ﺷﯩﻨﺠﺎﯕﺪﺍ 100 ﻳﯩﻠﺪﯨﻦ ﺑﯘﻳﺎﻥ ﻳﯜﺯ ﺑﻪﺭﮔﻪﻥ ﺯﻭ
( << ﺷﯩﻨﺠﺎﯓ ﮔﯧﺰﯨﺘﻰ >> 2001 - ﻳﯩﻠﻰ 1 - ﺋﺎﻳﻨﯩﯔ 1 - ﻛﯜﻧﯩﺪﯨﻜﻰ ﺳﺎﻧﯩﺪﯨﻦ ﺋﯧﻠﯩﻨﻐﺎﻥ )1 . ﻛﺮﻭﺭﺍﻥ ﻗﻪﺩﯨﻤﯩﻲ ﻗﻪﻟﺌﻪﺳﯩﻨﯩﯔ ﺗﯧﭙﯩﻠﯩﺸﻰ ( 1901 - ﻳﯩﻞ )
ﻛﺮﻭﺭﺍﻥ _ ﻗﻪﺩﯨﻤﯩﻲ ﻳﯩﭙﻪﻙ ﻳﻮﻟﯩﺪﯨﻜﻰ ﻣﯘﻫﯩﻢ ﺷﻪﻫﻪﺭ ، ﺷﯘﻧﺪﺍﻗﻼ ﻗﻪﺩﯨﻤﻜﻰ ﺟﯘﯕﮕﻮ ، ﻫﯩﻨﺪﯨﺴﺘﺎﻥ ، ﻳﯘﻧﺎﻥ ، ﭘﺎﺭﺱ ﻣﻪﺩﻩﻧﯩﻴﯩﺘﻰ ﻣﯘﺟﻪﺳﺴﻪﻣﻠﻪﺷﻜﻪﻥ ﺟﺎﻱ . 1901 - ﻳﯩﻠﻰ ﺷﯟﯦﺘﺴﯩﻴﯩﻠﯩﻚ ﺋﯧﻜﺴﭙﯧﺪﯨﺘﺴﯩﻴﯩﭽﻰ ﺳﯩﯟﯦﻦ . ﻫﯩﺪﯨﻦ ﻛﺮﻭﺭﺍﻥ ﻗﻪﺩﯨﻤﯩﻲ ﺷﻪﻫﯩﺮﻯ ﺧﺎﺭﺍﺑﯩﺴﯩﮕﻪ ﻛﯩﺮﯨﭗ ، ﻧﯘﺭﻏﯘﻥ ﺗﺎﺵ ﻗﻮﺭﺍﻟﻼﺭ ، ﻳﺎﻏﺎﭺ ﺋﻪﺳﯟﺍﺑﻼﺭ ، ﻓﺎﺭ - ﻓﻮﺭ ﻗﺎﭼﯩﻼﺭ ، ﻣﯩﺲ ﻗﻮﺭﺍﻟﻼﺭ ، ﻳﯩﭙﻪﻙ ﺗﻮﻗﯘﻟﻤﺎ ﺑﯘﻳﯘﻣﻼﺭ ، ﺧﻪﻧﺰﯗ ﻳﯩﻠﻨﺎﻣﯩﺴﻰ ﯞﻩ ﻗﻪﻏﻪﺯﮔﻪ ﻳﯧﺰﯨﻠﻐﺎﻥ ﺧﻪﻧﺰﯗﭼﻪ ﭘﯜﺗﯜﻛﻠﻪﺭﻧﻰ ﻗﯧﺰﯨﭗ ﭼﯩﻘﻘﺎﻥ . ﺷﯘﻧﯩﯔ ﺑﯩﻠﻪﻥ 1600 ﻳﯩﻞ ﻛﯚﻣﯜﻟﯜﭖ ﻗﺎﻟﻐﺎﻥ ﻛﺮﻭﺭﺍﻥ ﻗﻪﺩﯨﻤﻜﻰ ﻗﻪﻟﺌﻪﺳﻰ ﻳﯧﯖﯩﺒﺎﺷﺘﯩﻦ ﻳﻮﺭﯗﻗﻠﯘﻗﻘﺎ ﭼﯩﻘﻘﺎﻥ ، ﺑﯘ ﺑﺎﻳﻘﺎﺵ ﺩﯗﻧﻴﺎﻧﻰ ﺯﯨﻠﺰﯨﻠﯩﮕﻪ ﺳﺎﻟﺪﻯ .
2 . ﺷﯩﻨﺠﺎﯕﻨﯩﯔ << ﻳﯧﯖﻰ ﻫﺎﻛﯩﻤﯩﻴﯩﺘﻰ >> ( 1901 - ﻳﯩﻞ )
1901 - ﻳﯩﻠﻰ ﺋﯩﻠﻰ ﺟﻴﺎﯕﺠﯜﻧﻰ ﭼﺎﯓ ﮔﯧﯔ ، ﺷﯩﻨﺠﺎﯕﻨﯩﯔ ﺑﺎﺵ ﻣﯘﭘﻪﺗﺘﯩﺸﻰ ﻟﻴﻪﻥ ﻛﯜﻱ << ﻳﯧﯖﻰ ﻫﺎﻛﯩﻤﯩﻴﻪﺕ >>ﻧﻰ ﻳﻮﻟﻐﺎ ﻗﻮﻳﺪﻯ .
ﺋﯘﻻﺭ ﻳﯧﯖﻰ ﺋﺎﺭﻣﯩﻴﻪ ﻗﯘﺭﯗﭖ ﻣﻪﺷﻖ ﻗﯩﻠﺪﯗﺭﻏﺎﻧﺪﯨﻦ ﺗﺎﺷﻘﯩﺮﻯ ، ﻳﯧﯖﯩﭽﻪ ﻣﻪﻛﺘﻪﭖ ﻗﯘﺭﺩﻯ ، ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﺷﻘﺎ ﺋﻮﻗﯘﻏﯘﭼﻰ ﺋﻪﯞﻩﺗﺘﻰ ، ﻳﻪﻧﻪ ﻏﻪﺭﺑﻨﯩﯔ ﺋﯩﻠﻐﺎﺭ ﺗﯧﺨﻨﯩﻜﯩﺴﯩﻨﻰ ﻛﯩﺮﮔﯜﺯﯛﭖ ، ﺑﻪﺯﻯ ﺯﺍﯞﯗﺗﻼﺭﻧﻰ ﻗﯘﺭﺩﻯ . ﺑﯘ ﺋﻮﺑﻴﯧﻜﺘﯩﭗ ﺟﻪﻫﻪﺗﺘﻪ ﺷﯩﻨﺠﺎﯕﺪﯨﻜﻰ ﻫﻪﺭ ﻣﯩﻠﻠﻪﺕ ﺧﻪﻟﻘﯩﻨﻰ ﺯﺍﻣﺎﻧﯩﯟﯨﻲ ﺳﺎﻧﺎﺋﻪﺕ ﻣﻪﺩﻩﻧﯩﻴﯩﺘﻰ ﯞﻩ ﺗﻪﺑﯩﺌﯩﻲ ﭘﻪﻥ ﺑﯩﻠﯩﻤﻠﯩﺮﻯ ﺑﯩﻠﻪﻥ ﺋﯘﭼﺮﺍﺷﺘﯘﺭﯗﭖ ، ﺋﯘﻻﺭﻧﻰ ﻳﻪﻧﻪ ﻳﯧﯖﻰ ﺋﯩﺪﯨﻴﻪ ، ﻳﯧﯖﻰ ﻣﻪﺩﻩﻧﯩﻴﻪﺕ ﺟﻪﻫﻪﺗﺘﻪ ﺋﻮﻳﻐﺎﺗﺘﻰ ، ﺑﯘ ، ﺷﯩﻨﺠﺎﯕﻨﯩﯔ ﺳﯩﻴﺎﺳﯩﻲ ، ﺋﯩﻘﺘﯩﺴﺎﺩ ، ﻣﻪﺩﻩﻧﯩﻴﻪﺕ ﺋﯩﺸﻠﯩﺮﯨﻨﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﺋﯩﺠﺎﺑﯩﻲ ﺗﻪﺳﯩﺮ ﻛﯚﺭﺳﻪﺗﺘﻰ .
3 . ﺋﯩﻠﯩﺪﯨﻜﻰ ﺷﯩﻨﺨﻪﻱ ﺋﯩﻨﻘﯩﻼﺑﻰ ( 1912 - ﻳﯩﻞ )
ﻟﻴﯘ ﺷﻴﻪﻧﺠﯜﻥ ﺑﺎﺷﭽﯩﻠﯩﻘﯩﺪﯨﻜﻰ ﺑﯘﺭﮊﯗﺋﺎﺯﯨﻴﻪ ﺋﯩﻨﻘﯩﻼﺑﯩﻲ ﭘﺎﺭﺗﯩﻴﯩﺴﯩﺪﯨﻜﯩﻠﻪﺭﻧﯩﯔ 1911 - ﻳﯩﻞ 12 - ﺋﺎﻳﻨﯩﯔ 18 - ﻛﯜﻧﻰ ﺩﯨﺨﯘﺍ ( ﺋﯜﺭﯛﻣﭽﻰ )ﺩﯨﻜﻰ ﻗﻮﺭﺍﻟﻠﯩﻖ ﻗﻮﺯﻏﯩﻠﯩﯖﻰ ﺑﻪﺧﺘﻜﻪ ﻗﺎﺭﺷﻰ ﻣﻪﻏﻠﯘﺏ ﺑﻮﻟﺪﻯ . 1912 - ﻳﯩﻞ 1 - ﺋﺎﻳﻨﯩﯔ 7 - ﻛﯜﻧﻰ ﻳﺎﯓ ﺯﻩﻧﺸﯜﻱ ، ﻓﯧﯔ ﺗﯧﻤﯩﻦ ﺑﺎﺷﭽﯩﻠﯩﻘﯩﺪﯨﻜﻰ ﺑﯘﺭﮊﯗﺋﺎﺯﯨﻴﻪ ﺋﯩﻨﻘﯩﻼﺑﯩﻲ ﭘﺎﺭﺗﯩﻴﯩﺴﯩﺪﯨﻜﯩﻠﻪﺭ ﺋﯩﻠﯩﻨﯩﯔ ﺧﯜﻳﻴﯜﻩﻥ ﺩﯦﮕﻪﻥ ﻳﯧﺮﯨﺪﻩ ﻗﻮﺭﺍﻟﻠﯩﻖ ﻗﻮﺯﻏﯩﻼﯓ ﻛﯚﺗﯜﺭﯛﭖ ، ﺑﯩﺮﺍﻗﻼ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﭗ ، ﺑﻪﺵ ﻣﯩﻠﻠﻪﺕ ﺟﯘﻣﻬﯘﺭﻟﯩﻘﯩﻨﻰ ﻳﻮﻟﻐﺎ ﻗﻮﻳﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻻﭖ ، ﺷﯩﻨﺠﺎﯓ ﺋﯩﻠﻰ ﺋﯘﻟﯘﻍ ﺗﯘﺗﯘﻕ ﻣﻪﻫﻜﯩﻤﯩﺴﯩﻨﻰ ﻗﯘﺭﺩﻯ . ﺷﯘﻧﯩﯖﺪﯨﻦ ﻛﯧﻴﯩﻦ ، ﺷﻪﺭﻗﻘﻪ ﻳﯜﺭﯛﺵ ﻗﯩﻠﯩﺶ ﺋﯘﺭﯗﺷﻰ ﻗﻮﺯﻏﺎﭖ ، ﺷﯩﺨﻮﻏﯩﭽﻪ ﺑﺎﺭﺩﻯ ، ﺯﻩﺭﺑﻪ ﻧﯩﺸﺎﻧﯩﻨﻰ ﺑﯩﯟﺍﺳﯩﺘﻪ ﺩﯨﺨﯘﺍﻏﺎ ﻗﺎﺭﺍﺗﺘﻰ .
ﺋﯩﻠﯩﺪﯨﻜﻰ ﻗﻮﺭﺍﻟﻠﯩﻖ ﻗﻮﺯﻏﯩﻼﯓ _ ﺷﯩﻨﺨﻪﻱ ﺋﯩﻨﻘﯩﻼﺑﯩﻨﯩﯔ ﺗﻪﺭﻛﯩﺒﯩﻲ ﻗﯩﺴﻤﻰ ﺑﻮﻟﯘﭖ ، ﺋﯘﻧﯩﯔ ﺗﯚﻫﭙﯩﺴﻰ ﺷﯘﻛﻰ ، ﺋﯘ ﻣﻪﻧﭽﯩﯔ ﺧﺎﻧﺪﺍﻧﻠﯩﻘﯩﻨﯩﯔ ﺷﯩﻨﺠﺎﯕﺪﯨﻜﻰ ﺋﻪﻛﺴﯩﻴﻪﺗﭽﻰ ﻫﯚﻛﯜﻣﺮﺍﻧﻠﯩﻘﯩﻨﻰ ﺋﺎﻏﺪﯗﺭﯗﭖ ﺗﺎﺷﻼﭖ ، ﺟﯘﻣﻬﯘﺭﯨﻴﻪﺕ ﻗﯘﺭﺩﻯ ، ﻣﻪﻧﭽﯩﯔ ﭘﺎﺩﯨﺸﺎﻫﻰ ﺷﯜﻩﻧﺘﯘﯕﻨﯩﯔ ﻏﻪﺭﺑﻜﻪ ﻛﯚﭼﯜﺵ ﻛﻮﻳﯩﺪﺍ ﺑﻮﻟﯘﺵ ﺳﯜﻳﯩﻘﻪﺳﺘﯩﻨﻰ ﺑﯩﺘﭽﯩﺖ ﻗﯩﻠﺪﻯ .
4 . ﺋﺎﻟﺘﺎﻳﻨﯩﯔ ﺷﯩﻨﺠﺎﯓ ﺗﻪﯞﻩﻟﯩﻜﯩﮕﻪ ﺋﯚﺗﻜﯜﺯﯛﯞﯦﻠﯩﻨﯩﺸﻰ ( 1919 - ﻳﯩﻞ )
ﺋﺎﻟﺘﺎﻱ ﺭﺍﻳﻮﻧﻰ ﺋﻪﺳﻠﯩﺪﻩ ﻣﻪﻧﭽﯩﯔ ﺧﺎﻧﺪﺍﻧﻠﯩﻘﯩﻨﯩﯔ ﻗﻮﺑﺪﯗ ﯞﻩﺯﯨﺮﯨﻨﯩﯔ ﺑﺎﺷﻘﯘﺭﯗﺷﯩﺪﺍ ﺋﯩﺪﻯ . 1913 - ﻳﯩﻠﻰ 9 - ﺋﺎﻳﺪﺍ ، ﭼﺎﺭﺭﻭﺳﯩﻴﻪ ﭼﯩﻘﺎﺭﻏﺎﻥ ﺋﻪﺳﻜﻪﺭﻟﻪﺭ ﺋﺎﻟﺘﺎﻳﻨﯩﯔ ﺋﯩﺶ ﺑﯧﺠﯩﺮﮔﯜﭼﻰ ﺋﻪﻣﻪﻟﺪﺍﺭﻯ ﺗﯘﺭﯗﺷﻠﯘﻕ ﻣﯩﺮﺯﺍ ﻣﻪﺳﭽﯩﺘﻰ ( ﻫﺎﺯﯨﺮﻗﻰ ﺋﺎﻟﺘﺎﻱ ﺷﻪﻫﯩﺮﻯ )ﮔﻪ ﺗﺎﺟﺎﯞﯗﺯ ﻗﯩﻠﯩﭗ ﻛﯩﺮﺩﻯ ﯞﻩ ﺋﺎﻟﺘﺎﻳﺪﺍ ﺋﺎﻫﺎﻟﯩﻠﻪﺭﻧﻰ ﻗﺎﻧﯘﻧﺴﯩﺰ ﻛﯚﭼﯜﺭﺩﻯ . ﺷﯩﻤﺎﻟﯩﻲ ﻣﯩﻠﯩﺘﺎﺭﯨﺴﺘﻼﺭ ﻫﯚﻛﯜﻣﯩﺘﻰ ﺋﺎﻟﺘﺎﻳﺪﺍ ﺋﯩﺶ ﺑﯧﺠﯩﺮﮔﯜﭼﻰ ﺋﻪﻣﻪﻟﺪﺍﺭﯨﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﭖ ، ﺋﺎﻟﺘﺎﻱ ﯞﯨﻼﻳﯩﺘﻰ ﻗﯘﺭﯗﭖ ، ﺋﯘﻧﻰ ﺷﯩﻨﺠﺎﯕﻨﯩﯔ ﺑﯩﺮ ﺗﯘﺗﺎﺵ ﺑﺎﺷﻘﯘﺭﯗﺷﯩﻐﺎ ﺋﯚﺗﻜﯜﺯﯛﭖ ﺑﯧﺮﯨﺸﻨﻰ ﻗﺎﺭﺍﺭ ﻗﯩﻠﺪﻯ . ﺋﺎﻟﺘﺎﻳﻨﯩﯔ ﺷﯩﻨﺠﺎﯕﻐﺎ ﺋﯚﺗﻜﯜﺯﯛﭖ ﺑﯧﺮﯨﻠﯩﺸﻰ ﺷﯩﻨﺠﺎﯕﻨﯩﯔ ﺑﯜﮔﯜﻧﻜﻰ ﺧﻪﺭﯨﺘﯩﺴﯩﮕﻪ ﺋﺎﺳﺎﺱ ﺳﯧﻠﯩﭙﻼ ﻗﺎﻟﻤﺎﺳﺘﯩﻦ ، ﻳﻪﻧﻪ ﯞﻩﺗﻪﻧﻨﯩﯔ ﺑﯩﺮﻟﯩﻜﯩﻨﻰ ﻛﯜﭼﻠﯜﻙ ﻗﻮﻏﺪﯨﺪﻯ .
5 . ﻳﺎﯓ ﺯﯦﯖﺸﯩﻨﻨﯩﯔ ﺋﺎﻕ ﺭﯗﺳﻼﺭﻧﻰ ﺑﻮﻳﺴﯘﻧﺪﯗﺭﯗﺷﻰ ( 1921 - ﻳﯩﻞ )
ﺭﻭﺳﯩﻴﻪ ﺋﯚﻛﺘﻪﺑﺮ ﺋﯩﻨﻘﯩﻼﺑﻰ ﻏﻪﻟﯩﺒﻪ ﻗﯩﻠﻐﺎﻧﺪﯨﻦ ﻛﯧﻴﯩﻦ ، 30 ، 40 ﻣﯩﯔ ﻛﯩﺸﯩﻠﯩﻚ ﭼﺎﺭﺭﻭﺳﯩﻴﻪ ﻗﻮﻏﺪﯨﻨﯩﺶ ﺋﺎﺭﻣﯩﻴﯩﺴﻰ ﯞﻩ ﻣﯘﺳﺎﭘﯩﺮﻻﺭ ﺷﯩﻨﺠﺎﯕﻐﺎ ﻗﯧﭽﯩﭗ ﻛﯩﺮﺩﻯ . ﺷﯩﻨﺠﺎﯕﻨﯩﯔ ﺗﯘﺗﯘﻕ ﺑﯧﮕﻰ ﻳﺎﯓ ﺯﯦﯖﺸﯩﻦ ﺧﻪﻟﻘﺌﺎﺭﺍﻟﯩﻖ ﻗﺎﻧﯘﻥ ﺑﻮﻳﯩﭽﻪ ﺋﯘﻻﺭﻧﻰ ﻗﻮﺭﺍﻟﺴﯩﺰﻻﻧﺪﯗﺭﯗﭖ ، ﺋﯘﻻﺭﻧﯩﯔ ﺋﯩﭽﯩﺪﯨﻜﻰ ﻣﯘﻫﯩﻢ ﻛﯩﺸﯩﻠﻪﺭﻧﻰ ﺗﺎﻟﻼﭖ ﺋﻮﺭﯗﻧﻼﺷﺘﯘﺭﺩﻯ ، ﺋﯘﻻﺭﻧﯩﯔ ﺗﺎﻣﺎﻕ ، ﺋﯚﻱ ﻣﻪﺳﯩﻠﯩﻠﯩﺮﯨﻨﻰ ﻫﻪﻝ ﻗﯩﻠﺪﻯ . ﻟﯧﻜﯩﻦ ﺋﺎﻕ ﺭﯗﺳﻼﺭﻧﯩﯔ ﻣﻪﻏﻠﯘﺏ ﺑﻮﻟﻐﺎﻥ ﻗﯩﺴﯩﻤﻠﯩﺮﻯ ﺋﯜﺯﻟﯜﻛﺴﯩﺰ ﯞﻩﻗﻪ ﺗﯘﻏﺪﯗﺭﺩﻯ ، ﻫﻪﺗﺘﺎ ﻗﻮﺭﺍﻟﻠﯩﻖ ﺗﻮﭘﯩﻼﯓ ﻛﯚﺗﯜﺭﺩﻯ ، ﺷﯩﻨﺠﺎﯕﺪﯨﻜﻰ ﻫﻪﺭ ﻣﯩﻠﻠﻪﺕ ﺧﻪﻟﻖ ﻏﺎﻳﻪﺕ ﺯﻭﺭ ﺯﯨﻴﺎﻧﻐﺎ ﺋﯘﭼﺮﯨﺪﻯ . 1921 - ﻳﯩﻠﻰ 5 - ﺋﺎﻳﺪﺍ ﻳﺎﯓ ﺯﯦﯖﺸﯩﻦ ﺳﻮﯞﯦﺖ ﻗﯩﺰﯨﻞ ﺋﺎﺭﻣﯩﻴﯩﺴﻰ ﺑﯩﻠﻪﻥ ﺑﯩﺮﻟﯩﺸﯩﭗ ، ﺋﯘﻻﺭﻧﻰ ﻗﻮﺭﺷﺎﭖ ﺗﺎﺯﯨﻠﯩﺪﻯ ، 10 - ﺋﺎﻳﺪﺍ ﺋﺎﻕ ﺭﯗﺱ ﺑﺎﻧﺪﯨﺘﻠﯩﺮﯨﻨﻰ ﺋﯜﺯﯛﻝ - ﻛﯧﺴﯩﻞ ﻳﻮﻗﯩﺘﯩﭗ ، ﺩﯙﻟﻪﺗﻨﯩﯔ ﺋﯩﮕﯩﻠﯩﻚ ﻫﻮﻗﯘﻗﻰ ﯞﻩ ﻣﻪﻧﭙﻪﺋﻪﺗﯩﻨﻰ ﻗﻮﻏﺪﺍﭖ ﻗﺎﻟﺪﻯ ، ﺷﯩﻨﺠﺎﯕﻨﻰ ﺑﯩﺮ ﻗﯧﺘﯩﻤﻠﯩﻖ ﺑﺎﻻﻳﯩﺌﺎﭘﻪﺗﺘﯩﻦ ﻗﯘﺗﯘﻟﺪﯗﺭﺩﻯ .
6 . ﺷﯩﻨﺠﺎﯕﻨﯩﯔ ﻫﺎﯞﺍ ﻗﺎﺗﻨﺎﺵ ﻟﯩﻨﯩﻴﯩﺴﯩﻨﯩﯔ ﺋﯧﭽﯩﻠﯩﺸﻰ ( 1932 - ﻳﯩﻞ )
1932 - ﻳﯩﻠﻰ 12 - ﺋﺎﻳﺪﺍ ﻧﻪﻧﺠﯩﯔ ﻫﯚﻛﯜﻣﯩﺘﻰ ﺑﯩﻠﻪﻥ ﻳﺎﯞﺭﻭﭘﺎ - ﺋﺎﺳﯩﻴﺎ ﺋﺎﯞﯨﺌﺎﺗﺴﯩﻴﻪ ﺷﯩﺮﻛﯩﺘﻰ ﺩﯙﻟﻪﺕ ﺋﯩﭽﻰ ﻫﺎﯞﺍ ﻗﺎﺗﻨﯩﺸﯩﺪﺍ ﭘﻮﭼﺘﺎ ﻳﻮﻟﻼﻧﻤﯩﻠﯩﺮﯨﻨﻰ ﺗﻮﺷﯘﺵ ﺗﻮﺧﺘﺎﻣﻰ ﺋﯩﻤﺰﺍﻻﭖ ، ﺑﯧﻴﭙﯩﯔ ، ﺷﺎﯕﺨﻪﻱ ﯞﻩ ﺩﯨﺨﯘﺍ ﻟﯩﻨﯩﻴﯩﺴﯩﻨﻰ ﺳﯩﻨﺎﻕ ﺗﻪﺭﯨﻘﯩﺴﯩﺪﻩ ﺋﺎﭼﺘﻰ . 12 - ﺋﺎﻳﻨﯩﯔ 19 - ﻛﯜﻧﻰ ﻟﻰ ﺟﯩﯖﺴﯘﯓ ﻳﺎﯞﺭﻭﭘﺎ - ﺋﺎﺳﯩﻴﺎ ﺋﺎﯞﯨﺌﺎﺗﺴﯩﻴﻪ ﺷﯩﺮﻛﯩﺘﯩﻨﯩﯔ 1 - ﻧﻮﻣﯘﺭﻟﯘﻕ ﺋﺎﻳﺮﻭﭘﯩﻼﻧﯩﻨﻰ ﻫﻪﻳﺪﻩﭖ ، ﺑﯧﻴﭙﯩﯖﺪﯨﻦ ﺋﯘﭼﯘﭖ ، ﮔﯜﻳﺴﯜﻱ ( ﺧﻮﺧﺨﻮﺕ ) ، ﻗﯘﻣﯘﻝ ، ﺩﯨﺨﯘﺍ ﺋﺎﺭﻗﯩﻠﯩﻖ ﭼﯚﭼﻪﻛﻜﻪ ﻛﻪﻟﺪﻯ . ﺷﯘﻧﯩﯖﺪﯨﻦ ﺋﯧﺘﯩﺒﺎﺭﻩﻥ ﺷﯩﻨﺠﺎﯓ ﺑﯩﻠﻪﻥ ﺋﯩﭽﻜﻰ ﺭﺍﻳﻮﻧﻼﺭﻧﯩﯔ ﻫﺎﯞﺍ ﻗﺎﺗﻨﯩﺸﯩﺪﺍ ﺗﺎﺭﯨﺨﯩﻲ ﺳﻪﻫﯩﭙﻪ ﺋﯧﭽﯩﻠﺪﻯ . ﺷﯘ ﻳﯩﻠﻰ ﻳﺎﯞﺭﻭﭘﺎ - ﺋﺎﺳﯩﻴﺎ ﺋﺎﯞﯨﺌﺎﺗﺴﯩﻴﻪ ﺷﯩﺮﻛﯩﺘﯩﻨﯩﯔ ﺷﺎﯕﺨﻪﻱ - ﺷﯩﻨﺠﺎﯓ ﻟﯩﻨﯩﻴﯩﺴﯩﺪﻩ ﻗﺎﺗﻨﺎﺵ ﺑﺎﺷﻼﻧﺪﻯ ، ﺋﺎﻳﺮﻭﭘﯩﻼﻥ ﺋﯩﻜﻜﻰ ﺟﺎﻳﺪﯨﻜﻰ ﺋﺎﻳﺮﻭﺩﺭﻭﻣﺪﯨﻦ ﺑﯩﺮﻻ ﯞﺍﻗﯩﺘﺘﺎ ﺋﯘﭼﯩﺪﯨﻐﺎﻥ ﺑﻮﻟﺪﻯ .
7 . << 12 - ﺋﺎﭘﺮﯦﻞ >> ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻰ ( 1933 – ﻳﯩﻞ )
1933 - ﻳﯩﻠﯩﺪﯨﻜﻰ << 12 - ﺋﺎﭘﺮﯦﻞ >> ﺳﯩﻴﺎﺳﯩﻲ ﺋﯚﺯﮔﯩﺮﯨﺸﯩﺪﻩ ﺷﯧﯔ ﺷﯩﺴﻪﻱ ﭘﯘﺭﺳﻪﺗﺘﯩﻦ ﭘﺎﻳﺪﯨﻠﯩﻨﯩﭗ ، ﺷﯩﻨﺠﺎﯕﻨﯩﯔ ﭼﯧﮕﺮﺍ ﻣﯘﺩﺍﭘﯩﺌﻪ ﺑﺎﺵ ﯞﺍﻟﯩﻴﺴﻰ ﺑﻮﻟﯘﯞﺍﻟﺪﻯ . ﺳﻮﯞﯦﺖ ﺋﯩﺘﺘﯩﭙﺎﻗﻰ ﺋﯘﻧﯩﯔ ﺑﺎﺷﻘﺎ ﻛﯜﭼﻠﻪﺭﻧﻰ ﻳﻮﻗﯩﺘﯩﺸﯩﻐﺎ ، ﺷﯩﻨﺠﺎﯕﻨﻰ ﺑﯩﺮ ﻳﻮﻟﯩﻼ ﺑﯩﺮﻟﯩﻜﻜﻪ ﻛﻪﻟﺘﯜﺭﯛﺷﯩﮕﻪ ﻳﺎﺭﺩﻩﻡ ﺑﻪﺭﺩﻯ ، ﻳﻪﻧﻪ ﺳﻮﯞﯦﺖ ﺋﯩﺘﺘﯩﭙﺎﻗﻰ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺋﻪﺯﺍﻟﯩﺮﯨﻨﻰ ﺋﻪﯞﻩﺗﯩﭗ ، << ﺟﺎﻫﺎﻧﮕﯩﺮﻟﯩﻜﻜﻪ ﻗﺎﺭﺷﻰ ﺗﯘﺭﯗﺵ ، ﺗﯩﻨﭽﻠﯩﻖ ، ﻗﯘﺭﯗﻟﯘﺵ ، ﺳﻮﯞﯦﺖ ﺋﯩﺘﺘﯩﭙﺎﻗﻰ ﺑﯩﻠﻪﻥ ﻳﯧﻘﯩﻦ ﺋﯚﺗﯜﺵ ، ﭘﯘﻗﺮﺍﻻﺭﻧﻰ ﺋﻪﻣﯩﻦ ﻗﯩﻠﯩﺶ >> ﻣﻪﺯﻣﯘﻧﯩﺪﯨﻜﻰ ﺋﺎﻟﺘﻪ ﺑﯜﻳﯜﻙ ﺳﯩﻴﺎﺳﻪﺗﻨﻰ ﺗﯜﺯﯛﺷﯩﮕﻪ ﻳﺎﺭﺩﻩﻣﻠﻪﺷﺘﻰ ، ﺷﯘﻧﯩﯔ ﺑﯩﻠﻪﻥ ﺑﯩﻠﻠﻪ ، ﻣﺎﺩﺩﯨﻲ ﻛﯜﭺ ، ﻣﺎﻟﯩﻴﻪ ﻛﯜﭼﻰ ﻗﺎﺗﺎﺭﻟﯩﻖ ﺟﻪﻫﻪﺗﻠﻪﺭﺩﻩ ﺯﻭﺭ ﻛﯜﭺ ﺑﯩﻠﻪﻥ ﻳﺎﺭﺩﻩﻡ ﺑﯧﺮﯨﭗ ، ﺋﻪﻳﻨﻰ ﯞﺍﻗﯩﺘﺘﯩﻜﻰ ﺷﯩﻨﺠﺎﯕﻨﯩﯔ ﺋﯩﻘﺘﯩﺴﺎﺩﯨﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﺩﻯ ، ﺭﺍﯞﺍﺟﻼﻧﺪﯗﺭﺩﻯ ، ﺧﻪﻟﻘﻨﻰ ﺗﯩﻨﭻ ﺗﯘﺭﻣﯘﺷﻘﺎ ﺋﯧﺮﯨﺸﺘﯜﺭﺩﻯ .
8 . << ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﻰ >>ﻧﯩﯔ ﺑﻪﺭﺑﺎﺕ ﺑﻮﻟﯘﺷﻰ ( 1933 - ﻳﯩﻞ )
ﺋﻪﻧﮕﻠﯩﻴﻪ ﺟﺎﻫﺎﻧﮕﯩﺮﻟﯩﻜﯩﻨﯩﯔ ﻛﯚﯕﯜﻝ ﻗﻮﻳﯘﭖ ﭘﯩﻼﻧﻠﯩﺸﻰ ﯞﻩ ﺭﯦﮋﯨﺴﺴﻮﺭﻟﯘﻕ ﻗﯩﻠﯩﺸﻰ ﺋﺎﺭﻗﯩﺴﯩﺪﺍ ، ﺋﯩﻤﯩﻦ ، ﺳﺎﺑﯩﺖ ﺩﺍﻣﻮﻟﻼ ﺑﺎﺷﭽﯩﻠﯩﻘﯩﺪﯨﻜﻰ ﺑﯩﺮ ﺋﻮﭼﯘﻡ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﻪﺭ 1933 - ﻳﯩﻞ 11 - ﺋﺎﻳﻨﯩﯔ 12 - ﻛﯜﻧﻰ ﻗﻪﺷﻘﻪﺭﺩﻩ << ﺷﻪﺭﻗﯩﻲ ﺗﯜﺭﻛﯩﺴﺘﺎﻥ >> ﺑﺎﻳﺮﯨﻘﯩﻨﻰ ﻛﯚﺗﯜﺭﯛﭖ ﭼﯩﻘﯩﭗ ، ﻣﯘﺳﺘﻪﻗﯩﻞ << ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﻰ >> ﻗﯘﺭﻏﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ . 1934 - ﻳﯩﻠﻰ 2 - ﺋﺎﻳﻨﯩﯔ 6 - ﻛﯜﻧﻰ ، ﻣﺎ ﺟﯘﯕﻴﯩﯖﻐﺎ ﻗﺎﺭﺍﺷﻠﯩﻖ ﻣﺎ ﺷﯩﻤﯩﯔ ، ﻣﺎ ﺷﺎﯞﯞﯗ ﯞﻩ ﻣﺎ ﺟﻪﻧﺴﺎﯓ ﻗﯩﺴﯩﻤﻠﯩﺮﻯ ﺑﯩﺮﻟﯩﺸﯩﭗ ، ﻗﻪﺷﻘﻪﺭﻧﻰ ﺋﯩﺸﻐﺎﻝ ﻗﯩﻠﺪﻯ ، ﺷﯘﻧﯩﯔ ﺑﯩﻠﻪﻥ << ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﻰ >> ﭼﻪﻙ - ﭼﯧﻜﯩﺪﯨﻦ ﭘﺎﺭﭼﯩﻠﯩﻨﯩﭗ ﻛﻪﺗﺘﻰ .
9 . ﺷﯩﻨﺠﺎﯕﺪﺍ ﻳﺎﭘﻮﻥ ﺑﺎﺳﻘﯘﻧﭽﯩﻠﯩﺮﯨﻐﺎ ﻗﺎﺭﺷﻰ ﻣﯩﻠﻠﯩﻲ ﺑﯩﺮﻟﯩﻚ ﺳﻪﭘﻨﯩﯔ ﺷﻪﻛﯩﻠﻠﯩﻨﯩﺸﻰ ( 1937 - ﻳﯩﻞ )
1937 - ﻳﯩﻠﻰ ﺟﯘﯕﮕﻮ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﻰ ﺑﯩﻠﻪﻥ ﺷﯧﯔ ﺷﯩﺴﻪﻱ ﻳﺎﭘﻮﻥ ﺑﺎﺳﻘﯘﻧﭽﯩﻠﯩﺮﯨﻐﺎ ﻗﺎﺭﺷﻰ ﻣﯩﻠﻠﯩﻲ ﺑﯩﺮﻟﯩﻚ ﺳﻪﭖ ﻗﯘﺭﺩﻯ . ﺟﯘﯕﮕﻮ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﻰ ﺯﻭﺭ ﺗﯜﺭﻛﯜﻣﺪﯨﻜﻰ ﻛﻮﻣﻤﯘﻧﯩﺴﺘﻼﺭﻧﻰ ﺷﯩﻨﺠﺎﯕﺪﺍ ﺧﯩﺰﻣﻪﺕ ﺋﯩﺸﻠﻪﺷﻜﻪ ﺋﻪﯞﻩﺗﯩﭗ ، ﺷﯩﻨﺠﺎﯕﻨﯩﯔ ﻣﯘﻗﯩﻤﻠﯩﻘﻰ ، ﺗﻪﺭﻩﻗﻘﯩﻴﺎﺗﯩﻐﺎ ﺗﯚﻫﭙﻪ ﻗﻮﺷﺘﻰ .
10 . ﺋﯜﭺ ﯞﯨﻼﻳﻪﺕ ﺋﯩﻨﻘﯩﻼﺑﻰ ( 1944 - ﻳﯩﻞ )
1944 - ﻳﯩﻠﻰ 8 - ﺋﺎﻳﺪﺍ ﭘﺎﺗﯩﺦ ﻗﺎﺗﺎﺭﻟﯩﻘﻼﺭ ﻧﯩﻠﻘﺎ ﻧﺎﻫﯩﻴﯩﺴﯩﺪﻩ ﮔﻮﻣﯩﻨﺪﺍﯕﻨﯩﯔ ﻫﯚﻛﯜﻣﺮﺍﻧﻠﯩﻘﯩﻐﺎ ﻗﺎﺭﺷﻰ ﻗﻮﺯﻏﯩﻼﯓ ﻛﯚﺗﯜﺭﺩﻯ ، ﻗﻮﺯﻏﯩﻼﯕﭽﯩﻼﺭ 11 - ﺋﺎﻳﻨﯩﯔ 12 - ﻛﯜﻧﻰ ﯞﺍﻗﯩﺘﻠﯩﻖ ﺋﯩﻨﻘﯩﻼﺑﯩﻲ ﻫﯚﻛﯜﻣﻪﺕ ﻗﯘﺭﺩﻯ . ﺋﯩﻜﻜﯩﻨﭽﻰ ﻳﯩﻠﻰ ﺗﺎﺭﺑﺎﻏﺎﺗﺎﻳﻨﯩﯔ ﺷﯩﻤﺎﻟﯩﺪﯨﻜﻰ ﺗﯚﺕ ﻧﺎﻫﯩﻴﯩﺴﻰ ، ﺋﺎﻟﺘﺎﻱ ﯞﯨﻼﻳﯩﺘﻰ ﯞﻩ ﺷﯩﻤﺎﻟﯩﻲ ﺷﯩﻨﺠﺎﯕﺪﯨﻜﻰ ﻣﯘﻫﯩﻢ ﺑﺎﺯﺍﺭ ﺷﯩﺨﻮﻧﻰ ﺋﯩﺸﻐﺎﻝ ﻗﯩﻠﯩﭗ ، ﺋﯩﻠﻰ ، ﺗﺎﺭﺑﺎﻏﺎﺗﺎﻱ ﯞﻩ ﺋﺎﻟﺘﺎﻱ ﯞﯨﻼﻳﻪﺗﻠﯩﺮﯨﻨﻰ ﺗﯘﺗﺎﺷﺘﯘﺭﺩﻯ ﻓﺮﻭﻧﺘﯩﻨﻰ ﻣﺎﻧﺎﺱ ﺩﻩﺭﻳﺎﺳﯩﻨﯩﯔ ﻏﻪﺭﺑﯩﻲ ﻗﯩﺮﻏﯩﻘﯩﺪﺍ ﻣﯘﻗﯩﻤﻼﺷﺘﯘﺭﯗﭖ ، ﺗﺎﻛﻰ ﺗﯩﻨﭽﻠﯩﻖ ﺳﯚﻫﺒﯩﺘﻰ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﺍﻧﻐﺎﻧﻐﺎ ﻗﻪﺩﻩﺭ ، ﮔﻮﻣﯩﻨﺪﺍﯓ ﺋﺎﺭﻣﯩﻴﯩﺴﻰ ﺑﯩﻠﻪﻥ ﺭﻭﺑﯩﺮﻭ ﺗﯩﺮﻛﯩﺸﯩﭗ ﺗﯘﺭﺩﻯ .
11 . ﺷﯩﻨﺠﺎﯓ ﺗﯩﻨﭻ ﺋﺎﺯﺍﺩ ﺑﻮﻟﺪﻯ ( 1949 - ﻳﯩﻞ )
1949 - ﻳﯩﻠﻰ ﻣﻪﻣﻠﯩﻜﻪﺕ ﻣﯩﻘﻴﺎﺳﯩﺪﺍ ﺋﺎﺯﺍﺩﻟﯩﻖ ﺋﯘﺭﯗﺵ ﻏﻪﻟﯩﺒﯩﺲ ﻗﻮﻟﻐﺎ ﻛﯧﻠﯩﺶ ﻫﺎﺭﭘﯩﺴﯩﺪﺍ ، ﺗﺎﯞ ﺳﯩﻴﯚ ﺑﯩﻠﻪﻥ ﺑﯘﺭﻫﺎﻥ ﺷﻪﻫﯩﺪﻯ ﺷﯩﻨﺠﺎﯕﻨﯩﯔ ﺋﺎﺭﻣﯩﻴﻪ ﯞﻩ ﻫﯚﻛﯜﻣﻪﺕ ﺳﺎﻫﻪﺳﯩﺪﯨﻜﯩﻠﻪﺭﮔﻪ ﯞﻩﻛﺎﻟﯩﺘﻪﻥ ، 9 - ﺋﺎﻳﻨﯩﯔ 25 - ﯞﻩ 26 - ﻛﯜﻧﻠﯩﺮﻯ ﻫﻪﻗﯩﻘﻪﺗﻜﻪ ﻗﺎﻳﺘﯩﺶ ﺗﯧﻠﯧﮕﺮﺍﻣﻤﯩﺴﻰ ﺋﻪﯞﻩﺗﯩﭗ ، ﺧﻪﻟﻖ ﺗﻪﺭﻩﭘﻜﻪ ﺋﯚﺗﻜﻪﻧﻠﯩﻜﯩﻨﻰ ﺟﺎﻛﺎﺭﻟﯩﺪﻯ .
ﺧﻪﻟﻖ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﯩﻨﯩﯔ 2 - ﯞﻩ 6 - ﺟﯜﻧﯩﺪﯨﻜﻰ 100 ﻣﯩﯔ ﻛﻮﻣﺎﻧﺪﯨﺮ ، ﺟﻪﯕﭽﻰ 10 - ﺋﺎﻳﻨﯩﯔ 10 - ﻛﯜﻧﻰ ﻳﯜﻳﻤﯧﻦ ﻗﻮﯞﯗﻗﯩﺪﯨﻦ ﺋﯚﺗﯜﭖ ، ﺷﯩﻨﺠﺎﯕﻐﺎ ﻳﯜﺭﯛﺵ ﻗﯩﻠﺪﻯ . ﻛﻮﻣﺎﻧﺪﯨﺮ - ﺟﻪﯕﭽﯩﻠﻪﺭ ﻳﻮﻝ ﺋﯜﺳﺘﯩﺪﻩ ﺗﻪﺳﻪﯞﯞﯗﺭ ﻗﯩﻠﻐﯘﺳﯩﺰ ﻗﯩﻴﯩﻨﭽﯩﻠﯩﻘﻼﺭﻧﻰ ﻳﯧﯖﯩﭗ ، 1949 - ﻳﯩﻠﯩﻨﯩﯔ ﺋﺎﺧﯩﺮﻟﯩﺮﻯ ﺷﯩﻨﺠﺎﯕﻨﯩﯔ ﺟﺎﻱ - ﺟﺎﻳﻠﯩﺮﯨﻐﺎ ﻏﻪﻟﯩﺒﯩﻠﯩﻚ ﻳﯧﺘﯩﭗ ﺑﯧﺮﯨﭗ ، ﻗﯩﺰﯨﻠﺒﺎﻳﺮﺍﻗﻨﻰ ﺗﻪﯕﺮﯨﺘﺎﻏﻨﯩﯔ ﺟﻪﻧﯘﺑﻰ ﯞﻩ ﺷﯩﻤﺎﻟﯩﺪﺍ ﺟﻪﯞﻻﻥ ﻗﯩﻠﺪﯗﺭﺩﻯ .
12 . ﺷﯩﻨﺠﺎﯕﺪﺍ ﭘﺎﺭﺗﯩﻴﯩﻨﯩﯔ ﻫﻪﺭ ﺩﻩﺭﯨﺠﯩﻠﯩﻚ ﺗﻪﺷﻜﯩﻼﺗﻠﯩﺮﻯ ﻗﯘﺭﯗﻟﺪﻯ ( 1949 - ﻳﯩﻞ )
1949 - ﻳﯩﻞ 11 - ﺋﺎﻳﻨﯩﯔ 8 - ﻛﯜﻧﻰ ، ﺝ ﻙ ﭖ ﻣﻪﺭﻛﯩﺰﯨﻲ ﻛﻮﻣﯩﺘﯧﺘﯩﻨﯩﯔ ﯞﺍﯓ ﺟﯧﻦ ﺑﺎﺷﭽﯩﻠﯩﻘﯩﺪﯨﻜﻰ ﺷﯩﻨﺠﺎﯓ ﺷﯚﺑﻪ ﺑﻴﯘﺭﻭﺳﻰ ﻗﯘﺭﯗﻟﺪﻯ . ﺋﺎﺭﻗﯩﺪﯨﻦ ﺷﻪﻫﻪﺭﻟﻪﺭﻧﻰ ﻳﯧﺰﯨﻼﺭﻏﯩﭽﻪ ، ﻳﯘﻗﯩﺮﯨﺪﯨﻦ ﺗﯚﯞﻩﻧﮕﯩﭽﻪ ﺗﻪﺩﺭﯨﺠﯩﻲ ﻳﻮﺳﯘﻧﺪﺍ ﭘﺎﺭﺗﯩﻴﯩﮕﻪ ﺋﻪﺯﺍ ﻗﻮﺑﯘﻝ ﻗﯩﻠﯩﻨﺪﻯ ﯞﻩ ﭘﺎﺭﺗﯩﻴﻪ ﺗﻪﺷﻜﯩﻼﺗﻠﯩﺮﻯ ﻗﯘﺭﯗﻟﺪﻯ . ﺋﺎﻟﺪﻯ ﺑﯩﻠﻪﻥ ﺷﯚﺑﻪ ﺑﻴﯘﺭﻭﺩﯨﻦ ﺑﺎﺷﻼﭖ ﻫﻪﺭ ﻣﯩﻠﻠﻪﺗﺘﯩﻦ ﺑﻮﻟﻐﺎﻥ ﺑﯩﺮ ﺗﯜﺭﻛﯜﻡ ﺋﯩﻠﻐﺎﺭﻻﺭ ﭘﺎﺭﺗﯩﻴﯩﮕﻪ ﻗﻮﺑﯘﻝ ﻗﯩﻠﯩﻨﺪﻯ ، ﺋﯘﻻﺭ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﯨﻦ ﻳﯚﺗﻜﻪﭖ ﻛﯧﻠﯩﻨﮕﻪﻥ ﭘﺎﺭﺗﯩﻴﻪ ﺋﻪﺯﺍﻟﯩﺮﻯ ﺑﯩﻠﻪﻥ ﻗﻮﺷﯘﻟﺪﻯ ، ﻧﺎﻫﯩﻴﻪ - ﺭﺍﻳﻮﻧﻠﯘﻕ ﭘﺎﺭﺗﻜﻮﻡ ، ﻳﺎﭼﯧﻴﻜﺎ ﻗﺎﺗﺎﺭﻟﯩﻖ ﺗﻪﺷﻜﯩﻼﺗﻼﺭ ﻗﯘﺭﯗﻟﺪﻯ . ﺋﯜﭺ ﻳﯩﻞ ﺗﯩﺮﯨﺸﯩﺶ ﺋﺎﺭﻗﯩﻠﯩﻖ ، 1952 - ﻳﯩﻠﻰ 7 - ﺋﺎﻳﺪﺍ ﺷﯩﻨﺠﺎﯕﺪﺍ ﻳﻪﺭﻟﯩﻚ ﭘﺎﺭﺗﯩﻴﻪ ﺗﻪﺷﻜﯩﻼﺗﻰ ﻗﯘﺭﯗﺵ ﯞﻩﺯﯨﭙﯩﺴﻰ ﺋﺎﺳﺎﺳﻪﻥ ﺋﻮﺭﯗﻧﺪﺍﻟﺪﻯ .
13 . ﺷﯩﻨﺠﺎﯕﺪﺍ ﻳﻪﺭ ﺋﯩﺴﻼﻫﺎﺗﻰ ﺋﯧﻠﯩﭗ ﺑﯧﺮﯨﻠﺪﻯ ( 1953 - ﻳﯩﻞ )
1951 - ﻳﯩﻠﻰ 5 - ﺋﺎﻳﺪﺍ ﻳﯧﺰﯨﻼﺭﺩﺍ ﺋﯩﺠﺎﺭﻩ ﻛﯧﻤﻪﻳﺘﯩﭗ ، ﺯﻭﻣﯩﮕﻪﺭﻟﻪﺭﮔﻪ ﻗﺎﺭﺷﻰ ﺗﯘﺭﯗﺵ ﺧﯩﺰﻣﯩﺘﻰ ﺑﺎﺷﻼﻧﺪﻯ ، ﺷﯩﻨﺠﺎﯓ ﺑﻮﻳﯩﭽﻪ 742 ﻣﯩﯔ ﺩﯦﻬﻘﺎﻥ ﺩﯦﻬﻘﺎﻧﻼﺭ ﺋﯘﻳﯘﺷﻤﯩﺴﯩﻐﺎ ﻗﺎﺗﻨﺎﺷﺘﻰ ، ﺋﻮﺗﺘﯘﺭﺍ ﻫﯧﺴﺎﺏ ﺑﯩﻠﻪﻥ ﻫﻪﺭ ﺑﯩﺮ ﺋﺎﺋﯩﻠﯩﻠﯩﻚ ﺩﯦﻬﻘﺎﻧﻐﺎ 300 ، 400 ﺟﯩﯖﺪﯨﻦ ﺑﯘﻏﺪﺍﻱ ﺗﻪﻗﺴﯩﻢ ﻗﯩﻠﯩﭗ ﺑﯧﺮﯨﻠﺪﻯ . 1952 - ﻳﯩﻠﻰ ﺋﻪﺗﯩﻴﺎﺯﺩﺍ ﻳﻪﺭ ﺋﯩﺴﻼﻫﺎﺗﻰ ﺑﺎﺷﻼﻧﺪﻯ . ﻫﻪﺭﯨﻜﻪﺕ ﺩﺍﯞﺍﻣﯩﺪﺍ ﭘﻮﻣﯧﺸﭽﯩﻚ ، ﺑﺎﻱ ﺩﯦﻬﻘﺎﻥ ﻗﺎﺗﺎﺭﻟﯩﻘﻼﺭﻧﯩﯔ ﺟﻪﻣﺌﯩﻲ 7 ﻣﯩﻠﻴﻮﻥ 370 ﻣﯩﯔ ﻣﻮ ﻳﯧﺮﻯ ﻣﯘﺳﺎﺩﯨﺮﻩ ﻗﯩﻠﯩﻨﯩﭗ ﯞﻩ ﺗﺎﺭﺗﯩﯟﯦﻠﯩﻨﯩﭗ ، ﻳﯧﺮﻯ ﺋﺎﺯ ﻫﻪﺭ ﻣﯩﻠﻠﻪﺕ ﺩﯦﻬﻘﺎﻧﻼﺭﻏﺎ ﺗﻪﻗﺴﯩﻢ ﻗﯩﻠﯩﭗ ﺑﯧﺮﯨﻠﺪﻯ .
14 . ﺷﯩﻨﺠﺎﯓ ﺋﯩﺸﻠﻪﭘﭽﯩﻘﯩﺮﯨﺶ - ﻗﯘﺭﯗﻟﯘﺵ ﺑﯩﯖﺘﯜﻩﻧﻰ ﻗﯘﺭﯗﻟﺪﻯ ( 1954 - ﻳﯩﻞ )
ﺷﯩﻨﺠﺎﯓ ﺋﯩﺸﻠﻪﭘﭽﯩﻘﯩﺮﯨﺶ - ﻗﯘﺭﯗﻟﯘﺵ ﺑﯩﯖﺘﯜﻩﻧﻰ 1954 - ﻳﯩﻠﻰ 10 - ﺋﺎﻳﻨﯩﯔ 7 - ﻛﯜﻧﻰ ﻗﯘﺭﯗﻟﺪﻯ ، ﺋﺎﺯﺍﺩﻟﯩﻖ ﺋﺎﺭﻣﯩﻴﯩﻨﯩﯔ ﺷﻰ ، ﺗﯜﻩﻥ ، ﻳﯩﯔ ، ﻟﻴﻪﻥ ﻗﺎﺗﺎﺭﻟﯩﻖ ﺗﻪﺷﻜﯩﻠﯩﻲ ﺷﻪﻛﻠﻰ ﺳﺎﻗﻼﭖ ﻗﯧﻠﯩﻨﺪﻯ ، ﺋﯘ ﺷﯩﻨﺠﺎﯕﻨﯩﯔ 63 ﻧﺎﻫﯩﻴﯩﺴﯩﺪﯨﻜﻰ 172 ﺩﯦﻬﻘﺎﻧﭽﯩﻠﯩﻖ - ﭼﺎﺭﯞﯨﭽﯩﻠﯩﻖ ﺗﯜﻩﻥ - ﻣﻪﻳﺪﺍﻧﻰ ، 761 ﻣﯘﺳﺘﻪﻗﯩﻞ ﻫﯧﺴﺎﺑﺎﺕ ﻗﯩﻠﯩﺪﯨﻐﺎﻥ ﺳﺎﻧﺎﺋﻪﺕ ، ﻗﺎﺗﻨﺎﺵ ، ﻗﯘﺭﯗﻟﯘﺵ ، ﺳﻮﺩﺍ ﻛﺎﺭﺧﺎﻧﯩﺴﻰ ﻫﻪﻡ ﻣﺎﺋﺎﺭﯨﭗ ، ﺩﺍﯞﺍﻻﺵ ، ﭘﻪﻥ - ﺗﻪﺗﻘﯩﻘﺎﺕ ، ﻣﻪﺩﻩﻧﯩﻴﻪﺕ - ﺳﻪﻧﺌﻪﺕ ، ﭘﯘﻝ ﻣﯘﺋﺎﻣﯩﻠﯩﺴﻰ ﯞﻩ ﺳﯘﻏﯘﺭﺗﺎ ﻗﺎﺗﺎﺭﻟﯩﻖ ﺋﺎﭘﭙﺎﺭﺍﺗﻼﺭﻏﺎ ، ﺷﯘﻧﺪﺍﻗﻼ ﺝ ﺥ ، ﺗﻪﭘﺘﯩﺶ ، ﺳﻮﺕ ﺋﻮﺭﮔﯩﻨﻰ ﻫﻪﻡ ﻗﻮﺭﺍﻟﻠﯩﻖ ﻛﯜﭼﯩﮕﻪ ﺋﯩﮕﻪ ﺑﻮﻟﯘﭖ ، ﺑﻮﺯ ﻳﻪﺭ ﺋﯧﭽﯩﭗ ﭼﯧﮕﺮﯨﻨﻰ ﻗﻮﻏﺪﺍﺷﺘﻪﻙ ﺗﺎﺭﯨﺨﯩﻲ ﺑﯘﺭﭼﻨﻰ ﺋﺎﺩﺍ ﻗﯩﻠﯩﺪﯨﻐﺎﻥ ﺋﺎﻻﻫﯩﺪﻩ ﺳﯩﻴﺎﺳﯩﻲ ، ﺋﯩﻘﺘﯩﺴﺎﺩﯨﻲ ، ﻫﻪﺭﺑﯩﻲ ﯞﻩ ﺋﯩﺠﺘﯩﻤﺎﺋﯩﻲ ﺗﻪﺷﻜﯩﻼﺕ ﺑﻮﻟﯘﭖ ﻗﺎﻟﺪﻯ . ﺋﯘ ، ﺷﯩﻨﺠﺎﯕﻨﯩﯔ ﺋﯩﻘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﻰ ﯞﻩ ﺋﯩﺠﺘﯩﻤﺎﺋﯩﻲ ﻣﯘﻗﯩﻤﻠﯩﻘﯩﻐﺎ ﻏﺎﻳﻪﺕ ﺯﻭﺭ ﺗﯚﻫﭙﻪ ﻗﻮﺷﺘﻰ .
15 . ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻗﯘﺭﯗﻟﺪﻯ ( 1955 - ﻳﯩﻞ )
1952 - ﻳﯩﻠﯩﺪﯨﻦ ﺑﺎﺷﻼﭖ ، ﻫﻪﺭ ﻗﺎﻳﺴﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺗﻮﭘﻠﯩﺸﯩﭗ ﺋﻮﻟﺘﯘﺭﺍﻗﻼﺷﻘﺎﻥ ﺭﺍﻳﻮﻧﻼﺭﺩﺍ ﻣﯩﻠﻠﯩﻲ ﺗﯧﺮﺭﯨﺘﻮﺭﯨﻴﯩﻠﯩﻚ ﺋﺎﭘﺘﻮﻧﻮﻣﯩﻴﻪ ﺗﻪﺩﺭﯨﺠﯩﻲ ﻳﻮﻟﻐﺎ ﻗﻮﻳﯘﻟﺪﻯ . 1954 - ﻳﯩﻠﯩﻐﺎ ﻛﻪﻟﮕﻪﻧﺪﻩ ﺧﯜﻳﺰﯗ ، ﺷﯩﺒﻪ ، ﻗﺎﺯﺍﻕ ، ﻣﻮﯕﻐﯘﻝ ، ﺗﺎﺟﯩﻜﻼﺭ ﺋﻮﻟﺘﯘﺭﺍﻗﻼﺷﻘﺎﻥ ﺭﺍﻳﻮﻧﻼﺭﺩﺍ ﺋﯩﻠﮕﯩﺮﻯ - ﻛﯧﻴﯩﻦ ﺑﻮﻟﯘﭖ 16 ﻣﯩﻠﻠﯩﻲ ﻳﯧﺰﺍ ، ﺋﺎﻟﺘﻪ ﺋﺎﭘﺘﻮﻧﻮﻡ ﻧﺎﻫﯩﻴﻪ ، ﺑﻪﺵ ﺋﺎﭘﺘﻮﻧﻮﻡ ﺋﻮﺑﻼﺳﺖ ﻗﯘﺭﯗﻟﺪﻯ . ﻣﯘﺷﯘ ﺋﺎﺳﺎﺳﺘﺎ ، 1955 - ﻳﯩﻠﻰ 10 - ﺋﺎﻳﻨﯩﯔ 1 - ﻛﯜﻧﻰ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻗﯘﺭﯗﻟﺪﻯ .
16 . ﻗﺎﺭﺍﻣﺎﻱ ﻧﯧﻔﯩﺘﻠﯩﻜﻰ ﺋﯧﭽﯩﻠﺪﻯ ( 1958 - ﻳﯩﻞ )
ﻗﺎﺭﺍﻣﺎﻱ ﻧﯧﻔﯩﺘﻠﯩﻜﻰ ﻳﯧﯖﻰ ﺟﯘﯕﮕﻮ ﻗﯘﺭﯗﻟﻐﺎﻧﺪﯨﻦ ﻛﯧﻴﯩﻦ ﺋﯧﭽﯩﻠﻐﺎﻥ ﺑﯩﺮﯨﻨﭽﻰ ﭼﻮﯓ ﻧﯧﻔﯩﺘﻠﯩﻚ ﺑﻮﻟﯘﭖ ، 1958 - ﻳﯩﻠﻰ ﺭﻩﺳﻤﯩﻲ ﺋﯧﭽﯩﻠﺪﻯ ، 1960 - ﻳﯩﻠﯩﻐﺎ ﻛﻪﻟﮕﻪﻧﺪﻩ ، ﺋﯧﻠﯩﻨﻐﺎﻥ ﻧﯧﻔﯩﺖ ﻣﯩﻘﺪﺍﺭﻯ ﺑﯩﺮ ﻣﯩﻠﻴﻮﻥ 640 ﺗﻮﻧﻨﯩﻐﺎ ﻳﯧﺘﯩﭗ ، ﻣﻪﻣﻠﯩﻜﯩﺘﯩﻤﯩﺰﻧﯩﯔ ﺷﯘ ﻳﯩﻠﻘﻰ ﺗﻪﺑﯩﺌﯩﻲ ﻧﯧﻔﯩﺖ ﻣﯩﻘﺪﺍﺭﯨﻨﯩﯔ 39 ﭘﯩﺮﺳﻪﻧﺘﯩﻨﻰ ﺋﯩﮕﯩﻠﯩﺪﻯ ، ﺋﯘ ، ﻳﯧﯖﻰ ﺟﯘﯕﮕﻮﻧﯩﯔ ﻧﯧﻔﯩﺖ ﺳﺎﻧﺎﺋﯩﺘﯩﻨﯩﯔ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺗﯘﻧﺠﻰ ﺋﺎﺑﯩﺪﻩ ﺗﯩﻜﻠﯩﺪﻯ .
17 . ﻟﻪﻧﺠﯘ - ﺷﯩﻨﺠﺎﯓ ﺗﯚﻣﯜﺭ ﻳﻮﻟﻰ ﭘﯜﺗﯜﭖ ﻗﺎﺗﻨﺎﺵ ﺑﺎﺷﻼﻧﺪﻯ ( 1952 - ﻳﯩﻞ )
1952 - ﻳﯩﻠﻰ 10 - ﺋﺎﻳﺪﺍ ﻟﻪﻧﺠﯘ - ﺷﯩﻨﺠﺎﯓ ﺗﯚﻣﯜﺭ ﻳﻮﻟﻰ ﻗﯘﺭﯗﻟﯘﺷﻰ ﺑﺎﺷﻠﯩﻨﯩﭗ ، 1962 - ﻳﯩﻠﻰ 12- ﺋﺎﻳﺪﺍ ﭘﯜﺗﯜﻥ ﻟﯩﻨﯩﻴﻪ ﺑﻮﻳﯩﭽﻪ ﻗﺎﺗﻨﺎﺵ ﺑﺎﺷﻼﻧﺪﻯ . ﻟﻪﻧﺠﯘ - ﺷﯩﻨﺠﺎﯓ ﺗﯚﻣﯜﺭ ﻳﻮﻟﯩﻨﯩﯔ ﺋﻮﻣﯘﻣﯩﻲ ﺋﯘﺯﯗﻧﻠﯘﻗﻰ 1894 ﻛﯩﻠﻮﻣﯧﺘﯩﺮ ﺑﻮﻟﯘﭖ ، ﺷﯩﻨﺠﺎﯓ ﭼﯧﮕﺮﯨﺴﻰ ﺋﯩﭽﯩﺪﯨﻜﻰ ﻗﯩﺴﻤﯩﻨﯩﯔ ﺋﯘﺯﯗﻧﻠﯘﻗﻰ 753 ﻛﯩﻠﻮﻣﯧﺘﯩﺮ ﻛﯧﻠﯩﺪﯗ . ﻟﻪﻧﺠﯘ - ﺷﯩﻨﺠﺎﯓ ﺗﯚﻣﯜﺭ ﻳﻮﻟﯩﻨﯩﯔ ﭘﯜﺗﯜﺷﻰ ﺗﺮﺍﻧﺴﯩﭙﻮﺭﺗﺘﺎ ﺗﺎﻣﺎﻣﻪﻥ ﺗﺎﺷﻴﻮﻟﻐﺎ ﺗﺎﻳﯩﻨﯩﺶ ﺗﺎﺭﯨﺨﯩﻐﺎ ﺧﺎﺗﯩﻤﻪ ﺑﻪﺭﺩﻯ ، ﺋﯘ ، ﺷﯩﻨﺠﺎﯕﻨﯩﯔ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﺘﻪ ﺋﯩﻨﺘﺎﻳﯩﻦ ﻣﯘﻫﯩﻢ ﺋﻪﻫﻤﯩﻴﻪﺗﻜﻪ ﺋﯩﮕﻪ .
18 . ﻫﯩﻨﺪﯨﺴﺘﺎﻧﻐﺎ ﻗﺎﺭﺷﻰ ﺋﯚﺯﯨﻤﯩﺰﻧﻰ ﻗﻮﻏﺪﺍﭖ ﻗﺎﻳﺘﯘﺭﻣﺎ ﺯﻩﺭﺑﻪ ﺑﯧﺮﯨﺶ ﺋﯘﺭﯗﺷﻰ ( 1962 - ﻳﯩﻞ )
1962 - ﻳﯩﻠﻰ ﻫﯩﻨﺪﯨﺴﺘﺎﻥ ﻗﻮﺷﯘﻧﻠﯩﺮﻯ ﺟﯘﯕﮕﻮﻧﯩﯔ ﭼﯧﮕﺮﺍ ﻣﯘﺩﺍﭘﯩﺌﻪ ﻗﯩﺴﯩﻤﻠﯩﺮﯨﻨﻰ ﺷﯩﺪﺩﻩﺗﻠﯩﻚ ﺗﻮﭘﻘﺎ ﺗﯘﺗﺘﻰ . ﭼﯩﺪﺍﭖ ﺗﯘﺭﻏﯘﺳﯩﺰ ﺋﻪﻫﯟﺍﻟﺪﺍ ، 10 - ﺋﺎﻳﻨﯩﯔ 20 - ﻛﯜﻧﻰ ﺋﯚﺯﯨﻤﯩﺰﻧﻰ ﻗﻮﻏﺪﺍﭖ ﻗﺎﻳﺘﯘﺭﻣﺎ ﺯﻩﺭﺑﻪ ﺑﯧﺮﯨﺸﻜﻪ ﺑﺎﺷﻠﯩﺪﯗﻕ . ﭼﯧﮕﺮﺍ ﻣﯘﺩﺍﭘﯩﺌﻪ ﻗﯩﺴﯩﻤﻠﯩﺮﯨﻤﯩﺰ ﺗﺎﺟﺎﯞﯗﺯ ﻗﯩﻠﯩﭗ ﻛﯩﺮﮔﻪﻥ ﻫﯩﻨﺪﯨﺴﺘﺎﻥ ﻗﻮﺷﯘﻧﻠﯩﺮﯨﻨﻰ ﺋﯩﻜﻜﻰ ﺑﺎﺳﻘﯘﭼﻘﺎ ﺑﯚﻟﯜﭖ ﭼﯧﮕﺮﯨﻤﯩﺰﺩﯨﻦ ﺗﻮﻟﯘﻕ ﻗﻮﻏﻼﭖ ﭼﯩﻘﺎﺭﺩﻯ ، ﺷﯘﻧﯩﯔ ﺑﯩﻠﻪﻥ ﺑﯩﻠﻠﻪ ، ﺯﯦﻤﯩﻨﯩﻤﯩﺰﺩﺍ ﻗﯘﺭﯗﻟﻐﺎﻥ ﺑﯩﺮ ﻗﺎﻧﭽﻪ ﺋﻮﻥ ﺗﺎﻳﺎﻧﭻ ﭘﻮﻧﻜﯩﺘﯩﻨﯩﯔ ﻫﻪﻣﻤﯩﺴﯩﻨﻰ ﺗﺎﺯﯨﻠﯩﺪﻯ .
19 . ﺋﯩﻠﻰ ، ﭼﯚﭼﻪﻙ ﯞﻩﻗﻪﺳﻰ ( 1962 - ﻳﯩﻞ )
1962 - ﻳﯩﻠﻰ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺋﯧﻠﯩﻤﯩﺰ ﺋﯩﻘﺘﯩﺴﺎﺩﻯ ﯞﺍﻗﯩﺘﻠﯩﻖ ﻗﯩﻴﯩﻨﭽﯩﻠﯩﻘﻘﺎ ﺩﯗﭺ ﻛﻪﻟﮕﻪﻧﻠﯩﻜﯩﺪﯨﻦ ﭘﺎﻳﺪﯨﻠﯩﻨﯩﭗ ، ﺷﯩﻨﺠﺎﯕﻨﯩﯔ ﭼﯧﮕﺮﺍ ﺑﻮﻳﯩﺪﯨﻜﻰ ﺋﺎﻫﺎﻟﯩﺴﯩﻨﻰ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﺑﯧﺮﯨﭗ ﺋﻮﻟﺘﯘﺭﺍﻗﻠﯩﺸﯩﺸﻘﺎ ﻫﻪﺩﻩﭖ ﻗﯘﺗﺮﺍﺗﺘﻰ ، ﺷﯘ ﻳﯩﻠﻰ 4 - ﺋﺎﻳﻨﯩﯔ ﺑﺎﺷﻠﯩﺮﯨﺪﯨﻦ 5 - ﺋﺎﻳﻨﯩﯔ ﺋﺎﺧﯩﺮﯨﻐﯩﭽﻪ ﺋﯩﻠﻰ ، ﺗﺎﺭﺑﺎﻏﺎﺗﺎﻱ ﯞﯨﻼﻳﻪﺗﻠﯩﺮﯨﺪﻩ 60 ﻣﯩﯖﺪﯨﻦ ﺋﺎﺭﺗﯘﻕ ﻛﯩﺸﻰ ﭼﯧﮕﺮﯨﺪﯨﻦ ﻗﺎﻧﯘﻧﺴﯩﺰ ﺋﯚﺗﯜﭖ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﻛﻪﺗﺘﻰ ، 5 - ﺋﺎﻳﻨﯩﯔ 29 - ﻛﯜﻧﻰ ﺋﺎﺯ ﺳﺎﻧﺪﯨﻜﻰ ﺑﯘﺯﯗﻗﻼﺭﻧﯩﯔ ﭘﯩﻼﻧﻠﯩﺸﻰ ﺑﯩﻠﻪﻥ ﺋﯩﻠﻰ ﺋﻮﺑﻼﺳﺘﻠﯩﻖ ﭘﺎﺭﺗﻜﻮﻣﻨﻰ ﻗﻮﺭﺷﯩﯟﯦﻠﯩﺸﺘﻪﻙ ﺋﻪﻛﺴﯩﻠﺌﯩﻨﻘﯩﻼﺑﯩﻲ ﺗﻮﭘﯩﻼﯓ ﻳﯜﺯ ﺑﻪﺭﺩﻯ ، ﻛﯧﻴﯩﻦ ﺗﯩﻨﭽﯩﺘﯩﻠﺪﻯ .
20 . ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﻰ ﺗﻪﺭﺑﯩﻴﯩﺴﻰ ﺋﯧﻴﻰ
1982 - ﻳﯩﻠﻰ 11 - ﺋﺎﻳﺪﺍ ﺋﺎﭘﺘﻮﻧﻮﻡ ﺭﺍﻳﻮﻥ ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﻰ ﺑﻮﻳﯩﭽﻪ ﺗﻪﻗﺪﯨﺮﻟﻪﺵ ﻳﯩﻐﯩﻨﻰ ﺋﺎﭼﺘﻰ ، ﺷﯘﻧﺪﺍﻗﻼ ﻫﻪﺭ ﻳﯩﻠﻰ 5 - ﺋﺎﻳﻨﻰ << ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﻰ ﺗﻪﺭﺑﯩﻴﯩﺴﻰ ﺋﯧﻴﻰ >> ﻗﯩﻠﯩﺸﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ .
21 . ﺑﺎﺭﯨﻦ ﻳﯧﺰﯨﺴﯩﺪﯨﻜﻰ ﻗﻮﺭﺍﻟﻠﯩﻖ ﺗﻮﭘﯩﻼﯓ ﺗﯩﻨﭽﯩﺘﯩﻠﺪﻯ ( 1990 - ﻳﯩﻞ )
1990 - ﻳﯩﻠﻰ 4 - ﺋﺎﻳﻨﯩﯔ 5 - ﻛﯜﻧﻰ ﺋﺎﻗﺘﯘ ﻧﺎﻫﯩﻴﯩﺴﯩﻨﯩﯔ ﺑﺎﺭﯨﻦ ﻳﯧﺰﯨﺴﯩﺪﺍ ﺑﯩﺮ ﺋﻮﭼﯘﻡ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﻪﺭ ﺋﯩﭽﻜﻰ - ﺗﺎﺷﻘﻰ ﺩﯛﺷﻤﻪﻥ ﻛﯜﭼﻠﻪﺭﻧﯩﯔ ﻗﻮﻟﻠﯩﺸﻰ ﺑﯩﻠﻪﻥ ﻗﻮﺭﺍﻟﻠﯩﻖ ﺗﻮﭘﯩﻼﯓ ﻗﻮﺯﻏﯩﺪﻯ . ﻗﻮﺭﺍﻟﻠﯩﻖ ﺳﺎﻗﭽﻰ ﯞﻩ ﺝ ﺥ ﺳﺎﻗﭽﻰ - ﻛﺎﺩﯨﺮﻟﯩﺮﻯ ﺩﻩﺭﻫﺎﻝ ﺋﯚﺯﯨﻨﻰ ﻗﻮﻏﺪﺍﺵ ﺗﻪﺩﺑﯩﺮﻯ ﻗﻮﻟﻠﯩﻨﯩﭗ ، ﺗﻮﭘﯩﻼﯕﻨﻰ ﺗﯩﻨﭽﯩﺘﺘﻰ .
22 . ﺋﯜﺭﯛﻣﭽﻰ ﻳﻪﺭﻣﻪﻧﻜﯩﺴﻰ ( 1992 - ﻳﯩﻞ )
ﺋﯜﺭﯛﻣﭽﻰ ﺗﺎﺷﻘﻰ ﺋﯩﻘﺘﯩﺴﺎﺩ - ﺳﻮﺩﺍ ﻳﻪﺭﻣﻪﻧﻜﯩﺴﻰ ﺋﺎﭘﺘﻮﻧﻮﻡ ﺭﺍﻳﻮﻥ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺷﯩﻨﺠﺎﯕﻨﻰ ﺋﯧﭽﯩﺶ ، ﮔﯜﻟﻠﻪﻧﺪﯛﺭﯛﺷﺘﻪ << ﺋﻮﻣﯘﻣﯩﻲ ﺩﺍﺋﯩﺮﯨﻠﯩﻚ ﺋﯧﭽﯩﯟﯦﺘﯩﺶ ، ﻏﻪﺭﺑﻜﻪ ﻣﺎﻳﯩﻠﻠﯩﺸﯩﺶ ، ﺳﯩﺮﺗﺘﯩﻦ ﻛﯩﺮﮔﯜﺯﯛﭖ ، ﺋﯩﭽﻜﻰ ﻗﯩﺴﯩﻤﺪﺍ ﺑﯩﺮﻟﯩﺸﯩﺶ ، ﺷﻪﺭﻗﺘﯩﻜﯩﻠﻪﺭ ﺑﯩﻠﻪﻥ ﺑﯩﺮﻟﯩﺸﯩﭗ ، ﻏﻪﺭﺑﻜﻪ ﭼﯩﻘﯩﺮﯨﺶ >>ﺗﺎ ﭼﯩﯔ ﺗﯘﺭﯗﺷﺘﻪﻙ ﺳﯩﺮﺗﻘﺎ ﺋﯩﺸﯩﻜﻨﻰ ﺋﯧﭽﯩﯟﯦﺘﯩﺶ ﺑﺎﺵ ﻓﺎﯕﺠﯧﻨﯩﻨﻰ ﺋﯩﺸﻘﺎ ﺋﺎﺷﯘﺭﯗﺷﺘﯩﻜﻰ ﺯﻭﺭ ﺗﻪﺩﺑﯩﺮ .
23 . ﺟﻪﻧﯘﺑﯩﻲ ﺷﯩﻨﺠﺎﯕﺪﯨﻜﻰ ﺋﯩﭽﯩﺪﯨﻐﺎﻥ ﺳﯘﻧﻰ ﻳﺎﺧﺸﯩﻼﺵ ﻗﯘﺭﯗﻟﯘﺷﻰ ( 1997 - ﻳﯩﻞ )
1997 - ﻳﯩﻠﯩﻐﯩﭽﻪ ﺟﻪﻣﺌﯩﻲ ﺑﯩﺮ ﻣﯩﻠﻴﺎﺭﺩ ﻳﯜﻩﻧﺪﯨﻦ ﺋﺎﺭﺗﯘﻕ ﻣﻪﺑﻠﻪﻍ ﺳﯧﻠﯩﻨﯩﭗ ، 1360 ﺳﯘ ﺋﯩﺴﺘﺎﻧﺴﯩﺴﻰ ﻗﯘﺭﯗﻟﺪﻯ ، 975 ﻣﺎﺷﯩﻨﺎ ﻗﯘﺩﯗﻕ ﻗﯧﺰﯨﻠﺪﻯ ، 695 ﺳﯘ ﻣﯘﻧﺎﺭﻯ ﻳﺎﺳﺎﻟﺪﻯ ، 4536 ﭼﻮﯕﻘﯘﺭ ﺳﯘ ﭘﻮﻣﭙﯩﺴﻰ ﻳﺎﺳﺎﻟﺪﻯ ، ﺑﯘﻧﯩﯔ ﺑﯩﻠﻪﻥ ﻛﯚﻟﭽﻪﻙ ﺳﯜﻳﻰ ﺋﯩﭽﯩﺶ ﺗﺎﺭﯨﺨﯩﻐﺎ ﺧﺎﺗﯩﻤﻪ ﺑﯧﺮﯨﻠﯩﭗ ، ﺟﻪﻧﯘﺑﯩﻲ ﺷﯩﻨﺠﺎﯕﺪﯨﻜﻰ ﻫﻪﺭ ﻣﯩﻠﻠﻪﺕ ﺋﺎﻣﻤﯩﻨﯩﯔ ﺋﯩﭽﯩﺪﯨﻐﺎﻥ ﺳﯘ ﻣﻪﺳﯩﻠﯩﺴﻰ ﻫﻪﻝ ﻗﯩﻠﯩﻨﺪﻯ .
24 . ﻏﻪﺭﺑﯩﻲ ﺭﺍﻳﻮﻧﻨﻰ ﻛﻪﯓ ﻛﯚﻟﻪﻣﺪﻩ ﺋﯧﭽﯩﺶ ( 2000 - ﻳﯩﻞ )
ﺑﯘﻧﯩﯖﺪﺍ ، ﺋﯘﻝ ﻣﯘﺋﻪﺳﺴﻪﺳﻪ ﻗﯘﺭﯗﻟﯘﺷﯩﻨﯩﯔ ﺳﺎﻟﻤﯩﻘﯩﻨﻰ ﺋﺎﺷﯘﺭﯗﺵ ، ﻏﻪﺭﺑﯩﻲ ﺭﺍﻳﻮﻧﻨﯩﯔ ﻛﻪﺳﯩﭗ ﻗﯘﺭﯗﻟﻤﯩﺴﯩﻨﻰ ﺗﻪﯕﺸﻪﺷﻨﻰ ﺋﯩﻠﮕﯩﺮﻯ ﺳﯜﺭﯛﺵ ، ﻏﻪﺭﺑﯩﻲ ﺭﺍﻳﻮﻧﻨﯩﯔ ﭘﻪﻥ - ﺗﯧﺨﻨﯩﻜﺎ ، ﻣﺎﺋﺎﺭﯨﭗ ﯞﻩ ﺋﯩﺨﺘﯩﺴﺎﺱ ﺋﯩﮕﯩﻠﯩﺮﯨﻨﻰ ﺗﻪﺭﺑﯩﻴﯩﻠﻪﺷﻨﻰ ﻛﯜﭼﻪﻳﺘﯩﺶ ، ﻏﻪﺭﺑﯩﻲ ﺭﺍﻳﻮﻥ ﻣﯘﻫﯩﺘﯩﻨﻰ ﻗﻮﻏﺪﺍﺷﻘﺎ ﺋﻪﻫﻤﯩﻴﻪﺕ ﺑﯧﺮﯨﺶ ﯞﻩ ﺋﯘﻧﯩﯖﻐﺎ ﺳﺎﻟﯩﺪﯨﻐﺎﻥ ﺳﯧﻠﯩﻨﻤﯩﻨﻰ ﻛﯚﭘﻪﻳﺘﯩﺶ ، ﻏﻪﺭﺑﯩﻲ ﺭﺍﻳﻮﻧﻨﯩﯔ ﺋﯩﺴﻼﻫﺎﺕ ، ﺋﯧﭽﯩﯟﯦﺘﯩﺶ ﯞﻩ ﺗﯜﺯﯛﻟﻤﯩﺪﻩ ﻳﯧﯖﯩﻠﯩﻖ ﻳﺎﺭﯨﺘﯩﺸﻨﻰ ﺩﺍﯞﺍﻣﻠﯩﻖ ﺋﯩﻠﮕﯩﺮﻯ ﺳﯜﺭﯛﺵ ﻣﯘﻫﯩﻢ ﻧﯘﻗﺘﺎ ﻗﯩﻠﯩﻨﺪﻯ .
25 . ﻏﻪﺭﺑﻨﯩﯔ ﮔﺎﺯﯨﻨﻰ ﺷﻪﺭﻗﻘﻪ ﻳﻪﺗﻜﯜﺯﯛﺵ ﻗﯘﺭﯗﻟﯘﺷﻰ
ﺑﯘ ، ﻏﻪﺭﺑﯩﻲ ﺭﺍﻳﻮﻧﻨﻰ ﺋﯧﭽﯩﯟﯦﺘﯩﺸﺘﯩﻜﻰ ﻧﺎﻣﺎﻳﻪﻧﺪﻩ ﺧﺎﺭﺍﻛﺘﯧﺮﻟﯩﻚ ﻗﯘﺭﯗﻟﯘﺵ ﺑﻮﻟﯘﭖ ، ﺷﯩﻨﺠﺎﯓ ﺑﯩﻠﻪﻥ ﺷﺎﯕﺨﻪﻳﻨﻰ ﺗﯘﺗﺎﺷﺘﯘﺭﯨﺪﯗ . ﺑﯩﺮﯨﻨﭽﻰ ﻗﺎﺭﺍﺭﺩﺍ ﻳﯩﻠﯩﻐﺎ 12 ﻣﯩﻠﻴﺎﺭﺩ ﻛﯘﺏ ﻣﯧﺘﯩﺮ ﮔﺎﺯ ﻳﻪﺗﻜﯜﺯﯛﻟﯩﺪﯗ ، ﻣﻪﺑﻠﻪﻍ ﺳﯧﻠﯩﺶ ﻛﯚﻟﯩﻤﻰ 120 ﻣﯩﻠﻴﺎﺭﺩ ﻳﯜﻩﻥ . 2001 - ﻳﯩﻠﻰ ﺗﯘﺭﯗﺑﺎ ﻳﺎﺗﻘﯘﺯﯗﺵ ﺑﺎﺷﻠﯩﻨﯩﭗ ، 2003 - ﻳﯩﻠﻰ ﭘﯜﺗﯜﻥ ﻟﯩﻨﯩﻴﻪ ﭘﯜﺗﻜﯜﺯﯛﻟﻤﻪﻛﭽﻰ .
26 . ﺋﯜﭺ ﺋﻪﯞﻻﺩ ﺭﻩﻫﺒﻪﺭﻟﻪﺭ ﺷﯩﻨﺠﺎﯕﻐﺎ ﺋﻪﻫﻤﯩﻴﻪﺕ ﺑﻪﺭﺩﻯ
ﺑﯩﺮﯨﻨﭽﻰ ﺋﻪﯞﻻﺩ ﺭﻩﻫﺒﯩﺮﯨﻤﯩﺰ ﻣﺎﯞ ﺯﯦﺪﯗﯓ ﺷﻪﺧﺴﻪﻥ ﺗﻪﺩﺑﯩﺮ ﺑﻪﻟﮕﯩﻠﻪﭖ ، ﺷﯩﻨﺠﺎﯕﻨﻰ ﺋﺎﺯﺍﺩ ﻗﯩﻠﯩﺸﻘﺎ ﻳﯧﺘﻪﻛﻠﯩﺪﻯ ، 1952 - ﻳﯩﻠﻰ ﭘﺎﺧﺘﻪﻛﻠﻰ ﻳﯧﺰﯨﺴﯩﺪﯨﻜﻰ ﺩﯦﻬﻘﺎﻧﻼﺭﻏﺎ ﺟﺎﯞﺍﺏ ﺧﻪﺕ ﻳﯧﺰﯨﭗ ، ﺋﯘﻻﺭﻧﯩﯔ ﺋﯩﺸﻠﻪﭘﭽﯩﻘﯩﺮﯨﺸﻨﻰ ﻳﺎﺧﺸﯩﻼﭖ ، ﻣﻪﺩﻩﻧﯩﻴﻪﺕ ﺳﻪﯞﯨﻴﯩﺴﯩﻨﻰ ﺋﯚﺳﺘﯜﺭﯛﺷﻨﻰ ﺋﯜﻣﯩﺪ ﻗﯩﻠﺪﻯ ، 1963 - ﻳﯩﻠﻰ ﺷﯩﻨﺠﺎﯕﻨﯩﯔ ﺋﯩﻘﺘﯩﺴﺎﺩﻧﻰ ﺭﺍﯞﺍﺟﻼﻧﺪﯗﺭﯗﭖ ، ﺧﻪﻟﻘﻨﯩﯔ ﺗﯘﺭﻣﯘﺵ ﺳﻪﯞﯨﻴﯩﺴﯩﻨﻰ ﺋﯚﺳﺘﯜﺭﯛﺵ ﺗﻮﻏﺮﯨﺴﯩﺪﺍ ﻳﻮﻟﻴﻮﺭﯗﻕ ﺑﻪﺭﺩﻯ . ﺋﯩﻜﻜﯩﻨﭽﻰ ﺋﻪﯞﻻﺩ ﺭﻩﻫﺒﯩﺮﯨﻤﯩﺰ ﺩﯦﯔ ﺷﻴﺎﯞﭘﯩﯔ ﻗﻪﻟﺐ ﺭﯨﺸﺘﯩﺴﯩﻨﻰ ﺷﯩﻨﺠﺎﯓ ﺋﯩﺸﻠﻪﭘﭽﯩﻘﯩﺮﯨﺶ - ﻗﯘﺭﯗﻟﯘﺵ ﺑﯩﯖﺘﯜﻩﻧﯩﮕﻪ ﺑﺎﻏﻠﯩﺪﻯ ، 1981 - ﻳﯩﻠﻰ 8 - ﺋﺎﻳﺪﺍ ، ﺋﯘ ﺷﯩﻨﺠﺎﯕﻐﺎ ﻛﯧﻠﯩﭗ ﺧﯩﺰﻣﻪﺗﻠﻪﺭﻧﻰ ﻛﯚﺯﺩﯨﻦ ﻛﻪﭼﯜﺭﺩﻯ . ﺋﯜﭼﯩﻨﭽﻰ ﺋﻪﯞﻻﺩ ﺭﻩﻫﺒﯩﺮﯨﻤﯩﺰ ﺟﻴﺎﯓ ﺯﯦﻤﯩﻦ 90 - ﻳﯩﻠﻼﺭﺩﺍ ﺷﯩﻨﺠﺎﯕﻐﺎ ﺋﯩﻜﻜﻰ ﻗﯧﺘﯩﻢ ﻛﻪﻟﺪﻯ . ﭘﺎﮬ ﻳﺎﯓ ﺯﯨﯖﺸﯩﻨﻨﻰ ﻣﺎﺧﺘﯩﯟﯨﺘﯩﭙﺘﺎ؟ﻳﻪﻧﻪ ﻳﯜﺯ ﻳﯩﻠﺪﯨﻦ ﻛﯩﻴﯩﻦ ﺋﯘﻣﯘ ﺯﻭﺯﻭﯕﺘﺎﯕﺪﻩﻙ ﯞﻩﺗﻪﻧﻨﯩﯔ ﺑﯩﺮﻟﯩﻜﯩﻨﻰ ﻗﻮﻏﺪﯨﻐﺎﻥ ﻣﯩﻠﻠﻰ ﻗﻪﮬﺮﯨﻤﺎﻥ ﺑﻮﻟﯘﭖ ﻗﺎﻟﯩﺪﯨﻐﺎﻥ ﺋﻮﺧﺸﺎﻳﺪﯗﺩﻩ؟! ﺑﯘﻧﻰ ﻛﯚﺭﯛﭖ ﯞﻩﺗﻪﻧﭙﻪﺭﯞﻩﺭﻟﯩﻜﯩﻢ ﺗﯧﺨﯩﻤﯘ ﺗﻮﻟﯘﭖ ﺗﺎﺷﺘﻰ.ﻣﻪﺯﻣﯘﻧﯩﺪﯨﻦ ﮬﻪﺗﺘﺎ ﻳﯩﻐﻠﯩﯟﻩﺗﻜﯩﻠﻰ ﺗﺎﺳﻼ ﻗﺎﻟﺪﯨﻢ.ﺭﻩﺧﻤﻪﺕ............ ﺑﯩﻠﯩﯟﺍﻟﺪﯗﻕ ،ﺭﻩﮬﻤﻪﺕ.
ﺋﺎﻧﺎ ﻳﯘﺭﺕ ﺭﻭﻣﺎﻧﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺋﻮﻗﯘﻏﺎﻧﺪﻩﻙ ﺑﻮﻟﺪﯗﻡ ...ﺭﻩﮬﻤﻪﺕ
8.
ﭼﺎﻻ ﻗﺎﭘﺘﯘ.ﻏﯘﻟﺠﯩﺪﯨﻜﻰ 1995-ﻳﯩﻠﻰ ﻳﯜﺯ ﺑﻪﺭﮔﻪﻥ ﻣﻪﺷﺮﻩﭖ ﯞﻩﻗﻪﺳﻰ ﺑﯩﻠﻪﻥ 1997-ﻳﯩﻠﻰ ﻳﯜﺯ ﺑﻪﺭﮔﻪﻥ 5-ﻓﯩﯟﺭﺍﻝ ﯞﻩﻗﻪﺳﯩﻨﻰ ﻳﺎﺯﻣﺎﭘﺴﯩﺰ.
......................................؟؟؟؟؟؟؟؟؟؟؟؟
ﺑﯘﻧﻰ ﻳﻮﻟﻼﺵ ﺑﯩﮭﺎﺟﻪﺕ !` ﭼﯘﻧﻜﻰ ﺋﯘﻳﻐﯘﺭ ﺑﻮﻟﻐﺎﻥ ﮬﻪﻣﻤﯩﺴﻰ ﺑﯩﻠﯩﺪﯗ ﺋﯘﺯﯨﻨﯩﯔ ﺑﯩﺸﯩﻐﺎ ﻛﻪﻟﮕﻪﻥ <ﺋﯘ> ﻛﯜﻧﻠﻪﺭﻧﻰ !~~~ﺑﯘ ﻳﯜﺯﻩﻛﻰ ﻣﻪﻟﯘﻣﺎﺗﻨﻰ ﻛﯚﺭﮔﻪﻧﺪﯨﻦ ﻛﯚﺭﻩ ﺗﺎﺭﯨﺨﻰ ﺭﻭﻣﺎﻧﻼﺭﻧﻰ ﻛﯚﭖ ﺋﻮﻗﯘﭖ ﺑﯩﺮﯨﯖﻼﺭ........ ﺷﯘﻧﯩﯖﻐﺎ ﻳﻪﺗﻤﻪﻳﺪﯗ ... ﮬﻪﻡ ﺑﯘ ﺑﻪﻙ ﭼﻮﻟﺘﺎ ﻛﻪﻥ ...
ﻧﯘﺭﻏﯘﻥ ﺧﻪﻟﻘﺌﺎﺭﺍ ﺩﻩﺭﯨﺠﯧﻠﯩﻚ ﺋﯧﺸﻼﺭﻧﻰ ﻳﺎﺯﻣﺎﭘﺘﯘ ...!!~~~~~ﻣﻪﺳﻠﻪﻥ 97 ﻳﯩﻠﻰ ﻏﻮﻟﺠﯩﺪﺍ ﺑﻮﻟﻐﺎﻥ ﯞﻩﻗﻪﻧﻰ .......
ﺑﯘ ﺑﯩﺮ ﺋﻪﺧﯩﻤﯩﻘﺎﻧﻪ ﺗﯩﻤﺎ ﺑﯘﻟﯘﭘﺘﯘ
ﺭﻩﮬﻤﻪﺕ ﻳﺎﺧﺸﻰ ﻳﯘﻟﻼﭘﺴﯩﺰ ﺑﯘﺭﺍﺩﻩﺭ 
ﺋﯩﻜﻜﻰ ﻗﯧﺘﯩﻤﻠﯩﻖ ﻗﯘﻣﯘﻝ ﻗﻮﺯﻏﯩﻠﯩﯖﯩﭽﯘ؟30- ﻳﯩﻠﻼﺭﺩﯨﻜﻰ ﻗﯘﻣﯘﻝ ، ﺗﯘﺭﭘﺎﻥ، ﺧﻮﺗﻪﻥ ، ﻗﻪﺷﻘﻪﺭ ، ﻛﯘﭼﺎﻻﺭﺩﺍ ﻛﯚﺗﯜﺭﯛﻟﮕﻪﻥ ﺩﯨﮭﻘﺎﻧﻼﺭ ﻗﻮﺯﻏﯩﻼﯕﻠﯩﺮﻯ ، ﻗﺎﺯﺍﻗﻼﺭﻧﯩﯔ ﻗﻮﺯﻏﯩﻠﯩﯖﻰ ، ﻣﺎﺟﻮﯕﻴﯩﯖﻨﯩﯔ ﭘﺎﺭﺍﻛﻪﻧﺪﯨﭽﯩﻠﯩﻜﻰ ، ﺋﯘﻧﯩﯔ 1934 - ﻳﯩﻠﻰ ﻗﻪﺷﻘﻪﺭﺩﻩ ﺋﯧﻠﯩﭗ ﺑﺎﺭﻏﺎﻥ ﺯﻭﺭ ﻛﯚﻟﻪﻣﺪﯨﻜﻰ ﻗﯩﺮﻏﯩﻨﭽﯩﻠﯩﻘﻰ 1947 -ﻳﯩﻠﺪﯨﻜﻰ ﺗﯘﺭﭘﺎﻥ ﻗﻮﺯﻏﯩﻠﯩﯖﻰ ﯞﻩ ﺋﯘﻧﻰ ﺑﺎﺳﺘﯘﺭﻏﺎﻧﺪﯨﻜﻰ ﻗﯩﺮﻏﯩﻨﭽﯩﻠﯩﻖ ، ﺷﯧﯖﺸﯩﺴﻪﻳﻨﯩﯔ ﻗﯩﺮﻏﯩﻨﭽﯩﻠﯩﻘﻠﯩﺮﻯ ﺯﻭﺭ ﺗﺎﺭﯨﺨﻰ ﯞﻩﻗﻪﮔﻪ ﻛﯩﺮﻣﻪﭘﺘﯘﺩﻩ ؟ ﺑﯘﻧﯩﯔ ﺩﺍﯞﺍﻣﻰ ﺑﺎﺭﺩﻩﻙ ﻗﯩﻠﯩﺪﯗ .... ﻳﺎﻟﻐﺎﻥ ! ﺋﻮﻳﺪﯗﺭﻣﺎ!
بەت:
[1]
2