مەن سەھرالىق

k.sahra

	مەن سەھرالىق (نەسىر) قۇربان مولنىياز مەن سەھرالىق،كىندىك قېنىم سەھراغا تۆكۈلۈپ ،سەھرادا بۇ دۇنياغا كۆز ئاچقانمەن ،سەھرانىڭ كەڭ مېھىرلىك قۇچىقىدا تۇپا ھىدىنى پۇراپ ،زاغرا نېنىنى يەپ چوڭ بولغانمەن. ‹‹ئادەمنىڭ ھاياتىدا بىر بالىلىق دەۋرى،بىر ئۇقۇغۇچىلىق دەۋرى ئۇنتۇلمايدۇ ››دېسە مەن بۇنىڭغا تۇلۇق ئىشىنمەن ،چۈنكى مېنىڭ ھاياتىمدىمۇ ئۇنتۇلمىغان ،ئۇنتالمايدىغان بالىلىق،ئۇقۇغۇچىلىق دەۋرىم بولغان ،بولغاندىمۇ دەل ئانا سەھرانىڭ مەن مەڭگۈ ئۇنتالمايدىغان ئىللىق قۇچاقلىردابولغان،شۇڭا مەن باشقىلارنىڭ ‹‹سەھرالىق ››دېيىشلىرىدىن پەخىرلىك ھېس قىلىمەن .كۆز ئالدىمدا سەھرانىڭ ئاشۇ مېھىرلىك ،سېخىي،كەڭرى قۇچىقى ھەر ۋاقىت نامايەن بۇلۇپ تۇىدۇ.    سەھرا ،سەن ئانا يۇرتۇمسەن،ئانا تۇپرىقىمسەن !مەيلى نەلەردە بۇلاي ،قەيەرلەرگە باراي ،خوشاللىقىمسەن ،سېغىنچىمسەن ،ئىپتىخارىمسەن!ھاياتىمدىكى بارلىق قايغۇ –ھەسرىتىم،شادلىقىم سەن بىلەن زىچ مۇناسىۋەتلىك.تۇپا پۇرقىراپ تۇرغان يوللار ،سالا-سالا ئېتىز قىرلار ،توپ-توپ چارۋا –ماللار،باغباراڭلىق ھۆيلىلار ،قاتار-قاتار ئورمانلار ،كۈمۈشتەك پارقىراپ تۇرغان ئېرىق-ئۆستەڭلەر،كەڭرى سايلىقلار،ئاق كۆڭۈل دېھقانلار،ئەنئەنىۋى ئۆرۈپ-ئادەتلەر،قەلىبلەردىكى گۈزەللىكلەر....ئىش قىلىپ ،ھەممىنى سىغدۇرغان باغرىڭ گويا بىر تىلسىم ،گويا بىر مۇئەللىم ،گويا بىر داستان،گويا بىر ئالەم ! سەھرا ،سەن ئانا يۇرتۇمسەن،ئەجدادىمنىڭ ئانا يۇرتىسەن ،ئەجدادلىرىم سەندىن سۈيۈنگەن ،ئەۋلادلىرىم ساڭا ساڭا كۆيۈنگەي! سەھرا ،مېھرىڭ ھەر ۋاقىت مېنى ساڭا باغلاپ تۇىدۇ،مۇھەببىتىم ھەر ۋاقىت بۇلدۇقلاپ تۇرىدۇ.قارىغىنە ،پەخرىم - بوۋاممۇ سېنىڭ باغرىڭدا،تۆۋەرۈكۈم داداممۇ سېنىڭ باغرىڭدا ،مەنمۇ باغرىڭدا ،ئوغلۇممۇ باغرىڭدا !قارىغىنە ،ھەممە سېنىڭ باغرىڭدا.... ئاپتور:باي ناھىيەلىك مالىيە ئىدارىسدە تېلېفۇن:13779743107

مۇختەرجان

	ئەسسالامۇ-ئەلەيكۇم قۇربانجان ، مەنمۇ سەھرالىق . كىچىكىمدىن سەھرادا تۇغۇلۇپ چوڭ بولغانمەن . يازغان بۇ تېمىڭىزدا مەن ئويلىغان بارلىق كۈرۈنۈشلەر ئەكىس ئېتىپتۇ . بارلىق سەھرالىقلارغا ماس كىلدىغان ياخشى نەسىر ئىكەن .

ئاتامان

	ئانا سەھرا كۈيلەنگەن تېمىلارنىڭ ماڭا بېرىدىغان تەسىرى بىر خىل پەيزى

k.sahra

	بۇ نەسىر ‹‹ئۈرۈمچى كەچلىك گېزىتى ››نىڭ  2014-يىل4-ئاينىڭ 2-كۈنىدىكى ‹‹چولپان››ئەدەبىيات بېتىدە ئېلان قىلىنغان،تورداشلارنىڭ ياخشى باھاسىغا رەھمەد.

غىرىپ

	توغرا شۇ گۇزەل سەھرالىرىمىزغا كۇز تەگمىسۇن ، مەنمۇ بىر سەھرالىق بۇلۇش سۇپۇتۇم بىلەن بۇ يازمىنى تولىمۇ ھاياجان ئىلكىدە ئوقۇپ چىقتىم ، بەك ياخشى چىقىپتۇ ئاپىرىن، شۇ سەھرالىرمىز مىللى مەدىنيەتنىڭ ئانا بۇشۇكى ، قۇرماس بۇلىقى ، چەكسىز ئېتىز -قىر ، خۇشبۇي باغ -ۋاران ، زۇمرەت كۆل، ئېرىق -ئۆستەڭ،  سەنئەتلىك پڭشايۋانلىق ھويلا -ئارام ، سادا، ئاق كۇڭۇل دىېھقدنلار ، يەنە........ ئېيتىپ تۇگىتەلمەيمىز، تەسۋىرلەشكە تىل ئاجىز ، ئىشقىلىپ شۇ سەھرالىرمىزغا كۇز تەگمىسۇن ، تەبىلىكى يوقىمىسۇن،  رەتكە سېلىش ، ئۆزگەرتىپ قۇرۇش ، سۈنئىلىك قاپلاپ تەبىلىكنىڭ ئاجىزلاپ كىتىشىدىن قورقىمەن،

غىرىپ

	توغرا شۇ گۇزەل سەھرالىرىمىزغا كۆز تەگمىسۇن،  مەنمۇ بىر سەھرالىق بۇلۇش سۇپۇتۇم بىلەن بۇيازمىنى تولىمۇ ھاياجان ئىلكىدە ئوقۇپ چىقتىم ، بەك ياىشى چىقىپتۇ ئاپىرىن، سۇ سەھرالىرمىز مەدىنيەتنىڭ بۇشۇكى ، قۇرماس بۇلۇقى ، باغ -ۋاران ،ئېتىز-قىر، ھويلا -ئارام ، ئەل-ئاۋام ، ھەممىسى شۇنداق سۇيۇملۇك ،شۇنچە قەدىرلىك ،شۇنچە تەبى ، شۇنچە غۇبارسىز، ئۆزگەرتىپ قۇرۇش ، رەتكە سېلىش ،تۇزەش بورانلىرىنىڭ تەبى خاسلىقنى ئۇچۇرۇپ سۇنىلىكنى تارىتىشىدىن قورقىمەن ، ئامان بول ئېھ - گۇزەل ئانا سەھرايىم ، ساڭا كۆز تەگمىسۇن ،

☆ＤāТ吧☆

	ۋوي قۇربانجان بىزمۇ سەھرالىق جۇما ،

جۇلا

	قۇربانجان ئاكا،مەنمۇ ئەشۇ سەھرادا چوڭ بولغان ،مەنمۇ سەھرانى ياخشى كۆرىمەن.بۈگۈن دەم ئېلىشتىن پايدىلىنىپ چوڭ بولغان يېزامغا بېرىپ ساپ ھاۋاسىدىن نەپەس ئېلىپ،قانغىچە ئويناپ گۈزەل مەنزىرلەرنى ئۈندىدارغا يوللاپ سەھرايىمنى مەدىھلىگەن ئىدىم.ئەمدىلىكتە بولسا سىزنىڭ ئەسىرىڭىزنى كۈرۈپ شۇنداق خوشال بولدۇم.رەھمەت سىزگە،قولىڭىزغا دەرت كەلمىسۇن.

k.sahra

	بۇ ئەسىرىمگە بەرگەن ياخشى باھايىڭلارغا،گۈزەل تىلەكلىرىڭلارغا رەھمەد.سەھرالىق بۇلۇش سۈپتۈم بىلەن سەھرانى ئىجادىيىتىمنىڭ  باش تېمىسى قىلىپ تېخىمۇ ياخشى ئەسەرلىرىمنى ئۇقۇرمەنلەرگە تەغدىم قىلىشقا تىرشىمەن.

غىرىپ

	k.sahra يوللىغان ۋاقتى  2014-6-17 22:28 بۇ ئەسىرىمگە بەرگەن ياخشى باھايىڭلارغا،گۈزەل تىلەكلى ... ئارزۇ-ئۈمۇدلىرى ئەمەلگە ئاشسۇن ئىنشائاللاھ . ئۇلۇغۋار غايە ، بۇيۇك مەقسەت مۇداھلىرى ، مۇستەھكەم ،ئىرادىلىرى بولسىلا مۇشۇنداق نادىر يازمىلىرىنىڭ ئۇزلۇپ قالماسلىقىغا ئىشىنىمەن، ئاپرىن ئاكا ئاللاھ مەقسەتلىرگە يەتكۇزسۇن ،