ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪﻥ ﻻﻳﯩﮭﯩﻠﻪﺵ - ﭘﯩﺮﻭﮔﯩﺮﺍ
ﺋﺎﭘﺘﯘﺭﻯ : UyghurDevﺋﯘﻳﻐﯘﺭ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﻪﺕ ﺗﻮﺭﯨﺪﯨﻦ ﺋﯧﻠﯩﻨﺪﻯ .
ﻳﯘﻣﺸﺎﻕ ﺩﯦﺘﺎﻝ ﺗﯧﺨﻨﯩﻜﯩﺴﻰ ﺗﻪﺭﻩﻗﻘﻰ ﻗﯧﻠﯩﭗ ﺑﯜﮔﯜﻧﻜﻰ ﻛﯜﻧﮕﻪ ﻛﻪﻟﮕﻪﻧﺪﻩ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﯩﺘﯩﺪﯨﻜﻰ ﺋﯩﺶ ﺗﻪﻗﺴﯩﻤﺎﺗﻰ ﺑﺎﺭﻏﺎﻧﺴﯧﺮﻯ ﺋﯧﻨﭽﯩﻜﯩﻠﻪﭖ ﺑﯧﺮﯨﯟﺍﺗﯩﺪﯗ. ﺋﻪﺳﻠﯩﺪﯨﻜﻰ «ﭘﯩﺮﻭﮔﯩﺮﺍﻣﻤﯧﺮ» ﺩﻩﻳﺪﯨﻐﺎﻥ ﺑﯘ ﺋﺎﻣﻤﯩﺒﺎﭖ ﺋﯘﻗﯘﻡ ﺋﻪﻣﯩﻠﻰ ﺋﯧﻬﺘﯩﻴﺎﺟﻨﻰ ﻗﺎﻧﺪﯗﺭﺍﻟﻤﯩﻐﺎﭼﻘﺎ «ﻻﻳﯩﻬﯩﻠﻪﺵ ﺋﯘﺳﺘﯩﺴﻰ»، «ﺳﯩﻨﺎﺵ ﺋﯘﺳﺘﯩﺴﻰ»،«ﻗﻮﻟﻼﻧﻤﺎ ﺋﯘﺳﺘﯩﺴﻰ»،«ﺗﯜﺭ ﺩﯦﺮﯨﻜﺘﻮﺭﻯ»،«ﻣﻪﻫﺴﻮﻻﺕ ﺩﯦﺮﯨﻜﺘﻮﺭﻯ» ﺩﻩﻳﺪﯨﻐﺎﻥ ﻳﯧﯖﻰ ﺋﯘﻗﯘﻣﻼﺭ ﺑﺎﺭﻟﯩﻘﻘﺎ ﻛﻪﻟﺪﻯ ﯞﻩ ﻛﯧﻠﯩﯟﺍﺗﯩﺪﯗ. ﺑﯘﻧﯩﯔ ﺋﯩﭽﯩﺪﻩ «ﻻﻳﻬﯩﻠﯩﮕﯜﭼﻰ»-ﺑﯩﺮ ﭘﯩﺮﻭﮔﯩﺮﺍﻣﻤﯧﺮﻧﯩﯔ ﻛﻪﺳﭙﻰ ﺗﻪﺭﻩﻗﻘﯩﻴﺎﺕ ﺟﻪﺭﻳﺎﻧﯩﺪﺍ ﺑﯧﺴﯩﭗ ﺋﯚﺗﯜﺷﻜﻪ ﺗﯧﮕﯩﺸﻠﯩﻚ ﺑﯩﺮﯨﻨﭽﻰ ﭘﻪﻟﻪﻣﭙﯩﻴﻰ ﺑﯘﻟﯘﭖ ﻫﯧﺴﺎﭘﻠﯩﻨﺪﯗ.
ﻻﻳﯩﻬﯩﻠﻪﺷﻨﯩﯔ ﻣﯘﻫﯩﻤﻠﯩﻘﻰ ﺗﯘﻏﺮﯨﺴﯩﺪﺍ ﺑﯘ ﻳﻪﺭﺩﻩ ﻗﺎﻳﺘﺎ ﺗﻮﺧﺘﯘﻟﯘﭖ ﺋﯚﺗﻤﯩﺴﻪﻛﻤﯘ ﺑﯘﻻﺭ. ﻟﯧﻜﯩﻦ «ﻗﺎﻧﺪﺍﻕ ﻗﯩﻠﻐﺎﻧﺪﺍ ﻫﻪﻗﯩﻘﻰ ﻻﻳﯩﻬﯩﻠﯩﮕﯜﭼﻰ ﺑﻮﻟﻐﯩﻠﻰ ﺑﯘﻟﯩﺪﯗ» ﺩﯨﮕﻪﻥ ﻣﻪﺳﯩﻠﻪ ﺑﯩﺰﻧﯩﯔ ﻳﺎﺧﺸﯩﺮﺍﻕ ﻣﯘﻧﺎﺯﯨﺮﻩ ﻗﯩﻠﯩﺸﯩﻤﯩﺰﻏﺎ ﺋﻪﺭﺯﯨﻴﺪﯗ. ﺋﻪﭘﺴﻮﺱ ﺑﯘ ﻣﺎﻗﺎﻟﻪﻣﻨﯩﯔ ﺋﺎﺳﺎﺳﻰ ﺗﯩﻤﯩﺴﻰ ﺋﻪﻣﻪﺱ، ﺷﯘﻧﺪﺍﻕ ﺑﻮﻟﺴﯩﻤﯘ ﺑﯘﻧﯩﯖﻐﺎ ﻗﯩﺴﻘﯩﻐﯩﻨﻪ ﺟﺎﯞﺍﭖ ﺑﯧﺮﯨﭗ ﺋﯚﺗﯜﺷﻨﻰ ﺯﯙﺭﯙﺭ ﺩﻩﭖ ﺋﻮﻳﻼﻳﻤﻪﻥ.
ﺑﯩﺮ ﻫﻪﻗﯩﻘﻰ ﻳﯘﻣﺸﺎﻕ ﺩﯦﺘﺎﻝ ﻻﻳﻬﯩﻠﯩﮕﯜﭼﻰ ﺑﯘﻟﯘﺵ ﺋﯜﭼﯜﻥ ﻣﯧﻨﯩﯖﭽﻪ ﺗﯜﯞﻩﻧﺪﯨﻜﻰ ﺷﻪﺭﺗﻠﻪﺭﻧﻰ ﻫﺎﺯﯨﺮﻻﺵ ﻛﯧﺮﻩﻙ:
1.ﻛﯚﭖ ﻳﯩﻠﻠﯩﻖ ﭘﯩﺮﻭﮔﯩﺮﺍﻣﻤﺎ ﺗﯜﺯﯛﺵ ﺗﻪﺟﯩﺮﺑﯩﺴﻰ.
ﺑﯘ ﺋﺎﺳﺎﺳﻠﯩﻘﻰ ﻛﻮﺩ ﻳﯧﺰﯨﺶ ﺗﻪﺟﯩﺮﺑﯩﺴﯩﻨﻰ ﻛﯚﺯﺩﻩ ﺗﯘﺗﯩﺪﯗ. ﺑﯩﺮ ﻻﻳﻬﯩﻠﯩﮕﯜﭼﻰ ﺑﯘﻟﯘﺵ ﺋﯜﭼﯜﻥ ﺋﺎﻟﺪﻯ ﺑﯩﻠﻪﻥ ﺑﯩﺮ ﻳﺎﺧﺸﻰ ﭘﯩﺮﻭﮔﯩﺮﺍﻣﻤﯧﺮ ﺑﯘﻟﯘﺵ ﻛﯧﺮﻩﻙ. ﻛﻮﺩﻧﻰ ﻳﯧﺰﯨﭗ ﺋﯧﻘﺘﯩﺪﺍﺭﯨﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺷﻼ ﻛﯘﭘﺎﻳﻪ ﻗﯩﻠﻤﺎﻳﺪﯗ. ﺳﯩﺰ 1000 ﻗﯘﺭ ﻛﻮﺩ ﺑﯩﻠﻪﻥ ﺋﻪﻣﻪﻟﮕﻪ ﺋﺎﺷﯘﺭﻏﺎﻥ ﺋﯧﻘﺘﯩﺪﺍﺭﻧﻰ ﺑﺎﺷﻘﯩﻼﺭ ﻧﻪﭼﭽﻪ ﻳﯜﺯ ﻗﯘﺭ ﺑﯩﻠﻪﻧﻼ ﺋﻪﻣﻪﻟﮕﻪ ﺋﺎﺷﯘﺭﯗﺷﻰ ﻣﯘﻣﻜﯩﻦ. ﻳﯧﺰﯨﻠﻐﺎﻥ ﻛﻮﺩ ﺋﯜﻧﯜﻣﻠﯜﻙ ﺑﯘﻟﯘﭘﻼ ﻗﺎﻟﻤﺎﻱ ﺋﺎﺳﯩﺮﺍﺵ ﯞﻩ ﻛﯧﯖﻪﻳﺘﯩﺸﻜﻪ ﻗﯘﻻﻱ، ﭼﯜﺷﯜﻧﯜﺷﻠﯜﻙ ﺑﯘﻟﯩﺸﻰ ﻛﯧﺮﻩﻙ.
2.ﺋﺎﺑﯩﺴﺘﯩﺮﺍﻛﯩﺘﻼﺵ ﺋﯧﻘﺘﯩﺪﺍﺭﻯ
ﺑﯘ ﭘﯩﺮﻭﮔﯩﺮﺍﻣﻤﯧﺮﻧﯩﯔ ﻛﻪﺳﯩﭗ ﺋﻪﻣﯩﻠﻴﯩﺘﯩﺪﯨﻦ ﺋﺎﻣﻤﯩﺒﺎﭖ ﻗﺎﻧﻮﻧﯩﻴﻪﺗﻨﻰ ﻳﻪﻛﯜﻧﻠﻪﺵ ﺋﯧﻘﺘﯩﺪﺍﺭﯨﻨﻰ ﻛﯚﺭﺳﯩﺘﯩﺪﯗ. ﻳﯘﻣﺸﺎﻕ ﺩﯦﺘﺎﻝ ﻣﻪﻟﻮﻡ ﺑﯩﺮ ﻛﻪﺳﭙﻰ ﻣﻪﺳﯩﻠﯩﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ ﺋﯩﺸﻠﯩﻨﯩﺪﯨﻐﺎﻧﻠﯩﻘﻰ ﻛﯚﭘﭽﯩﻠﯩﻜﻜﻪ ﺋﺎﻳﺎﻥ. ﻟﯧﻜﯩﻦ ﻳﯘﻣﺸﺎﻕ ﺩﯦﺘﺎﻟﻨﻰ ﺋﺎﻣﻤﯩﺒﺎﭘﻠﯩﻖ ﺧﯘﺳﻮﺳﯩﻴﯩﺘﯩﮕﻪ ﺋﯩﮕﻪ ﻗﯩﻠﯩﺶ ﺋﯜﭼﯜﻥ ﺷﯘ ﻛﻪﺳﯩﭗ ﺋﻪﻣﯩﻠﻴﯩﺘﯩﺪﯨﻦ ﺋﺎﻣﻤﯩﺒﺎﭖ ﻗﺎﻧﻮﻧﯩﻴﻪﺗﻨﻰ ﻳﻪﻛﯜﻧﻠﻪﭖ ﭼﯩﻘﯩﺸﻘﺎ ﺗﻮﻏﺮﺍ ﻛﯧﻠﯩﺪﯗ. ﺋﯩﺸﻠﻪﭖ ﭼﯩﻘﻘﺎﻥ ﻳﯘﻣﺸﺎﻕ ﺩﯦﺘﺎﻟﯩﯖﯩﺰ ﺋﺎ...ﻧﯩﯔ ﺋﯩﺸﻠﯩﺘﯩﺸﯩﮕﻪ ﻣﺎﺱ ﻛﯧﻠﯩﭗ، ﺏ...ﻧﯩﯔ ﺋﯩﺸﻠﯩﺘﯩﺸﯩﮕﻪ ﻣﺎﺱ ﻛﻪﻟﻤﯩﺴﻪ ﺋﯘﻧﯩﯔ ﻫﺎﻳﺎﺗﻰ ﻛﯜﭼﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﻐﯩﻠﻰ ﺑﻮﻟﻤﺎﻳﺪﯗ.
3.ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪﻥ ﻻﻳﯩﻬﯩﻠﻪﺵ ﺋﯩﺪﯨﻴﯩﺴﻰ
ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪﻥ ﭘﯩﺮﻭﮔﯩﺮﺍﻣﻤﺎ ﺗﯧﺨﻨﯩﻜﯩﺴﻰ ﺗﻮﻏﺮﯨﺴﯩﺪﺍ ﻛﯚﭘﭽﯩﻠﯩﻚ ﺗﻮﻻ ﺋﺎﯕﻠﯩﻐﺎﻥ. ﺑﯩﺮﺍﻕ ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪ ﻻﻳﯩﻬﯩﻠﻪﺵ ﺋﯩﺪﯨﻴﯩﺴﻰ ﻛﯚﭘﯜﻧﭽﯩﻤﯩﺰ ﺋﯜﭼﯜﻥ ﺑﯩﺮ ﻣﻪﯞﻫﯘﻡ ﺋﯘﻗﯘﻡ. ﺑﯘ ﻫﻪﻗﺘﻪ ﻣﺎﻗﺎﻟﯩﻤﯩﺰﺩﻩ ﺋﺎﻳﺮﯨﻢ ﺗﻮﺧﺘﯩﻠﯩﭗ ﺋﯚﺗﯩﻤﯩﺰ.
4.ﻛﻪﺳﭙﻰ ﺑﯩﻠﯩﻢ
ﺑﯘ ﻫﻪﺭﮔﯩﺰﻣﯘ ﻳﯘﻣﺸﺎﻕ ﺩﯦﺘﺎﻝ ﻛﻪﺳﭙﯩﺪﯨﻜﻰ ﺗﯧﺨﻨﯩﻜﯩﻠﯩﻖ ﺑﯧﻠﯩﻤﻠﻪﺭﻧﻰ ﻛﯚﺭﺳﻪﺗﻤﻪﻳﺪﯗ. ﻗﻮﻟﻼﻧﻤﺎ ﻳﯘﻣﺸﺎﻕ ﺩﯦﺘﺎﻟﻼﺭ ﻣﻪﻟﻮﻡ ﻛﻪﺳﯩﭗ ﺋﻪﻣﯩﻠﻴﯩﺘﻰ ﺋﯜﭼﯜﻥ ﺧﯩﺰﻣﻪﺕ ﻗﯩﻠﯩﺪﯗ. ﺷﯘﯕﺎ ﻳﯘﻣﺸﺎﻕ ﺩﯦﺘﺎﻟﯩﻨﯩﯔ ﻻﻳﯩﻬﯩﻠﯩﮕﯜﭼﯩﺴﻰ ﺋﯘﺷﺒﯘ ﻛﻪﺳﯩﭗ ﺋﻪﻣﯩﻠﻴﯩﺘﯩﮕﻪ ﺟﻪﺯﻣﻪﻥ ﭘﯩﺸﺸﯩﻖ ﺑﯘﻟﯩﺸﻰ ﻛﯧﺮﻩﻙ. ﺑﻮﻟﻤﯩﺴﺎ ﻳﯧﺰﯨﭗ ﭼﯩﻘﻘﺎﻥ ﭘﯩﺮﻭﮔﯩﺮﺍﻣﻤﯩﯖﯩﺰﻧﯩﯔ ﻫﯧﭽﻘﺎﻧﺪﺍﻕ ﺋﻪﻣﻪﻟﻰ ﻗﻮﻟﻠﯩﻨﯩﺸﭽﺎﻧﻠﯩﻘﻰ ﺑﻮﻟﻤﺎﻱ ﻗﺎﻟﯩﺪﯗ. ﺷﯘﯕﺎ ﻳﯘﻣﺸﺎﻕ ﺩﯦﺘﺎﻝ ﻻﻳﻬﯩﻠﯩﮕﯜﭼﯩﻠﯧﺮﯨﻨﻰ «ﺑﯩﺮﮔﻪ ﻗﺎﺑﯩﻞ، ﻛﯚﭘﻜﻪ ﻣﺎﻫﯩﺮ» ﺩﻩﭖ ﺗﻪﺭﯨﭙﻠﯩﺴﻪ ﻫﻪﺭﮔﯩﺰ ﺋﯧﻐﯩﺮ ﻛﻪﺗﻤﻪﻳﺪﯗ.
ﻳﯘﻗﺎﺭﻗﻰ ﺗﯚﺕ ﺷﻪﺭﺗﻨﯩﯔ ﺋﯩﭽﯩﺪﻩ ﻗﺎﻳﺴﯩﺴﯩﻨﯩﯔ ﺋﻪﯓ ﻣﯘﻫﯩﻢ ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺗﺎﻻﺵ-ﺗﺎﺭﺗﯩﺶ ﻛﯚﭖ، ﻟﯧﻜﯩﻦ «ﺋﺎﺑﯩﺴﺘﯩﺮﺍﻛﯩﺘﻼﺵ ﺋﯧﻘﺘﯩﺪﺍﺭﻯ» ﺑﯩﻠﻪﻥ «ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪﻥ ﻻﻳﯩﻬﯩﻠﻪﺵ ﺋﯩﺪﯨﻴﯩﺴﻰ»ﻧﯩﯔ ﺯﯨﭻ ﺑﺎﻏﻠﯩﻨﯩﺶ ﺑﺎﺭ. ﻧﯩﻤﻪ ﺋﯜﭼﯜﻥ ﺷﯘﻧﺪﺍﻕ ﺩﻩﻳﻤﯩﺰ؟ « ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪﻥ ﻻﻳﯩﻬﯩﻠﻪﺵ»ﺩﯨﮕﻪﻥ ﺯﺍﺩﻯ ﻧﯩﻤﻪ؟ ﺑﯘﻻﺭﻏﺎ ﻗﯩﺰﯨﻘﺴﯩﯖﯩﺰ ﺩﯦﻘﻘﯩﺘﯩﯖﯩﺰ ﺗﯜﯞﻩﻧﺪﯨﻜﻰ ﻗﯘﺭﻟﯧﺮﯨﻤﯩﺰﺩﺍ ﺑﻮﻟﻐﺎﻱ.
ﺋﻮﺑﯩﻜﯩﺘﻘﺎ ﻳﯜﺯﻟﮕﻪﻧﮕﻪﻥ ﭘﯩﺮﻭﮔﯩﺮﺍﻣﻤﺎ ﺗﯧﺨﻨﯩﻜﯩﺴﻰ ﻫﺎﺯﯨﺮﻗﻰ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﯩﺘﯩﺪﯨﻜﻰ «ﺑﺎﺵ ﺭﻭﻟﭽﻰ» ﺑﯘﻟﯘﭖ ﻗﺎﻟﺪﻯ. ﺋﻪﺗﯩﺮﺍﭘﯩﻤﯩﺰﻏﺎ ﻧﻪﺯﻩﺭ ﺳﺎﻟﯩﺪﯨﻐﺎﻥ ﺑﻮﻟﺴﺎﻕ ﺑﯩﺰ ﺋﯩﺸﻠﯩﺘﯩﯟﺍﺗﻘﺎﻥ ﭘﯩﺮﻭﮔﯩﺮﺍﻣﻤﺎ ﺗﯩﻠﻠﯧﺮﯨﻨﯩﯔ ﻫﻪﻣﻤﯩﺴﻰ ﺩﯨﮕﯜﺩﻩﻙ ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪﻥ ﭘﯩﺮﻭﮔﯩﺮﺍﻣﻤﺎ ﺗﯩﻠﻰ. ﻟﯧﻜﯩﻦ ﻛﯚﭘﯜﻧﭽﯩﻤﯩﺰ ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪﻥ ﭘﯩﺮﻭﮔﯩﺮﺍﻣﻤﺎ ﺗﯩﻠﯩﺪﺍ ﻫﻪﺭﺧﯩﻞ ﭘﯩﺮﻭﮔﯩﺮﺍﻣﻤﯩﻼﺭﻧﻰ ﺗﯜﺯﯨﯟﺍﺗﻘﺎﻥ ﺑﻮﻟﺴﺎﻗﻤﯘ، ﺋﺎﺭﯨﻤﯩﺰﺩﺍ ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪﻥ ﻻﻳﻬﯩﻠﻪﺵ ﺗﻮﻏﺮﯨﺴﯩﺪﺍ ﻛﻮﻧﻜﯧﺮﺕ ﭼﯜﺷﻪﻧﭽﯩﮕﻪ ﺋﯩﮕﻪ ﺑﻮﻟﻐﺎﻧﻠﯧﺮﯨﻤﯩﺰ ﺋﺎﺯ. ﺗﯜﯞﻩﻧﺪﻩ ﺑﯘﻧﯩﯔ ﻛﻮﻧﻜﯧﺮﺕ ﺑﺎﺳﻘﯘﭼﻠﯧﺮﯨﻨﻰ ﺗﻮﻧﯘﺷﺘﯘﺭﯗﭖ ﺋﯚﺗﯩﻤﯩﺰ.
1.ﺗﯜﺭﻟﻪﺭﻧﻰ ﺋﺎﺑﯩﺴﺘﯩﺮﺍﻛﯩﺘﻼﺵ
«ﺋﯧﻬﺘﻴﺎﺝ ﻗﻮﻟﻼﻧﻤﯩﺴﻰ»ﻧﻰ ﻗﯘﻟﯩﯖﯩﺰﻏﺎ ﺋﺎﻟﻐﺎﻧﺪﯨﻦ ﻛﯧﻴﯩﻦ ﺋﯘﻧﯩﯖﺪﺍ ﺗﯩﻠﻐﺎ ﺋﯧﻠﯩﻨﻐﺎﻥ ﺑﺎﺭﻟﯩﻖ ﺋﯩﺴﯩﻤﻼﺭﻧﻰ ﺑﯩﺮ ﺑﻪﺗﻜﻪ ﺗﻮﭘﻼﯓ. ﺋﺎﻧﺪﯨﻦ ﺋﯘﻻﺭﻧﯩﯔ ﺋﯜﺳﺘﯩﺪﯨﻦ ﻳﻪﻛﯜﻧﻠﻪﺵ ﺋﯧﻠﯩﭗ ﺑﯧﺮﯨﭗ ﺋﻪﯓ ﯞﻩﻛﯩﻠﻠﯩﻚ ﺧﺎﺭﺍﻛﺘﯧﺮﻏﺎ ﺋﯩﮕﻪ، ﺯﺍﺩﻯ ﺑﺎﺷﻘﺎ ﺋﯩﺴﯩﻤﻼﺭ ﺑﯩﻠﻪﻥ ﺋﯩﺨﭽﺎﻣﻠﯩﻐﯩﻠﻰ ﺑﻮﻟﻤﺎﻳﺪﯨﻐﺎﻧﻠﯧﺮﯨﻨﻰ ﺋﯧﻠﯩﭗ ﻗﯧﻠﯩﯔ.ﺑﯘﻻﺭ ﺳﯩﺰﻧﯩﯔ ﻻﻳﯩﻬﯩﯖﯩﺰﺩﯨﻜﻰ ﺗﯜﺭ(Class)ﻟﻪﺭﻧﻰ ﺗﻪﺷﻜﯩﻞ ﻗﯩﻠﯩﺪﯗ.
ﻣﯩﺴﺎﻝ:ﺋﻮﻗﯘﻏﯘﭼﯩﻼﺭﻧﯩﯔ ﺋﯧﻤﺘﯩﻬﺎﻥ ﻧﻪﺗﯩﺠﯩﺴﯩﻨﻰ ﺧﯘﻻﺳﯩﻠﻪﻳﺪﯨﻐﺎﻥ ﺑﯩﺮ ﭘﯩﺮﻭﮔﯩﺮﺍﻣﻤﯩﻨﯩﯔ ﺋﯧﻬﺘﯩﻴﺎﺟﻰ ﻣﯘﻧﺪﺍﻕ ﺑﺎﻳﺎﻥ ﻗﯧﻠﯩﻨﻐﺎﻥ:
ﻫﻪﺭ ﺑﯩﺮ ﺋﻮﻗﯘﻏﯘﭼﯩﻨﯩﯔ ﺑﯩﺮﻗﺎﻧﭽﻪ ﭘﻪﻥ ﻧﻪﺗﯩﺠﯩﺴﻰ ﺑﺎﺭ. ﻫﻪﺭ-ﺑﯩﺮ ﭘﻪﻧﻨﻰ ﺑﯩﺮﻗﺎﻧﭽﻪ ﺋﻮﻗﯘﻏﯘﭼﻰ ﺋﻮﻗﯘﻳﺪﯗ. ﺗﯩﻞ-ﺋﻪﺩﻩﺑﯩﻴﺎﺕ،ﻣﺎﺗﯧﻤﺎﺗﯩﻜﺎ،ﺧﻪﻧﺰﯗﺗﯩﻠﻰ ﺩﻩﺭﯨﺴﻠﯧﺮﻯ ﺋﯘﻣﻮﻣﻰ ﭘﻪﻥ، ﺗﺎﺭﯨﺦ، ﺟﯘﻏﺮﺍﭘﯩﻴﻪ ﭘﻪﻧﻠﯧﺮﻯ ﺋﯩﺠﺘﯩﻤﺎﺋﻰ ﭘﻪﻥ، ﻓﯩﺰﯨﻜﺎ، ﺧﯩﻤﯩﻴﻪ ﭘﻪﻧﻠﯧﺮﻯ ﺗﻪﺑﺌﻰ ﭘﻪﻥ ﺗﯜﺭﯨﮕﻪ ﻛﯩﺮﯨﺪﯗ. ﻳﯘﻗﺎﺭﻗﻰ ﺋﯜﭺ ﭘﻪﻥ ﺗﯜﺭﻯ ﺑﯘﻳﯩﭽﻪ ﺋﻮﻗﯘﻏﯘﭼﯩﻨﯩﯔ ﺋﻮﺗﺘﯘﺭﯨﭽﻪ ﻧﻪﺗﯩﺠﯩﺴﻰ ﻫﯩﺴﺎﭘﻠﯩﻨﯩﺪﯗ...
ﻳﯘﻗﺎﺭﻗﻰ ﺑﯩﺮ ﺋﺎﺑﺰﺍﺱ ﺋﯧﻬﺘﯩﻴﺎﺟﺪﯨﻦ ﺗﯜﯞﻩﻧﺪﯨﻜﻰ ﺋﯩﺴﯩﻤﻼﺭﻧﻰ ﺗﯧﭙﯩﺶ ﻣﯘﻣﻜﯩﻦ: ﺋﻮﻗﯘﻏﯘﭼﻰ، ﭘﻪﻥ، ﺗﯩﻞ-ﺋﻪﺩﻩﺑﯩﻴﺎﺕ،ﻣﺎﺗﯧﻤﺎﺗﯩﻜﺎ،ﺧﻪﻧﺰﯗﺗﯩﻠﻰ،ﺋﯘﻣﻮﻣﻰ ﭘﻪﻥ،ﺗﺎﺭﯨﺦ، ﺟﯘﻏﺮﺍﭘﯩﻴﻪ،ﺋﯩﺠﺘﯩﻤﺎﺋﻰ ﭘﻪﻥ،ﻓﯩﺰﯨﻜﺎ،ﺧﯩﻤﯩﻴﻪ،ﺗﻪﺑﺌﻰ ﭘﻪﻥ،ﺋﻮﺗﺘﯘﺭﯨﭽﻪ ﻧﻪﺗﯩﺠﻪ.
ﺋﻪﻣﺪﻯ ﺑﯘ ﺋﯩﺴﯩﻤﻼﺭ ﺋﯜﺳﺘﯩﺪﯨﻦ ﺋﺎﻧﺎﻟﯩﺰ ﺋﯧﻠﯩﭗ ﺑﯧﺮﯨﭗ ﺑﯘﻻﺭﻧﻰ ﺗﯜﺭﻟﻪﺭﮔﻪ ﺑﯜﻟﯩﻤﯩﺰ، ﺋﺎﺧﯩﺮﯨﺪﺍ ﻗﺎﻳﺘﺎ ﺋﯩﺨﭽﺎﻣﻼﺷﻘﺎ ﺑﻮﻟﻤﺎﻳﺪﯨﻐﺎﻧﻠﯧﺮﯨﻨﻰ ﺋﯧﻠﯩﭗ ﻗﺎﻟﯩﻤﯩﺰ. ﻧﻪﺗﯩﺠﯩﺪﻩ ﺗﯩﻞ-ﺋﻪﺩﻩﺑﯩﻴﺎﺕ،ﻣﺎﺗﯧﻤﺎﺗﯩﻜﺎ،ﺧﻪﻧﺰﯗﺗﯩﻠﻰ ﻗﺎﺗﺎﺭﻟﯩﻖ ﺋﯩﺴﯩﻤﻼﺭ « ﺋﯘﻣﻮﻣﻰ ﭘﻪﻥ» ﮔﻪ، ﺗﺎﺭﯨﺦ، ﺟﯘﻏﺮﺍﭘﯩﻴﻪ « ﺋﯩﺠﺘﯩﻤﺎﺋﻰ ﭘﻪﻥ»ﮔﻪ، ﻓﯩﺰﯨﻜﺎ، ﺧﯩﻤﯩﻴﻪ « ﺗﻪﺑﺌﻰ ﭘﻪﻥ»ﮔﻪ، ﺋﻮﺗﺘﯘﺭﯨﭽﻪ ﻧﻪﺗﯩﺠﻪ «ﻧﻪﺗﯩﺠﻪ»ﮔﻪ ﺋﯩﺨﭽﺎﻣﻠﯩﻨﯩﺪﯗ (ﺋﻪﻟﯟﻩﺗﺘﻪ ﺋﯘﻣﻮﻣﻰ ﭘﻪﻥ، ﺋﯩﺠﺘﯩﻤﺎﺋﻰ ﭘﻪﻥ، ﺗﻪﺑﺌﻰ ﭘﻪﻧﻠﻪﺭﻧﻰ «ﭘﻪﻥ» ﺋﯘﻗﯘﻣﯩﻐﺎ ﺋﯩﺨﭽﺎﻣﻼﺵ ﻣﯘﻣﻜﯩﻦ. ﻟﯧﻜﯩﻦ ﺑﯘﻻﺭﻧﻰ ﻣﻪﻗﺴﻪﺗﻠﯩﻚ ﺋﯧﻠﯩﭗ ﻗﺎﻟﯩﻤﯩﺰ).ﺋﺎﺧﯩﺮﯨﺪﺍ ﺗﯜﯞﻩﻧﺪﯨﻜﻰ ﺋﯩﺴﯩﻤﻼﺭ ﻗﺎﻟﯩﺪﯗ:ﺋﻮﻗﯘﻏﯘﭼﻰ، ﭘﻪﻥ، ﻧﻪﺗﯩﺠﻪ، ﺋﯘﻣﻮﻣﻰ ﭘﻪﻥ، ﺋﯩﺠﺘﯩﻤﺎﺋﻰ ﭘﻪﻥ، ﺗﻪﺑﺌﻰ ﭘﻪﻥ. ﻣﯘﺷﯘ ﻧﺎﻣﻼﺭﺩﺍ 6 ﺗﯜﺭ ﻗﯘﺭﺳﯩﯩﺰ، ﺋﺎﻧﺪﯨﻦ ﻫﻪﺭ-ﺑﯩﺮ ﺗﯜﺭﻧﯩﯔ ﺧﺎﺳﻠﯩﻘﻠﯧﺮﯨﻨﻰ ﺑﻪﻟﮕﯩﻠﻪﻳﺴﯩﺰ،ﺷﯘﻧﯩﯖﺪﺍ ﺑﯩﺮﯨﻨﭽﻰ ﺑﺎﺳﻘﯘﭼﻠﯘﻕ ﻻﻳﯩﻬﻪ ﺋﺎﺧﯩﺮﻟﯩﺸﯩﺪﯗ.
2.ﺗﯜﺭﻟﻪﺭ ﺋﻮﺗﺘﯘﺭﺳﯩﺪﯨﻜﻰ ﻗﯘﺭﯗﻟﻤﺎ ﻣﯘﻧﺎﺳﯩﯟﯨﺘﯩﻨﻰ ﺑﻪﻟﮕﯩﻠﻪﺵ
ﺑﯘ ﺑﺎﺳﻘﯘﭼﺘﺎ ﻗﯘﺭﯗﻟﻐﺎﻥ ﺗﯜﺭﻟﻪﺭ ﺋﻮﺗﺘﯘﺭﺳﯩﺪﯨﻜﻰ ﺗﯧﻨﭽﻠﯩﻖ (ﻗﯘﺭﯗﻟﻤﺎ) ﻣﯘﻧﺎﺳﯩﯟﯨﺘﯩﻨﻰ ﺑﻪﻟﮕﯩﻠﻪﻳﺴﯩﺰ. ﺗﯜﺭﻟﻪﺭ ﺋﻮﺗﺘﯘﺭﺳﯩﺪﯨﻜﻰ ﻣﯘﻧﺎﺳﯩﯟﻩﺕ ﺑﯩﺮﻗﺎﻧﭽﻪ ﺧﯩﻞ ﺑﯘﻟﯩﺪﯗ. ﻣﻪﺳﯩﻠﻪﻥ ﯞﺍﺭﯨﺴﻠﯩﻖ ﻗﯩﻠﯩﺶ،ﺋﯩﺸﻠﯩﺘﯩﺶ، ﻗﻮﻟﻠﯘﻧﯘﺵ...ﺩﯨﮕﻪﻧﺪﻩﻙ(ﺑﯘ ﻫﻪﻗﺘﻪ ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪ ﭘﯩﺮﻭﮔﯩﺮﺍﻣﻤﺎ ﺗﯧﺨﻨﯩﻜﯩﺴﯩﻐﺎ ﺋﺎﺋﯩﺖ ﻛﯩﺘﺎﭖ-ﻣﺎﺗﯧﺮﻳﺎﻟﻼﺭﺩﺍ ﻛﯚﭖ ﺳﯚﺯﻟﻪﻳﺪﯗ).
ﻳﯘﻗﺎﺭﻗﻰ ﻣﯩﺴﺎﻟﻨﻰ ﺗﻪﻫﻠﯩﻞ ﻗﯩﻠﺴﺎﻕ: ﺋﯘﻣﻮﻣﻰ ﭘﻪﻥ، ﺋﯩﺠﺘﯩﻤﺎﺋﻰ ﭘﻪﻥ، ﺗﻪﺑﺌﻰ ﭘﻪﻥ ﺗﯜﺭﻟﯧﺮﻯ ﭘﻪﻥ ﺗﯜﺭﯨﻨﯩﯔ ﯞﺍﺭﯨﺴﻠﯩﻖ ﻗﯩﻠﻐﯘﭼﯩﻠﯧﺮﻯ ﺑﯘﻟﯩﺪﯗ (ﭼﯜﻧﻜﻰ ﺋﯘﻻﺭﻧﯩﯔ ﻫﻪﻣﻤﯩﺴﻰ ﭘﻪﻥ ﺗﯜﺭﯨﮕﻪ ﻛﯩﺮﯨﺪﯗ)، ﺋﻮﻗﯘﻏﯘﭼﯩﻼﺭ ﻫﻪﺭﺧﯩﻞ ﭘﻪﻧﻠﻪﺭﻧﻰ ﺗﺎﻟﻼﻳﺪﯗ، ﺷﯘﯕﺎ ﺋﻮﻗﯘﻏﯘﭼﻰ ﺗﯜﺭﻯ ﺑﯩﻠﻪﻥ ﭘﻪﻥ ﺗﯜﺭﻯ ﺋﻮﺗﺘﯘﺭﺳﯩﺪﺍ ﻗﻮﻟﻠﯘﻧﯘﺵ ﻣﯘﻧﺎﺳﯩﯟﯨﺘﻰ ﺑﺎﺭ. ﻫﻪﺭ-ﺑﯩﺮ ﭘﻪﻧﻨﯩﯔ ﻧﻪﺗﯩﺠﯩﺴﻰ ﺑﯘﻟﯩﺪﯗ، ﺷﯘﯕﺎ ﭘﻪﻥ ﺑﯩﻠﻪﻥ ﻧﻪﺗﯩﺠﻪ ﺗﯜﺭﻯ ﺋﻮﺗﺘﯘﺭﺳﯩﺪﯨﻤﯘ ﻗﻮﻟﻠﯘﻧﯘﺵ ﻣﯘﻧﺎﺳﯩﯟﯨﺘﻰ ﺑﺎﺭ...
3.ﺗﯜﺭﻟﻪﺭ ﺋﻮﺗﺘﯘﺭﺳﯩﺪﯨﻜﻰ ﻫﻪﺭﻛﻪﺗﭽﺎﻥ ﻣﯘﻧﺎﺳﯩﯟﻩﺗﻨﻰ ﺑﻪﻟﮕﯩﻠﻪﺵ
ﺗﯜﺭﻟﻪﺭ ﺋﻮﺗﺘﯘﺭﺳﯩﺪﯨﻜﻰ ﻫﻪﺭﻛﻪﺗﭽﺎﻥ ﻣﯘﻧﺎﺳﯩﯟﻩﺕ ﺩﯨﮕﯩﻨﯩﻤﯩﺰ ﺗﯜﺭﻟﻪﺭ ﺋﻮﺗﺘﯘﺭﺳﯩﺪﯨﻜﻰ ﻗﻮﺯﻏﯘﺗﯘﺵ ﯞﻩ ﻗﻮﺯﻏﯘﻟﯘﺵ ﻣﯘﻧﺎﺳﯩﯟﯨﺘﯩﻨﻰ ﻛﯚﺭﺳﯩﯩﺘﯩﺪﯗ.
ﻳﯘﻗﺎﺭﻗﻰ ﻣﯩﺴﺎﻟﺪﺍ: ﺋﻮﻗﯘﻏﯘﭼﻰ ﺗﯜﺭﻯ ﭘﻪﻥ ﺗﯜﺭﯨﻨﯩﯔ «ﺗﺎﻟﻼﺵ» ﺋﯩﺸﺸﯩﻨﻰ ﻗﻮﺯﻏﯘﺗﯩﺪﯗ. ﭘﻪﻥ ﺗﯜﺭﻯ ﻧﻪﺗﯩﺠﻪ ﺗﯜﺭﯨﻨﯩﯔ «ﺋﻮﺗﺘﯘﺭﯨﭽﻪ ﻧﻪﺗﯩﺠﯩﻨﻰ ﻫﯧﺴﺎﭘﻼﺵ» ﺋﯩﺸﺸﯩﻨﻰ ﻗﻮﺯﻏﯘﺗﯩﺪﯗ...
4.ﻛﻪﺳﭙﻰ ﻟﻮﮔﯩﻜﯩﻐﺎ ﺋﺎﺳﺎﺳﻪﻥ ﺗﻮﻟﯘﻗﻼﺵ ﯞﻩ ﺷﺎﻟﻼﺵ
ﺑﯘ ﺑﺎﺳﻘﯘﭼﺘﺎ ﻛﻪﺳﭙﻰ ﻟﻮﮔﯩﻜﯩﻨﯩﯔ ﻛﻮﻧﻜﯧﺮﺕ ﺗﻪﻟﯩﭙﯩﮕﻪ ﺋﺎﺳﺎﺳﻪﻥ ﻳﯘﻗﯩﺮﯨﻘﻰ ﺋﯜﭺ ﺑﺎﺳﻘﯘﭼﺘﺎ ﺋﯧﻠﯩﭗ ﺑﯧﺮﯨﻠﻐﺎﻥ ﻻﻳﯩﻬﻪ ﺋﯜﺳﺘﯩﺪﯨﻦ ﺗﻮﻟﯘﻗﻼﺵ ﯞﻩ ﺷﺎﻟﻼﺵ ﺋﯧﻠﯩﭗ ﺑﺎﺭﯨﻤﯩﺰ. ﻛﻪﺳﭙﻰ ﻟﻮﮔﯩﻜﯩﻐﺎ ﻣﯘﻧﺎﺳﯩﯟﻩﺗﺴﯩﺰ ﺗﯜﺭ، ﺋﯩﺶ ﯞﻩ ﺧﺎﺳﻠﯩﻘﻼﺭﻧﻰ ﭼﯩﻘﯩﺮﯞﯨﺘﯩﻤﯩﺰ. ﻛﺎﻣﻠﯧﺮﻯ ﺑﻮﻟﺴﺎ ﺗﻮﻟﯘﻗﻼﻳﻤﯩﺰ.
ﻳﯘﻗﺎﺭﻗﻰ ﻻﻳﯩﻬﯩﻠﻪﺵ ﺑﺎﺳﻘﯘﭼﻠﯧﺮﯨﻨﯩﯔ ﻛﻮﻧﻜﯧﺮﺕ ﺋﯩﭙﺎﺩﯨﻠﯩﻨﯩﺶ ﻗﺎﻧﺪﺍﻕ ﺑﯘﻟﯩﺪﯗ؟ ﺑﯘﻻﺭﻧﯩﯔ ﻫﻪﻣﻤﯩﺴﯩﻨﻰ ﻗﻪﻏﻪﺯﮔﻪ ﻳﯧﺰﯨﭗ ﺋﻮﻟﺘﯘﺭﯨﻤﯩﺰﻣﯘ؟
ﺑﯘﻧﯩﯔ ﺋﯜﭼﯜﻥ UML ﻏﺎ ﺗﺎﻳﺎﻧﻤﺎﻱ ﺑﻮﻟﻤﺎﻳﺪﯗ.
UML ﺑﻮﻟﺴﺎ Unified Modeling Language ﻧﯩﯔ ﻗﯩﺴﻘﺎﺭﺗﯩﻠﻤﯩﺴﻰ، ﻳﻪﻧﻰ ﺋﯘﻣﻮﻣﻼﺷﻘﺎﻥ ﻣﻮﺩﯦﻞ ﻗﯘﺭﯗﺵ ﺗﯩﻠﻰ ﺩﯨﮕﻪﻥ ﻣﻪﻧﯩﺪﻩ. ﺋﯘ ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪﻥ ﺳﯧﺴﺘﯩﻤﺎ ﺋﯜﺳﺘﯩﺪﯨﻦ ﻣﻮﺩﯦﻞ ﻗﯘﺭﯗﺷﻘﺎ ﺋﯩﺸﻠﯩﺘﯩﺪﯨﻐﺎﻥ ﺑﯩﺮ ﻳﯜﺭﯛﺵ ﺑﻪﻟﮕﯩﻠﻪﺭﺩﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺋﺎﻣﻤﯩﺒﺎﭖ ﺋﯚﻟﭽﻪﻣﺪﯨﻦ ﺋﯩﺒﺎﺭﻩﺕ. ﺋﯘ ﺑﯩﺮﻟﯩﻜﻜﻪ ﻛﻪﻟﮕﻪﻥ ﻫﻪﺭﺧﯩﻞ ﺑﻪﻟﮕﯩﻠﻪﺭ ﺋﺎﺭﻗﯩﻠﯩﻖ ﻗﯘﺭﻏﺎﻥ ﻣﻮﺩﯦﻠﯩﯖﯩﺰﻧﻰ ﺑﺎﻳﺎﻥ ﻗﯩﻠﯩﺪﯗ. ﺷﯘﯕﺎ ﺋﯘﻧﻰ ﭘﯜﺗﯜﻥ ﺩﯗﻧﻴﺎﺩﯨﻜﻰ ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪﻥ ﭘﯩﺮﻭﮔﯩﺮﺍﻣﻤﺎ ﻻﻳﯩﻬﯩﻠﯩﮕﯜﭼﯩﻠﯧﺮﯨﻨﯩﯔ ﺋﻮﺭﺗﺎﻕ ﺗﯩﻠﻰ ﺩﯨﻴﯩﺸﻜﻪ ﺑﯘﻟﯩﺪﯗ.
ﺋﯘﻧﺪﺍﻕ ﺑﻮﻟﺴﺎ ﻣﻮﺩﯦﻞ ﻗﯘﺭﯗﺵ ﺩﯨﮕﻪﻥ ﻧﯩﻤﻪ؟ ﻣﻮﺩﯦﻠﻨﻰ ﻧﯩﻤﯩﮕﻪ ﺋﯩﺸﻠﯩﺘﯩﻤﯩﺰ؟
ﺑﯩﺰ ﻳﯘﻗﯩﺮﯨﺪﺍ ﺑﺎﻳﺎﻥ ﻗﯩﻠﻐﺎﻥ ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪﻥ ﻻﻳﯩﻬﯩﻠﻪﺷﻨﯩﯔ ﺗﯚﺕ ﺑﺎﺳﻘﯘﭼﻰ- ﺩﻩﻝ ﺑﯩﺰﻧﯩﯔ ﻣﻮﺩﯦﻞ ﻗﯘﺭﯗﺵ ﺟﻪﺭﻳﺎﻧﯩﻤﯩﺰﺩﻭﺭ. ﺩﯨﻤﻪﻙ ﻣﻮﺩﯦﻞ ﻗﯘﺭﯗﺵ ﺟﻪﺭﻳﺎﻧﻰ- ﻻﻳﯩﻬﯩﻠﻪﺵ ﺟﻪﺭﻳﺎﻧﯩﺪﯨﻦ ﺋﯩﺒﺎﺭﻩﺕ. ﺗﯜﺭﻟﻪﺭﻧﻰ ﺋﺎﺑﯩﺴﺘﯩﺮﺍﻛﯩﺘﻼﺵ، ﺋﯘﻻﺭ ﺋﻮﺗﺘﯘﺭﺳﯩﺪﯨﻜﻰ ﻗﯘﺭﯗﻟﻤﺎ ﻣﯘﻧﺎﺳﯩﯟﯨﺘﯩﻨﻰ ﺑﻪﻟﮕﯩﻠﻪﺵ ﺟﻪﺭﻳﺎﻧﯩﺪﺍ ﺳﯩﺰ UML ﺩﯨﻜﻰ «ﺗﯜﺭ ﺳﯧﺨﯩﻤﯩﺴﻰ»ﻧﻰ ﺳﯩﺰﯨﭗ ﭼﯩﻘﯩﺴﯩﺰ. ﺗﯜﺭﻟﻪﺭ ﺋﻮﺗﺘﯘﺭﺳﯩﺪﯨﻜﻰ ﻫﻪﺭﻛﻪﺗﭽﺎﻥ ﻣﯘﻧﺎﺳﯩﯟﻩﺗﻨﻰ ﺑﻪﻟﮕﯩﻠﻪﺵ ﺟﻪﺭﻳﺎﻧﯩﺪﺍ ﺳﯩﺰ UML ﺩﯨﻜﻰ «ﯞﺍﻗﯩﺖ ﺗﻪﺭﺗﯩﭙﻰ ﺳﯧﺨﯩﻤﯩﺴﻰ»ﻧﻰ ﺳﯩﺰﯨﭗ ﭼﯩﻘﯩﺴﯩﺰ. ﺷﯘﻧﯩﯔ ﺑﯩﻠﻪﻥ ﺳﯩﺰﻧﯩﯔ ﺑﯘ ﻣﻮﺩﯦﻠﯩﯖﯩﺰ ﺋﺎﺳﺎﺳﻪﻥ ﭘﯜﺗﻜﻪﻥ ﺑﯘﻟﯩﺪﯗ. ﻧﺎﯞﺍﺩﺍ ﺳﯩﺰﻧﯩﯔ ﭘﯩﺮﻭﮔﯩﺮﺍﻣﻤﺎ ﺋﯧﭽﯩﺶ ﻣﯘﻫﯩﺘﯩﯖﯩﺰ UML ﻧﻰ ﻗﻮﻟﻠﯩﺴﺎ، UML ﺳﯧﺨﯩﻤﯩﯖﯩﺰﻧﻰ ﺑﯩﯟﺍﺳﺘﻪ ﭘﯩﺮﻭﮔﯩﺮﺍﻣﻤﺎ ﻛﻮﺩﯨﻐﺎ ﺋﺎﻳﻼﻧﺪﯗﺭﺍﻻﻳﺴﯩﺰ. ﺋﯘ ﺳﯩﺰﻧﯩﯔ ﺗﯜﺭﻟﯧﺮﯨﯖﯩﺰﻧﯩﯔ ﻗﯘﺭﯗﻟﻤﺎ ﻛﻮﺩﯨﻨﻰ ﺋﺎﭘﺘﻮﻣﺎﺗﯩﻚ ﻫﺎﺳﯩﻞ ﻗﯩﻼﻻﻳﺪﯗ(ﭼﯜﻧﻜﻰ ﺳﯩﺰ ﺑﯘ ﺗﯜﺭﻟﻪﺭﻧﯩﯔ ﺧﺎﺳﻠﯩﻖ ﯞﻩ ﺋﯩﺸﻠﯧﺮﯨﻨﻰ ﺋﺎﻟﻠﯩﻘﺎﭼﺎﻥ ﺑﯧﻜﯩﺘﯩﭗ ﺑﻮﻟﻐﺎﻥ). ﺳﯩﺰﻧﯩﯔ ﻛﯧﻴﯩﻨﻜﻰ ﯞﻩﺯﯨﭙﯩﯖﯩﺰ ﺗﯜﺭﻟﻪﺭﻧﯩﯔ ﺋﯩﺸﻠﯧﺮﯨﻨﯩﯔ ﻛﻮﻧﻜﯧﺮﺕ ﻛﻮﺩﻟﯧﺮﯨﻨﻰ ﻳﯧﺰﯨﺸﺘﯩﻦ ﺋﯩﺒﺎﺭﻩﺕ.
ﺩﯨﻤﻪﻙ ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪﻥ ﻻﻳﯩﮭﯩﻠﻪﺷﻨﻰ ﻛﻮﻧﻜﯧﺮﺗﻼﺷﺘﯘﺭﺳﺎﻕ، ﺋﯘ UML ﺗﯩﻠﯩﺪﺍ ﻣﻮﺩﯦﻞ ﻗﯘﺭﯗﺵ (ﻳﺎﻛﻰ ﺳﯩﺨﯩﻤﺎ ﺳﯩﺰﯨﺶ) ﺟﻪﺭﻳﺎﻧﯩﺪﯨﻦ ﺋﯩﺒﺎﺭﻩﺕ ﺑﯘﻟﯩﺪﯗ.
ﺋﻪﻣﺪﻯ ﺑﯩﺮ ﻗﯩﺴﯩﻢ ﺗﻮﺭﺩﺍﺷﻼﺭ «ﻣﻪﻥ UML ﺳﯧﺨﯩﻤﯩﺴﻰ ﺳﯩﺰﯨﺸﻨﻰ ﺋﯘﻗﻤﯩﺴﺎﻣﻤﯘ ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪﻥ ﭘﯩﺮﻭﮔﯩﺮﺍﻣﻤﺎ ﺗﯩﻠﻰ ﺋﺎﺭﻗﯩﻠﯩﻖ ﺋﻮﺑﯩﻜﯩﺘﻘﺎ ﻳﯜﺯﻟﻪﻧﮕﻪﻥ ﭘﯩﺮﻭﮔﯩﺮﺍﻣﻤﯩﻼﺭﻧﻰ ﻳﯧﺰﯨﭗ ﭼﯩﻘﺎﻻﻳﻤﻪﻧﻐﯘ؟» ﺩﻩﭖ ﺳﻮﺭﯨﺸﻰ ﻣﯘﻣﻜﯩﻦ. ﺗﻮﻏﺮﺍ، UML ﺳﯧﺨﻤﯩﺴﻰ ﺳﯩﺰﻣﺎﻳﻤﯘ ﭘﯩﺮﻭﮔﯩﺮﺍﻣﻤﺎ ﻳﯧﺰﯨﺶ ﺗﺎﻣﺎﻣﻪﻥ ﻣﯘﻣﻜﯩﻦ، ﻫﻪﺗﺘﺎ ﻛﻮﻧﻜﯧﺮﺕ ﻻﻳﯩﻬﯩﻠﻪﺵ ﺋﯧﻠﯩﭗ ﺑﺎﺭﻣﺎﻳﻤﯘ، ﻛﺎﻟﻠﯩﻤﯩﺰﺩﯨﻜﻰ «ﻻﻳﯩﻬﻪ» ﺑﯘﻳﯩﭽﻪ ﭘﯩﺮﻭﮔﯩﺮﺍﻣﻤﺎ ﻳﯧﺰﯨﺶ ﻣﯘﻣﻜﯩﻦ. ﺷﯘﻧﺪﺍﻕ ﺑﻮﻟﻐﺎﻧﺪﺍ ﻻﻳﯩﻬﯩﻨﯩﯔ ﻳﻪﻧﻪ ﻧﯧﻤﻪ ﻛﯧﺮﯨﻜﻰ؟ ﺑﯘ ﺳﯘﺋﺎﻝ ﻳﻪﻧﻪ ﺑﯩﺰﻧﻰ ﻛﻮﻧﺎ ﺗﯩﻤﯩﻐﺎ ﺑﺎﺷﻼﭖ ﻛﯩﺮﯨﺪﯗ. ﺑﯘ ﺳﯘﺋﺎﻟﻐﺎ ﻣﯘﻧﺪﺍﻕ ﺟﺎﯞﺍﭖ ﺑﯧﺮﯨﺶ ﺑﯩﻠﻪﻥ ﻣﺎﻗﺎﻟﻪﻣﻨﻰ ﺋﺎﺧﯩﺮﻻﺷﺘﯘﺭﯗﺷﻨﻰ ﺋﻮﻳﻼﺷﺘﯩﻢ:
ﻻﻳﯩﻬﻪ- ﻳﯘﻣﺸﺎﻕ ﺩﯦﺘﺎﻟﯩﻨﯩﯔ ﺟﯧﻨﻰ. ﻻﻳﯩﻬﯩﺴﯩﺰ ﻳﯘﻣﺸﺎﻕ ﺩﯦﺘﺎﻝ ﺧﯘﺩﺩﻯ ﺭﻭﻫﺴﯩﺰ ﺗﻪﻧﮕﻪ ﺋﻮﺧﺸﺎﻳﺪﯗ، ﺷﯘﯕﺎ ﺋﯘﻧﯩﯔ ﻫﯧﭽﻘﺎﻧﺪﺍﻕ ﻫﺎﻳﺎﺗﻰ ﻛﯜﭼﻰ ﺑﻮﻟﻤﺎﻳﺪﯗ. ﻻﻳﯩﻬﯩﮕﻪ ﺋﻪﻫﻤﯩﻴﻪﺕ ﺑﻪﺭﻣﯩﮕﻪﻧﺪﻩ ﻳﯘﻣﺸﺎﻕ ﺩﯦﺘﺎﻝ ﭼﻮﻗﯘﻡ «ﺑﯚﺭﻩ ﺋﺎﺩﻩﻡ»ﮔﻪ ﺋﺎﻳﻠﯩﻨﯩﭗ ﻗﯧﻠﯩﺸﻰ ﻣﯘﻣﻜﯩﻦ، ﺋﯘ ﭼﺎﻏﺪﺍ «ﻛﯚﻣﯜﺵ ﺋﻮﻕ»ﻧﻰ ﻫﯧﭻ ﻳﻪﺭﺩﯨﻦ ﺗﺎﭘﺎﻟﻤﺎﻳﺴﯩﺰ. ﺷﯘﯕﺎ ﻻﻳﯩﻬﯩﻨﯩﯔ ﻛﻮﻧﻜﯧﺮﺕ ﺋﻪﻫﻤﯩﻴﯩﺘﯩﻨﻰ ﺋﯚﺯﯨﯖﯩﺰﻧﯩﯔ ﻳﯘﻣﺸﺎﻕ ﺩﯦﺘﺎﻝ ﺋﯩﺠﺎﺩﯨﻴﻪﺕ ﺋﻪﻣﯩﻠﻴﯩﺘﯩﯖﯩﺰﺩﯨﻦ ﺋﯩﺰﺩﻩﯓ، ﺷﯘﻧﺪﯨﻼ ﻫﻪﻗﯩﻘﻰ ﭼﯜﺷﻪﻧﭽﯩﮕﻪ ﺋﯩﮕﻪ ﺑﯘﻻﻻﻳﺴﯩﺰ.
بەت:
[1]