UyghurDev يوللانغان ۋاقتى 2006-6-26 16:38:47

(uqkun) ﺋﯩﻨﺘﯧﺮﻧﻪﺕ ﻣﯘﻫﯩﺘﯩﺪﺍ ﻛﻮﻟﻠﯩﻜﺘﯩﭗ ﻫﻪﻣﻜﺎﺭﻟﯩﻘ

ﺋﯘﻳﻐﯘﺭ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﻪﺕ ﺗﻮﺭﻯ(www.uyghurdev.net) ﺩﯨﻦ ﺋﯧﻠﯩﻨﺪﻯ
    (ﺋﯘﻳﻐﯘﺭ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﻪﺕ ﺗﻮﺭﻯ 2006-ﻳﯩﻠﻰ 5-ﺋﺎﻳﻨﯩﯔ 15-ﻛﯜﻧﻰ ﻗﯘﺭﯗﻟﻐﺎﻥ ﺑﻮﻟﯘﭖ، ﻳﯘﻣﺸﺎﻕ ﺩﯦﺘﺎﻝ ﺗﯧﺨﻨﯩﻜﯩﺴﻰ ﯞﻩ ﻛﻮﻟﻠﯩﻜﺘﯩﭗ ﻫﻪﻣﻜﺎﺭﻟﯩﻘﯩﺪﯨﻜﻰ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﯩﺘﯩﻨﻰ ﺋﺎﺳﺎﺳﻰ ﻣﻪﺯﻣﻮﻥ ﯞﻩ ﻧﯩﺸﺎﻥ ﻗﯩﻠﻐﺎﻥﻛﻪﺳﭙﻰ ﻳﯘﻣﺸﺎﻕ ﺩﯦﺘﺎﻝ ﺗﯧﺨﻨﯩﻜﺎ ﺗﻮﺭﻯ ﺑﻮﻟﯘﭖ ﻫﯧﺴﺎﭘﻠﯩﻨﯩﺪﯗ. ﺑﯧﻜﯩﺘﯩﻤﯩﺰ ﺳﯩﻨﺎﻕ ﺗﻪﺭﯨﻘﯩﺴﯩﺪﻩ ﺋﯩﺸﻘﺎ ﻛﯩﺮﯨﺸﺘﯜﺭﯛﻟﮕﻪﻧﺪﯨﻦ ﺑﻮﻳﺎﻥ ﻛﻮﻣﭙﯩﻴﻮﺗﯧﺮ ﺗﯧﺨﻨﯩﻜﯩﺴﻰ ﯞﻩ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﯩﺘﯩﮕﻪ ﺋﯩﺸﺘﯩﻴﺎﻕ ﺑﺎﻏﻠﯩﻐﺎﻥ ﻛﻪﺳﭙﻰ ﭘﯩﺮﻭﮔﯩﺮﺍﻣﻤﯧﺮ ﯞﻩ ﻫﻪﯞﻩﺳﻜﺎﺭﻻﺭﻧﯩﯔ ﻗﯩﺰﻏﯩﻦ ﻗﻮﻟﻠﯩﺸﯩﻐﺎ ﺋﯧﺮﯨﺸﯩﭗ ﻛﻪﻟﺪﻯ. ﺋﯘﻳﻐﯘﺭ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﻪﺕ ﺗﻮﺭﻯ ﻫﺎﺯﯨﺮﻗﻰ ﻛﻮﻟﻠﯩﻜﺘﯩﭗ ﻫﻪﻣﻜﺎﺭﻟﯩﻘﯩﺪﯨﻜﻰ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﯩﺘﻰ ﺋﯜﭼﯜﻥ ﻣﻪﺧﺴﻮﺱ ﻻﻳﯩﮭﯩﻠﻪﻧﮕﻪﻥ"ﺋﯩﺠﺎﺩﯨﻴﻪﺕ ﻣﻪﺭﻛﯩﺰﻯ"ﯞﻩ ﻳﯘﻣﺸﺎﻕ ﺩﯦﺘﺎﻝ ﺗﯧﺨﻨﯩﻜﯩﺴﯩﻨﻰ ﺋﺎﺳﺎﺳﻰ ﻣﻪﺯﻣﻮﻥ ﻗﯩﻠﻐﺎﻥ ﻛﻪﺳﭙﻰ "ﻣﯘﻧﺒﻪﺭ" ﺳﻪﻫﯩﭙﯩﻠﯧﺮﻯ ﺋﺎﺳﺎﺳﯩﺪﺍ ﺋﯚﺯ ﺋﯧﻘﺘﯩﺪﺍﺭﯨﻨﻰ ﺗﯧﺨﯩﻤﯘ ﻣﯘﻛﻪﻣﻤﻪﻟﻠﻪﺷﺘﯜﺭﯛﭖ، ﭘﯩﺮﻭﮔﯩﺮﺍﻣﻤﯧﺮﻻ ﺋﯜﭼﯜﻥ ﺗﯧﺨﻨﯩﻜﺎ ﺋﺎﻟﻤﺎﺷﺘﯘﺭﯗﺵ ﯞﻩ ﻛﻪﺳﭙﻰ ﺋﯧﻘﺘﯩﺪﺍﺭﯨﻨﻰ ﻧﺎﻣﺎﻳﻪﻥ ﻗﯩﻠﯩﺸﻘﺎ ﺳﯘﭘﺎ ﻫﺎﺯﯨﺮﻻﺵ ﺑﯩﻠﻪﻥ ﺑﯩﺮﮔﻪ ﺋﯘﻳﻐﯘﺭ ﻛﻮﻣﭙﯩﻴﻮﺗﯧﺮ ﺋﯩﺸﻠﯧﺮﯨﻨﯩﯔ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺗﯚﻫﭙﻪ ﻗﻮﺷﯘﺵ ﻳﻮﻟﯩﺪﺍ ﺩﺍﯞﺍﻣﻠﯩﻖ ﺋﯩﺰﺩﻩﻧﻤﻪﻛﭽﻰ. ﻛﻪﯓ ﺗﻮﺭﺩﺍﺷﻼﺭﻧﯩﯔ ﻗﻮﻟﻼﭖ ﻗﯘﯞﻩﺗﻠﯩﺸﯩﻨﻰ ﯞﻩ ﻳﯧﻘﯩﻨﺪﯨﻦ ﻳﺎﺭﺩﻩﻣﺪﻩ ﺑﻮﻟﯩﺸﯩﻨﻰ ﺋﯜﻣﯜﺩ ﻗﯩﻠﯩﻤﯩﺰ.
    ﺋﻪﺳﻜﻪﺭﺗﯩﺶ: ﺑﯧﻜﯩﺘﯩﻤﯩﺰ ﻳﯘﻧﯩﻜﻮﺩﻧﯩﯔ ﺋﺎﺳﺎﺳﻰ ﺭﺍﻳﻮﻧﻰ ﺋﯩﺸﻠﯩﺘﯩﻠﮕﻪﻥ ﺋﯘﻳﻐﯘﺭ ﺋﻪﺭﻩﭖ ﻳﯧﺰﯨﻘﻰ ﯞﻩ ﺋﯘﻳﻐﯘﺭ ﻻﺗﯩﻦ ﻳﯧﺰﯨﻘﯩﻨﻰ ﺑﯩﺮﻻ ﯞﺍﻗﯩﺘﺘﺎ ﻗﻮﻟﻼﻳﺪﯗ. ﻧﺎﯞﺍﺩﺍ ﺋﯘﻳﻐﯘﺭ ﺋﻪﺭﻩﭖ ﻳﯧﺰﯨﻘﻰ ﻧﻮﺭﻣﺎﻝ ﻛﯚﺭﯛﻧﻤﯩﮕﻪﻥ ﺋﻪﻫﯟﺍﻟﺪﺍ «ﺑﻪﺕ ﻳﯜﺯﻯ ﻧﯘﺳﺨﯩﺴﻰ» ﺩﯨﻦ ULY ﻧﻰ ﺗﺎﻟﻼﭖ ﺋﯘﻳﻐﯘﺭ ﻻﺗﯩﻦ ﻳﯧﺰﯨﻘﻰ ﻧﯘﺳﺨﯩﺴﯩﻨﻰ ﺯﯨﻴﺎﺭﻩﺕ ﻗﯩﻼﻻﻳﺴﯩﺰ.)
    ﺋﯘﻳﻐﯘﺭ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﯩﺘﯩﺪﻩ ﻛﻮﻟﻠﯩﻜﺘﯩﭗ ﻫﻪﻣﻜﺎﺭﻟﯩﻘﯩﺪﯨﻜﻰ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﯩﺘﯩﻨﯩﯔ ﻛﻪﻣﭽﯩﻠﻠﯩﻜﻰ ﻫﻪﻣﻤﯩﻤﯩﺰﮔﻪ ﺋﺎﻳﺎﻥ. ﻛﻮﻟﻠﯩﻜﺘﯩﭗ ﻫﻪﻣﻜﺎﺭﻟﯩﻘﯩﺪﯨﻜﻰ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﯩﺘﻰ ﺗﻮﻏﺮﯨﺴﯩﺪﺍ ﺋﺎﻟﻰ ﻣﻪﻛﺘﻪﭖ ﺩﻩﺭﯨﺴﻠﯩﻜﻠﯧﺮﯨﺪﻩ ﻛﯚﭖ ﺳﯚﺯﻟﻪﻳﺪﯗ. ﺑﯘ ﻫﻪﻗﺘﻪ ﺑﯩﺮﻗﯩﺴﯩﻢ ﺗﻮﺭ ﺑﯧﻜﻪﺗﻠﯧﺮﯨﻤﯩﺰﺩﻩ ﻣﻪﺧﺴﯘﺱ ﻣﯘﻧﺎﺯﯨﺮﯨﻠﻪﺭﻣﯘ ﺑﯘﻟﯘﭖ ﺋﯚﺗﻜﻪﻥ. ﮔﻪﺭﭼﻪ ﺑﯘ ﺧﯩﻞ ﺋﯩﺠﺎﺩﯨﻴﻪﺕ ﺷﻪﻛﻠﯩﻨﯩﯔ ﻳﯘﻣﺸﺎﻕ ﺩﯦﺘﺎﻝ ﻛﻪﺳﭙﯩﻨﯩﯔ ﺗﻪﺭﻩﻗﻘﯩﻴﺎﺗﯩﺪﺍ ﻣﯘﻫﯩﻢ ﺭﻭﻝ ﺋﻮﻳﻨﺎﻳﺪﯨﻐﺎﻧﻠﯩﻘﯩﻨﻰ ﻫﻪﻣﻤﯩﻤﯩﺰ ﺗﻮﻧﯘﭖ ﻳﻪﺗﻜﻪﻥ ﺑﻮﻟﺴﺎﻗﻤﯘ، ﻫﻪﺭ ﺧﯩﻞ ﺋﻮﺑﯩﻜﺘﯩﭗ ﯞﻩ ﺳﻮﺑﯩﻜﺘﯩﭗ ﺳﻪﯞﻩﭘﻠﻪﺭ ﺗﯜﭘﻪﻳﻠﻰ ﻫﺎﺯﯨﺮﻗﯩﺪﻩﻙ ﺯﺍﻣﺎﻥ ﯞﻩ ﻣﺎﻛﺎﻧﻨﯩﯔ ﭼﻪﻛﻠﯩﻤﯩﺴﯩﺪﯨﻦ ﺧﺎﻟﻰ ﺋﯩﻨﺘﯧﺮﻧﻪﺕ ﻣﯘﻫﯩﺘﯩﺪﺍ ﺯﺍﺩﻯ ﻗﺎﻧﺪﺍﻕ ﻗﯩﻠﯩﭗ ﻣﯘﺷﯘ ﺧﯩﻞ ﺋﯩﻠﻐﺎﺭ ﺋﯩﺠﺎﺩﯨﻴﻪﺕ ﺋﯘﺳﻮﻟﯩﻨﻰ ﺋﻪﻣﯩﻠﯩﻠﻪﺷﺘﯜﺭﯛﺵ ﺗﻮﻏﺮﯨﺴﯩﺪﺍ ﻛﻮﻧﻜﯧﺮﺕ ﭘﯩﻜﯩﺮﻟﯩﺸﯩﺸﻜﻪ ﺩﺍﺧﯩﻞ ﺑﯘﻻﻟﻤﯩﺪﯗﻕ. ﺋﻪﻣﯩﻠﻴﻪﺗﺘﻪ ﺑﯘ ﺧﯩﻞ ﻫﻪﻣﻜﺎﺭﻟﯩﻘﺘﯩﻜﻰ ﺋﯩﺠﺎﺩﯨﻴﻪﺕ ﺋﯘﺳﻮﻟﻰ ﺩﯙﻟﻪﺕ ﺋﯩﭽﻰ ﺳﯩﺮﺗﯩﺪﺍ ﺋﯘﻣﻮﻣﻼﺷﻘﺎﻥ ﺋﺎﺳﺎﺳﻰ ﺋﯧﻘﯩﻤﻐﺎ ﺋﺎﻳﻠﯩﻨﯩﭗ ﺑﻮﻟﺪﻯ. ﻣﻪﺯﻛﻮﺭ ﻣﺎﻗﺎﻟﯩﺪﻩ ﺋﯚﺯ ﺋﻪﻣﯩﻠﻴﯩﺘﯩﻤﯩﺰﮔﻪ ﺑﺎﻏﻠﯩﻐﺎﻥ ﺋﺎﺳﺎﺳﺘﺎ ﺋﯩﻨﺘﯧﺮﻧﻪﺕ ﻣﯘﻫﯩﺘﯩﺪﺍ ﻛﻮﻟﻠﯩﻜﺘﯩﭗ ﻫﻪﻣﻜﺎﺭﻟﯩﻘﯩﺪﯨﻜﻰ ﻳﯘﻣﺸﺎﻕ ﺩﯦﺘﺎﻝ ﺋﯩﺸﻠﻪﺷﻨﯩﯔ ﻛﻮﻧﻜﯧﺮﺕ ﻗﻪﺩﻩﻡ ﺑﺎﺳﻘﯘﭼﻠﯧﺮﯨﻨﻰ ﺑﺎﻳﺎﻥ ﻗﯩﻠﯩﭗ ﺋﯚﺗﻤﻪﻛﭽﯩﻤﻪﻥ.
    ﺋﯩﻨﺘﯧﺮﻧﻪﺕ ﻣﯘﻫﯩﺘﯩﺪﺍ ﻛﻮﻟﻠﯩﻜﺘﯩﭗ ﻫﻪﻣﻜﺎﺭﻟﯩﻘﯩﺪﺍ ﻳﯘﻣﺸﺎﻕ ﺩﯦﺘﺎﻝ ﺋﯩﺸﻠﻪﺵ ﻳﯘﻣﺸﺎﻕ ﺩﯦﺘﺎﻝ ﻛﺎﺭﺧﺎﻧﯩﻠﯧﺮﯨﻨﯩﯔ ﺋﯩﭽﻜﻰ ﻗﯩﺴﯩﻤﯩﺪﺍ ﺋﯩﺸﻠﯩﺘﯩﻠﯩﺪﯨﻐﺎﻥ ﺋﺎﺩﻩﺗﺘﯩﻜﻰ ﻫﻪﻣﻜﺎﺭﻟﯩﻖ ﺷﻪﻛﻠﯩﺪﯨﻦ ﭘﻪﺭﻗﻠﯩﻨﯩﺪﯗ. ﺑﯘ ﺧﯩﻞ ﭘﻪﺭﻗﻨﯩﯔ ﻛﯧﻠﯩﭗ ﭼﯩﻘﯩﺸﯩﺪﯨﻜﻰ ﺋﺎﺳﺎﺳﻰ ﺳﻪﯞﻩﭖ ﺋﯧﺘﯧﺮﻧﻪﺕ ﻣﯘﻫﯩﺘﯩﻨﯩﯔ ﯞﺍﻗﯩﺖ ﯞﻩ ﺋﻮﺭﯗﻧﻨﯩﯔ ﭼﻪﻛﻠﯩﻤﯩﺴﯩﺪﯨﻦ ﺧﺎﻟﻰ ﺑﻮﻟﻐﺎﻧﻠﯩﻘﯩﺪﯨﻨﺪﻭﺭ. ﺗﻮﺭﻧﯩﯔ ﺑﯘ ﺧﯩﻞ ﺋﺎﻻﻫﯩﺪﯨﻠﯩﻜﻰ ﺗﻮﺭﺩﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺋﯩﺠﺎﺩﯨﻴﻪﺕ ﻫﻪﻣﻜﺎﺭﻟﯩﻘﯩﻐﺎ ﺗﯜﯞﻩﻧﺪﯨﻜﯩﺪﻩﻙ ﺗﻪﻟﻪﭘﻠﻪﺭﻧﻰ ﻗﻮﻳﻐﺎﻥ:
    1. ﺋﯧﻨﯩﻖ ﻫﻪﻡ ﻣﯘﻛﻪﻣﻤﻪﻝ ﺑﻮﻟﻐﺎﻥ ﺋﯩﺠﺎﺩﯨﻴﻪﺕ ﻧﯩﺸﺎﻧﻰ ﺑﻮﻟﯘﺵ: ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﯩﺘﯩﺪﻩ ﻛﻪﺳﭙﻰ ﺋﯧﮭﺘﯩﻴﺎﺝ ﺋﺎﻧﺎﻟﯧﺰﻯ ﺋﺎﺭﻗﯩﻠﯩﻖ ﻳﯘﻣﺸﺎﻕ ﺩﯦﺘﺎﻟﺪﺍ ﺯﺍﺩﻯ ﻗﺎﻧﺪﺍﻕ ﺋﻪﻣﯩﻠﻰ ﻣﻪﺳﯩﻠﯩﻨﯩﯔ ﻫﻪﻝ ﻗﯩﻠﯩﻨﯩﺪﯨﻐﺎﻧﻠﯩﻘﻰ، ﻗﺎﻧﺪﺍﻕ ﻛﻪﺳﭙﻰ ﻣﻪﻗﺴﻪﺕ (ﻳﺎﻛﻰ ﻧﯩﺸﺎﻥ) ﺋﻪﻣﻪﻟﮕﻪ ﺋﺎﺷﯘﺭﯗﻟﯩﺪﯨﻐﺎﻧﻠﯩﻘﻰ ﺋﺎﻳﺪﯨﯖﻼﺷﺘﯘﺭﻟﯩﺪﯗ. ﺑﯘ ﺟﻪﺭﻳﺎﻧﺪﺍ ﻛﻪﺳﭙﻰ ﺧﺎﺩﯨﻤﻼﺭ (ﺑﯘ ﻳﻪﺭﺩﻩ ﺋﯧﻴﺘﯩﻠﻐﺎﻥ ﻛﻪﺳﭙﻰ ﺧﺎﺩﯨﻢ ﻳﯘﻣﺸﺎﻕ ﺩﯦﺘﺎﻟﻨﻰ ﺋﯩﺸﻠﻪﺗﻜﯜﭼﻰ ﺋﺎﺑﻮﻧﺘﻼﺭﻧﻰ ﻛﯚﺭﺳﯩﺘﯩﺪﯗ. ﻣﻪﺳﯩﻠﻪﻥ ﺳﯩﺰ ﻣﻪﻛﺘﻪﭖ ﺑﺎﺷﻘﯘﺭﯗﺷﻘﺎ ﺋﯩﺸﻠﯩﺘﯩﻠﯩﺪﯨﻐﺎﻥ ﻳﯘﻣﺸﺎﻕ ﺩﯦﺘﺎﻝ ﺋﯩﺸﻠﻤﻪﻛﭽﻰ ﺑﻮﻟﺴﯩﯖﯩﺰ، ﺷﯘ ﺳﯧﺴﺘﯩﻤﯩﻨﻰ ﺋﯩﺸﻠﻪﺗﻤﻪﻛﭽﻰ ﺑﻮﻟﻐﺎﻥ ﻣﻪﻛﺘﻪﭘﺘﯩﻜﻰ ﺋﯩﺸﭽﻰ-ﺧﯩﺰﻣﻪﺗﭽﯩﻠﻪﺭ ﺳﯩﺰ ﺋﯜﭼﯜﻥ ﻛﻪﺳﭙﻰ ﺧﺎﺩﯨﻢ ﺑﯘﻟﯘﭖ ﻫﯧﺴﺎﭘﻠﯩﻨﯩﺪﯗ) ﺑﯩﻠﻪﻥ ﻳﯘﻣﺸﺎﻕ ﺩﯦﺘﺎﻝ ﺋﯧﻨﮋﯨﻨﯧﺮﻟﯧﺮﻯ ﺋﻮﺗﺘﯘﺭﺳﯩﺪﺍ ﻛﯚﭖ ﻗﯧﺘﯩﻤﻼﭖ ﺗﻪﻫﻠﯧﻞ ﯞﻩ ﻣﯘﻧﺎﺯﯨﺮﯨﻠﻪﺭ ﺋﯧﻠﯩﭗ ﺑﯧﺮﯨﻠﯩﺪﯗ. ﻟﯧﻜﯩﻦ ﺗﻮﺭ ﻣﯘﻫﯩﺘﯩﺪﯨﻜﻰ ﻫﻪﻣﻜﺎﺭﻟﯩﻘﺘﺎ ﺑﯘ ﺧﯩﻞ ﻣﯘﻧﺎﺯﯨﺮﻩ ﺋﯧﻠﯩﭗ ﺑﯧﺮﯨﺶ ﺋﺎﺳﺎﻧﻐﺎ ﺗﻮﺧﺘﯩﻤﺎﻳﺪﯗ. ﭼﯜﻧﻜﻰ ﺗﻮﺭﺩﺍ ﺗﯧﻠﻐﯘﻥ ﻗﯩﻠﺴﯩﯖﯩﺰ ﻫﺎﺯﯨﺮ ﺗﻪﻳﻴﺎﺭ ﺑﻮﻟﯩﺪﯨﻐﺎﻥ ﻛﻪﺳﭙﻰ ﺧﺎﺩﯨﻤﻼﺭ ﻳﻮﻕ. ﺷﯘﯕﺎ ﺗﻮﺭﺩﯨﻜﻰ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﻪﺕ ﭘﺎﺋﺎﻟﯩﻴﯩﺘﻰ ﺑﺎﺷﻠﯩﻨﯩﺸﺘﯩﻦ ﺑﯘﺭﯗﻥ ﻳﯘﻣﺸﺎﻕ ﺩﯦﺘﺎﻟﺪﺍ ﻗﺎﻧﺪﺍﻕ ﺋﻪﻣﯩﻠﻰ ﺋﯧﻘﺘﯩﺪﺍﺭﻻﺭﻧﻰ ﺋﻪﻣﻪﻟﮕﻪ ﺋﺎﺷﯘﺭﯗﻟﯩﺪﯨﻐﺎﻧﻠﯩﻘﻰ ﺑﺎﻳﺎﻥ ﻗﯧﻠﯩﻨﻐﺎﻥ ﻣﯘﻛﻪﻣﻤﻪﻝ ﺑﻮﻟﻐﺎﻥ «ﺋﯩﺠﺎﺩﯨﻴﻪﺕ ﻧﯩﺸﺎﻧﻰ» ﻳﺎﻛﻰ «ﻛﻪﺳﭙﻰ ﺋﯧﻬﺘﯩﻴﺎﺝ ﻗﻮﻟﻼﻧﻤﯩﺴﻰ» ﺑﻮﻟﯩﺸﻰ ﻛﯧﺮﻩﻙ. ﺷﯘﻧﺪﺍﻕ ﺑﻮﻟﻐﺎﻧﺪﯨﻼ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺋﻮﺭﯗﻧﺪﺍ ﺗﯘﺭﯨﯟﺍﺗﻘﺎﻥ ﻫﻪﻣﻜﺎﺭﻻﺷﻘﯘﭼﻰ ﺋﻪﺯﺍﻻﺭ ﺋﻮﺧﺸﺎﺵ ﺑﻮﻟﻤﯩﻐﺎﻥ ﯞﺍﻗﯩﺘﺘﺎ ﻣﯘﻧﺎﺳﯩﯟﻩﺗﻠﯩﻚ ﻗﻮﻟﻼﻧﻤﯩﻼﺭﻧﻰ ﻛﯚﺭﯛﭖ، ﺋﻮﺧﺸﺎﺵ ﺑﯩﺮ ﺧﯩﻞ ﺋﯩﺠﺎﺩﯨﻴﻪﺕ ﻧﯩﺸﺎﻧﯩﻨﻰ ﺋﯚﺯﯨﮕﻪ ﻣﻪﻗﺴﻪﺕ ﻗﯩﻼﻻﻳﺪﯗ.
    2. ﺑﯩﺮﻟﯩﻜﻜﻪ ﻛﻪﻟﮕﻪﻥ ﺋﯩﺠﺎﺩﯨﻴﻪﺕ ﺋﯘﺳﻮﻟﻰ ﺑﻮﻟﯘﺵ: ﺗﻮﺭﺩﯨﻜﻰ ﻫﻪﻣﻜﺎﺭﻟﯩﻘﺘﺎ ﺋﻪﺯﺍﻻﺭ ﺋﺎﺭﺍ ﺋﯩﺶ ﺗﻪﻗﺴﯩﻤﺎﺗﻰ ﺋﺎﺳﺎﺳﯩﺪﺍ ﺑﺎﺳﻘﯘﭼﻼﺭﻏﺎ ﺑﯚﻟﯜﻧﮕﻪﻥ ﻫﺎﻟﺪﺍ ﺋﯩﺠﺎﺩﯨﻴﻪﺕ ﺋﯧﻠﯩﭗ ﺑﯧﺮﯨﻠﯩﺪﯗ. ﺋﯩﺠﺎﺩﯨﻴﻪﺕ ﺟﻪﺭﻳﺎﻧﯩﺪﺍ ﺗﻮﺧﺘﯩﻤﺎﻱ ﻳﯧﯖﻰ ﺋﻪﺯﺍﻻﺭ ﺋﯩﺠﺎﺩﯨﻴﻪﺕ ﭘﺎﺋﺎﻟﯩﻴﺘﯩﮕﻪ ﺋﻪﺯﺍ ﺑﯘﻟﯘﭖ ﻗﺎﺗﻨﯩﺸﯩﺸﻰ ﻣﯘﻣﻜﯩﻦ. ﺷﯘﯕﺎ ﻫﻪﻣﻜﺎﺭﻟﯩﻖ ﺋﯩﺠﺎﺩﯨﻴﯩﺘﯩﻨﻰ ﻗﺎﻧﺪﺍﻕ ﺋﯧﻠﯩﭗ ﺑﯧﺮﯨﺶ ﻳﻪﻧﻰ، ﯞﻩﺯﯨﭙﯩﻠﻪﺭﻧﻰ ﺗﻪﺳﯩﺲ ﻗﯩﻠﯩﺶ، ﺋﻪﺯﺍﻻﺭﻏﺎ ﯞﻩﺯﯨﭙﻪ ﺗﻪﻗﺴﯩﻤﻠﻪﺵ، ﯞﻩﺯﯨﭙﯩﻠﻪﺭﻧﻰ ﺋﻮﺭﯗﻧﻼﺵ ﯞﻩ ﺗﺎﻣﺎﻣﻼﺵ ﻗﺎﺗﺎﺭﻟﯩﻖ ﺧﯩﺰﻣﻪﺕ ﺑﺎﺳﻘﯘﭼﻠﯧﺮﯨﻨﻰ ﺋﯧﻨﯩﻖ ﺑﺎﻳﺎﻥ ﻗﯩﻠﯩﺪﯨﻐﺎﻥ «ﺋﯩﺠﺎﺩﯨﻴﻪﺕ ﻫﻪﻣﻜﺎﺭﻟﯩﻖ ﻗﻮﻟﻼﻧﻤﯩﺴﻰ» ﺑﻮﻟﯩﺸﻰ ﻛﯧﺮﻩﻙ.
    3. ﺑﯩﺮﻟﯩﻜﻜﻪ ﻛﻪﻟﮕﻪﻥ ﺋﯩﺠﺎﺩﯨﻴﻪﺕ ﺋﯚﻟﭽﯩﻤﻰ ﺑﻮﻟﯘﺵ: ﺗﻮﺭﺩﯨﻜﻰ ﻫﻪﻣﻜﺎﺭﻻﺷﻘﯘﭼﻰ ﺋﻪﺯﺍﻻﺭ ﺋﻮﺧﺸﺎﺵ ﺑﻮﻟﻤﯩﻐﺎﻥ ﻣﯘﻫﯩﺘﺘﺎ، ﺋﻮﺧﺸﺎﺵ ﺑﻮﻟﻤﯩﻐﺎﻥ ﺗﻪﺭﺑﯩﻴﯩﻠﻪﺭﻧﻰ ﺋﺎﻟﻐﺎﻥ ﺑﻮﻟﯩﺸﻰ ﻣﯘﻣﻜﯩﻦ. ﺷﯘﯕﺎ ﻧﺎﯞﺍﺩﺍ ﺑﯩﺮﻟﯩﻜﻜﻪ ﻛﻪﻟﮕﻪﻥ ﺋﯩﺠﺎﺩﯨﻴﻪﺕ ﺋﯚﻟﭽﯩﻤﻰ ﺑﻮﻟﻤﯩﺴﺎ، ﺷﻪﺧﯩﺴﻠﻪﺭﻧﯩﯔ ﺋﯩﺠﺎﺩﯨﻴﻪﺕ ﺋﯘﺳﻠﯘﺑﯩﻨﯩﯔ ﺋﻮﺧﺸﺎﺵ ﺑﻮﻟﻤﺎﺳﻠﯩﻘﻰ ﺗﯜﭘﻪﻳﻠﻰ ﺋﯩﺠﺎﺩﯨﻴﻪﺕ ﺧﯩﺰﻣﯩﺘﯩﺪﻩ ﻗﺎﻻﻳﻤﺎﻗﻘﺎﻧﭽﯩﻠﯩﻖ ﻛﯧﻠﯩﭗ ﭼﯩﻘﯩﺪﯗ. ﻳﯘﻣﺸﺎﻕ ﺩﯦﺘﺎﻟﻨﯩﯔ ﻛﯩﻴﯩﻨﻜﻰ ﭘﻪﺭﯞﯨﺶ ﺧﯩﺰﻣﯩﺘﻰ ﻻﻳﯩﮭﯩﻠﻪﺵ ﯞﻩ ﻛﻮﺩ ﻳﯧﺰﯨﺶ ﻗﺎﺗﺎﺭﻟﯩﻖ ﺟﻪﻫﻪﺗﻠﻪﺭﺩﻩ ﺋﻮﺧﺸﺎﺵ ﺑﯩﺮ ﺧﯩﻞ ﺋﯘﺳﻠﯘﺑﻨﯩﯔ ﺑﻮﻟﯩﺸﯩﻨﻰ ﺗﻪﻟﻪﭖ ﻗﯩﻠﯩﺪﯗ. ﺷﯘﯕﺎ ﺑﯩﺮﻟﯩﻜﻜﻪ ﻛﻪﻟﮕﻪﻥ "ﻻﻳﯩﮭﯩﻠﻪﺵ ﻗﻮﻟﻼﻧﻤﯩﺴﻰ" ﻳﺎﻛﻰ "ﻛﻮﺩ ﻳﯧﺰﯨﺶ ﻗﻮﻟﻼﻧﻤﯩﺴﻰ" ﻧﯩﯔ ﺑﻮﻟﯩﺸﻰ، ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ ﻣﯘﺷﯘ ﺧﯩﻞ ﺋﯩﺠﺎﺩﯨﻴﻪﺕ ﺋﯚﻟﭽﯩﻤﯩﻨﻰ ﺋﻪﻣﯩﻠﯩﻠﻪﺷﺘﯜﺭﯨﺪﯨﻐﺎﻥ ﺳﯜﭘﻪﺕ ﺗﻪﻛﺸﯜﺭﯛﺵ ﯞﻩ ﺑﺎﻫﺎﻻﺵ ﭘﺎﺋﺎﻟﯩﻴﯩﺘﻰ ﺗﯜﺭ ﺋﯩﺠﺎﺩﯨﻴﯩﺘﯩﻜﻰ ﻳﻪﻧﻪ ﺑﯩﺮ ﺯﯙﺭﯙﺭ ﺷﻪﺭﺗﻠﻪﺭﻧﯩﯔ ﺑﯩﺮﻯ.
    4. ﻣﯘﻗﯩﻢ ﺋﯩﺠﺎﺩﯨﻴﻪﺕ ﻣﻪﻧﺰﯦﻠﻰ ﺑﻮﻟﯘﺵ: ﺗﻮﺭﺩﯨﻜﻰ ﺋﯩﺠﺎﺩﯨﻴﻪﺗﺘﻪ ﺋﻪﺯﺍﻻﺭ ﺋﺎﺭﺍ ﻛﯚﭘﻠﻪﭖ ﺋﯘﭼﯘﺭ ﯞﻩ ﻫﯜﺟﺠﻪﺕ ﺋﺎﻟﻤﺎﺷﺘﯘﺭﯗﺵ ﺑﻮﻟﯩﺸﻰ ﻣﯘﻗﻪﺭﺭﻩﺭ. ﺷﯘﯕﺎ ﻳﯘﻗﺎﺭﻗﯩﺪﻩﻙ ﻣﯘﻧﺎﺳﯩﯟﻩﺗﻠﯩﻚ ﺋﯘﭼﯘﺭ ﯞﻩ ﻫﯜﺟﺠﻪﺗﻠﻪﺭﻧﻰ ﺋﯧﻼﻥ ﻗﯩﻠﯩﺪﯨﻐﺎﻥ، ﺋﯩﺠﺎﺩﯨﻴﻪﺕ ﺟﻪﺭﻳﺎﻧﯩﺪﯨﻜﻰ ﻫﯜﺟﺠﻪﺗﻠﻪﺭﻧﯩﯔ ﻧﯘﺳﺨﯩﺴﯩﻨﻰ ﻛﻮﻧﺘﯩﺮﻭﻝ ﻗﯩﻠﯩﺶ ﻣﯘﻻﺯﯨﻤﯩﺘﻰ ﺑﯩﻠﻪﻥ ﺗﻪﻣﯩﻨﻠﯩﻴﻪﻟﻪﻳﺪﯨﻐﺎﻥ، ﺋﯩﺠﺎﺩﯨﻴﻪﺕ ﺧﯩﺰﻣﯩﺘﯩﻨﯩﯔ ﺋﯩﻠﮕﯩﺮﻟﻪﺵ ﺳﯜﺭﺋﯩﺘﯩﻨﻰ ﺑﺎﻳﺎﻥ ﻗﯩﻠﯩﺪﯨﻐﺎﻥ ﻣﯘﯞﺍﭘﯩﻖ ﻣﻪﻧﺰﯦﻞ ﻳﺎﻛﻰ ﺑﯧﻜﻪﺕ ﺑﻮﻟﯩﺸﻰ ﻛﯧﺮﻩﻙ.
    ﺋﯘﻧﺪﺍﻗﺘﺎ ﻫﺎﺯﯨﺮﻗﻰ ﺑﺎﺳﻘﯘﭼﺘﺎ ﺋﯘﻳﻐﯘﺭ ﻳﯘﻣﺸﺎﻕ ﺩﯦﺘﺎﻝ ﻛﻪﺳﭙﻰ ﯞﻩ ﺗﻮﺭ ﺗﻪﺭﻩﻗﻘﯩﻴﺎﺗﯩﻐﺎ ﻣﺎﺱ ﻛﯩﻠﯩﺪﯨﻐﺎﻥ ﺗﻮﺭﺩﯨﻜﻰ ﺋﯩﺠﺎﺩﯨﻴﻪﺕ ﻫﻪﻣﻜﺎﺭﻟﯩﻘﯩﻨﻰ ﺯﺍﺩﻯ ﻗﺎﻧﺪﺍﻕ ﺋﯧﻠﯩﭗ ﺑﯧﺮﯨﺶ ﻛﯧﺮﻩﻙ؟ ﺑﯘﻧﻰ ﻳﯘﻣﺸﺎﻕ ﺩﯦﺘﺎﻟﻨﯩﯔ ﺋﯩﺠﺎﺩﯨﻴﻪﺕ ﺑﺎﺳﻘﯘﭼﻠﯧﺮﯨﻐﺎ ﺑﺎﻏﻼﭖ، uyghurdev ﺑﯧﻜﯩﺘﯩﻨﻰ ﻣﯩﺴﺎﻝ ﻗﯩﻠﻐﺎﻥ ﻫﺎﻟﺪﺍ ﺗﯜﯞﻩﻧﺪﯨﻜﯩﺪﻩﻙ ﺑﺎﻳﺎﻥ ﻗﯩﻠﯩﻤﯩﺰ.
    ﺑﯩﺮﯨﻨﭽﻰ ﻗﻪﺩﻩﻡ: ﺗﻪﻳﻴﺎﺭﻟﯩﻖ ﺑﺎﺳﻘﯘﭼﻰ
    ﺑﯘ ﺑﺎﺳﻘﯘﭼﺘﺎ ﻧﯚﯞﻩﺗﺘﻪ ﺋﯩﺸﻠﻪﻧﻤﻪﻛﭽﻰ ﺑﻮﻟﻐﺎﻥ ﻳﯘﻣﺸﺎﻕ ﺩﯦﺘﺎﻝ ﺗﯜﺭﯨﻨﯩﯔ ﺋﻪﻫﻤﯩﻴﯩﺘﻰ ﯞﻩ ﺋﺎﺭﻗﺎ ﻛﯚﺭﯛﻧﯜﺷﻰ، ﺋﻪﻣﻪﻟﮕﻪ ﺋﺎﺷﯘﺭﯗﻟﯩﺪﯨﻐﺎﻥ ﺋﺎﺳﺎﺳﻰ ﺋﯧﻘﺘﯩﺪﺍﺭﻻﺭ، ﺑﯘ ﺋﯧﻘﺘﯩﺪﺍﺭﻻﺭﻧﻰ ﺋﻪﻣﻪﻟﮕﻪ ﺋﺎﺷﯘﺭﯗﺷﺘﯩﻜﻰ ﺩﻩﺳﻠﻪﭘﻜﻰ ﺗﯧﺨﻨﯩﻜﯩﻠﯩﻖ ﻻﻳﯩﮭﻪ ﻗﯩﺴﻘﯩﭽﻪ ﺑﺎﻳﺎﻥ ﻗﯩﻠﯩﻨﻐﺎﻥ ﺋﺎﺳﺎﺳﺘﺎ «ﺗﯜﺭ ﭼﺎﻗﯩﺮﯨﻘﻰ» ﻳﺎﻛﻰ «ﺗﯜﺭ ﺋﯩﻠﺘﯩﻤﺎﺳﻰ» ﺋﯧﻼﻥ ﻗﯩﻠﯩﻨﺪﯗ. «ﺗﯜﺭ ﺋﯩﻠﺘﯩﻤﺎﺳﻰ» ﯨﻨﻰ ﺋﯧﻼﻥ ﻗﯩﻠﯩﺸﺘﯩﻜﻰ ﺋﺎﺳﺎﺳﻰ ﻣﻪﻗﺴﻪﺕ ﺗﻮﺭﺩﺍﺷﻼﺭﺩﺍ ﺗﯜﺭ ﺗﻮﻏﺮﯨﺴﯩﺪﺍ ﺩﻩﺳﻠﻪﭘﻜﻰ ﭼﯜﺷﻪﻧﭽﻪ ﻫﺎﺳﯩﻞ ﻗﯩﻠﯩﺶ ﺋﺎﺳﺎﺳﯩﺪ ﺋﻪﺯﺍﻻﺭﻧﻰ ﺋﯩﺠﺎﺩﯨﻴﻪﺗﻜﻪ ﻗﺎﺗﻨﯩﺸﯩﺸﻘﺎ ﭼﺎﻗﯩﺮﯨﺶ ﯞﻩ ﺋﯘﻻﺭﻧﻰ ﺗﻪﺷﻜﯩﻠﻠﻪﺷﺘﯩﻦ ﺋﯩﺒﺎﺭﻩﺕ. ﺋﻪﺯﺍﻻﺭ ﺗﻮﺭﺩﺍ ﺋﯧﻼﻥ ﻗﯩﻠﯩﻨﻐﺎﻥ «ﺗﯜﺭ ﺋﯩﻠﺘﯩﻤﺎﺳﻰ» ﻧﻰ ﻛﯚﺭﮔﻪﻧﺪﯨﻦ ﻛﯧﻴﯩﻦ، ﺋﯚﺯ ﺋﯩﺨﺘﯩﻴﺎﺭﻟﯩﻘﻰ ﺑﻮﻳﯩﭽﻪ ﺗﯜﺭﮔﻪ ﻗﺎﺗﻨﯩﺸﯩﺶ ﻳﺎﻛﻰ ﻗﺎﺗﻨﺎﺷﻤﺎﺳﻠﯩﻘﻨﻰ ﺑﻪﻟﮕﯩﻠﻪﻳﺪﯗ. ﻗﺎﺗﻨﯩﺸﯩﺸﻨﻰ ﺧﺎﻻﻳﺪﯨﻐﺎﻧﻼﺭ ﺗﯜﺭﮔﻪ ﻗﺎﺗﻨﯩﺸﯩﺶ ﺋﯩﻠﺘﯩﻤﺎﺳﻰ ﻳﺎﺯﯨﺪﯗ. ﺋﻪﺯﺍﻻﺭﻧﯩﯔ «ﻗﺎﺗﻨﯩﺸﯩﺶ ﺋﯩﻠﺘﯩﻤﺎﺳﻰ» ﺩﺍ ﺋﯚﺯﯨﻨﯩﯔ ﺗﯜﺭ ﺋﯩﺠﺎﺩﯨﻴﯩﺘﻰ ﺋﯜﭼﯜﻥ ﻗﺎﻳﺴﻰ ﺟﻪﻫﻪﺗﻠﻪﺭﺩﻩ (ﻣﻪﺳﯩﻠﻪﻥ ﻛﻪﺳﭙﻰ ﺋﯧﮭﺘﯩﻴﺎﺝ ﻳﯧﺰﯨﺶ، ﻻﻳﯩﮭﯩﻠﻪﺵ، ﭘﯩﺮﻭﮔﯩﺮﺍﻣﻤﺎ ﻳﯧﺰﯨﺶ، ﭘﯩﺮﻭﮔﯩﺮﺍﻣﻤﯩﻨﻰ ﺳﯩﻨﺎﺵ ﺩﯨﮕﻪﻧﺪﻩﻙ) ﺗﯚﻫﭙﻪ ﻗﻮﺷﺎﻻﻳﺪﯨﻐﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﯩﺪﯗ.
    ﺑﯘ ﺑﺎﺳﻘﯘﭼﺘﺎ ﺗﻪﻳﻴﺎﺭﻟﯩﻨﯩﺪﯨﻐﺎﻥ ﻗﻮﻟﻼﻧﻤﯩﻼﺭ:
   "ﺗﯜﺭ ﺋﯩﻠﺘﯩﻤﺎﺳﻰ": ﻳﯘﻣﺸﺎﻕ ﺩﯦﺘﺎﻝ ﺗﯜﺭﯨﻨﯩﯔ ﺋﻪﻫﻤﯩﻴﯩﺘﻰ ﯞﻩ ﺋﺎﺭﻗﺎ ﻛﯚﺭﯛﻧﯜﺷﻰ، ﺋﻪﻣﻪﻟﮕﻪ ﺋﺎﺷﯘﺭﯗﻟﯩﺪﯨﻐﺎﻥ ﺋﺎﺳﺎﺳﻰ ﺋﯧﻘﺘﯩﺪﺍﺭﻻﺭ، ﺑﯘ ﺋﯧﻘﺘﯩﺪﺍﺭﻻﺭﻧﻰ ﺋﻪﻣﻪﻟﮕﻪ ﺋﺎﺷﯘﺭﯗﺷﺘﯩﻜﻰ ﺩﻩﺳﻠﻪﭘﻜﻰ ﺗﯧﺨﻨﯩﻜﯩﻠﯩﻖ ﻻﻳﯩﮭﻪ(ﻣﻪﺳﯩﻠﻪﻥ ﻗﺎﻧﺪﺍﻕ ﺗﯧﺨﻨﯩﻜﯩﻼﺭﻧﻰ ﻗﻮﻟﻠﯩﻨﯩﺶ، ﻳﯘﻣﺸﺎﻕ ﺩﯦﺘﺎﻟﻨﯩﯔ ﻗﺎﻧﺪﺍﻕ ﻗﯘﺭﯗﻟﻤﺎ ﺷﻪﻛﻠﯩﻨﻰ ﺋﯩﺸﻠﯩﺘﯩﺶ ﺩﯨﮕﻪﻧﺪﻩﻙ) ﻗﯩﺴﻘﯩﭽﻪ ﺑﺎﻳﺎﻥ ﻗﯩﻠﯩﻨﯩﺪﯗ.
ﻳﯘﻗﺎﺭﻗﻰ ﺟﻪﺭﻳﺎﻧﻼﺭ uyghurdev ﺑﯧﻜﯩﺘﯩﺪﻩ ﺗﯜﯞﻩﻧﺪﯨﻜﻰ ﻛﻮﻧﻜﯧﺮﺕ ﺋﯧﻘﺘﯩﺪﺍﺭﻻﺭ ﺋﺎﺭﻗﯩﻠﯩﻖ ﺋﻪﻣﻪﻟﮕﻪ ﺋﺎﺷﯘﺭﯗﻟﻐﺎﻥ:
    1. ﺗﯜﺭ ﺋﯩﻠﺘﯩﻤﺎﺱ ﻗﯩﻠﯩﺶ: ﻳﯘﻗﯩﺮﯨﺪﺍ ﺋﯧﻴﺘﯩﻠﻐﺎﻥ «ﺗﯜﺭ ﺋﯩﻠﺘﯩﻤﺎﺳﻰ» ﻳﯧﺰﯨﭗ ﺗﺎﭘﺸﯘﺭﯗﻟﯩﺪﯗ.
    2. ﻗﺎﺗﻨﯩﺸﯩﺶ ﺋﯩﻠﺘﯩﻤﺎﺳﻰ : ﺋﻪﺯﺍﻻﺭﻧﯩﯔ ﺗﯜﺭﮔﻪ ﻗﺎﺗﻨﯩﺸﯩﺶ ﺋﯩﻠﺘﯩﻤﺎﺳﻰ ﻳﯧﺰﯨﻠﯩﺪﯗ.
    3. ﺗﯜﺭ ﺗﻪﺳﺘﯧﻘﻼﺵ: ﺑﯩﻜﻪﺕ ﺑﺎﺷﻠﯩﻘﻰ ﺗﯜﺭﻧﯩﯔ ﺋﻪﻫﻤﯩﻴﯩﺘﻰ ﯞﻩ ﺋﻪﺯﺍﻻﺭﻧﯩﯔ ﻗﯩﺰﻏﯩﻨﻠﯩﻘﯩﻐﺎ ﺋﺎﺳﺎﺳﻪﻥ ﺗﯜﺭﻧﻰ ﺗﻪﺳﺘﯧﻘﻼﻳﺪﯗ. ﺗﻪﺳﺘﯧﻘﻼﻧﻐﺎﻥ ﺗﯜﺭ ﺋﯜﭼﯜﻥ ﺑﯩﻜﻪﺕ ﻣﻪﺧﺴﯘﺱ ﻣﯘﻧﺒﻪﺭ ﺳﻪﻫﯩﭙﯩﺴﻰ ﺗﻪﺳﯩﺲ ﻗﯩﻠﯩﺪﯗ.
    4. ﺗﯜﺭ ﺩﯦﺮﯨﻜﺘﻮﺭﯨﻨﻰ ﺑﯧﻜﯩﺘﯩﺶ: ﺗﯜﺭ ﺩﯦﺮﯨﻜﺘﻮﺭﻯ ﺗﯜﺭﮔﻪ ﻗﺎﺗﻨﺎﺷﻘﯘﭼﻰ ﺋﻪﺯﺍﻻﺭ ﺋﯩﭽﯩﺪﯨﻦ ﺳﺎﻳﻼﭖ ﭼﯩﻘﯩﻠﯩﺪﯗ. ﺋﺎﺩﻩﺗﺘﻪ ﺑﺎﺷﻘﯩﭽﻪ ﺋﻪﻫﯟﺍﻝ ﺑﻮﻟﻤﯩﺴﺎ ﺗﯜﺭ ﺋﯩﻠﺘﯩﻤﺎﺱ ﻗﯩﻠﻐﯘﭼﻰ ﺗﯜﺭ ﺩﯦﺮﯨﻜﺘﻮﺭﻯ ﻗﯧﻠﯩﭗ ﺑﯧﻜﯩﺘﯩﻠﯩﺪﯗ.
    ﺋﯩﻜﻜﯩﻨﭽﻰ ﻗﻪﺩﻩﻡ: ﺋﯩﺠﺎﺩﯨﻴﻪﺕ ﺑﺎﺳﻘﯘﭼﻰ
    ﺑﯘ ﺑﺎﺳﻘﯘﭺ ﺗﯜﺭ ﺋﯩﺠﺎﺩﯨﻴﯩﺘﯩﻨﯩﯔ ﻫﺎﻟﻘﯩﻠﯩﻖ ﺑﺎﺳﻘﯘﭼﻰ ﺑﻮﻟﯘﭖ، ﺗﯜﺭ ﺋﯩﺠﺎﺩﯨﻴﯩﺘﯩﺪﯨﻜﻰ ﻛﻪﺳﭙﻰ ﺋﯧﮭﺘﯩﻴﺎﺟﻨﻰ ﺑﯧﻜﯩﺘﯩﺶ، ﺋﯧﮭﺘﯩﻴﺎﺝ ﺋﺎﻧﺎﻟﯧﺰﻯ، ﺋﻮﻣﻮﻣﻰ ﻻﻳﯩﮭﻪ، ﺗﻪﭘﺴﯩﻠﻰ ﻻﻳﯩﮭﻪ، ﻛﻮﺩ ﻳﯧﺰﯨﺶ، ﺑﯚﻟﻪﻛﻠﯩﻚ ﺳﯩﻨﺎﻕ، ﺑﯩﺮﯨﻜﻤﻪ ﺳﯩﻨﺎﻕ ﻗﺎﺗﺎﺭﻟﯩﻖ ﺧﯩﺰﻣﻪﺗﻠﻪﺭ ﺋﻮﺭﯗﻧﺪﯨﻠﯩﺪﯗ. ﺑﯘ ﺧﯩﺰﻣﻪﺗﻠﻪﺭﻧﯩﯔ ﭘﯜﺗﻜﯜﻝ ﺋﻮﺭﯗﻧﻠﯩﻨﯩﺶ ﺟﻪﺭﻳﺎﻧﯩﻐﺎ ﺗﯜﺭ ﺩﯦﺮﯨﻜﺘﻮﺭﻯ ﻳﯧﺘﻪﻛﭽﯩﻠﯩﻚ ﻗﯩﻠﯩﺪﯗ. ﺗﯜﺭ ﺩﯦﺮﯨﻜﺘﻮﺭﻯ ﺧﯩﺰﻣﻪﺗﻠﻪﺭﻧﻰ ﺑﺎﺳﻘﯘﭼﻼﺭﻏﺎ ﺑﯚﻟﯜﭖ، ﺋﻪﺯﺍﻻﺭﻏﺎ ﺗﻪﻗﺴﯩﻤﻠﻪﻳﺪﯗ. ﺋﻮﺭﯗﻧﺪﺍﭖ ﺑﻮﻟﯘﻧﻐﺎﻥ ﯞﻩﺯﯨﭙﯩﻠﻪﺭﻧﻰ ﺧﯘﻻﺳﯩﻼﻳﺪﯗ. ﺋﯘﻧﺪﯨﻦ ﺑﺎﺷﻘﺎ ﻳﻪﻧﻪ ﺋﻪﺯﺍﻻﺭﻧﯩﯔ ﺧﯩﺰﻣﯩﺘﻰ ﺋﯜﺳﺘﯩﺪﯨﻦ ﺑﺎﻫﺎﻻﺵ ﺋﯧﻠﯩﭗ ﺑﯧﺮﯨﺶ ﺋﯜﭼﯜﻥ ﺳﯜﭘﻪﺕ ﯞﻩﻛﯩﻠﻰ ﺗﻪﺳﯩﺲ ﻗﯩﻠﯩﺸﻘﺎ ﺑﻮﻟﯩﺪﯗ. ﺳﯜﭘﻪﺕ ﯞﻩﻛﯩﻠﯩﻨﯩﯔ ﻛﻮﻧﻜﯧﺮﺕ ﯞﻩﺯﯨﭙﯩﺴﻰ ﻣﯘﻧﺎﺳﯩﯟﻩﺗﻠﯩﻚ ﺋﯚﻟﭽﻪﻡ ﯞﻩ ﺑﻪﻟﮕﯩﻠﯩﻤﯩﻠﻪﺭﮔﻪ ﺋﺎﺳﺎﺳﻪﻥ ﺋﻪﺯﺍﻻﺭﻧﯩﯔ ﺧﯩﺰﻣﯩﺘﯩﻨﯩﯔ ﺳﯜﭘﯩﺘﻰ ﺋﯜﺳﺘﯩﺪﯨﻦ ﻧﺎﺯﺍﺭﻩﺕ ﻗﯩﻠﯩﺸﺘﯩﻦ ﺋﯩﺒﺎﺭﻩﺕ. ﻣﻪﺳﯩﻠﻪﻥ "ﻛﻮﺩ ﻳﯧﺰﯨﺶ ﻗﻮﻟﻼﻧﻤﯩﺴﻰ" ﻏﺎ ﺋﺎﺳﺎﺳﻪﻥ ﻳﯧﺰﯨﻠﻐﺎﻥ ﻛﻮﺩﻻﺭﻧﯩﯔ ﺋﯚﻟﭽﻪﻣﻠﯩﻚ ﺑﻮﻟﻐﺎﻥ ﺑﻮﻟﻤﯩﻐﺎﻧﻠﯩﻘﯩﻨﻰ ﺗﻪﻛﺸﯜﺭﯛﺵ ﺩﯨﮕﻪﻧﺪﻩﻙ.
    ﺑﯘ ﺑﺎﺳﻘﯘﭼﺘﺎ ﺗﻪﻳﻴﺎﺭﻟﯩﻨﯩﺪﯨﻐﺎﻥ ﻗﻮﻟﻼﻧﻤﯩﻼﺭ:
    "ﻛﻮﺩ ﻳﯧﺰﯨﺶ ﻗﻮﻟﻼﻧﻤﯩﺴﻰ" (ﺗﻪﯞﯨﺴﯩﻴﻪ): ﻛﻮﻟﻠﯩﻜﺘﯩﭗ ﻫﻪﻣﻜﺎﺭﻟﯩﻘﯩﺪﯨﻜﻰ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﯩﺘﯩﺪﻩ، ﭘﯩﺮﻭﮔﯩﺮﺍﻣﻤﺎ ﻛﻮﺩﻯ ﻳﺎﺯﻏﺎﻧﺪﺍ ﺟﻪﺯﻣﻪﻥ ﺭﯨﺌﺎﻳﻪ ﻗﯧﻠﯩﺸﻘﺎ ﺗﯩﮕﯩﺸﻠﯩﻚ ﻗﺎﺋﯩﺪﻩ ﯞﻩ ﭘﯩﺮﯨﻨﺴﯩﭙﻼﺭ ﺑﺎﻳﺎﻥ ﻗﯧﻠﯩﻨﯩﺪﯗ.
    "ﺋﯩﺠﺎﺩﯨﻴﻪﺕ ﻫﻪﻣﻜﺎﺭﻟﯩﻖ ﻗﻮﻟﻼﻧﻤﯩﺴﻰ"» (ﺗﻪﯞﯨﺴﯩﻴﻪ): ﻛﻮﻟﻠﯩﻜﺘﯩﭗ ﻫﻪﻣﻜﺎﺭﻟﯩﻘﯩﺪﯨﻜﻰ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﻪﺕ ﭘﺎﺋﺎﻟﯩﻴﯩﺘﯩﺪﻩ، ﭘﯩﺮﻭﮔﯩﺮﺍﻣﻤﺎ ﻻﻳﯩﻬﯩﻠﻪﺵ ﯞﻩ ﻛﻮﺩ ﻳﯧﺰﯨﺸﻘﺎ ﻣﯘﻧﺎﺳﯩﯟﻩﺗﻠﯩﻚ ﺧﯩﺰﻣﻪﺕ ﺗﻪﺭﺗﯩﭗ ﻛﯚﺭﺳﻪﺗﻤﯩﺴﻰ ﺑﺎﻳﺎﻥ ﻗﯧﻠﯩﻨﯩﺪﯗ.
    "ﻛﻪﺳﭙﻰ ﺋﯧﮭﺘﯩﻴﺎﺝ ﻗﻮﻟﻼﻧﻤﯩﺴﻰ"» (ﺗﻪﯞﯨﺴﯩﻴﻪ): ﺳﯧﺴﺘﯩﻤﯩﺪﺍ ﺋﻪﻣﻪﻟﮕﻪ ﺋﺎﺷﯘﺭﯗﻟﯩﺪﯨﻐﺎﻥ ﻛﻮﻧﻜﯧﺮﺕ ﺋﯧﻘﺘﯩﺪﺍﺭﻻﺭ، ﺑﯘ ﺋﯧﻘﺘﯩﺪﺍﺭﻻﺭﻧﯩﯔ ﻛﻪﺳﯩﭗ ﺋﻪﻣﯩﻠﻴﯩﺘﻰ ﺗﻪﭘﺴﯩﻠﻰ ﺑﺎﻳﺎﻥ ﻗﯧﻠﯩﻨﯩﺪﯗ.
    "ﺋﯘﻣﻮﻣﻰ ﻻﻳﯩﮭﻪ ﻗﻮﻟﻼﻧﻤﯩﺴﻰ"»: «ﻛﻪﺳﯩﭙﻰ ﺋﯧﻬﺘﯩﻴﺎﺝ ﻗﻮﻟﻼﻧﻤﯩﺴﻰ» ﺋﯜﺳﺘﯩﺪﯨﻦ ﺋﺎﻧﺎﻟﯧﺰ ﺋﯧﻠﯩﭗ ﺑﯧﺮﯨﺶ ﺋﺎﺳﺎﺳﯩﺪﺍ ﻳﯘﻣﺸﺎﻕ ﺩﯦﺘﺎﻟﺪﺍ ﺋﻪﻣﻪﻟﮕﻪ ﺋﺎﺷﯘﺭﯗﻟﯩﺪﯨﻐﺎﻥ ﺋﯧﻘﺘﯩﺪﺍﺭ ﺑﯚﻟﻪﻛﻠﻪﺭ، ﺗﯧﺨﻨﯩﻜﯩﻠﯩﻖ ﻗﯘﺭﯗﻟﻤﺎ ﯞﻩ ﺑﺎﺷﻘﺎ ﻣﯘﻧﺎﺳﯩﯟﻩﺗﻠﯩﻚ ﺗﻪﻟﻪﭘﻠﻪﺭ ﺑﺎﻳﺎﻥ ﻗﯧﻠﯩﻨﯩﺪﯗ.
    "ﺗﻪﭘﺴﯩﻠﻰ ﻻﻳﯩﮭﻪ ﻗﻮﻟﻼﻧﻤﯩﺴﻰ"» (ﺗﻪﯞﯨﺴﯩﻴﻪ): «ﺋﯘﻣﻮﻣﻰ ﻻﻳﯩﻬﻪ ﻗﻮﻟﻼﻧﻤﯩﺴﻰ» ﺋﺎﺳﺎﺳﯩﺪﺍ ﻛﻮﻧﻜﯧﺮﺕ ﺋﯧﻘﺘﯩﺪﺍﺭ ﺑﯚﻟﻪﻛﻠﯧﺮﯨﻨﻰ ﺑﯩﺮﻟﯩﻚ ﻗﯩﻠﻐﺎﻥ ﻫﺎﻟﺪﺍ، ﺋﯧﻘﺘﯩﺪﺍﺭﻧﻰ ﻗﺎﻧﺪﺍﻕ ﺋﻪﻣﻪﻟﮕﻪ ﺋﺎﺷﯘﺭﯗﺵ ﺗﻮﻏﺮﯨﺴﯩﺪﯨﻜﻰ ﻛﻮﻧﻜﯧﺮﺕ ﻻﻳﯩﮭﻪ ﺑﺎﻳﺎﻥ ﻗﯧﻠﯩﻨﯩﺪﯗ.
    ﻳﻪﻧﻪ uyghurdev ﺑﯧﻜﯩﺘﯩﻨﻰ ﻣﯩﺴﺎﻟﻐﺎ ﺋﯧﻠﯩﭗ ﺑﺎﻳﺎﻥ ﻗﯩﻠﺴﺎﻕ:
    1. ﺋﻪﺯﺍﻻﺭﻧﯩﯔ ﻗﺎﺗﻨﯩﺸﯩﺶ ﺋﯩﻠﺘﯩﻤﺎﺳﯩﻨﻰ ﺗﻪﺳﺘﯧﻘﻼﺵ: ﺑﯩﺮﯨﻨﭽﻰ ﺑﺎﺳﻘﯘﭼﺘﺎ ﺗﯩﻠﻐﺎ ﺋﯧﻠﯩﻨﻐﺎﻥ ﺋﻪﺯﺍﻻﺭﻧﯩﯔ ﺗﯜﺭﮔﻪ ﻗﺎﺗﻨﯩﺸﯩﺶ ﺋﯩﻠﺘﯩﻤﺎﺳﯩﻨﻰ ﺗﯜﺭ ﺩﯦﺮﯨﻜﺘﻮﺭﻯ ﺗﻪﺳﺘﯩﻘﻼﻳﺪﯗ. ﺗﻪﺳﺘﯩﻘﻼﻧﻐﺎﻥ ﺋﻪﺯﺍ ﺗﯜﺭﺩﻩ ﻫﻪﻣﻜﺎﺭﻟﯩﻘﺘﺎ ﺋﯩﺠﺎﺩﯨﻴﻪﺕ ﺋﯧﻠﯩﭗ ﺑﯧﺮﯨﺶ ﺳﺎﻻﻫﯩﻴﯩﺘﯩﮕﻪ ﺋﯩﮕﻪ ﺑﻮﻟﯩﺪﯗ.
    2. ﺋﻪﺯﺍﻻﺭﻧﯩﯔ ﭼﯧﻜﯩﻨﯩﺶ ﺋﯩﻠﺘﯩﻤﺎﺳﻰ: ﺗﯜﺭﮔﻪ ﻗﺎﺗﻨﯩﺸﯩﺶ ﻳﺎﻛﻰ ﺗﯜﺭﺩﯨﻦ ﭼﯧﻜﯩﻨﯩﺶ ﺋﻪﺯﺍﻻﺭﻧﯩﯔ ﺋﯚﺯ ﺋﯩﺨﺘﯩﻴﺎﺭﻟﯩﻘﯩﺪﺍ ﺑﻮﻟﯩﺪﯗ. ﺷﯘﯕﺎ ﻗﺎﺗﻨﺎﺷﻘﺎﻥ ﺋﻪﺯﺍﻻﺭ ﺧﺎﻟﯩﻐﺎﻥ ﯞﺍﻗﯩﺘﺘﺎ ﺗﯜﺭﺩﯨﻦ ﭼﯧﻜﯩﻨﯩﺶ ﺋﯩﻠﺘﯩﻤﺎﺳﻰ ﻳﺎﺯﺳﺎ ﺑﻮﻟﯩﺪﯗ. ﭼﯧﻜﯩﻨﯩﺶ ﺋﯩﻠﺘﯩﻤﺎﺳﯩﻨﻰ ﺗﯜﺭ ﺩﯦﺮﯨﻜﺘﻮﺭﻯ ﺗﻪﺳﺘﯧﻘﻼﻳﺪﯗ.
    3. ﺗﯜﺭﺩﯨﻜﻰ ﯞﻩﺯﯨﭙﯩﻠﻪﺭﻧﻰ ﺑﯧﻜﯩﺘﯩﺶ ﯞﻩ ﺗﻪﻗﺴﯩﻤﻠﻪﺵ: ﺑﯘﻧﯩﯖﺪﺍ ﺗﯜﺭ ﺩﯦﺮﯨﻜﺘﻮﺭﻯ ﺋﯩﺠﺎﺩﯨﻴﻪﺕ ﺧﯩﺰﻣﯩﺘﯩﻨﯩﯔ ﻛﻮﻧﻜﯧﺮﺕ ﺗﻪﺭﻩﻗﻘﯩﻴﺎﺗﯩﻐﺎ ﺋﺎﺳﺎﺳﻪﻥ، ﺋﻮﺭﯗﻧﺪﺍﺷﻘﺎ ﺗﯩﮕﯩﯩﺸﻠﯩﻚ ﯞﻩﺯﯨﭙﯩﻠﻪﺭﻧﻰ، ﻛﻮﻧﻜﯧﺮﺕ ﯞﻩﺯﯨﭙﯩﻨﻰ ﺋﻮﺭﯗﻧﺪﺍﺵ ﺋﯜﭼﯜﻥ ﺑﻪﻟﮕﯩﻠﻪﻧﮕﻪﻥ ﻣﯚﻫﻠﻪﺗﻨﻰ ﺑﯧﻜﯩﺘﯩﭗ ﺋﯧﻼﻥ ﻗﯩﻠﯩﺪﯗ. ﺋﺎﻧﺪﯨﻦ ﺗﯜﺭﺩﯨﻜﻰ ﺋﻪﺯﺍﻻﺭﻧﯩﯔ ﺋﻪﻫﯟﺍﻟﯩﻐﺎ ﺋﺎﺳﺎﺳﻪﻥ ﺋﻪﺯﺍﻻﺭﻏﺎ ﯞﻩﺯﯨﭙﯩﻠﻪﺭﻧﻰ ﺗﻪﻗﺴﯩﻤﻠﻪﻳﺪﯗ.
    4. ﯞﻩﺯﯨﭙﯩﻠﻪﺭﻧﻰ ﺋﻮﺭﯗﻧﻼﺵ: ﺋﻪﺯﺍﻻﺭ ﺋﯚﺯﯨﮕﻪ ﺗﻪﻗﺴﯩﻤﻠﻪﻧﮕﻪﻥ ﯞﻩﺯﯨﭙﯩﻠﻪﺭﻧﻰ ﺑﻪﻟﮕﯩﻠﻪﻧﮕﻪﻥ ﻣﯘﺩﺩﻩﺕ ﺋﯩﭽﯩﺪﻩ ﺋﻮﺭﯗﻧﻼﻳﺪﯗ (ﻧﺎﯞﺍﺩﺍ ﯞﻩﺯﯨﭙﻪ ﻣﯘﺩﺩﯨﺘﻰ ﺑﻪﻙ ﻗﯩﺴﻘﺎ ﺑﻮﻟﺴﺎ، ﺗﯜﺭ ﺩﯦﺮﯨﻜﺘﻮﺭﻯ ﺋﺎﺭﻗﯩﻠﯩﻖ ﯞﻩﺯﯨﭙﻪ ﻣﯘﺩﺩﯨﺘﯩﻨﻰ ﻣﯘﯞﺍﭘﯩﻖ ﺋﯘﺯﺍﺭﺗﯩﺸﻘﺎ ﺑﻮﻟﯩﺪﯗ).
    5. ﯞﻩﺯﯨﭙﯩﻨﻰ ﺧﯘﻻﺳﯩﻼﺵ: ﺋﻪﺯﺍﻻﺭﻧﯩﯔ ﯞﻩﺯﯨﭙﯩﺴﻰ ﺋﻮﺭﯗﻧﻼﻧﻐﺎﻧﺪﯨﻦ ﻛﯧﻴﯩﻦ، ﺗﯜﺭ ﺩﯦﺮﯨﻜﺘﻮﺭﻯ ﺗﻪﻛﺸﯜﺭﯛﭖ ﺑﺎﻫﺎﻻﺷﺘﯩﻦ ﺋﯚﺗﻜﻪﻥ ﯞﻩﺯﯨﭙﯩﻠﻪﺭﻧﻰ ﺧﯘﻻﺳﯩﻼﻳﺪﯗ (ﻳﺎﻛﻰ ﺗﺎﻗﺎﻳﺪﯗ).
    6. ﻣﻪﺧﺴﯘﺱ ﻣﯘﻧﺒﻪﺭ: ﺑﯘ ﺗﯜﺭ ﺋﯩﺠﺎﺩﯨﻴﯩﺘﯩﺪﯨﻜﻰ ﻫﻪﺭ ﺧﯩﻞ ﻗﻮﻟﻼﻧﻤﯩﻼﺭ ﯞﻩ ﺋﯘﭼﯘﺭﻻﺭﻧﻰ ﺋﯧﻼﻥ ﻗﯩﻠﯩﺶ ﯞﻩ ﺋﺎﻟﻤﺎﺷﺘﯘﺭﯗﺷﻘﺎ ﺋﯩﺸﻠﯩﺘﯩﻠﯩﺪﯗ.
    ﺑﯘ ﺟﻪﺭﻳﺎﻧﺪﺍ ﻳﻪﻧﻪ ﻧﯘﺳﺨﺎ ﺑﺎﺷﻘﯘﺭﯗﺵ ﻳﯘﻣﺸﺎﻕ ﺩﯦﺘﺎﻟﻠﯧﺮﯨﻨﯩﯔ ﻳﺎﺭﯨﻤﻰ ﺋﺎﺭﻗﯩﻠﯩﻖ ﻫﻪﺭﺧﯩﻞ ﭘﯩﺮﻭﮔﯩﺮﺍﻣﻤﺎ ﻫﯜﺟﺠﻪﺗﻠﯧﺮﯨﻨﻰ ﺑﺎﺷﻘﯘﺭﯗﺷﻘﺎ ﺗﻮﻏﺮﺍ ﻛﯧﻠﯩﺪﯗ. ﻧﺎﯞﺍﺩﺍ ﺷﺎﺭﺍﺋﯩﺖ ﺑﻮﻟﻤﯩﺴﺎ ﺗﯜﺭﺩﻩ «ﺳﯜﭘﻪﺕ ﯞﻩﻛﯩﻠﻰ» ﻧﻰ ﺗﻪﺳﯩﺲ ﻗﯩﻠﯩﭗ، ﻫﯜﺟﺠﻪﺗﻠﻪﺭﻧﻰ ﯞﺍﻛﺎﻟﻪﺗﻪﻥ ﺑﺎﺷﻘﯘﺭﯗﺷﻘﺎ ﻗﻮﻳﯘﺷﻘﺎ ﺑﻮﻟﯩﺪﯗ. ﺑﯘ ﺧﯩﻞ ﺋﻪﻫﯟﺍﻟﺪﺍ ﭘﯩﺮﻭﮔﯩﺮﺍﻣﻤﺎ ﻫﯜﺟﺠﻪﺗﻠﯧﺮﯨﻨﻰ ﺋﯚﺯﮔﻪﺭﺗﯩﺸﻜﻪ ﺗﻮﻏﺮﺍ ﻛﻪﻟﺴﻪ ﺟﻪﺯﻣﻪﻥ «ﺳﯜﭘﻪﺕ ﯞﻩﻛﯩﻠﻰ» ﮔﻪ ﺋﯩﻠﺘﯩﻤﺎﺱ ﻗﯩﻠﯩﭗ ﺋﻪﯓ ﻳﯧﯖﻰ ﻧﯘﺳﺨﯩﺴﯩﻨﻰ ﺋﯧﻠﯩﭗ ﺋﯚﺯﮔﻪﺭﺗﯩﺶ، ﺑﯩﺮ ﺧﯩﻞ ﻫﯜﺟﺠﻪﺗﻨﯩﯔ ﺑﯩﺮﻻ ﯞﺍﻗﯩﺘﺘﺎ ﻛﯚﭖ ﺧﯩﻞ ﺋﻮﺧﺸﯩﻤﺎﻳﺪﯨﻐﺎﻥ ﻧﯘﺳﺨﯩﺴﯩﻨﯩﯔ ﻣﻪﯞﺟﯘﺕ ﺑﻮﻟﯩﺸﯩﺪﯨﻦ ﺳﺎﻗﻠﯩﻨﯩﺶ ﻛﯧﺮﻩﻙ.
    ﺋﯜﭼﯜﻧﭽﻰ ﻗﻪﺩﻩﻡ: ﺋﺎﺧﯩﺮﻻﺷﺘﯘﺭﯗﺵ ﺑﺎﺳﻘﯘﭼﻰ
    ﺗﯜﺭ ﺋﯩﺠﺎﺩﯨﻴﯩﺘﻰ ﺋﺎﺧﯩﺮﻻﺷﻘﺎﻧﺪﯨﻦ ﻛﯧﻴﯩﻦ ﻳﯘﻣﺸﺎﻕ ﺩﯦﺘﺎﻝ ﺋﯩﺸﻠﯩﺘﯩﺸﻜﻪ ﺗﺎﭘﺸﯘﺭﯗﻟﯩﺪﯗ. ﺗﯜﺭ ﺩﯦﺮﯨﻜﺘﻮﺭﻯ ﺗﯜﺭ ﺋﯩﺠﺎﺩﯨﻴﺘﻰ ﺋﯜﺳﺘﯩﺪﯨﻦ ﺧﯘﻻﺳﯩﻼﺵ ﺋﯧﻠﯩﭗ ﺑﺎﺭﯨﺪﯗ. ﻣﯘﻧﺎﺳﯩﯟﻩﺗﻠﯩﻚ ﻫﯜﺟﺠﻪﺕ ﯞﻩ ﻗﻮﻟﻼﻧﻤﯩﻼﺭ ﺋﺎﺭﺧﯩﭙﻠﯩﻨﯩﺪﯗ.
    ﻛﻮﻟﻠﯩﻜﺘﯩﭗ ﻫﻪﻣﻜﺎﺭﻟﯩﻘﯩﺪﯨﻜﻰ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﯩﺘﯩﺪﻩ ﻳﯘﻗﺎﺭﻗﯩﻼﺭﺩﯨﻦ ﺑﺎﺷﻘﺎ ﻳﻪﻧﻪ ﺳﯧﺴﺘﯩﻤﯩﻨﯩﯔ ﺋﯩﺠﺎﺩﯨﻴﻪﺕ ﺑﯚﻟﻪﻛﻠﯧﺮﯨﻨﻰ ﻗﺎﻧﺪﺍﻕ ﺑﯚﻟﯜﺵ ﯞﻩ ﺗﻪﻗﺴﯩﻤﻠﻪﺵ، ﻳﯘﻣﺸﺎﻕ ﺩﯦﺘﺎﻟﻨﯩﯔ ﺋﯩﺸﻠﯩﺘﯩﺶ ﺭﯗﺧﺴﻪﺗﻨﺎﻣﯩﺴﯩﻨﻰ ﻗﺎﻧﺪﺍﻕ ﺑﯧﻜﯩﺘﯩﺶ ﯞﻩ ﺑﯩﺮ ﺗﻪﺭﻩﭖ ﻗﯩﻠﯩﺶ ﺩﯨﮕﻪﻧﺪﻩﻙ ﻧﯘﺭﻏﯘﻥ ﻛﻮﻧﻜﯧﺮﺕ ﻣﻪﺳﯩﻠﯩﻠﻪﺭ ﻣﻪﯞﺟﯘﺕ. ﺑﯘ ﻣﻪﺳﯩﻠﯩﻠﻪﺭ ﺑﯩﺰﻧﯩﯔ ﻳﻪﻧﯩﻤﯘ ﻛﻮﻧﻜﯧﺮﺕ ﻣﯘﻧﺎﺯﯨﺮﯨﻠﯩﺸﯩﺸﯩﻤﯩﺰﻧﻰ، ﺋﯚﺯﯨﻤﯩﺰﻧﯩﯔ ﺋﯩﺠﺎﺩﯨﻴﻪﺕ ﺋﻪﻣﯩﻠﻴﯩﺘﯩﻤﯩﺰﮔﻪ ﺋﺎﺳﺎﺳﻪﻥ ﺋﯜﻧﯜﻣﻠﯜﻙ ﻫﻪﻝ ﻗﯩﻠﯩﺶ ﺋﯘﺳﻮﻟﯩﻨﻰ ﺗﯧﭙﯩﭗ ﭼﯩﻘﯩﺸﯩﻤﯩﺰﻧﻰ ﺗﻪﻟﻪﭖ ﻗﯩﻠﯩﺪﯗ.ﻛﯚﭘﭽﯩﻠﯩﻜﻨﯩﯔ uyghurdev ﺑﯧﻜﯩﺘﯩﮕﻪ ﻗﻪﺩﻩﻡ ﺗﻪﺷﺮﯨﭗ ﻗﯩﻠﯩﭗ، ﻣﯘﻧﺎﺳﯩﯟﻩﺗﻠﯩﻚ ﻣﻪﺳﯩﻠﯩﻠﻪﺭ ﯞﻩ ﺑﺎﺷﻘﺎ ﭘﺎﻳﺪﯨﻠﯩﻖ ﺗﯧﻤﯩﻼﺭ ﺋﯜﺳﺘﯩﺪﯨﻦ ﻳﻪﻧﯩﻤﯘ ﺋﯩﻠﮕﯩﺮﻟﯩﮕﻪﻥ ﻫﺎﻟﺪﺍ ﻣﯘﻧﺎﺯﯨﺮﻩ ﯞﻩ ﺋﯩﺰﺩﯨﻨﯩﺶ ﺋﯧﻠﯩﭗ ﺑﯧﺮﯨﺸﯩﻨﻰ ﻗﺎﺭﺷﻰ ﺋﺎﻟﯩﻤﯩﺰ.

Estami يوللانغان ۋاقتى 2006-6-26 22:50:40

ﺋﻮﺑﺪﺍﻥ ﺑﺎﺷﯩﻠﻨﯩﺶ ﺑﻮﭘﺘﯘ .

Bihlan يوللانغان ۋاقتى 2006-6-28 11:51:49

ﺑﯘ ﺗﻮﺭ ﺑﻪﺗﻨﻰ ﻛﯜﻧﺪﻩ ﺑﯩﺮ ﻛﯚﺭﯛﭖ ﺗﯘﺭﻣﯩﺴﺎﻡ ﭼﯩﺪﯨﻤﺎﻳﺪﯨﻐﺎﻥ ﺑﻮﻟﯘﭖ ﻗﺎﻟﺪﯨﻢ، ﮬﻪﻗﯩﻘﻪﺗﻪﻥ ﺋﻮﺑﺪﺍﻥ ﻣﺎﻗﺎﻟﯩﻼﺭ ﺑﺎﺭ.

yingi-yoloqi يوللانغان ۋاقتى 2006-6-29 17:36:09

ﺑﻪﺕ ﻳﯜﺯﻯ ﻧﯘﺳﻘﯩﺴﻰ ﺩﯨﮕﻪﻥ ﺗﺎﻟﻼﺵ ﻳﻮﻗﻘﻮ؟

yingi-yoloqi يوللانغان ۋاقتى 2006-6-29 17:42:48

ﺑﻪﺕ ﻳﯜﺯﻯ ﻧﯘﺳﻘﯩﺴﻰ ﺩﯨﮕﻪﻥ ﺗﺎﻟﻼﺵ ﻳﻮﻗﻘﻮ؟

sarwan يوللانغان ۋاقتى 2006-6-29 18:08:15

--------------
ﺑﻪﺕ ﻳﯜﺯﻯ ﻧﯘﺳﻘﯩﺴﻰ ﺩﯨﮕﻪﻥ ﺗﺎﻟﻼﺵ ﻳﻮﻗﻘﻮ؟
--------------------

   ﻣﯧﻨﯩﯔ ﻣﺎﺗﯧﺮﯨﻴﺎﻟﯩﻢ ﺩﯨﮕﻪﻥ ﺑﻪﺗﻨﯩﯔ ﺋﻪﯓ ﺋﺎﺧﯩﺮﯨﺪﺍ ﺑﺎﺭ.

sarwan يوللانغان ۋاقتى 2006-6-29 18:17:29

bihlan:
ﺑﯘ ﺗﻮﺭ ﺑﻪﺗﻨﻰ ﻛﯜﻧﺪﻩ ﺑﯩﺮ ﻛﯚﺭﯛﭖ ﺗﯘﺭﻣﯩﺴﺎﻡ ﭼﯩﺪﯨﻤﺎﻳﺪﯨﻐﺎﻥ ﺑﻮﻟﯘﭖ ﻗﺎﻟﺪﯨﻢ، ﮬﻪﻗﯩﻘﻪﺗﻪﻥ ﺋﻮﺑﺪﺍﻥ ﻣﺎﻗﺎﻟﯩﻼﺭ ﺑﺎﺭ.
——————————
   \"ﺋﺎﻟﻤﺎﻗﻨﯩﯔ ﺑﻪﺭﻣﯩﻜﻰ ﺑﺎﺭ\" ﺋﻮﺑﺪﺍﻥ ﻣﺎﻗﺎﻟﯩﻠﻪﺭﺩﯨﻦ ﺳﯩﺰﻣﯘ ﻳﺎﺯﻣﺎﻣﺴﯩﺰ؟. ﺋﯩﺰﺩﯨﻨﯩﺸﻘﺎ ﻳﺎﺯﻏﺎﻥ ﺧﯩﻴﺎﻟﻠﯩﺮﯨﯖﯩﺰ \"ﻛﻮﻣﭙﻴﯘﺗﯧﺮ ﯞﻩ ﺗﯘﺭﻣﯘﺵ\" ﮊﻭﺭﻧﯩﻠﯩﻐﺎ ﭼﯩﻘﯩﭙﺘﯘ. ﺋﻪﺳﻠﻰ ﻛﻪﺳﭙﯩﺮﺍﻕ ﻣﺎﻗﺎﻟﯩﯖﯩﺰ ﭼﯩﻘﻘﺎﻥ ﺑﻮﻟﺴﺎ ﺗﯧﺨﯩﻤﯘ ﻳﺎﺧﺸﻰ ﺑﻮﻻﺗﺘﻰ. uyghurdev.net ﺗﺎ ﺳﯩﺰﻧﯩﯖﻤﯘ ﻣﺎﻗﺎﻟﯩﻠﯩﺮﯨﯖﯩﺰﻧﻰ ﻛﯚﺭﮔﯜﻡ ﺑﺎﺭ.

UyghurDev يوللانغان ۋاقتى 2006-6-30 07:48:32

ﺗﯩﺰﯨﻤﻠﯩﺘﯩﺶ ﻛﻮﻧﯘﭘﻜﯩﺴﯩﻨﻰ ﺑﺎﺳﻘﺎﻧﺪﯨﻦ ﻛﯧﻴﯩﻦ ﭼﯩﻘﻘﺎﻥ ﺑﻪﺗﻨﯩﯔ ﻛﻪﻳﻨﯩﺪﯨﻜﻰ ﺑﻪﺗﺘﻪ، ﻳﻪﻧﻰ ﺗﯩﺰﯨﻤﻼﺗﻘﯘﭼﯩﻨﯩﯔ ﺋﺎﺳﺎﺳﻰ ﻣﺎﺗﯧﺮﻳﺎﻟﻠﯧﺮﯨﻨﻰ ﻛﯩﺮﮔﯜﺯﯨﺪﯨﻐﺎﻥ ﺑﻪﺗﺘﻪ ﺑﺎﺭ.

yingi-yoloqi يوللانغان ۋاقتى 2006-7-8 09:49:01

ﻛﻪﭼﯜﺭﯨﺴﯩﺰ ، ﺋﯘ ﺗﻮﺭ ﺑﯩﺘﯩﺪﯨﻜﻰ ﺧﻪﺗﻠﻪﺭﻧﻰ ﺋﻮﻗﯘﻳﺎﻟﻤﯩﻐﺎﭼﻘﺎ ﺗﯩﺰﯨﻤﻠﯩﺘﯩﺶ ﺋﻮﺭﻧﯩﻨﯩﻤﯘ ﺗﺎﭘﺎﻟﻤﯩﺪﯨﻢ ، ﺗﯩﺰﯨﻤﻼﺗﻤﯩﻐﺎﻧﺪﯨﻦ ﻛﯩﻴﯩﻦ ﻣﯩﻨﯩﯔ ﻣﺎﺗﯩﺮﻳﺎﻟﯩﻢ ﺩﯨﮕﻪﻥ ﺑﻪﺕ ﭼﯩﻘﻤﯩﺴﺎ ﻛﯩﺮﻩﻙ .

mat-rix يوللانغان ۋاقتى 2007-1-16 09:47:34

ﻧﺎﮬﺎﻳﺘﻰ ﻳﺎﺧﺸﻰ ﺋﯩﺶ   ...
ﺭﻩﮬﻤﻪﺕ ﺳﯩﻠﻪﺭﮔﻪ ﺗﻮﺭﺩﺍﺷﻼﺭ..
بەت: [1]
: (uqkun) ﺋﯩﻨﺘﯧﺮﻧﻪﺕ ﻣﯘﻫﯩﺘﯩﺪﺍ ﻛﻮﻟﻠﯩﻜﺘﯩﭗ ﻫﻪﻣﻜﺎﺭﻟﯩﻘﯩﺪﯨﻜﻰ