ئەرگە تەگمەك تەس!

نەزەر

	ئەرگە تەگمەك تەس! "تەس"لەر جىق سانىساق، بولار كۆڭۈل غەش، بۇ غەشلىك يىغىلىپ بولىدىغۇ چەش، شۇ بىلەن ساپ كۆڭۈل ھېسابلىنار خەس، شۇ غەشلىك ئىچىدە بار بىر نەسلىك، نەس! جاھاندا ھەممىدىن ئەرگە تەگمەك تەس! ئويلايسەن: "چوڭ بولسام بولاتتى،- دەپ،-تېز ، ھەم بولسام چىرايلىق، خىزمەتتىكى قىز"، ئاھ ! لېكىن، بۇ ئارزۇ قالدۇرماستىن ئىز، ئۇشتۇمتۇت قالىسەن چوڭۇپ بەكمۇ تېز، جاھاندا ھەممىدىن ئەرگە تەگمەك تەس! تاق يۈرسەڭ دېيىشەر :" ئەركەك جىنى بار، ۋە ياكى قېنىدا ئەرنىڭ قېنى بار، بولمىسا تەگمەمتى، ئېھتېمال جىن يار، يۈرمەيتتى ئۆزىگە ئۆزى بولۇپ خار"، جاھاندا ھەممىدىن ئەرگە تەگمەك تەس! "بوپتۇلا، توي قىلسام قىلاي" دېسەڭ گەر، تۇرۇپتۇ نەدە –ھە، سېنى ساقلاپ ئەر؟ چۈنكى يوق خىزمىتىڭ، ئاققۇزساڭمۇ تەر- كۆرۈنمەس باشقىغا، بەجايىكى يەر! جاھاندا ھەممىدىن ئەرگە تەگمەك تەس! يىگىتلەر ئىزلەيدۇ خىزمىتى بارنى، خىزمىتى بولمىسا تاشلايدۇ يارنى، ئويلىماس ئىپپەت ھەم ئەخلاقنى، ئارنى، شۇنچىلىك ئۇلارنىڭ كۆكسى ۋە قارنى، جاھاندا ھەممىدىن ئەرگە تەگمەك تەس! خىزمىتىڭ يوقلۇقى ئەڭ چوڭ جىنايەت، يىگىتكە كېرىكى سەن ئەمەس، خىزمەت! ئىپپىتىڭ، ئەخلاقىڭ ئاڭا بىھاجەت، ئايدا پۇل ئەپكىرسەڭ تاپىسەن ئىززەت، جاھاندا ھەممىدىن ئەرگە تەگمەك تەس! "شۇ قىزىم تالالىق بولسا ئىدى" دەپ، ھەر دائىم سەن ئۈچۈن تالاي غەملەر يەپ، خۇدادىن بەختىڭنى، رىسقىڭنى تىلەپ، پۇچۇلار جۈپ تېغىڭ بولۇپ سەپمۇ-سەپ، جاھاندا ھەممىدىن ئەرگە تەگمەك تەس! توي قىلساڭ ئېرىڭنى كۈتمىسەڭ تېخى، سېسىق گەپ، دەشنامغا كۆنمىسەڭ تېخى، يۈكىنى بىر ئۆينىڭ يۈدمىسەڭ تېخى، بىر ئۆمۈر جاپادا ئۆتمىسەڭ تېخى، جاھاندا ھەممىدىن ئەرگە تەگمەك تەس! ئەر بولسا قىز ئالسا، خىزمەت ئالمىسا، خىزمىتى يوقكەن دەپ ئەپسۇس قىلمىسا، تەڭ كۆرسە، بىكار دەپ يۈزگە سالمىسا، ئەر شۇنداق بولسا گەر، نېمە، چارچىسا؟ جاھاندا ھەممىدىن ئەرگە تەگمەك تەس! مەنبە: قاراسۇ مۇنبىرى

قاراغول

	قىزلارنىڭ جېنىغا تىگىدىغان بولدى -دە بۇ شىئېر

ئەرتۇغ

	ئەمدى «خوتۇن ئالماق تەس» نىمۇ چاپلىمامسىز؟

نەزەر

	خوتۇن ئالماق تەس!

نەزەر

	ئەرتۇغ يوللىغان ۋاقتى  2014-5-18 15:06 ئەمدى «خوتۇن ئالماق تەس» نىمۇ چاپلىمامسىز؟ مىنە ئەمىسى دەپ چاپلىدىم!

BAYOGILI1991

	ھەيييييي!!!  بۇ دۇنيادا ( تەس) لەر نىمىدىگەن كۆپ ....

سۈبىھى419

	قاراغول يوللىغان ۋاقتى  2014-5-17 22:06 قىزلارنىڭ جېنىغا تىگىدىغان بولدى -دە بۇ شىئېر يىگىتلەر ئىزلەيدۇ خىزمىتى بارنى، خىزمىتى بولمىسا تاشلايدۇ يارنى، ئويلىماس ئىپپەت ھەم ئەخلاقنى، ئارنى، شۇنچىلىك ئۇلارنىڭ كۆكسى ۋە قارنى، جاھاندا ھەممىدىن ئەرگە تەگمەك تەس! خىزمىتىڭ يوقلۇقى ئەڭ چوڭ جىنايەت، يىگىتكە كېرىكى سەن ئەمەس، خىزمەت! ئىپپىتىڭ، ئەخلاقىڭ ئاڭا بىھاجەت، ئايدا پۇل ئەپكىرسەڭ تاپىسەن ئىززەت، جاھاندا ھەممىدىن ئەرگە تەگمەك تەس!        مەن تېخى بۇ كۇبلىتلارنى ئوقۇپ ئوغۇللارنىڭمۇ ۋىجدانى خېلى ئويغۇنۇپتۇ دەپ ئويلىغان ئىدىم ، تولىمۇ ئەپسۇس........

نەزەر

	بۇ يازمىدا قىلچىمۇ غەيرى مەقسەت يوقتۇر، كەمىنە ماختاش يا تەنقىدكە بىھاجەت، توقتۇر. يازمىدا دېيىلگەن تۈگۈنلۈك مەسىلە شۇلدۇركى: «خوتۇن ئەمەس، خىزمەت ئالغۇچى بىر دۆۋە پوقتۇر!»  ------------ دېمەكچىمەن.