مېھماننامە(شېئىر)

ئەلشىر

	مېھماننامە ‏بىر قىزغا ‏‏يېرىم كىچە جىمجىت ھەممە يەر، ‏ئارىمىزدا سۈكۈت-تارتىنىش. ‏شىرىن خىيال ھېلىھەم مىنى، ‏مۇمكىن ئەمەس سۆيگۈڭنى بىرىش. ‏كۆرۈشمىگەن كۆزلەر پەرىشان، ‏بىر چاغدىكى شوخلۇقلار قېنى.؟‏ ‏‏يۈرۈكۈمنى تۇتۇپ باق جېنىم، ‏بىلمەك بولساڭ سېغىنغىنىمنى. ‏تەقدىرىمدەك يېرىمدۇر كۆڭۈل، ‏خەيىر-دىدىم خوشلاشقۇم كەلمەي. ‏ئۆز-ئۆزۈمنى يىگۈدەك بولدۇم، ‏كۆڭلۈمدىكى گەپنى دىيەلمەي ‏2013-يىل21-ئۆكتەبىر تۈن يېرى ھاياتنىڭ ئۆزى بىر سەھنە ئېھتىمال‏ ‏ئۇنتۇلماي يا كەلمەي ئەستە ئېھتىمال، ‏ھەرخىل رول ئالىمىز تەستە ئېھتىمال. بۇ كۆڭۈل ھەركىمگە رەستە ئېھتىمال. ھاياتنىڭ ئۆزى بىر سەھنە ئېھتىمال. ‏‏ ‏بىر ئېغىز سۆز بىلەن كۈلۈپ كېتەرمىز، ‏بىر ئېغىز سۆز بىلەن كۆزدىن يىتەرمىز. ‏ھەر سۆزدە ھەركىمدىن سۆيگۈ تىلەرمىز، ‏‏ھاياتنىڭ ئۆزى بىر سەھنە ئېھتىمال، ‏‏ ‏يوق بەلكى كۆڭۈلدەك نازۈك ھېچنىمە، ‏شۇڭىمۇ كۆڭۈلنى خوش تۇت،غەم يىمە. ‏رەنجىتىپ كەينىدىن كەچۈرگىن-دىمە، ‏ھ‏‏ھاياتنىڭ ئۆزى بىر سەھنە ئېھتىمال. ‏ ‏بىرسىچۈن ئاي سەنكى ئەتىۋار بىلەر، ‏بىراۋلار باغرىڭدا ۋىلىقلاپ كۈلەر. ‏بىراۋنىڭ ھەسەتتىن ئۆلگۈسى كىلەر، ‏‏ھاياتنىڭ ئۆزى بىر سەھنە ئېھتىمال. ‏ ‏كۆڭۈل تۇپرىقىدا سۆيگۈ كۆكلەيدۇ، ‏كۆڭۈل كاۋىكىدا دەمدەر ئۈنلەيدۇ. ‏ئازابىڭ شاتلىقنى دائىم كۈنلەيدۇ، ‏‏‏ھاياتنىڭ ئۆزى بىر سەھنە ئېھتىمال. ‏ ‏ئەپۇ ئەت يارەنلەر ياقاڭنى سىقسا، ‏چىدىغىن دۈشمىنىڭ يېنىڭدىن چىقسا. ‏كۈلۈپ قوي كۆزۈڭنى نەملىگەن ئىسقا، ‏‏ھاياتنىڭ ئۆزى بىر سەھنە ئېھتىمال. ‏‏‏2013-يىل28-ئۆكتەبى سىزدىن بۆلەك‏(ناخشا تېكىستى)    ‏‏سىزسىز ھايات،سىزسىز كۈنلەر بىكېرەك، ‏سىز ئۈچۈنلا تىپىرلاپ سوقار يۈرەك. ‏بىر سىزگىلا مەنسۇپتۇر ياخشى تىلەك، ‏سۈيەلمەسمەن ھېچكىمنى سىزدىن بۆلەك. ‏ ‏يۇلتۇزۇمسى تۈنلىرىمدە يىگانە، ‏سىزسىز كۈنلەر ئۆتەر شۇنچە بىگانە. ‏ۋەسلىڭىزگە قىلماڭ بۇنچە دىۋانە، ‏سۆيگۈنۈم يوق ئەزىزەم سىزدىن بۆلەك. ‏ ‏ بۇ دەردىمگە يىتىسىز ئېيتىڭ قاچان؟ ‏ئىشقىڭىزدا قىينىلىپ ئاز قالدى جان. ‏سىزنى ئۇنتۇپ كەتمىكىم ئەمەس ئاسان، ‏ھېچكىم سىغماس قەلبىمگە سىزدىن بۆلەك. ‏ ‏سىز ئۈچۈنلا تىپىرلاپ سۇقار يۈرەك، ‏سۆيەلمەسمەن ھېچكىمنى سىزدىن بۆلەك.‏ ‏‏2013-يىل28-ئۆكتەبىر كىچ يۈرۈكۈم سەن بىلەن قالدى ئومۇقۇم ‏ ‏خوش دىدىڭ يۈزۈڭدە يالغان كۈلكىلەر، ‏ئۇزۇتۇپ قۇيۇپلا يىغلايسەن چۇقۇم. ‏نەلەردە يۈرۈيمەن،نىمە كۈن كۆرەي، ‏يۈرۈكۈم سەن بىلەن قالدى ئومۇقۇم. ‏ئەيىپلەپ يۈرمىگىن ئۆزۈڭنى زىنھار، ‏ئۆچمىسۇن يۈزۈڭدىن كۈلكە تەبەسسۇم. ‏ھەممە دەرت ھەسرەتنى ئۆزۈملا تارتاي- ‏يۈرۈكۈم سەن بىلەن قالدى ئۇمۇقۇم. ‏ ‏ئاشىقى مەجنۇن بوپ گۈللەر ئىشقىدا، ‏سايرىغان بۇلبۇلغا كىلىدۇ زوقۇم. ‏سەن شۇنداق بىر گۈلسەن مەن گويا بۇلبۇل، ‏يۈرۈكۈم سەن بىلەن قالدى ئۇمۇقۇم.

سەزگىن

	ئوبدان شىئېرلارنى يوللاپسىز، رەھمەت سىزگە

yolwas2010

	ئەلىشىر ئەپەندۇم شېرىنى خېلى جانلىق-ئۆتكۈر يېزىپسىز ،رەخمەت سىزگە ئوقۇپ چىقتىم.

ئالىيە

	شىئېرڭىز  شۇنداق ئەركىن چىقىپتۇ  بەك ياقتۇردۇم.ئاددى تىللار بىلەن يۇغرۇلغان مۇھاببەت لىرىكىلرى  ئادەمگە باشقىچە تۇيغۇ بېرىدىكەن . ئىككىنچى شىئېرمۇ شۇ .ھايات كارتىنسىنى بەك ياخشى ئىپادىلەپسىز.  شىئېر يېزىشقا ھەۋسىم بولغاچ  مۇشۇ شىئېرلاردىن ئۈلگە قىلىپراق مىنىڭمۇ يازغۇم كىلۋاتىدۇ ئىجادىيتىڭىزگە ئۇتۇق تىلەيمەن.[/color]

ئەلشىر

	بەرگەن باھايىڭلارغا  ھەشقاللا ، تېخمۇ  كوپرەك پىكىر بىرىشىڭزىلارنى  چىن قەلبىمدىن ئارزۇ قىلىمەن  .