ﻏﯘﻟﺠﺎ ﺑﻪﻳﺘﯘﻟﻼ ﺟﺎﻣﻪﺳﻰ ﯞﻩ ﺑﻪﺯﻯ ﺗﺎﺭﯨﺨﻲ
ﻏﯘﻟﺠﺎ << ﺑﻪﻳﺘﯘﻟﻼ >> ﺟﺎﻣﻪﺳﻰ ﯞﻩ ﺑﻪﺯﻯ ﺗﺎﺭﯨﺨﯩﻲ ﺷﻪﺧﺴﻠﻪﺭ( 1 )
ﺗﺎﺭﯨﺨﺘﯩﻦ ﺳﯚﺯ
-- <<ﺑﻪﻳﺘﯘﻟﻼ>> ﻧﯩﯔ ﻳﺎﺳﯩﻠﯩﺸﻰ ﮬﻪﻗﻘﯩﺪﻩ
ﮔﯜﺯﻩﻝ ﺋﯩﻠﻰ ﯞﺍﺩﯨﺴﯩﻨﯩﯔ ﺋﯘﻳﻐﯘﺭ ﺧﻪﻟﻘﻰ ﺋﻪﺯﻩﻟﺪﯨﻦ ﻳﺎﺷﺎﭖ ﻛﻪﻟﮕﻪﻥ ﺯﯦﻤﯩﻨﻼﺭﻧﯩﯔ ﺑﯩﺮﻯ ﺋﯩﻜﻪﻧﻠﯩﻜﻰ ﮬﻪﻗﻘﯩﺪﻩ ﺋﯩﺸﻪﻧﭽﯩﻠﯩﻚ ﺗﺎﺭﯨﺨﻲ ﻣﻪﻟﯘﻣﺎﺗﻼﺭ ﺑﺎﺭ. ﭼﺎﻏﺎﺗﺎﻳﺨﺎﻥ ﮬﺎﻛﯩﻤﻴﻪﺕ ﻳﯜﮔﯜﺯﮔﻪﻥ ﻳﯩﻠﻼﺭﺩﺍ ﺋﯩﻠﯩﺪﯨﻜﻰ ﻗﻪﺩﯨﻤﯩﻲ ﺷﻪﮬﻪﺭ ﺋﺎﻟﻤﺎﻟﯩﻘﻨﻰ ( ﺑﻪﺯﻯ ﺗﺎﺭﯨﺨﻲ ﻛﯩﺘﺎﭘﻼﺭﺩﺍ "ﺋﺎﻟﻤﺎﻟﻰ" ﺋﺎﺗﺎﻟﻐﺎﻥ ) ﭘﺎﻳﺘﻪﺧﺖ ﻗﯩﻠﯩﭗ ﺗﺎﻟﻠﯩﻐﺎﻥ. ﺋﻪﻧﻪ ﺷﯘ ﺋﺎﻟﻤﺎﻟﯩﻘﻨﯩﯔ ﺋﺎﺳﺎﺳﻠﯩﻖ ﺋﺎﮬﺎﻟﯩﺴﻰ ﺋﯘﻳﻐﯘﺭﻻﺭ ﺋﯩﺪﻯ. ﺋﺎﻟﻤﺎﻟﯩﻖ ﺷﻪﮬﯩﺮﯨﺪﻩ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﺎﻟﯩﻤﻠﯩﺮﯨﺪﯨﻦ ﻣﻪﯞﻻﻧﻪ ﻳﯜﺳﯜﭖ ﺳﻪﻛﻜﺎﻛﻰ ﯞﻩ ﺟﺎﻣﺎﻝ ﻗﺎﺭﺷﯩﻼﺭ ﻳﺎﺷﯩﻐﺎﻥ ﺋﯩﺠﺎﺩﯨﻴﻪﺕ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ... ﺑﯩﺰ ﺑﯜﮔﯜﻥ ﻏﯘﻟﺠﺎ <<ﺑﻪﻳﺘﯘﻟﻼ>> ﻣﻪﺩﺭﯨﺴﻰ ﻣﻪﺳﭽﯩﺘﯩﻨﯩﯔ ﺗﺎﺭﯨﺨﯩﺪﯨﻦ ﮔﻪﭖ ﺑﺎﺷﻼﺷﺘﯩﻦ ﺋﯩﻠﮕﯩﺮﻯ، ﻏﯘﻟﺠﺎ ﺷﻪﮬﯩﺮﯨﻨﯩﯔ ﺗﺎﺭﯨﺨﻰ ﮬﻪﻗﻘﯩﺪﻩ ﻗﯩﺴﻘﯩﭽﻪ ﺗﻮﺧﺘﯩﻠﯩﻤﯩﺰ: ﻏﯘﻟﺠﺎ ﺋﯘﺯﯗﻥ ﺗﺎﺭﯨﺨﻘﺎ ﺋﯩﮕﻪ. ﻣﯘﯕﻐﯘﻝ ﺋﯩﻤﭙﯩﺮﯨﻴﯩﺴﻰ (ﻳﯜﻩﻥ ﺳﯘﻻﻟﯩﺴﻰ، 1279 -- 1368)، ﻣﯩﯔ ﺳﯘﻻﻟﯩﺴﻰ (1368 -- 1644) ﺩﻩﯞﺭﻟﯩﺮﯨﺪﻩ، "ﺋﯩﻠﻰ ﺑﺎﻟﯩﻖ" ("ﺑﺎﻟﯩﻖ" ﺋﯘﻳﻐﯘﺭﭼﻪ "ﺷﻪﮬﻪﺭ" ﺩﯦﻤﻪﻛﺘﯘﺭ) ﺩﻩﭖ ﺋﺎﺗﺎﻟﻐﺎﻥ، ﺟﯘﯕﻐﺎﺭﻻﺭ ﮬﯚﻛﯜﻣﺮﺍﻧﻠﯩﻘﻰ ﺩﻩﯞﺭﯨﺪﻩ ﻏﯘﻟﺠﺎ ﺟﯘﯕﻐﺎﺭ ﺧﺎﻧﻰ ﻗﯘﻧﺘﻪﻳﺠﻰ ﻳﻪﻧﻰ ﺳﯧﯟﯦﻦ ﺋﺎﺭﺍﺑﺪﺍﻥ (1663 -- 1727) ﻧﯩﯔ ﺋﻮﺭﺩﯨﺴﻰ ﺗﯘﺭﯗﺷﻠﯘﻕ ﺟﺎﻱ ﺑﻮﻟﻐﺎﻥ. ﭼﯩﯔ ﺳﯘﻻﻟﯩﺴﻰ ﺋﯩﻠﻰ ﺩﻩﺭﻳﺎﺳﯩﻨﯩﯔ ﺷﯩﻤﺎﻟﯩﺪﺍ 9 ﻗﻪﻟﺌﻪ ﺷﻪﮬﻪﺭ ﺳﺎﻟﺪﯗﺭﻏﺎﻧﺪﺍ، ﻏﯘﻟﺠﺎ ﺷﯘﻻﺭﻧﯩﯔ ﺑﯩﺮﻯ ﺳﯜﭘﯩﺘﯩﺪﻩ 1762- ﻳﯩﻠﻰ ﺷﻪﮬﻪﺭ ﻗﯩﻠﯩﭗ ﻳﺎﺳﺎﻟﻐﺎﻥ. ﭘﺎﺩﯨﺸﺎﮬ ﺭﻭﺳﯩﻴﻪﺳﻰ 1871- ﻳﯩﻠﻰ ﺋﯩﻠﻰ ﺩﯨﻴﺎﺭﯨﻨﻰ ﺗﺎﺟﺎﯞﯗﺯ ﻗﯩﻠﯩﭗ ﺑﯧﺴﯩﯟﺍﻟﻐﺎﻧﺪﯨﻦ ﻛﯧﻴﯩﻦ، ﻏﯘﻟﺠﺎ ﻳﻪﻧﻪ ﺑﯩﺮ ﻗﯧﺘﯩﻢ ﻛﯧﯖﻪﻳﺘﯩﭗ ﻗﯘﺭﯗﻟﻐﺎﻥ. 1762- ﻳﯩﻠﻰ ﺋﯩﻠﻰ ﺟﻴﺎﯕﺠﯜﻥ ﻣﻪﮬﻜﯩﻤﯩﺴﻰ ﻗﯘﺭﯗﻟﯘﭖ ﭘﯜﺗﯜﻥ ﺷﯩﻨﺠﺎﯕﻨﻰ ﺋﯩﺪﺍﺭﻩ ﻗﯩﻠﯩﺸﻘﺎ ﺑﺎﺷﻠﯩﺪﻯ. ﺟﻴﺎﯕﺠﯜﻥ ﻣﻪﮬﻜﯩﻤﯩﺴﻰ ﻛﯜﺭﻩﺩﻩ ﺑﻮﻟﯘﭖ، ﻏﯘﻟﺠﯩﺪﺍ ﺋﻪﻣﻪﺳﯩﺪﻯ. ﭼﯩﯔ ﺋﻮﺭﺩﯨﺴﻰ ﺋﯘﻳﻐﯘﺭﻻﺭ ﺋﯩﺸﯩﻨﻰ ﺑﺎﺷﻘﯘﺭﯨﺪﯨﻐﺎﻥ ﻣﻪﮬﻜﯩﻤﻪ -- ﺋﯩﻠﻰ ﮔﯘﯓ ﺑﻪﮔﻠﯩﻜﻰ (ﻳﻪﻧﻰ ﮬﺎﻛﯩﻤﺒﻪﮔﻠﯩﻚ) ﺋﻮﺭﺩﯨﺴﯩﻨﻰ ﺗﻪﺳﯩﺲ ﻗﯩﻠﯩﺶ ﮬﻪﻗﻘﯩﺪﻩ ﺑﯘﻳﺮﯗﻕ ﻗﯩﻠﺪﻯ. ﺷﯘ ﻳﯩﻠﻰ ﻣﻪﺧﺴﯘﺱ ﻳﺎﺭﻟﯩﻖ ﺑﯩﻠﻪﻥ ﻣﯘﺳﺎ ﮔﯘﯕﻨﻰ (ﺋﯩﻤﯩﻦ ﯞﺍﯕﻨﯩﯔ 2- ﺋﻮﻏﻠﻰ) ﮔﯘﯓ ﯞﻩ ﺋﯩﻠﯩﻨﯩﯔ ﮬﺎﻛﯩﻤﺒﻪﮒ ﻏﻮﺟﯩﻠﯩﻘﯩﻐﺎ ﺗﻪﻳﯩﻨﻠﻪﭖ، ﻣﺎﻧﺠﯘ، ﺧﻪﻧﺰﯗ ﯞﻩ ﺋﯘﻳﻐﯘﺭﭼﻪ ﺧﻪﺗﻠﻪﺭ ﺋﻮﻳﯘﻟﻐﺎﻥ ﺗﺎﻣﻐﯩﻨﻰ ﺋﻪﯞﻩﺗﺘﻰ. ﻣﯘﺳﺎ ﮔﯘﯓ ﻏﯘﻟﺠﯩﻨﻰ ﻛﯧﯖﻪﻳﺘﯩﭗ ﻗﯘﺭﯗﺵ ﺑﯩﻠﻪﻥ ﺑﯩﻠﻠﻪ <<ﺋﯩﻠﻰ ﮔﯘﯓ-ﺑﻪﮔﻠﯩﻚ ﺋﻮﺭﺩﯨﺴﻰ>> ﺋﻮﺭﺩﯨﺴﯩﻨﻰ ﺷﻪﮬﻪﺭ ﺋﯩﭽﯩﮕﻪ ﺳﺎﻟﺪﯗﺭﯗﺷﻘﺎ ﺑﺎﺷﻠﯩﺪﻯ. (ﺑﯘ ﺋﻪﺗﺮﺍﭘﻼﺭ ﮬﺎﺯﯨﺮﻣﯘ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ "ﺷﻪﺭ ﺋﯩﭽﻰ"، "ﺋﻮﺭﺩﺍ ﻣﻪﮬﻪﻟﻠﻪ" ﺩﻩﭖ ﺋﺎﺗﯩﻠﯩﺪﯗ. ) ﻣﯘﺳﺎ ﮔﯘﯓ 1766- ﻳﯩﻠﻰ ﻛﯧﺴﻪﻝ ﺳﻪﯞﻩﺑﯩﺪﯨﻦ ﺋﯚﻟﯜﭖ ﻛﯧﺘﭗ ﺋﯘﻧﯩﯔ ﭘﻪﺭﺯﻩﻧﺘﻰ ﺑﻮﻟﻤﯩﻐﺎﭼﻘﺎ، ﺋﯩﻨﯩﺴﻰ ﺋﯘﺭﺍﻧﺰﯨﭗ ﮔﯘﯓ ﮬﺎﻛﯩﻤﺒﻪﮒ ﺑﻮﻟﻐﺎﻥ.
ﺋﯘﺭﺍﻧﺰﯨﭗ ﮔﯘﯓ ﮬﺎﻛﯩﻢ ﺑﻪﮒ ﺑﻮﻟﻐﺎﻥ ﺯﺍﻣﺎﻧﺪﺍ ﺋﯩﻘﺘﯩﺴﺎﺕ ﻳﺎﺭ ﺑﻪﺭﻣﯩﮕﻪﻧﻠﯩﻜﺘﯩﻦ ﺷﻪﮬﻪﺭ ﺋﯩﭽﻰ، ﺋﻮﺭﺩﺍ ﻣﻪﮬﻪﻟﻠﯩﺴﻰ ﺋﻪﺗﺮﺍﭘﯩﺪﺍ ﺋﯘﻳﻐﯘﺭﻻﺭﻧﯩﯔ ﺟﯜﻣﻪ ﯞﻩ ﮬﯧﺖ ﻧﺎﻣﯩﺰﯨﻨﻰ ﺋﻮﻗﯘﻳﺪﯨﻐﺎﻥ ﭼﻮﯕﺮﺍﻕ ﺟﺎﻣﻪ-ﻣﻪﺳﭽﯩﺘﻰ ﺳﯧﻠﯩﻨﻤﯩﻐﺎﻥ (ﻛﯩﭽﯩﻜﺮﻩﻙ ﻣﻪﺳﭽﯩﺘﻠﻪﺭﻧﻰ ﮬﯧﺴﺎﭘﻘﺎ ﺋﺎﻟﻤﯩﻐﺎﻧﺪﺍ). ﭼﯩﯔ ﺧﺎﻧﺪﺍﻧﻠﯩﻘﯩﻨﯩﯔ ﺧﺎﻧﻰ ﭼﯩﻴﻪﻧﻠﻮﯓ ﺧﺎﻥ ﺑﯘﻳﺮﯗﻕ ﭼﯜﺷﯜﺭﯛﭖ ﺋﯘﻳﻐﯘﺭﻻﺭﻧﯩﯔ ﺩﯨﻨﯩﻲ ﺋﯧﺘﯩﻘﺎﺕ ﺋﻪﺭﻛﯩﻨﻠﯩﻜﯩﻨﻰ ﻣﯘﮬﺎﭘﯩﺰﻩﺕ ﻗﯩﻠﯩﺸﻨﻰ ﺋﯩﻠﻰ ﺟﻴﺎﯕﺠﯜﻥ ﻣﻪﮬﻜﯩﻤﯩﺴﯩﮕﻪ ﺑﯘﻳﺮﯨﺪﻯ. ﺟﻴﺎﯕﺠﯜﻥ ﻣﻪﮬﻜﯩﻤﯩﺴﻰ ﺧﺎﻧﻨﯩﯔ ﺑﯘﻳﺮﯨﻘﯩﻨﯩﯔ ﺭﻭﮬﯩﻐﺎ ﺋﺎﺳﺎﺳﻪﻥ ﮬﺎﻛﯩﻤﺒﻪﮒ ﺋﯘﺭﺍﻧﺰﯨﭗ ﮔﯘﯕﻐﺎ ﻏﯘﻟﺠﯩﺪﺍ ﭼﻮﯓ ﮬﻪﻡ ﻛﯚﺭﻛﻪﻡ ﺟﺎﻣﻪ ﻗﯘﺭﯗﺵ ﺋﯜﭼﯜﻥ ﺑﯩﺮ ﺗﯜﻣﻪﻥ ﺳﻪﺭ ﻛﯜﻣﯜﺵ ﺑﻪﺭﺩﻯ. ﺋﯘﺭﺍﻧﺰﯨﭗ ﮔﯘﯓ ﻣﻪﺯﻛﯘﺭ ﭘﯘﻝ ﯞﻩ ﮬﻪﺭ ﻳﯘﺭﺗﺘﯩﻦ ﻳﯩﻐﯩﻠﻐﺎﻥ ﻳﯩﻤﻪﻙ-ﺋﯩﭽﻤﻪﻙ، ﺋﻪﻣﮕﻪﻙ ﻛﯜﭼﻰ ﺑﯩﻠﻪﻥ ﮬﺎﺯﯨﺮﻗﻰ <<ﺑﻪﻳﺘﯘﻟﻼ>> ﻧﯩﯔ ﺋﺎﻟﺪﯨﺪﯨﻜﻰ ﭘﻪﺷﺘﺎﻕ، ﺋﯩﭽﻜﻰ ﻣﻪﺳﭽﯩﺖ ﻣﯘﺭﺍﻧﺎﺭﯨﻨﯩﯔ ﺋﺎﺳﺘﯩﺪﯨﻜﻰ ﻧﺎﻣﺎﺯ ﺋﻮﻗﯘﻳﺪﯨﻐﺎﻥ ﭼﻮﯓ ﺯﺍﻝ (ﮬﺎﺯﯨﺮ ﺩﻩﺭﯞﺍﺯﺍ-ﭘﻪﺷﺘﺎﻕ ﺋﺎﺭﻗﯩﺴﯩﺪﯨﻜﻰ ﺑﯘ ﺟﺎﻳﻼﺭ ﭼﯧﻘﯩﯟﯦﺘﯩﻠﯩﭗ، ﻳﯧﯖﻰ ﺯﺍﻣﺎﻧﯩﯟﯨﻲ ﻛﺎﺗﺘﺎ ﺟﺎﻣﻪ ﺳﯧﻠﯩﻨﺪﻯ) ﻗﺎﺗﺎﺭﻟﯩﻘﻼﺭﻧﻰ 1773- ﻳﯩﻠﻰ (ﮬﯧﺠﯩﺮﯨﻴﯩﻨﯩﯔ 1186- ﻳﯩﻠﻰ) ﻳﺎﺳﺎﭖ ﭼﯩﻘﺘﻰ.
( 2 )
<< ﺑﻪﻳﺘﯘﻟﻼ >> -- ﻣﻪﺭﯨﭙﻪﺕ ﺑﯚﺷﯜﻛﻰ
-- ﺋﯩﻠﯩﺪﺍ ﭘﻪﻧﻨﯩﻲ ﻣﻪﻛﺘﻪﭖ ﻣﺎﺋﺎﺭﯨﭙﯩﻨﯩﯔ ﺑﺎﺭﻟﯩﻘﻘﺎ ﻛﯧﻠﯩﺸﻰ ﯞﻩ ﺑﺎﯞﺩﯗﻧﺒﺎﻱ ﻣﯘﺳﺎﺑﺎﻳﻮﯞ
ﺧﻪﻟﻘﯩﻤﯩﺰ ﺋﺎﺭﯨﺴﯩﺪﺍ "ﻣﯘﺳﯘﻟﻤﺎﻥ ﺑﺎﺭ ﻳﻪﺭﺩﻩ ﻣﻪﺳﭽﯩﺖ ﺑﻮﻟﯩﺪﯗ، ﻣﻪﺳﭽﯩﺖ ﺑﺎﺭ ﻳﻪﺭﺩﻩ ﻣﻪﻛﺘﻪﭖ ( ﻣﻪﺩﺭﯨﺴﻪ ) ﺑﻮﻟﯩﺪﯗ" ﺩﻩﻳﺪﯨﻐﺎﻥ ﺳﯚﺯ ﺑﺎﺭ. 1840- ﻳﯩﻠﻠﯩﺮﻯ ﻏﯘﻟﺠﺎ ﺷﻪﮬﯩﺮﯨﺪﯨﻦ ﺭﺍﺷﯩﺪﯨﻦ، ﻣﻪﻧﺴﯘﺭ ﻗﺎﺗﺎﺭﻟﯩﻖ ﻛﯩﺸﯩﻠﻪﺭ ﻳﻪﺗﺘﻪﺳﯘ ﺗﻪﯞﻩﺳﯩﮕﻪ ﭼﯩﻘﯩﭗ، ﺷﯘ ﺯﺍﻣﺎﻧﻐﺎ ﻧﯩﺴﺒﻪﺗﻪﻥ ﺋﯩﻠﻐﺎﺭﺭﺍﻕ ﺋﯘﻗﯘﺷﻼﺭﻧﻰ ﺋﻮﻗﯘﭖ ﻛﯧﻠﯩﭗ ﻏﯘﻟﺠﯩﺪﯨﻜﻰ ﻳﯧﯖﯩﻠﯩﻖ ﺗﻪﺭﻩﭘﺘﺎﺭﻟﯩﺮﯨﻐﺎ ﺗﻪﺷﯟﯨﻖ ﻗﯩﻠﻐﺎﻥ ﮬﻪﻣﺪﻩ ﺑﻪﻳﺘﯘﻟﻼ ﭼﻮﯓ ﻣﻪﺳﭽﯩﺘﻰ ﻳﯧﻨﯩﺪﯨﻜﻰ ﺩﯨﻨﯩﻲ ﻣﻪﻛﺘﻪﭘﺘﻪ ﺋﺎﻧﺎ ﺗﯩﻞ، ﮬﯧﺴﺎﭖ، ﺋﻪﺩﻩﺑﯩﻴﺎﺕ ﺩﻩﺭﯨﺴﻠﯩﺮﯨﻨﻰ ﻗﻮﺷﯘﻣﭽﻪ ﺋﯚﺗﻜﻪﻥ.
1866- ﻳﯩﻠﻰ ﺋﯩﻠﻰ ﺳﯘﻟﺘﺎﻧﻠﯩﻘﻰ ﻗﯘﺭﯗﻟﻐﺎﻧﺪﯨﻦ ﻛﯧﻴﯩﻦ ﮬﻪﺭ ﻗﺎﻳﺴﻰ ﺟﺎﻳﻼﺭﺩﺍ ﺳﯘ ﺋﯩﻨﺸﺎﮬﺎﺗﻰ ﻗﯘﺭﯗﻟﯘﺷﻠﯩﺮﻯ، ﺑﻮﺯ ﻳﻪﺭ ﺋﯧﭽﯩﺶ، ﻗﻮﻝ ﺳﺎﻧﺎﺋﻪﺕ ﺋﯩﺸﻠﻪﭘﭽﯩﻘﯩﺮﯨﺸﻠﯩﺮﯨﻨﯩﯔ ﻛﻪﯓ ﻳﻮﻟﻐﺎ ﻗﻮﻳﯘﻟﯘﺷﻰ ﺑﯩﻠﻪﻥ، ﭘﻪﻧﻨﯩﻲ ﺑﯩﻠﯩﻤﻠﻪﺭﮔﻪ ﺑﻮﻟﻐﺎﻥ ﺋﯧﮭﺘﯩﻴﺎﺝ ﻛﯜﭼﻪﻳﺪﻯ. ﺩﻩﺳﻠﻪﭘﻜﻰ ﻗﻪﺩﻩﻣﺪﻩ ﺑﯩﺮ ﻗﯩﺴﯩﻢ ﺗﻪﺭﻩﻗﯩﭙﻪﺭﯞﻩﺭ ﺳﻮﺩﯨﮕﻪﺭﻟﻪﺭ، ﻣﻪﺭﯨﭙﻪﺗﭽﯩﻠﻪﺭ ﺋﯚﺯ ﺋﯩﻘﺘﯩﺴﺎﺩﯨﻐﺎ ﺗﺎﻳﯩﻨﯩﭗ ﻳﺎﺭﻛﻪﻧﺖ، ﺷﻪﻣﻪﻱ، ﺑﯘﺧﺎﺭﺍ، ﺗﺎﺷﻜﻪﻧﺖ، ﻗﺎﺯﺍﻥ ﻗﺎﺗﺎﺭﻟﯩﻖ ﺷﻪﮬﻪﺭﻟﻪﺭﻩﻩ ﭼﯩﻘﯩﭗ، ﭘﻪﻧﻨﻰ ﺑﯩﻠﯩﻢ، ﯞﻩ ﮬﯜﻧﻪﺭ-ﺳﻪﻧﺌﻪﺕ ﺑﯩﻠﯩﻤﻠﯩﺮﯨﻨﻰ ﺋﯚﮔﯩﻨﯩﭗ ﻛﻪﻟﺪﻯ... ﺧﻪﻟﻘﯩﻤﯩﺰﮔﻪ ﻳﯧﯖﻰ ﺋﯩﺪﯨﻴﯩﻨﻰ ﺟﯩﺪﺩﻯ ﺗﻪﺭﻏﯩﭗ ﻗﯩﻠﺪﻯ.
1871- ﭘﺎﺩﯨﺸﺎﮬ ﺭﻭﺳﺴﯩﻴﯩﺴﻰ ﺋﯩﻠﻰ ﺩﯨﻴﺎﺭﯨﻨﻰ ﻗﻮﺭﺍﻟﻠﯩﻖ ﻗﻮﺷﯘﻥ ﻛﯩﺮﮔﯜﺯﯛﭖ ﺋﯩﺸﺨﺎﻝ ﻗﯩﻠﯩﯟﺍﻟﺪﻯ... ﺋﻮﺗﺘﯘﺭﯨﺪﯨﻜﻰ ﭼﯧﮕﺮﺍ ﺋﯧﻠﯩﭗ ﺗﺎﺷﻼﻧﻐﺎﻧﻠﯩﻘﺘﯩﻦ، ﺑﯘ ﺗﻪﯞﻩﺩﯨﻜﻰ ﻛﯚﭘﻠﯩﮕﻪﻥ ﻳﺎﺷﻼﺭ ﺭﻭﺳﺴﯩﻴﻪ ﺷﻪﮬﻪﺭﻟﯩﺮﯨﮕﻪ ﮬﻪﺗﺘﺎ ﺗﯜﺭﻛﯩﻴﻪ، ﺋﻪﺭﻩﺑﯩﺴﺘﺎﻥ، ﻣﯩﺴﯩﺮ ﯞﻩ ﻳﺎﯞﺭﻭﭘﺎﻏﯩﭽﻪ ﺑﯧﺮﯨﭗ ﺳﻮﺩﺍ-ﺳﯧﺘﯩﻖ ﻗﯩﻠﺪﻯ. ﺋﯩﻠﯩﻢ ﯞﻩ ﺗﯩﻞ ﺋﯚﮔﻪﻧﺪﻯ. ﺑﯘ ﺋﯩﺠﺘﯩﻤﺎﺋﯩﻲ ﺋﯚﺯﮔﯜﺭﯛﺷﻠﻪﺭﻧﯩﯔ ﺗﻪﺳﯩﺮﯨﺪﻩ ﺋﯩﻠﯩﺪﺍ ﭘﻪﻧﻨﻰ ﺩﻩﺭﺳﻠﻪﺭﻧﻰ ﻗﻮﺷﯘﻣﭽﻪ ﻗﯩﻠﻐﺎﻥ ﺩﯨﺒﯩﻲ ﻣﻪﻛﺘﻪﭘﻠﻪﺭﺩﻩ ﺭﻭﺳﺴﯩﻴﻪ ﻣﻪﻛﺘﻪﭘﻠﯩﺮﯨﻨﯩﯔ ﭘﺮﻭﮔﺮﺍﻣﻤﯩﺴﻰ ﺑﻮﻳﯩﭽﻪ ﺩﻩﺭﺱ ﺋﯚﺗﯩﺪﯨﻐﺎﻥ ﻣﻪﺧﺴﯘﺱ ﻣﻪﻛﺘﻪﭘﻠﻪﺭ ﺑﺎﺭﻟﯩﻘﻘﺎ ﻛﯧﻠﯩﺸﻜﻪ ﺑﺎﺷﻠﯩﺪﻯ. ﺑﯘ ﺩﻩﯞﺭﺩﻩ ﺋﯚﺗﻜﻪﻥ ﺗﻪﺭﻩﻗﯩﭙﻪﺭﯞﻩﺭ ﻛﯩﺸﯩﻠﻪﺭﺩﯨﻦ ﺑﺎﯞﺩﯗﻧﺒﺎﻳﻨﻰ ( ﻣﯘﺳﺎﺑﺎﻳﻮﯞﻻﺭ ﺟﻪﻣﻪﺗﯩﻨﯩﯔ 2- ﺋﻮﻏﻠﻰ ) ﺋﯩﻠﻰ ﭘﻪﻧﻨﯩﻲ ﻣﺎﺋﺎﺭﯨﭙﯩﻐﺎ ﻗﻮﺷﻘﺎﻥ ﺗﯚﮬﭙﯩﺴﻰ ﺋﯜﭼﯜﻥ ﺋﺎﻻﮬﯩﺪﻩ ﺗﯩﻠﻐﺎ ﺋﯧﻠﯩﭗ ﺋﯚﺗﯜﺷﻜﻪ ﺗﻮﻏﺮﺍ ﻛﯧﻠﯩﺪﯗ.
ﺑﺎﯞﺩﯗﻧﺒﺎﻱ ﻣﯘﺳﺎﺑﺎﻳﻮﯞ 1890- ﻳﯩﻠﻰ ﻳﻪﺗﺘﯩﺴﯘ ﻳﺎﺭﻛﻪﻧﺘﻜﻪ ﭼﯩﻘﯩﭗ، ﺗﺎﺗﺎﺭ ﭘﻪﻧﻨﯩﻲ ﻣﻪﻛﺘﯩﭙﯩﺪﻩ ﺋﻮﻗﯘﭖ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﺋﯩﻠﯩﺪﯨﻜﻰ ﻧﻮﭘﯘﺯﻟﯘﻕ ﺋﯚﻟﯩﻤﺎﻻﺭﺩﯨﻦ ﻧﺎﺳﯩﺮ ﺋﻪﻟﻪﻡ ﺋﺎﺧﯘﻧﯘﻣﻨﯩﯔ ﻗﻮﻟﻠﯩﺸﻰ ﺋﺎﺭﻗﯩﺴﯩﺪﺍ، ﺑﻪﻳﺘﯘﻟﻼ ﭼﻮﯓ ﻣﻪﺳﭽﯩﺘﻰ ﻳﯧﻨﯩﺪﯨﻜﻰ ﺩﯨﻨﯩﻲ ﻣﻪﻛﺘﻪﭘﺘﻪ ﮬﯧﺴﺎﭖ، ﺋﺎﻧﺎ ﺗﯩﻞ، ﺋﻪﺩﻩﺑﯩﻴﺎﺕ، ﺗﺎﺭﯨﺦ، ﺟﯘﻏﺮﺍﭘﯩﻴﻪ، ﺗﻪﻧﺘﻪﺭﺑﯩﻴﻪ، ﺭﻩﺳﯩﻢ، ﺷﯧﺌﯩﺮ ﻗﺎﺗﺎﺭﻟﯩﻖ ﭘﻪﻧﻨﯩﻲ ﺩﻩﺭﺳﻠﻪﺭﻧﻰ ﻗﻮﺷﯘﻣﭽﻪ ﺋﯚﺗﯜﺷﻜﻪ ﺗﯜﺭﺗﻜﯩﻠﯩﻚ ﻗﯩﻠﺪﻯ. ﻣﯘﺳﺎﺑﺎﻳﻮﯞ ﺗﯩﺠﺎﺭﻩﺕ ﻛﺎﺭﺧﺎﻧﯩﺴﻰ ﯞﻩ ﺑﺎﺷﻘﺎ ﻣﯜﻟﻜﻠﯩﺮﯨﻨﯩﯔ ﺯﺍﻛﺎﺕ ﭘﯘﻟﻰ ﮬﯧﺴﺎﯞﯨﻐﺎ، 1875- ﻳﯩﻠﻰ ﺑﻪﻳﺘﯘﻟﻼ ﻣﻪﺩﺭﯨﺴﻰ ﺩﻩﺭﯞﺍﺯﯨﺴﯩﻨﯩﯔ ﺋﻮﯓ ﺗﻪﺭﯨﭙﯩﮕﻪ ﺯﺍﻝ ﺑﯩﻠﻪﻥ ﺗﯚﺕ ﺳﯩﻨﯩﭙﻠﯩﻖ ﻣﻪﻛﺘﻪﭖ ﺳﺎﻟﺪﯗﺭﯗﭖ، ﺋﯘﻧﯩﯔ ﺩﻭﺳﻜﺎ، ﭘﺎﺭﺗﯩﻠﯩﺮﯨﻨﯩﻤﯘ ﻳﺎﯞﺭﻭﭘﺎﭼﻪ ﻳﺎﺳﯩﺘﯩﭗ، ﻣﻪﺧﺴﯘﺱ ﭘﻪﻧﻨﯩﻲ ﺩﻩﺭﺱ ﺋﯚﺗﯩﺪﯨﻐﺎﻥ ﻣﻪﻛﺘﻪﭖ ﻗﯩﻠﯩﭗ ﻗﯘﺭﯗﭖ ﭼﯩﻘﺘﻰ. ﺑﯘ ﻣﻪﻛﺘﻪﭘﻨﯩﯔ ﻣﯘﺋﻪﻟﻠﯩﻤﻠﯩﺮﯨﻨﻰ ﺑﺎﯞﺩﯗﻧﺒﺎﻱ ﺋﯚﺯﻯ ﺗﺎﻟﻼﭖ، ﻣﻪﻛﺘﻪﭖ ﺧﯩﺮﺍﺟﯩﺘﻰ ﯞﻩ ﻣﯘﺋﻪﻟﻠﯩﻤﻠﻪﺭﻧﯩﯔ ﺋﺎﻳﻠﯩﻘﯩﻨﻰ ﺋﯚﺯﻯ ﺗﻪﻣﯩﻨﻠﯩﺪﻯ. ﻣﺎﻧﺎ ﺑﯘ ﺋﯩﻠﻰ ﯞﯨﻼﻳﯩﺘﯩﺪﻩ ﺑﯩﺰﮔﻪ ﻣﻪﻟﯘﻡ ﺑﻮﻟﻐﺎﻥ ﺗﯜﻧﺠﻰ ﭘﻪﻧﻨﯩﻲ ﻣﻪﻛﺘﻪﭖ. ﺑﯘﻧﯩﯔ ﺗﻪﺳﯩﺮﻯ ﺑﯩﻠﻪﻥ ﮬﻪﺭ ﻗﺎﻳﺴﻰ ﺟﺎﻳﻼﺭﺩﯨﻤﯘ ﭘﻪﻧﻨﯩﻲ ﺩﻩﺭﺳﻠﻪﺭ ﺋﻮﻗﯘﻟﯩﺪﯨﻐﺎﻥ ﺳﯩﻨﯩﭙﻼﺭ ﯞﻩ ﻣﻪﻛﺘﻪﭘﻠﻪﺭ ﺋﺎﺭﻗﺎ-ﺋﺎﺭﻗﯩﺪﯨﻦ ﻗﯘﺭﯗﻟﯘﺷﻘﺎ ﺑﺎﺷﻠﯩﺪﻯ...
ﺑﺎﯞﺩﯗﻧﺒﺎﻱ ﻣﯘﺳﺎﺑﺎﻳﯧﯟ ﻳﯘﺭﺗﯩﻤﯩﺰﺩﺍ ﻣﻪﻛﺘﻪﭖ ﺋﯧﭽﯩﭙﻼ ﻗﺎﻟﻤﺎﻱ، ﻳﺎﯞﺭﻭﭘﺎ ﻣﻪﻣﻠﯩﻜﻪﺗﻠﯩﺮﯨﺪﻩ ﻳﯜﺭﯛﺵ ﺟﻪﺭﻳﺎﻧﯩﺪﺍ، ﻳﺎﯞﺭﻭﭘﺎﻧﯩﯔ ﺳﺎﻧﺎﺋﻪﺕ ﺟﻪﮬﻪﺗﺘﯩﻜﻰ ﺋﯜﺳﺘﯜﻧﻠﯩﻜﻠﯩﺮﯨﺪﯨﻦ ﺋﯩﻠﮭﺎﻣﻠﯩﻨﯩﭗ، ﮔﯧﺮﻣﺎﻧﯩﻴﯩﺪﯨﻦ ﺷﯘ ﺩﻩﯞﺭﺩﯨﻜﻰ ﺋﻪﯓ ﺋﯩﻠﻐﺎﺭ ﺗﯧﺨﻨﻮﻟﻮﮔﯩﻴﯩﻠﻪﺭ ﺑﯩﻠﻪﻥ ﻗﻮﺭﺍﻟﻼﻧﻐﺎﻥ ﺑﯩﺮ ﻛﯚﻥ ﺧﯘﺭﯗﻡ ﺯﺍﯞﻭﺩﯨﻨﻰ ﺳﯧﺘﯩﯟﯦﻠﯩﭗ، ﻛﺎﺗﺘﺎ ﯬﺟﯩﺮ ﻗﯩﻠﯩﭗ، 1905- ﻳﯩﻠﻰ ﺯﺍﯞﻭﺩﻧﻰ ﻏﯘﻟﺠﯩﻐﺎ ﻳﯚﺗﻜﻪﭖ ﻛﯧﻠﯩﭗ ﺋﻮﺭﯗﻧﻼﺷﺘﯘﺭﺩﻯ. ﺑﯘ ﺯﺍﯞﻭﺩﻧﯩﯔ 1909- ﻳﯩﻠﻰ ﺗﯩﻜﻠﻪﻧﻪﮔﻪﻥ ﮔﯩﮕﺎﻧﺖ ﺗﯘﺭﺧﯘﻧﻰ ﺗﺎﻛﻰ ﺑﯘﻟﺘﯘﺭ (2005- ﻳﯩﻠﻰ) ﺋﯚﺭﯛﯞﯦﺘﯩﻠﮕﻪﻧﮕﻪ ﻗﻪﺩﻩﺭ، ﺳﺎﺑﯩﻖ ﺗﯧﺮﻩ ﺯﺍﯞﻭﺩﻧﯩﯔ ﺋﻮﺭﻧﯩﺪﺍ ﺗﺎﺭﯨﺨﻨﯩﯔ ﺷﺎﮬﯩﺪﻯ ﺑﻮﻟﯘﭖ ﻗﻪﺕ ﻛﯚﺗﯜﺭﯛﭖ ﺗﯘﺭﻏﺎﻥ ﺋﯩﺪﻯ!
ﺷﯘ ﻳﯩﻠﻼﺭﺩﺍ ﺋﯩﻠﯩﺪﯨﻜﻰ ﻳﺎﺷﻼﺭﺩﯨﻦ ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﺗﻴﺪﯨﻐﺎﻧﻼﺭ ﻛﯚﭘﯩﻴﯩﭗ،ﺑﯩﺮ ﻗﯩﺴﯩﻤﻠﯩﺮﻯ ﮬﯜﺳﻪﻳﯩﻦ ﺋﻪﭘﻪﻧﺪﻯ ﺑﺎﺷﭽﯩﻠﯩﻘﯩﺪﺍ ﺋﯚﺯ ﺧﯩﺮﺍﺟﯩﻴﻰ ﺑﯩﻠﻪﻥ ﺋﻮﻗﯘﺷﻘﺎ ﻣﺎﯕﻐﺎﻥ. ﻳﻪﻧﻪ ﺑﯩﺮ ﻗﯩﺴﻢ ﻳﺎﺷﻼﺭﻧﻰ ﺑﺎﯞﺩﯗﻧﺒﺎﻱ ﺋﯚﺯ ﻣﺎﻝ-ﻣﯜﻟﻜﯩﻨﯩﯔ ﺯﺍﻛﺎﺕ ﭘﯘﻟﻰ ﮬﯧﺴﺎﺑﯩﻐﺎ ﺗﯜﺭﻛﯩﻴﯩﮕﻪ ﺋﻮﻗﯘﺷﻘﺎ ﺋﻪﯞﻩﺗﻜﻪﻥ. ﭼﻪﺗﻜﻪ ﺋﻮﻗﯘﺷﻘﺎ ﭼﯩﻘﻘﺎﻧﻼﺭﻧﯩﯔ ﺋﺎﻟﺪﻯ 1913- ﻳﯩﻠﻰ ﺋﻮﻗﯘﺵ ﭘﯜﺗﺘﯜﺭﯛﭖ ﻗﺎﻳﺘﯩﭗ ﻛﯧﻠﯩﭗ، ﺋﯚﺯ ﻛﻪﺳﯩﭙﻠﯩﺮﻯ ﺑﻮﻳﯩﭽﻪ ﺟﻪﻣﺌﯩﻴﻪﺗﻨﯩﯔ ﮬﻪﺭ ﻗﺎﻳﺴﻰ ﺳﺎﮬﻪﻟﯩﺮﯨﺪﻩ ﺋﯩﺸﻠﯩﺪﻯ. ﺑﯩﺮ ﻗﯩﺴﻤﻰ ﺑﻪﻳﺘﯘﻟﻼ ﻣﻪﺩﺭﯨﺴﻰ ﻳﯧﻨﯩﺪﯨﻜﻰ ﭘﻪﻧﻨﯩﻲ ﻣﻪﻛﺘﻪﭘﻜﻪ ﺋﻮﻗﯘﺗﻘﯘﭼﯩﻠﯩﻘﻘﺎ ﺋﻮﺭﯗﻧﻼﺷﺘﯘﺭﯗﻟﺪﻯ. ﺑﯘ ﻣﻪﻛﺘﻪﭖ ﻛﯧﻴﯩﻦ "ﺋﯩﻠﻰ ﻣﻪﻛﺘﻪﭖ" ﺩﻩﭖ ﺋﺎﺗﺎﻟﺪﻯ. ( ﮬﺎﺯﯨﺮﻗﻰ 3- ﺋﻮﺗﺘﯘﺭﺍ ﻣﻪﻛﺘﻪﭘﻨﯩﯔ ﺋﻪﺳﻠﻰ ﺷﯘ ).
1911- ﻳﯩﻠﻰ ﺑﯧﺸﯩﺮﺑﺎﻱ ﺩﯦﮕﻪﻥ ﻛﯩﺸﻰ ﺑﻪﻳﺘﯘﻟﻼ ﻣﻪﺳﭽﯩﺘﯩﻨﯩﯔ ﺋﺎﺭﻗﯩﺴﯩﻐﺎ ( ﮬﺎﺯﯨﺮﻗﻰ 3- ﺑﺎﺷﻼﻧﻐﯘﭺ ﻣﻪﻛﺘﻪﭘﻨﯩﯔ ﺷﯩﻤﺎﻟﯩﺪﯨﻜﻰ ﻳﻮﻝ ﺑﻮﻳﯩﻐﺎ ) ﺋﻮﺗﺘﯘﺭﯨﺴﻰ ﻛﺎﺭﯨﺪﻭﺭﻟﯘﻕ ﺋﺎﻟﺘﻪ ﺳﯩﻨﯩﭙﻠﯩﻖ ﺑﯩﺮ ﻣﻪﻛﺘﻪﭖ ﺳﺎﻟﺪﯗﺭﯗﭖ، ﺯﺍﻣﺎﻧﻐﺎ ﻻﻳﯩﻖ ﭘﺎﺭﺗﺎ، ﺩﻭﺳﻜﯩﻼﺭﻧﻰ ﻳﺎﺳﯩﺘﯩﭗ ﺑﻪﺭﺩﻯ. ﺑﯘ ﻣﻪﻛﺘﻪﭘﻨﻰ ﻣﻪﺧﺴﯘﺱ ﻗﯩﺰﻻﺭ ﻣﻪﻛﺘﯩﭙﻰ ﻗﯩﻠﯩﭗ ﺳﯧﻴﯩﺖ ﺋﺎﻳﯩﻢ، "ﻗﯩﺰﯨﻞ ﻛﯚﯞﺭﯛﻙ ﻣﻪﻛﺘﻪﭖ" ( ﮬﺎﺯﯨﺮﻗﻰ 1- ﺑﺎﺷﻼﻧﻐﯘﭺ ) ﺗﯩﻜﻰ ﺧﻪﻟﯩﭽﻪ ﺋﺎﺑﯩﺴﺘﺎﻱ، ﻏﻪﺯﯨﺰ ﺋﻪﯞﺯﻯ، ﻏﻪﻳﻨﯘﺭﻩ ﺋﺎﭘﭙﺎﻱ ﻗﺎﺗﺎﺭﻟﯩﻖ ﺋﻮﻗﯘﺗﻘﯘﭼﯩﻼﺭﻧﻰ ﺑﯘ ﻳﻪﺭﮔﻪ ﻳﯚﺗﻜﻪﭖ ﻛﻪﻟﺪﻯ. ( ﺑﯘ ﻣﻪﻛﺘﻪﭘﻜﻪ ﻛﯧﻴﯩﻨﺮﻩﻙ ﻳﻪﻧﻪ ﺋﻮﻏﯘﻝ ﺋﻮﻗﯘﻏﯘﭼﯩﻼﺭﻣﯘ ﻗﻮﺑﯘﻝ ﻗﯩﻠﯩﻨﻐﺎﻧﯩﺪﻯ ). ﺑﯘ ﺟﻪﺭﻳﺎﻧﺪﺍ ﻣﯘﺗﻪﺋﻪﺳﺴﯩﭗ ﻛﯜﭼﻠﻪﺭﻧﯩﯔ ﻗﯩﻠﻐﺎﻥ-ﺋﻪﺗﻜﻪﻧﻠﯩﺮﯨﻨﻰ ﻳﻪﻧﻰ ﺟﺎﮬﺎﻟﻪﺕ ﺑﯩﻠﻪﻥ ﻣﻪﺭﯨﭙﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﻛﯜﺭﻩﺷﻠﻪﺭﻧﻰ ﻳﺎﺯﻣﯩﺪﯗﻕ. ﺋﻪﻧﻪ ﺷﯘ ﻧﺎﺩﺍﻥ ﻗﺎﺭﺍ ﻛﯜﭼﻠﻪﺭﻧﯩﯔ ﭘﯩﺘﻨﻪ-ﺋﯩﻐﯟﺍﻟﯩﺮﻯ، ﻗﯘﺗﺮﯨﺘﯩﺸﻰ ﺳﻪﯞﻩﺑﯩﺪﯨﻦ ﺋﻪﻳﻨﻰ ﻳﯩﻠﻼﺭﺩﯨﻜﻰ ﺋﯩﻠﻐﺎﺭ ﺯﯨﻴﺎﻟﯩﻼﺭﺩﯨﻦ ﺋﺎﺑﺪﯗﺭﺍﺧﻤﺎﻥ ﺋﻪﭘﻪﻧﺪﯨﻢ، ﺟﯩﺮﺟﯩﺲ ﮬﺎﺟﯩﻢ ( ﺑﯘ ﺯﺍﺕ ﺋﯚﺗﻜﯜﺭ ﺋﻪﭘﻪﻧﺪﯨﻤﻨﯩﯔ ﺗﺎﺭﺧﯩﯩﻲ ﺭﻭﻣﺎﻧﻰ <<ﺋﻮﻳﻐﺎﻧﻐﺎﻥ ﺯﯦﻤﯩﻦ>> ﺩﺍ ﺋﺎﻻﮬﯩﺪﻩ ﺗﻪﺳﯟﯨﺮﻟﻪﻧﮕﻪﻥ -- ﻧﺎﺯﯨﻤﯩﻨﯩﯔ ﺋﯩﺰﺯﺍﮬﺎﺗﻰ ) ﻗﺎﺗﺎﺭﻟﯩﻘﻼﺭ ﺗﯜﺭﻣﯩﮕﻪ ﺗﺎﺷﻼﻧﻐﺎﻥ.
ﻣﻪﺷﮭﯘﺭ ﻧﺎﺗﯩﻖ، ﻣﻪﺭﯨﭙﻪﺗﭙﻪﺭﯞﻩﺭ ﺋﺎﻟﯩﻢ ﻧﻪﺳﯘﮬﺎ ﺩﺍﻣﻮﻟﻼﻡ 1910- ﻳﯩﻠﻰ ﻣﯩﺴﯩﺮﺩﺍ ﺋﻮﻗﯘﭖ ﻗﺎﻳﺘﯩﭗ ﻛﯧﻠﯩﭗ، ﺳﯘ ﺩﻩﺭﯞﺍﺯﺍ ﻣﻪﺳﭽﯩﺘﻰ ﻳﯧﻨﯩﺪﯨﻜﻰ ﺋﯩﻜﻜﻰ ﺋﯧﻐﯩﺰﻟﯩﻖ ﺋﯚﻳﺪﻩ ﻣﻪﻛﺘﻪﭖ ﺋﯧﭽﯩﭗ، ﺋﯚﺯﻯ ﺋﻮﻏﯘﻝ ﺑﺎﻟﯩﻼﺭﻧﻰ ﺋﺎﻳﺎﻟﻰ ﻗﯩﺰ ﺑﺎﻟﯩﻼﺭﻧﻰ ﻳﯩﻐﯩﭗ ﭘﻪﻧﻨﯩﻲ ﺩﻩﺭﺱ ﺋﻮﻗﯘﺗﻘﺎﻧﯩﺪﻯ. ﺷﯘ ﭼﺎﻏﺪﯨﻜﻰ ﺋﯩﻠﯩﻨﯩﯔ ﯞﻩﺯﯨﻴﯩﺘﯩﻨﻰ ﺗﻮﻧﯘﭖ ﻳﻪﺗﻜﻪﻥ ﻧﻪﺳﯘﮬﺎ ﺩﺍﻣﻮﻟﻼﻡ ﺑﯩﺮ ﺷﯧﺌﯩﺮﯨﺪﺍ:
ﺑﯩﺰﻧﯩﯔ ﺋﯩﻠﯩﺪﺍ ﺷﯘﻧﭽﻪ ﻻﻳﻰ ﻛﯚﭖ،
ﺯﺍﻛﺎﺕ ﺑﻪﺭﻣﻪﻳﺪﯨﻐﺎﻥ ﺑﯩﻤﻪﻧﺎ ﺑﺎﻳﻰ ﻛﻮﭖ،
ﺗﻮﺭﺍﭖ ﺳﻪﻳﺴﯩﮕﻪ ﺧﻪﻟﻘﻨﻰ ﺩﺍﺋﯩﻢ،
ﺭﻩﺳﺘﻪ - ﺑﺎﺯﺍﺭ، ﻛﻮﭼﯩﺪﺍ ﻳﺎﻳﻰ ﻛﯚﭖ.
ﭘﻪﻗﯩﺮ-ﻣﯩﺴﻜﯩﻦ، ﻏﯧﺮﯨﭙﻠﻪﺭ ﺷﻪﻧﯩﮕﻪ،
ﺋﺎﻟﺪﺍﻣﭽﻰ، ﻗﺎﺷﺸﺎﻕ، ﻟﻮﻟﻰ، ﮔﺎﺩﺍﻳﻰ ﻛﯚﭖ...
ﺩﻩﭖ ﻳﺎﺯﻏﺎﻥ. ﻳﻪﻧﻪ ﺑﯩﺮ ﺷﯧﺌﯩﺮﯨﺪﺍ:
ﺷﺎﺭﺍﭘﻪﺗﻠﯩﻚ ﺋﻪﺯﯨﺰﻟﻪﺭ ﻗﺎﻟﻤﯩﺪﻯ، ﻗﺎﻟﺪﻯ ﻛﺎﺳﺎﭘﻪﺗﻠﻪﺭ،
ﭘﺎﺭﺍﺳﻪﺗﻠﯩﻚ ﺋﻪﺩﯨﭙﻠﻪﺭ ﻳﻮﻕ، ﺭﻩﺋﯩﺲ ﺑﻮﻟﺪﻯ ﮬﺎﻣﺎﻗﻪﺗﻠﻪﺭ.
ﺭﻩﺋﯩﺲ ﺑﻮﻟﻤﺎﻕ ﺋﯜﭼﯜﻥ ﺳﻪﺭﯨﭗ ﺋﯧﺘﯘﺭ ﺑﺎﺭﻯ ﻳﻮﻗﯩﻨﻰ ﺑﯩﻞ،
ﺳﻪﻧﻠﻪﺭﮔﻪ ﻧﻰ ﻛﯚﺭﯛﻧﺪﻯ ﺳﻪﺑﯩﻠﻪﺭ ﺋﯧﻲ ﮬﺎﻣﺎﻗﻪﺗﻠﻪﺭ.
.................................................
ﻧﻪﺳﯘﮬ ﺋﺎﺧﯩﺮ ﺯﺍﻣﺎﻧﺪﺍ ﺋﯩﻠﺘﯩﺠﺎ ﻗﯩﻞ ﺧﯘﺩﺍﻳﯩﯖﻐﺎ،
ﺳﺎﻻﻣﻪﺕ ﺋﻮﻟﺴﺎ ﺋﯩﻤﺎﻧﯩﯔ ﺋﻪﺟﻪﭖ ﻛﯚﺭﮔﯩﻞ ﻛﺎﺭﺍﻣﻪﺗﻠﻪﺭ.
ﺩﻩﭖ ﻳﺎﺯﻏﺎﻧﯩﺪﻯ.
ﺑﯩﺰ ﺑﯜﮔﯜﻥ ﺑﻪﻳﺘﯘﻟﻼﻧﯩﯔ ﺋﯚﺗﻤﯩﺸﻰ ﮬﻪﻗﻘﯩﺪﻩ ﺗﻮﺧﺘﺎﻟﻐﯩﻨﯩﻤﯩﺰﺩﺍ، ﺧﻪﻟﻘﯩﻤﯩﺰﻧﯩﯔ ﻣﻪﺭﯨﭙﻪﺕ ﺋﯩﺸﻠﯩﺮﯨﻐﺎ ﺋﯚﺯﯨﻨﻰ ﺑﯧﻐﯩﺸﻠﯩﻐﺎﻥ. ﻧﺎﻣﻰ ﺋﯚﭼﻤﻪﺱ ﺗﯚﮬﭙﯩﻜﺎﺭﻻﺭﻧﻰ ﺋﻪﺳﻠﻪﺵ ﺑﯩﻠﻪﻥ ﺑﯩﻠﻠﻪ ﺑﺎﯞﺩﯗﻧﺒﺎﻱ ﻣﯘﺳﺎﺑﺎﻳﻮﯞ ﻗﺎﺗﺎﺭﻟﯩﻖ ﻧﺎﻣﺎﻳﻪﻧﺪﯨﻠﻪﺭﻧﯩﯔ ﻧﺎﻣﯩﻨﻰ ﮬﯚﺭﻣﻪﺕ ﯞﻩ ﺋﯩﭙﺘﯩﺨﺎﺭ ﺑﯩﻠﻪﻥ ﻳﺎﺩ ﺋﯧﺘﯩﻤﯩﺰ.
...... ﺩﺍﯞﺍﻣﻰ ﺑﺎﺭ ......
ﻏﯘﻟﺠﺎ << ﺑﻪﻳﺘﯘﻟﻼ >> ﺟﺎﻣﻪﺳﻰ ﯞﻩ ﺑﻪﺯﻯ ﺗﺎﺭﯨﺨﯩﻲ ﺷﻪﺧﺴﻠﻪﺭ
( ...... ﺩﺍﯞﺍﻣﻰ ...... )
( 3 )
<< ﺑﻪﻳﺘﯘﻟﻼ >> ﯞﻩ ﺟﺎﺳﺎﺭﻩﺗﻠﯩﻚ ﺋﻮﻏﻼﻧﻼﺭ
-- ﺑﯩﻼﻝ ﻧﺎﺯﯨﻢ ﯞﻩ ﺳﺎﺩﯨﺮ ﭘﺎﻟﯟﺍﻥ ﮬﻪﻗﻘﯩﺪﻩ ﭘﺎﺭﺍﯕﻼﺭ
ﻣﻮﻟﻼ ﺑﯩﻼﻝ ﺋﯚﺯ ﺑﺎﻏﺮﯨﻢ،
ﮔﯧﭙﯩﻢ ﺑﺎﺭ ﺋﺎﯕﺎ ﺋﺎﻳﺮﯨﻢ.
ﻳﯜﺯﻣﯘ-ﻳﯜﺯ ﺳﯚﺯﻟﻪﺷﻜﯩﻠﻰ،
ﺑﻪﻳﺘﯘﻟﻼﻏﺎ ﺋﯜﭺ ﺑﺎﺭﺩﯨﻢ.
-- ﺳﺎﺩﯨﺮ ﭘﺎﻟﯟﺍﻥ ﻗﻮﺷﺎﻗﻠﯩﺮﯨﺪﯨﻦ
ﻏﯘﻟﺠﯩﺪﺍ ﺋﯚﺗﻜﻪﻥ ﺋﺎﺗﺎﻗﻠﯩﻖ ﺗﺎﺭﯨﺨﭽﻰ ﻣﻪﺭﮬﯘﻡ ﺗﯧﻴﯩﭙﺠﺎﻥ ﮬﺎﺩﻯ ﺋﻪﭘﻪﻧﺪﯨﻤﻨﯩﯔ <<ﺳﺎﺩﯨﺮ ﭘﺎﻟﯟﺍﻧﻨﯩﯔ ﻳﯧﯖﯩﺪﯨﻦ ﺗﯧﭙﯩﻠﻐﺎﻥ ﻗﻮﺷﺎﻗﻠﯩﺮﻯ ﮬﻪﻗﻘﯩﺪﻩ>> ﻧﺎﻣﻠﯩﻖ ﺋﯩﺠﺘﯩﮭﺎﻧﻠﯩﻖ ﺋﻪﻣﮕﯩﻜﯩﺪﯨﻜﻰ ﻣﻪﺯﻣﯘﻧﻼﺭﺩﯨﻦ ﻗﺎﺭﯨﻐﺎﻧﺪﺍ، ﺗﺎﺭﯨﺨﭽﯩﻤﯩﺰ ﺑﯩﺰﻧﻰ ﻣﻪﺷﮭﯘﺭ ﯞﻩﺗﻪﻧﭙﻪﺭﯞﻩﺭ ﺷﺎﺋﯩﺮ، ﺋﯩﻠﻰ ﺩﯦﮭﻘﺎﻧﻼﺭ ﺋﯩﻨﻘﯩﻼﺑﯩﻨﯩﯔ ﻳﻮﻝ ﺑﺎﺷﭽﯩﻠﯩﺮﯨﺪﯨﻦ ﺑﯩﺮﻯ -- ﺑﯩﻼﻝ ﻧﺎﺯﯨﻢ ﮬﻪﺯﺭﻩﺗﻠﯩﺮﻯ، ﺳﺎﺩﯨﺮ ﭘﺎﻟﯟﺍﻥ، ﺷﯘﻧﺪﺍﻗﻼ <<ﺑﻪﻳﺘﯘﻟﻼ>> ﻣﻪﺩﺭﯨﺴﻰ ﮬﻪﻗﻘﯩﺪﻩ ﺋﯩﺸﻪﻧﭽﯩﻠﯩﻚ ﻣﻪﻟﯘﻣﺎﺗﻼﺭ ﺑﯩﻠﻪﻥ ﺗﻪﻣﯩﻨﻠﯩﮕﻪﻥ.
ﮔﻪﭘﻨﻰ ﺳﺎﺩﯨﺮ ﭘﺎﻟﯟﺍﻧﺪﯨﻦ ﺑﺎﺷﻼﻳﻤﯩﺰ، ﺗﯧﻴﯩﭙﺠﺎﻥ ﮬﺎﺩﻯ ﺋﻪﭘﻪﻧﺪﻯ ﺋﯚﺯ ﺋﻪﺳﯩﺮﯨﺪﻩ ﻏﯘﻟﺠﯩﯩﺪﺍ ﺋﯚﺗﻜﻪﻥ ﺗﺎﺭﯨﺨﯩﻲ ﺷﻪﺧﺲ ﺗﯧﻴﯩﭙﺰﺍﺕ ﺧﻪﻟﭙﯩﺘﯩﻢ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺑﯩﺮ ﻗﯧﺘﯩﻤﻠﯩﻖ ﺳﯚﮬﺒﯩﺘﯩﻨﻰ ﺋﻪﺳﻠﻪﭖ ﺋﯚﺗﯩﺪﯗ. ( ﺗﯧﻴﯩﭙﺰﺍﺕ ﺗﺎﮬﯩﺮﻯ ﺋﺎﻟﺪﯨﻨﻘﻰ ﺋﻪﺳﯩﺮﻧﯩﯔ 30- ﻳﯩﻠﻠﯩﺮﻯ ﺋﯩﻠﻰ ﯞﯨﻼﻳﻪﺗﻠﯩﻚ ﺋﯘﻳﻐﯘﺭ ﺋﯘﻳﯘﺷﻤﯩﺴﯩﻨﯩﯔ ﺭﻩﺋﯩﺴﻰ ﺑﻮﻟﻐﺎﻥ، ﺗﺎﺭﯨﺨﭽﻰ، ﺑﯩﻠﯩﻤﻠﯩﻚ، ﺗﻪﺭﻩﻗﯩﭙﻪﺭﯞﻩﺭ ﺯﺍﺕ -- ﻧﺎﺯﯨﻤﯩﻨﯩﯔ ﺋﯩﺰﺯﺍﮬﺎﺗﻰ ). ﺗﯧﻴﯩﭙﺰﺍﺕ ﺧﻪﻟﭙﯩﺘﯩﻢ ﺳﺎﺩﯨﺮ ﭘﺎﻟﯟﺍﻥ ﮬﻪﻗﻘﯩﺪﻩ ﺗﻮﺧﺘﯩﻠﯩﭗ: \"ﺳﺎﺩﯨﺮ ﭘﺎﻟﯟﺍﻥ ﺩﻩﺳﻠﻪﭘﺘﻪ ﺧﻪﻟﻘﻘﻪ ﯞﻩ ﺋﯚﺯﯨﮕﻪ ﺯﻭﺭﻟﯘﻕ-ﺯﻭﻣﺒﯘﻟﯘﻕ ﺋﯩﺸﻠﻪﺗﻜﻪﻥ ﺋﻪﻣﻪﻟﺪﺍﺭﻻﺭﺩﯨﻦ ﺷﻪﺧﺴﻰ ﻗﯩﺴﺎﺱ ﺋﯧﻠﯩﺶ ﺋﻮﻳﯩﺪﺍ ﺑﻮﻟﯘﭖ، ﺋﻪﻟﻨﻰ ﺋﯘﻳﯘﺷﺘﯘﺭﯗﺵ ﺋﯩﺸﯩﻨﻰ ﺋﻮﻳﻼﭖ ﻳﻪﺗﻤﯩﮕﻪﻧﯩﯩﻜﻪﻥ. ﺑﯩﺮ ﻗﯧﺘﯩﻢ ﺋﯘ ﺯﯨﻨﺪﺍﻧﻐﺎ ﺳﻮﻟﯘﻧﯘﭖ، ﺋﻪﺧﻤﻪﺗﺒﻪﮒ ( ﺋﻪﺧﻤﻪﺗﺒﻪﮒ -- ﺋﯩﻠﯩﺪﯨﻜﻰ ﻣﻪﺷﮭﯘﺭ ﺳﯘ ﻗﯘﺭﯗﻟﯘﺷﻰ ﺋﺎﻕ ﺋﯚﺳﺘﻪﯕﻨﻰ ﭼﺎﭘﺘﯘﺭﻏﺎﻥ ﭼﻮﺭﯗﻕ ﮬﯧﻜﯩﻤﻨﯩﯔ ﺋﻮﻏﻠﻰ.) ﺑﯩﻠﻪﻥ ﺑﯩﺮﮔﻪ ﻳﯧﺘﯩﭗ ﻗﺎﭘﺘﯘ. ﺋﻪﺧﻤﻪﺗﺒﻪﻙ ﺋﯘﻧﯩﯖﻐﺎ ﻧﯘﺭﻏﯘﻥ ﺩﻩﻟﯩﻠﻠﻪﺭﻧﻰ ﺳﯚﺯﻟﻪﭖ، ﺳﺎﺩﯨﺮ ﭘﺎﻟﯟﺍﻧﻨﻰ ﺋﻪﻟﻨﻰ ﺋﯘﻳﯘﺷﺘﯘﺭﯗﺷﻘﺎ ﺩﺍﻻﻟﻪﺕ ﻗﯩﭙﺘﯘ. ﺳﺎﺩﯨﺮ ﺑﯘ ﺳﯚﺯﻧﻰ ﻗﻮﺑﯘﻝ ﻗﯩﻠﯩﭗ، ﺯﯨﻨﺪﺍﻧﺪﯨﻦ ﻗﯧﭽﯩﭗ ﭼﯩﻘﻘﺎﻧﺪﯨﻦ ﻛﯧﻴﯩﻦ، ﺋﻪﺗﺮﺍﭘﯩﻐﺎ ﺋﺎﺩﻩﻡ ﺗﻮﭘﻼﭖ ﺋﯚﺯ ﻛﯜﭼﯩﻨﻰ ﺋﯘﻟﻐﺎﺗﻘﺎﻧﯩﻜﻪﻥ. ﺳﺎﺩﯨﺮﻧﯩﯔ ﻛﯚﺯﯨﻨﻰ ﺋﯧﭽﯩﺸﻘﺎ ﺩﺍﻻﻟﻪﺕ ﻗﯩﻠﻐﺎﻥ ﻛﯩﺸﻰ ﺋﻪﺧﻤﻪﺗﺒﻪﮔﺪﯗﺭ.\" ﺩﯦﮕﻪﻧﯩﻜﻪﻥ. ﺳﺎﺩﯨﺮ ﭘﺎﻟﯟﺍﻧﻨﯩﯔ ﺗﯚﯞﻩﻧﺪﯨﻜﻰ ﻗﻮﺷﺎﻗﻠﯩﺮﻯ ﺗﯧﻴﯩﭙﺰﺍﺕ ﺧﻪﻟﭙﯩﺘﯩﻤﻨﯩﯔ ﺳﯚﺯﻟﯩﺮﯨﻨﻰ ﺩﻩﻟﯩﻠﻠﻪﭖ ﺗﯘﺭﯗﭘﺘﯘ:
ﻛﯚﺯﯛﻣﻨﻰ ﺋﯧﭽﯩﭗ ﭼﯩﻘﺘﯩﻢ.
ﺋﺎﻳﻤﺎﻗﻼﺭﻧﻰ ﺟﻪﻣﻠﻪﺷﻜﻪ،
ﺗﺎﻏﻼﺭﻏﺎ ﻗﯧﭽﯩﭗ ﭼﯩﻘﺘﯩﻢ.
................
ﺋﻮﺗﻘﺎ ﻛﯩﺮﺳﻪﻡ ﺋﻮﺕ ﺭﻩﺳﺘﻪ،
ﺗﺎﻏﻘﺎ ﭼﯩﻘﺴﺎﻡ ﺗﺎﻍ ﺭﻩﺳﺘﻪ،
ﻛﯚﺯﯛﻣﻨﻰ ﺋﺎﭼﻘﺎﻧﻼﺭﻧﻰ،
ﺩﺍﺋﯩﻢ ﺗﯘﺗﯩﻤﻪﻥ ﺋﻪﺳﺘﻪ.
ﺳﺎﺩﯨﺮ ﭘﺎﻟﯟﺍﻧﻨﯩﯔ ﻛﯧﻴﯩﻨﺮﻩﻙ ﺗﯧﭙﯩﻠﻐﺎﻥ ﻗﻮﺷﺎﻗﻠﯩﺮﻯ ﺋﯩﭽﯩﺪﻩ ﻛﯩﺸﯩﻨﻰ ﺋﻪﯓ ﺧﯘﺷﺎﻝ ﻗﯩﻠﯩﺪﯨﻐﯩﻨﻰ -- ﯞﻩﺗﻪﻧﭙﻪﺭﯞﻩﺭ ﺷﺎﺋﯩﺮ ﻣﻮﻟﻼ ﺑﯩﻼﻝ ﺑﯩﻦ ﻣﻮﻟﻼ ﻳﯜﺳﯜﭖ ( ﻧﺎﺯﯨﻢ ) ﺗﻮﻏﺮﯨﺴﯩﺪﯨﻜﻰ ﻗﻮﺷﺎﻗﻼﺭﺩﯗﺭ. ﺑﯩﻼﻝ ﻧﺎﺯﯨﻢ ﺋﺎﺩﺩﻯ ﺑﯩﺮ ﺷﺎﺋﯩﺮ ﺑﻮﻟﯘﭘﻼ ﻗﺎﻟﻤﺎﻱ، ﺋﯩﻠﻰ ﺩﯦﮭﻘﺎﻧﻼﺭ ﺋﯩﻨﻘﯩﻼﺑﯩﻨﯩﯔ ﺋﺎﻛﺘﯩﭗ ﺋﯩﺸﺘﺮﺍﻛﭽﯩﺴﻰ، ﻳﻮﻝ ﺑﺎﺷﭽﯩﻠﯩﺮﯨﻨﯩﯔ ﺑﯩﺮﻯ ﺋﯩﺪﻯ! 1877- ﻳﯩﻠﻰ ﻥ. ﻥ. ﭘﺎﻧﺘﯘﺳﻮﯞ ﻗﺎﺯﺍﻥ ﺷﻪﮬﯩﺮﯨﺪﻩ ﻣﻮﻟﻼ ﺑﯩﻼﻟﻨﯩﯔ <<ﻛﯩﺘﺎﺏ ﻏﺎﺯﺍﺕ ﺩﻩﺭ ﻣﯜﻟﻜﻰ ﭼﯩﻦ>> ﻧﺎﻣﻠﯩﻖ ﻣﻪﺷﮭﯘﺭ ﺗﺎﺭﯨﺨﯩﻲ ﺩﺍﺳﺘﺎﻧﯩﻨﻰ ﺋﯧﻼﻥ ﻗﯩﻠﺪﯗﺭﯗﭖ، ﺑﯘ ﺋﻪﺳﻪﺭﮔﻪ ﺑﯧﺮﯨﻠﮕﻪﻥ ﻛﯩﺮﯨﺶ ﺳﯚﺯﯨﺪﻩ: \"ﺑﯘ ﺋﻪﺳﻪﺭﻧﻰ ﻳﺎﺯﻏﺎﻥ ﺋﺎﺩﻩﻡ ﻏﯘﻟﺠﯩﻠﯩﻖ ﻣﻮﻟﻼ ﺑﯩﻼﻝ ﺑﯩﻦ ﻣﻮﻟﻼ ﻳﯜﺳﯜﭖ... ﺋﯘ ﻣﺎﻧﺠﯘ ﮬﯚﻛﯜﻣﺮﺍﻧﻠﯩﺮﯨﻐﺎ ﻗﺎﺭﺷﻰ ﺑﻮﻟﻐﺎﻥ ﻛﯜﺭﻩﺷﻠﻪﺭ ﯞﻩ ﺭﯗﺱ ﭘﺎﺩﯨﺸﺎﮬ ﺋﻪﺳﻜﻪﺭﻟﯩﺮﻯ ﺑﯩﻠﻪﻥ ﺑﻮﻟﻐﺎﻥ ﺟﻪﯕﻠﻪﺭﮔﻪ ﺋﯩﺸﺘﯩﺮﺍﻙ ﻗﯩﻠﻐﺎﻥ. ﮬﺎﺯﯨﺮ 54 ﻳﺎﺷﻼﺭﻏﺎ ﻛﻪﻟﺪﻯ. ﻏﯘﻟﺠﯩﺪﺍ ﺗﺎﺷﺎﻳﺪﯗ\" ﺩﻩﭖ ﻳﺎﺯﯨﺪﯗ. ( ﻥ. ﭘﺎﻧﺘﯘﺳﻮﯞ <<ﻛﯩﺘﺎﺏ ﻏﺎﺯﺍﺕ ﺩﻩﺭ ﻣﯜﻟﻜﻰ ﭼﯩﻦ>> 3- ﺑﻪﺕ، ﻗﺎﺯﺍﻥ 1877- ﻳﯩﻞ ). ﺋﻪ. ﮬﯩﺪﺍﻳﻪﺕ ﺋﻮﻏﻠﻰ ﺋﯚﺯﯨﻨﯩﯔ <<ﻣﻮﻟﻼ ﺑﯩﻼﻝ ﯞﻩ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﺎﺯﺍﺗﻠﯩﻖ ﮬﻪﺭﻛﻪﺗﻠﯩﺮﻯ>> ﺩﯦﮕﻪﻥ ﻣﺎﻗﺎﻟﯩﺴﯩﺪﺍ ﺑﯘﻧﯩﯖﻐﺎ ﺑﯩﻼﻝ ﻧﺎﺯﯨﻤﻨﯩﯔ ﻣﯘﻧﯘ ﺑﯩﺮ ﻛﯘﺑﻠﯧﺖ ﺷﯧﺌﯩﺮﯨﻨﻰ ﻣﯩﺴﺎﻝ ﻗﯩﻠﯩﭗ ﻛﯚﺭﺳﯩﺘﯩﺪﯗ:
ﺋﯩﺪﻯ ﺋﺎﺳﯩﻢ ﺋﺎﺧﯘﻧﻜﻰ ﻧﺎﺧﯘﻥ ﺑﯩﻠﻪ.
ﺑﺎﮬﺎﺩﯨﺮ ﺟﺎﻻﻝ ﺑﯩﻠﻪﻥ ﻧﺎﺯﯨﻢ ﺑﯩﻼﻝ،
ﻳﯜﺳﯜﭖ ﺋﯩﻠﻰ ﻗﺎﺳﯩﻢ ﻛﻰ ﺳﺎﺩﯨﺮ ﻛﺎﻣﺎﻝ.
ﺑﯘ ﻣﯩﺴﺎﻟﻼﺭﺩﯨﻦ ﺑﯩﺰ ﻣﻮﻟﻼ ﺑﯩﻼﻝ ﺑﯩﻠﻪﻥ ﺳﺎﺩﯨﺮ ﭘﺎﻟﯟﺍﻧﻨﯩﯔ ﺋﯩﻠﻰ ﺩﯦﮭﻘﺎﻧﻼﺭ ﻗﻮﺯﻏﯩﻠﯩﯖﯩﻐﺎ ﺑﯩﻠﻠﻪ ﻗﺎﺗﻨﺎﺷﻘﺎﻧﻠﯩﻘﯩﻨﻰ ﻛﯚﺭﯛﭖ ﺋﺎﻻﻻﻳﻤﯩﺰ. ﺳﺎﺩﯨﺮ ﭘﺎﻟﯟﺍﻧﻨﯩﯔ ﻛﯧﻴﯩﻨﺮﻩﻙ ﺗﯧﭙﯩﻠﻐﺎﻥ ﻗﻮﺷﺎﻗﻠﯩﺮﯨﺪﯨﻜﻰ:
ﮔﯧﭙﯩﻢ ﺑﺎﺭ ﺋﺎﯕﺎ ﺋﺎﻳﺮﯨﻢ.
ﻳﯜﺯﻣﯘ-ﻳﯜﺯ ﺳﯚﺯﻟﻪﺷﻜﯩﻠﻰ،
ﺑﻪﻳﺘﯘﻟﻼﻏﺎ ﺋﯜﭺ ﺑﺎﺭﺩﯨﻢ.
ﺩﯦﮕﻪﻥ ﻣﯩﺴﺮﺍﻟﯩﺮﯨﺪﯨﻦ ﺑﯩﺰ ﺑﯘ ﺋﯩﻜﻜﻰ ﺗﺎﻍ ﻳﯜﺭﻩﻙ ﺋﻪﺯﯨﻤﻪﺗﻨﯩﯔ ﻳﯧﻘﯩﻦ ﻣﯘﻧﺎﺳﯩﯟﻩﺗﺘﻪ ﺑﻮﻟﻐﺎﻧﻠﯩﻘﯩﻨﻰ ﻛﯚﺭﯛﭖ ﻳﯧﺘﻪﻟﻪﻳﻤﯩﺰ.
ﺯﯨﻨﺪﺍﻧﺪﯨﻦ ﻛﯚﺯﯨﻨﻰ ﺋﯧﭽﯩﭗ ﭼﯩﻘﻘﺎﻥ ﺳﺎﺩﯨﺮ ﺋﯚﺯ ﺋﻪﺗﺮﺍﭘﯩﻐﺎ ﺑﺎﺗﯘﺭ ﮬﻪﻣﺮﺍﮬﻼﺭﻧﻰ ﺗﻮﭘﻼﺵ ﺑﯩﻠﻪﻥ ﺑﯩﻠﻠﻪ، ﻛﯜﻧﺪﯨﻦ ﻛﯜﻧﮕﻪ ﺋﺎﯓ-ﭘﯩﻜﺮﻯ، ﺋﻪﻣﻪﻟﯩﻲ ﺗﻪﺟﺮﯨﺒﯩﺴﻰ ﺋﯧﺸﯩﭗ، ﻛﯜﺭﻩﺷﻨﯩﯔ ﺗﻪﺳﯩﺮ ﺩﺍﺋﯩﺮﯨﺴﯩﻨﻰ ﻛﯜﭼﻪﻳﺘﯩﺶ ﺋﯜﭼﯜﻥ، ﺟﻪﻣﺌﯩﻴﻪﺗﺘﯩﻜﻰ ﻧﻮﭘﯘﺯﻟﯘﻕ ﺋﺎﺩﻩﻣﻠﻪﺭ ﺑﯩﻠﻪﻥ ﺑﯧﺮﯨﺶ-ﻛﯧﻠﯩﺶ ﻗﯩﻠﯩﭗ، ﻗﻮﻟﻠﯩﻐﯘﭼﯩﻼﺭﻧﻰ ﻗﻮﻟﻐﺎ ﻛﻪﻟﺘﯜﺭﯛﺷﻨﯩﯔ ﻻﺯﯨﻤﻠﯩﻘﯩﻨﻰ ﮬﯩﺲ ﻗﯩﻠﻐﺎﻥ. ﻣﯘﻧﺪﺍﻕ ﻛﯩﺸﯩﻠﻪﺭﻧﯩﯔ ﺑﯩﺮﻯ ﻳﺎﻟﻘﯘﻧﻠﯘﻕ ﺗﻪﺷﯟﯨﻘﺎﺗﭽﻰ، ﺷﺎﺋﯩﺮ ﻣﻮﻟﻼ ﺑﯩﻼﻝ ﺋﯩﻜﻪﻧﻠﯩﻜﯩﻨﻰ ﺗﻮﻧﯘﭖ ﻳﻪﺗﻜﻪﻥ. ﺷﯘﯕﺎ ﺳﺎﺩﯨﺮ ﭘﺎﻟﯟﺍﻥ ﺑﯩﻼﻝ ﻧﺎﺯﯨﻢ ﮬﻪﺯﺭﻩﺗﻠﯩﺮﯨﻨﻰ ﺋﯩﺰﺩﻩﭖ ﺑﻪﻳﺘﯘﻟﻼﻏﺎ ﺋﯜﭺ ﻗﯧﺘﯩﻢ ﺑﺎﺭﻏﺎﻥ. ﺳﺎﺩﯨﺮ ﭘﺎﻟﯟﺍﻥ ﻣﻮﻟﻼ ﺑﯩﻼﻟﻨﯩﯔ ﺋﯚﺯ ﺋﯩﺸﯩﻨﻰ ﭘﯜﺗﯜﻥ ﮬﯘﺟﯘﺩﻯ ﺑﯩﻠﻪﻥ ﻗﻮﻟﻠﯩﻐﺎﻧﻠﯩﻘﯩﻨﻰ ﻗﻮﺷﺎﻗﻠﯩﺮﯨﺪﺍ ﻣﯘﻧﺪﺍﻕ ﺑﺎﻳﺎﻥ ﻗﯩﻠﯩﺪﯗ:
ﻧﻪﮔﻪ ﺑﺎﺭﺳﺎﻡ ﻳﻮﻟﯘﻡ ﺑﺎﺭ.
ﻣﻮﻟﻼ ﺑﯩﻼﻝ ﺋﺎﻟﺪﯨﺪﺍ،
ﺋﯘﯓ ﻛﯚﻛﺴﯜﻣﺪﻩ ﻗﻮﻟﯘﻡ ﺑﺎﺭ.
ﺩﯦﻤﻪﻙ، ﻣﻮﻟﻼ ﺑﯩﻼﻝ ﺳﺎﺩﯨﺮ ﭘﺎﻟﯟﺍﻧﻨﻰ ﻗﻮﻟﻠﯩﻐﺎﻥ ﯞﻩ ﻗﻮﺯﻏﯩﻼﯕﭽﯩﻼﺭ ﺋﯜﭼﯜﻥ ﺋﯚﺯﻯ ﺑﯧﺠﯩﺮﯨﺸﻜﻪ ﺗﯧﮕﯩﺸﻠﯩﻚ ﺯﯙﺭﯛﺭ ﺋﯩﺸﻼﺭﻧﻰ ﺋﯩﺸﻼﺭﻧﻰ ﺋﻪﻣﻪﻟﮕﻪ ﺋﺎﺷﯘﺭﻏﺎﻥ. ﺷﺎﺋﯩﺮﻧﯩﯔ ﺑﯘ ﮬﻪﺭﯨﻜﻪﺗﻠﯩﺮﻯ ﺑﻪﺯﻯ ﺭﻩﺯﯨﻞ ﭘﺎﻳﻼﻗﭽﯩﻼﺭ ﺋﺎﺭﻗﯩﻠﯩﻖ ﭼﯩﯔ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﻗﯘﻟﯩﻘﯩﻐﺎ ﻳﻪﺗﻜﻪﻥ. ﺋﯩﻠﻰ ﺟﺎﯕﺠﯜﻧﻰ ﻣﻮﻟﻼ ﺑﯩﻼﻟﻨﻰ ﺗﯘﺗﻤﺎﻕ ﺑﻮﻟﻐﺎﻥ. ﺑﯘﻧﯩﯖﺪﯨﻦ ﺧﻪﯞﻩﺭ ﺗﺎﭘﻘﺎﻥ ﺳﺎﺩﯨﺮ ﭘﺎﻟﯟﺍﻥ ﺋﯚﺯﯨﻨﯩﯔ ﮬﻪﻳﺮﺍﻥ ﻗﺎﻻﺭﻟﯩﻖ ﺑﻪﺩﯨﺌﯩﻲ ﺗﯩﻠﻰ ﺑﯩﻠﻪﻥ:
ﺟﺎﯕﺠﯜﻥ ﺗﯘﺗﯩﻤﻪﻥ ﺩﻩﭘﺘﯘ.
ﺑﻪﺭﺩﻩﯕﮕﯩﻠﯩﻚ ﺳﺎﺩﯨﺮ ﺑﺎﺭ،
ﺟﺎﯕﺠﯜﻥ ﮬﯚﻝ ﺗﯧﺰﻩﻙ ﻳﻪﭘﺘﯘ.
(* ﺧﺎﺗﯩﭗ -- ﻣﻪﺳﭽﯩﺖ، ﺟﺎﻣﻪﻟﻪﺭﺩﻩ ﺧﯘﺗﺒﻪ ﺋﻮﻗﯘﻏﯘﭼﻰ.)
ﺩﻩﭖ ﻳﯧﺰﯨﭗ، ﺩﯛﺷﻤﻪﻧﻠﻪﺭﻧﻰ ﺋﺎﮔﺎﮬﻼﻧﺪﯗﺭﯗﺵ ﺑﻪﺭﮔﻪﻥ.
ﺑﯘ ﻣﻪﺯﻣﯘﻧﻼﺭﺩﯨﻦ ﺑﯩﺰ ﺑﯩﻼﻝ ﻧﺎﺯﯨﻢ ﮬﻪﺯﺭﻩﺗﻠﯩﺮﯨﻨﯩﯔ ﻏﯘﻟﺠﯩﺪﯨﻜﻰ ﺋﻪﯓ ﭼﻮﯓ ﺟﺎﻣﻪ -- ﺑﻪﻳﺘﯘﻟﻼ ﻣﻪﺩﺭﯨﺴﯩﺪﻩ ﺧﺎﺗﯩﭗ ﺑﻮﻟﯘﭖ ﺗﯘﺭﻏﺎﻥ ﯞﺍﻗﯩﺘﻠﯩﺮﯨﺪﺍ، ﻣﺎﻧﺎ ﻣﯘﺷﯘ ﺧﺎﺳﯩﻴﻪﺗﻠﯩﻚ ﺟﺎﻳﺪﺍ ﺷﯧﺌﯩﺮﻻﺭ ﻳﺎﺯﻏﺎﻧﻠﯩﻘﻰ، ﺋﯩﻨﻘﻼﭘﭽﯩﻼﺭ ﺑﯩﻠﻪﻥ ﮬﻪﻣﻨﻪﭘﻪﺱ ﺑﻮﻟﯘﭖ ﺧﻪﻟﻖ ﺋﻪﺭﻛﻰ-ﺋﺎﺯﺍﺗﻠﯩﻘﻰ ﺋﯜﭼﯜﻥ ﻛﯧﭽﻪ-ﻛﯜﻧﺪﯗﺯ ﺑﺎﺵ ﻗﺎﺗﯘﺭﻏﺎﻧﻠﯩﻘﯩﻨﻰ ﻛﯚﺯ ﺋﺎﻟﺪﯨﻤﯩﺰﻏﺎ ﻛﻪﻟﺘﯜﺭﻩﻟﻪﻳﻤﯩﺰ!.. ﺑﯩﻼﻝ ﻧﺎﺯﯨﻤﻨﯩﯔ ﻳﻪﻧﻪ ﺑﯩﺮ ﺋﯘﻟﯘﻍ ﺗﯚﮬﭙﯩﺴﻰ ﺑﻮﻟﻐﺎﻥ ﻣﻪﺷﮭﯘﺭ ﺗﺎﺭﯨﺨﯩﻲ ﺩﺍﺳﺘﺎﻥ <<ﻛﯩﺘﺎﺏ ﻏﺎﺯﺍﺕ ﺩﻩﺭ ﻣﯜﻟﻜﻰ ﭼﯩﻦ>> ﻧﻰ ﯞﻩ ﻗﯩﻤﻤﻪﺗﻠﯩﻚ ﺋﻪﺩﻩﺑﯩﻲ ﻣﯩﺮﺍﺱ <<ﻏﻪﺯﻩﻟﯩﻴﺎﺕ>> ﻧﻰ ﺑﻪﺯﻯ ﺗﺎﺭﯨﺨﯩﻲ ﻣﻪﻧﺒﻪﻟﻪﺭﺩﯨﻦ ﻗﺎﺭﯨﻐﺎﻧﺪﺍ ﺩﻩﻝ ﻣﯘﺷﯘ << ﺑﻪﻳﺘﯘﻟﻼ >> ﻧﯩﯔ ﺋﺎﻟﺪﻯ ﺩﻩﺭﯞﺍﺯﯨﺴﯩﻨﯩﯔ ﺋﯜﺳﺘﯩﺪﯨﻜﻰ ﺗﺎ ﮬﺎﺯﯨﺮﻏﯩﭽﻪ ﺳﺎﻗﻠﯩﻨﯩﭗ ﺗﯘﺭﯨﯟﺍﺗﻘﺎﻥ ﺭﺍﯞﯨﻘﻰ ﺋﯜﺳﺘﯩﺪﻩ ﻳﯧﺰﯨﭗ ﺗﺎﻣﺎﻣﻠﯩﻐﺎﻧﻠﯩﻘﻰ ﻣﻪﻟﯘﻡ. ﺩﯦﻤﻪﻙ ﺑﯘ ﺑﻪﻳﺘﯘﻟﻼﺩﯨﻦ ﺋﯩﺒﺎﺭﻩﺕ ﻣﯘﻗﻘﻪﺩﺩﻩﺱ ﺟﺎﻳﻨﯩﯔ ﻧﺎﻣﻰ ﺑﯩﺰﻧﯩﯔ ﺋﻪﻧﻪ ﺷﯘﻧﺪﺍﻕ ﭘﻪﺧﯩﺮﻟﯩﻚ ﺋﻪﺟﺪﺍﺗﻠﯩﺮﯨﻤﯩﺰﻧﯩﯔ ﻧﺎﻣﻰ ﺑﯩﻠﻪﻥ ﻳﯘﻏﯘﺭﯗﻟﯘﭖ ﻛﻪﺗﻜﻪﻥ!
ﺑﯩﺰ ﺑﯜﮔﯜﻥ << ﺑﻪﻳﺘﯘﻟﻼ >> ﻧﯩﯔ ﺋﯚﺗﻤﯜﺷﻰ ﮬﻪﻗﻘﯩﺪﻩ ﮔﻪﭖ ﺋﯧﭽﯧﯟﺍﺗﻘﺎﻥ ﻣﯘﺷﯘ ﻣﯩﻨﯘﺗﻼﺭﺩﺍ، ﺧﻪﻟﻘﯩﻤﯩﺰ ﺋﻪﺭﻛﻰ، ﺑﻪﺧﺖ-ﺳﺎﺋﺎﺩﯨﺘﻰ ﻳﻮﻟﯩﺪﺍ ﻗﺎﻥ ﻛﯧﭽﯩﭗ ﻛﯜﺭﻩﺵ ﻗﯩﻠﻐﺎﻥ ﺗﺎﻍ ﻳﯜﺭﻩﻙ ﭘﺎﻟﯩﯟﺍﻥ ﺋﻪﺯﯨﻤﻪﺗﻠﻪﺭﻧﯩﯔ ﻧﺎﻣﯩﻨﻰ ﮬﯚﺭﻣﻪﺕ ﯞﻩ ﺋﯩﭙﺘﯩﺨﺎﺭ ﺑﯩﻠﻪﻥ ﻳﺎﺩ ﺋﯧﺘﯩﻤﯩﺰ.
.
( ..... ﺩﺍﯞﺍﻣﻰ ...... )
( 4 )
<< ﺑﻪﻳﺘﯘﻟﻼ >> ﻧﻰ ﻗﯘﺭﻏﯘﭼﯩﻼﺭ
-- ﺗﻮﺧﺘﻰ ﻣﯘﺟﺎﯓ ﯞﻩ ﺑﻪﻳﺘﯘﻟﻼﻧﯩﯔ ﺑﯩﻨﺎﻛﺎﺭﭼﯩﻠﯩﻘﻰ ﮬﻪﻗﻘﯩﺪﻩ
ﺑﻪﻳﺘﯘﻟﻼﻧﯩﯔ ﺑﯩﻨﺎﻛﺎﺭﭼﯩﻠﯩﻘﻰ ﮬﻪﻗﻘﯩﺪﻩ ﺑﯩﺰﺩﯨﻜﻰ ﺗﺎﺭﯨﺨﯩﻲ ﺩﯦﺮﻩﻛﻠﻪﺭﺩﻩ ﮬﺎﺯﯨﺮﻏﯩﭽﻪ ﻗﺎﻳﯩﻞ ﻗﯩﻼﺭﻟﯩﻖ ﻣﻪﻟﯘﻣﻪﺗﻼﺭ ﻳﻮﻕ ﺋﯩﺪﻯ... ﺑﯘ ﮬﻪﻗﺘﻪ ﺑﯩﺰﻧﻰ ﻗﺎﺯﺍﻗﯩﺴﺘﺎﻧﺪﺍ ﻳﺎﺷﺎﭖ ﺋﯩﺠﺎﺩﺍﺩﯨﻴﻪﺕ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ ﺋﺎﺗﺎﻗﻠﯩﻖ ﺋﯘﻳﻐﯘﺭ ﻳﺎﺯﻏﯘﭼﯩﺴﻰ ﻣﻪﺭﮬﯘﻡ ﮬﯩﺰﻣﻪﺕ ﺋﺎﺑﺪﯗﻟﻠﯩﻦ ﺋﻪﭘﻪﻧﺪﯨﻢ ﺋﯚﺯﯨﻨﯩﯔ <<ﺑﯩﻨﺎﻛﺎﺭﻻﺭ>> ﻧﺎﻣﻠﯩﻖ ﻳﯩﺮﯨﻚ ﺗﺎﺭﯨﺨﯩﻲ ﺭﻭﻣﺎﻧﯩﺪﺍ ﺑﻪﺯﻯ ﻣﯘﮬﯩﻢ ﺗﺎﺭﯨﺨﻲ ﺩﯨﺮﻩﻛﻠﻪﺭ ﺑﯩﻠﻪﻥ ﺗﻪﻣﯩﻨﻠﯩﺪﻯ. ﺭﻭﻣﺎﻧﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﻣﻪﺯﻣﯘﻧﻼﺭﻻﺭﻧﻰ ﺋﻮﻗﯘﻏﯩﻨﯩﻤﯩﺰﺩﺍ، ﺑﻪﻳﺘﯘﻟﻼﻧﯩﯔ ﻗﯘﺭﯗﻟﯘﺷﯩﻨﻰ ﺋﯧﻠﯩﭗ ﺑﯧﺮﯨﺸﺘﺎ، ﺋﻮﻗﯘﺭﻣﻪﻧﻠﻪﺭﮔﻪ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ ﺷﯘ ﯞﺍﻗﯩﺘﺘﯩﻜﻰ ﺗﺎﺭﯨﺨﻲ ﺳﻪﯞﻩﺑﻠﻪﺭﮔﻪ ﺑﺎﻏﻠﯩﻖ، ﺋﯩﭽﻜﯩﺮﯨﺪﯨﻦ ﺧﻪﻧﺰﯗ ﺋﯘﺳﺘﯩﻼﺭ ﺗﻪﻛﻠﯩﭗ ﻗﯩﻠﯩﻨﻐﺎﻧﻠﯩﻘﻰ ﺭﺍﺱ. ﺷﯘﻧﺪﺍﻗﺘﯩﻤﯘ ﺷﯘﻻﺭ ﺑﯩﻠﻪﻥ ﺑﯩﺮ ﻗﺎﺗﺎﺭﺩﺍ ﺗﻮﺧﺘﻰ ﻣﯘﺟﺎﯓ ﺋﺎﺗﻠﯩﻖ ﺋﯘﻳﻐﯘﺭ ﺑﯩﻨﺎﻛﺎﺭ ﺋﯘﺳﺘﯩﺴﻰ ﺑﺎﺭﻟﯩﻘﻰ ﻣﻪﻟﯘﻡ! ﺑﯘ ﻛﯩﺸﻰ ﺷﯘ ﺩﻩﯞﺭﮔﻪ ﻧﯩﺴﺒﻪﺗﻪﻥ ﻛﺎﺗﺘﺎ ﻗﯘﺭﯗﻟﯘﺵ ﮬﯧﺴﺎﭘﻼﻧﻐﺎﻥ ﺑﻪﻳﺘﯘﻟﻼ ﺟﺎﻣﻪﺳﯩﻨﯩﯔ ﻗﯘﺭﯗﻟﯘﺷﯩﻐﺎ ﻗﺎﺗﻨﯩﺸﯩﭗ، ﺋﻪﯞﻻﺗﻼﺭ ﭘﻪﺧﯩﺘﺮﻟﻪﻧﮕﯜﺩﻩﻙ ﺋﻪﺟﯩﺮ- ﻣﯩﮭﻨﻪﺕ ﻛﯚﺭﺳﻪﺗﻜﻪﻥ.
ﮬﺎﺯﯨﺮﻗﻰ ﺯﺍﻣﺎﻧﯩﯟﯨﻲ ﺟﺎﻣﻪ ﺋﯩﻤﺎﺭﯨﺘﯩﻨﯩﯔ ﺋﻪﺳﻠﯩﺪﯨﻜﻰ ﺋﻮﺭﻧﯩﺪﺍ ﭼﯧﻘﯩﯟﯦﺘﯩﻠﮕﻪﻥ ﭼﻮﯓ ﻧﺎﻣﺎﺯﺧﺎﻧﯩﺴﻰ ( ﺯﺍﻟﻰ ) ﺑﺎﺭ ﺋﯩﺪﻯ. ﺋﻪﻧﻪ ﺷﯘ ﻧﺎﻣﺎﺯﺧﺎﻧﺎ ﯞﻩ ﮬﻪﻣﻤﯩﻤﯩﺰ ﻛﯚﺭﯛﭖ ﺗﯘﺭﻏﺎﻥ ﺑﯩﺰﮔﻪ ﺑﯜﮔﯜﻧﻜﻰ ﻛﯜﻧﮕﯩﭽﻪ ﺗﻪﯞﻩﺭﯛﻙ ﺑﻮﻟﯘﭖ ﻗﻪﺕ ﻛﯚﺗﯜﺭﯛﭖ ﺗﯘﺭﻏﺎﻥ ﺋﺎﻟﺪﻯ ﺩﻩﺭﯞﺍﺯﯨﺴﻰ ( ﭼﻮﯓ ﺭﺍﯞﯨﻘﻰ ) ﻧﻰ ﺋﯩﻨﭽﯩﻜﯩﻠﻪﭖ ﻛﯜﺯﻩﺗﻜﯩﻨﯩﻤﯩﺰﺩﻩ، ﺋﯚﺯ ﯞﺍﻗﺘﯩﺪﯨﻜﻰ ﺑﯘ ﻛﺎﺗﺎ ﺋﯩﻤﺎﺭﻩﺕ ﯞﻩ ﻗﯘﺭﯗﻟﯘﺷﻼﺭﺩﯨﻜﻰ ﻣﯩﻤﺎﺭﭼﯩﻠﯩﻖ، ﻧﻪﻗﻘﺎﺷﭽﯩﻠﯩﻖ ﯞﻩ ﻳﺎﻏﺎﭺ ﺋﻮﻳﻤﯩﭽﯩﻠﯩﻖ ﺳﻪﻧﺌﯩﺘﯩﺪﯨﻦ ﺷﯘﻧﻰ ﻛﯚﺭﯛﯞﯦﻠﯩﺶ ﺗﻪﺱ ﺋﻪﻣﻪﺳﻜﻰ، ﺑﯘ ﻛﺎﺗﺘﺎ ﻗﯘﺭﯗﻟﯘﺵ ﺟﯘﯕﮕﻮ ﺑﯩﻨﺎﻛﺎﺭﭼﯩﻠﯩﻘﻰ، ﺋﯩﺴﻼﻡ ﻣﯩﻤﺎﺭﭼﯩﻠﯩﻘﻰ ﯞﻩ ﺋﯘﻳﻐﯘﺭ ﻣﯩﻠﻠﯩﻲ ﺑﯩﻨﺎﻛﺎﺭﭼﯩﻠﯩﻘﯩﻨﯩﯔ ﺋﯘﺳﺘﯩﻠﯩﻖ ﺑﯩﻠﻪﻥ ﺑﯩﺮﻟﻪﺷﺘﯜﺭﯛﻟﮕﻪﻥ ﺋﯧﺴﯩﻞ ﻧﺎﻣﺎﻳﻪﻧﺪﯨﺴﻰ ﺋﯩﺪﻯ!
ﺑﻪﻳﺘﯘﻟﻼﻧﯩﯔ ﺑﯩﻨﺎﻛﺎﺭﻟﯩﻖ ﻗﯘﺭﯗﻟﯘﺷﻰ ﻗﺎﻧﺪﺍﻗﺘﯘ ﺧﻪﻟﻘﯩﻤﯩﺰ ﺋﺎﺭﯨﺴﯩﺪﯨﻜﻰ ﺑﻪﺯﻯ ﻧﺎﺩﺍﻥ، ﮬﺎﻣﺎﻗﻪﺕ ﻛﯩﺸﯩﻠﻪﺭ ﻛﯚﺗﯜﺭﯛﭖ ﭼﯩﻘﻘﺎﻥ \"ﺑﯘﺗﺨﺎﻧﺎ ﺷﻪﻛﯩﻠﻠﯩﻚ ﻗﯘﺭﯗﻟﯘﺵ\" ﺑﻮﻟﻤﺎﺳﺘﯩﻦ، ﺗﻮﺧﺘﻰ ﻣﯘﺟﺎﯓ ﺑﺎﺷﭽﯩﻠﯩﻘﯩﺪﯨﻜﻰ ﺑﯩﺰ ﮬﺎﺯﯨﺮﭼﻪ ﺋﯩﺴﯩﻤﻠﯩﺮﯨﻨﻰ ﺑﯩﻠﯩﭗ ﻳﯧﺘﻪﻟﻤﯩﮕﻪﻥ ﺋﯘﻳﻐﯘﺭﻻﺭﻧﯩﯔ ﺗﯚﮬﭙﯩﻜﺎﺭ ﺑﯩﻨﺎﻛﺎﺭ ﺋﻪﺯﯨﻤﻪﺗﻠﯩﺮﻯ ﺑﯩﻠﻪﻥ ﺑﻪﺯﻯ ﺋﯩﭽﻜﯩﺮﯨﺪﯨﻦ ﺗﻪﻛﻠﯩﭗ ﻗﯩﻠﯩﻨﻐﺎﻥ ﺧﻪﻧﺰﯗ ﺋﯘﺳﺘﯩﻼﺭﻧﯩﯔ ﺋﻮﺭﺗﺎﻕ ﺋﻮﺭﺗﺎﻕ ﻣﯩﮭﻨﯩﺘﯩﻨﯩﯔ ﻣﻪﮬﺴﯘﻟﻰ ﺋﯩﺪﻯ!
ﺑﻪﻳﺘﯘﻟﻼﻧﯩﯔ ﻗﯘﺭﯗﻟﯘﺷﻰ ﺗﺎﻣﺎﻣﻼﻧﻐﺎﻧﺪﯨﻦ ﻛﯧﻴﯩﻦ، ﺗﻮﺧﺘﻰ ﻣﯘﺟﺎﯓ ﻗﺎﺗﺎﺭﻟﯩﻖ ﺋﯘﻳﻐﯘﺭ ﺑﯩﻨﺎﻛﺎﺭ ﺋﯘﺳﺘﯩﻠﯩﺮﯨﻨﯩﯔ ﺋﯩﺶ ﮬﻪﺭﯨﻜﻪﺗﻠﯩﺮﻯ ﺗﻮﺧﺘﺎﭖ ﻗﺎﻟﻐﯩﻨﻰ ﻳﻮﻕ. ﻳﺎﺭﻛﻪﻧﺘﺘﯩﻜﻰ ﺋﻮﺗﺘﯘﺭﺍ ﺋﺎﺳﯩﻴﺎ، ﮬﻪﺗﺘﺎ ﭘﯜﺗﯜﻥ ﭘﺎﺩﯨﺸﺎﮬ ﺭﻭﺳﺴﯩﻴﯩﺴﻰ ﺯﯦﻤﯩﻨﯩﺪﺍ ﻛﻪﯓ ﺗﻮﻧﯘﻟﻐﺎﻥ ﻛﺎﺗﺘﺎ ﺑﺎﻱ -- ﯞﯦﻠﯩﯟﺍﻱ ﻳﻮﻟﺪﺍﺷﻮﯞﻧﯩﯔ ﻛﯜﭺ ﯞﻩ ﻣﻪﺑﻠﻪﻍ ﭼﯩﻘﯩﺮﯨﺸﻰ ﺑﯩﻠﻪﻥ، ﻳﻪﺭﻛﻪﻧﺘﺘﻪ ﻏﯘﻟﺠﯩﺪﯨﻜﻰ <<ﺑﻪﻳﺘﯘﻟﻼ>> ﻏﺎ ﺋﻮﺧﺸﯩﺘﯩﭗ، ﭼﻮﯕﺮﺍﻕ ﻣﻪﺳﭽﯩﺖ ﺳﯧﻠﯩﺶ ﭘﯩﻼﻧﻼﻧﺪﻯ. ﯞﯦﻠﯩﯟﺍﻱ ﺗﻮﺧﺘﻰ ﻣﯘﺟﺎﯓ ﻗﺎﺗﺎﺭﻟﯩﻘﻼﺭﻧﻰ ﺑﯘ ﻗﯘﺭﯗﻟﯘﺷﻘﺎ ﺗﻪﻛﻠﯩﭗ ﻗﯩﻠﺪﻯ. ( ﯞﯦﻠﯩﯟﺍﻱ ﻳﻮﻟﺪﺍﺷﻮﯞ ﮬﻪﻗﻘﯩﺪﻩ ﻗﯩﺴﺘﯘﺭﻣﺎ ﺋﯘﭼﯘﺭ: ﺋﯘﻳﻐﯘﺭ ﺧﻪﻟﻘﯩﻨﯩﯔ ﻣﻪﺷﮭﯘﺭ ﻗﻪﮬﺮﯨﻤﺎﻧﻰ، ﺋﺎﺗﺎﻗﻠﯩﻖ ﺳﻪﺭﻛﻪﺭﺩﻩ، ﻗﯘﻣﯘﻝ ﺩﯦﮭﻘﺎﻧﻼﺭ ﺋﯩﻨﻘﯩﻼﺑﯩﻨﯩﯔ ﺑﺎﺷﭽﯩﺴﻰ -- ﺧﻮﺟﯩﻨﯩﻴﺎﺯ ﮬﺎﺟﯩﻢ ﺗﺎﻏﻼﺭﺩﺍ ﭘﺎﻧﺎﻟﯩﻨﯩﭗ ﻳﯜﺭﮔﻪﻧﺪﻩ ﯞﯦﻠﯩﯟﺍﻱ ﻗﻮﻳﻨﯩﻐﺎ ﺋﯧﻠﯩﭗ ﺋﯚﺯ ﺋﯚﻳﯩﺪﻩ ﺑﯩﺮ ﻣﻪﺯﮔﯩﻞ ﺗﯘﺭﻏﯘﺯﻏﺎﻥ. ﺋﯚﺗﻜﯜﺭ ﺋﻪﭘﻪﻧﺪﯨﻤﻤﯘ <<ﺋﻮﻳﻐﺎﻧﻐﺎﻥ ﺯﯦﻤﯩﻦ>> ﺩﺍ ﺑﯘ ﮬﻪﻗﺘﻪ ﺗﻮﺧﺘﺎﻟﻐﺎﻥ. ) ﺗﻮﺧﺘﻰ ﻣﯘﺟﺎﯓ ﻗﺎﺗﺎﺭﻟﯩﻘﻼﺭ ﻳﺎﺭﻛﻪﻧﺘﻜﻪ ﭼﯩﻘﯩﭗ، ﺷﯘ ﺟﺎﻳﺪﯨﻜﻰ ﻣﻪﺭﻛﯩﺰﯨﻲ ﺟﺎﻣﻪ -- <<ﻣﻪﺩﺭﯨﺲ>> ﻧﯩﯔ ﻗﯘﺭﯗﻟﯘﺷﻠﯩﺮﯨﻨﻰ ﺗﺎﻣﺎﻣﻠﯩﺪﻯ. ﺑﯘ ﺟﺎﻣﻪ ﻗﺎﺯﺍﻗﯩﺴﺘﺎﻧﻨﯩﯔ ﺋﯘﻳﻐﯘﺭﻻﺭ ﻣﻪﺭﻛﻪﺯﻟﯩﻚ ﻳﺎﺷﺎﭖ ﻛﯧﻠﯩﯟﺍﺗﻘﺎﻥ ﻳﺎﺭﻛﻪﻧﺖ ﺷﻪﮬﯩﺮﯨﺪﻩ ﮬﺎﺯﯨﺮﻣﯘ ﺳﺎﻗﻠﯩﻨﯩﭗ ﻗﯧﻠﯩﻨﻐﺎﻥ. ﻳﺎﺭﻛﻪﻧﺘﺘﯩﻜﻰ ﺋﯘﺯﺍﻕ ﺗﺎﺭﯨﺨﻘﺎ ﺋﯩﮕﻪ ﺑﯘ ﻛﺎﺗﺘﺎ ﻗﯘﺭﯗﻟﯘﺵ -- <<ﻣﻪﺩﺭﯨﺲ>> ﻧﯩﯔ ﺋﯜﺳﺘﯩﺪﯨﻜﻰ ﺳﺎﭘﺎﻝ ﻛﺎﮬﯩﺸﻠﯩﺮﯨﻨﯩﯔ ﺋﻮﺭﻧﯩﻐﺎ ﻗﺎﯕﺎﻟﺘﯩﺮ ﺋﺎﻟﻤﺎﺷﺘﯘﺭﯗﻟﻐﺎﻧﻠﯩﻘﯩﻨﻰ ﮬﯧﺴﺎﭘﻘﺎ ﺋﺎﻟﻤﯩﻐﺎﻧﺪﺍ، ﭘﺎﺩﯨﺸﺎﮬ ﺭﻭﺳﯩﻴﻪﺳﻰ ﺩﻩﯞﺭﻯ، ﺳﻮﯞﯦﺖ ﺋﯩﺘﺘﯩﭙﺎﻗﻰ ﺩﻩﯞﺭﯨﺪﯨﻦ ﺗﺎﻛﻰ ﺑﯜﮔﯜﻧﻜﻰ ﻣﯘﺳﺘﻪﻗﻘﯩﻞ ﻗﺎﺯﺍﻗﯩﺴﺘﺎﻥ ﺩﻩﯞﺭﯨﮕﯩﭽﻪ ﮬﻪﻡ ﻣﻪﺳﭽﯩﺖ ﮬﻪﻡ ﺗﺎﺭﯨﺨﯩﻲ ﻣﯘﺯﯦﻲ ﺗﻪﺭﯨﻘﯩﺴﯩﺪﻩ ﮬﯧﺴﺎﭘﻠﯩﻨﯩﭗ ﻗﻮﻏﺪﺍﻟﻐﺎﻥ. ﺑﯘ ﻗﯘﺭﯗﻟﯘﺷﻤﯘ ﺧﯘﺩﺩﻯ ﻏﯘﻟﺠﺎ ﺑﻪﻳﺘﯘﻟﻼ ﻣﻪﺩﺭﯨﺴﯩﺴﯩﻨﯩﯔ ﮬﺎﺯﯨﺮﭼﻪ ﻗﻮﻏﺪﯨﻠﯩﭗ ﺗﯘﺭﯨﯟﺍﺗﻘﺎﻥ ﺋﺎﻟﺪﻯ ﺩﻩﺭﯞﺍﺯﯨﺴﻰ ( ﺭﺍﯞﯨﻘﻰ ) ﺩﻩﻙ ﺗﺎﺭﯨﺨﻤﯩﺰﻧﯩﯔ ﮔﯘﯞﺍﮬﭽﯩﺴﻰ ﺳﯜﭘﯩﺘﯩﺪﻩ ﻗﻪﺩ ﻛﯚﺗﯜﺭﯛﭖ ﺗﯘﺭﻣﺎﻗﺘﺎ!
ﺑﯩﺰ ﺑﯜﮔﯜﻥ <<ﺑﻪﻳﺘﯘﻟﻼ>> ﻧﯩﯔ ﺋﯚﺗﻤﯜﺷﻰ ﮬﻪﻗﻘﯩﺪﻩ ﻗﻮﻟﯩﻤﯩﺰﻏﺎ ﻗﻪﻟﻪﻡ ﺋﺎﻟﻐﺎﻥ ﻣﯘﺷﯘ ﻣﯩﻨﯘﺗﻼﺭﺩﺍ، ﺑﻪﻳﺘﯘﻟﻼﻧﯩﯔ ﺑﯩﻨﺎﻛﺎﺭﭼﯩﻠﯩﻘﻰ ﺋﯜﭼﯜﻥ ﻗﺎﻥ-ﺗﻪﺭ ﺗﯚﻛﻜﻪﻥ ﺗﻮﺧﺘﻰ ﻣﯘﺟﺎﯓ ﻗﺎﺗﺎﺭﻟﯩﻖ ﭘﻪﺧﯩﺮﻟﯩﻚ ﺋﻪﺟﺪﺍﺗﻠﯩﺮﯨﻤﯩﺰﻧﻰ، ﺗﯚﮬﭙﯩﻜﺎﺭﻟﯩﺮﯨﻤﯩﺰﻧﻰ ﮬﯚﺭﻣﻪﺕ ﯞﻩ ﺋﯩﭙﺘﯩﺨﺎﺭﻟﯩﻖ ﺋﯩﭽﯩﺪﻩ ﻳﺎﺩ ﺋﯧﺘﯩﻤﯩﺰ!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ﺑﯘ ﻳﻮﻟﻼﻧﻤﯩﻨﻰ ﻳﯧﺰﯨﺸﺘﺎ ﺗﯚﯞﻩﻧﺪﯨﻜﻰ ﺋﻪﻣﮕﻪﻛﻠﻪﺭﻧﯩﯔ ﻣﯘﻧﺎﺳﯩﯟﻩﺗﻠﯩﻚ ﻣﻪﺯﻣﯘﻧﻠﯩﺮﯨﺪﯨﻦ ﭘﺎﻳﺪﯨﻼﻧﺪﯨﻢ:
ﺗﯧﻴﯩﭙﺠﺎﻥ ﮬﺎﺩﻯ: <<ﺋﯩﻠﻰ ﮔﯘﯓ - ﺑﻪﮔﻠﯩﺮﻯ ﯞﻩ ﺋﯘﻻﺭﻧﯩﯔ ﺋﻪﯞﻻﺗﻠﯩﺮﻯ>>
ﻏﻮﺟﺎﺋﻪﺧﻤﻪﺕ ﻳﯘﻧﯘﺱ: <<ﺋﯩﻠﻰ ﯞﯨﻼﻳﯩﺘﯩﻨﯩﯔ ﻣﻪﻣﯘﺭﯨﻲ ﺗﯜﺯﯛﻟﯜﺷﯩﺪﯨﻜﻰ ﺋﯚﺯﮔﯩﺮﯨﺸﻠﻪﺭ>>
ﺋﻪﻳﺴﺎﺟﺎﻥ ﻣﯘﺳﺎ، ﺋﯩﻤﯩﻦ ﺋﯩﺒﺮﺍﮬﯩﻢ: << ﺋﯩﻠﻰ ﻳﯧﻘﯩﻨﻘﻰ ﺯﺍﻣﺎﻥ ﭘﻪﻧﻨﯩﻲ ﻣﺎﺋﺎﺭﯨﭙﻰ ﺗﻮﻏﺮﯨﺴﯩﺪﺍ ﻗﯩﺴﻘﯩﭽﻪ ﺑﺎﻳﺎﻥ >>
ﺗﯧﻴﯩﭙﺠﺎﻥ ﮬﺎﺩﻯ: << ﺳﺎﺩﯨﺮ ﭘﺎﻟﯟﺍﻧﻨﯩﯔ ﻳﯧﯖﯩﺪﯨﻦ ﺗﯧﭙﯩﻠﻐﺎﻥ ﻗﻮﺷﺎﻗﻠﯩﺮﻯ ﮬﻪﻗﻘﯩﺪﻩ >>
ﮬﯩﺰﻣﻪﺕ ﺋﺎﺑﺒﯘﻟﻠﯩﻦ: ﺗﺎﺭﯨﺨﻲ ﺭﻭﻣﺎﻥ << ﺑﯩﻨﺎﻛﺎﺭﻻﺭ >>
~~~~~~~~~~~~~~~~~~~~~~~~~~~~~~~~~~~~~~~~~~~
ﺑﯘ ﻳﻮﻟﻼﻧﻤﺎﻣﻨﻰ ﺑﺎﺷﻘﺎ ﺋﯘﻳﻐﯘﺭ ﺗﻮﺭ ﺑﻪﺗﻠﯩﺮﯨﻨﯩﯔ ﻛﯚﭼﯜﺭﯛﭖ ﭘﺎﻳﺪﯨﻠﯩﻨﯩﺸﯩﻐﺎ ﻗﺎﺭﺷﻰ ﺋﻪﻣﻪﺳﻤﻪﻥ، ﺑﯩﺮﺍﻕ ﺑﯘﻧﻰ ﻳﯧﺰﯨﺶ ﺟﻪﺭﻳﺎﻧﯩﻤﺪﯨﻜﻰ ﺋﻪﺟﯩﺮ-ﻣﯩﮭﻨﯩﺘﯩﻤﮕﻪ ﮬﯚﺭﻣﻪﺕ ﻗﯩﻠﻐﺎﻥ ﺋﺎﺳﺎﺳﺘﺎ، ﻣﻪﻧﺒﻪﺳﻰ ﺑﯩﻠﻪﻥ ﻣﯘﺋﻪﻟﻠﯩﭙﻰ ( ﺗﻮﺭﻏﺎ ﻳﻮﻟﻠﯩﻐﯘﭼﯩﺴﻰ ) ﻧﻰ ﺋﻪﺳﻜﻪﺭﺗﯩﭗ ﻗﻮﻳﯘﺷﻨﻰ ﺋﯘﻧﺘﯘﻣﺎﯓ!!!
ﮬﯚﺭﻣﻪﺕ ﺑﯩﻠﻪﻥ: ﻧﺎﺯﯨﻤﻰ
ﻣﯧﻨﯩﯔ ﺑﯩﺮ ﺳﯘﺋﺎﻟﯩﻢ ﺑﺎﺭ؟
ﻏﯘﻟﺠﻠﯩﻘﻨﻰ ﺗﺎﺭﺍﻧﭽﻰ ﺩﻩﻳﺪﯗ. ﺋﻪﻣﯩﻠﻴﻪﺗﺘﻪ ﺋﯘﻻﺭ ﺗﯧﺮﯨﻘﭽﻰ ﺩﯨﮕﻪﻥ ﻣﻪﻧﻪ ﺋﯩﻜﻪﻥ. ﻳﻪﻧﻰ ﺑﯘﺭﯗﻥ (ﯸﺴﯩﻤﺪﻩ ﻳﻮﻕ) ﺟﻪﻧﯘﭘﺘﯩﻦ ﻛﯚﭼﯜﭖ ﻛﻪﻟﮕﻪﻥ ﻳﯜﺯ ﻛﯩﺸﯩﻠﯩﻚ ﺗﯧﺮﯨﻘﭽﯩﻼﺭ ﺋﯩﻜﻪﻥ. ﻣﻪﺳﯩﻠﻪﻥ: ﺗﯘﺭﭘﺎﻥ ﻳﯜﺯ، ﺗﻮﺧﺘﻰ ﻳﯘﺯ، ﺟﯧﻠﯩﻞ ﻳﯘﺯ،......................
ﻟﯧﻜﯩﻦ ﺑﯘ ﺗﯧﺮﯨﻘﭽﯩﻼﺭ ﻛﯚﭼﯜﭖ ﻛﯧﻠﯩﺸﺘﯩﻦ ﺑﯘﺭﯗﻥ ﺑﯘ ﺯﯨﻤﯩﻨﺪﺍ ﺋﯘﻳﻐﯘﺭ ﺑﻮﻟﻐﺎﻧﻤﯘ؟ ﻗﯧﺮﯨﻨﺪﯨﺸﯩﻢ ﻟﻪﻳﻠﯩﮕﯜﻝ، ﺋﺎﻟﺪﻯ ﺑﯩﻠﻪﻥ ﺳﯩﺰﻧﯩﯔ ﻣﻪﻥ ﻳﺎﺯﻏﺎﻥ ﺑﯘ ﻳﻮﻟﻼﻧﻤﯩﻨﻰ ﻳﺎﻗﺘﯘﺭﻏﯩﻨﯩﯖﯩﺰ ﺋﯜﭼﯜﻥ ﺭﻩﺧﻤﻪﺕ ﺋﯧﻴﺘﯩﻤﻪﻥ! ﺑﯩﺮﺍﻕ ﺗﺎﺭﺍﻧﭽﻰ (ﺋﯘﻳﻐﯘﺭ) ﻻﺭﻧﯩﯔ ﺗﺎﺭﯨﺨﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﻧﺎﺩﺍﻧﻼﺭﭼﻪ ﻗﯩﻠﻐﺎﻥ ﺳﯚﺯﯨﯖﯩﺰﻧﻰ ﻗﻮﺑﯘﻝ ﻗﯩﻼﻟﻤﺎﻳﻤﯩﺰ!!!!
ﮬﻪﻗﯩﻘﯩﻲ ﺗﺎﺭﯨﺦ ﺳﯩﺰ ﺋﻮﻳﻠﯩﻐﺎﻧﺪﻩﻙ ﺋﻪﻣﻪﺳﯩﺪﻯ، ﺋﻪﭘﺴﯘﺱ!!! ﻣﻪﻧﻤﯘ ﺋﯘﻳﻐﯘﺭ (\"ﺗﺎﺭﺍﻥ\") ﺑﺎﻟﯩﺴﻰ ﺑﻮﻟﻐﺎﭼﻘﺎ، ﺳﯩﺰﻧﯩﯔ ﺑﯘ ﺧﯩﻞ ﻗﺎﺭﺍﺷﻠﯩﺮﯨﯖﯩﺰﻧﻰ ﺋﯧﺘﯩﺮﺍﭖ ﻗﯩﻠﻤﺎﻳﻤﻪﻥ. ﺋﯩﻠﻰ ﺩﯨﻴﺎﺭﯨﺪﯨﻜﻰ 80 ﻳﯜﺯﻟﯜﻛﻨﻰ ﺳﯩﺰﻧﯩﯔ ﺑﯩﻠﯩﺸﯩﯖﯩﺰﮔﻪ ﺋﯩﺸﻪﻧﻤﻪﻳﻤﻪﻥ!!!! ﺭﻩﺧﻤﻪﺕ ﻧﺎﺯﯨﻤﻰ،ﻛﯘﭖ ﻧﻪﺭﺳﯩﻠﻪﺭﻧﻰ ﺑﯩﻠﯩﯟﺍﻟﺪﯗﻕ ﺑﯩﻠﯩﯟﯦﻠﯩﺸﻘﺎ ﺗﯩﮕﯩﺸﻠﯩﻚ ﺗﺎﺭﯨﺨﻜﻪﻥ ،ﺭﻩﮬﻤﻪﺕ ﺳﯩﺰﮔﻪ . ﻏﯘﻟﺠﺎ ﺷﻪﮬﻪﺭ ﺋﯩﭽﯩﻨﯩﯔ ﺋﺎﺩﻩﻣﻠﯩﺮﻯ ﺗﺎﺭﺍﻧﭽﻰ ﺋﻪﻣﻪﺱ . ﺗﺎﺭﺍﻧﭽﯩﻼﺭ ﻏﯘﻟﺠﺎ ﻧﺎﮬﯩﻴﻪﺳﻰ ، ﭼﺎﭘﭽﺎﻝ ﻧﺎﮬﯩﻴﻪﺳﻰ ، ﺗﻮﻗﻘﯘﺯﺗﺎﺭﺍ ﻧﺎﮬﯩﻴﻪﺳﻰ ، ﻧﯩﻠﻘﺎ ﻧﺎﮬﯩﻴﻪﻟﯩﺮﯨﮕﻪ ﺗﺎﺭﻗﺎﻟﻐﺎﻥ . ﺑﺎﺷﻘﺎ ﻧﺎﮬﯩﻴﻪﻟﻪﺭ ﻳﻪﻧﻰ ﺳﯘﻳﺪﯗﯓ ، ﻣﻮﯕﻐﯘﻟﻜﯜﺭﻩ ، ﺗﯧﻜﻪﺱ ، ﻛﯜﻧﻪﺱ ﻧﺎﮬﯩﻴﻪﻟﯩﺮﯨﺪﯨﻜﻰ ﺋﯘﻳﻐﯘﺭﻻﺭ ﺗﺎﺭﺍﻧﭽﻰ ﺋﻪﻣﻪﺱ . ﺗﺎﺭﺍﻧﭽﯩﻼﺭ ﻗﺎﺯﺍﻗﯩﺴﺘﺎﻧﻨﯩﯔ ﻳﻪﺗﺘﻪ ﺳﯘ ﺭﺍﻳﻮﻧﯩﺪﺍ ﻛﯚﭖ . ﺗﺎﺭﺍﻧﭽﻰ ﺩﯨﮕﻪﻥ ﺳﯚﺯ ﺑﻪﺯﻯ ﻣﺎﺗﯩﺮﯨﻴﺎﻟﻼﺭﺩﺍ ﻣﻮﯕﻐﯘﻟﭽﻪ ﺳﯚﺯ ﺑﻮﻟﯘﭖ ﺗﯧﺮﯨﻘﭽﻰ ﺩﯨﮕﻪﻥ ﻣﻪﻧﯩﺪﻩ ﺩﻩﭖ ﺋﯩﺰﺍﮬﻠﯩﻨﯩﯟﺍﺗﯩﺪﯗ . ﺟﻮﯕﻐﺎﺭ ﺧﺎﻧﻠﯩﻘﻰ ﺩﻩﯞﺭﯨﺪﻩ ﯞﻩ ﭼﯩﯔ ﺳﯘﻻﻟﯩﺴﻰ ﺷﯩﻨﺠﺎﯕﻨﻰ ﺑﻮﻳﺴﯘﻧﺪﯗﺭﻏﺎﻥ ﺩﻩﺳﻠﻪﭘﻜﻰ ﻣﻪﺯﮔﯩﻠﻠﻪﺭﺩﻩ ﺋﯩﻠﯩﻐﺎ ﺟﻪﻧﯘﭘﺘﯩﻦ ﺋﺎﮬﺎﻟﻪ ﻛﯚﭼﯘﺭﯗﭖ ﻗﯩﻘﻘﺎﻧﻠﯩﻘﻰ ﻣﻪﻟﯘﻡ . ﭼﯩﯔ ﺳﯘﻻﻟﯩﺴﻰ ﺩﻩﯞﺭﯨﺪﻩ ﺑﯩﻨﺎ ﺑﻮﻟﻐﺎﻥ ﻳﯧﺰﯨﻼﺭ ﻳﯘﺯ ﺋﺎﺩﻩﻣﻨﻰ ﺑﯩﺮﻟﯩﻚ ﻗﯩﻠﯩﭗ ﻗﯘﺭﯗﻟﻐﺎﻥ ﯞﻩ ﯞﻩ ﻧﺎﻣﻰ ﻳﯧﺰ ﺑﺎﺷﻠﯩﻘﯩﻨﯩﯔ ﻧﺎﻣﻰ ﺑﯩﻠﻪﻥ ﺋﺎﺗﺎﻟﻐﺎﻥ، ﻣﻪﺳﯩﻠﻪﻥ ﻣﻮﻟﻼﺗﻮﺧﺘﻰ ﻳﯜﺯﻯ ، ﺗﺎﮬﯩﺮ ﻳﯜﺯﻯ ، ﺟﯩﻠﯩﻠﻴﯜﺯﻯ ﺩﯨﮕﻪﻧﺪﻩﻙ ، ﻳﯘﺭﺕ ﻧﺎﻣﻰ ﺑﯩﻠﻪﻥ ﺋﺎﺗﺎﻟﻐﺎﻧﻠﯩﺮﯨﻤﯘ ﺑﺎﺭ ﻣﻪﺳﯩﻠﻪﻥ ﺗﯘﺭﭘﺎﻧﻴﯘﺯﻯ ، ﺩﻭﻻﻧﻴﯜﺯﻯ ﺩﯨﮕﻪﻧﺪﻩﻙ . ﺑﯩﺮﺍﻕ ﮬﻪﻣﻤﻪ ﻳﯧﺰﯨﻼﺭ ﻳﯜﺯ ﺋﻪﻣﻪﺱ ، ﻣﻪﺳﯩﻠﻪﻥ ﻗﺎﺵ ، ﻗﺎﻳﻨﯘﻕ ، ﺟﺎﻏﯩﺴﺘﺎﻱ ، ﭘﻪﻧﺠﯩﻢ ، ﻣﺎﺯﺍﺭ ﺩﯨﮕﻪﻧﺪﻩﻙ .
ﺋﯩﻠﯩﺪﺍ ﺑﯘﺭﯗﻧﺪﯨﻦ ﺗﺎﺭﺗﯩﭗ ﺋﯘﻳﻐﯘﺭﻻﺭ ﺑﺎﺭﻣﯘ ﺩﯨﮕﻪﻥ ﻣﻪﺳﯩﻠﯩﮕﻪ ﻛﻪﻟﺴﻪﻙ ﭼﻮﻗﯘﻡ ﺑﯘﺭﯗﻧﺪﯨﻦ ﺗﺎﺭﺗﯩﭗ ﺋﯘﻳﻐﯘﺭﻻﺭ ﺑﺎﺭ . ﭼﯜﻧﻜﻰ ﺟﻪﻧﯘﭘﺘﯩﻦ ﭼﯩﻘﯩﭗ 200 ﻧﻪﭼﭽﻪ ﻳﯩﻠﺪﺍ ﺗﯩﻞ ﺷﯩﯟﯨﺴﻰ ، ﻧﺎﺧﺸﯩﻠﯩﺮﻯ ،ﺋﯚﺭﭖ ﺋﺎﺩﻩﺗﻠﯩﺮﻯ ﺋﯚﮔﯩﺮﯨﭗ ﻛﻪﺗﻤﻪﻳﺪﯗ . ﻳﯩﻠﻼﺭﻧﯩﯔ ﺋﻮﺗﯜﺷﻰ ﺑﯩﻠﻪﻥ ﺋﯚﺯﮔﯩﺮﯨﭗ ﻛﻪﺗﺴﻪ ﻏﯘﻟﺠﺎ ﺷﻪﮬﻪﺭ ، ﺳﯘﻳﺪﯛﯓ ﺗﻪﺭﻩﭘﻠﻪﺭﻧﯩﯔ ﺋﯚﺯﮔﯩﺮﯨﭗ ﻛﯧﺘﻪﺗﺘﻰ . ﺑﯩﺮﺍﻕ ﻏﯘﻟﺠﯩﺪﺍ 200 ﻧﻪﭼﭽﻪ ﻳﯩﻠﺪﯨﻦ ﺑﯧﺮﻯ ﺗﯘﺭﯗﯞﺍﺗﻘﺎﻥ ﺋﯘﻳﻐﯘﺭﻻﺭ ﺗﺎﺭﺍﻧﭽﻰ ﺷﯩﯟﯨﺴﯩﺪﻩ ﺳﯚﺯﻟﯩﻤﻪﻳﺪﯗ .
ﻏﯘﻟﺠﺎ ﺗﺎﺭﯨﺨﯩﻐﺎ ﺋﺎﺋﯩﺖ ﻣﺎﺗﯩﺮﺍﯨﻴﺎﻟﻼﺭﻧﯩﯔ ﺋﻪﯓ ﺗﻮﻟﯘﻗﻰ ﺋﯩﻤﯩﻨﺠﺎﻥ ﺑﺎﮬﺎﯞﯗﺩﯗﻥ ﻳﺎﺯﻏﺎﻥ \"ﺋﯩﻠﻰ ﺗﺎﺭﯨﺨﻰ ﺩﯨﮕﻪﻥ ﻛﯩﺘﺎﭘﺘﺎ . ﺑﯩﺮﺍﻕ ﺋﯘ ﻛﯩﺘﺎﭖ ﺗﯧﺨﯩﭽﻪ ﻧﻪﺷﯩﺮ ﻗﯩﻠﯩﻨﻤﯩﺪﻯ. بۇ ئىنكاسىم ئارقىلىق بۇ تىمىنى ئانا تىلىمغا بىغىشلايمەن.
بەت:
[1]