توخسۇن يېزا قول-ھۈنەرۋەنچىلىك بۇيۇملىرى كۆرگەزمىسى ئۇيۇشتۇردى

خەۋەرچى

	ئۆزگىچىلىككە ئىگە مەدەنىيەتنى قېزىپ چىقىپ، ئىگىلىك تىكلەش قىزغىنلىقىنى قوزغىتايلى باي ناھىيە توخسۇن يېزا قول-ھۈنەرۋەنچىلىك بۇيۇملىرى ۋەھۈنەر-سەنئىتى كۆرگەزمىسى ئۇيۇشتۇردى 31- ماي چۈشتىن كىيىن، باي ناھىيە توقسۇن يېزىسىنىڭ ھەر قايسى كەنىتلىرىدىن كەلگەن ئەنئەنىۋى قول- ھۈنەرۋەنچىلەر،ئاياللار ۋەكىللىرى يېزىلىق مەدەنىيەت پونكىتىنىڭ ئىككىنچى قەۋەت يىغىن زالىغا يىغىلىپ، ئۆزلىرىنىڭ قول-ھۈنەرۋەنچىلىك بۇيۇملىرى ۋە ھۈنەر سەنئىتىنى نامايەن قىلىپ، توقسۇن يېزا ئاياللار قول-ھۈنەرۋەنچىلىك كۆرگەزمىسنى باشلاپ بەردى. بۇ قېتىمقى كۆرگەزمىگە باي ناھىيە توقسۇن يېزىسىدىكى ھەرمىللەت خەلق ئارىسىدىكى سەنئەتكارلار،ھۈنەر-سەنئەت ماھىرلىرىنىڭ ھۈنەرۋەنچىلىك ئەسەرلىرىدىن 60 دىن ئارتۇقى قاتناشتۇرۇلغان بۇلۇپ، تۆمۈر رەسىم، قول -ھۈنەرۋەنچىلىك كەشتە بۇيۇملىرى،گۈل بىزەكچىللىرى،سىزما رەسىم بۇيۇملىرى،ئىلمە تۇقۇلما بۇيۇملىرى قاتارلىق ھەرخىل ئاسما بۇيۇملار ۋە تىزىق ئۈنچە،ئىلمە تۇقۇلما گىلەم،رەخىت ھۈنەرۋەنچىلىك بۇيۇملىرى قاتارلىق سېپىنچا بۇيۇملىرىنى ئۆز ئىچىگە ئالدى. ئۇندىن باشقا ماي بۇياق رەسىم،سىدام سىزما قاتارلىق رەسساملىق بۇيۇملىرىمۇ كۆرگەزمىگە قاتناشتۇرۇلدى. (توقسۇن يېزىلىق ھۆكۈمەت)

0999گۈزەل

	بىزنىڭ باينىڭ ئايالىرنىڭ قولى ھەقىقەتەن گۈل  جۇمۇ !نىمىدىگەن چىرايلىق كەشتىلەر ئاۋۇ!