻼﻧﺪﯨﻦ ﺩﻩﺭﺭﯗ ﯞﺍﺯ ﻛﻪﭼﺘﻰ ...
ﻣﯘﺷﯘﻧﯩﯖﺪﯨﻨﻼ ﻛﯚﺭﯛﻧﯜﭖ ﺗﯘﺭﯗﭘﺘﯩﻜﻰ ﺳﯘﻣﺮﯗﻏﺪﯨﻜﯩﻠﻪﺭ ﺗﻮﺧﺘﯩﻤﺎﻱ ﺋﯚﺯﯨﻨﻰ ﻳﯧﯖﯩﻼﺷﻘﺎ ﺋﺎﻣﺮﺍﻕ . ﺩﻩﺳﻠﯩﭙﯩﺪﻩ ﺑﯘ ﺑﯧﻜﻪﺗﺘﻪ ﻣﯘﻧﺒﻪﺭ ﻳﻮﻕ ﺑﻮﻟﯘﭖ ، ﺷﺌﯧﺮﻻﺭ ﻣﺎﻗﺎﻟﻠﯩﻠﻪﺭ ﺑﺎﺵ ﺑﻪﺗﺘﯩﻼ ﺑﯩﺮ ﺗﻪﺭﻩﭖ ﻗﯩﻠﯩﻨﺎﺗﺘﻰ. ﺑﺎﺵ ﺑﻪﺗﻨﯩﯔ ﮔﯜﺯﻩﻝ ،ﺧﻪﺕ ﻧﯘﺳﺨﺴﯩﻨﯩﯔ ﺗﯧﺘﯩﻜﻠﯩﻜﻰ ﺳﻪﯞﻩﺑﻠﯩﻚ ﺷﯘ ﭼﺎﻏﻼﺭﺩﯨﻤﯘ ﺋﻮﻗﯘﺭﻣﻪﻥ ﻳﺎﺯﺍﺭﻣﻪﻧﻠﻪﺭ ﺋﯘﻧﯩﯖﺪﺍ ﺧﯧﻠﻰ ﻛﯚﭖ ﺋﯩﺪﻯ . ﻛﯧﻴﯩﻦ ﻣﯘﻧﺒﻪﺭﻧﯩﯔ ﺧﺎﻟﯩﻐﺎﻧﭽﻪ ﭘﯩﻜﯩﺮ ﻳﺎﺯﺍﻻﻳﺪﯨﻐﺎﻥ ﺟﺎﻧﻠﯩﻘﻠﯩﻘﻰ ﻛﯚﺯﺩﻩ ﺗﯘﺗﯘﻟﻐﺎﻧﻤﯘ ﻣﯘﻧﺒﻪﺭﮔﻪ ﺋﺎﻟﻤﺎﺷﺘﯘﺭﯗﻟﺪﻯ .ﮔﻪﺭﭼﻪ ﻣﯘﻧﺒﻪﺭﺩﯨﻜﻰ ﻧﻪﺭﺳﯩﻠﻪﺭ ﮬﯧﻠﯩﻤﯘ ﺑﺎﺵ ﺑﻪﺗﺘﻪ ﺋﻪﻛﯩﺲ ﺋﻪﺗﺴﯩﻤﯘ ﻛﯩﺸﯩﻠﻪﺭ ﺑﯩﯟﺍﺳﺘﻪ ﻣﯘﻧﺒﻪﺭﮔﻪ ﺗﻮﭘﻼﻧﺪﻯ. ﺷﯘﻧﻰ ﺋﺎﻻﮬﯩﺪﻩ ﺋﻪﺳﻜﻪﺭﺗﯩﺶ ﻛﯧﺮﻩﻛﻜﻰ ، ﺑﯘ ﺟﻪﺭﻳﺎﻥ ﺟﺎﻟﻼﺕ ﺋﻪﭘﻪﻧﺪﯨﻨﯩﯔ ﭘﯩﺪﺍﻛﺎﺭﻟﯩﻘﯩﺪﯨﻦ ﺋﺎﻳﺮﯨﭗ ﻗﺎﺭﯨﻐﯩﻠﻰ ﺑﻮﻟﻤﺎﻳﺪﯗ . ﺗﻮﺭ ﺷﺌﯧﺮﯨﻴﺘﯩﺪﻩ ﺗﯜﻧﺠﻰ ﺑﻮﻟﯘﭖ ﻣﯘﻛﺎﭘﺎﺕ ﺗﻪﺳﺴﯩﺲ ﻗﯩﻠﻐﺎﻥ ﺑﯘ ﺳﺎﺧﺎﯞﻩﺗﻠﯩﻚ ﻛﺎﺭﺧﺎﻧﯩﭽﻰ ﺋﯚﺯﯨﻨﯩﯔ ﺷﺌﯧﺮﺩﻩﻙ ﺳﻪﻣﯩﻤﻰ ﻗﻪﻟﺒﻰ ﯞﻩ ﻣﯘﮬﻪﺑﺒﯩﺘﻰ ﺑﯩﻠﻪﻥ ﺳﯘﻣﺮﯗﻏﻨﯩﯔ ﮬﻪﺭ ﺑﯩﺮ ﺑﯧﺘﯩﮕﻪ ﺗﻪﺭ ﺋﺎﻗﻘﯘﺯﺩﻯ . ﻣﺎﻧﺎ ﺋﺎﺧﯩﺮﻯ ﺋﯘﻧﯩﯔ ﺗﻪﺭﻯ ﺳﯘﻣﺮﯗﻏﺪﺍ ﺧﯘﺷﭙﯘﺭﺍﻕ ﮔﯜﻟﻠﻪﺭﻧﻰ ﺋﯧﭽﯩﻠﺪﯗﺭﺩﻯ . ﺋﯚﺯﮔﯩﭽﻪ ﻛﻪﻳﭙﯩﻴﺎﺗﻨﻰ ﺷﻪﻛﯩﻠﻠﻪﻧﺪﯛﺭﺩﻯ .
ﻟﯧﻜﯩﻦ ﺳﯘﻣﺮﯗﻍ ﺗﻮﺭﯨﺪﯨﻜﯩﻠﻪﺭ ﺗﯚﯞﻩﻧﺪﯨﻜﻰ ﺑﯩﺮﻗﺎﻧﭽﻪ ﻳﯧﺘﻪﺭﺳﯩﺰﻟﯩﻜﻠﻪﺭﺩﯨﻨﻤﯘ ﺧﺎﻟﻰ ﺑﻮﻻﻟﻤﯩﺪﻯ.
1.ﺋﯚﺯ ﺋﻪﺳﻪﺭﻟﯩﺮﯨﻨﻰ ﺋﯚﺯﻯ ﺗﻪﮬﺮﯨﺮﻟﻪﺷﻜﻪ ﻳﻮﻝ ﻗﻮﻳﻤﺎﺳﻠﯩﻖ ﺳﯘﻣﺮﯗﻍ ﺋﺎﺑﻮﻧﺘﻠﯩﺮﯨﻐﺎ ﺧﯧﻠﯩﻼ ﭼﻮﯓ ﺋﺎﯞﺍﺭﭼﯩﻠﯩﻖ ﻛﻪﻟﺘﯜﺭﺩﻯ . ﮔﻪﺭﭼﻪ ﺧﯧﻠﻰ ﻛﯚﭖ ﺋﯩﺴﺴﯩﻖ ﺳﻮﻏﺎﻗﻨﻰ ﺑﺎﺷﺘﯩﻦ ﻛﻪﭼﯜﺭﮔﻪﻥ ﺑﯘ ﺑﯧﻜﻪﺕ ﺑﯩﺨﻪﺗﻪﺭﻟﯩﻜﻨﻰ ﻛﯚﺯﻟﻪﭖ ﺷﯘﻧﺪﺍﻕ ﻗﯩﻠﻐﺎﻥ ﺑﻮﻟﺴﯩﻤﯘ ﻟﯧﻜﯩﻦ ﺑﯘ ﻳﯧﯖﯩﺪﯨﻦ ﺋﻪﺳﻪﺭ ﻳﯧﺰﯨﯟﺍﺗﻘﺎﻧﻼﺭﻏﺎ ﻳﻪﻧﯩﻼ ﺑﯩﺮ ﺑﺎﺵ ﺋﺎﻏﺮﯨﻘﻰ ﺑﻮﻟﯘﭖ ﻗﯧﻠﯩﯟﻩﺭﺩﻯ . ﭼﯜﻧﻜﻰ ﻳﺎﺯﻏﺎﻥ ﻧﻪﺭﺳﯩﺴﯩﻨﻰ ﺋﯚﺯﻯ ﺗﻪﮬﺮﯨﺮﻟﯩﻴﻪﻟﻤﻪﺳﻠﯩﻚ ﻛﯩﺸﯩﻨﻰ ﺟﯩﻠﻪ ﻗﯩﻼﺗﺘﻰ. ﺋﺎﻟﺪﯨﺮﺍﭖ ﺋﯧﻼﻥ ﻗﯩﻠﯩﻨﯩﭗ ﻛﻪﺗﻜﻪﻥ ﺑﯩﺮ ﻗﺴﯩﻢ ﻣﺎﻗﺎﻟﻠﯩﻠﻪﺭﻧﻰ ﻗﻪﻟﻪﻡ ﺋﯩﮕﯩﺴﻰ ﺑﺎﺷﻘﯘﺭﻏﯘﭼﯩﻼﺭﻏﺎ ﺋﯩﻠﺘﯩﻤﺎﺳﺴﯩﺰ ﭘﯩﺸﯩﻘﻠﯩﻴﺎﻟﻤﺎﻳﺘﻰ . ﻧﻪﺗﯩﺠﯩﺪﻩ ﺑﻪﺯﻯ ﺷﺌﯧﺮ ﻣﺎﻗﺎﻟﯩﻠﻪﺭ ﺧﯘﺩﺩﻯ ﻣﯩﻴﯩﭗ ﻛﯩﺸﯩﺪﻩﻙ ﻳﺎﺯﻏﯘﭼﯩﻨﯩﯔ ﺋﯚﺯﯨﻨﯩﻤﯘ ﺋﺎﺯﺍﭘﻼﭖ ﻛﻪﻟﺪﻯ .
2.ﺳﯘﻣﺮﯗﻏﺪﻩﻙ ﺗﻪﺟﯩﺮﺑﯩﻠﯩﻚ ﺷﺎﺋﯩﺮ ﻳﺎﺯﻏﯘﭼﯩﻼﺭ ﺗﻮﭘﻼﺷﻘﺎﻥ ﺟﻪﻣﯩﺌﻪﺗﺘﻪ ، ﺋﻮﺑﺰﻭﺭﺧﺎﺭﺍﻛﺘﯩﺮﺩﯨﻜﻰ ﻣﺎﻗﺎﻟﻠﯩﻠﻪﺭ ﻳﻪﻧﯩﻼ ﺋﺎﺯ ، ﻳﯧﯖﻰ ﻧﻮﺗﯩﻼﺭﻧﻰ ﻳﯧﺘﻪﻛﻠﻪﺵ ﻳﻮﻕ ﺩﯨﻴﻪﺭﻟﯩﻚ .ﺋﻪﻟﯟﻩﺗﺘﻪ ﺑﯘ ﮬﯧﭽﻜﯩﻤﻨﯩﯔ ﻣﻪﺟﺒﯘﺭﯨﻴﺘﻰ ﺑﻮﻟﻤﯩﺴﯩﻤﯘ ، ﻟﯧﻜﯩﻦ ﺑﯘ ﺧﯩﻞ ﻛﻪﻳﭙﯩﻴﺎﺕ ﻛﯩﺸﯩﻨﻰ ﺋﻮﻳﻐﺎ ﺳﺎﻟﯩﺪﯗ.
3.ﺳﯘﻣﺮﯗﻏﺪﯨﻜﻰ ﻧﯘﺭﻏﯘﻥ ﺷﺎﺋﯩﺮ ﻳﺎﺯﻏﯘﭼﯩﻼﺭ ﺋﯚﺯﺋﺎﺭﺍ ﺑﯩﺮ ﺑﯩﺮﯨﻨﻰ ﺗﻮﻧﯘﺷﻘﺎﻧﻠﯩﻘﺘﯩﻨﻤﯘ ﺋﻪﻳﺘﺎﯞﯗﺭ ، ﺑﻪﺯﻯ ﻧﺎﭼﺎﺭ ﻳﺎﺯﻣﯩﻼﺭﻏﯩﻤﯘ ﻳﯘﻗﯩﺮﻯ ﺑﺎﮬﺎ ﺑﯧﺮﯨﭗ ﺳﺎﻟﯩﺪﯨﻐﺎﻥ ﺋﻪﮬﯟﺍﻝ ﺧﯧﻠﻰ ﻛﯚﭖ .ﮬﺎﻟﺒﯘﻛﻰ ﺑﯘ ﺳﯘﻣﺮﯗﻏﻨﯩﯔ ﺋﺎﺑﺮﻭﻳﯩﻐﺎ ﺯﯨﻴﺎﻧﻠﯩﻖ.
4. ﻣﺎﻗﺎﻟﻠﯩﻠﻪﺭﻧﯩﯔ ﺗﻪﺳﺘﯩﻘﻠﯩﻨﯩﺸﯩﻤﯘ ﺳﻪﻝ ﺋﺎﺳﺘﺎ . ﺑﻪﺯﯨﺪﻩ ﻳﻮﻟﻠﯩﻐﺎﻥ ﻧﻪﺭﺳﯩﻠﻪﺭ ﻳﯧﺮﯨﻢ ﻛﯜﻥ ﯞﻩ ﺑﯩﺮ ﻛﯜﻧﺴﯩﺰ ﭼﯩﻘﻤﺎﻳﺪﯗ . ﺑﯘ ﺑﯩﯟﺍﺳﺘﻪ ﺗﻮﺭﺩﺍﺷﻼﺭﻧﯩﯔ ﻗﯩﺰﻏﯩﻨﻠﯩﻘﯩﻐﺎ ﺗﻪﺳﯩﺮ ﻛﯚﺭﺳﯩﺘﯩﺸﻰ ﻣﯜﻣﻜﯩﻦ .
ﺑﯘ ﺟﻪﮬﻪﺗﺘﻪ ﮬﯧﺲ ﻗﯩﻠﻐﺎﻧﻠﯩﺮﯨﻤﻨﻰ ﻣﯘﺷﯘﻧﭽﯩﻠﯩﻚ ﺑﺎﻳﺎﻥ ﻗﯩﻼﻱ . ﺋﯩﺸﯩﻨﯩﻤﯩﺰﻛﻰ ﺗﻮﺧﺘﯩﻤﺎﻱ ﭘﻪﺭﯞﺍﺯ ﻗﯩﻠﯩﯟﺍﺗﻘﺎﻥ ﺳﯘﻣﺮﯗﻍ ﺗﯧﺨﯩﻤﯘ ﻳﯩﺮﺍﻕ ﻣﻪﻧﺰﯨﻠﻠﻪﺭﺩﻩ ﭼﺎﻗﻨﯩﻴﺎﻻﻳﺪﯗ . \"ﻣﯧﻐﯩﺰ\" ﻣﺎﻗﺎﻟﻪ ،\"ﻣﯧﻐﯩﺰ\"ﺋﺎﺑﻮﻧﺘﻼﺭ ﻣﻪﺭﻛﻪﺯﻟﻪﺷﻜﻪﻥ ﺑﯘ ﺑﯧﻜﻪﺕ ﺗﯧﺨﯩﻤﯘ ﻳﯘﻗﯩﺮﻯ ﮬﯚﺭﻣﻪﺗﺘﻪ ﻗﻪﻟﺐ ﻛﯚﻛﯩﻤﯩﺰﺩﻩ ﭼﺎﻗﻨﯩﻐﯘﺳﻰ!
-------
ﻛﯩﻢ ﺩﻩﻳﺪﯗ ﺋﯩﺰﺩﯨﻨﯩﺸﻨﯩﯔ ﺑﺎﺵ ﺑﯧﺘﯩﻨﻰ ﭼﯩﺮﺍﻳﻠﯩﻖ ﺋﻪﻣﻪﺱ ﺩﻩﭖ ؟ ﺋﺎﺩﺩﻯ ، ﻟﯧﻜﯩﻦ ﺋﯩﺴﯩﻞ .
ﺋﺎﻟﯩﭽﯩﭙﺎﺭ ﺑﯩﺰﯨﯟﻩﺗﻜﻪﻥ ﺗﻮﺭ ﺑﻪﺗﻠﻪﺭﮔﻪ ﻛﯩﺮﯨﭗ ﻗﺎﻟﺴﺎﻡ ﺋﯩﭽﯩﻢ ﺳﯩﻘﯩﻠﯩﭗ ﺋﯩﺘﺘﯩﻚ ﭼﯩﻘﯩﭗ ﻛﯩﺘﯩﻤﻪﻥ
ﺷﯘﻧﺪﺍﻕ ، ﮬﻪﻣﻤﯩﻤﯩﺰ ﺋﯚﺯ ﻛﯚﺯﻗﺎﺭﯨﺸﯩﻤﯩﺰﻧﻰ ﺑﺎﻳﺎﻥ ﻗﯩﻠﯩﯟﺍﺗﯩﻤﯩﺰ!
ﺑﻮ ﺗﻮﺧﺘﺎﺧﯘﻥ ﺋﯩﺰﺩﯨﻨﯩﺸﺘﯩﻜﻰ ﺋﯧﻼﻧﻼﺭﻧﻰ ﻗﺎﻧﺪﺍﻕ ﺑﯧﺮﯨﯟﺍﺗﯩﺪﯗ؟ﺑﺎﺳﺴﺎ ﻳﺎ ﺋﯧﭽﯩﻠﻤﯩﻐﺎﻥ.......ﺑﺎﺷﻘﺎ ﺋﯩﺸﻨﻰ ﻗﯩﻠﯩﭗ ﺑﯧﺮﻩﻟﻤﯩﺴﻪﻣﻤﯘ ﻣﯘﺷﯘ ﺋﯧﻼﻧﻼﺭﻧﻰ ﺑﻮﻟﺴﯩﻤﯘ ﭼﯩﻜﯩﭗ ﭼﯩﻜﯩﻠﯩﺶ ﺳﺎﻧﯩﻨﻰ ﻛﯚﭘﻪﻳﺘﯩﭗ ﺑﯧﺮﻩﻱ ﺩﻩﭖ ﻳﺎﺧﺸﻰ ﻛﯚﯕﯜﻟﺪﻩ ﺋﻮﻳﻠﯩﻐﺎﻥ..... ﮔﻪﺭﭼﻪ ﺑﯘﻧﯩﯔ ﺋﺎﺭﻗﯩﺴﯩﺪﺍ ﺑﻪﺯﯨﻠﻪﺭﻧﯩﯔ ﺋﻮﻳﻨﺎﯞﺍﺗﻘﺎﻥ ﺋﻮﻳﯘﻧﻰ ﺑﻮﻟﺴﯩﻤﯘ ﻟﯧﻜﯩﻦ ﻧﯧﻤﯩﻼ ﺑﻮﻟﻤﯩﺴﯘﻥ ﺑﯘ ﺳﻪﯞﻩﻧﻠﯩﻚ ﻳﻪﻧﯩﻼ ﺋﯩﺰﺩﯨﻨﯩﺶ ﺗﻮﺭﯨﻐﺎ ﻣﻪﻧﺴﯘﭖ ﺋﯩﺪﻯ .
------------------------------
ﺑﯩﺮ ﺗﺎﻣﭽﻪ ﺳﯘﺩﯨﻨﻤﯘ ﻗﯘﻳﺎﺷﻨﯩﯔ ﺋﻪﻛﺴﯩﻨﻰ ﻛﯚﺭﮔﯩﻠﻰ ﺑﻮﻟﯩﺪﯗ . ﺳﺎﻗﺎﻳﻤﺎﺱ ﭘﯩﺴﺨﯩﻚ ﻛﯩﺴﻪﻝ ... ﮬﺎ..ﮬﺎ...ﮬﺎ...ﺷﯘﻧﺪﺍﻗﻤﯘ؟ ﺋﯧﺴﯩﯖﯩﺰﺩﻩ ﺑﻮﻟﺴﯘﻥ ، ﻣﻪﻥ ﺑﯩﻠﯩﭗ ﺩﻩﯞﺍﺗﯩﻤﻪﻥ . ﺑﯘ ﮔﻪﭘﻜﻪ ﺋﺎﺳﺎﺳﯩﻢ ﺑﺎﺭ.
ﺋﻪﺳﻠﻰ ﻣﻪﻥ ﺩﯛﺷﻤﯩﻨﯩﯖﯩﺰ ﺑﻮﻟﻤﯩﻐﺎﻧﺪﯨﻦ ﻛﯧﻴﯩﻦ ﺑﯘﻧﺪﺍﻕ ﺋﻮﺳﺎﻝ ﮔﻪﭖ ﻗﯩﻠﻤﺎﻱ ، ﺑﯘ ﮔﻪﭘﻜﻪ ﻧﯧﻤﻪ ﺋﺎﺳﺎﺳﯩﯖﯩﺰ ﺑﺎﺭ ﺩﻩﭖ ﺳﻮﺭﯨﺸﯩﯖﯩﺰ ﻛﯧﺮﻩﻙ ﺋﯩﺪﻯ...ﺋﻪﭘﺴﯘﺱ ... ﺩﺍﯞﺍﻣﯩﻨﯩﯔ ﻳﯧﺰﯨﯖﺎ، ﻣﻪﻥ ﺋﯘﺧﻤﺎﻳﺪﯨﻐﺎﻥ ﺟﯩﻖ ﺗﺎﺭﯨﺨﻼﺭ ﯞﻩ ﺋﯩﺸﻼﺭ ﺑﺎﺭ ﺋﯩﻜﻪﻥ. ﯞﺍﻱ-ﯞﯗ ﻱ ﻱ ﻱ ﻱ ﻱ ﻱ ..... ﻧﯩﻤﺎﻧﺪﺍﻕ ﻣﯘﺭﻩﻛﻜﻪﭖ. ﺗﻮﺭ ﺩﯨﮕﻪﻥ ﻧﯩﻤﻪ ﻳﺎﺯﻏﯘﺳﻰ ﻛﻪﻟﺴﻪ ﻳﯧﺰﯨﭗ، ﻧﯩﻤﻪ ﻛﯚﺭﮔﯜﺳﻰ ﻛﻪﻟﺴﻪ ﻛﯚﺭﯨﺪﯨﻐﺎﻥ ﻧﯩﻤﯩﻐﯘ ﺋﯘ ... ﺗﻮﺭ ﺋﯧﭽﯩﭗ ﭘﯘﻝ ﺗﺎﭘﻘﯩﯖﻼ ﺑﻮﻟﺴﺎ، ﺋﺎﻧﺪﯨﻦ ﺧﻪﻕ ﻗﯩﺰﯨﻘﯩﺪﯨﻐﺎﻥ ﻧﻪﺭﺳﯩﻠﻪﺭﻧﻰ ﻳﻮﻟﻼﺵ، ﻳﺎﺧﺸﻰ ﺋﺎﭘﺘﻮﺭﻻﺭﻧﻰ ﺗﻮﭘﻼﺵ ﺩﯨﮕﻪﻧﺪﻩﻙ ﺋﯩﺸﻼﺭﻧﻰ ﻗﯩﻠﺴﺎﯕﻼﺭ، ﮬﻪﻣﻤﻪ ﺋﯩﺶ ﺗﻪﺑﯩﺌﻰ ﺑﻮﻟﻐﯩﻨﻰ ﻳﺎﺧﺸﻰ، ﺑﻮﻟﯘﭘﻤﯘ ﻣﯘﻧﺒﻪﺭﻧﻰ ﺋﺎﺳﺎﺱ ﻗﯩﻠﻐﺎﻥ ﺗﻮﺭﺩﺍ. ﻳﺎﻛﻰ ﻣﯘﻧﺒﻪﺭﻧﻰ ﻗﻮﺷﯘﻣﭽﻪ ﻗﯩﻠﭗ، ﺭﻩﺳﻤﯩﻲ ﻣﻪﺯﻣﯘﻧﻠﯩﺮﻯ ﻣﻮﻝ ﺗﻮﺭ ﺋﯧﭽﯩﯖﻼﺭ، ﻣﺎﻧﺪﺍﻕ ﻧﻪﺭﺳﻪ ﻻﺯﯨﻢ، ﻣﺎﻧﭽﻪ ﭘﯘﻝ ﺩﯨﺴﻪﯕﻼﺭ، ﺋﺎﻧﺪﯨﻦ ﺑﯩﺰﺩﻩﻙ ﺋﺎﭘﺘﻮﺭﻻﺭ ﺑﯩﺮﻧﯩﻤﻪ ﻳﯧﺰﯨﭗ ﭘﯘﻝ ﺗﺎﭘﺴﺎﻕ، ﺑﻮﻟﻤﯩﺴﺎ ﭘﯜﺗﯜﻧﻠﻪﻱ ﻗﯩﺰﯨﻘﯩﺸﺘﯩﻦ ﺟﯘﻣﯘ، ﺗﻪﺑﯩﺌﻰ ﺑﻮﻟﺴﯘﻧﺎ، ﺋﯩﺰﺩﯨﻨﯩﺶ ﺩﯨﮕﻪﻧﻤﯘ ﺋﻪﻗﯩﻠﻠﯩﻖ ﮔﯘﻱ. ﻣﯘﺷﯘﻧﺪﺍﻕ ﭘﺮﯨﻨﺴﯩﭗ ﺑﻮﻟﺴﺎ ﺋﺎﻧﺪﯨﻦ ﺋﯘﺯﯗﻥ ﻣﯘﺩﺩﻩﺗﻠﯩﻚ ﺗﻪﺭﻩﻗﻘﯩﻴﺎﺕ ﺑﻮﻟﯩﺪﯗ.ﭘﯘﻝ ﺗﺎﭘﯩﺪﯨﻐﺎﻥ ﺗﻮﺭﻻﺭﻧﯩﻤﯘ ﻛﯚﺭﯨﻤﯩﺰ، ﻛﻪﺗﻜﻪﻥ ﺯﯨﮭﯩﻨﻐﺎ ﻻﻳﯩﻖ ﺋﯩﺶ ﺑﻮﻟﻤﺎﺳﻤﯩﻜﯩﻦ. ﺋﯧﻼﻥ ﻗﻮﻳﯘﭖ ﺑﻪﺯﻯ ﭼﯩﻘﯩﻤﻼﺭﻧﻰ ﻛﯚﺗﯜﺭﯛﺵ ﺩﯨﺴﻪ، ﭼﯜﺷﻪﻧﺴﻪﻙ. ﻟﯩﻜﯩﻦ ﺩﯨﻘﻘﻪﺕ ﻗﯩﻠﯩﯖﻼﺭ، ﻣﺎ ﻣﯘﻧﺒﻪﺭﻟﻪﺭﺩﻩ ﺋﯩﻼﻧﻼﺭ ﺋﯘﭼﯘﭖ ﻳﯜﺭﯛﻳﺪﯨﻐﺎﻥ ﺑﻮﻟﺴﺎ، ﭘﯘﻝ ﺑﻪﺭﻣﯩﺴﻪﯕﻼﺭ ، ﺑﯩﺮﻧﻪﺭﺳﻪ ﻳﺎﺯﻣﺎﻳﻤﯩﺰ ﺟﯘﻣﺎ. ﺋﯩﺰﺩﻩﻥ ﺗﻮﺭ ﺑﯧﻜﯩﺘﻰ ﮬﻪﻗﻘﯩﺪﻩ:
ﺋﯩﺰﺩﻩﻥ ﺗﻮﺭ ﺑﯧﻜﯩﺘﯩﻨﻰ ﻳﯩﻐﯩﻨﭽﺎﻗﻼﭖ \"ﺋﯧﺰﯨﺰ\"ﺗﻮﺭ ﺑﯧﻜﻪﺕ ﺩﯦﻴﯩﺸﻜﻪ ﺑﻮﻟﯩﺪﯗ . ﺑﯘﻧﯩﯖﺪﯨﻜﻰ ﺳﻪﯞﻩﭖ : ﺑﯘ ﺗﻮﺭ ﺑﯧﻜﻪﺕ ﻗﯘﺭﯗﻟﯘﭖ ﻧﺎﮬﺎﻳﯩﺘﻰ ﻗﯩﺴﻘﺎ ﯞﺍﻗﺖ ﺋﯩﭽﯩﺪﯨﻼ ، \"ﺋﯧﻠﻰ ﺧﻪﻟﻖ ﺭﺍﺩﯨﺌﯘ ﺋﯩﺴﺘﺎﻧﯩﺴﯩﺴﻰ \"،\"ﺷﯩﻨﺠﺎﯓ ﺧﻪﻟﻖ ﺭﺍﺩﯨﺌﻮ ﺋﯩﺴﺘﺎﻧﯩﺴﯩﺴﻰ\" ،ﺗﺎﺭﯨﻢ ، ﻛﯩﺮﻭﺭﻩﻥ ،ﺋﯧﻠﻰ ﺩﻩﺭﻳﺎﺳﻰ ﻗﺎﺗﺎﺭﻟﯩﻖ ﮊﻭﺭﻧﺎﻟﻼﺭﻧﯩﯔ ﻗﻮﻟﻠﯩﺸﯩﻐﺎ ﯞﻩ ﻣﻪﺩﻩﺕ ﺑﯧﺮﯨﺸﯩﮕﻪ ، ﯞﻩ ﺷﯘ ﻳﻪﺭﺩﯨﻜﻰ ﺩﻭﺳﺘﻼﺭﻧﯩﯔ ﺳﯚﻳﯜﭖ ﻛﯚﺭﯨﺸﯩﮕﻪ ﺋﯧﺮﯨﺸﻪﻟﯩﺪﻯ . ﺷﯘﻧﺪﺍﻗﻼ ﻣﯘﮬﻪﻣﻤﻪﺗﺠﺎﻥ ﺭﺍﺷﯩﺪﯨﻦ ﻗﺎﺗﺎﺭﻟﯩﻖ ﺑﯩﺮﻗﯩﺴﯩﻢ ﺩﺍﯕﻠﯩﻖ ﺋﻪﺩﯨﺒﻠﻪﺭﻧﯩﯔ ﺩﺍﺋﯩﻤﻠﯩﻖ ﺳﺎﮬﯩﭙﺨﺎﻧﯩﻐﺎ ﺋﺎﻳﻠﯩﻨﺎﻟﯩﺪﻯ. ﺑﯘ ﺑﯩﺮ ﺗﻮﺭ ﺑﯧﻜﻪﺕ ﺋﯜﭼﯜﻥ ﺋﺎﺳﺎﻥ ﺋﯩﺶ ﺋﻪﻣﻪﺱ!ﮔﻪﺭﭼﻪ ﺑﯘﻧﻰ ﺋﺎﺳﺎﺳﻪﻥ ﺋﯩﻠﮕﯩﺮﻯ ﺳﯘﻣﺮﯗﻍ ﺗﻮﺭﯨﺪﺍ ﺑﺎﺵ ﺑﺎﺷﻘﯘﺭﻏﯘﭼﯩﻼﺭﺩﯨﻦ ﺑﻮﻟﻐﺎﻥ ﺋﯩﺰﺩﻩﻥ ﺋﻪﭘﻪﻧﺪﯨﻨﯩﯔ ﺗﻮﺭﺩﯨﻜﻰ ﺋﺎﺑﺮﻭﻳﻰ ، ﻛﯩﺸﯩﻠﯩﻚ ﺗﯘﺭﻣﯘﺷﺘﯩﻜﻰ ﭘﺎﺋﺎﻟﯩﻴﻪﺗﭽﺎﻧﻠﯩﻘﯩﺪﯨﻦ ﺋﺎﻳﺮﯨﭗ ﻗﺎﺭﯨﻐﯩﻠﻰ ﺑﻮﻟﻤﯩﺴﯩﻤﯘ ، ﻟﯧﻜﯩﻦ ﻳﻪﻧﯩﻼ ﻳﯩﻐﯩﭗ ﺋﯧﻴﺘﻘﺎﻧﺪﺍ ﺋﯘ ﺗﻪﯞﻩﻟﻠﯘﺕ ﺑﻮﻟﯘﭖ ﺋﯘﺯﺍﻕ ﺋﯚﺗﻤﻪﻳﻼ ﺧﻪﻟﻘﻨﯩﯔ ﺋﯧﺰﯨﺰﻟﯩﺸﯩﮕﻪ ﺋﯧﺮﯨﺸﻪﻟﯩﺪﻯ .
ﺋﺎﺑﺎﻱ ﺩﯨﮕﯩﻨﯩﻤﯩﺰﺩﻩﻙ ﺋﯩﺰﺩﻩﻥ ﺗﻮﺭﺑﯩﻜﯩﺘﻰ ﮬﻪ ﺩﯦﮕﻪﻧﺪﯨﻼ ﺑﯩﺮ ﺗﯜﺭﻛﯜﻡ ﺳﺎﭘﺎﻟﯩﻖ ﻳﺎﺯﻏﯘﭼﻰ ﺷﺎﺋﯩﺮ، ﻗﯩﺰﯨﻘﭽﻰ ،ﺳﻪﻧﺌﻪﺗﭽﻰ ﻗﺎﺗﺎﺭﻟﯩﻖ ﺯﯨﻴﺎﻟﯩﻼﺭﻧﻰ ﺟﻪﻟﯩﭗ ﻗﯩﻠﯩﭗ ، ﺑﯘ ﻳﻪﺭﺩﻩ ﺋﯚﺯﮔﯩﭽﻪ ﻣﯧﮭﺮﻯ ﻣﯘﮬﻪﺑﺒﻪﺗﻠﯩﻚ ﻛﻪﻳﭙﯩﻴﺎﺗﻨﻰ ﮬﺎﺳﯩﻞ ﻗﯩﻠﺪﻯ . ﮬﺎﻟﺒﯘﻛﻰ ﻣﯧﮭﺮﻯ ﻣﯘﮬﻪﺑﺒﻪﺕ ،ﺋﯩﺸﻪﻧﭻ ﮬﻪﺭﻗﺎﻧﺪﺍﻕ ﺑﯩﺮ ﻣﺎﻛﺎﻥ ﯞﻩ ﺯﺍﻣﺎﻧﻨﯩﯔ ﺗﻪﺭﻩﻗﻘﯩﻴﺎﺕ ﺋﺎﺳﺎﺳﻰ ﺋﯩﺪﻯ .ﺳﯩﺰ ﺑﯘ ﺑﯧﻜﻪﺗﻜﻪ ﻛﯩﺮﺳﯩﯖﯩﺰ ﺑﻪﺯﯨﺪﻩ ﻗﯩﺰﯨﻘﭽﻰ ﺩﻭﺳﺘﻼﺭﻧﯩﯔ ﭘﺎﺕ ﭘﺎﺕ ﻳﯘﻣﯘﺭﻟﯘﻕ ﻣﺎﻗﺎﻟﻪ ﺭﻩﺳﯩﻤﻠﯩﺮﻯ ﯞﻩ ﭼﺎﻗﭽﺎﻗﻠﯩﺮﯨﺪﯨﻦ ﺗﯧﻠﯩﻘﯩﭗ ﻛﯜﻟﺴﯩﯖﯩﺰ ﺑﻪﺯﯨﺪﻩ ﺋﯧﺴﯩﻞ ﻣﺎﻗﺎﻟﻪ ﺷﺌﯧﺮﻻﺭﺩﯨﻦ ﮬﻮﺯﯗﺭﻟﯘﻧﯘﭖ ﺋﻮﻟﺘﯘﺭﺍﻻﻳﺴﯩﺰ .ﺑﻪﺯﯨﺪﻩ ﺑﯩﺮ ﺑﯩﺮﯨﺪﯨﻦ ﻗﯩﺰﯨﻐﺎﻥ ﻣﯘﮬﻪﺑﺒﻪﺕ ﻣﯘﺷﺎﺋﯩﺮﻟﯩﺮﯨﮕﻪ ﻗﺎﺗﻨﯩﺸﯩﭗ ﻗﺎﻟﺴﯩﯖﯩﺰ ﻳﻪﻧﻪ ﺑﻪﺯﯨﺪﻩ ﮬﻪﺗﺘﺎ ﺗﻮﺭﺩﺍﺷﻼﺭﻧﯩﯔ ﺷﻪﺧﺴﻰ ﺗﯘﺭﻣﯘﺷﯩﻐﺎ ﭼﯧﺘﯩﻠﯩﺪﯨﻐﺎﻥ ﺋﯩﺸﻼﺭ ﺗﻮﻏﺮﯗﻟﯘﻕ ﻣﯘﯕﺪﯨﺸﺎﻻﻳﺴﯩﺰ...
ﺑﻪﺯﻯ ﺗﻮﺭﺑﻪﺗﻠﻪﺭﻧﯩﯔ ﺋﻪﻛﺴﯩﭽﻪ ﺑﯘ ﻳﻪﺭﺩﻩ ﻳﺎﺯﺍﺭﻣﻪﻥ ﺋﻪﺧﻼﻗﻠﯩﻖ \"ﺳﺎﮬﯩﭙﺠﺎﻣﺎﻝ\"ﻟﻼﺭﻣﯘ ﺧﯧﻠﻰ ﻛﯚﭖ.
ﻳﯩﻐﯩﭗ ﺋﯧﻴﺘﻘﺎﻧﺪﺍ ﺋﯩﺰﺩﻩﻥ ﺗﻮﺭﻯ ﺗﻮﺧﺘﯩﻤﺎﻱ ﭼﺎﭘﭽﯩﯟﺍﺗﻘﺎﻥ ،ﮬﺎﻳﺎﺗﻰ ﻛﯜﭼﻰ ﺋﯘﺭﻏﯘﻥ ﺗﯘﺭﻏﺎﻥ ﺗﯘﻟﭙﺎﺭﻏﺎ ﺋﻮﺧﺸﺎﻳﺪﯗ . ﻟﯧﻜﯩﻦ ﺋﯚﺯ ﻧﯚﯞﯨﺘﯩﺪﻩ ﺋﯘﻧﯩﯔ ﻛﯩﺸﯩﻨﻰ ﺑﯩﺌﺎﺭﺍﻡ ﻗﯩﻠﯩﺪﯨﻐﺎﻥ ﻛﻪﻣﭽﯩﻠﯩﻜﻠﯩﺮﯨﻤﯘ ﺑﺎﺭ ﺋﻪﻟﯟﻩﺗﺘﻪ.
1.ﺋﯩﺰﺩﻩﻥ ﺑﺎﺵ ﺑﯧﺘﻰ ﺗﯧﺨﯩﭽﻪ ﺋﯩﺸﻠﯩﻨﯩﭗ ﺑﻮﻻﻟﻤﯩﺪﻯ .ﺑﯘ ﺋﯩﺰﺩﻩﻥ ﺗﻮﺭ ﺑﯧﻜﺘﯩﻨﯩﯔ ﻣﯘﻛﻪﻣﻤﻪﻟﻠﯩﻜﯩﮕﻪ ﭼﯜﺷﻜﻪﻥ ﺑﯩﺮ ﺩﺍﻍ ﺑﻮﻟﯘﭖ ﻗﯧﻠﯩﯟﻩﺭﺩﻯ.
2.ﺋﯩﺰﺩﻩﻥ ﻣﯘﻧﺒﯩﺮﯨﻨﯩﯔ ﻧﻪﺷﯩﺮﯨﻤﯘ ﺗﯚﯞﻩﻥ ﺑﻮﻟﯘﭖ ، ﺋﻪﺳﻠﻰ ﯞﺍﻗﺘﯩﺪﺍ ﻳﯘﻗﯩﺮﻯ ﻧﻪﺷﯩﺮﮔﻪ ﺋﺎﻟﻤﺎﺷﺘﯘﺭﯗﺵ ﻛﯧﺮﻩﻙ ﺋﯩﺪﻯ . ﺑﯘ ﺑﯜﮔﯜﻥ ﺋﺎﻟﻤﺎﺷﺘﯘﺭﻣﯩﺴﺎ ﺋﻪﺗﻪ ﺋﺎﻟﻤﺎﺷﺘﯘﺭﯗﺷﻘﺎ ﻣﻪﺟﺒﯘﺭ ﺑﻮﻟﯩﺪﯨﻐﺎﻥ ﻣﯘﮬﯩﻢ ﺋﯩﺶ ﺋﯩﺪﻯ . ﻟﯧﻜﯩﻦ ﮬﺎﺯﯨﺮﻏﯩﭽﻪ ﺷﯘ ﭘﯧﺘﻰ ﺗﯘﺭﯨﯟﻩﺭﺩﻯ . ﻛﯧﻴﯩﻦ ﺋﻪﺯﺍ ﯞﻩ ﻣﺎﻗﺎﻟﻠﻪﺭ ﺗﯧﺨﯩﻤﯘ ﻛﯚﭘﻪﻳﮕﻪﻧﺪﻩ ﻳﯚﺗﻜﯩﻠﯩﺶ ﺗﯧﺨﯩﻤﯘ ﭼﻮﯓ ﺋﺎﯞﺍﺭﯨﭽﯩﻠﯩﻖ ﺋﻪﻟﯟﻩﺗﺘﻪ. ﺷﯘﯕﺎ ﺑﯘ ﺟﻪﮬﻪﺗﺘﻪ ﺋﯩﺰﺩﻩﻥ ﺑﯧﻜﻪﺕ ﺑﺎﺷﻠﯩﻘﯩﻨﯩﯔ ﻳﻪﻧﯩﻤﯘ ﻛﯜﭼﯩﺸﯩﻨﻰ ﺋﯜﻣﯜﺕ ﻗﯩﻠﯩﻤﯩﺰ.
3.ﺋﯩﺰﺩﻩﻥ ﺗﻮﺭﺑﯧﻜﯩﺘﯩﺪﯨﻜﻰ ﻣﺎﻗﺎﻟﻠﯩﻠﻪﺭﺩﻩ ﺋﯩﻤﻼ ﺧﺎﺗﺎﻟﯩﻘﻰ ﻧﯩﺴﺒﻪﺗﻪﻥ ﻛﯚﭖ ﺑﻮﻟﯘﭖ ،ﮔﻪﺭﭼﻪ ﺋﺎﺳﺘﺎ ﺋﺎﺳﺘﺎ ﻳﺎﺧﺸﯩﻠﯩﻨﯩﯟﺍﺗﻘﺎﻥ ﺑﻮﻟﺴﯩﻤﯘ ﺑﯘ ﺋﯩﺰﺩﻩﻧﻨﯩﯔ ﮔﯜﺯﻩﻟﻠﯩﻜﯩﮕﻪ ﺗﻪﺳﯩﺮ ﻛﯚﺭﺳﯩﺘﯩﯟﺍﺗﻘﺎﻥ ﺋﺎﻣﯩﻠﻼﺭﺩﯨﻦ ﺑﯩﺮﻯ ﺋﯩﺪﻯ.
4.ﺋﯩﺰﺩﻩﻥ ﺗﻮﺭﯨﺪﺍ ﺗﻪﺳﺘﯩﻘﻼﻧﻐﺎﻥ ﻣﺎﻗﺎﻟﻠﯩﻠﻪﺭﻧﻰ ﻛﯩﻤﻨﯩﯔ ﺗﻪﺳﺘﯩﻘﻠﯩﻐﺎﻧﻠﯩﻘﯩﻨﻰ ﺑﯩﻠﻤﻪﻙ ﻣﯜﻣﻜﯩﻦ ﺋﻪﻣﻪﺱ . ﺋﻪﺳﻠﻰ ﺋﯩﺰﺩﯨﻨﯩﺶ ﺳﯘﻣﺮﯗﻍ ﺑﯧﻜﻪﺗﻠﯩﺮﯨﮕﻪ ﺋﻮﺧﺸﺎﺵ ﺗﻪﺳﺘﯩﻖ ﺋﯩﺰﻯ ﺋﯩﻘﺘﯩﺪﺍﺭﻯ ﺑﻮﻟﯩﺸﻰ ﻛﯧﺮﻩﻙ ﺋﯩﺪﻯ . ﺑﯘ ﻣﻪﺳﺌﯘﻟﯩﻴﻪﺕ ﺗﯜﺯﯛﻣﻰ ﺋﻮﺭﻧﯩﺘﯩﺸﻘﺎ ﺑﻪﻙ ﻣﯘﮬﯩﻢ ﺋﯩﺶ ﺋﯩﺪﻯ.
ﻳﯘﻗﺎﺭﻗﻰ ﻳﯧﺘﻪﺭﺳﯩﺰﻟﯩﻜﻠﻪﺭ ﺗﻮﻟﯘﻗﻠﯩﻨﯩﺸﻘﺎ ﻣﯘﮬﺘﺎﺝ .
ﺋﻪﺳﻜﻪﺭﺗﯩﺸﻜﻪ ﺗﯧﮕﯩﺸﻠﯩﻜﻰ ﺑﻪﺯﻯ ﺋﺎﺭﺗﯘﻗﭽﯩﻠﯩﻖ ﻛﻪﻣﭽﯩﻠﯩﻜﻠﻪﺭ ﺑﯘ ﺋﯜﭺ ﺗﻮﺭﺑﯧﻜﻪﺗﻜﻪ ﺋﻮﺭﺗﺎﻕ ﺑﻮﻟﻐﺎﻧﻠﯩﻘﺘﯩﻦ ﻗﺎﻳﺘﯩﻼﻧﻤﯩﺪﻯ . ﺋﻮﻗﯘﺭﻣﻪﻧﻠﻪﺭ ﺋﯚﺯﻟﯩﺮﻯ ﮬﯧﺲ ﻗﯩﻼﻻﻳﺪﯗ ﺩﻩﭖ ﺋﻮﻳﻼﻳﻤﻪﻥ.
ﺋﯩﺸﯩﻨﯩﻤﯩﺰﻛﻰ \"ﺋﯧﺰﯨﺰ\"ﻟﯩﻜﺘﻪ ﻗﺎﻧﺎﺕ ﻗﯧﻘﯩﯟﺍﺗﻘﺎﻥ ﺋﯩﺰﺩﻩﻥ ﺗﻮﺭﻯ ﺗﯧﺨﯩﻤﯘ ﻳﯘﻗﯩﺮﻯ ﭘﻪﻟﻠﯩﮕﻪ ﻛﯚﺗﯜﺭﯛﻟﮕﯜﺳﻰ . ﺑﺎﺭﻟﯩﻖ ﺗﻮﺭﺩﺍﺷﻼﺭﻏﺎ ﯞﻩ ﺋﻮﺕ ﻳﯘﺭﻩﻙ ﺋﯩﺠﺎﺗﭽﺎﻥ ﺋﻪﺯﯨﺰﯨﻠﻪﺭﮔﻪ ﺳﺎﻻﻡ ﻳﻮﻟﻼﻳﻤﻪﻥ . ﺋﯘﻳﻐﯘﺭ ﺋﯩﻨﯩﻤﯩﺰﻧﯩﯔ ﺋﯚﺯﯨﻨﯩﯔ ﺋﺎﺯﻏﯩﻨﻪ ﭼﯘﺷﻪﻧﭽﻠﯩﺮﻯ ﺋﺎﺳﺎﺳﯩﺪﺍ ﺟﻪﻣﻠﻪﻧﮕﻪﻥ ﺗﯩﻤﯩﺴﯩﻐﺎ ﻗﺎﺭﺍﭖ ﺧﻮﺵ ﺑﻮﻟﺪﯗﻡ . ﺑﻪﺯﯨﺪﻩ ﻛﯩﭽﯩﻜﻜﯩﻨﻪ ﺋﯩﺸﻼﺭﺩﯨﻦ ﺧﯘﻻﺳﻪ ﭼﯩﻘﯩﺮﯨﭗ ﺗﯘﺭﯗﺷﻤﯘ ﻳﺎﺧﺸﻰ ﺋﯩﺶ . ﺳﻮﺭﯨﻐﻰ ﻳﻮﻕ ﺋﯩﺶ ﺑﻮﻟﻤﯩﻐﯩﻨﺪﻩﻙ ﺑﯘﻧﺪﺍﻕ ﻗﯩﺰﻏﯩﻨﻠﯩﻘﻨﯩﯖﻤﯘ ﺩﺍﯞﺍﻣﻠﯩﻖ ﺑﯘﻟﯩﺸﯩﻐﺎ ﻣﻪﻥ ﺋﺸﻪﻧﻤﻪﻳﻤﻪﻥ ﭼﯘﻧﻜﻰ ﻟﯩﻴﺎﯕﺸﻪﻥ ﺑﺎﺗﯘﺭﻟﯩﺮﻯ ﺩﺍﯞﺍﻣﻠﯩﻖ ﺑﺎﺗﯘﺭﻟﯘﻕ ﺑﯩﻠﻪﻥ ﺗﺎﻏﻨﻰ ﺑﯩﺴﯩﭗ ﻳﺎﺗﺎﻟﻤﯩﻐﯩﻨﺪﻩﻙ ﮬﻪﻣﻤﯩﺰ ﺑﯘ ﺗﻮﺭ ﺩﯗﻧﻴﺎﺳﯩﻨﻰ ﺑﯩﺴﯩﭗ ﻳﺎﺗﺎﻟﻤﺎﻳﻤﯩﺰ . ﺷﯘ ﺗﺎﭘﺘﺎ ﻧﯘﺭﯗﻥ ﻛﯩﺴﻪﻟﻠﻪﺭ ﺋﺎﻏﺮﯨﻖ ﺋﺎﺯﺍﺑﯩﻨﻰ ﺗﺎﺭﺗﯩﯟﺍﺗﯩﺪﯗ . ﻧﯘﺭﻏﯘﻥ ﺋﺎﺩﻩﻣﻠﻪﺭ ﺟﺎﻥ ﮬﻪﻟﻘﯘﻣﯩﺪﺍ ﺟﺎﻥ ﺗﺎﻟﺸﯩﯟﺍﺗﯩﺪﯗ . ﻳﻪﻧﻪ ﻧﯘﺭﻏﯘﻥ ﺋﯘﻳﻐﯘﺭ ﺋﺎﻧﺴﯩﻨﯩﯔ ﻗﻮﺭﺳﯩﻐﯩﺪﺍ ﻳﺎﻛﻰ ﺗﯘﻏﯘﻟﯩﯟﺍﺗﯩﺪﯗ . ﻣﻪﻳﻠﻰ ﻧﯩﻤﻪ ﺑﯘﻟﯩﺸﯩﺪﯨﻦ ﻗﻪﺗﺌﻰ ﻧﻪﺯﻩﺭ ﺋﺎﺯ ﺑﻮﻟﺴﯩﻤﯘ ﺋﯚﺯﯨﻤﯩﺰﻧﯩﯔ ﺗﻪﺳﯩﺮﯨﻨﻰ . ﺋﯩﺰﯨﻨﻰ ﻗﻪﻟﺒﯩﻠﻪﺭﺩﻩ ﻗﺎﻟﺪﯗﺭﯗﺵ. ﺋﯚﺯ ﺋﻪﻣﮕﻪﻛﻠﯩﺮﯨﻤﯩﺰﻧﻰ ﺑﯘ ﺧﺎﻣﺎﻧﻐﺎ ﺋﻪﻛﯩﻠﯩﭗ ﺗﺎﺷﻼﺵ ﺑﯩﺰ ﺋﯘﭼﯘﻥ ﻳﻪﻧﯩﻼ ﺋﻪﮬﻤﯩﻴﻪﺗﻠﯩﻚ ﺋﯩﺶ . ﺷﯘﯕﺎ ﺑﯩﺰﻧﯩﯔ ﺩﯨﮕﻪﻥ ﮬﻪﺭ ﺑﯩﺮ ﮔﯩﭙﯩﻤﯩﺰ ﻗﯩﻠﯩﯟﺍﺗﻘﺎﻥ ﮬﻪﺭ ﺑﯩﺮ ﺋﯩﺸﻤﯩﺰ ﭼﻮﻗﯘﻡ ﮬﻪﻡ ﻣﯘﺗﻠﻪﻕ ﺋﻪﮬﻤﯩﻴﻪﺗﻜﻪ ﺋﯩﮕﻪ . ﮬﯩﭻ ﺑﻮﻟﻤﯩﺴﺎ ﺋﻪﮬﻤﯩﻴﻪﺕ ﺑﯩﺰﮔﻪ ﺋﯚﺯﯨﻨﻰ ﻗﺎﻧﺪﺍﻕ ﻳﺎﺭﯨﺘﯩﺶ ﺗﻮﻏﯘﺭﺳﯩﺪﺍ ﻣﻪﺳﻠﯩﮭﻪﺕ ﺑﯩﺮﯨﺪﯗ ﭼﯘﻧﻜﻰ ﺑﯩﺰ ﮬﻪﻣﻤﯩﺰ ﺗﯩﺮﯨﺸﯟﺍﺗﯩﻤﯩﺰ . ﻛﺎﻧﺎﻱ ﺑﯩﻠﻪﻥ ﺋﻪﻣﻪﺱ ﻏﯘﺭﯗﺭ ﺑﯩﻠﻪﻥ ﻧﻪﭘﻪﺱ ﺋﯩﻠﯩﯟﺍﺗﻘﺎﻥ ﺋﻪﻗﯩﻞ ﺋﯩﮕﻠﯩﺮﻯ ﺗﻮﺭ ﺋﺎﻟﯩﻤﯩﺪﻩ ﻣﻪﯞﺟﯘﺕ . ﺋﯘﻳﻐﯘﺭ ﺋﯩﻨﯩﻢ ﺳﯩﺰﮔﻪ ﺑﯩﺮ ﺗﻪﻛﻠﯩﭗ ﺑﯘﻧﯩﯖﺪﯨﻦ ﻛﯩﻴﻦ ﺗﻮﺭ ﺩﯗﻧﻴﺎﺳﯩﻨﻰ ﻣﻪﯞﮬﯘﻡ ﺩﯨﻤﯩﺴﻪﻙ ﺩﯨﮕﻪﻥ ﭘﯩﻜﯩﺮﺩﻩ ﻣﻪﻥ . ﭼﯘﻧﻜﻰ ﻣﻪﯞﮬﯘﻡ ﺩﯨﮕﻪﻥ ﮔﻪﭘﻨﯩﯔ ﻣﻪﻧﯩﺴﻰ . ﻳﻮﻕ . ﺧﻴﺎﻟﻰ ﺳﯩﺰﯨﻢ ﭘﻪﻳﺪﺍ ﻗﯩﻠﻐﺎﻥ ﻣﻪﯞﺟﯘﺗﻠﯘﻗﻘﺎ ﻗﺎﺭﯨﺘﻠﯩﺪﯗ . ﻛﯚﺭﮔﯩﻠﻰ ، ﺗﯘﺗﻘﯩﻠﻰ ﺑﻮﻟﻤﺎﻳﺪﯨﻐﺎﻥ ﻧﻪﺭﺳﯩﻠﻪﺭﻧﻰ ﺋﺎﺩﻩﺗﺘﻪ ﺑﯩﺰ ﻣﻪﯞﮬﯘﻡ ﺩﻩﭖ ﺋﺎﺗﺎﻳﻤﯩﺰ . ﻟﯩﻜﯩﻦ ﺗﻮﺭ ﺩﯗﻧﻴﺎﺳﻰ ﻣﯩﻨﯩﯖﭽﻪ ﻣﻪﯞﮬﯘﻡ ﺩﯗﻧﻴﺎ ﺋﻪﻣﻪﺱ ﺋﯘ ﺧﯘﺩﺩﺩﻯ ﺑﯩﺰﺩﻩﻙ . ﺑﯩﺰﻧﯩﯔ ﺋﺎﺗﻪﺵ ﻧﻪﭘﻪﺳﻠﯩﺮﯨﻤﯩﺰﺩﻩﻙ ﺑﯩﺰﻧﯩﯔ ﺋﻮﺗﺘﻪﻙ ﮬﺎﺭﺍﺭﻩﺗﻠﯩﻚ ﺗﯩﻨﯩﻤﯩﺰﺩﻩﻙ .ﺑﯩﺰﻧﯩﯔ ﺋﺎﺭﻣﺎﻥ ﺋﯩﺸﻘﯩﺪﺍ ﺷﯩﺪﺩﻩﺗﻠﯩﻚ ﺳﻮﻗﯘﯞﺍﺗﻘﺎﻥ ﻳﯘﺭﯨﮕﯩﻤﯩﺰﺩﻩﻙ ﻣﻪﯞﺟﯘﺕ ﻧﻪﺭﺳﻪ . ﺷﯘﯕﺎ ﺗﻮﺭ ﺋﺎﻟﯩﻤﯩﻨﻰ ﻣﻪﯞﮬﯘﻡ ﺩﯨﻴﺸﯩﻨﯩﯔ ﺋﺎﺳﺎﺳﻰ ﻳﻮﻕ ﺩﻩﭖ ﻗﺎﺭﺍﻳﻤﻪﻥ . ﺑﯘﺭﯗﻥ ﻣﻪﻥ ﺑﯘ ﮬﻪﻗﺘﻪ ﮔﻪﭖ ﻗﯩﻼﻱ ﺩﯨﮕﻪﻥ ﻟﯩﻜﯩﻦ ﮔﻪﭖ ﻗﯩﻠﻐﯘﻡ ﻛﻪﻟﻤﯩﮕﻪﻧﺪﻯ . ﺑﯘﮔﯘﻥ ﺳﺎﺋﯩﺘﻰ ﻛﻪﭘﺘﯘ . ﺷﯘﯕﺎ ﻗﺎﺗﺎﺭﺩﺍ ﺑﺎﺷﻘﯩﻼﺭﻣﯘ ﺋﻮﻳﻠﯩﻨﯩﭗ ﺑﺎﻗﺴﯘﻥ ﺩﻩﭖ ﺩﯨﺪﯨﻢ . ﯰﻳﻐﯘﺭﻻﺭ ﯞﻩ ﯰﻳﻐﯘﺭ ﺗﻮﺭ ﯬﺩﻩﺑﯩﻴﺎﺗﻰ
ﺋﯩﻨﺘﯩﺮﻧﯩﺘﻨﯩﯔ ﻛﻪﯓ ﺧﻪﻟﻖ ﯪﻣﻤﻤﯩﺴﯩﻐﺎ ﻛﻪﯓ-ﻛﯚﻟﻪﻣﺪﻩ ﯮﻣﯘﻣﻠﯩﺸﯩﻐﺎ ﯬﮔﯩﺸﯩﭗ ﻫﻪﺭﻗﺎﻳﺴﻰ ﻛﻪﺳﭙﻠﻪﺭﻧﯩﯔ ﺋﯩﺠﺘﯩﻤﺎﺋﯩﻲ ﺗﻪﺭﻩﻗﻘﯩﻴﺎﺗﻰ ﺑﯩﻠﻪﻥ ﺑﻮﻟﻐﺎﻥ ﭘﯩﺸﺎﯕﻠﯩﻖ ﺭﻭﻟﻰ ﻛﯚﺯ ﻳﯘﻣﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﺩﻩﺭﯨﺠﯩﺪﻩ ﻛﯚﺭﯛﻧﻪﺭﻟﯩﻚ ﺑﻮﻟﺪﻯ.
ﯬﻳﻨﻰ ﻳﯩﻠﻼﺭﺩﺍ ﯪﻣﯧﺮﯨﻜﯩﺪﯨﻜﻰ << ﻣﯩﻜﺮﻭ ﺳﻮﻓﺖ ﺷﯩﺮﻛﯩﺘﻰ>> << ﯞﯦﻨﺪﻭﯞﺱ>> ﻳﯘﻣﺸﺎﻕ ﺩﯦﺘﺎﻟﯩﻨﻰ ﻛﻪﺷﭗ ﻗﯩﻠﯩﭗ ﻛﻪﯓ ﻛﯚﻟﻪﻣﺪﻩ ﺑﺎﺯﺍﺭﻏﺎ ﺳﯧﻠﯩﺶ ﺑﯩﻠﻪﻥ ﻛﻮﻣﭙﻴﯘﺗﯧﻨﯩﯔ ﻫﻪﺭﻗﺎﻳﺴﻰ ﻛﻪﺳﭙﻠﻪﺭﮔﻪ ﺷﯩﺪﺩﻩﺗﻠﯩﻚ ﺋﯧﻘﯩﻦ ﺑﻮﻟﯘﭖ ﺳﯩﯖﯩﭗ ﻛﯩﺮﯨﺸﻰ ﯮﺗﺘﯘﺭﺳﯩﺪﯨﻜﻰ ﺗﺎﻧﺎﺳﯩﭙﺎﻝ ﻣﯘﻧﺎﺳﯩﯟﻩﺕ <<ﺋﯩﻨﺘﯩﺮﻧﯩﺖ ﺋﯩﺸﺨﺎﻧﯩﯟﯨﺮ>> ﺳﯧﺴﺘﯩﻤﯩﺴﻨﯩﯔ ﯞﯦﻨﺪﻭﯞﺳﻘﺎ ﺳﻪﭘﻠﯩﻨﯩﺸﻰ ﺑﯩﻠﻪﻥ ﺋﯩﻨﻘﯩﻼﺏ ﺧﺎﺭﺍﻛﺘﯧﺮﻟﯩﻚ ﯲﺯﮔﯩﺮﯨﺶ ﻳﺎﺳﺎﭖ ﯰﺯﯗﻧﺪﯨﻦ ﺑﯧﺮﻯ ﻫﯚﻛﯜﻣﺮﺍﻥ ﯮﺭﯗﻧﺪﺍ ﺗﯘﺭﯗﭖ ﻛﻪﻟﮕﻪﻥ ﺋﯩﻨﺴﺎﻧﻼﺭ ﯮﺗﺘﯘﺭﺳﯩﺪﯨﻜﻰ ﭘﻮﭼﺘﺎ ﯪﻻﻗﯩﺴﯩﻨﻰ ﺷﯩﺪﺩﻩﺕ ﺑﯩﻠﻪﻥ ﻳﻪﯕﺪﻯ. ﺋﯩﻨﺘﯩﺮﻧﯩﺖ 6 ﻣﯩﻠﻴﺎﺭﺩ ﺩﯗﻧﻴﺎ ﯪﻫﺎﻟﯩﺴﯩﻨﯩﯔ ﻣﯧﻬﺮﯨﻨﻰ ﺑﯩﺮ -ﺑﯩﺮﺳﯩﮕﻪ ﭼﺎﺗﺘﻰ .ﺩﯙﻟﻪﺗﻠﻪﺭ ﯮﺗﺘﯘﺭﺳﯩﺪﯨﻜﻰ ﺗﻮﺳﺎﻗﻼﺭ ﭘﺎﭼﺎﻗﻠﯩﻨﯩﭗ ﺋﯩﻨﺘﯩﺮﻧﯩﺮ ﺑﺎﺭﺍ-ﺑﺎﺭﺍ ﻳﯧﺰﺍ-ﻗﯩﺸﻼﻗﻼﺭﻏﯩﭽﻪ ﻛﯧﯖﻪﻳﺪﻯ.
21-ﯬﺳﯩﺮﮔﻪ ﻛﻪﻟﮕﻪﻧﺪﻩ ﭘﻪﻥ-ﺗﯧﺨﻨﯩﻜﯩﻨﯩﯔ ﯪﻟﻪﻣﺸﯘﻣﯘﻝ ﻧﻪﺗﯩﺠﯩﻠﯩﺮﻯ ﻗﻮﺭﺷﺎﯞﯨﺪﯨﻜﻰ ﺋﯩﻨﺴﺎﻧﯩﻴﻪﺕ ﻛﻮﻧﯩﺮﺍﭖ ﻛﻪﺗﻜﻪﻥ ﯬﺑﺠﻪﻕ ﺩﯗﻧﻴﺎﻧﯩﯔ ﻗﯘﻧﻠﯘﻗﻠﯩﺮﯨﺪﺍ ﻗﯘﻡ ﯪﺳﺘﯩﺪﺍ ﻳﺎﺗﻘﺎﻥ ﯬﻧﯭﻧﯩﻨﯩﯔ ﯬﻫﻜﺎﻣﻠﯩﺮﯨﻐﺎ ﺑﺎﺵ ﯰﺭﯗﭖ ،ﯲﻟﯜﻡ ﯞﻩ ﻫﺎﻻﻛﻪﺗﻨﻰ ﺗﻪﻗﺪﯨﺮﮔﻪ ﺑﺎﻏﻼﭖ ،ﺗﻪﻗﺪﯨﺮﺩﯨﻦ ﺑﺎﺷﻘﺎ ﻣﯚﺟﯩﺰﯨﻠﻪﺭﻧﻰ ﺋﯩﺘﺮﺍﭖ ﻗﯩﻠﯩﺸﻘﺎ ﻛﯚﻧﻤﯩﮕﻪﻥ ﯰﻳﻐﯘﺭ ﻗﻪﯞﻣﻰ ﯴﭼﯜﻥ ﻳﻪﻧﻪ ﺑﯩﺮ ﺳﺎﯞﺍﺗﺴﯩﺰﻟﯩﻖ ﯰﻗﯘﻣﯩﻨﻰ ﺗﺎﺷﻠﯩﺪﻯ.ﻛﯜﻧﺴﯧﺮﻯ ﭼﯚﻛﯩﯟﺍﺗﻘﺎﻥ ﻗﯘﻣﻠﯘﻗﻼﺭﻏﺎ ﻣﺎﺱ ﻫﺎﻟﺪﺍ ﭼﯚﻛﯩﯟﺍﺗﻘﺎﻥ ﺭﻭﻫﻨﻰ ﻏﻪﻳﯩﭗ ﯰﭼﯘﺭﻻﺭﺩﯨﻦ ﺋﯩﺰﻟﻪﯞﺍﺗﻘﺎﻥ ﺑﯘﻣﯩﻠﻠﻪﺕ ﯴﭼﯜﻥ ﻳﻪﺭ -ﺯﯦﻤﯩﻦ ﺋﯧﺮﯨﭗ 72% ﺳﯘﻟﯘﻗﺘﯩﻜﻰ ﺗﻮﭘﺎﻧﻨﯩﯔ ﺑﯩﺸﺎﺭﯨﺘﻰ ﺩﻩﯞﺭﻩﭖ ﻛﻪﻟﮕﻪﻧﺪﻩ : ﻧﻮﻫﻨﯩﯔ ﻛﯩﻤﯩﺴﻰ ﻫﺎﺟﻪﺕ ﯬﻣﻪﺱ .ﭼﯜﻧﻜﻰ ﺑﯘ ﻗﻪﯞﻡ <<ﯰﻧﺘﯘﻏﺎﻗﻠﯩﻖ ﻛﯧﺴﯩﻠﻰ>>ﮔﻪ ﻣﻪﻫﻜﯘﻡ ﺑﻮﻟﻐﺎﻥ .ﯬﺗﺮﺍﭘﯩﻤﯩﺰﺩﺍ ﯞﺍﻗﯩﺘﻨﻰ <<ﺳﺎﯬﺕ>>ﺗﯩﻦ ﺋﯩﺒﺎﺭﻩﺕ ﻳﯧﯖﻰ ﺋﯩﺠﺎﺩﯨﻴﻪﺕ ﺑﯩﻠﻪﻥ ﯲﻟﭽﻪﭖ ﯪﺯ ﻗﺎﻟﻐﺎﻥ ﺯﺍﻣﺎﻥ ﯪﺧﯩﺮﻧﯩﯔ ﺑﯩﺸﺎﺭﯨﺘﻰ ﺩﻩﭖ ﺗﻮﻧﯘﭖ ﯪﺧﯩﺮﻩﺗﻜﻪ ﯪﻟﺪﯨﺮﺍﯞﺍﺗﻘﺎﻥ ﻣﯩﻠﻠﻪﺗﻨﯩﯔ ﺳﯜﺯﯛﻙ ﻗﯩﺮﺍﯬﺗﻠﯩﺮﻯ ﯪﯕﻠﯩﻨﯩﯩﭗ ﺗﯘﺭﺳﯩﻤﯘ ﺑﯩﺰ ﺗﯧﺨﭽﻪ ﺋﯩﻠﻠﻪﺗﻠﯩﺮﯨﻤﯩﺰﮔﻪ ﻣﯘﻫﻪﺑﺒﻪﺕ ﻛﯚﺯﻯ ﺑﯩﻠﻪﻥ ﻗﺎﺭﺍﯞﺍﺗﯩﻤﯩﺰ.ﮔﻪﺭﭼﻪ ﺋﯩﻨﺘﯩﺮﻧﯩﺘﻨﯩﯔ ﻗﻮﺭﺷﺎﯞﯨﻐﺎ ﭼﯜﺷﯜﭖ ﻫﻪﻣﻤﻪ ﻧﻪﺭﺳﻪ ﺯﺍﻣﺎﻧﯩﯟﯨﻠﯩﻘﻘﺎ ﻗﺎﺭﺍﭖ ﻳﯜﺯﻟﯩﻨﯩﯟﺍﺗﺴﯩﻤﯘ ﺑﯩﺰ ﺯﺍﻣﺎﻧﯩﯟﻯ ﺷﻪﻫﻪﺭﻟﻪﺭﻧﯩﯔ ﺑﯘﺭﺟﻪﻛﻠﯩﺮﯨﺪﻩ ﺋﯩﺴﻘﺎ ﭘﯜﺭﻛﯩﻨﯩﭗ ﯮﻟﺘﯘﺭﯗﭖ <<ﻛﺎﯞﺍﭖ ﺳﯧﺘﯩﯟﺍﺗﻘﺎﻥ ﻣﯩﻠﻠﻪﺕ>>ﻛﻪ ﯪﻳﻼﻧﺪﯗﻕ.ﺩﯗﻧﻴﺎﺩﺍ ﺑﯩﺮ ﯪﺩﻩﻡ ،ﭘﻪﻗﻪﺕ ﺑﯩﺮ ﯪﺩﻩﻣﻼ ﯲﺯ ﺋﯩﺮﺍﺩﯨﺴﯩﻨﻰ ﻳﯘﻣﺸﺎﻕ ﺩﯦﺘﺎﻝ ﯪﺭﻗﯩﻠﯩﻖ ﮔﻪﯞﺩﯨﻠﻪﻧﺪﯛﺭﯛﭖ ﻛﯚﺯ ﺑﯩﻠﻪﻥ ﻛﯚﺭﮔﯩﻠﻰ ،ﻗﻮﻟﻰ ﺑﯩﻠﻪﻥ ﺗﯘﺗﻘﯩﻠﻰ ﺑﻮﻟﻤﺎﻳﺪﯨﻐﺎﻥ ﻣﻪﻫﺴﯘﻻﺗﻰ ﯪﺭﻗﯩﻠﯩﻖ ﯪﺩﻩﻡ ﺗﻪﺳﻪﯞﯞﯗﺭ ﻗﯩﻠﻐﯘﺳﯩﺰ ﺑﺎﻳﻠﯩﻖ ﻳﺎﺭﯨﺘﯩﯟﺍﺗﻘﺎﻥ ﻗﯩﻤﻤﻪﺕ ﺩﻩﯞﺭﯨﺪﻩ ﺑﯩﺰ ﻗﻮﻝ ﺑﯩﻠﻪﻥ ﺗﯘﺗﻘﯩﻠﻰ،ﻛﯚﺯ ﺑﯩﻠﻪﻥ ﻛﯚﺯﮔﯩﻠﻰ ﺑﻮﻟﯩﺪﯨﻐﺎﻥ ﺧﺎﻡ ﯬﺷﻴﺎ ﯪﺭﺗﯘﻗﭽﯩﻠﯩﻘﯩﻤﯩﺰﻧﻰ ﺩﺍﯞﺭﺭﺍﯓ ﺳﯧﻠﯩﭗ ﺳﺎﻧﺎﯬﺕ ﯪﺳﺎﺳﻰ ﻳﻮﻕ ﻗﯩﻤﻤﻪﺕ ﻗﺎﻧﯘﻧﯩﻨﯩﯔ ﭼﻪﻛﻠﯩﻤﯩﺴﯩﺪﯨﻦ ﺳﯩﺮﺕ ﺑﯩﺮ ﻗﺎﻧﭽﻪ ﻳﯩﻠﺪﯨﻦ ﻛﯧﻴﯩﻦ ﺗﯜﮔﻪﻳﺪﯨﻐﺎﻥ ﺑﯩﺮ ﮔﯘﻣﺮﺍﻫ ﺳﻮﺩﺍ ﻳﻮﻟﯩﻐﺎ ﻗﺎﻥ-ﻗﯧﻨﯩﻤﯩﺰ ﺑﯩﻠﻪﻥ ﻛﯩﺮﯨﭗ ﻛﻪﺗﺘﯘﻕ.ﺑﯩﺰ ﺑﻪﺭﭘﺎ ﻗﯩﻠﻐﺎﻥ ﺳﻮﺩﺍ ﻣﻪﺩﻩﻧﯩﻴﺘﻰ ﺑﯩﻠﻪﻥ ﺋﯩﻨﮕﯩﻠﯩﺰﻻﺭﻏﺎ ﻧﻪﺯﻩﺭ ﺳﯧﻠﯩﺶ ﺑﻪﻛﻤﯘ ﻗﻮﺭﻗﯘﻧﭽﻠﯘﻕ ﻫﻪﻡ ﺑﻪﻛﻤﯘ ﺧﻪﺗﻪﺭﻟﯩﻚ.ﭼﯜﻧﻜﻰ ﺗﯜﮔﯩﻤﻪﻳﺪﯨﻐﺎﻥ ﺗﻪﺑﺌﯩﻲ ﺑﺎﻳﻠﯩﻖ ﻳﻮﻕ. ﺑﯘ ﻫﺎﻣﺎﻥ ﯪﺧﯩﺮﻟﯩﺸﯩﺪﯗ.
ﺋﯩﻨﺴﺎﻧﻼﺭﻧﯩﯔ ﺗﯟﺧﻨﯩﻜﺎ ﺋﯩﻘﺘﯩﺪﺍﺭﻯ ﺑﯩﺰﻧﯩﯩﯔ ﯬﻗﻞ-ﭘﺎﺭﺍﺳﯩﺘﯩﻤﯩﺰﺩﯨﻦ ﻫﻪﺳﺴﯩﻠﻪﭖ ﺋﯧﺸﯩﭗ ﻛﻪﺗﻜﻪﻥ ﻳﯧﻘﯩﻨﻘﻰ ﻳﯩﻠﻼﺭﺩﺍ ﯰﻳﻐﯘﺭ ﺗﯩﻞ-ﻳﯧﺰﯨﻘﻰ ﺑﯩﻠﻪﻥ ﺋﯩﻨﺘﯩﺮﻧﯩﺘﺘﺎ ﯪﻻﻗﻪ ﻗﯩﻠﯩﺶ ﺷﻪﺭﯨﭙﯩﻴﻨﻰ <<ﯰﻳﻐﯘﺭ ﺳﻮﻓﺖ >>ﺷﯩﺮﻛﯩﺘﻰ <<ﯬﻝ ﻛﺎﺗﯩﭗ>> ﻳﯧﺰﯨﻖ ﺳﯧﺴﺘﯩﻤﯩﺴﯩﻨﻰ ﺋﯩﺠﺎﺩ ﻗﯩﻠﯩﺶ ﺑﯩﻠﻪﻥ ﻳﺎﺭﯨﺘﯩﭗ ﺑﻪﺭﺩﻯ.ﯪﻟﻪﻡ ﻣﯚﺟﯩﺰﯨﻠﯩﺮﯨﮕﻪ ﺑﻮﻟﻐﺎﻥ ﻗﺎﻳﯩﻠﻠﯩﻘﯩﻤﯩﺰ ﯪﺷﺘﻰ.ﻳﯩﺘﯩﺮﻗﺎﭖ ﺗﯘﺭﯗﭖ ﺋﯩﻨﺘﯩﺮﻧﯩﺘﻘﺎ ﻗﻪﺩﻩﻡ ﺑﺎﺳﺘﯘﻕ.ﻫﻪﻳﻬﺎﺕ!ﻫﺎﻳﺎﺗﯩﻤﯩﺰ ﻫﺎﻳﺎﺟﺎﻧﻐﺎ ﺗﻮﻟﺪﻯ.ﺗﻪﺭﻩﻗﻘﯩﻴﺎﺗﻨﯩﯔ ﺭﯦﺘﯩﻤﯩﻨﻰ ﻫﯧﺲ ﻗﯩﻠﺪﯗﻕ.ﭘﯘﻝ-ﻣﯘﯪﻣﯩﻠﻪ ،ﭘﻮﭼﺘﺎ -ﺗﯧﻠﯩﮕﺮﺍﻑ ﺳﯧﺴﺘﯩﻤﯩﺴﯩﺪﯨﻜﻰ ﻗﻮﻻﻳﻠﯩﻘﻼﺭ ...ﻫﻮﻟﻠﯩﯟﻭﺩﺗﺎ ﻧﻪﭼﭽﻪ ﻣﯩﻨﯘﺕ ﺋﯩﭽﯩﺪﻩ ﺋﯩﺸﻠﻪﻧﮕﻪﻥ ﻧﺎﺩﯨﺮ ﻓﯩﻠﯩﻤﻼﺭ ﻧﻪﭼﭽﻪ ﺳﺎﯬﺗﺘﯩﻦ ﻛﯧﻴﯩﻦ ﯰﻳﻐﯘﺭ ﺗﻮﺭ ﺑﻪﺗﻠﯩﺮﯨﺪﻩ ﭘﻪﻳﺪﺍ ﺑﻮﻟﺪﻯ .ﺯﺍﻣﺎﻧﺪﺍﺷﻼﺭ ﺋﯩﭽﯩﺪﯨﻜﻰ ﺗﻪﺭﻩﻗﻘﯩﻴﺎﺗﻼﺭﺩﯨﻦ ﺳﯚﻳﯜﻧﺪﯗﻕ.ﯰﺭﯗﺵ ﻫﺎﻻﻛﻪﺗﻠﯩﺮﻯ،ﻣﯩﻠﻠﻪﺗﻠﻪﺭ ﯪﺭﺍ ﺳﯜﺭﻛﯩﻠﯩﺸﻠﻪﺭ ...ﺗﯚﻛﯩﻠﯩﯟﺍﺗﻘﺎﻥ ﻗﺎﻥ...ﻳﯩﻤﯩﺮﯨﻠﯩﯟﺍﺗﻘﺎﻥ ﯬﺧﻼﻗﻘﺎ ﻧﻪﭘﺮﻩﺗﻠﻪﻧﺪﯗﻕ .ﻗﯘﺭﻏﺎﻕ ﺭﻭﻫﯩﻤﯩﺰﻏﺎ ﺳﯩﯖﯩﭗ ﻛﯩﺮﯨﺸﻜﻪ ﺑﺎﺷﻠﯩﻐﺎﻥ ﻧﻪﻡ ﻫﺎﯞﺍ ﺋﯩﭽﯩﺪﻩ ﮔﺎﻫﯩﺪﺍ ﯮﻏﯘﺯﺧﺎﻧﻨﯩﯔ ﯪﻕ ﻗﺎﺷﻘﯩﻠﯩﻖ ﺋﯧﺘﯩﻐﺎ ﻣﯩﻨﯩﭗ ﺟﻪﯕﮕﺎﻫﻼﺭﺩﺍ ﻳﺎﻟﯩﯖﺎﭼﻼﻧﻐﺎﻥ ﻗﯩﻠﯩﭽﻠﯩﺮﯨﻤﯩﺰﻧﻰ ﻛﯚﺗﯩﺮﯨﭗ ﻫﯘﺭﺭﺍ ﺗﻮﯞﻟﯩﺴﺎﻕ ﮔﺎﻫﯩﺪﺍ ﻣﻪﻫﻤﯘﺩ ﻗﻪﺷﻘﯩﺮﻯ ﺑﯩﻠﻪﻥ << ﻫﺎﻱ-ﻫﺎﻱ ﺗﯧﺮﻩﻙ>>ﻧﯩﯔ ﯪﺳﺘﯩﺪﺍ ﯮﻟﺘﯘﺭﯗﭖ ﺑﯩﺮﻟﯩﻜﺘﻪ ﻧﺎﻣﺎﺯ ﯮﻗﯘﺩﯗﻕ.ﺋﯩﻨﺘﯩﺮﻧﯩﺘﺘﯩﻜﻰ ﺩﯗﻧﻴﺎﯞﻯ ﺋﯩﻨﻘﯩﻼﺏ 28% ﻗﯘﺭﯗﻗﻠﯘﻗﺘﯩﻜﻰ ﺋﯩﻨﺴﺎﻧﻼﺭﻧﯩﯔ ﭼﻪﻛﺴﯩﺰ ﻣﯧﻬﺮﻯ -ﻣﯘﻫﻪﺑﺒﯩﺘﯩﻨﻰ ﺑﯩﺮ-ﺑﯩﺮﮔﻪ ﭼﺎﺗﺘﻰ.ﻣﯩﻠﻠﻪﺗﺘﯩﻜﻰ ﭼﯚﭼﯜﺵ ﺳﻪﺯﮔﯜﺳﻰ ﺑﯩﻠﻪﻥ ﻛﯜﻧﺴﯧﺮﻯ ﻳﯧﯖﯩﻠﯩﻘﻘﺎ ﻳﯜﺯﻟﯩﻨﯩﭗ ﻣﺎﻧﺎ ﻣﻪﻥ ﻣﻪﺩﻩﻧﯩﻴﻪﺗﻨﯩﯔ ﺑﻪﻟﮕﯩﺴﻰ ﺩﻩﭖ ﺟﺎﺭﺳﯧﻠﯩﯟﺍﺗﻘﺎﻥ ﯪﻟﺪﯨﻤﯩﺰﺩﯨﻜﻰ<<ﺷﻪﻳﺘﺎﻥ ﯬﻳﻨﯩﻜﻰ>> ﯪﻟﺪﯨﺪﺍ ﻫﻪﻗﯩﻘﻪﺗﻪﻥ ﺳﺎﯞﺍﺗﺴﯩﺰﻟﯩﻘﯩﻤﯩﺰﻧﻰ ﻫﯧﺲ ﻗﯩﻠﯩﭗ ﻳﻪﺗﻜﻨﯩﻤﯩﺰﺩﻩ ﭼﯘﭼﯘﻣﻪﻱ ﻗﺎﻟﻤﺎﻳﻤﯩﺰ
(ﺩﺍﯞﺍﻣﻰ ﺑﺎﺭ )
ﺑﯘ ﻣﺎﻗﺎﻟﯩﻤﯘ ﻧﻪﺳﯩﺮﻯ ﻣﯘﯞﻩﺷﺸﻪﮬﻤﯘ ؟ ﺋﯚﺯﮬﺎﻟﻜﺎﻣﻨﯩﯔ ﺩﯦﮕﻪﻧﻠﯩﺮﻯ ﺋﻮﺭﯗﻧﻠﯘﻕ . ﺭﻩﮬﻤﻪﺕ ﺳﯩﺰﮔﻪ... ﺭﺍﺱ ﮔﻪﭘﻨﻰ ﻗﯩﻠﺴﺎﻡ \"ﺋﯘﻳﻐﯘﺭ ﺗﻮﺭ ﺋﻪﺩﻩﺑﯩﻴﺎﺗﯩﻐﺎ ﻧﻪﺯﻩﺭ\" ﻧﺎﻣﯩﺪﯨﻜﻰ ﺑﯘ ﺗﯩﻤﺎ ﺑﻪﻛﻼ ﻳﯜﺯﻩﻛﻰ ﯞﻩ ﺗﺎﺭ ﻣﻪﻧﺎﺩﺍ ﺑﻮﻟﯘﭖ ﻗﺎﭘﺘﯘ. ﺑﯘ ﻳﻪﺭﺩﻩ ﺗﻪﺭﻩﻗﻘﯩﻴﺎﺕ ﻣﻪﺳﯩﻠﯩﺴﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺋﯩﻜﻪﻥ ﺋﻪﻟﯟﻩﺗﺘﻪ ﺋﯩﻠﮕﯩﺮﯨﻜﻰ ﺗﻪﻛﻠﯩﻤﺎﻛﺎﻥ، ﺑﺎﺵ ﺋﻪﮔﯩﻢ، ﺑﺎﺧﺸﻰ، ﺳﻪﻧﻪﻡ، ﺋﯩﺰﭼﻰ، ﭘﯘﻗﺮﺍ . . . ﻣﯘﻧﺒﻪﺭﻟﯩﺮﯨﺪﯨﻦ ﺑﺎﺷﻼﭖ ﮬﺎﺯﯨﺮﻗﻰ ﺳﻪﻟﻜﯩﻦ، ﺩﯨﻴﺎﺭﯨﻢ، ﮔﯜﻟﯩﺴﺘﺎﻥ، ﺋﻪﻟﮕﯩﻴﺎﺭ، ﺗﻪﭘﻪﻛﻜﯘﺭ، ﮔﯜﻟﺸﻪﻥ، ﺧﺎﺱ ﮬﺎﺟﯩﭗ، ﺋﯘﻳﻐﯘﺭ ﻟﯩﻨﯩﻴﯩﺴﻰ، ﺋﺎﻗﯩﻠﻼﺭ، ﺩﺍﻧﺎﻻﺭ، ﺑﺎﺵ ﺋﻪﮔﯩﻢ . . . ﻗﺎﺗﺎﺭﻟﯩﻖ ﺑﯩﺮ ﻗﻪﺩﻩﺭ ﺋﻪﺩﻩﺑﯩﻲ ﻳﻮﻟﻨﻰ ﺗﯘﺗﻘﺎﻥ ﺗﻮﺭ ﺑﯩﻜﻪﺗﻠﻪﺭﮔﻪ ﮬﻪﻣﻤﯩﻨﻰ ﺑﯩﺮ ﻗﺎﺗﺎﺭ ﺋﻪﺳﻠﻪﭖ ﺋﯚﺗﯜﺷﻰ ﻛﯧﺮﻩﻙ ﺋﯩﺪﻯ. ﻧﻪﭼﭽﻪ ﺋﺎﻳﻨﯩﯔ ﺋﺎﻟﺪﯨﺪﺍ ﺋﯜﺭﯛﻣﭽﯩﺪﻩ ﺩﯗﻛﺎﻧﺪﺍ ﺋﻮﻟﺘﯘﺭﺳﺎﻡ ﺑﯩﺮ ﺋﺎﺩﺍﺵ ﺑﯘ ﻣﺎﻗﺎﻟﯩﻨﻰ ﻛﯚﭘﻪﻳﺘﯩﭗ ﺑﯩﺮﯨﯔ ﺩﻩﭖ ﺋﻪﻛﯩﺮﯨﭙﺘﯘ ﻗﺎﺭﯨﺴﺎﻡ ﺋﯘﻣﯘ ﺋﯘﻳﻐﯘﺭ ﺗﻮﺭ ﺋﻪﺩﻩﺑﯩﻴﺎﺗﻰ ﮬﻪﻗﻘﯩﺪﯨﻜﻰ ﻣﺎﻗﺎﻟﻪ ﺋﯩﻜﻪﻥ . . . ﺋﯘ ﻣﺎﻗﺎﻟﯩﻨﻰ ﺑﯩﺮ ﻗﺎﺗﺎﺭ ﻛﯚﺭﯛﭖ ﺑﺎﻗﺘﯩﻢ. ﻗﺎﺭﯨﺴﺎﻡ ﺋﯘ ﻣﺎﻗﺎﻟﯩﺪﻩ ﮔﯜﻟﺸﻪﻥ ﺗﻮﺭ ﺑﯩﻜﯩﺘﻰ ﯞﻩ ﺗﻪﭘﻪﻛﻜﯘﺭ ﺗﻮﺭ ﺑﯩﻜﯩﺘﯩﻨﻰ ﺋﺎﺳﺎﺱ ﻗﯩﻠﻐﺎﻥ ﮬﺎﻟﺪﺍ ﻣﻪﻥ ﺗﯚﺕ ﻳﯩﻠﻠﯩﻖ ﺗﻮﺭ ﮬﺎﻳﺎﺗﯩﻤﺪﺍ ﻛﯚﺭﯛﭖ ﺑﺎﻗﻤﯩﻐﺎﻥ ﺑﯩﺮ ﻗﺎﻧﭽﻪ ﺗﻮﺭ ﺑﯩﻜﻪﺗﻨﻰ ﺋﺎﺳﺎﺱ ﻗﯩﻠﯩﭗ ﺋﯘﻳﻐﯘﺭ ﺗﻮﺭ ﺋﻪﺩﻩﺑﯩﻴﺎﺗﯩﻨﻰ ﻣﯘﺷﯘ ﺗﻮﺭ ﺑﯩﻜﻪﺗﻠﻪﺭ ﺑﻪﺭﭘﺎ ﻗﯩﻠﺪﻯ ﮬﻪﻣﺪﻩ ﺟﯘﺵ ﺋﯘﺭﯗﭖ ﺭﺍﯞﺍﺟﻠﯩﻨﯩﯟﺍﺗﯩﺪﯗ ﺩﻩﭖ ﻳﯧﺰﯨﭙﺘﯘ. . . ﺋﯘ ﻣﺎﻗﺎﻟﯩﺪﻩ ﻧﻪ ﺋﯩﺰﺩﯨﻨﯩﺶ ﺗﻮﺭ ﺑﯩﻜﯩﺘﻰ ﻧﻪ ﺳﯘﻣﺮﯗﻍ ﺗﻮﺭ ﺑﯩﻜﯩﺘﻰ ﺗﯩﻠﻐﺎ ﺋﯧﻠﯩﻨﻤﺎﭘﺘﯘ.
ﻗﯩﺴﻘﯩﺴﻰ: ﻳﺎﺯﻏﯘﭼﯩﻼﺭ ﺋﺎﺭﯨﺴﯩﺪﺍ ﺳﻪﻣﯩﻤﯩﻲ ﭘﯩﻜﯩﺮ ﻗﯩﻠﯩﺪﯨﻐﺎﻧﻼﺭ ﺑﻪﻛﻼ ﺋﺎﺯ ﺋﯩﻜﻪﻥ . . . ﮬﻪﻣﻤﯩﺴﻰ ﺑﯩﺮ ﺗﻪﺭﻩﭘﻠﯩﻤﻪ ﻳﺎﻛﻰ ﻳﯜﺯﻩﻛﻰ ﭘﯩﻜﯩﺮ ﻗﯩﻠﯩﺪﯨﻜﻪﻥ. ﮬﺎﺯﯨﺮﻏﯩﭽﻪ ﻣﻪﻳﻠﻰ ﺗﻮﺭﺩﺍ ﺑﻮﻟﺴﯘﻥ ﻣﻪﻳﻠﻰ ﮊﻭﺭﻧﺎﻟﻼﺭﺩﺍ ﺑﻮﻟﺴﯘﻥ ﺋﯘﻳﻐﯘﺭ ﺗﻮﺭ ﺋﻪﺩﻩﺑﯩﻴﺎﺗﻰ ﮬﻪﻗﻘﯩﺪﻩ ﻣﯘﻛﻪﻣﻤﻪﻝ ﻳﯧﺰﯨﻠﻐﺎﻥ ﺑﯩﺮﻩﺭ ﻣﺎﻗﺎﻟﯩﻨﻰ ﺋﯘﭼﯘﺭﺗﯘﭖ ﺑﺎﻗﻤﯩﺪﯨﻢ.
ﻗﯩﺴﻘﯩﺴﻰ: ﺑﯩﺮ ﻗﺎﻧﭽﻪ ﺗﻮﺭ ﺑﯩﻜﻪﺗﻨﯩﯔ ﻣﻪﻧﭙﻪﺋﻪﺗﯩﻨﻰ ﺩﻩﭖ ﺗﺎﺭﯨﺨﺘﺎ ﺩﻩﯞﺭ ﺳﯜﺭﮔﻪﻥ ﺋﻪﻣﻤﺎ ﻣﻪﻟﯘﻡ ﺳﻪﯞﻩﺑﻠﻪﺭ ﺑﯩﻠﻪﻥ ﺗﺎﻗﯩﻠﯩﭗ ﻛﻪﺗﻜﻪﻥ ﺗﻮﺭ ﺑﯩﻜﻪﺗﻠﻪﺭﻧﯩﯔ ﺷﯘﻧﺪﺍﻗﻼ ﮬﯧﻠﯩﮭﻪﻣﻤﯘ ﺋﯘﻳﻐﯘﺭ ﺗﻮﺭ ﻣﻪﺩﻩﺑﯩﻴﺘﻰ ﺋﯜﭼﯜﻥ ﻛﯚﺭﯛﻧﻪﺭﻟﯩﻚ ﺗﯚﮬﭙﻪ ﻗﯘﺷﯘﺵ ﺋﯩﺴﺘﯩﻜﯩﺪﻩ ﻳﯜﺭﯛﯞﺍﺗﻘﺎﻥ ﺗﻮﺭ ﺑﯩﻜﻪﺗﻠﻪﺭﻧﯩﯔ ﺋﻪﺟﺮﯨﻨﻰ ﻧﯚﻟﮕﻪ ﺗﻪﯓ ﻗﯩﻠﯩﯟﻩﺗﻤﻪﻳﻠﻰ. ﺑﯩﺮ ﻗﺎﻧﭽﻪ ﺗﻮﺭ ﺑﯩﻜﻪﺗﻨﯩﯔ ﻣﻪﻧﭙﻪﺋﻪﺗﯩﻨﻰ ﺩﻩﭖ...
------
ﮬﺎ...ﮬﺎ...ﮬﺎ...ﻗﯩﺰﯨﻖ ﮔﻪﭖ ﺑﻮﻟﺪﻯ ﺩﻩ- ﺑﯘ...
ﺑﯘ ﻣﺎﻗﺎﻟﯩﻨﯩﯔ ﺋﺎﺧﯩﺮﻯ ﺑﺎﺭ ﺑﯩﮕﯩﻤﻠﻪﺭ ...ﻛﯧﻴﯩﻨﻜﻰ ﻣﺎﻗﺎﻟﯩﻠﻪﺭﺩﻩ ،ﮔﯘﻟﯩﺴﺘﺎﻥ ﺗﻮﺭ ﺑﯧﺘﻰ ، ﺩﯨﻴﺎﺭﯨﻢ ﺗﻮﺭ ﺑﯧﺘﻰ ،ﺳﻪﻟﻜﯩﻦ ﺗﻮﺭ ﺑﯧﺘﻰ ...ﯞﻩ ﺷﯘﻧﯩﯖﺪﻩﻙ ﺗﻮﺭ ﺩﯗﻧﻴﺎﺳﯩﺪﺍ ﻛﯚﺭﯛﻧﻪﺭﻟﯩﻚ ﭘﺎﺋﺎﻟﯩﻴﻪﺕ ﻗﯩﭗ ﺗﯘﺭﯨﯟﺍﺗﻘﺎﻥ ﺑﯩﺮﻗﺎﻧﭽﻪ ﺗﻮﺭﺩﺍﺵ ﮬﻪﻗﻘﯩﺪﻩ ﺗﻮﺧﺘﯩﻠﯩﺪﯗ .
ﺑﻮﻟﺴﺎ ﺑﯘ ﺧﯩﻠﺪﯨﻜﻰ ﻣﺎﻗﺎﻟﯩﻨﻰ ﮬﻪﻣﻤﯩﻤﯩﺰ ﻳﺎﺯﺍﻳﻠﻰ . ﺋﯚﺯﯛﻣﯩﺰ ﻣﯜﺷﯜﻛﺘﻪﻙ ﺗﯜﮔﯩﻠﯩﯟﯦﻠﯩﭗ ، ﺗﯜﺯﯛﻙ ﺗﯘﺗﺎﻣﯩﻐﺎ ﭼﯩﻘﻘﺎﻥ ﺗﻪﻧﻘﯩﺪﻧﯩﯔ ﺗﺎﻳﯩﻨﻰ ﻳﻮﻕ ، ﺗﯚﮬﻤﻪﺕ ﻗﯩﻠﻤﯩﺴﺎﻕ ﻗﺎﻧﺪﺍﻕ؟!
بەت:
[1]
2