ھاياتلىقتا كەم بولسا بولمايدىغان 6 خىل دوست

ناتىۋان

	ئۆزىڭىزدىن زامانىۋىراق دوست : دۇنيا ئۇچقاندەك تەرەققىي قىلىۋاتقان بۈگۈنكى كۈندە ، بىز ھەر قايسى جەھەتلەردىن يېتىشىپ مېڭىشقا ئامالسىزمىز، لېكىن تۇرمۇشتا بۇنداق دەۋر ئېقىمىغا ماسلىشىپ يۈرىدىغانلارمۇ ئاز ئەمەس ، بۇنداق ئادەملەر بىزنىڭ تۇرمۇشىمىزغا يېڭىلىقلارنى ئاتا قىلىپ ، نەزەر دائىرىمىزنى كېڭەيتىدۇ .      چاقىرغان ھامان پەيدا بولىدىغان دوست: خىزمەت ۋە تۇرمۇش رېتىمىنىڭ تېزلىكىدىن ، بىزنىڭ بوش ۋاقىتلىرىمىزمۇ يوق دېيەرلىك بوپ قېلىۋاتماقتا . لېكىن بەزى دوستلار گېپىدە تۇرماي ياكى ئۇچرىشىش ۋاقتىنى نەچچە ئاي ئالدىن بېكىتىشكە توغرا كېلىپ ، بىزنىڭ ئېھتىياجىمىز چۈشكەن ، كەيپىمىز چاغ بولمىغان چاغلاردا كۆڭۈلگە مەلھەم بولغۇدەك ئادەممۇ تاپالماي قالىمىز. لېكىن ، ۋاقىت ئورۇنلاشتۇرۇشى جانلىق ، « ھايت دېگۈچە ، ھۇيت دەپ تۇرىدىغان » دوستلارنىڭ مىجەز–خاراكتېرى ئوچۇق، خۇشخۇي ، قىزغىن بولۇپ ، ئۇلار بىلەن بىرگە بولسىڭىز روھىي–كەيپىياتىڭىز كۆتۈرۈلۈپ ، ئازادە ھېس قىلىسىز .      نەمۇنىلىك دوست: دوستلىشىش دەستۇرىدا بىزنى كەسىپتە نامى چىققان ، ئەخلا–پەزىلەتلىك دوستانە ئادەملەر بىلەن دوستلىشىشقا دەۋەت قىلىدۇ ، بۇ قىلچىمۇ ئاساسسىز ئەمەس . ئۇلار بىزنىڭ ئۆزىمىزنى يۇقىرى كۆتۈرۈش ئىستىكىمىزنى قوزغايدۇ . ئەلۋەتتە ، بۇ خىلدىكى داڭلىق شەخسلەر بىلەن دوستلاشسىڭىز ، ئۆزىڭىزگە نىسبەتەنمۇ بىر سىناق ھېسابلىنىدۇ. ئۇلار بىزگە ئۆزىمىزدىكى ئارتۇقچىلىق ۋە يېتەرسىزلىكلەرنى توغرا تونۇتقۇزالايدۇ ، ھەمدە بىزدە ئۆز–ئۆزىمىزدىن ئۇيات ھېس قىلىدىغان ، ھەتتا ھەسەت قىلىدىغان ناچار كەيپىيات شەكىللىنىشتىنمۇ خالىي بولالمايمىز .      ئەتراپىڭىزدىكى دوستلىرىڭىز بىلەن قىلچە ئالاقىسى يوق دوست: ئۇ سىزنىڭ باشقا دوستلىرىڭىزنى تونىمىغاچقا، سىزگە تېخىمۇ ئوبيېكىترەك ، توغرا باھا بېرەلەيدۇ . سەمىمىي نىيەتتە ئارىلىشالايسىز ، كۆڭۈل سىرلىرىڭىزنىڭ دوستلىرىڭىز ئارىسىدىكى سۆز–چۆچەك بولۇپ قېلىشىدىنمۇ ئەنسىرەپ يۈرمەيسىز .      راست گەپ قىلىدىغان دوست : ھەممەيلەن ماختاش خاراكتېرىدىكى سۆزلەرنى ئاڭلاشقا خۇشتار ، لېكىن بەزى ۋاقىتلاردا توغرا گەپ قۇلاققا ياقمىسىمۇ ، ئۆزىمىزگە پايدىلىق بولىدۇ . سىز كۆرەڭلەپ ، ئۆزىڭىزنى يوقىتىپ قويغان ، مۈشكۈل ئەھۋالدا قېلىپ، جىددىي مۇھىم قارار چىقىرىشقا توغرا كەلگەندە ، بۇ خىل دوست سىزگە ھەقىقىي ئەسقاتىدۇ .      سىزنى ئۆزىڭىزدىنمۇ بەكرەك چۈشىنىدىغان دوست : سىز مەيلى قايسى كەسىپ بىلەن شوغۇللىنىڭ ، باي ياكى نامرات بولۇڭ ، قايسى خىل تۇرمۇش ئۇسۇلىغا خۇشتار بولۇپ ، ئۇ باشتىن–ئاخىر سىز بىلەن بىرگە بولىدۇ ، بۇ سىزنىڭ ھەر قانداق سىناققا بەرداشلىق بېرەلەيدىغان ھەقىقىي دوستىڭىز ھېسابلىنىدۇ . ئۇنىڭ بىلەن بىرگە بولسىڭىز ، قېرىنداشلىرىڭىز بىلەن بىرگە تۇرۇۋاتقاندەك ھېس قىلىسىز ، ساختا قىياپەتكە كىرىۋېلىشىڭىزنىڭ ھاجىتى يوق ، ئۆزىڭىزنىڭ ھەقىقىي قىياپىتىڭىز، چىن يۈرىكىڭىزدىكى قايغۇ–ھەسرىتىڭىز ، خۇشاللىقىڭىزنى ئىپادىلىيەلەيسىز .

☆ＤāТ吧☆

	دوسىت دىگەننى تىلى قىلىپ چۈشەندۈرۈپسىز دە ، ياخشى  ياخشى

زېرو

	ھەقىقەتەن ياخشىكەن قۇلڭىزغا دەت كەلمىسۇن

ئەلشىر

	ئاقماقنىڭ  دوستى  كوپ  پىيازنىڭ پوستى كوپ دەپ  ، بەزى دوستلىرنىڭز  ۋاقتى كەلگەندە سىزنى پىيازنىڭ پوستىنى سويىغا ندەك سويۋىتىشى مۇمكىن .

ناتىۋان

	راس  دەيسىز

ئۈمدۋار

	ئادەمنڭ بىر دوستى كۆپەيسە بىر دۈشمنى ئازلايدۇ ئەمەسمۇ!!