ئوقۇتقۇچىلار قانداق ھوقۇقتىن بەھرىمان بولىدۇ

ئابلا

	ئوقۇتقۇچىلار قانداق ھوقۇقتىن بەھرىمان بولىدۇ ئوقۇتقۇچىلار پۇقرالىق سالاھىيىتى بىلەن ئاساسىي قانۇن ۋە قانۇن-نىزاملاردىكى ھوقۇقلاردىن بەھرىمان بولۇشتىن سىرت، يەنە كەسپىي ئالاھىدىلىكى بويىچە تۆۋەندىكىدەك خاس ھوقۇقتىن بەھرىمان بۈولىدۇ؛ 1. تەلىم-تەربىيە، ئوقۇتۇش پائالىيىتى بىلەن شۇغۇللىنىش، تەلىم-تەربىيە، ئوقۇتۇش ئىسلاھاتى ۋە تەجرىبىسىنى قانات يايدۇرۇش؛ 2. ئىلمىي تەتقىقات، ئىلىم ئالماشتۇرۇش بىلەن شۇغۇللىنىش، كەسپىي ئىلىم تەشكىلاتلىرىغا قاتنىشىپ، ئىلىم پائالىيەتلىرىدە تولۇق پىكىر بايان قىلىش؛ 3. ئوقۇغۇچىلارنىڭ ئۆگىنىشى ۋە يېتىلىشىگە يېتەكچىلىك قىلىش، ئەخلاق ۋە ئۆگىنىش نەتىجىسىنى باھالاپ بېكىتىش؛ 4. ئىش ھەققىنى ۋاقتىدا ئېلىش، دۆلەت بەلگىلىگەن پاراۋانلىق تەمىناتى، شۇنداقلا قىشلىق ۋە يازلىق تەتىلدە ئىش ھەققى ئېلىپ دەم ئېلىشتىن بەھرىمان بولۇش؛ 5. مەكتەپنىڭ تەلىم- تەربىيە، ئوقۇتۇش-باشقۇرۇش خىزمىتى ۋە مائارىپ مەمۇرىي تارماقلىرىنىڭ خىزمىتىگە پىكىر ۋە تەكلىپ بېرىش، ئوقۇتقۇچى، ئىشچى- خىزمەتچىلەر قۇرۇلتىيى ياكى باشقا شەكىللەر ئارقىلىق مەكتەپنى دېموكراتىك باشقۇرۇشقا قاتنىشىش؛ 6. بىلىم ئاشۇرۇش ياكى باشقا شەكىلدىكى تەربىيەلىنىشلەرگە قاتنىشىش ھوقۇقىدىن بەھرىمان بولىدۇ. مەنبە؛ قانۇن گېزىتى