مۇڭلانمىسۇن باش كىيىم (ئۆڭمەس)

ئۆڭمەس

	مۇڭلانمىسۇن باش كىيىم مەخمۇت ئاۋۇت ئۆڭمەس دەرت تۆكىدۇ بۇرۇختۇمدا باش كىيىم، بويۇن قىسىپ قالغاچ ساندۇق، بۇلۇڭدا؛ تاجىڭ ئىدى قامىتىڭگە يارىىشار، خارلىغىدەك نىېمە گۇناھ ئۇنىڭدا. ئەجداد ئۈچۈن  ئىدى ئەزىز، ئەتىۋا، قىلغان شۇڭا بىزگە ئۇنى تەۋەرۈك؛ بىل ئۇنىڭسىز غۇۋالىشار كىملىكىڭ، چېنىپ ئۇندىن نە ئارزۇغا يەتكۈلۈك. ئايەم ئەھلى، ھازىدارغا ياراشسا، مۇڭغا پاتتى باشقا چاغدا تاشلىنىپ؛ شۇ تەۋەرۈك چىققىنىدا قولۇمغا، مېھرىم ئاشار كۆزلىرىممۇ ياشلىنىپ. يارىشاتتى ئۇيغۇرۇمغا خوپ ئېسىل، سۆزلەيتتى ئۇ كىملىكىمدىن ھېكايەت؛ بېرىپ ھارماس چىۋەر قولغا گۇۋاھلىق، ئەزىزلىنەر ئۇندا  ئەجىر،تەر-مېھنەت. ئايپاڭ باشلار، پاخپاق چاچلار ئاينىسا، قالمامدۇ شۇ پەيتتە دوپپاڭ ياتسىراپ ؛ خوپ كەلمەس بوپ قالدىمۇ ئەمدى ساڭا؟ يېشى قۇرۇپ تۈگەشمىسۇن قاغجىراپ. دۇنيا ئەھلى تۇنار بىزنى ئۇ بىلەن، مېھرى ئىللىق بولغاچ ئۇيغۇر دوپپىسى؛ خوشلاشمامدۇ  خارلىساق گەر بىز ئۇنى، مىللىتىمنىڭ ئەنئەنىسى تۆھپىسى. خۇرسىنارمۇ ئەجدات بىزدىن ئۈمۈتسىز، باقسام ئاڭا ئېچىشار، ئۆكسۈپ دىلىم؛ ئەزىزلىمەي، خارلىغاچقا ئۇنى بىز ، تۇتۇپ ھازا، مۇڭلانمىسۇن باش كىيىم. مەنبە: ئىجادىيەت.

سەزگىن

	راسىت ،ھازىر باش كىيىم كىيدىغانلارئازلاپ كەتتى، تاشلىنىپ قالمىسا بولاتتى.

☆ＤāТ吧☆

	ۋوي شۇنى دەيمەن ھازىر ئادەم باش كىيىم كىيىپ كۇچىغا چىقسا خەقلەر نىمش بولدى؟ ئائىلدە بىرە كىلشمەسلىك بولدىمۇ،  يا توي بولماقچىمۇ دەپ سۇراپ كېتدىكەن ئادەمنى جىلە قىلىپ ، توۋا جۇمۇ بىزنىڭ ئەجداتلىرىمز بېشىدىن ئالماي كىيدىغان ئەنە شۇ باش كىيملىرىمز ئەمدى قانداقتۇر بىر مۇراسىم كىيمىگە ئايلىنپ قالماقتا....

ئالىيە

	باش  كىيمىز  يەنى شۇ چىرايلىق دوپپىلىرمىز  ھازىر  توپا بېسىپ ساندۇقتا ئاسار_ئەتىقەدەك ساقلىندىغان بوپ كىتىپتۇ.  مەنمۇ ئۇنداق دېگنىم بىلەن ئۆزۈممۈ كىيمەيمەن بىزگە  زىننەت بولدىغان بۇ باش كىيىملەر  يۇقاپ  كىتەرمۇ دەيمەن ،،،، بەك ياخشى يېزىپسىز.  قەلىملىرڭىز بەرىكەتلىك بولسۇن...

yolwas2010

	سەزگىن يوللىغان ۋاقتى  2014-1-10 18:14 راسىت ،ھازىر باش كىيىم كىيدىغانلارئازلاپ كەتتى، تاشلى ... مەخمۇتجان ماۋۇ شېئىرنى ياخشى يېزىپسىز.سىزگە رەخمەت.

ئەلى

	قەلەم تۇتقان، تېما يوللىغان قولىڭىزغا ئاپىرىن قېرىدىشىم، ھەقىقەتەن ياخشى تېمىدىن بىرنى يوللاپسىز، دېمىسىمۇ باش كىيىم دېگەن قەدىرلەشكە ئەرزىيتتى، بىراق نېمە بولدىكىن بېشىمىزدا پەقەت تۇرماس بولىۋالدىمۇ ياكى تۇرغۇزمىدۇقمۇ؟ ئىشقىلىپ تاشلىنىپ قالدى، مەن چوڭ بولسام ئالا گەدەن ئادەملەر ئۆزىنىڭ بېشىدىن نومۇس قىلىپ، باش كىيىمىنى قۇلاققىچە چۆكۈرۈپ كىيىشىپ يۈرىيدىكەنتۇق، ھازىر بولسا ئۇنىڭ ئەكسىچە، بېشىدا چاچ قالمىغانلارمۇ خۇددى «ككردۈڭمۇ» دېگەندەك قىلىشىپ يۈرىشىدىغان بولۇشۇپ كەتتى....

ئۆڭمەس

	yolwas2010 يوللىغان ۋاقتى  2014-1-12 12:29 مەخمۇتجان ماۋۇ شېئىرنى ياخشى يېزىپسىز.سىزگە رەخمەت. ياقۇپجان، تېمامغا نەزىرىڭىزنى ئاغدۇرغىنىڭىزغا  رەخمەت، پىچاقمۇ بىلەينىڭ تۆھپىسى بىلەن ئىتتىيدۇ، قەلىمىممۇ قوللاش، مەدەتلەر بىلەن ئىتتىكلىشىپ قالسا ئەجەپ ئەمەس..................

yolwas2010

	مۇزاتى يوللىغان ۋاقتى  2014-1-13 12:18 ياقۇپجان، تېمامغا نەزىرىڭىزنى ئاغدۇرغىنىڭىزغا  رەخم ... راس دەيسىز.

جۇلا

	ھەقىقەتەن ياخشى تېما ئىكەن.رەخمەت سىزگە.

يۈسۈف

	رەھمەت سىزگە . قەلىمىڭىزگە قۇۋۋەت تىلەيمەن . دېمىسىمۇ مىللىتىمىز ، دىنىمىز ، ئەخلاقىمىز ،ئۆرۈپ - ئادىتىمىز ھەم جەمىيتىمىز بىزدىن شۇنى كۈتمەكتە . بۇ ناھايتى ياخشى بىر چاقىرىق بوپتۇ ...