رۇبائىلار

مۇختەرجان

	رۇبائىلار ئاچقىن دوستۇم «مۇزات» بېتىنى ، تاپقىن ئۇندىن نۇرغۇن نەرسىنى . ياشاپ ھەر كۈن خۇددى ئەركەكتەك ، بويسۇندۇرغىن ئالەم،ھەممىنى ... (مۇزات :مۇزات دولقۇنلىرى ژورنىلى ) ****************************************** ئىرادەم كۈچلۈك تەمكىن ياشايمەن ، شەپقەت قۇلۇمنى ئۇزۇن سۇزىمەن . قاخشىتىپ يۈرمەي كۈلدۈرۈپ جاننى ، « رەقىب » كۆزىدىن قان-ياش ئالىمەن . ****************************************** خاماندىن ئاياققا ئۇچقاندا سامان ، «جان يوقمۇ تېنىڭدە؟»دىدى بىر تال دان . «بەرگەنغۇ مەن ساڭا ، دىدى ئۇ دانغا ، تۇراتتى مېنىڭدە يەنە قايسى جان ؟ ****************************************** پىكىرىم ھەر يان چېچىلغان شۇ دەم ، توشتى ھەم ئىچىمگە ئاچچىق دەرت-ئەلەم . مەنىسىز بۇ كۈنلەر زەپمۇ ئۇزىراپ ، تۈگەرمۇ ياشلىغىم ھاياتىممۇ ھەم . ******************************************* «ئىسىت-!» دىمەس بەزىلەر ئۆتكەن ئۆمرىگە ، تۆھپىسىز ئۆلسە ھەم نەپ بەرمەي ئەلگە . «مىللىتىم» دەۋاتقان ئەشۇ زاتلاردىن ، ئالمىدى، ئالمايدۇ نىمىشقا ئۈلگە ؟ ******************************************* تاماخور كىشىدە بولماس دىيانەت ، كەسىپتۇر ئۇنىڭغا دائىم خوشامەت . ئىنساننىڭ گۈل-تاجى، پۈتمەس بايلىقى ، غورىنى مەي قىلغان سەۋرى-قانائەت . ******************************************* تەس ئىكەن ناداننىڭ ئاقىل بولمىقى ، يات ئىكەن ئۇنىڭغا بىلىم بۇلىقى . تىرىشىش يۇلىدا ئىزدەنمەي تۇرۇپ ، چىقار دائىملا «ناچار» قىلىقى . ****************************************** يا ئاللا-! پۇلنىمۇ تاپقاننى كۆردۈم ، پۇل دىسە ھەر تەرەپ چاپقاننى كۆردۈم . پۇل ئۈچۈن ئار-نومۇس، ۋىجداندىن كېچىپ ، جان-جىگەر دوستىنى ساتقاننى كۆردۈم . ****************************************** تېۋىنغاچ يۈرىكىم مۇھاببەتكىلا ، غەم-قايغۇ ھەسرىتىم يۇقالدى ئاستا . ئەمدى گەپ ئىرادەم ئېتىدا قالدى ، شۇ ئېتىم ھارمىغاي مەنزىللەر ئارا . ****************************************** ئاپەت ۋە ئامەتلەر تۇيماستىن كېلىپ ، سىنايدۇ ھەر كىمنى قوينىغا ئېلىپ . مېلىڭدىن غادايما ئەسلى سەن گاداي ، غادايغىن ئىلىمنى كاللاڭغا سېلىپ . ****************************************** تەئەججۈپ ئەيلىمە چاقتى دەپ چايان ، بۇ ئاڭا تۇغما خۇي،ھەممىگە ئايان . تىغ ئۇرۇپ تەنلەرگە تاپالماس لەززەت ، پەقەت ئۇ قىلىدۇ پەيلىنى بايان . ****************************************** كىلەركەن تاقەتتىن قايغۇ ھەم كۈلكە ، تىغ سالما قايغۇدا بىلمەي يۈرەككە . تاقەتنىڭ چېكى بار ئۆمۈرنىڭمۇ ھەم ، تۇرامسەن تېخىچە چىداپ « ناھەقكە» ؟ ****************************************** كۆپ ئىشلار مۈشكۈلدۇر سەپىرى ئۇزاق ، مۈشكۈلنىڭ كەينىدە راھىتى بىراق . بىلىمسىز-نادانلار جاپانى كۆرمەي ، باتۇرلار يۇلىغا قويدىغۇ تۇزاق . ****************************************** مەنزىلىم يىراقتا ئۈنسىز ياشايمەن ، ئۆتكەن شۇ ئۆمرۈمگە ئاچچىق كۈلىمەن . دەردى يوق دەپ قالماڭ كۈلكەمگە قاراپ ، پەقەتلا بىردەملىك شۇنداق ئۈتىمەن . ****************************************** ئىشلىمەي ئاش-تۇزنى بىكار يىمىگىن ، ئەجداتلار ئۈمىدى يەردە قويمىغىن . ئۈگەن، ئۈگەت، بىلىم كەمىرى باغلاپ ، خەلىقىم بېشىغا كۈلپەت سالمىغىن . باي ناھىيە قىزىل يېزىلىق خەلق ھۆكۈمىتىدىن : مۇختەر مەھەممەت 2014-يىل 2-ئاينىڭ 3-كۈنى

نەزەر

	تۇنجى بولۇپ مەن »ساۋاپ« تېپىپتىمەن ھە؟ ئىنكاسنى ئالدى بىلەن يېزىپ. گەپنىڭ ئۆزىگە كەلسەم، رۇبائىيلىرىڭىزنىڭ مەزمۇنى ياخشى بولغان بىلەن ئىپادىلەش جەھەتتە نۇقسانلار خېلىلا كۆپ. بۇ جەھەتتە سىز ئۆڭمەستىن تۇرۇپ ئۆڭمەستىن ئازراق تەلىم ئالسىڭىز بولاتتىكەن. گېپىم قوپال بىلىنىپ قالسا ئەپۇ قىلارسىز.         --------  نەزەردىن

346775246

	ياخشى تېما ئىكەن ،قۇلڭۇزغا دەرىت بەرمىگەي .....................

ھۆرلۈك

	ياخشى تېمىلا كەن

ئەركمان

	رۇبائىيلار ئابلىمىت مۇھەممەد ئەمىن ئاپەتتۇر ئۆزگىنىڭ رىزقىنى يېمەك، بىرىنىڭ بىرىدە قالماستۇر، دېمەك. مەگەركىم جاھانغا خوجا بولساڭمۇ، يېگىنىڭ ھالالمۇ؟ ئويلىشىڭ كېرەك. خوجاڭغا كۈچۈكتەك ئەركىلەپ كەتمە، ئۆزگىنىڭ باغىدا سەگىدەپ كەتمە. ھەر لوقما يېگىنىڭ ئەجرىڭدىن بولسۇن، ھارامغا دۈم چۈشۈپ پەتىلەپ كەتمە. ياز كېتىپ پەسىلنىڭ كەلگەندە قىشى، شۇ يازغا تارتىشىپ مۇڭلىنار كىشى. كۈن-ئاينى ئۆتكۈزۈپ تەلپۈنۈش بىلەن، قۇرۇيدۇ تۇيدۇرماي يۈرەك بېغىشى. قۇلاق سال نېمە دەر ئەلنىڭ دانىشى، ئەلنى دەپ ئۆتكەننىڭ ئاغرىماس بېشى. تارىخنىڭ دارىغا ئېسىلغاي بىر كۈن، ئەل-يۇرتنى قاق***ئىپ جان باققان كىشى. ئەل كۆڭلى بىر دېڭىز، شاۋقۇنسىز دېمە، نە قىلسام كۆتۈرەر ئۈن-تىنسىز دېمە. پەقەتلا سەن ئۈچۈن تۇغۇلماس قۇياش، ئۆمرۈڭنى ئۆتۈدۇ ھېچ تۈنسىز دېمە. مەيلى قىل ئىلتىجا يا ئۈمىد گاھى، ساڭىلا باقمايدۇ پەلەكنىڭ رايى. ئۆتكۈنچى دەۋرگە بولساڭمۇ سانغۇن، ۋە لېكىن قوۋمىڭغا بولمىغىن ئاسىي. ھەركىمگە مۇقەددەس تۇغۇلغان ۋەتەن، ۋەتەندىن ئايرىلساڭ كىيگىنىڭ كېپەن. قۇي خۇشبۇي شارابىڭ ئىچەي بىر قەدەھ، ۋەتەننىڭ ئىشقىدا يانسۇن بۇ بەدەن. بولسىمۇ بۇ جاھان سەيلىگاھ سىياق، ئەمەستۇر ھېچ كىشى غۇسسىدىن يىراق. بۇلبۇلمۇ سايراپلا ئۆتمەس جاھاندىن، چۈشەنسەڭ ساڭىمۇ ھايات ئاشۇنداق. ئۆزۈڭلا ئۆتەمسەن شاھانە ياشاپ، بۇ ئانا تۇپراقنىڭ يىلىكىن شوراپ؟ يادىڭدا بولمىسا ئەل-يۇرتنىڭ غېمى، قانچىلىك باي بولغىن ئۇ نۆلگە ھېساب. قولنىڭمۇ پاكىزى سۇدىلا ئەمەس، نى قول بار بىر ئۆمۈر ھارامدىن كەلمەس. بەزىلەر قالسىمۇ سەكراتقا چۈشۈپ، كۆڭلىدىن كەتمەيدۇ ھارامغا ھەۋەس. ھەر جاننىڭ ئۆزگىچە بولىدۇ غېمى، جاھاندىن كىم غەمسىز ئۆتۈپتۇ قېنى؟ غەم، شادلىق خاكىدىن يارالغان ئىنسان، رىيازەت دەشتىدىن تاپار بەختىنى. ئاۋامنىڭ دەردىگە بولغىن ھەمنەپەس، نام-شۆھرەت تەختىگە قىلمىغىن ھەۋەس. دۇنيانى بىر ۋاراق ئاق قەغەز دېسەڭ، سەن ئۇندا ياخشى قۇر قالدۇرغىن پەۋەس. ئەقىلسىز دوستۇڭدىن دۈشمىنىڭ زېرەك، ئۇ دائىم ئەقىلدىن بېرىدۇ دېرەك. ئۆزۈڭگە كۆرۈنمەس ئاجىزلىقىڭنى، كۆرسىتىپ بېرىدۇ بولۇپ بىر ئەينەك. مېۋىسىز بولسىمۇ كېرەكتۇر تېرەك، چۆلدىكى تاشنىمۇ دېمە بىكېرەك، خەسنىڭمۇ قىممىتى گاھىدا ئالتۇن __ دەپ بىلەر يىراقنى كۆزلىگەن زېرەك. ئېغىزدا نى ئۆتكەل، داۋاندىن ئاشتۇق، مۈشكۈلگە دۇچ كەلسەك تايدۇق، ئاداشتۇق. دەرىخا، پۇت-قولدىن كەتكەندە ماغدۇر، پۇشايمان ئىلكىدە ساقال سىيلاشتۇق. دوستۇڭنى مۇھەببەت-نەپرەتتە سىنا، مۇھىمى دەردۇ-غەم، كۈلپەتتە سىنا. پۇل-مېلىڭ بارىدا «ۋاي» دېگەن دوستنى، بېشىڭغا خەستەلىك يەتكەندە سىنا. بىراۋغا يېلىنماي كۈچۈڭنى خار قىل، ئۇ بىرلە بىر ئىشچان دىلبەرنى يار قىل. مېھنەتكەش ئاتاڭنىڭ ئۈمىدى ھەم شۇ، ھەر مەھەل تىرمىشىپ يوقۇڭنى بار قىل. مەردلەرچە ئات سېلىپ قىلالىساڭ جەڭ، ئېگەر باش مۈشكۈلمۇ بولسا ئىرادەڭ. بۈگۈننى بوش قويما ئەتەڭنى كۈتۈپ، ئېچىلسۇن پورەكلەپ خۇش پۇراق لالەڭ. جان زاتى ئەزەلدىن ھاياتقا قانماس، ئۆمۈرنىڭ چىرىغى قايتىلاپ يانماس. مەيلى كىم تارتىشسۇن ھايات مېھرىگە، سائىتى توشقاندا كەتمەكلىكى راست. توپلىغان بىساتىڭ مەڭگۈلۈك ئەمەس، قالىدۇ بىر كۈنى توختىسا نەپەس. ھەققى بار تۇز بېرىپ ئۆستۈرگەن ئەلنىڭ، بېخىللىق چۆلىگە قىلمىغىن ھەۋەس. بەختلىك يارالغان ئىنسان مەن دېمە، تەرىڭسىز شاخلاردا كۆرۈنمەس مېۋە. تۇت ئەستە، شۇنداق بىر ھەقىقەت باركى، تۇپراقتا مېھنەتسىز ئۈنمەس ھېچنېمە. كەمسىتمە مەجرۇھنى ئۇ قۇچسا شەرەپ، ئەل ئاڭا ياڭراتسا ئالقىش ھەسسىلەپ. ئۆزۈڭچۇ، بېجىرىم-ساغلام تەن تۇرۇپ، نەلەردە يۈرۈيسەن تېنەپ-تەمتىرەپ؟ غۇسسىدىن ئادەمنىڭ قاتقاندا بېشى، خوپ بولۇر يېنىدا بولسا دىلكىشى. ھال-مۇڭغا يارىماس ھەممىلا ئادەم، تۆگىنىڭ مازاردا نە بولۇر ئىشى؟ نە ھاسىل گەر ئىنسان بولسا تىلەكسىز، (تىلەكسىز ئىنسان ئۇ بولۇر كېرەكسىز). كۆتۈرگىن قەددىڭنى تىلەكتىن يول ئاچ، قاي قوغۇن ئوخشىغان تەرسىز-پېلەكسىز؟

دون555

	دەششەت يېزىپسىز   قۇلۇڭىزغا دەت كەلمىسۇن