جانغا راھەت تەنگە شىپا (كېلىنتاش رىۋايىتى)

kichikoghul

	كېلىنتاش رىۋايىتى                                                                            (رىۋايەت) باي ناھيىسىنىڭ غەربىي شىمالىدىكى تېرەك تاغ باغىرىدا ‹‹ئىسسىق سۇ››دەپ ئاتىلىدىغان بىر جاي بار.ئسسىق سۇ بولاقلىرىنىڭ20 –30 مېتىرچە شمال تەرىپىدىكى تاغ چوققۇسىدا بىر ئايالنىڭ ئىككى بوۋاقنى ئىمىتىۋاتقان سىياقىدا چوڭ بىر پارچە تاش بار.(مەن باشلانغۇچتا ئوقۇۋاتقاندا ئەتىرەتنىڭ تىراكتورىدا ئىسسىق سۇ ئارشىڭىغا چىققان كىشىلەر بىلەن بۇ تاغ چوقۇسىنىڭ تەڭ يېرىمىغا چىقىپ بېقىپ ھېرىپ، قېلىپ چۈشۈپ كەتكەن ئىدىم .90-يىللاردا كىشىلەردىن ئۇ تاشنى كىملەردور چېقىپ ئېلىپ كېتىپتۇ دەپ ئاڭلىدىم) كىشىلەر بۇ تاشنى ‹‹كېلىنتاش››دەپ،ئاتاپ، ئىسسىق سۇ ئارشىڭىغا كەلگەندە  سۇغا  كىرىپ داۋالىنىش بىلەن بىرگە، يەنە تاغ چوقىسىغا چىقىپ(ئەينى ۋاقىتتا ئىككى سائەتتە چىقىپ بولغىلى بولىدۇ دەپ ئاڭلىغان ئىدىم) كېلىنتاشتىن ئۆز كېسىلىگە شىپالىق تىلەپ دۇئا - تىلاۋەت قىلىشىدۇ.مەن كىشىلەر ئاغزىدىن بۇ كېلىنتاش ھەققىدە تۆۋەندىكىدەك رىۋايەت ئاڭلىغان ئىدىم: قەدىمكى زاماندا قايسى بىر ئۇلۇغ زات ئۆزىنىڭ نەچچە مىڭ كىشلىك سەرخىل قوشۇنى بىلەن كۇپارلارغا قارشى جەڭ قىلىپ،مۇشۇ يەرگە كەلگەندە ناماز ۋاقتى بولۇپ قېلىپتۇ.شۇنىڭ بىلەن ھېلىقى ئۇلۇغ زات كېلىنىگە تاغ ئۈستىدە شورپا قايناتقاچ ئەتىراپقا ئوبدان كۆز- قولاق بولۇشنى،ئەگەر كۇپار قوشۇنلىرىنىڭ شەپىسىنى ئاڭلىغۇدەك بولسا ئۆزلىرىگە خەۋەر قىلىشنى تاپىلاپ نامازغا ئولتۇرۇپتۇ. كېلىن بولسا  شورپىنى قايناتقاچ ئولتۇرۇپ قوشكېزەك بوۋىقىنى ئىمتكىنىچە ئۆزۈمۇ تۇيماي ئۇيقۇغا كېتىپتۇ.كۇپار قوشۇنلىرى تۇيۇقسىز  كېلىپ،ئۇلاردىن بىخەۋەر ھالدا ناماز ئوقۇۋتقان كىشىلەرنىڭ كۆپ قىسمىنى قەتلى قىلىپتۇ.ھېلىقى ئۇلۇغ زات تاغ چوققۇسىغا چىقىپ قارىسا، كېلىنى ئىككى بوۋقىنى ئىمىتكىنىچە بىخارامان ئۇخلاۋاتقان ئىكەن.ئۇلۇغ زاتنىڭ تولىمۇ ئاچچىقى كېلىپ : -ئىلاھىم،ئۇ مۇشۇ ئۇخلىغانچە تاشقا ئايلىنىپ كەتكەي!-دەپ دۇئا قىلىپتۇ-دە،شورپا قايناۋاتقان قازاننى دۈم كۆمتۈرۈپ شورپىنى تۆكۈۋېتىپ كېتىپ قېلىپتۇ( ئىسسىقسۇ يولى ياقىسىدىكى تاغ تاغ ئۈستىدە بىر نەچچە يەردە ئۇنىڭ پۇتىنىڭ ئىزى بار دەپ ئاڭلىغان ئىدىم).شۇنىڭدىن باشلاپ ھېلىقى كېلىنچەك ئىككى بوۋىقىنى ئىمىتىۋاتقان ھالدا تاشقا ئايلىنىپ كېتىپتۇ.تۆكۈۋەتكەن(ئات گۆشى)شورپا بولسا تاغ جىرا ۋە قورام تاشلارنىڭ ئارىسىغا سىڭىپ كېتىپ،دەريا بويلىرىدىن نەچچە ئون يەردىن شىپاللىق ئىسسىق سۇ بولاقلىرى بولۇپ چىقىۋېتىپتۇ.

سايرامى

	ھارمىغايسىز، رەھمەت سىزگە. بولسا سۇرەتلىك قىلىپ يوللاپ ئىسسىق سۇنىڭ ئىسىل مەنزىرلىرىنى يوللاپ  قويغان بولسىڭىز،بەك ياخشى بۇلاتتىكەندۇق.

ئەزىزى

	ھەقىقەتەن ياخشى تېمىكەن،رەخمەت سىزگە.

小天使

	ياخشى تېمىكەن،رەخمەت سىزگە،ھارمىغايسىز.

چولپان

	ياندىكى كاسىپنىڭ ئەتىۋارى يوق دەپ سىرىتتىكلەر بەك چوڭ بىلىدۇ ئىسسىق سۇنى،باينىڭ بايلىقى مول جۇمۇ.

يارۇغ

	رىۋايەتنى ياخشى توپلاپسىز،

مۇخلىسە

	مەنمۇ چوڭلاردىن شۇنداق ئاڭلىغان. ناھايتى ياخشى چىقىپتۇ، رەھمەت.

	ياخشى تېمكەن