سېرىق روھىي جەھەتتىن قېرىماسلىقنىڭ ئاماللىرىتەييارلىق

مەشھۇر

مائارىپ

روھىي جەھەتتىن قېرىماسلىقنىڭ ئاماللىرى

روھىي جەھەتتىن قېرىشنىڭ ئالدىنى ئېلىش ئۈچۈن ئاۋۋال ئوزۇقلۇقنى ياخشىلاش كېرەك. ئىنسانلارنىڭ روھىي پائالىيىتى ماددا ئالمىشىش بىلەن زىچ مۇناسىۋەتلىك. ماددا ئالمىشىش ئۈچۈن ئوزۇقلۇق بولۇشى شەرت، شۇڭا روھىي جەھەتتىن قېرىشنىڭ ئالدىنى ئېلىشتىمۇ ئوزۇقلۇق ياخشى بولۇشى كېرەك. چېنىقىش: ئادەمنىڭ روھىي پائالىيىتىدە فىزېئولوگىيەلىك پائالىيەت ئاساس قىلىنىدۇ. شۇڭا، ياشانغانلارنىڭ روھىي جەھەتتىن قېرىشنى كېچىكتۈرۈش ئۈچۈن، بەدەن چېنىقتۇرۇش ئىنتايىن زۆرۈر. تۇرمۇش رېتىمى: بىر ئادەمنىڭ تۇرمۇشى قانچە رەتلىك بولسا، ئۇنىڭ چوڭ مېڭە پائالىيىتىمۇ شۇنچە رېتىملىك بولىدۇ. بىز روھىي جەھەتتىن قېرىمايمىز دەيدىكەنمىز، تۇرمۇش رېتىمىغا دىققەت قىلىشىمىز كېرەك. ھەر خىل ھەۋەسلەر: ھەۋەس بىر خىل روھىي ئوزۇق ۋە ھۇزۇرلىنىش. كىشىلەر بىر ياكى بىر قانچە ئىشقا پۈتۈن زېھنى بىلەن ھەۋەس قىلسا، غەم-قايغۇ ۋە زېرىكىشلەرنى ئۇنتۇپلا قالماستىن، ئۆزىنى تېتىك ھەم خۇشال ھېس قىلىدۇ. شۇنداقلا ئارام ئېلىشنى ئۇيقۇدىن ئەھمىيەتلىك بىلىدۇ. مېڭە ئىشلىتىشتىن قورقماسلىق: تېببىي تەتقىقاتلارنىڭ ئىسپاتلىشىچە، ياشانغانلارنىڭ روھىي جەھەتتىن قېرىشى بالىلىق دەۋرىدىكى مېڭە پائالىيىتى بىلەن زىچ مۇناسىۋەتلىك بولىدىكەن. ئەگەر ياشلىق چېغىڭىزدا مېڭىڭىزنى قانچىلىك ئىشلەتسىڭىز، شۇنچە تېتىكلىشىسىز؛ ئەگەر سىز ياشىنىپ قالغان بولسىڭىز، ھازىردىن باشلاپ ئىجتىمائىي پائالىيەتلەرگە قاتنىشىپ، ياشانغانلار مەكتىپىدە ئوقۇپ، كۈچ-ماغدۇرىڭىزنىڭ يېتىشىچە خىزمەت قىلىشىڭىز كېرەك. ئۆزىڭىزدىن ياش ئادەملەر بىلەن بېرىش-كېلىش قىلىپ، ئۇلار بىلەن كۆپ بىللە بولسىڭىز، ئۇلاردىن بەزى يېڭىلىقلارنى قوبۇل قىلىپ، روھىي جەھەتتىن قېرىشنى كېچىكتۈرۈشكە پايدىسى بولىدۇ. قېرىلىققا تەن بەرمەسلىك: قېرىلىققا تەن بېرىش روھىي جەھەتتىن قېرىشنىڭ ئەڭ چوڭ دۈشمىنى. ئەگەر سىز قېرىغان تەقدىردىمۇ، قېرىلىققا تەن بەرمەي ياشاشنى بىلسىڭىز، ئۇنداقتا سىز 80 ياشتىن ئۆتكەن تەقدىردىمۇ، ئۆزىڭىزنى ياش ھېس قىلىسىز. مۇھىتقا ماسلىشىش: شۈكۈر قىلغانلار ئۇزۇن ئۆمۈر كۆرىدۇ. مەيلى كىم بولۇشىدىن قەتئىينەزەر، كۆڭۈلسىزلىكلەرگە يولۇققاندا، كۆكسى-قارنىنى كەڭ تۇتۇپ، شۈكۈر قانائەت قىلالىسىلا، تېنى ساغلام بولىدۇ. ئۆزىنى ئاسراش ئۆز بەدىنىنىڭ ئەمەلىي ئەھۋالىنى بەش قولدەك بېلىش، قەرەللىك بەدەن تەكشۈرتۈپ تۇرۇش، شۇنداقلا دوختۇرنىڭ تاپشۇرۇقى بويىچە دورا ئىچىش كېرەك. ساقلىق ساقلاش ئىشلىرىغا دىققەت قىلىش: كېسەللىك ئادەملەرنىڭ روھىغا قاتتىق تەسىر قىلىدۇ. بولۇپمۇ سوزۇلما خاراكتېرلىك كېسىلى بارلار تېخىمۇ دىققەت قىلىشى كېرەك.دىتال

 

                                                   كىرگۈزگۈچ ئايال بالا پەن ئىللىق