ھوللېىۋودنىڭ داڭلىق كىنو چولپىنى ناتالىي پورتمان يېقىندا ‹لې فىگارو گېزىتى›نىڭ تەكلىپى بىلەن بىر يۈرۈش ئېسىل سۈرەتلەرگە چۈشۈپ نازاكەتلىك قىياپىتىنى نامايان قىلغان. ئۇنىڭ ئۆزىگە خاس ئۆزگىچە خاراكتېرى ۋە پاراسەتلىكى شۇنداقلا يۇقىرى تەسىر كۈچى ھەقىقەتەن كىشىنى قايىل قىلسا، گۈزەل لاتاپىتى ھەممەيلەننى جەلپ قىلىدۇ.
ناتالىي پورتمان 1981-يىلى 6-ئاينىڭ 9-كۈنى ئىسرائىلىيىنىڭ ئىرۇسالىمدا تۇغۇلغان. 3ياش ۋاقتىدا ئائىلىسى بويىچە نيويوركقا كۆچۈپ كەتكەن. ئۇنىڭ ئىنتايىن بەختلىك ئائىلىسى بولۇپ، ئاپىسى سەنئەتكار، دادىسى داڭلىق دوختۇر. بىر كۈنى ناتالىي پورتمان بازار ئايلىنىۋاتقاندا ئامما ئارىسىدىن ئارتىس تاللاۋاتقان بىرەيلەنگە ئۇچراپ قېلىپ، رېژىسسور لاك بېسسونغا تونۇشتۇرۇلىدۇ. بېسسون رېژىسسور ئەينى ۋاقىتتا ‹قاتىل لىئان›ناملىق فىلىمدە باش رول ئالىدىغان ئايال ئارتىس ئىزدەۋاتقان ئىدى. ئەينى ۋاقىتتا گەرچە ناتالىينىڭ يېشى كىچىك بولسىمۇ، لېكىن ئۇ غەلىبىلىك ھالدا بۇ باش رولنى ئېلىپ چىققان. ئۇنىڭدىن ئېتىبارەن ئۇ بىر تەرەپتىن ئوقۇپ، بىر تەرەپتىن ئىشلەپ ئارتىسلىق ھاياتىنى باشلىغان. 2010-يىلى ئۇ ‹قارا ئاققۇ› ناملىق فىلىمدە باش رول ئېلىپ قالتىس رول ئېلىش ماھارىتى بىلەن ئەڭ قالتىس ئايال ئارتىس مۇكاپاتىغا ئېرىشىپ ھوللىۋود كىنو خانىشى بولغان.
