بەزىلەر

ئۆڭمەس

	بەزىلەر مەخمۇت ئاۋۇت ئۆڭمەس نەپ ئۈچۈنلا  ئېپىگە  سېتىلاركەن بەزىلەر، تۆت پۇتلۇقلار سېپىگە  قېتىلاركەن بەزىلەر. توسقاچ ئەقىل كۆزىنى نادانلىقنىڭ چاپىقى ، قاباھەتنىڭ پېشىگە ئېسىلاركەن بەزىلەر. يىرتىلسا گەر ۋاقىتسىز ئەخلاق،ھايا  پەردىسى، ئاچ بۆرىدەك شەھۋەتكە  ئېتىلاركەن بەزىلەر. خۇنۈكلىشەر ساپ ھايات  ئادىمىيلىك كۆمۈلسە، ھايۋان بىلەن بىر يەڭگە  سېپىلاركەن بەزىلەر. غىدىقلىسا  نېرۋىنى شۆھرەت،ئابروي ھىدلىرى، ھارام نەپتىن بىخ سۈرۈپ ئېچىلاركەن بەزىلەر. بېرىلمىگەچ  ۋىجداندىن ئەۋلادلارغا ئۇزۇقلۇق، ئېزىپ پەستلىك ھارۋىسىغا قېتىلاركەن بەزىلەر. تېتىمىغاچ ئېغىزغا ئىلىم-ئىرپان شەربىتى ، بولۇپ تۇترۇق قىمارغا   يېقىلاركەن بەزىلەر. چەيلەنگەچكە تاپاندا ئەجىز-مېھنەت بوستانى، ئىشرەت،كەيىب ئوقىدا  يىقىلاركەن بەزىلەر. كەتسە چىرىپ، بوشىشىپ ساداقەتلىك كەمىرى، بىۋاپالىق  پاتقىقىغا پېتىلاركەن بەزىلەر. تومۇرلاردا يامرىغاچ شەيتان ئۇرغان ۋېروسلار، قاۋاقلارغا مۆھۈر بوپ  بېسىلاركەن بەزىلەر. بولسىمۇ ئەر ساماندەك،بولغاچ ئەركەك ساناقلىق، ئىپپەت-ھايا ،نومۇستىن خوشلىشاركەن بەزىلەر. كۆيدۈرگەچكە  ۋىجداننى ھەسەتخورلۇق ئوچىقى ، تىكەن بولۇپ  تاپانغا   قېقىلاركەن بەزىلەر. ئىناق،ئۆملۈك، ئەخلاقنى كىر تۇتقاچقا گاھىدا، قۇۋ-رەزىللەر  قوينىدا بېقىلاركەن بەزىلەر. كۈشەندىدۇر ئەقىلگە  ساھىپجامال قىلتىقى، ئائىلىگە كېتىپ دەز چېقىلاركەن بەزىلەر. بايلىق، كىبىر  بويىغاچ  قارا رەڭدە يۈرەكنى، بى رەھىملىك  قىلتىقىغا  ئىلىناركەن بەزىلەر. ۋىجدان،غۇرۇر، جان نېمە، نەپسى بالا  ئالدىدا، مەنسەپ ئۈچۈن كۈچۈك بوپ،  يېلىناركەن  بەزىلەر. كەتكەچ ئورناپ تۇيدۇرماي ھەسەت ئوتى يۈرەككە، بىراۋ دەرتتىن يىغلىسا  ئېچىلاركەن بەزىلەر. ھورۇن ئېشەك ئەجىرسىز بوش قىلغاندەك تاغارنى، تېپىپ قۇسۇر مېھنەتكە  چېپىلاركەن بەزىلەر. يىرتىلغاچقا  ۋاقىتسىز پاك مۇھەببەت ئەتلىسى، ھارام جۈپلىك كوچىسىغا  چېپىشاركەن بەزىلەر. شىر-قاپلانغا باش قويۇپ، بولۇپ موللام مۆشۈكى، چۈمۈلىنىڭ رىسقىغا ئېسىلاركەن بەزىلەر. يىرتىلغاچقا قامۇسنىڭ ئىنساپ،ئىمان بەتلىرى، نەپسى ئۈچۈن لاۋاغا  ئېتىلاركەن بەزىلەر. ياشلىمىسۇن كۆزىنى ئادىمىيلىك،پەزىلەت، چاچسا ئەخلاق نۇرىنى شادلىناركەن ئەزىزلەر.

سەزگىن

	بۇ شىئېرنى ھازىرقى جەمىيەتكە نىسبەتەن بەك جايىدا يېزىپسىز

ئۆڭمەس

	سەزگىن يوللىغان ۋاقتى  2014-1-23 19:06 بۇ شىئېرنى ھازىرقى جەمىيەتكە نىسبەتەن بەك جايىدا يېزى ... ئىنكاسىڭىزغا رەخمەت! ئىللەتلەرنى قامچىلاش ئارقىلىق ئۇنىڭدىن ئىبرەت  ئېلىش ئاساسى مەقسەتتۇر!

سەزگىن

	مۇزاتى يوللىغان ۋاقتى  2014-1-24 11:09 ئىنكاسىڭىزغا رەخمەت! ئىللەتلەرنى قامچىلاش ئارقىلىق  ... توغىرا دەيسىز

سەزگىن

	مۇزاتى يوللىغان ۋاقتى  2014-1-24 11:09 ئىنكاسىڭىزغا رەخمەت! ئىللەتلەرنى قامچىلاش ئارقىلىق  ... توغىرا دەيسىز

دەرماني

	ئەسەرلىرىڭزدىن بەھرىلىنۋاتمەن تېمالار ياخشى تاللنۋاتدۇ،ھېسيات كەمچىل! تىرشقايسىز.

ئۆڭمەس

	دەرماني يوللىغان ۋاقتى  2014-1-26 00:52 ئەسەرلىرىڭزدىن بەھرىلىنۋاتمەن تېمالار ياخشى تاللنۋا ... رەخمەت ! بۇنىڭدىن كېيىنكى ئەسەرلىرىمدە،تەكلىپلەرنى سەمىمىي قوبۇل قىلىپ،يەنىمۇ تىرىشچانلىق كورسىتىمەن!

☆ＤāТ吧☆

	راس ياخشى يېزىپسىز ، ھازىرقى جەمىئەتتىقى ناچار قىلىمش ، يامان ئادەتلەرنى ياخشى قامچىلاپسىز

sevimli

	ئادەتتە شېئىر بۇلسا ئوقۇمايلا ئۆتكۇزۇۋىتەتتىم بۇنى تولۇق ئوقۇۋەتتىم تېما ئىگىسىگە ھەشقاللا!