ئىشچىمەن (ئۆڭمەس)

ئۆڭمەس

	ئىشچىمەن (بىرىنچى سەپتىكى تۆھپىكار ئىشچى تىلىدىن) مەخمۇت ئاۋۇت ئۆڭمەس ئەيلىگەن قەھرىمدە چۆلنى گۈل-چىمەن، يۈرىكى ئوتلۇق چېلىشتا  باشچىمەن؛ تايمىغاچ بەيگىدە  ئەقلىم  ساز، تىمەن، تەر بىلەن بەختىمنى تاپقان ئىشچىمەن. يالتىرار ئۈنچە چېكەمدە  شوخ كۈلۈپ، ئاينىغاي غۇنچە ئىزىمدىن بىخ سۈرۈپ ؛ تاغنىمۇ ھەم يۆتكىگەيمەن يەڭ تۈرۈپ، غەيرىتىم كۆككە ئۇلاشقان ئىشچىمەن. ئار قىلىپ بۇندا ئىلىمدىن قۇت،ۋىسال، ئىزدىنىپ تىلسىمغا ھەم تاپقان ئامال؛ ئۆز كەسىپ پېشىنى ئەتكەچ چىڭ قامال، مەنزىلىنىڭ  تېڭى ئاتقان ئىشچىمەن. تاشلىماس ياپراق ئىرادەم ھەر نەپەس ، شان قۇچۇش بۇ  دىلدىكى قايناق ھەۋەس؛ ئەيلىگەچ مېھنەت قۇشۇم پەرۋاز پەۋەس، زەربىدارچە  نەررە تارتقان ئىشچىمەن. كۈچ بېرىپ ئورنىنى تاپقاچ مېھنىتىم، سەپ تۈزۈپتۇ جەڭ-چېلىشتا ھىممىتىم؛ دىلدا ئەلدۇر، ئۆڭمىگەچكە پاك دېتىم، ئار ئۈچۈن چۆللەردە ياتقان ئىشچىمەن. ئېيتسا كىم پەگا بىلىپ  ئورنۇمنى بەس، ئىتقا  يەمدۇر ئەشۇ ۋىژدان، ئۆزى پەس؛ يۇمغىنى مېھنەتكە كۆز ھايۋان پەرەس، ئەجىرىم خۇش ھىد  تاراتقان  ئىشچىمەن. پىتنىلەردىن تەمتىرەپ ئاغماس دىلىم، ئىتقا كارۋان داجىماس،مەنزىل يېرىم؛ شۇم ھەسەتكە قامچىدۇر ئۆتكۈر تىلىم، ئەلنى دەپ بايلىق ياراتقان ئىشچىمەن. خاسىيەتتۇر ئىشچىنىڭ ئورنى،  ئىشى، ئىمارەتنىڭ  ئۇلى ئۇ، مەزمۇت خىشى؛ قولى ، زېھنى مۇكىدۇر  يازۇ-قىشى، ماختىنىشتىن مەرى قاچقان ئىشچىمەن. ئورنىغاچ پاك دىلغا  ئەل دەپ بىر تېلەك، يوق قاياش بىلسەم  ئۇنىڭچە يار-يۆلەك؛ مېھرىدە كۈچكە ئۇلاشتى گاڭ بىلەك، رىشتى يۇرتقا چىڭ تۇتاشقان ئىشچىمەن. باقتى  يىلمۇ يېڭىچە بىر بەت ئېچىپ، چىللىماقتا بەيگىلەر ھەم كۆز قىسىپ؛ ئىجتىھاتتىن ئوخچىدى غەيرەت ئېشىپ، رىقابەتتە  رەت  تالاشقان ئىشچىمەن. مەنبە: ئۆزەمنىڭ.

سەزگىن

	ئىشچىلارنى مەدىيلەپ يازغان بۇ شىئېرىڭىز بەك ياخشىكەن،سىزگە باركاللا

ئەلشىر

	ئەمدى  ھەر مىللەت  كادىرلىرنى   مەدىھىيىلەپ يېزىپ قۇيارسزى   جىما ، قەلەم قۇۋتىڭىز خېلى بۇلۇپ قۇيدىكەن  .

ئۆڭمەس

	قوللاش ۋە  ئىنكاسلارنى ئايىمىساڭلارلا  تىرىشىپ يېڭى تېمىلارنى وتتۇرىغا چىقىرىشقا ئۇرۇنىمەن!

ئارمان097

	بەك ياخشى  يېزپسىز  نادىر ئەسەرلەرنى كۆپرەك يېزىپ   تۇرشڭىزغا تىلەكداشمەن