تەشنالىق

ئاھۇكۆز

	تەشنالىق ھىجراننىڭ چۆلىدە تەنھا بىر سەيياھ، سېغىنىش ئوتىدا ئىڭرايدۇ  ھالسىز . بەلكىم چۈشىدۇ  يا چۈشىدىن يىراق، گاھ سېزەر بۇندا ئۇ يۈرگىنىنى جانسىز. يېگانە  دۇنيارى  رەڭسىز  كارتېنا ، تاپالماس خوشاللىق تۇمان  ئىچىدىن، بەخشەندە  بولغاندەك  ئازاپلا  ئاڭا، خۇش كۈلكە تېپىش تەس ھايات بېتىدىن. قاقاس چۆل دەھشىتى قىيناپ ھەم ئۇنى، كۆيدۈرۈپ تېنىنى چېكەر گۈل-چېچەك. قىينالغان  ئول يۈرەك تىمتاسلىق ئىچرە، ئېھتىمال  كۆڭلىگە  پۈككەندۇ  تىلەك … تالاي رەت  ئويلىدى  ئانا باغرىنى ، مىسكىنلىك يەم قىلىپ كەتكەندە ئۇنى، بىر ئاچچىق خۇرسىنىش قىلىدۇ بىتچىت، ئۆتمۈشكە   ئايلانغان  گۈزەل چۈشىنى . چەكسىز بىر ئازاپقا قىلىدۇ مەھكۇم، ئانسىنى ئەسلەتكەن ھەربىر سوغۇق تام. يوقالغان  شاتلىقىنى ئىزدەپ دائىما ، قەلبىدە شىۋىرلار «ئانا» دېگەن  نام. چاڭقىغان ئاجىز روھ ئىزدەر شۇ ھىدنى، ۋە لېكىن تاپالماس  شاماللاردىنمۇ ، قۇياشمۇ  بېرەلمەس  ئانا تەپتىنى ، تۆكۈلەر  تەشنالىق  مىسرالاردىنمۇ. تەشنالىق باغرىدا تېڭىرقاپ دائىم. قىلىدۇ نامىنى مىڭلارچە زىكىر. يۈتسىمۇ ھەسرەتلەر ئاچكۆزلۈك بىلەن، ئەمما ئۇ ياشايدۇ كۈلۈپ ھەم مەغرۇر.

سەزگىن

	ياخشى شىېركەن

0999گۈزەل

	ياخشى يېزىپسىز ھارمىغايسىز .