نىمىشقا خوش دىگەن بولغىيتىم ساڭا(زۆھرەگۈل مەتنىياز گۈلچىن)

زۇھرە · ۋاقتى: 2014-5-11 08:15:40


	نىمىشقا خوش دىگەن بولغىيتىم ساڭا (زۆھرەگۈل مەتنىياز گۈلچىن) سەھەردە قىيالماي ئۇزاتتىم سىنى، ئۈن تىنسىز يېنىمدىن كەتتىڭ يىراقلاپ. تەلمۈرۈپ قارىدىم قاراڭ يۈتكۈچە، قەلبىمدە بىر يىغا چىقتى پالىلداپ. كۈزۈمدىن مۆلدۈرلەپ ئۈنسىز ياشلىرىم، مىنىڭدىن بىسوراق چۈشتى تاقىلداپ. ئايرىلىش ھېسلىرى ئەزدى دىلىمنى، ئازاپلار يەلكەمنى باستى قاماللاپ. يۈرىكىم ئەگىشىپ كەتتى سەن بىلەن، يۈرەكسىز ياشىماق بەكمۇ تەس ئىكەن. ئۆرتىنىپ ھەسرەتتە قىينالدى جېنىم، سىنىڭسىز خوشلۇقۇم زادى يوق ئىكەن. نىمىشقا خوش دىگەن بولغىيتىم ساڭا، سايەڭ بوپ ئەگىشىپ كەتسەمچۇ ئىسىت. قۇلۇڭنى چىڭ تۇتۇپ ماڭسام جىممىدە، ھىجرانلار قىلماستى ئەسلا ماڭا قەسىت. بىسوراقسىز چۈشلىرىمگە كىرىپسەن كۈلۈپ كەتتىم چۈشلىرىمگە كىرىپسەن، چاچلىرىمنى ھىدلاپ مەستخۇش بۇلۇپسەن. يۈرىكىڭدىن تىزىپ خوشال گۈلدەستە. «گۈلۈم بولغىن»دىگىنىڭچە سۇنۇپسەن. قېچىپ كەتسەم گۈلدەستەڭنى ئېلىپلا، مىنى ئىزدەپ باغلار ئارا يۈرۈپسەن. تاپالماستىن ھەر يان توۋلاپ ئىسمىمنى. «ئاھ،گۈلۈم»دەپ پەريات ئۇرۇپ كىتىپسەن. ئۈنۈپ چىقسام قىزىل گۈلنىڭ يېنىدىن، «بارمۇ سەن»دەپ شۇنداق يايراپ كىتىپسەن. مۇھەببەتنى سۇنۇپ ماڭا لىققىدە، «ئەمدى كەتمە»دەپ باغرىڭغا بېسىپسەن. «ماقۇل»دەپلا سىڭىپ كەتسەم باغرىڭغا، ھاياجاندا شۇنچە سەكرەپ كىتىپسەن. سۆيگۈمىزدىن يېزىپ شېئىر سەن مەغرۇر، بەختىمىزنى شىرىن كۈيگە قېتىپسەن. قاقاقلاپ كۈلۈپلا كەتتىم ئويغىنىپ، خوشاللىق يامىشىپ چىقتى جىسمىمغا. يۇمىۋالدىم كۆزلىرىمنى قايتىدىن، كىرىپ كىتەي شىرىن چۈشنىڭ قوينىغا.

سۈبىھى419 · ۋاقتى: 2014-5-12 00:05:14


	بۇ يازمىنى ئاخىرىدا سۈبىھى419 تەھرىرلىگەن. ۋاقتى 2014-5-12 00:12 ئەسىرىڭىز بەك ياخشى چىقىپتۇ ، مەنبەسىنى ئەسكەرتىۋەتكەن بولسىڭىز تېخىمۇ مۇكەممەل بوپ كېتەركەن قەلەمىڭىزگە بەرىكەتلەر تىلەيمەن !

ئەلى · ۋاقتى: 2014-5-14 18:13:03


	قەلەم تۇتقان قوللىرىڭىز تالمىغاي،

قاراغول · ۋاقتى: 2014-5-17 22:10:58


	بۇ شىئېرىڭىز ئاجايىپ ياخشى يېزىلىپتۇ . تېخىمۇ تىرىشىڭ .

ئابباس · ۋاقتى: 2014-5-20 16:21:29


	ياخشى يېزىپسىز

جۇلا · ۋاقتى: تۈنۈگۈن 12:34


	مەزمۇنى بەك ياخشى بۇلۇپتۇ،قولىڭىزغا دەرت كەلمىسۇن.

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

نىمىشقا خوش دىگەن بولغىيتىم ساڭا(زۆھرەگۈل مەتنىياز گۈلچىن)

كۆرگەن سەھىپە