ئاجايىپ تەملىك سايرام قېتىقى، تونۇلغاچقا چىقتى ئاتىقى

قۇربان

ئاجايىپ تەملىك سايرام قېتىقى، تونۇلغاچقا چىقتى ئاتىقى

[2011-08-11]  
                                                                                                
                                                                                                     كېلىش مەنبەسى:جۇڭگو رادىيو تورى شىنجاڭ ئۇيغۇرچە قانىلى  

ئىختىيارىي مۇخبىرىمىز  قۇربان سايىم خەۋىرى ۋە فوتوسى. باي ناھىيەسىنىڭ سايرام بازىرى نەسىللىك ئىنەك باقمىچىلىقىنى زور كۈچ بىلەن تەرەققى قىلدۇرغانلىقتىن، ھازىر بۇ بازار بويىچە كۈندۈلىك سۈت مىقدارى 6000 كىلوگرامغا، سۈت-قېتىقچىلىق بىلەن شۇغۇلىنىدىغان ئائىلە 128گە، ئۇلارنىڭ بازارنى كۈندۈلىك سۈت-قېتىق بىلەن تەمىنلەش مىقدارى1200 قاچىغا، يىللىق سۈت-قېتىق سېتىپ قىلغان كىرىمى 1 مىليون 360 مىڭ 800 يۈەنگە يىتىپ، سۈت-قېتىقچىلىق دېھقان-چارۋىچىلارنىڭ كىرىمىنى ئاشۇرۇشتىكى مۇھىم كەسىپكە ئايلاندى.

سايرام قېتىقى ئۆزىنىڭ ئۆزگىچە تەمى بىلەن يىراق-يېقىنغا داڭ چىقىرىپ، خېرىدارى كۈندىن-كۈنگە كۆپىيىپلا قالماستىن يېمەك- ئىچمەك مۇتەخەسسىسلىرىنىڭ يۇقىرى باھاسىغا ئېرىشىپ كەلمەكتە.

سايرام بازارلىق پارتكوم، خەلق ھۆكۈمىتى كۈندىن-كۈنگە ئېشىپ بېرىۋاتقان قېتىق ئىستېمال تەلىپىگە ئاساسەن، نەسىللىك ئىنەك سېتىۋالغان دېھقان- چارۋىچىلارغا ئۆسۈمسىز قەرز بېرىش، ئوتلاق، قورا-قوتان يېرىدە ئېتىبار بېرىش، سۈت يىغىپ سېتىۋېلىش پونكىتى قۇرۇش قاتارلىق تەدبىرلەرنى قوللىنىپ، دېھقان-چارۋىچىلارنىڭ نەسىللىك ئىنەك بېقىش قىزغىنلىقىنى ئاشۇردى. بۇنىڭ بىلەن ھازىرغىچە بازار بويىچە جەمئىي ئىنەك 3842 تۇياققا، نەسىللىك كالىنىڭ نىسبىتى %68 گە، كۈندۈلىك سۈت مىقدارى 6000 كىلوگرامغا يەتتى.

ئاجايىپ تەملىك سايرام قېتىقى

ئاجايىپ تەملىك سايرام قېتىقى

سۈت-قېتىق سېتىۋاتقان دېھقانلار

سۈت-قېتىق سېتىۋاتقان دېھقانلار

zulpiqar

ساۋاقدىشىم kurban بۇ ئەسەرنى تولىمۇ ياخشى يېزىپسىز،قۇلىڭىز ئەسەر يېزىشتا تولىمۇ ئەپچىلدە،باشقا يېزا-مەيدانلارنىڭمۇ ئالاھىدىلىگىنى تەسۋىرلەپ تېخىمۇ ياخشى ئەسەرلەرنى مەيدانغا كەلتۈرگەيسىز،ناھىيىمىزنى تەرەققى قىلدۇرۇشتا سىزدەك قۇلى گۈل يازغۇچىللىرىمىز كەم بولسا بولمايدۇ،سىزگە ئۇتۇق ھەم سالامەتلىك مەڭگۈ نىسىپ بولسۇن...

ئارمان

بەك ياخشى يېزىپسىز    سايرام قېتىقى راستىنلا باشقا ھىچ يەرنىڭكىگە ئوخشىمايدۇ.  بىز ھېلىمۇ   سايرامدىن  قېتىق  ئەكەلتۈرۈپ ئىچىمىز .. كورلىدا  قېتىق   لەمپۇڭ  پەقەت ئوخشىمايدۇ،   بايدىكى  كۆرۈك  بويىدىكى يۈسىنكام  يەنە  ئويبازاردىكى  رىيانگۈلنىڭ لەڭپۇڭىنى بەك سېغىندىم..................