‹تورنى ساپلاشتۇرۇش› مەخسۇس ھەرىكىتىدە 1222 شەھۋانىي تور بەت تاقالدى

admin

	‹تورنى ساپلاشتۇرۇش› مەخسۇس ھەرىكىتىدە 1222 شەھۋانىي تور بەت تاقالدى شىنخۇا ئاگېنتلىقىنىڭ 6-ئاينىڭ 20-كۈنى بېيجىڭدىن ئەۋەتكەن تېلىگراممىسى: مەملىكەتلىك ئېنتىرنېت تور ئۇچۇر ئىشخانىسى 20-چېسلا كۈنى ‹2014-يىللىق شەھۋانىيەتنى تازىلاپ، قانۇنسىز قىلمىشلارغا زەربە بېرىش تورنى تازىلاش› مەخسۇس ھەرىكىتىنىڭ ئەڭ يېڭى ئىلگىرىلەشلىرىنى ئېلان قىلغان بولۇپ، خەۋەر قىلىنىشىچە، بۇ يىل كىرگەندىن بۇيان، ‹تورنى ساپلاشتۇرۇش› مەخسۇس ھەرىكىتى قانات يايدۇرۇلغاندىن باشلاپ، شەھۋانىي ئۇچۇرلارغا مۇناسىۋەتلىك تور بەتلەردىن جەمئىي 1222 تور بەتنى بىر تەرەپ قىلغان ھەم تاقىۋەتكەن. مەملىكەتلىك ئېنتىرنېت تور ئۇچۇر ئىشخانىسىنىڭ ئالاقىدار مەسئۇلىنىڭ ئېيتىشىغا قارىغاندا، بۇ قېتىملىق ‹تورنى ساپلاشتۇرۇش› مەخسۇس ھەرىكىتىدە بىر تەرەپ قىلىنغان شەھۋانىي مەزمۇندىكى تور بەتلەر ئاساسلىقى تۆت مەزمۇننى ئۆز ئىچىگە ئالغان بولۇپ، ئۇنىڭ بىرىنچىسى بولسا، شەھۋانىي مەزمۇنلارغا ئالاقىدار فىلىملارنى تارقاتقان قانۇنلۇق فىلىم تارقىتىش سالاھىيىتى بولمىغان تور بېكەتلەر، ئىككىنچىسى بولسا شەھۋانىي مەزمۇنلارغا ئالاقىدار رەسىملەرنى تارقاتقان رەسىم تور بېكەتلىرى، ئۈچىنچىسى بولسا سېرىق مەزمۇندىكى ئۇچۇرلارنى تارقاتقان تىببىي داۋالاش تۈرىدىكى تور بېكەتلەر، تۆتىنچىسى بولسا، دۆلەت ئىچىدىكى قۇرۇق قاپلىق تور بېكەتلەرنىڭ چەتئەللەرنىڭ سېرىق تور بېكەتلىرىگە ئۇلاپ قويۇلغان تۈردىكى تور بېكەتلەردىن ئىبارەت ئىكەن.

ئاتامان

	ياخشى بوپتۇ،بەزى ئۇيغۇرچە تور بەتلەردىكى شەھۋانى ئۇلىنىشلارنىمۇ يوق قىلۋەتكەن بولسا تېخىمۇ ياخشى بولاتتى.

ئەلشىر

	مەملىكەتلىك ئېنتىرنېت تور ئۇچۇر ئىشخانىسى يەنىمۇ ئىلگىرلىگەن ھالدا كەڭ ھەر مىللەت تور ئابۇنىتلىرنىڭ ئىلىم - پەن تېخنىكىغا ئائىت مەدىنىيەت  ئۇچۇرلىردىن ۋاقتىدا خەۋەردار بۇلۇش ئاساسى مەقسىتىگە يىتىشىگە قۇلايلىق شارائىتلار بىلەن تەمىنلەش ئۇچۈن  ئېنتىرنىت تورنى باشقۇرۇشقا مۇناسىۋەتلىك قانۇن ئورگانلىرنىڭ تەستىقىنى ئالماي ئېچىۋالغان بىنۇرمال تور بەتلەرنى تەل -تۇكۇس يۇقتۇشنى كۇچلۇك تەۋىسىيە  قىلىمەن .