ئۈرۈمچىگە يەنە قەۋەتلىك ئاپتوموبىل توختىتىش ئورنى قۇرۇلىدۇ

ئەلشىر

	-فېۋرال چۈشتىن بۇرۇن ، ئۈرۈمچى شەھەرلىك پىلان ئىدارىسى رەھبىرىنىڭ ئاشكارىلىشىچە ، 2014–يىلى ئۈرۈمچى شەھىرىدە ئىككى ئىستېرېئولۇق ئاپتوموبىل توختىتىش ئىسكىلاتى كۆپىيىپ ، ئاپتوموبىل توختىتىش قىيىن بولۇش مەسىلىسى يېنىكلىتىلىدىكەن .      ئالاقىدار مەسئۇلنىڭ تونۇشتۇرۇشىچە، 2012–يىلىدىن بېرى ، ئۈرۈمچى شەھىرىگە جەمئىي 6 ئىستېرېئولۇق ئاپتوموبىل توختىتىش ئىسكىلاتى قۇرۇلغان بولۇپ ، بۇنىڭ 5 ى ئىشقا كىرىشكەن ، ئاپتوموبىل توختىتىش ئورنىدىن 2421 نى تەمىنلىيەلەيدىكەن .     تونۇشتۇرۇلۇشىچە ، قاتناش ۋاسىتىلىرىنىڭ كۆپىيىشىگە ئەگىشىپ ، ئاپتوموبىل توختىتىشتا تەمىنلەش ئېھتىياجنى قامدىيالماسلىق ئەھۋالى كۈنسېرى گەۋدىلىنىشكە باشلىغان . ئاپتوموبىل توختىتىش ئەسلىھەلىرىنىڭ ئومۇمىي مىقدارى يېتەرلىك بولماسلىق ، ئورۇنلاشتۇرۇلۇشى مۇۋاپىق بولماسلىق ، ئىشلىتىشچانلىقى تۆۋەن بولۇش ۋە ئاپتوموبىل توختىتىشنى باشقۇرۇش جايىدا بولماسلىق سەۋەبىدىن ئاپتوموبىل توختىتىش قىيىن بولۇش ، توختىتىش جەريانىدا توسۇلۇش قاتارلىق ئەھۋاللار شەھەر ئاھالىلىرىنىڭ تۇرمۇشىغا تەسىر كۆرسەتكەن يېڭى مەسىلىگە ئايلانغان .      جۇڭشەن يولىدىكى ئىستېرېئولۇق ئاپتوموبىل توختىتىش ئىسكىلاتىنى مىسال قىلساق ، ئۇنىڭ يەر كۆلىمى 2695 كىۋادرات مېتىر ، قۇرۇلۇش يەر كۆلىمى 17055.6 كىۋادرات مېتىر بولۇپ ، كۈندە سائەت 10:00 دىن باشلاپ ئاپتوموبىل توختىتىش ئەۋجىگە چىقىدىكەن ، ئىسكىلاتتا 547 ئاپتوموبىل توختىتىش ئورنى بولۇپ ، كۈندە 1500 ئەتراپىدا ئاپتوموبىل توختايدىكەن ، بۇ ئىسكىلاتتا ئەڭ كۆپ بولغاندا بەزىدە 3000 ئاپتوموبىل توختايدىكەن .