غاجىماقتا ھىجران قەلبىمنى(زۆھرەگۈل مەتنىيازگۈلچىن)

زۇھرە

	غاجىماقتا ھىجران قەلبىمنى (زۆھرەگۈل مەتنىياز گۈلچىن)                                         دېرىزەمنى چىكەر تۇلۇنئاي، ئېپ كەلدىمۇ يارنىڭ خەۋىرنى. دومسىيلا كەتتى يىراقلاپ، ئەزدى ئازاپ ئۇشبۇ قەلبىمنى. يۇلتۇزلارمۇ مەيۈس تولغىنار، سۆيگۈمىزگە بۇلۇپ پەرىشان. تىلەكلىرى يەتمەيدۇ ساڭا، يىغلىماقتا بىز ماڭغان نىشان. سېغىنىشتا ئارزۇيۇم ھالسىز، يۈرەلمەيدۇ ئارمىنىم مەغرۇر. تۆت تام قارار چەكچىيىپ ماڭا، تاپالمىغاچ زەرىچە ھۇزۇر. ھىجرانلارغا تۇتقۇن بۇ قەلبىم، ئەسنىمەكتە سوغۇق خانەمدە. مەسخىرلىك ھىجىيىپ كارۋات، تەنھالىقتا ئاچچىق ئەلەمدە. غۇۋا چىراق شۇنچىلىك سۇلغۇن، تاپالمىغاچ ئۇيقۇ زادىلا. كۆزلىرىمدە ئۇرۇشار خىيال، ئازاپلارغا بولغان مۇپتىلا. يالغۇزلۇقنىڭ تەمسىز شارابى، چىن سۆيگۈمنى قىلماقتا خامۇش. غاجىماقتا ھىجران قەلبىمنى، مۇھەببەتنىڭ ھېسلىرى بىھۇش. تىترمەكتە كىرپىگىم جىمجىت، يازالمىدى سۆيگۈ نەزمىسى. ئازاپلاردا يۈرىكىم ئۈنسىز، يىغلىماقتا ھىجران كىچىسى. مۇڭدىشاي سەن بىلەن يۈرەك قانغۇچە                                           ئۇيقۇدىن بىدار ئۆتتى بۇ كىچە، خىيالغا يەم بۇلۇپ كۆزلىرىم شۇنچە. رازىمەن بىر ئۆمۈر باغرىڭدا كۈلۈپ، سەن بىلەن مۇڭداشسام تاكى ئۆلگىچە. كۆرەلمەي سېغىنىپ تەنھا يۈرگۈچە، سىمايىڭ لېۋىمنى تاتلىق سۆيگۈچە. شاتلىناي باغرىڭدا كەچمىشلەر ئارا، ئازاپتا ئۆرتىنىپ يەنە كۆيگۈچە. ھەسرەتلىك كۈيلەرگە ئەسىر بولغىچە، قەلبىمگە پىغانلار ھەمراھ بولغىچە. مۇڭدىشاي سەن بىلەن پەقەت بىر قېتىم، يۈرىكىم سۆيگۈڭگە تاكى قانغۇچە. ھىجرانغا يار بۇلۇپ كۆڭلۈم سۇنغىچە، يۇلۇڭغا تەلمۈرۈپ كۈزۈم تالغۇچە. يۈرىكىڭ قېتىدا چاچاي خۇشپۇراق، جىسمىمدا زەرىچە دەرمان قالغۇچە. شېئىرنىڭ باغرىغا كىتەيلى سىڭىپ تۇنۇشتۇق بۇغۇملار بۇلۇپ تىزىلىپ نۇرلاندى جىسمىمىز تۇغۇلدى ئارمان. قول سۇزۇپ چاقىردىڭ باغرىڭغا مىنى، مەدىيلەپ سۆيگۈنى ماڭدۇق شادىمان. شېئىرنىڭ باغرىغا كەتتۇق بىز سىڭىپ، دولقۇنلاپ مۇزاتتەك ئاقتۇق كۈلۈشۈپ. گۈل ئارا چىمەنلەر قوغلاپ كىپىنەك، مىسراغا قېتىلدۇق ئېسىل كۈي بۇلۇپ. بىز تەرگەن بۇغۇملار ئۈندى بىخلىنىپ، قاپىيە جۈپ بۇلۇپ كۈلدى قاقاقلاپ. چاۋاكلار چېلىشىپ سېلىشتۇق چۇقان، جىمجتلىق ئويغىنىپ كەتتى ۋالاقلاپ. بىز ئاستا سالپىيىپ چىقتۇق ماۋزوغا، قالدۇرغان ئىزلارغا مەنىلىك قاراپ. بۇلبۇللار ھەۋەستە كەتتى سايرىشىپ، ھەسەتلەر ئىشىكتىن قېپقالدى ماراپ.

ئۆڭمەس

	شېئىرنىڭ تىلى يىنىك، لەرزان چىقىپتۇ، ئىلھاملارغا بارىكاللا ! سىزگە يېڭى ئىلھاملار يار بولسۇن!

ئاتامان

	ئەجەپ ياخشى يېزىلغان شېركەن،قەلىمىڭىز ھارمىسۇن.

غېرىبى

	ئەسسالامۇ ئەلەيكۇم ياخشىمۇسىز زۆھرەگۇل مەن توردىشىڭىز ئابلىز بۇ ئىنكاسنى كورسىڭىز ماڭا جاۋاپ قايتۇرۇڭ بۇلامدۇ

نائىل

	ئىلھاملار كەپ تۇرۋېتىپتۇ ، ئۈزۈلۈپ قالمىسۇن !  ھارمىغايسىز !　ئۇزۇن بولدى كۆرۈشمىدۇق ، نەدە خىزمەت قىلۋاتىسىز يۇرتدىشىم ؟   لېكىن مۇشۇ ئوقۇرمەنلىرىڭىزنىمۇ ئۇنتۇپ قالماڭ ، بىز ھەم ئۇلارغىمۇ خەت يېزىپ تۇرۇڭ !                        مەن بىرىنجى گۇرۇپتىكى ھەسەنجان !

مەرمەر

	تىشلىقمۇ  ؟  بۇ شېئرڭىزمۇ  ياخشى چىقىپتۇ ،  ھارمغايسىز  ............