يېڭى تۇغۇلغان بوۋاقنى سېتىۋەتكەن دوختۇرغا كېچىك...

k.sahra

	جۇڭگو ئاخبارات تورى 14-يانۋار تېلېگراممىسى جەمئىيەتتىكى ھەر ساھە ئاممىنىڭ يۈكسەك دىققەت-ئېتىبارىنى قوزغىغان شەنشى ئۆلكىسى فۇپىڭ ناھىيەسىدىكى تۇغۇت دوختۇرى جاڭ شۇشيانىڭ بوۋاق ساتقانلىق دېلوسىغا بۈگۈن(14-يانۋار) چۈشتىن بۇرۇن سائەت 9:00لاردا ۋېينەن شەھەرلىك ئوتتۇرا خەلق سوت مەھكىمىسىدە ئوچۇق-ئاشكارا ھۆكۈم ئېلان قىلىندى. جاڭ شۇشيانىڭ بوۋاقلارنى سېتىش جىنايىتىگە ئۆلۈم جازاسى بېرىلىپ، ئىككى يىل كېچىكتۈرۈپ ئىجرا قىلىش، سىياسىي ھوقۇقىدىن ئۆمۈرۋايەت مەھرۇم قىلىش، شۇنداقلا ئۇنىڭ بارلىق مال-مۈلكىنى مۇسادىرە قىلىش ھۆكۈم قىلىندى.      2013-يىلى 16-ئىيۇل، شەنشى ئۆلكىسى ۋېينەن شەھىرى فۇپىڭ ناھىيەسى شۆجېن كەنت ئاھالىسى دۇڭ X فۇپىڭ ناھىيەلىك ئانا–بالىلار ساقلىقنى ساقلاش دوختۇرخانىسىدا بىر ئوغۇل بوۋاقنى يەڭگىگەندىن كېيىن، تۇغۇت بۆلۈمىنىڭ مۇئاۋىن مۇدىرى جاڭ شۇشيا بوۋاقنىڭ ئۆيىدىكىلىرىگە ‹‹بوۋاق تۇغما يۇقۇملۇق كېسەلگە گىرىپتار بولغان ۋە تۇغما مېيىپ›› دېگەن، بۇنىڭ بىلەن، بوۋاقنىڭ دادىسى بوۋاقتىن ۋاز كېچىدىغانلىقىنى، دوختۇر جاڭ شۇشيانىڭ بىر تەرەپ قىلىشىغا ھاۋالە قىلىدىغانلىقىنى ئېيتقان. ئارقىدىن، بوۋاقنىڭ ئۆيىدىكىلەر بوۋاقنىڭ سېتىلغانلىقىدىن گۇمانلىنىپ، فۇپىڭ ناھىيەلىك ج خ ئىدارىسى چېڭگۈەن ساقچىخانىسىغا دېلو مەلۇم قىلغان.    دەسلەپكى تەكشۈرۈش ئارقىلىق، بۇ دېلونىڭ ئۆلكە ھالقىغان بوۋاق سېتىش شايكىسىغا چېتىلىدىغان دېلو ئىكەنلىكى ئېنىقلانغان. 16-ئىيۇل كەچ، جاڭ شۇشيا دۇڭ X يەڭگىگەن بوۋاقنى ‹‹كېسەل›› دېگەننى باھانە قىلىپ، ئۇلارنى بوۋاقتىن ۋاز كېچىپ، بوۋاقنى ئۆزىنىڭ بىر تەرەپ قىلىشىغا ھاۋالە قىلىشقا ئازدۇرغان. بۇ جەرياندا، جاڭ شۇشيا سەنشى ئۆلكىسىدىكى جىنايەت گۇماندارى پەن X بىلەن ئالاقىلەشكەن، 17-ئىيۇل سەھەر سائەت 3:00تە، پەن X بىلەن سۈي X ئاپتوموبىل ھەيدەپ سەنشى ئۆلكىسىدىن فۇپىڭ ناھىيەسىگە كېلىپ، 21 مڭ 600 يۈەنگە  بوۋاقنى سېتىۋېلىپ، جاڭ شۇشيانىڭ ئۆيىدىن ئېلىپ كەتكەن، ئارقىدىن بۇ بوۋاقنى 30 مڭ يۈەنگە باشقا جىنايەت گۇماندارىغا سېتىۋەتكەن.    دېلو يۈز بەرگەندىن كېيىن، ئىلگىرى بۇ دوختۇرخانىدا تۇغقان ئاياللار ۋە ئۇلارنىڭ ئائىلە تاۋابىئاتلىرى ئۆزلىرىنىڭ ئىلگىرى بۇ دوختۇرخانىدا تۇغۇلغان بالىلىرىنىڭمۇ دوختۇرلار تەرىپىدىن مۇشۇنداق ئۇسۇل بىلەن بىر تەرەپ قىلىنغانلىقىدىن گۇمان قىلىپ، فۇپىڭدىكى ساقچىلارغا دېلو مەلۇم قىلغان.    شەنشى ئۆلكىسى ۋېينەن شەھەرلىك ئوتتۇرا خەلق سوت مەھكىمىسى 30-دېكابىر چۈشتىن بۇرۇن سائەت 9:00 دا، فۇپىڭ ناھىيەلىك ئانا-بالىلار ساقلىقنى ساقلاش دوختۇرخانىسىنىڭ دوختۇرى جاڭ شۇشيانىڭ بوۋاق ساتقانلىق دېلوسىغا ئوچۇق سوت ئاچقان. تەكشۈرگۈچى تەرەپ ‹‹جاڭ شۇشيا ئالتە قېتىمدا يەتتە بوۋاقنى ساتقان، شۇنداقلا بىر بالىنىڭ ئۆلۈپ كېتىشىنى كەلتۈرۈپ چىقارغان›› دەپ شىكايەت قىلغان.    مەملىكەتنىڭ ھەر قايسى جايلىرىدىكى 30 دىن ئارتۇق ئاخبارات ۋاستىسىنىڭ 50 دىن ئارتۇق مۇخبىرى ۋېينەنگە كېلىپ بۇ دېلو توغرىسىدا خەۋەر بەرگەن. ۋېينەن شەھەرلىك ئوتتۇرا خەلق سوت مەھكىمىسى شۇ كۈنى سوت مەھكىمىسىنىڭ ئەڭ چوڭ زالىدا سوت ئاچقان، 150تىن ئارتۇق ئادەم سوتقا سىرتتىن قاتناشقان.    5-ئاۋغۇست، ساقچىلار دۇڭ X نىڭ ئوغلىنى تېپىپ قايتۇرۇپ كەلگەن.   9-ئاۋغۇست، جاڭ شۇشيا قاتارلىق توققۇز نەپەر جىنايەت گۇماندارى جىنايى ئىشلار بويىچە توختىتىپ قويۇلغان، فۇپىڭ ناھىيەسىنىڭ مۇئاۋىن ھاكىمى لى شۆپىڭ، سەھىيە ئىدارىسىنىڭ باشلىقى جى شىنمىن، مۇئاۋىن ئىدارە باشلىقى بيەن سىمېي، ئانا-بالىلار ساقلىقنى ساقلاش دوختۇرخانىسىنىڭ باشلىقى ۋاڭ لى، مۇئاۋىن دوختۇرخانا باشلىقى ياۋ جۈنمىن ۋە پەرۋىش خىزمىتى ئىشچىلار ئۇيۇشمىسىنىڭ رەئىسى سۇڭ فېنلىڭ قاتارلىق ئالتە ئادەم ۋەزىپىسىدىن قالدۇرۇلغان. مەنبە :تەڭرىتاغ تورى

جۇلا

	تېلۋۇزۇردا كۆرگەن بولساممۇ تۇلۇق كۈرەلمەي قالغان ئىدىم.رەھمەت سىزگە قۇربان ئاكا،جىنايەتچىلەرنىڭ قانۇن تورىغا چۈشكەنلىكىدىن خوشالمەن.

ئەلى

	توۋا؟ مۇشۇنداق رەزىل قىلمىشنى سادىر قىلغان مەلئۇنلارغىمۇ ئۆلۈم جازاسىنى كېچىكتۈرۈپ ئىجرا قىلىدىكەن دېسە؟ ياكى بۇ ئۇلارغا قالدىرۇلغان پۇرسەتمىكىن؟

مۇخلىسە

	مۇشۇنداق ئىپلاسلارنى بىر پاي ئوق بىلەن مېڭىسنىڭ قېتىقىنى چىقىرۋەتسە دەيمەن . رەھمەت سىزگە ياخشى تېمىدىن بىرنى يوللاپ ، بىزنى خەۋەردار قىلغىنىڭىزغا.

新恩一

	مەنپەئەت ئۈچۈن ۋىجدانىنى دوغا تىكىپ،ئاخىرى خەلىقنىڭ قارغىشىغا قاپتۇ دە.

ئەتىرگۈل

	مۇشۇ ئىش سەۋەپلىك ناھىيەنىڭ ھاكىملىرىنىمۇ ۋەزىپىسىدىن قالدۇرۇپتۇ-يۇ،(خۇددى بوۋاق سېتىشنى ھاكىم ئۇرۇنلاشتۇرغاندەك)ئەجەپ بوۋاقنى تاشلىۋەتكەن قارا نىيەت ئاتا-ئانىنى جازالىماپتا؟! خاتىرجام تىنىچ تۇرمۇشقا شۈكىرى قىلمىغان قارا نىيەت جاڭ شۇشىيانىڭ بارار يىرى تۈرمە  بوپتۇ. خەقنىڭ جاپا تارتىپ تۇققان بالىسىنى ئانىسىنىڭ ھەققى باردەك ساتقاندىكىن