ﻣﻮﻟﻼ ﺯﻩﻳﺪﯨﻨﻨﯩﯔ ﺳﻮﺭﺍﻕ ﻗﯩﻠﯩﻨﯩﺸﻰ
ﻳﻮﻟﻠﯩﻐﯘﭼﻰ :ﺳﯘﺯﯗﻙ(suzuk)ﻣﻮﻟﻼ ﺯﻩﻳﺪﯨﻦ ﺧﯘﺭﺍﭘﻰ ﺋﯚﺭﭖ ﺋﺎﺩﻩﺗﻠﻪﺭﮔﻪ ﻗﺎﺭﯨﺘﺎ ﻧﯘﺭﻏﯘﻥ ﻗﺎﭘﯩﻴﯩﻠﯩﻚ ﺳﯚﺯﻟﻪﺭﻧﻰ ، ﺑﯧﻴﯩﺖ ﻗﻮﺷﺎﻗﻼﺭﻧﻰ ﺗﻮﻗﯘﭖ ﭼﯩﻘﺎﺭﻏﺎﻧﺪﯨﻦ ﻛﯧﻴﯩﻦ ، ﻛﻮﻧﯩﻠﯩﻖ ﺗﻪﺭﻩﭘﺪﺍﺭﻟﯩﺮﯨﺪﯨﻦ ﺑﻮﻟﻐﺎﻥ ﻣﯘﺗﻪﺋﻪﺳﺴﯩﭙﻠﻪﺭ ﻗﺎﺯﯨﺨﺎﻧﯩﻐﺎ ﻣﻮﻟﻼ ﺯﻩﻳﺪﯨﻨﻨﻰ ﭼﯧﻘﯩﭙﺘﯘ .
ﺑﯩﺮ ﻛﯜﻧﻰ ﻗﺎﺯﻯ ﻣﻮﻟﻼ ﺯﻩﻳﺪﯨﻨﻨﻰ ﭼﺎﻗﯩﺮﯨﺘﯩﭗ ﻛﯧﻠﯩﭗ ﻗﺎﺯﯨﺨﺎﻧﯩﺪﺍ ﺳﻮﺭﺍﻕ ﻗﯩﭙﺘﯘ :
_ ﺳﻪﻥ ﻛﯘﻓﺮﻯ ﺳﯚﺯ- ﻧﻪﺯﻣﻪ - ﺑﯧﻴﯩﺘﻠﻪﺭﻧﻰ ﻛﯩﻤﺪﯨﻦ ﺋﯚﮔﻪﻧﺪﯨﯔ ؟
ﻣﻮﻟﻼ ﺯﻩﻳﺪﯨﻦ : ﻛﯘﻓﺮﻯ ﺳﯚﺯﻟﻪﺭ ﭼﯩﻘﺎﺭﺩﯗﺭ ،
ﻛﯘﻓﺮﻯ ﺋﺎﺩﻩﻣﺪﯨﻦ .
ﻫﻪﻕ ﺳﯚﺯﻟﻪﺭ ﭼﯩﻘﺎﺭﺩﯗﺭ ،
ﺗﻮﻏﺮﺍ ﺋﺎﺩﻩﻣﺪﯨﻦ .
ﻗﺎﺯﻯ : ﺳﯧﻨﯩﯔ ﺑﯘ ﺋﯧﻴﺘﻘﺎﻥ ﻫﻪﻡ ﻳﺎﺯﻏﺎﻧﻠﯩﺮﯨﯔ ﻛﯘﻓﺮﻯ ﺗﯘﺭﯗﭘﺘﯩﻐﯘ ؟ ﺳﻪﻥ ﻛﺎﭘﯩﺮﻣﯘ ، ﻧﯩﻤﻪ ؟
ﻣﻮﻟﻼ ﺯﻩﻳﺪﯨﻦ :
ﻣﻮﻟﻠﯩﻨﻰ ﻛﺎﭘﯩﺮ ﺩﯨﻤﯩﺴﯩﻠﻪ ،
ﻣﻮﻟﻼ ﻛﺎﭘﯩﺮﯨﺪﯨﻦ ﻳﺎﻣﺎﻥ .
ﻣﻮﻟﻠﯩﻨﻰ ﻛﺎﭘﯩﺮ ﺩﯨﮕﻪﻧﻠﻪﺭ ،
ﻫﻪﻣﻤﻪ ﻛﺎﭘﯩﺮﺩﯨﻦ ﻳﺎﻣﺎﻥ .
ﻗﺎﺯﻯ : ﺋﯚﻟﯩﻤﺎﻻﺭﻧﯩﯔ ﻫﻪﻣﻤﯩﺴﯩﮕﻪ ﻟﻪﻗﻪﻡ ﻗﻮﻳﯘﺷﯘﯕﻐﺎ ﺑﺎﺋﯩﺴﻰ ﻧﯩﻤﻪ ؟
ﻣﻮﻟﻼ ﺯﻩﻳﺪﯨﻦ :
ﻣﻮﻟﻠﯩﻼﺭﻧﯩﯔ ﺋﯩﺸﯩﺪﯨﻦ ،
ﺑﺎﻳﻘﺎﭖ ﻗﯧﺮﻯ ﻗﯧﺮﻯ ﻳﯧﺸﯩﺪﯨﻦ .
ﻟﻪﻗﻪﻡ ﭼﯜﺷﻪﺭ ﻗﯩﻠﻤﯩﺸﯩﻐﺎ
ﺋﯚﺗﻜﯜﺯﺩﯨﻠﻪﺭ ﺑﯧﺸﯩﺪﯨﻦ .
ﻗﺎﺯﻯ : ﻫﻪﻱ ، ﺧﻮﺗﯘﻥ ﺗﺎﻻﻕ ، ﺳﻪﻥ ﻧﯩﻤﺎﻧﭽﻪ ﻗﻮﺷﺎﻗﭽﻰ ﺑﻮﻟﯘﭖ ﻛﻪﺗﺘﯩﯔ ؟ !
ﻣﻮﻟﻼ ﺯﻩﻳﺪﯨﻦ :
ﭼﯧﻜﯩﻠﯩﺪﯨﻐﺎﻥ ﭼﯚﺟﻪﻛﻨﯩﯔ
ﺗﯘﺧﯘﻣﻰ ﭘﺎﻻﻕ ﺑﻮﻟﯘﺭﻣﯘ ؟
ﺋﯚﻳﻠﻪﻧﻤﯩﮕﻪﻥ ﻳﯩﮕﯩﺘﻨﯩﯔ
ﺧﻮﺗﯘﻧﻰ ﺗﺎﻻﻕ ﺑﻮﻟﯘﺭﻣﯘ ؟
ﻫﻪﺭﺑﯩﺮ ﺟﺎﯞﺍﺑﺘﯩﻦ ﻛﯧﻴﯩﻦ ﭼﻮﯓ ﻛﯩﭽﯩﻚ ﻣﻮﻟﻠﯩﻼﺭﻧﯩﯔ ﻫﻪﻣﻤﯩﺴﻰ ﺋﯩﺨﺘﯩﻴﺎﺭﺳﯩﺰ ﻛﯜﻟﯜﭖ ﺗﯘﺭﻏﺎﻧﻠﯩﻘﺘﯩﻦ ، ﻗﺎﺯﻯ ﺑﯩﺮ ﺋﯚﺯﻯ ﺋﺎﭼﭽﯩﻐﻠﯩﻨﯩﭗ ، ﺋﺎﺧﯩﺮﻯ ﺋﯘﻣﯘ ﻛﯜﻟﯜﭖ ﺗﺎﺷﻼﭘﺘﯘ .
ﻗﺎﺯﻯ : ﺳﯧﻨﻰ ﺑﯩﺰ ﺳﻮﺭﺍﻕ ﻗﯩﻠﯩﻤﯩﺰﻣﯘ ، ﺳﻪﻥ ﺑﯩﺰﻧﻰ ﺳﻮﺭﺍﻕ ﻗﯩﻼﻣﺴﻪﻥ ؟ ﻗﺎﻳﺴﻰ ﻫﻪﻕ ؟
ﻣﻮﻟﻼ ﺯﻩﻳﺪﯨﻦ :
ﻫﻪﻕ ﻧﺎﻫﻪﻗﻨﯩﯔ ﻣﯘﺳﺎﭘﯩﺴﻰ ،
ﻛﯚﺯ ﺑﯩﻠﻪﻥ ﻗﯘﻻﻕ ﺋﺎﺭﯨﺴﻰ .
ﻛﯚﺭﻣﻪﻱ ﺗﯘﺭﯗﭖ ﺭﺍﺳﺖ ﺩﯨﮕﻪﻥ ،
ﻫﺎﻣﺎﻗﻪﺗﻨﯩﯔ ﭼﺎﻱ ﺧﺎﻟﺘﯩﺴﻰ ...
ﻗﺎﺯﻯ: ﺋﯚﻟﯩﻤﺎﻻﺭﻧﻰ ﺗﻪﺳﻘﯩﺮ ﻗﯩﻠﯩﭗ ﻗﻮﻳﻐﺎﻥ ﻟﻪﻗﻪﻣﻠﻪﺭﮔﻪ ﺩﻩﻟﯩﻞ ﺋﯩﺴﭙﺎﺕ ﻛﯚﺭﺳﯩﺘﯩﭗ ﺑﯧﺮﻩﻟﻪﻣﺴﻪﻥ؟
ﻣﻮﻟﻼ ﺯﻩﻳﺪﯨﻦ :
ﺩﻩﻟﯩﻞ ﺋﯩﺴﭙﺎﺕ ﺗﻪﻳﻴﺎﺭﺩﯗﺭ ،
ﺋﺎﺳﻤﺎﻧﺪﯨﻦ ﭼﯜﺷﻪﺭ ﻟﻪﻗﻪﻡ .
ﻣﻪﺭﺗﻠﯩﻚ ﺑﯩﻠﻪﻥ ﭼﯩﺪﯨﺴﯩﻼ ،
ﻣﺎﯕﺎ ﺳﺎﻟﻤﺎﻱ ﺩﻩﺭﺕ ﺋﻪﻟﻪﻡ .
ﻗﺎﺯﻯ ﺑﯘﻧﯩﯔ ﮔﻪﭘﭽﯩﻠﯩﻜﯩﻨﻰ ﺋﺎﯕﻠﯩﻐﯘﺳﻰ ﻛﯧﻠﯩﭗ ، ﺗﺎﻛﻰ ﺳﯚﺯﻯ ﺗﯜﮔﯩﮕﯩﭽﻪ ﺷﯜﻙ ﺗﯘﺭﯗﺷﻘﺎ ﻛﯧﭙﯩﻠﻠﯩﻚ ﻗﯩﭙﺘﯘ . ﺷﯘﻧﯩﯖﺪﯨﻦ ﻛﯧﻴﯩﻦ ﻣﻮﻟﻼ ﺯﻩﻳﺪﯨﻨﻤﯘ ﻗﺎﺯﯨﺨﺎﻧﯩﻐﺎ ﺑﯘ ﺗﺎﻣﺎﺷﯩﻨﻰ ﻛﯚﺭﮔﯩﻠﻰ ﻛﻪﻟﮕﻪﻥ ﺧﻪﻟﻘﻘﻪ ﻗﺎﺭﺍﭖ ، ﻣﻪﻏﺮﯗﺭﺍﻧﻪ ﻗﯩﻴﺎﭘﻪﺕ ﺑﯩﻠﻪﻥ ﻣﯘﻧﺪﺍﻕ ﻣﯘﺧﻪﻣﻤﻪﺳﻠﻪﺭﻧﻰ ﺋﻮﻗﯘﭘﺘﯘ :
ﻣﻪﺩﺭﯨﺴﮕﻪ ﺗﻪﺋﻪﻟﻠﯘﻕ ﻛﯚﺭﺩﯛﻡ ﯞﻩﺧﭙﻪ ﺑﺎﺭﻟﯩﻐﯩﻦ ،
ﺋﺎﺧﯘﻧﯘﻣﻼﺭ ﺗﺎﻻﺷﯩﺪﯗﺭ ، ﻛﯚﺭﺩﯛﻡ ﺋﯩﭽﻰ ﺗﺎﺭﻟﯩﻐﯩﻦ .
ﺋﻪﻟﻪﻡ ﺋﺎﺧﯘﻥ ﻫﺎﻛﺎﯞﯗﺭ ، ﺗﯘﺗﻤﺎﺱ ﺧﯘﺩﺍ ﻳﺎﺭﻟﯩﻐﯩﻦ ،
ﻣﯘﭘﺘﻰ ﭘﻪﺗﯩﯟﺍ ﻫﻪﻗﻘﻰ ﻳﻪﭖ ﺑﯩﻠﻤﻪﺱ ﻛﯚﯕﯜﻝ ﻗﺎﺭﯨﻠﻐﯩﻦ ،
ﻗﺎﺭﺍﻡ ، ﭘﯩﺨﺴﯩﻖ ﻧﻪﭘﺴﯩﻜﻪﺷﻠﻪﺭ ، ﻛﻪﻟﻤﻪﺱ ﺋﺎﺧﯩﺮ ﺯﺍﻣﺎﻧﻪ.
ﻗﺎﺭﻯ ﻳﺎﺩﺍﺭ ﻗﯘﺭﺍﻧﻨﻰ ﻣﻪﻧﯩﺴﯩﺪﯨﻦ ﺑﯩﺨﻪﯞﻩﺭ،
ﺧﺎﺗﯩﭗ ﺋﻮﻗﯘﺭ ﺧﯘﺗﺒﯩﻨﻰ ، ﺋﯘﻟﯘﻍ ﺷﺎﻫﻨﻰ ﻣﻪﺩﻫﯩﻴﻠﻪﺭ،
ﻣﻮﻟﻼ ﻛﯚﭖ ، ﺋﻪﻣﻤﺎﻡ ﺗﻮﻻ ﻗﯩﻠﯩﭗ ﺑﯩﺮ- ﺑﯩﺮ ﻫﯩﻠﯩﻠﻪﺭ،
ﻣﯘﺭﺍﺕ ﻣﻪﻗﺴﻪﺕ ﺑﯘﻻﺭﻧﯩﯔ ﺋﯚﺯ ﻧﻪﭘﺴﯩﻨﻰ ﺷﻪﺭﻫﯩﻠﻪﺭ،
ﭘﯩﺘﻨﻪ ﭘﺎﺳﺎﺕ ، ﻏﻪﻳﯟﻩﺗﻠﻪﺭ ﺑﻮﻟﻤﺎﺱ ﺋﺎﺧﯩﺮ ﺯﺍﻣﺎﻧﻪ .
ﻗﯩﺮﯨﻖ ﺗﺎﺷﻨﻰ ﺗﻮﻗﻘﯘﺯ ﺗﯩﺰﯨﭗ ﻛﺎﻫﯩﻦ ﺋﯧﻴﺘﯘﺭ ﻳﺎﻟﻐﺎﻧﻨﻰ ،
ﺳﺎﻫﯩﺮ ﺋﺎﻟﯘﺭ ﺟﯘﺩﻩ ﻗﯩﻠﺪﯨﻢ ﺩﻩﭖ ﭘﺎﻟﺪﯨﻦ ﺋﯧﺸﯩﭗ ﻗﺎﻟﻐﺎﻧﻨﻰ ،
ﻫﯚﻛﻤﺎ ﺳﯜﭘﻪﺕ ﭘﯩﺮﯨﺨﻮﻥ ﻛﯧﻠﯩﭗ ، ﻛﯚﺭﺩﯛﻡ ﺩﺍﭘﻨﻰ ﭼﺎﻟﻐﺎﻧﻨﻰ،
ﺋﺎﻏﺰﯨﺪﺍ ﻻﭖ ، ﻗﻮﻟﯩﺪﺍ ﺩﺍﭖ ، ﺑﯩﻠﻤﻪﺱ ﻗﻮﻟﻰ ﺗﺎﻟﻐﺎﻧﻨﻰ ،
ﺳﯧﻬﺮﯨﮕﻪﺭﻟﯩﻚ ، ﺋﺎﻟﺪﺍﻣﭽﯩﻠﯩﻖ ﺋﺎﻗﻤﺎﺱ ﺋﺎﺧﯩﺮ ﺯﺍﻣﺎﻧﻪ.
ﺋﯩﺸﺎﻥ ﻣﺎﯕﯘﺭ ﺋﺎﻳﻠﯩﺪﺍ ، ﺗﯜﺯﻩﭖ ﺳﺎﻗﺎﻝ - ﺑﯘﺭﯗﺗﻨﻰ ،
ﺳﻮﭘﯩﻼﺭ ﻣﺎﯕﯘﺭ ﭘﺎﺩﺍ ﻳﺎﯕﻠﯩﻎ ﺋﻪﮔﻪﺷﺘﯜﺭﯛﭖ ﻣﯘﺭﯗﺗﻨﻰ ،
ﻏﺎﻳﯩﺐ ﺭﯨﺰﻗﻰ ﺗﺎﻣﺎﺳﯩﺪﺍ ﺷﻪﻳﯩﺨﻠﻪﺭ ﺋﻮﻗﯘﺭ ﺩﯗﺭﯗﺗﻨﻰ ،
ﻣﻪﺧﺴﯘﻡ ﻧﺎﻣﯩﻨﻰ ﺑﯘﻟﻐﺎﭖ ، ﻛﻮﻻﺭ ﻣﻪﻗﻪﺕ ﻗﯘﺭﯗﺗﻨﻰ ،
ﺳﺎﻟﯩﻬ ﺳﯜﭘﻪﺕ ، ﻫﺎﻳﯟﺍﻥ ﺳﯜﺭﻩﺕ ﻛﻪﻟﻤﻪﺱ ﺋﺎﺧﯩﺮ ﺯﺍﻣﺎﻧﻪ .
ﻗﯘﺷﻘﺎﭺ ﺋﺎﺭﺍ ﻗﯘﺭﻏﯘﻱ ﻛﻪﺑﻰ ﻛﻪﻟﺴﻪ ﺧﻪﻟﭙﻪﺕ ﻣﻮﻟﻠﯩﻐﺎ،
ﻧﻪﻣﺮﯗﺕ ﻫﻪﻡ ﺷﻪﺩﺩﺍﺕ ﻛﻪﺑﻰ ﺋﺎﻟﺴﺎ ﺩﻩﺭﺭﻩ ﻗﻮﻟﯩﻐﺎ ،
ﻗﯩﻴﺎﻣﻪﺗﺘﻪ ﮔﯜﻝ ﺋﯜﻧﻪﺭﮔﻪ ﺯﻩﺭﺑﻪ ﻗﯩﻠﯘﺭ ﺑﺎﻟﯩﻐﺎ ،
ﺋﺎﺧﯘﻧﯘﻣﻼﺭ ﺳﯜﻛﯜﺕ ﻗﯩﻠﺪﻯ ﺯﺍﻟﯩﻤﻼﺭﻧﯩﯔ ﻳﻮﻟﯩﻐﺎ،
ﺷﯘﻧﺪﺍﻕ ﺑﺎﻏﺮﯗ- ﻛﯚﯕﻠﻰ ﻗﺎﺭﺍ ﻛﻪﻟﻤﻪﺱ ﺋﺎﺧﯩﺮ ﺯﺍﻣﺎﻧﻪ.
.............................................................
ﻣﻮﻟﻼ ﺯﻩﻳﺪﯨﻦ ﻣﯘﺷﯘﻧﺪﺍﻕ ﻧﻪﺯﻣﯩﻠﻪﺭﺩﯨﻦ ﺧﯧﻠﻰ ﻛﯚﭖ ﺋﻮﻗﯘﭘﺘﯘ، ﻫﻪﻣﻤﻪﻳﻠﻪﻥ ﺷﯜﻙ ﺗﯘﺭﯗﭖ ﻗﯘﻻﻕ ﺳﯧﻠﯩﭗ ﺋﺎﯕﻼﭘﺘﯘ. ﺋﺎﺧﯩﺮﯨﺪﺍ ﺋﯘ ﻛﯚﭘﭽﯩﻠﯩﻜﻜﻪ ﺳﺎﻻﻡ ﺑﯧﺮﯨﭗ ، "ﺗﻪﺗﯩﻞ ﻗﯩﻠﯩﺶ" ﻗﺎﺗﺎﺭﻟﯩﻖ ﻣﯘﺗﻪﺋﻪﺳﺴﯩﭙﻠﻪﺭﻧﯩﯔ ﺋﻪﻳﺶ- ﺋﯩﺸﺮﻩﺗﻠﯩﻚ ﭼﯩﺮﯨﻚ ﺗﯘﺭﻣﯘﺷﯩﻐﺎ ﺩﺍﺋﯩﺮ ﻳﺎﺯﻏﺎﻥ ﺷﯧﺌﯩﺮﻟﯩﺮﯨﻤﯘ ﺑﺎﺭﻟﯩﻐﯩﻨﻰ ﺟﺎﻛﺎﺭﻻﭘﺘﯘ .
ﻣﻮﻟﻼ ﺯﻩﻳﺪﯨﻨﻨﻰ ﺧﻪﻟﻖ ﺋﺎﻣﻤﯩﺴﻰ ﻫﯚﺭﻣﻪﺗﻠﻪﭖ ﻗﯘﭼﺎﻗﻠﯩﯟﺍﭘﺘﯘ . ﻗﺎﺯﻯ ، ﺋﻪﻟﻪﻡ ﻣﯘﭘﺘﻰ .... ﻻﺭ ﺧﻪﻟﻘﻨﯩﯔ ﻣﻮﻟﻼ ﺯﻩﻳﺪﯨﻨﻨﻰ ﻣﯘﻧﺪﺍﻕ ﻫﯩﻤﺎﻳﻪ ﻗﯩﻠﻐﺎﻧﻠﯩﻘﯩﺪﯨﻦ ﺟﺎﺯﺍ ﺑﯧﺮﯨﺸﻜﻪ ﺋﺎﻣﺎﻟﺴﯩﺰ ﻗﺎﭘﺘﯘ . ﭘﻪﻗﻪﺕ "ﻣﯘﺷﺮﯨﻚ " ، "ﺟﯩﺪﯨﺖ" ﺩﻩﭖ ﻧﺎﻡ ﺑﯧﺮﯨﭙﺘﯘ .
ﻣﻪﺧﻤﯘﺕ ﺯﻩﻳﯩﺪﻯ
" ﺑﯘﻻﻕ " ﺗﯩﻦ ﺋﯧﻠﯩﻨﺪﻯ
ﮬﻪﺟﻪﭖ ﻳﺎﺧﺸﻰ ﻗﻮﺷﺎﻗﻼﺭﻛﻪﻥ ﻗﻮﺷﺎﻗﭽﻰ... ﻳﺎﺧﺸﯩﻜﻪﻥ. ﻛﯩﭽﯩﻚ ﭼﺎﻏﻠﯩﺮﯨﻤﺪﺍ ﯘﻧﯩﯔ ﻗﻮﺷﺎﻗﻠﯩﺮﯨﻨﻰ ﻳﺎﺩﻟﯩﻐﺎﻧﺘﯩﻢ ﻳﺎﺧﺸﻰ ﺋﻪﺟﺪﺍﺩﻻﺭﻏﺎ ﻳﻪﻧﻪ ﺑﯩﺮ ﻗﯧﺘﯩﻢ ﺑﺎﺭﯨﻜﺎﻟﻼﮬ.
ﺋﯧﻐﯩﺰ ﺋﻪﺩﻩﺑﯩﻴﺎﺗﯩﻤﯩﺰ ﺑﻪﻙ ﺋﺎﺟﯩﺰﻟﯩﺸﯩﭗ ﻛﯧﺘﯩﭗ ﺑﺎﺭﯨﺪﯗ ﺟﯘﻣﯘ.ﺋﯧﺴﯩﺖ ،ﺋﯧﺴﯩﺖ..... ﺧﻪﻟﯩﻖ ﺋﯧﯩﻐﯩﺰ ﺋﻪﺩﻩﺑﯩﻴﺎﺗﻰ ﻗﯧﺰﯨﺸﻘﺎ ﻳﻪﻧﯩﻼ ﻣﯘﮬﺘﺎﺝ!
بەت:
[1]