ﺋﻪﻗﯩﺪﻩﻣﮕﻪ ﻳﯩﻐﻠﯩﻤﺎﻳﻤﻪﻥ
ﺋﻪﻗﯩﺪﻩﻣﮕﻪ ﻳﯩﻐﻠﯩﻤﺎﻳﻤﻪﻥﺳﺎﺟﯩﺪﻩ ﺳﯘﻻﻳﻤﺎﻥ
ﻳﻮﻟﺪﯨﺸﯩﻢ ﺋﯩﻜﻜﯩﻤﯩﺰ 79-ﻳﯩﻠﻰ ﺗﻮﻱ ﻗﯩﻠﻐﺎﻧﯩﺪﯗﻕ.ﺗﻮﻳﯩﻤﯩﺰ ﺋﺎﺩﺩﯨﻼ ﺋﯚﺗﻜﻪﻥ.ﺷﯘﻧﺪﺍﻕ ﺋﺎﺯﻏﯩﻨﻪ ﺗﻮﻳﻠﯘﻕ ﺑﯩﻠﻪﻥ ﮬﺎﺯﯨﺮﻗﯩﺪﯨﻦ ﻛﯚﭖ ﺑﻪﺧﯩﺘﻠﯩﻚ ﺋﯩﺪﯨﻢ .ﺑﯩﺰ ﺑﯩﺮ-ﺑﯩﺮﯨﻤﯩﺰﻧﻰ ﺋﺎﻧﭽﻪ ﻳﺎﺧﺸﻰ ﻛﯚﺭﯛﺷﯜﭖ ﻛﻪﺗﻤﯩﺴﻪﻛﻤﯘﮬﻪﺭ ﮬﺎﻟﺪﺍ ﻳﺎﻣﺎﻥ ﻛﯚﺭﯗﺷﻤﻪﻳﺘﺘﯘﻕ .ﻛﯩﻴﯩﻦ ﻳﻮﻟﺪﯨﺸﯩﻤﻨﯩﯔ ﺧﯩﺰﻣﯩﺘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻧﺎﮬﯩﻴﯩﮕﻪ ﻛﯚﭼﯘﭖ ﻛﻪﻟﺪﯗﻕ،ﺑﺎﻟﯩﻼﺭ ﻳﯧﺰﯨﻐﺎ ﻗﺎﺭﯨﻐﺎﻧﺪﺍ ﻧﺎﮬﯩﻴﯩﻨﯩﯔ ﺋﻮﻗﯘﺵ ﺷﺎﺭﺍﺋﯩﺘﯩﻨﯩﯔ ﻳﺎﺧﺸﯩﻠﯩﻘﯩﻨﻰ ﮬﯧﺲ ﻗﯩﻠﯩﺸﺘﻰ.ﺑﯩﺰ ﻧﺎﮬﯩﻴﮕﻪ ﺑﯧﺮﯨﭗ ﻳﻪﺗﺘﻪ ﻳﯩﻠﻐﯩﭽﻪ ﻳﻮﻟﺪﯗﺷﯘﻡ ﻗﻪﺩﻩﻣﻤﯘ ﻗﻪﺩﻩﻡ ﺋﯚﺳﯜﭖ، ﻧﺎﮬﯩﻴﯩﺪﯨﻦ ﯞﯨﻼﻳﻪﺗﻜﻪ ،ﯞﯨﻼﻳﻪﺗﺘﯩﻦ ﺋﺎﭘﺘﯘﻧﯘﻡ ﺭﺍﻳﯘﻧﻐﺎ ﻳﯚﺗﻜﻪﻟﺪﻯ .ﺑﯩﺰ ﺳﻪﮬﺮﺍﺩﯨﻜﻰ ﯞﺍﻗﺘﯩﻤﯩﺰﺩﺍ ﻳﻮﻟﺪﯗﺷﯘﻡ ﺧﯩﺰﻣﻪﺗﺘﯩﻦ ﻛﯧﻠﯩﭗ ،ﻛﯧﭽﯩﻜﻜﯩﻨﻪ ﻗﻮﺭﯗﻳﯩﻤﯩﺰﺩﺍ ﺳﯘﯞﺍﻗﯩﻠﯩﺮﻯ ﭼﯜﺷﯜﭖ ﻛﻪﺗﻜﻪﻥ ﺗﺎﻣﻼﺭﻧﻰ ﺳﯘﯞﺍﭖ ،ﺩﻩﺭﯞﺍﺯﯨﻨﯩﯔ ﺋﯩﻜﻜﻰ ﻳﯧﻨﯩﺪﯨﻜﻰ ﮔﯜﻟﻠﯜﻛﻨﻰ ﺳﯘﻏﯘﺭﯗﭖ ﻳﯘﺭﻩﺗﺘﻰ .ﺑﺎﻟﯩﻼﺭ ﺗﺎﻣﺎﻗﻨﯩﯔ ﭘﯩﺸﻘﺎﻧﻠﯩﻘﯩﻨﻰ ﺧﻪﯞﻩﺭ ﻗﯩﻠﺴﯩﻤﯘ ﺧﯧﻠﻰ ﯞﺍﻗﯩﺘﺘﯩﻦ ﻛﯩﻴﯩﻦ ﺋﺎﻧﺪﯨﻦ ﺩﺍﺳﺘﯩﺨﺎﻧﻐﺎ ﻛﯧﻠﻪﺗﺘﻰ .ﺷﯘﯕﻼﺷﻘﺎ ﺑﺎﻟﯩﻼﺭ ﻣﻪﻥ ﻗﻮﺭﯗﻣﺎ ﻗﻮﺭﯗﺷﻘﺎ ﺑﺎﺷﻠﯩﻐﺎﻧﺪﺍ ﻳﺎﻛﻰ ﭘﻮﻟﯘﻧﻰ ﺩﯗﻣﻠﯩﮕﻪﻧﺪﻩ ﺩﺍﺩﯨﺴﯩﻐﺎ ﺗﺎﻣﺎﻕ ﭘﯩﺸﺘﻰ ﺩﻩﭖ ﺧﻪﯞﻩﺭ ﻗﯩﻠﯩﺪﯨﻐﺎﻥ ﺑﻮﻟﺪﻯ .ﺷﻪﮬﻪﺭ ﺗﯘﺭﻣﯘﺷﻰ ﺋﯘﻧﯩﯖﻐﺎ ﺋﻮﺧﺸﯩﻤﺎﻳﺪﯨﻜﻪﻥ ،ﺋﯜﺭﯛﻣﯩﭽﯩﮕﻪ ﻛﻪﻟﮕﻪﻧﺪﯨﻦ ﺑﯧﺮﻯ ﻛﯜﻧﺪﻩ ﺩﯦﮕﯘﺩﻩﻙ ﺋﺎﻟﺪﯨﺮﺍﺷﻠﯩﻖ ﺋﯩﭽﯩﺪﻩ ﻳﯘﺭﺩﯗﻕ .ﮬﻪﭘﺘﻪ ﺋﺎﺭﯨﻠﯩﻘﯩﺪﺍ ﺧﯩﺰﻣﻪﺕ ،ﻗﻮﺭﺳﺎﻕ ﻏﯧﻤﻰ ﺑﯩﻠﻪﻥ ،ﺩﻩﻡ ﺋﯧﻠﯩﺶ ﻛﯘﻧﻠﯩﺮﯨﺪﻩ ﺗﻮﻱ-ﺗﻮﻛﯘﻥ ،ﺑﺎﺭﺩﻯ - ﻛﻪﻟﺪﻯ ﺑﯩﻠﻪﻥ ﺋﯚﺗﺘﯘﻕ،ﺋﻪﺭ - ﺋﺎﻳﺎﻝ ﺋﯩﻜﻜﯩﻤﯩﺰ ﺑﯚﻟﯜﻧﯜﭖ ﺑﺎﺭﻏﺎﻥ ﯞﺍﻗﯩﺘﻠﯩﺮﯨﻤﯩﺰﻣﯘ ﺑﺎﺭ ﺑﻮﻟﺪﻯ .ﺑﻪﺯﯨﺪﻩ ﺋﻮﻳﻼﭖ ﻗﺎﻟﯩﻤﻪﻥ .ﮬﻪﺭ ﻧﯧﻤﻪ ﺑﻮﻟﺴﺎ ﺑﺎﻟﯩﻼﺭ ﺧﯧﻠﻰ ﭼﻮﯓ ﺑﻮﻟﯘﭖ ﺋﺎﻕ-ﻗﺎﺭﯨﻨﻰ ﭘﻪﺭﻕ ﺋﻪﺗﻜﻪﻧﺪﻩ ﺋﺎﻧﺪﯨﻦ ﺷﻪﮬﻪﺭﮔﻪ ﻛﻪﻟﮕﻪﻧﯩﻜﻪﻧﻤﯩﺰ،ﺑﻮﻟﻤﯩﺴﺎ ﺑﺎﻟﯩﻼﺭﻧﯩﯔ ﻗﻪﻟﺒﻰ ﻗﯘﺭﯗﻕ ﻗﺎﻻﺭﻛﻪﻥ، ﺑﺎﻟﯩﻼﺭ ﺋﯧﻠﯩﺸﻘﺎ ﺗﯩﮕﯩﺸﻠﯩﻚ ﺗﻪﺭﺑﯩﻴﯩﻨﻰ ﻳﯧﺰﯨﺪﺍ ﻧﺎﮬﺎﻳﯩﺘﻰ ﺋﻮﺑﺪﺍﻥ ﺋﯧﻠﯩﯟﺍﭘﺘﯩﻜﻪﻥ .ﻣﻪﻥ ﺗﺎﺯﯨﻠﯩﻖ ﺋﯩﺸﭽﯩﺴﻰ ﺋﯩﺪﯨﻢ ،ﺋﺎﺩﻩﺗﺘﻪ ﺋﯩﺪﺍﺭﯨﺪﯨﻜﻰ ﺑﺎﺷﻠﯩﻘﻼﺭﻧﯩﯔ ﺋﯩﺸﺨﺎﻧﯩﻠﯩﺮﯨﻨﻰ ﺗﺎﺯﯨﻼﭖ ،ﻗﺎﻳﻨﺎﻗﺴﯘ ﺋﻪﻛﯩﺮﯨﭗ ﻗﻮﻳﺎﺗﺘﯩﻢ .ﺷﯘﯕﺎ ﺗﻮﻻﺭﺍﻕ ﯞﺍﺧﺘﯩﻤﻨﻰ ﺑﺎﻟﯩﻼﺭﻧﯩﯔ ﺋﯚﮔﯜﻧﯩﺸﻰ ﯞﻩ ﺑﺎﻟﯩﻼﺭﻏﺎ ﮬﻪﺭ ﺧﯩﻞ ﺗﻪﺭﺑﯩﻴﻪ ﺋﯩﺸﻠﻪﺷﻜﻪ ،ﺋﯚﺯﯗﻡ ﺗﻮﻏﺮﺍ ﺩﻩﭖ ﻗﺎﺭﯨﻐﺎﻧﻜﻰ ﻧﻪﺭﺳﯩﻠﻪﺭﻧﯩﯔ ﺋﯚﮔﯜﺗﯩﺸﻜﻪ ﺳﻪﺭﭖ ﻗﯩﻼﺗﺘﯩﻢ .ﺑﺎﻟﯩﻼﺭﻣﯘ ﻣﻪﻛﺘﻪﭘﺘﯩﻦ ﻛﻪﻟﺴﻪ ﺋﺎﻟﺪﻯ ﺑﯩﻠﻪﻥ ﻣﯧﻨﯩﯔ ﺗﺎﺯﯨﻠﯩﻖ ﺋﯩﺸﻠﯩﺮﯨﻤﻐﺎ ﻳﺎﺭﺩﻩﻣﻠﯩﺸﯩﭗ ﺑﯧﺮﯨﭗ ﺋﺎﻧﺪﯨﻦ ﺋﯚﻳﮕﻪ ﻗﺎﻳﺘﺎﺗﺘﯘﻕ .ﻛﯩﻴﯩﻦ ﺋﯩﺸﺘﯩﻦ ﺳﯩﺮﺗﻘﻰ ﻣﻪﻛﺘﻪﭘﻠﻪﺭﺩﻩ ﺋﻮﻗﯘﭖ ﻳﯘﺭﯗﭖ ﻛﻪﺳﭙﯩﻤﻨﻰ ﺋﯚﺯﮔﻪﺭﺗﺘﯩﻢ .ﺑﺎﻟﯩﻼﺭ ﮬﻪﺭ ﻛﯘﻧﻰ ﻛﯧﻠﯩﭗ ﻣﺎﯕﺎ ﻳﺎﺭﺩﻩﻣﻠﯩﺸﯩﭗ ﺗﯘﺭﻏﺎﭼﻘﺎ ﮬﻪﺭ ﻗﺎﻧﺪﺍﻕ ﺋﯩﺸﻨﻰ ﺗﯚﯞﻩﻥ ﻛﯚﺭﻣﻪﻳﺪﯨﻐﺎﻥ ،ﻛﯩﺒﯩﺮﻯ ﻳﻮﻕ ،ﺋﻪﺧﻼﻕ -ﭘﻪﺯﯨﻠﻪﺗﻠﯩﻚ ﺑﻮﻟﯘﭖ ﻳﯧﺘﯩﻠﺪﻯ ﯞﻩ ﻧﺎﮬﺎﻳﯩﺘﻰ ﻳﺎﺧﺸﻰ ﺋﻮﻗﯘﺩﻯ .
ﻳﻮﻟﺪﯨﺸﯩﻢ ﺋﯩﻜﻜﯩﻤﯩﺰﮔﻪ ﻛﻪﻟﺴﻪﻙ،ﻣﻪﻥ ﻳﺎﺧﺸﻰ ﺋﺎﻳﺎﻝ ﺑﻮﻟﯘﺵ ﺋﯘﭼﯘﻥ،ﺋﺎﻟﺪﻯ ﺑﯩﻠﻪﻥ ﻳﻮﻟﺪﯨﺸﯩﻤﻨﯩﯔ ﻣﯩﺠﻪﺯﻯ،ﻗﺎﻧﺪﺍﻕ ﮔﻪﭘﻨﻰ ﻳﺎﺧﺸﻰ ﻛﯚﺭﯨﺪﯨﻐﺎﻧﻠﯩﻘﻰ،ﻧﯧﻤﻪ ﺗﺎﻣﺎﻗﻘﺎ ﺋﺎﻣﺮﺍﻗﻠﯩﻘﻰ ،ﻗﺎﻧﺪﺍﻕ ﺋﯩﺸﻼﺭ ﺑﯩﻠﻪﻥ ﻣﯩﺠﻪﺯﻯ ﻛﯧﻠﯩﺸﻤﻪﻳﺪﯨﻐﺎﻧﻠﯩﻘﻰ،ﺋﯚﻳﺪﻩ ﺑﻮﻟﻐﺎﻥ ﯞﺍﻗﯩﺘﻠﯩﺮﯨﺪﺍ ﻗﺎﻧﺪﺍﻕ ﺋﯩﺸﻼﺭﻧﯩﯔ ﺋﯘﻧﯩﯔ ﻛﯚﯕﻠﯩﻨﻰ ﺑﻪﻛﺮﻩﻙ ﺧﯘﺷﺎﻝ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺗﻪﺗﻘﯩﻖ ﻗﯩﻠﯩﭗ ﭼﯩﻘﺘﯩﻢ ،ﺋﺎﻧﺪﯨﻦ ﺋﯚﺯﯗﻣﻨﻰ ﺋﺎﻣﺎﻝ ﺑﺎﺭ ﺷﯘ ﺋﯩﺸﻼﺭﻏﺎ ﻣﻪﺟﺒﯘﺭﻻﭖ ،ﺋﺎﺳﺘﺎ-ﺋﺎﺳﺘﺎ ﺷﯘ ﺋﯩﺸﻼﺭﻏﺎ ﺋﺎﺩﻩﺗﻠﻪﻧﺪﯨﻢ .ﻗﺎﻧﺪﺍﻕ ﺋﺎﻳﺎﻟﻨﯩﯔ ﮬﻪﻗﯩﻘﻰ ﺋﺎﻳﺎﻝ ﺑﻮﻟﯩﺪﯨﻐﺎﻧﻠﯩﻘﻰ ﺗﻮﻏﺮﯗﻟﯘﻕ ﻣﺎﻗﺎﻟﯩﻠﻪﺭﻧﻰ ﻛﯚﺭﺳﻪﻡ ﺋﯚﺯﯛﻣﻨﻰ ﺳﯧﻠﯩﺸﺘﯘﺭﯗﭖ ﻛﯚﺭﺩﯗﻡ .ﻛﻪﻡ ﻳﻪﺭﻟﯩﺮﯨﻢ ﺑﻮﻟﺴﺎ ﺗﻮﻟﯘﻗﻼﭖ ﺋﯘﮔﻪﻧﺪﯨﻢ .ﻳﻮﻟﺪﯗﺷﯘﻣﻨﯩﯔ ﺧﯩﺰﻣﻪﺕ ﻧﻪﺗﯩﺠﯩﻠﯩﺮﯨﻦ ﺋﺎﯕﻠﯩﺴﺎﻡ ﻧﺎﮬﺎﻳﯩﺘﻰ ﺧﯘﺷﺎﻝ ﺑﻮﻟﯘﭖ ﮬﺎﻳﺎﺟﺎﻥ ﺑﯩﻠﻪﻥ ﺗﻪﺑﺮﯨﻜﻠﯩﺪﯨﻢ ،ﺧﯩﺰﻣﻪﺗﺘﯩﻜﻰ ﺋﻮﯕﯘﺷﺴﯘﺯﻟﯩﻘﯩﻨﻰ ﺋﺎﻟﯩﺴﺎﻡ ﻣﻪﺳﯩﻠﯩﻨﯩﯔ ﺋﺎﭼﻘﯘﭼﯩﻨﯩﯔ ﺯﺍﺩﻯ ﻗﻪﻳﻪﺭﺩﻩ ﺋﯩﻜﻪﻧﻠﯩﻜﯩﻨﻰ ﺋﯩﺰﺩﯨﺸﯩﭗ ﺑﻪﺭﺩﯨﻢ .ﻣﯧﻨﯩﯔ ﺑﯘﻧﺪﺍﻕ ﻗﯩﻠﯩﺸﯩﻢ ﻳﻮﻟﺪﯗﺷﯘﻣﻨﯩﯔ ﺑﯩﺮ ﻗﯩﺴﻤﯩﻐﺎ ﺋﺎﻳﻠﯩﻨﯩﺶ ﺋﯜﭼﯜﻥ ﺋﯩﺪﻯ .ﺋﯚﺯﯛﻣﻨﯩﯔ ﻳﯜﺭﯛﺵ -ﺗﯘﺭﯗﺷﯘﻣﻐﯩﻤﯘ ﺋﺎﻻﮬﯩﺪﻩ ﺩﯦﻘﻘﻪﺕ ﻗﯩﻼﺗﺘﯩﻢ ،ﺋﻪﺗﺘﯩﮕﯩﻨﻰ ﮬﻪﻣﻤﯩﺪﯨﻦ ﺑﺎﻟﺪﯗﺭ ﺗﯘﺭﯗﭖ ،ﺋﯘﺳﺘﯘﺑﺎﺷﻠﯩﺮﯨﻤﻨﻰ ﺗﯘﺯﻩﺷﺘﯘﺭﯗﭖ ﺑﻮﻟﯘﭖ ﺋﻪﺗﺘﯩﮕﻪﻧﻠﯩﻚ ﻧﺎﺷﺘﯩﻨﻰ ﻧﺎﮬﺎﻳﯩﺘﻰ ﻛﯚﯕﯘﻝ ﻗﻮﻳﯘﭖ ﺗﻪﻳﻴﺎﺭﻻﻳﺘﯩﻢ ،ﺋﺎﻧﺪﯨﻦ ﺑﺎﻟﯩﻼﺭﻧﻰ ﯞﻩ ﻳﻮﻟﺪﯨﺸﯩﻤﻨﻰ ﺋﻮﻳﻐﯘﺗﺎﺗﺘﯩﻢ .ﻣﻪﻥ ﺷﯘﻧﺪﺍﻕ ﺋﻪﺟﯩﺮ ﯞﻩ ﺋﻪﻗﯩﺪﻩ ﻗﯩﻠﯩﭗ ﺋﺎﺋﯩﻠﯩﺪﻩ ﺋﯩﻠﻠﯩﻘﻠﯩﻖ ﭘﻪﻳﺪﺍ ﻗﯩﻠﻐﺎﻥ ﺋﯩﺪﯨﻢ .ﺑﯩﺮﺍﻕ ﻳﯧﻘﯩﻨﻘﻰ ﺑﯩﺮ ﻧﻪﭼﭽﻪ ﻳﯩﻠﺪﯨﻦ ﺑﯧﺮﻯ ﻳﻮﻟﺪﯨﺸﯩﻤﺪﺍ ﺋﯚﺯﮔﯘﺭﯗﺵ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﮬﯧﺲ ﻗﯩﻠﯩﭗ ﻗﺎﻟﺪﯨﻢ ﮬﻪﻣﺪﻩ ﻛﯘﺯﯨﺘﯩﺸﻜﻪ ﺑﺎﺷﻠﯩﺪﯨﻢ .ﺑﯩﺮ ﭼﺎﻏﻼﺭﺩﺍ ﻳﻮﻟﺪﯨﺸﯩﻢ ﻣﺎﯕﺎ ﺋﯩﭽﻜﯩﺮﯨﺪﯨﻦ ﻳﯩﺮ ﻗﯘﺗﺎ ﺋﻪﺗﺘﯩﺮ ﺋﺎﻟﻐﺎﭺ ﻛﻪﻟﮕﻪﻧﯩﻜﻪﻥ ،ﭘﯘﺭﯨﻘﻰ ﺷﯘﻧﺪﺍﻕ ﻳﺎﺧﺸﻰ ﺋﯩﺪﻯ .ﺑﯩﺮﺍﻕ ﻳﯧﻘﯩﻨﺪﻯ ﺑﯧﺮﻯ ﻳﻮﻟﺪﯨﺸﯩﻢ ﻣﺎﯕﺎ ﭘﯘﺭﯗﻗﯩﻨﻰ ﻣﻪﻥ ﻳﺎﻗﺘﯘﺭﻣﺎﻳﺪﯨﻐﺎﻥ ﺑﯩﺮ ﺧﯩﻞ ﺋﻪﺗﺘﯩﺮﻧﻰ ﺋﯩﺸﻠﯩﺘﯩﺸﻨﻰ ﺗﻪﯞﺳﯩﻴﻪ ﻗﯩﻠﺪﻯ ﮬﻪﻡ ﺩﺍﯞﺍﻣﻠﯩﻖ ﺷﯘ ﺋﻪﺗﺘﯩﺮﻧﻰ ﺋﺎﻟﻐﺎﭺ ﻛﯧﻠﯩﺪﯨﻐﺎﻥ ﺑﻮﻟﯘﭖ ﻗﺎﻟﺪﻯ .ﮔﻪﺭﭼﻪ ﻣﻪﻥ ﻳﺎﻗﺘﯘﺭﻣﯩﺴﺎﻣﻤﯘ ،ﻳﻮﻟﺪﯛﺷﯜﻡ ﺋﯘﭼﯘﻥ ﺷﯘ ﺋﻪﺗﺘﯩﺮﻧﻰ ﺋﯩﺸﻠﯩﺘﯩﺪﯨﻐﺎﻥ ﺑﻮﻟﺪﯗﻡ .ﻳﻮﻟﺪﯗﺷﯘﻡ ﺋﺎﺩﻩﺗﺘﻪ ﻛﻪﭺ ﻗﺎﻟﻐﺎﻥ ﯞﺍﻗﯩﺘﯩﻠﯩﺮﯨﺪﺍ ﻣﯧﻨﯩﯔ ﺋﯘﻧﻰ ﺳﺎﻗﻼﭖ ﺋﻮﻟﺘﯘﺭﻏﯩﻨﯩﻤﻨﻰ ﻛﯚﺭﺳﻪ ﺷﯘﻧﺪﺍﻕ ﺧﯘﺷﺎﻝ ﺑﻮﻟﯘﭖ ﻛﻪﭺ ﻗﺎﻟﻐﺎﻧﻠﯩﻘﯩﻨﯩﯔ ﺳﻪﯞﻩﺑﯩﻨﻰ ﭼﯘﺷﻪﻧﺪﯗﺭﯗﭖ ﻛﯧﺘﻪﺗﺘﻰ .ﺋﻪﻣﻤﺎ ﮬﺎﺯﯨﺮ ﻣﯧﻨﯩﯔ ﺋﯘﻧﻰ ﺳﺎﻗﻼﭖ ﺋﻮﻟﺘﯘﺭﯗﺷﯩﻤﻨﻰ ﺑﯧﺴﯩﻢ ﮬﯧﺲ ﻗﯩﻠﯩﺪﯨﻐﺎﻥ ﺑﻮﻟﯘﭖ ﻗﺎﭘﺘﯘ .ﻳﻮﻟﺪﯨﺸﯩﻤﻨﯩﯔ ﻛﻪﭺ ﻛﯧﻠﯩﺪﯨﻐﺎﻥ ﺋﯩﺸﻰ ﺑﺎﺭﻏﺎﻧﭽﻪ ﺋﺎﺩﻩﺗﻜﻪ ﺋﺎﻳﻠﯩﻨﯩﭗ ﻗﯧﻠﯩﯟﺍﺗﺎﺗﺘﻰ ،ﮬﻪﺗﺘﺎ ﺗﻮﻻ ﯞﺍﻗﯩﺘﻼﺭﺩﺍ ﻣﻪﺱ ﻛﯧﻠﻪﺗﺘﻰ .ﻣﻪﻥ ﺋﯘﻧﯩﯖﻐﺎ ﮬﺎﺭﺍﻕ ﺋﯩﭽﻤﻪﺳﻠﯩﻜﻨﻰ،ﮬﺎﺭﺍﻕ ﺋﯩﭽﯩﭗ ﻛﯧﻠﯩﭗ ﺋﯘﺧﻠﯩﺴﺎ ﺑﻪﻙ ﺧﻮﺭﻩﻙ ﺗﺎﺭﺗﯩﭗ ﻛﯧﺘﯩﺪﯨﻐﺎﻧﻠﯩﻘﯩﻨﻰ ،ﺋﯘﻧﺪﺍﻕ ﺑﻮﻟﻐﺎﻧﺪﺍ ﺋﯚﺯﯨﻨﯩﯔ ﺋﯘﻳﻘﯘﺳﻰ ﻳﺎﺧﺸﻰ ﺑﻮﻟﻤﺎﻱ ﺋﻪﺗﯩﺴﯩﺪﯨﻜﻰ ﻛﻪﻳﭙﯩﻴﺎﺗﻘﺎ ﺗﻪﺳﯩﺮ ﻳﯧﺘﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ ﻗﻮﻳﺪﯗﻡ ،ﺑﯩﺮﺍﻕ ﺑﯘ ﺋﻪﻛﺴﯩﭽﻪ ﺋﯘﻧﯘﻡ ﺑﻪﺭﺩﻯ :
_ ﻣﻪﻥ ﺳﯩﺰﮔﻪ ﺩﻩﺧﻠﻰ ﻗﻠﻐﺎﻥ ﺋﻮﺧﺸﯩﻤﺎﻣﺪﯨﻢ ؟ﺋﯘﻧﺪﺍﻕ ﺑﻮﻟﺴﺎ ﮬﺎﺭﺍﻕ ﺋﯩﭽﯩﭗ ﻛﻪﻟﮕﻪﻥ ﯞﺍﻗﺘﯩﻤﺪﺍ ﻣﯧﮭﻤﺎﻧﺨﺎﻧﯩﺪﺍ ﺋﯘﺧﻼﻱ ،ﺑﯘ ﺩﯦﮕﻪﻥ ﺟﻪﻣﺌﯩﻴﻪﺕ ،ﮬﺎﺭﺍﻕ ﺋﯩﭽﯩﺸﺘﯩﻦ ﺧﺎﻟﯩﻲ ﺑﻮﻟﻐﯩﻠﻰ ﺑﻮﻟﻤﺎﻳﺪﯗ ،_ﺩﯦﺪﻯ .
_ ﺑﯘ ،ﭘﺎﺗﻘﺎﻗﻘﺎ ﭘﯧﺘﯩﺸﻨﯩﯔ ﺑﺎﺷﻠﯩﻨﯩﺸﻰ ﺑﻮﻟﯘﭖ ﻗﺎﻟﻤﯩﺴﯘﻥ ﻳﻪﻧﻪ ،_ ﺩﯦﺪﯨﻢ ﻣﻪﻥ .
_ ﺑﯘﻧﯩﯖﺪﯨﻦ ﻛﯩﻴﯩﻦ ﺧﯩﺰﻣﻪﺕ ﺋﯩﺸﯩﻤﻐﺎ ﺋﺎﺭﯨﻼﺷﻤﺎﯓ ،_ﺋﯘ ﺋﻮﺭﻧﯩﺪﯨﻦ ﺗﯘﺭﯗﭖ ﺋﯩﺸﯩﻚ ﺗﻪﺭﻩﭘﻜﻪ ﻣﺎﯕﺪﻯ ﯞﻩ ﺋﯩﺸﯩﻜﻨﻰ "ﮔﯘﭖ" ﻗﯩﻠﯩﭗ ﻳﺎﭘﺘﻰ .ﻣﻪﻥ ﺑﺎﺭﻏﺎﻧﭽﻪ ﺋﺎﺭﯨﻠﯩﻘﯩﻤﯩﺰﺩﺍ ﺑﯩﺮ ﮬﺎﯓ ﭘﻪﻳﺪﺍ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﮬﯧﺲ ﻗﯩﻠﺪﯨﻢ .ﺑﯩﺮ ﻛﯘﻧﻰ ﻣﻪﻥ ﺋﯘ ﻛﻪﻟﮕﯜﭼﻪ ﺳﺎﻗﻼﭖ ﺗﯘﺭﯗﭖ ﺋﯘﻧﯩﯖﻐﺎ :
_ ﺋﻪﮔﻪﺭ ﻣﻪﻥ ﻛﯜﺗﻜﻪﻥ ﻳﯧﺮﯨﯖﯩﺰﺩﯨﻦ ﭼﯩﻘﺎﻟﻤﯩﻐﺎﻥ ﺑﻮﻟﺴﺎﻡ ﺋﺎﻳﺮﯨﻠﯩﭗ ﻛﻪﺗﺴﻪﻛﻤﯘ ﺑﻮﻟﯩﺪﯗ ،ﺑﯘﻧﺪﺍﻕ ﺳﻮﻏﯘﻕ ﺗﺎﻣﻨﯩﯔ ﺋﯩﭽﯩﺪﻩ ﺑﯩﮭﯘﺩﻩ ﻛﯜﻥ ﺋﯚﺗﻜﯘﺯﯗﺷﻨﻰ ﻣﻪﻧﻤﯘ ﺧﺎﻟﯩﻤﺎﻳﻤﻪﻥ ،_ ﺩﻩﭖ ﺋﯘﻧﻰ ﺳﯩﻨﺎﭖ ﺑﺎﻗﺘﯩﻢ .
_ ﺗﻮﻏﺮﺍ ﺩﻩﻳﺴﯩﺰ ،ﻣﻪﻥ ﻗﯧﺮﯨﭗ ﻗﺎﻟﻐﺎﻥ ﺋﻮﺧﺸﺎﻳﻤﻪﻥ ،ﺋﺎﻳﺎﻟﻼﺭﻏﺎ ﻗﯩﺰﺯﯨﻘﻤﺎﺱ ﺑﻮﻟﯘﭖ ﻗﺎﭘﺘﯩﻤﻪﻥ .ﻣﻪﻥ ﺑﯘﺭﯗﻧﻼ ﺷﯘﻧﺪﺍﻕ ﻗﯩﻠﯩﺸﻨﻰ ﺋﻮﻳﻠﯩﻐﺎﻥ ﺑﻮﻟﺴﺎﻣﻤﯘ ﺳﯩﺰﮔﻪ ﯞﻩ ﺑﺎﻟﯩﻼﺭﻏﺎ ﻳﺎﻣﺎﻥ ﺗﻪﺳﯩﺮ ﺑﯧﺮﯨﭗ ﻗﻮﻳﺎﺭﻣﻪﻧﻤﯘ ﺩﻩﭖ ﭼﯩﺸﯩﻤﻨﻰ ﭼﯩﺸﻠﻪﭖ ﻛﻪﻟﮕﻪﻥ ﺋﯩﺪﯨﻢ .ﺑﯘﮔﯘﻥ ﺋﯚﺯﯨﯖﯩﺰ ﺑﯘ ﺳﯚﺯﻧﻰ ﺗﻪﺷﻪﺑﺒﯘﺳﻜﺎﺭﻟﯩﻖ ﺑﯩﻠﻪﻥ ﺋﻮﺗﺘﯘﺭﯨﻐﺎ ﻗﻮﻳﺪﯨﯖﯩﺰ ،ﻣﯧﻨﯩﯖﭽﯩﻤﯘ ﺑﯩﺮ ﻣﻪﺯﮔﯩﻞ ﺋﺎﻳﺮﯨﻠﯩﭗ ﺗﯘﺭﯗﭖ ﺑﺎﻗﺎﻳﻠﯩﻤﯩﻜﯩﻦ،_ ﺩﻩﭖ ﺟﺎﯞﺍﺏ ﺑﻪﺭﺩﻯ ﺋﯘ .
ﻣﯧﯖﻪﻡ ﯞﯨﯖﯩﻠﺪﺍﭖ ﻛﻪﺗﺘﻰ ،ﺋﺎﻟﻠﯩﺒﯘﺭﯗﭖ ﺋﯘﻧﯩﯔ ﻛﯚﯕﻠﯩﺪﻩ ﻣﻪﻥ ﺋﯜﭼﯜﻥ ﺋﻮﺭﯗﻥ ﻳﻮﻗﻜﻪﻥ ﺋﻪﻣﻪﺳﻤﯘ ؟ ﺋﯘﻧﯩﯔ ﺑﯩﻠﻪﻥ ﻣﻪﺟﺒﯘﺭﯨﻲ ﺋﯚﻱ ﺗﯘﺗﯘﭖ ﻧﯧﻤﯩﮕﻪ ﺋﯧﺮﯨﺸﻪﺭﻣﻪﻥ ؟ ﮔﻪﺭﭼﻪ ﻣﻪﻥ ﺷﯘﻧﺪﺍﻕ ﺋﺎﺯﺍﺑﻼﻧﻐﺎﻥ ﺑﻮﻟﺴﺎﻣﻤﯘ ﺗﯧﺸﯩﻤﻐﺎ ﭼﯩﻘﺎﺭﻣﯩﺪﯨﻢ ﯞﻩ ﻗﻪﻳﺴﻪﺭﻟﯩﻚ ﺑﯩﻠﻪﻥ ﺷﯘﻧﺪﺍﻕ ﺩﯦﺪﯨﻢ :
_ ﺳﯩﺰ ﺋﯘ ﺋﯩﺸﻼﺭﻏﺎ ﻏﻪﻡ ﻳﯩﻤﻪﯓ ،ﺑﺎﻟﯩﻼﺭﻏﺎ ﺋﯚﺯﯗﻡ ﭼﯘﺷﻪﻧﺪﯗﺭﯨﻤﻪﻥ .
_ ﺋﯘﻧﺪﺍﻗﺘﺎ ﻳﺎﺧﺸﻰ ،ﺑﻮﻟﻤﯩﺴﺎ ﺑﯩﺮ ﻣﻪﺯﮔﯩﻞ ﺋﯘﻗﺘﯘﺭﻣﺎﻱ ﺗﯘﺭﺍﻣﯩﺰ ،_ ﺩﯨﺪﻯ ﺧﯩﺠﯩﻞ ﺑﻮﻟﻐﺎﻥ ﻗﯩﻴﺎﭘﻪﺗﺘﻪ .
_ ﮬﺎﻣﺎﻥ ﺋﺎﺷﻜﺎﺭﻩ ﺑﻮﻟﯩﺪﯗ ،ﺋﯩﺸﻼﺭ ﺗﯘﮔﯩﮕﻪﻧﺪﯨﻦ ﻛﯩﻴﯩﻦ ﺋﯚﺯﯗﻡ ﺋﯘﻗﺘﯘﺭﯨﻤﻪﻥ ،_ ﺩﯦﺪﯨﻢ ﻣﻪﻥ ﺩﺍﺩﯨﻠﻠﯩﻖ ﺑﯩﻠﻪﻥ .
_ ﺋﯘﻧﺪﺍﻗﺘﺎ ﻣﯧﻨﻰ ﻛﻪﭼﯘﺭﯗﯓ ،ﺳﯩﺰﻧﻰ ﺋﯘﻣﯩﺪﺳﯩﺰﻟﻪﻧﺪﯗﺭﯗﭖ ﻗﻮﻳﺪﯗﻡ ،ﺳﯩﺰ ﺋﯚﻳﺪﻩ ﺑﺎﻟﯩﻼﺭ ﺑﯩﻠﻪﻥ ﻗﯧﻠﯩﯔ ،ﻣﺎﯕﺎ ﮬﯧﭻ ﻧﻪﺭﺳﻪ ﻛﯧﺮﻩﻙ ﺋﻪﻣﻪﺱ ،ﻣﻪﻥ ﺑﯩﺮ ﻧﻪﭼﭽﻪ ﻗﯘﺭ ﻛﯩﻴﯩﻤﯩﻢ ﺑﯩﻠﻪﻧﻼ ﭼﯩﻘﯩﭗ ﻛﯧﺘﯩﻤﻪﻥ ،_ ﺩﯦﺪﻯ ﺋﯘ ﻣﺎﯕﺎ ﻧﻪﻕ ﮔﻪﭘﻨﻰ ﻗﯩﻠﯩﭗ .
ﺩﺍﯞﺍﻣﻰ ﺑﺎﺭ . ﺩﺍﯞﺍﻣﯩﻨﻰ ﻗﺎﭼﺎﻥ ﻳﺎﺯﻣﺎﻗﭽﻰ؟
ﻣﯘﮬﯩﺘﻘﺎ ﻣﺎﺳﻠﯩﺸﯩﯟﯨﺘﯩﭙﺘﯘﺩﻩ-ﺋﺎﺧﯩﺮﻧﻰ
ﺑﯘﻧﺪﺍﻕ ﺋﯩﺸﻼﺭ ﻗﻪﺩﻩﻣﺪﻩ ﺋﯘﭼﺮﺍﯞﺍﺗﻘﺎﻥ ...... ﺑﯘ ﺟﺎﮬﺎﻥ ﻧﯩﻤﻪ ﺑﯘﭖ ﻛﻪﺗﺘﻰ ﺯﺍﺩﻯ ؟؟؟؟؟!!
ﺋﯩﺴﯩﺖ، ﺋﻮﺗﻰ ﺑﺎﺭ ﻳﻪﺭﻧﯩﯔ ﺳﯜﻳﻰ ﻳﻮﻕ،ﺳﯜﻳﻰ ﺑﺎﺭ ﻳﻪﺭﻧﯩﯔ ﺋﻮﺗﻰ ﻳﻮﻕ...
ﺗﺎﺯﺍ ﺑﯩﺮ ﻳﺎﻧﺪﯨﻜﯩﻨﯩﯔ ﻗﻪﺩﺭﯨﻨﻰ ﺑﯩﻠﻤﻪﻳﺪﯨﻐﺎﻥ ﻛﯩﺸﯩﻜﻪﻥ ﺋﯘ!ﺋﺎﻳﺎﻟﻰ ﺋﯘﻧﯩﯔ ﺋﯜﭼﯜﻥ ﺷﯘﻧﺪﺍﻕ ﺟﯩﻖ ﺋﯩﺸﻼﺭﻧﻰ ﻗﯩﻠﯩﭙﺘﯘ،،،ﺋﯘﻧﯩﯔ ﺋﯜﺳﺘﯩﮕﻪ ﺋﯘ ﺋﺎﻳﺎﻝ ﺋﯘﻧﺪﺍﻕ ﺋﯘ ﻛﯩﺸﻰ ﻣﻪﻧﺴﯩﺘﻤﻪﻳﺪﯨﻐﺎﻥ ﺋﻪﻣﻪﺳﻜﻪﻥ،،،...ﺑﯘﻧﺪﺍﻕ ﺗﯘﺯﯨﻨﻰ ﻳﻪﭖ ﺗﯘﺯﻟﯩﻘﯩﻨﻰ ﭼﺎﻗﯩﺪﯨﻐﺎﻧﻼﺭﻏﯘ ﮬﺎﻣﯩﻨﻰ ﭘﯘﺷﺎﻳﻤﺎﻥ ﻳﻪﻳﺪﯗ!ﺩﺍﯞﺍﻣﻰ ﺑﺎﺭﻣﯘ؟ ﺋﯜﺭﯛﻣﭽﻰ ﮬﻪﻗﯩﻘﻪﺗﻪﻥ ﮬﻪﺭ ﺧﯩﻞ ﭘﯘﺭﺳﻪﺗﻜﻪ ﻟﯩﻖ ﺗﻮﻟﻐﺎﻥ ﺷﻪﮬﻪﺭ............
ﮬﻪﻡ ﭘﺎﺳﻜﯩﻨﯩﻠﯩﻘﻤﯘ ﺑﻪﻙ ﻛﯚﭖ
ﺋﺎﺧﯩﺮﻯ ﻗﯧﻨﻰ ؟
ﺳﯩﺰﮔﻪ ﺑﻪﺧﺖ ﺗﯩﻠﻪﻳﻤﻪﻥ!
ﻧﯩﻤﺎﻧﺪﺍﻕ ﻳﻪﯕﮕﯩﻠﺘﻪﻛﻠﯩﻚ ﺑﯘ؟
ﺋﺎﺧﯩﺮﻯ ﭼﯘﻗﯘﻡ ﻳﻪﻧﻪ ﻳﺎﻟﯟﯗﺭﯗﭖ ﻛﯧﻠﻪﻣﺪﯨﻜﯩﻦ ﮬﻪﻗﻘﺎﭼﺎﻥ... ﺋﺎﺧﯩﺮﯨﻨﻰ ﺳﺎﻗﻼﻳﻤﯩﺰ .
ﻳﺎﻧﺪﯨﻜﻰ ﮬﯧﺴﯩﭙﻨﯩﯔ ﻗﻪﺩﺭﻯ ﻳﻮﻕ ﺩﯦﮕﻪﻥ ﺷﯘﺩﻩ.ﺑﯩﺮﺍﻗﻘﯘ ﺑﯘ ﺩﯦﮕﻪﻥ ﺋﯚﺗﻨﻪ ﺟﺎﮬﺎﻥ،ﻛﯩﺸﯩﮕﻪ ﻗﯩﻠﯩﯟﯦﻠﯩﭙﻼ ﺗﯜﮔﻪﭖ ﻛﻪﺗﻤﻪﻳﺪﯨﻐﺎﻥ.
ﺩﺍﯞﺍﻣﯩﻨﻰ ﭼﺎﭘﺴﺎﻥ ﻳﺎﺯﺍﺭﺳﯩﺰ. ﺷﯘﻧﺪﺍﻕ ﻗﯩﻠﯩﭗ ﺑﯩﺰ ﺋﺎﻳﺮﯨﻠﯩﭗ ﻛﻪﺗﺘﯘﻕ ، ﺋﯘ ﻣﺎﺋﺎﺵ ﻛﺎﺭﺗﯩﺴﯩﻨﯩﻼ ﺋﺎﻟﺪﻯ . ﻣﻪﻥ ﺑﯘ ﺋﯩﺸﻼﺭﻧﻰ ﺑﯩﺮ ﻳﺎﻗﻠﯩﻖ ﻗﯩﻠﯩﭗ ﺑﻮﻟﯘﭖ ،ﺑﯩﺮ ﻣﻪﺯﮔﯩﻞ ﻛﯚﯕﻠﯘﻣﻨﻰ ﺗﻮﺧﺘﯩﯟﺍﻟﻐﺎﻧﺪﯨﻦ ﻛﯩﻴﯩﻦ ﺋﻮﻏﯘﻟﻠﯩﺮﯨﻤﻨﯩﯔ ﻳﯧﻨﯩﻐﺎ ﺋﯩﭽﻜﯩﺮﯨﮕﻪ ﻛﻪﺗﺘﯩﻢ، ﺋﯘﻻﺭﻏﺎ ﯞﺍﺧﺘﯩﻨﭽﻪ ﺩﯨﻤﯩﺪﯨﻢ ، ﻣﻪﻥ ﺗﻪﺗﯩﻠﮕﻪ ﻳﯧﻘﯩﻦ ﻗﺎﻳﺘﯩﭗ ﻛﻪﻟﺪﯨﻢ . ﺑﺎﻟﯩﻼﺭ ﺗﻪﺗﯩﻠﺪﻩ ﺋﯩﻨﮕﯩﻠﯩﺰﭼﻪ ﺋﻮﻗﯘﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻗﯧﭙﻘﯩﻠﯩﺸﺘﻰ . ﻣﻪﻥ ﻗﺎﻳﺘﯩﭗ ﻛﻪﻟﮕﻪﻧﺪﯨﻦ ﻛﯩﻴﯩﻦ ﮬﻪﻣﻤﻪ ﺋﯩﺶ ﺋﺎﻳﺪﯨﯔ ﺑﻮﻟﺪﻯ . ﺋﯘ ﻳﯧﯖﯩﺪﯨﻦ ﺋﺎﻟﯩﻲ ﻣﻪﻛﺘﻪﭘﻨﻰ ﭘﯘﺗﺘﯘﺭﮔﻪﻥ ﺑﯩﺮ ﻗﯩﺰ ﺑﯩﻠﻪﻥ ﺗﻮﻧﯘﺷﯘﭖ ﻗﯧﻠﯩﭗ ،ﺋﺎﺯﺭﺍﻕ ﭼﺎﺗﺎﻕ ﭼﯩﻘﻘﺎﻥ ﭼﯧﻐﻰ ، ﺋﯘ ﻗﯩﺰ ﺋﯘﻧﻰ ﺑﻪﻙ ﻗﯩﺴﺘﺎﭖ ﺗﯘﺭﯗﯞﺍﻟﻐﺎﭼﻘﺎ ﺋﺎﻣﺎﻝ ﻳﻮﻕ ﻣﻪﻥ ﺑﯩﻠﻪﻥ ﺋﺎﺟﺮﯨﺸﯩﭙﺘﯘ ، ﺋﺎﻧﺪﯨﻦ ﺋﯘ ﻗﯩﺰﻧﻰ ﺋﯘﺭﯗﻣﭽﯩﮕﻪ ﺧﯩﺰﻣﻪﺗﻜﻪ ﺋﯧﻠﯩﭗ ﻗﺎﭘﺘﯘ . ﺋﯘ ﺟﻪﻣﺌﯩﻴﻪﺗﺘﯩﻜﻰ ﺗﻪﺳﯩﺮﯨﻨﻰ ﺋﻮﻳﻠﯘﺷﯘﭖ ﮬﺎﺯﯨﺮﭼﻪ ﺗﻮﻱ ﻗﯩﻠﻤﺎﻱ ﺋﯘ ﻗﯩﺰ ﺑﯩﻠﻪﻥ ﻳﯘﺷﯘﺭﯗﻧﭽﻪ ﺑﯩﺮﮔﻪ ﺗﯘﺭﯨﯟﯦﺘﯩﭙﺘﯘ . ﮬﯧﻠﯩﻘﻰ ﭼﺎﻏﺪﺍ ﻣﯧﻨﯩﯔ ﺋﯩﺸﻠﯩﺘﯩﺪﯨﻐﺎﻥ ﺋﻪﺗﯩﺮﯨﻤﻨﻰ ﺋﯚﺯﮔﻪﺭﺗﻜﯩﻨﻰ ﺑﯩﻜﺎﺭ ﺋﻪﻣﻪﺳﻜﻪﻥ ،ﭼﯘﻧﻜﻰ ﺋﯘ ﻗﯩﺰ ﻣﯘﺷﯘ ﺧﯩﻞ ﺋﻪﺗﯩﺮﻧﻰ ﺋﯩﺸﻠﯩﺘﯩﺪﯨﻜﻪﻥ ، ﻣﯧﻨﯩﯔ ﺋﺎﻟﺪﯨﻤﺪﺍ ﺋﺎﺷﻜﺎﺭﻩ ﺑﻮﻟﯘﭖ ﻗﺎﻟﻤﺎﺳﻠﯩﻘﻰ ﺋﯘﭼﯘﻥ ﻣﺎﯕﯩﻤﯘ ﺷﯘ ﺧﯩﻞ ﺋﻪﺗﯩﺮﻧﻰ ﺗﻪﯞﺳﯩﻴﻪ ﻗﯩﻠﻐﺎﻧﯩﻜﻪﻥ .
ﺑﺎﻟﯩﻠﯩﺮﯨﻢ ﻣﯧﻨﻰ ﺳﯚﻳﯘﻧﺪﯗﺭﯨﯟﺍﺗﺎﺗﺘﻰ . ﺑﯩﺮ ﺋﻮﻏﻠﯘﻡ ﺋﺎﻣﺮﯨﻜﯩﻐﺎ ،ﺑﯩﺮ ﺋﻮﻏﻠﯘﻡ ﻛﺎﻧﺎﺩﺍﻏﺎ ﺋﻮﻗﯘﺷﻘﺎ ﻛﻪﺗﺘﻰ . ﺋﯘﻻﺭ ﻣﯧﯖﯩﺸﺘﯩﻦ ﺑﯘﺭﯗﻥ ﺋﯘﺭﯗﻣﭽﯩﮕﻪ ﻛﯧﻠﯩﭗ ﺑﯩﺮ ﺋﺎﻳﺪﻩﻙ ﺗﯘﺭﺩﻯ . ﺩﺍﺩﯨﺴﯩﻤﯘ ﭼﺎﻧﺪﯗﺭﻣﺎﻱ ﺋﯚﻳﺪﻩ ﺋﯘﻻﺭﻏﺎ ﻛﯚﺭﯗﻧﯘﭖ ﺗﯘﺭﺩﻯ . ﺑﯩﺮ ﻳﯩﻠﺪﯨﻦ ﻛﯧﻴﯩﻦ ﺋﺎﻣﺮﯨﻜﯩﻐﺎ ﻛﻪﺗﻜﻪﻥ ﺋﻮﻏﻠﯘﻡ ﻣﯧﻨﻰ ﻳﯧﻨﯩﻐﺎ ﺋﯧﻠﯩﭗ ﻛﻪﺗﺘﻰ . ﻣﻪﻥ ﺋﯘ ﻳﻪﺭﮔﻪ ﺑﺎﺭﻏﺎﻧﺪﯨﻦ ﻛﯩﻴﯩﻦ ﺋﯩﺠﺎﺭﻩ ﺋﺎﻟﻐﺎﻥ ﺋﯚﻳﯩﻤﯩﺰﺩﻩ ﺋﻮﻟﺘﯘﺭﯗﭖ ، ﻳﯘﺭﺗﺘﯩﻜﻰ ﺗﯘﺭﻣﯘﺷﯘﻡ ، ﺗﯘﺗﻘﺎﻥ ﻳﻮﻟﯘﻣﻨﯩﯔ ﺯﺍﺩﻯ ﻗﺎﻧﺪﺍﻕ ﺑﻮﻟﻐﺎﻧﻠﯩﻘﻰ ﺗﻮﻏﺮﯗﻟﯘﻕ ﺟﯩﻖ ﺋﻮﻳﻼﻧﺪﯨﻢ . ﺋﻮﻳﻼﭖ - ﺋﻮﻳﻼﭖ ﺋﺎﺧﯩﺮﯨﺪﺍ ﺋﯚﺯﯗﻣﻨﯩﯔ ﺋﯘﻧﻰ ﯞﺍﻗﺘﯩﺪﺍ \"ﺋﺎﺯﺍﺩ \" ﻗﯩﻠﯩﭗ ﺗﻮﻏﺮﺍ ﻗﯩﻠﻐﺎﻧﻠﯩﻘﯩﻤﻨﻰ ﮬﯧﺲ ﻗﯩﻠﺪﯨﻢ . ﺑﯩﺮ ﻛﯘﻧﻰ ﻣﻪﻥ ﺩﻭﺳﻠﯘﺭﯗﻡ ﺑﯩﻠﻪﻥ ﺗﯧﻠﻔﻮﻧﺪﺍ ﻛﯚﺭﯗﺷﯘﭖ ﻣﯘﻧﯘﻻﺭﻧﻰ ﺋﯘﻗﺘﯘﻡ .
ﻣﻪﻥ ﻛﯧﺘﯩﭗ ﺋﯘﺯﺍﻕ ﺋﯚﺗﻤﻪﻱ ،ﺋﯘﻻﺭ ﺋﺎﺩﺩﯨﻴﻼ ﭼﺎﻱ ﺋﯚﺗﻜﯘﺯﯗﭖ ﺑﯩﺮ ﺋﯚﻳﮕﻪ ﻛﯩﺮﯨﭙﺘﯘ ، ﺷﯘ ﻛﯘﻧﺪﯨﻦ ﺋﯧﺘﯩﺒﺎﺭﻩﻥ ﺋﯘﻧﯩﯔ ﺋﺎﻳﺎﻟﯩﻨﯩﯔ ﮔﯧﭙﻰ ﺗﯜﮔﯩﻤﻪﭘﺘﯘ . ﭼﯘﻧﻜﻰ ﺋﯘﻧﯩﯔ ﺑﯩﺰ ﺋﻮﻟﺘﯘﺭﻏﺎﻥ ﺩﺍﭼﯩﺪﺍ ﺋﻮﻟﺘﯘﺭﻏﯘﺳﻰ ﺑﺎﺭ ﺋﯩﻜﻪﻥ . ﻛﯧﻴﯩﻦ ﺋﺎﻳﺎﻟﻰ ﺋﯘﻧﯩﯖﻐﺎ ﺑﯩﻠﺪﯗﺭﯗﭖ - ﺑﯩﻠﺪﯗﺭﻣﻪﻱ ﭘﺎﺭﺍ ﺋﯧﻠﯩﭗ ، ﺟﻪﻣﺌﯩﻴﻪﺗﺘﻪ ﻳﺎﻣﺎﻥ ﺗﻪﺳﯩﺮ ﭘﻪﻳﺪﺍ ﻗﯩﭙﺘﯘ . ﻳﯘﻗﯘﺭﯨﺪﯨﻦ ﺋﯘﻧﻰ ﺗﻪﻛﺸﯘﺭﯗﺷﻜﻪ ﺋﺎﺩﻩﻡ ﭼﯜﺷﯜﭘﺘﯘ ﯞﻩ ﺧﯩﺰﻣﯩﺘﯩﻨﻰ ﯞﺍﻗﺘﯩﻨﭽﻪ ﺗﻮﺧﺘﯘﺗﯘﭖ ﻗﻮﻳﯘﭘﺘﯘ . ﺑﯘ ﯞﺍﻗﯩﺘﺘﺎ ﺋﺎﻳﺎﻟﻰ ﻳﻮﻕ ﺑﺎﻧﺎﮬﻪﻟﻪﺭﻧﻰ ﭼﯩﻘﯩﺮﯨﭗ ﺋﺎﺳﺘﺎ ﻗﯘﻳﺮﯗﻗﯩﻨﻰ ﺗﯩﻜﯩﯟﯦﺘﯩﭙﺘﯘ ﯞﻩ ﺋﯘﻧﯩﯖﺪﯨﻦ ﺋﺎﻳﺮﯨﻠﯩﭗ ﺑﺎﺷﻘﺎ ﺑﯩﺮﻯ ﺑﯩﻠﻪﻥ ﭼﯩﻘﯩﺸﯩﯟﺍﭘﺘﯘ . ﺧﯩﺰﻣﻪﺗﺘﯩﻜﻰ ﯞﻩ ﺗﯘﺭﻣﯘﺷﺘﯩﻜﻰ ﺯﻩﺭﺑﻪ ﺋﯘﻧﻰ ﻗﺎﺗﺘﯩﻖ ﭼﺎﺭﭼﺎﺗﻘﺎﭼﻘﺎ ﺑﺎﻟﻨﯩﺴﺘﺎ ﻳﯧﺘﯩﭗ ﻗﺎﭘﺘﯘ . ﺋﯘ ﺋﺎﻏﺮﯨﭗ ﻗﺎﻟﻐﺎﻥ ﻣﻪﺯﮔﯩﻠﺪﻩ ﺗﻪﺷﻜﯩﻞ ﺗﻪﻛﺸﯘﺭﯗﺵ ﺋﺎﺭﻗﯩﻠﯩﻖ ﮬﻪﻣﻤﻪ ﺯﺍﯓ ﻣﺎﻟﻼﺭﻧﻰ ﯞﻩ ﭘﯘﻟﻼﺭﻧﻰ ﺋﺎﻳﺎﻟﻰ ﺋﺎﻟﻐﺎﻧﻠﯩﻘﯩﻨﻰ ، ﺋﯘﻧﯩﯔ ﻗﯩﻠﭽﻪ ﺧﻪﯞﯨﺮﻯ ﻳﻮﻗﻠﯩﻘﯩﻨﻰ ﯞﻩ ﺋﺎﻳﺎﻟﯩﻨﯩﯔ ﺩﻩﻝ ﺷﯘ ﯞﺍﻗﯩﺘﺘﺎ ﺋﺎﺟﺮﯨﺸﯩﭗ ﮬﻪﻣﻤﯩﺪﯨﻦ ﻗﯘﺗﯘﻟﻤﺎﻗﭽﻰ ﺑﻮﻟﻐﺎﻧﻠﯩﻘﯩﻨﻰ ، ﺑﯘ ﺋﯩﺸﻼﺭﺩﯨﻦ ﺋﯘﻧﯩﯔ ﺧﻪﯞﯨﺮﯨﻨﯩﯔ ﻳﻮﻗﻠﯩﻘﯩﻨﻰ ﻧﻪﺯﻩﺭﺩﻩ ﺗﯘﺗﯘﭖ ، ﺋﯘﻧﻰ ﯞﻩﺯﯨﭙﯩﺴﯩﺪﯨﻦ ﻗﺎﻟﺪﯗﺭﯗﭖ ، ﺋﺎﻟﻐﺎﻥ ﭘﺎﺭﯨﻨﯩﯔ ﻧﯩﺴﺒﯩﺘﻰ ﺑﻮﻳﯩﭽﻪ ﺟﻪﺭﯨﻤﺎﻧﻪ ﺗﯚﻟﻪﺵ ، ﭘﺎﺭﺗﯩﻴﻪ ﺋﯩﭽﯩﺪﻩ ﺋﯚﺯﯨﻨﻰ ﺗﻪﻛﺸﯘﺭﯗﺵ ﺑﯩﻠﻪﻥ ﭼﻪﻛﻠﯩﻨﯩﭗ ، ﺋﺎﻳﺎﻟﯩﻨﻰ ﻗﻮﻟﻐﺎ ﺋﺎﭘﺘﯘ .
ﭼﻮﯓ ﺋﻮﻏﻠﯘﻡ ﺋﺎﻣﯧﺮﻛﯩﻐﺎ ﺋﻮﻗﯘﺷﻘﺎ ﭼﯩﻘﻘﺎﻥ ﺑﯩﺮ ﻗﯩﺰ ﺑﯩﻠﻪﻥ ﺗﻮﻳﻼﺷﺘﻰ . ﻣﻪﻥ ﻛﯩﭽﯩﻚ ﺋﻮﻏﻠﯘﻣﻨﯩﯔ ﻳﯧﻨﯩﺪﺍ ﺑﯩﺮ ﻣﻪﺯﮔﯩﻞ ﺗﯘﺭﻣﺎﻗﭽﻰ ﺑﻮﻟﯘﭖ ﻛﺎﻧﺎﺩﺍﻏﺎ ﻛﻪﺗﺘﯩﻢ .ﺋﯘ ﻳﻪﺭﺩﻩ ﺑﯩﺮ ﻳﯩﻞ ﺗﯘﺭﯗﭖ ، ﺋﺎﺗﺎ - ﺋﺎﻧﺎﻣﻨﯩﯔ ﻳﺎﺷﯩﻨﯩﭗ ﻗﺎﻟﻐﺎﻧﻠﯩﻖ ﺳﻪﯞﻩﺑﻠﯩﻚ ﺋﻮﻏﯘﻟﻠﯩﺮﯨﻢ ﯞﻩ ﻛﯧﻠﯩﻨﻠﯩﺮﯨﻢ ﺑﯩﻠﻪﻥ ﺧﻮﺷﻠﯘﺷﯘﭖ ﻗﺎﻳﺘﯩﭗ ﻛﻪﻟﺪﯨﻢ . ﺑﯩﺮ ﺋﺎﻳﺪﻩﻙ ﻣﯧﮭﻤﺎﻧﺪﺍﺭﭼﯩﻠﯩﻖ ﺋﻮﻳﻨﯩﺪﯗﻕ ، ﺑﯩﺮ ﻛﯘﻧﻰ ﺩﻩﺭﯞﺍﺯﺍ ﻗﻮﯕﻐﯩﺮﯨﻘﻰ ﺟﯩﺮﯨﯖﻠﯩﺪﻯ ، ﻗﺎﺭﺍﭖ ﺑﺎﻗﺎﻱ ﺩﻩﭖ ﮔﯜﻟﻠﯜﻛﻨﻰ ﺋﻪﮔﯩﭗ ﺋﯚﺗﯜﺷﯘﻣﮕﻪ ﺩﻩﺭﯞﺍﺯﯨﻨﯩﯔ ﺗﯚﻣﯘﺭﻟﯩﺮﯨﮕﻪ ﺋﯩﻜﻜﻰ ﻗﻮﻟﻰ ﺑﯩﻠﻪﻥ ﺋﯧﺴﯩﻠﭗ ، ﺋﯩﭽﻜﯩﺮﯨﺴﯩﮕﻪ ﺗﻪﻟﻤﯜﺭﯛﭖ ﻗﺎﺭﺍﭖ ﺗﯘﺭﻏﺎﻥ ﺑﯩﺮ ﺑﻮﯞﺍﻳﻨﻰ ﻛﯚﺭﺩﯗﻡ . ﺩﻩﺭﯞﺍﺯﯨﻨﻰ ﺋﯧﭽﯩﭗ ﮬﺎﯕﺘﺎﯓ ﻗﺎﻟﺪﯨﻢ . ﺋﺎﻟﺪﯨﻤﺪﺍ ﺑﺎﻟﯩﻠﯩﺮﯨﻤﻨﯩﯔ ﺩﺍﺩﯨﺴﻰ ﺗﯘﺭﺍﺗﺘﻰ . ﺋﯘﻧﯩﯔ ﺋﺎﻏﺰﻯ ﻧﯧﻤﯩﻠﻪﺭﻧﯩﺪﯗﺭ ﺩﯦﮕﯜﺳﻰ ﺑﺎﺭﺩﻩﻙ ﻣﯩﺪﯨﺮﻻﭘﻼ ﺗﯘﺭﺍﺗﺘﻰ ، ﺋﻪﻣﻤﺎ ﮬﯧﭽﯩﻨﯩﻤﻪ ﺩﯨﻴﻪﻟﻤﻪﻳﺘﺘﻰ ، ﻛﯚﺯﻟﯩﺮﯨﺪﯨﻦ ﺋﺎﻗﻘﺎﻥ ﻳﺎﺷﻠﯩﺮﻯ ﻣﻪﯕﺰﯨﻨﻰ ﺑﻮﻳﻼﭖ ﻣﻪﻳﺪﯨﺴﯩﻨﻰ ﮬﯚﻝ ﻗﯩﻠﯩﯟﻩﺗﺘﻰ ، ﻣﻪﻥ ﻧﯩﻤﻪ ﻗﯩﻠﯩﺸﯩﻤﻨﻰ ﺑﯩﻠﻤﻪﻱ ﺑﯩﺮ ﮬﺎﺯﺍ ﺗﯘﺭﯗﭖ ﻗﺎﻟﺪﯨﻢ . ﺋﺎﺧﯩﺮﯨﻨﻰ ﺋﯘﻧﻰ ﺋﯚﻳﮕﻪ ﺑﺎﺷﻠﯩﺪﯨﻢ .ﺋﯘ ﺋﯚﺯﻯ ﺩﺍﯞﺍﻣﻠﯩﻖ ﺋﻮﻟﺘﯘﺭﯗﭖ ﮔﯧﺰﯨﺖ ﻛﯚﺭﯨﺪﯨﻐﺎﻥ ﻛﯩﺮﯨﺴﻠﻮﻏﺎ ﻛﯧﻠﯩﭗ ﺋﻮﻟﺘﯘﺭﺩﻯ ﯞﻩ ﺋﯚﻳﻠﻪﺭﮔﻪ ﺑﯩﺮ ﺧﯩﻞ ﺳﯚﻳﯘﻧﯘﺵ ﺑﯩﻠﻪﻥ ﻗﺎﺭﺍﭖ ﭼﯩﻘﺘﻰ . ﺑﯩﺮ ﻧﻪﺭﺳﻪ ﺩﯦﻤﻪﻛﭽﻰ ﺑﻮﻻﺗﺘﯩﻴﯘ ﺋﺎﻏﺰﯨﺪﯨﻦ ﭼﯩﻘﯩﺮﺍﻟﻤﺎﻳﯟﺍﺗﺎﺗﺘﻰ ، ﻣﻪﻥ ﺋﯘﻧﻰ ﺷﯘﻧﭽﻪ ﻳﯩﻞ ﺗﻪﺗﻘﯩﻖ ﻗﯩﻠﻐﺎﻥ ﺋﺎﺩﻩﻣﻤﻪﻥ ، ﻣﯩﺠﻪﺯﯨﻨﻰ ﺋﻮﺑﺪﺍﻥ ﺑﯩﻠﯩﻤﻪﻥ ، ﺋﯘﻧﯩﯔ ﻧﯧﻤﻪ ﺩﯨﻤﻪﻛﭽﻰ ﺑﻮﻟﻐﺎﻧﻠﯩﻘﯩﻦ ﺑﯩﻠﯩﯟﺍﻟﺪﯨﻢ ، ﺋﯘ ﺋﺎﺧﯩﺮﻯ :
_ ﻣﯧﻨﯩﯔ ﺑﺎﺷﻘﺎ ﮔﻪﭘﻠﻪﺭﻧﻰ ﺳﯚﺯﻟﻪﭖ ﺋﻮﻟﺘﯘﺭﻏﯘﻡ ﻳﻮﻕ ، ﺑﯩﺮﻻ ﮔﻪﭖ ﻣﯧﻨﻰ ﻛﻪﭼﯘﺭﯨﺸﯩﯖﯩﺰﻧﻰ ﺋﯘﻣﯩﺪ ﻗﯩﻠﯩﻤﻪﻥ ،ﺑﯘ ﺑﯩﺮ ﺋﯧﻐﯩﺰ ﮔﯧﭙﯩﻤﻨﻰ ﺋﯚﻟﯘﭖ ﻛﯧﺘﯩﺸﺘﯩﻦ ﺑﯘﺭﯗﻥ ﺳﯩﺰﮔﻪ ﺋﯚﺯ ﺋﺎﻏﺰﯨﻢ ﺑﯩﻠﻪﻥ ﺩﯦﯟﺍﻻﻱ ﺩﻩﭖ ﺑﯘ ﻳﻪﺭﮔﻪ ﻛﻪﻟﺪﯨﻢ . ﻣﯧﻨﻰ ﺋﺎﻟﻼ ﺟﺎﺯﺍﻟﯩﺪﻯ ، ﺋﻪﻣﺪﻯ ﺳﯩﺰ ﻗﺎﻧﺪﺍﻕ ﺟﺎﺯﺍﻟﯩﺴﯩﯖﯩﺰ ﮬﻪﻗﻠﯩﻘﺴﯩﺰ . ﭘﻪﻗﻪﺕ ﻣﯧﻨﻰ ﻛﻪﭼﯘﺳﯩﯖﯩﺰﻻ ﺑﯘ ﻗﯧﺮﻯ ﺟﯩﻨﯩﻤﻨﻰ ﺳﯩﺰﮔﻪ ﺳﯘﻧﺪﯗﻡ ،_ ﺩﯦﺪﻯ . ﻣﻪﻥ ﺋﯘﻧﯩﯖﻐﺎ ﺳﻪﭘﺴﯧﻠﯩﭗ ﻗﺎﺭﯨﺪﯨﻢ ، ﺋﯘﻧﯩﯔ ﭼﺎﭼﻠﯩﺮﻯ ﭘﯘﺗﯘﻧﻠﻪﻱ ﺋﺎﻗﯩﺮﯨﭗ ﻗﯧﺮﯨﭗ ﻛﻪﺗﻜﻪﻧﺪﻯ ، ﺑﯘﺭﯗﻧﻘﻰ ﺳﯘﺱ ، ﺳﯘﺭﻟﯘﻙ ﻗﯩﻴﺎﭘﯩﺘﯩﺪﯨﻦ ﺋﻪﺳﻪﺭﻣﯘ ﻳﻮﻕ ، ﻗﻪﺩﺩﻯ ﭘﯜﻛﯜﻟﮕﻪﻧﯩﺪﻯ . ﺋﻪﻥ ﺋﯘﺯﯗﻣﻨﯩﯔ ﻧﯩﻤﯩﺸﻘﺎ ﺷﯘﻧﺪﺍﻕ ﻗﯩﻠﻐﺎﻧﻠﯩﻘﯩﻤﻨﻰ ﺑﯩﻠﻤﻪﻳﻤﻪﻥ ، ﺑﯩﺮﺍﻕ ﻣﻪﻥ ﺋﯘﻧﻰ ﻛﻪﭼﯘﺭﺩﯗﻡ ﯞﻩ ﺑﯘﺭﯗﻧﻘﯩﻐﺎ ﺋﻮﺧﺸﺎﺵ ﻛﯚﯕﯜﻝ ﻗﻮﻳﯘﭖ ﻛﯜﺗﺘﯘﻡ ، ﺋﯘ ﺧﯧﻠﻰ ﺋﻪﺳﻠﯩﮕﻪ ﻛﯧﯩﻠﭗ ﻗﺎﻟﺪﻯ . ﺑﯩﺰ ﻳﯧﺰﯨﻐﺎ ﺑﺎﺭﺩﯗﻕ ، ﺋﯘ ﻳﻪﺭﺩﯨﻦ ﺑﯩﺰ ﺗﯘﺭﻏﺎﺏ ﭼﺎﻏﺪﯨﻜﻰ ﮔﯘﺯﻩﻟﻠﯩﻜﻨﻰ ﺗﺎﭘﺎﻟﻤﯩﺪﯗﻕ . ﮬﻪﻣﻤﻪ ﻧﻪﺭﺳﻪ - ﺋﺎﺩﻩﻣﻠﻪﺭ ، ﺋﯚﻳﻠﻪﺭ ، ﺩﻩﺭﻩﺧﻠﻪﺭ ﮬﻪﺗﺘﺎ ﻳﻮﻟﻼﺭﻣﯘ ﺋﯚﺯﮔﻪﺭﮔﻪﻧﻜﻪﻥ . ﺑﯩﺰ ﺑﯘﺭﯗﻧﻘﻰ ﻣﯘﮬﻪﺑﺒﯩﺘﯩﻤﯩﺰ ﺑﻮﻟﻤﯩﺴﯩﻤﯘ ﺑﻪﺧﺘﯩﻠﯩﻚ ﺋﯚﺗﻜﻪﻥ ﭼﺎﻏﻠﯩﺮﯨﻤﯩﺰﻧﻰ ﺋﯩﺰﺩﯨﺪﯗﻕ ، ﮬﯧﭻ ﻳﻪﺭﺩﯨﻦ ﺗﺎﭘﺎﻟﻤﯩﺪﯗﻕ . ﺑﯩﺮ - ﺑﯩﺮﯨﻤﯩﺰﮔﻪ ﻗﺎﺭﺍﺷﺘﯘﻕ ، ﺑﯩﺰ ﻧﺎﮬﺎﻳﯩﺘﻰ ﻳﯧﻘﯩﻦ ﺗﯘﺭﯗﭘﺘﯩﻤﯩﺰ ، ﺑﯩﺮﺍﻕ ﺋﯘ ﻣﻪﻧﺪﯨﻦ ، ﻣﻪﻥ ﺋﯘﻧﯩﯖﺪﯨﻦ ﺷﯘﻧﺪﺍﻕ ﻳﯩﺮﺍﻕ . ﻧﺎﮬﺎﻳﯩﺘﻰ ﻳﯩﺮﺍﻕ . ﺑﯩﺰ ﺋﯜﻥ - ﺗﯘﻧﺴﯩﺰ ، ﺋﺎﺗﺎ - ﺋﺎﻧﯩﻤﯩﺰﻧﯩﯔ ﻗﻪﺑﺮﻩ ﺑﯧﺸﯩﻨﻰ ﻳﻮﻗﻼﭖ ﻣﺎﯕﺪﯗﻕ ، ﺋﻪﻣﻤﺎ ﺧﯩﻴﺎﻟﯩﻤﯩﺰ ﺑﺎﺷﻘﺎ . ﺋﯘﻧﻰ ﻧﯩﻤﯩﺸﻘﺎ ﻛﻪﭼﯘﺭﺩﯗﻡ ،ﺧﯘﺩﺩﻯ ﺋﯘﻧﯩﯔ ﺷﯘﻧﺪﺍﻕ ﻗﯩﻠﯩﺸﻰ ﻳﻮﻟﻠﯘﻗﺘﻪﻙ ؟ ﻳﯩﺮﺍﻗﺘﯩﻦ ﻗﻪﺑﺮﯨﻠﻪﺭ ﻛﯚﺭﯗﻧﻤﻪﻛﺘﻪ ، ﺑﯩﺰﮔﯩﻤﯘ ﺋﺎﺯ ﻗﺎﻟﺪﻯ . ﺑﯘ ﺟﺎﮬﺎﻧﻐﺎ ﺗﯚﺭﯛﻟﯘﭖ ﻗﺎﻧﺪﺍﻕ ﺋﯩﺸﻼﺭﻧﻰ ﻗﯩﻠﺪﯗﻕ ؟ ﻳﻪﻧﻪ ﻗﺎﻧﺪﺍﻕ ﺋﯩﺸﻼﺭﻧﻰ ﻗﯩﻠﯩﻤﯩﺰ ؟ ﻣﻪﻥ ﭘﯘﺗﯘﻡ ﺋﺎﺳﺘﯩﻤﺪﯨﻜﻰ ﺗﻮﭘﯩﻐﺎ ﻗﺎﺭﯨﺪﯨﻢ ، ﮬﻪﺭ ﺑﯩﺮ ﺩﻩﺳﺴﯩﮕﯩﻨﯩﻤﺪﻩ ﺗﻮﭘﺎ ﮬﻪﺭ ﺗﻪﺭﻩﭘﻜﻪ ﭼﺎﭼﺮﺍﭖ ﺋﺎﻳﺎﻍ ﺋﯩﺰﯨﻐﯩﻤﯘ ﺋﻮﺧﺸﯩﻤﺎﻳﺪﯨﻐﺎﻥ ﺑﯩﺮ ﺧﯩﻞ ﺋﯩﺰ ﻗﺎﻟﺪﯗﺭﺍﺗﺘﻰ .......
\" ﺷﯩﻨﺠﺎﯓ ﺋﺎﻳﺎﻟﻠﯩﺮﻯ \" ﮊﻭﺭﻧﯩﻠﯩﺪﯨﻦ .
ﮬﻪﺟﻪﭖ ﺋﯩﺴﯩﻞ ﺋﺎﻳﺎﻟﻜﻪﻥ....
ﮬﻪﻱ.... ﻗﻪﺩﺭﯨﻨﻰ ﺑﯩﻠﻤﯩﺴﻪ ﻛﯩﻴﯩﻦ ﺋﻮﺭﻧﯩﻐﺎ ﻛﻪﻟﻤﻪﻳﺪﯨﻐﺎﻥ ﺋﯩﺶ ﭼﺎﺗﺎﻗﺘﻪ...
بەت:
[1]