چاپلىشىپ تۇرىدىغان ئىشتان سەۋەبىدىن كورىيەدە ئۆسمە كېسىلى ئەۋج ئ...

خەۋەرچى

	چاپلىشىپ تۇرىدىغان ئىشتان سەۋەبىدىن كورىيەدە ئۆسمە كېسىلى ئەۋج ئالدى جۇڭگو خەۋەر تورىنىڭ 1-ئاينىڭ 6-كۈنىدىكى خەۋىرى، نۇر تورى تەرجىمىسى: ئامېرىكا «ۋاشىنگىتون كۈندىلىك پوچتا گېزىتى» تور بېكىتىنىڭ 6-چىسلا خەۋەر قىلىشىچە، يېقىنقى بىر قانچە يىللاردىن بۇيان كورىيەدە پۇت قىسمىنىڭ قان تومۇرلىرى ئىششىپ قالىدىغان، قارىداپ كېتىدىغان ۋە شۇنداقلا پۇت قىسىم ۋىنا تومۇرى ئۆسمىسى كېسىلىگە گىرىپتار بولۇپ قالغانلارنىڭ سانى تېز سۈرئەتتە كۆپىيىشكە باشلىدى. 20 نەچچە ياشلىق قىزلار دەل بۇنداق كېسەلگە گىرىپتار بولغانلارنىڭ كۆپ سانلىقىنى ئىگىلەيدىغان توپ بولۇپ قالدى. ئانالىز قىلىنىشىچە، بۇنداق ئەھۋال كۆرۈلىشىنىڭ سەۋەبى دەل گۈزەللىكنى قوغلىشىدىغان قىز-چوكانلارنىڭ خۇددى «ھېسىپتەك چاپلىشىپ تۇرىدىغان تار ئىشتان» لارنى كېيىشىدىن بولغان بولۇپ، ئۇنىڭ ئۈستىگە داۋاملىق چاپلىشىپ تۇرىدىغان پادىچىلار ئىشتىنى كىيىۋالغاندا بۇنداق كىسەلگە گىرىپتار بولۇش نىسبىتى ناھايىتى يۇقىرلاپ كېتىدىكەن كورىيە ساغلاملىق سۇغۇرتا گوروھى 5-چىسلا دوكلات ئېلان قىلىپ مۇنۇلارنى بىلدۈردى، 2007-يىلىنىڭ ئاخىرىغىچە، پۇت قىسمىنىڭ قان تومۇرلىرى ئىششىپ قالىدىغان، قارىداپ كېتىدىغان ۋە شۇنداقلا پۇت قىسىم ۋىنا تومۇرى ئۆسمىسى كىسىلىگە گىرىپتار بولغانلارنىڭ سانى 119 مىڭ 500 كىشى بولۇپ، بۇ سانلىق-مىقدار 2012-يىلىغا كەلگەندە بولسا 139 مىڭ 800 كىشىگە يەتكەن. بۇ خىل كىسەلگە گىرىپتار بولغانلارنىڭ سانى قىسقىغىنە بەش يىل ئىچىدە 20 مىڭ كىشى كۆپەيگەن، يەنى يىلىغا %3.6 لىك سۈرئەت بىلەن ئېشىشقا قاراپ يۈزلەنگەن. تەكشۈرۈش نەتىجىسىدىن ئايان بولىشىچە، بۇنداق كىسەلگە گىرىپتار بولغانلارنىڭ %68 ى ئاساسلىقى ئاياللار بولۇپ، ئەر بىمارلارنىڭ تەخمىنەن ئىككى ھەسسىسىگە توغرا كېلىدىكەن، بۇنىڭ سەۋەبى دەل ئاياللار ھەيىز كۆرىدىغان مەزگىلىدە ھورمون سەۋەبلىك قان-تومۇرلىرى ئىسىلىپ كۆپۈشنى كەلتۈرۈپ چىقىرىدىغان بولۇپ، شۇنىڭ بىلەن قان-تومۇرلاردا نورمالسىزلىق كۆرۈلىدىكەن. ئادەتتە ھامىلدارلار ۋە ھامىلدار بولۇشتىن ساقلىنىش دورىسى ئىستىمال قىلغاندىمۇ قىز-ئاياللارنىڭ يۇقىرىدىكى كېسەلگە گىرىپتار بولۇش نىسبىتى يۇقىرلاپ كېتىدىكەن. شۇنىڭ ئۈچۈن بۇنداق كىسەلگە گىرىپتار بولغان ئاياللارنىڭ ياش مەزگىلى 40 ياشتىن 50 ياشقىچە ئارلىقتا بولۇپ، بۇ ياش مەزگىلىدىكى ئاياللار بۇ خىل كىسەلگە گىرىپتار بولغان ئاياللارنىڭ %54 نى ئىگىلەيدۇ. يېقىنقى يىللاردىن بۇيان 20 نەچچە ياشلىق قىز-چوكانلارنىڭ بۇنداق كېسەلگە گىرىپتار بولۇش نىسبىتى ناھايىتى تېز سۈرئەتتە يۇقىرلاۋاتقان بولۇپ، 20 نەچچە ياشلىق قىز- چوكانلارنىڭ بۇنداق كېسەلگە گىرىپتار بولۇش نىسبىتى يىلىغا %5.4 لىك سۈرئەت بىلەن ئېشىۋېتىپتۇ. يەنى قىز-ئايال بىمارلارنىڭ يىللىق ئېشىش نىسبىتى بولغان %2.7 نىڭ ئىككى ھەسسىسىگە باراۋەر دېگەن سۆز. كورىيەدىكى مەلۇم بىر دوختۇرخانىنىڭ يۈرەك كېسەللىكلىرى بۆلۈمىنىڭ مۇدىر ۋىراچى چۈشەندۈرۈپ مۇنداق دېدى:«يۇقىرىدا تىلغا ئېلىنغان ئەھۋالنىڭ كېلىپ چىقىشى دەل ياش قىز-چوكانلارنىڭ بەدەنگە چاپلىشىپ تۇرىدىغان ئىشتانلارنى كىيىشى سەۋەبىدىن كېلىپ چىقىۋاتىدۇ، يەنى بەدەنگە چاپلىشىپ تۇرىدىغان، قارىماققا خۇددى «ھېسىپ» تەك كۆرىنىدىغان پادىچىلار ئىشتىنى ۋە شەڭكۇسىمان ئىشتانلارنى كىيىۋالغانلىقى سەۋەبىدىن بولماقتا. چۈنكى بۇنداق بەدەنگە چاپلىشىپ تۇرىدىغان ئىشتانلارنىڭ قىز-چوكانلارنىڭ قان-تومۇرلىرىنىڭ نورمال ھەركەت قىلىشىغا توسقۇنلۇق قىلىدۇ.» خەۋەردە دېيىلىشىچە، پۇت قىسىم ۋىنا تومۇرى ئۆسمىسى پۇتتىكى قان-تومۇرلىرى ئىچىدىكى قانلارنىڭ نورمال ھالدا يۈرەككە ئېقىپ بارالمىغانلىقى سەۋەبىدىن كېلىپ چىقىدىغان قان-تومۇر كېسەللىكى بولۇپ، ئاياللار ئۇزۇن مۇددەت تۇرۇپ خىزمەت قىلغاندا بۇنداق كىسەلگە گىرىپتار بولۇش نىسبىتى يۇقىرلاپ كېتىدىكەن، بۇ خىل كىسەلگە گىرىپتار بولغاندا تۆۋەندىكى ئالامەتلەر كۆرىلىدۇ، يول ماڭغاندا پۇتى ۋە پاقالچاقلىرى ئاغرىش، پۇتى ۋە پاقالچىقى ئىششىپ قېلىش، دائىم پۇتىنىڭ پىيى تارتىشىپ قېلىش قاتارلىقلار.

yolwas2010

	بۇنىڭغا قارىغاندا 20 ياشنىڭ ئالدى كەينىدىكى  يېتىلىۋاتقان قىزلار قاتتىق دىققەت قىلسا بولغۇدەك،تومۇرى ئۆسمىسى كېسىلىگە گىرىپتار بولۇپ قالسا يىگىتىمۇ دەرىت تارتىۋالغۇدەك .بۇرۇن گېزىتتا ئېلان قىلىنغاندا  پادىچى ئىشتانلىرى ئەر-ئايالنىڭ كۆپۈيۈش ئەزاسىنى چېكىندۈرۈپ تۇغماسلىقنى كەلتۈرۈپ چىقىرىدۇ دىگەن، بۇ ئىشتاننى قەتئى كەيمىسە بولغۇدەك،ئۆزىگە زورلاپ كېسەل تاپقاندىن.

sevimli

	قىزلارلا ئەمەس ئوغۇللارمۇ كىيىۋالدىكەن يىلىقى ئىشتاننىڭ تارلىقى ئىشقىلىپ ، سىقىپ دىگەننى ،،،،

سەزگىن

	كەڭ كۇشادە ئىشتان كەيسە بولمامدۇ، ئۆزىنى قىيناپ نىمە قىلدۇ، بىكاردىن بىكار ئاغىرىقنى پۇلغا سېتىۋېلىپ...

ئەلى

	بۇ ھەقىقەتەن ياخشى خەۋەر بوپتۇ، دېمىسىمۇ ھازىر ئەتراپىمىزدا خۇددى ھېسىپتەك چىپپىدە كېلىدىغان بىرنېمىلەرنى كيىيپ يۈرىيدىغانلار ئاز ئەمەسقۇ؟ ئۇنداقلار نېمە مەخسەتتە شۇنداق كىيىملەرنى كىيىدىغاندۇ؟ ھەممىمىز ئىشنى ئۆزىمىزدىن، ئۇرۇق تۇغقان، دوست-بۇرادەرلىرىمىزدىن باشلاپ، بۇنداق ناچار كىيىنىش ئادەتلىرىنىڭ ئالدىنى ئالساق بولاتتى.

دەرتمەن

	راس دىققەت قىلسا  بولغىدەك«شەڭكۇسىمان ئىشتان»   ۋاي  بۇمۇ قىزىق تۇيۇلدى

ئەسما

	دىققەت قىلساق بولغۇدەك!!!!

شەپەق

	بۇ تېما دەل ھازىرقى جەميتتكى كىشلىرمىزگە ماس كەپتۇ. ئەمدى ئۇلار ئۆزلىرى ئۈچۈن بولسمۇ قانداق كىينىشنى ئويلنىپ كۆرسە بولغدەك........

	رەخمەت ....