قوناقلىققا كەندىر تېرىغان دېھقان تۈرمىگە يول ئالدى

ئەلشىر

	قوناقلىققا كەندىر تېرىغان دېھقان تۈرمىگە يول ئالدى شايار ناھىيەسىنىڭ مەلۇم بازىرى مەلۇم كەنتىدە ئولتۇرۇشلۇق مەڭلىك (ئىسمى ئۆزگەرتىلدى ، 42 ياش) دېھقان بولۇپ، نەشە چېكىۋاتقىلى خېلى ۋاقىت بوپ قالدى، مۇشۇ كۈنلەردە نەشىنىڭ باھاسى ئۆسكەنسېرى ئۇنى تېپىپ چېكىشمۇ قىيىن ئىدى. مۇشۇلارنى ئويلىغىنىدا مەڭلىك نەشە تاپالمىغان كۈنلىرى خۇمارى تۇتۇپ ئۆزىنىڭ گۆشىنى ئۆزى يېگۈدەك بولۇپ كىتەتتى. «ئوغرىغا مال كەم بولماپتۇ» دېگەندەك بۇ يىل ئەتىيازدا ئۇ قوشنا ناھىيە توقسۇ بازىرىدا ئايلىنىپ يۈرگەندە تاساددىپى كەندىر ئۇرۇقى ساتىدىغان بىرسى بىلەن ئۇچرىشىپ قالدى. ئۇ خۇددى گۆھەر تېپىۋالغاندەك ئازراق كەندىر ئۇرۇقىنى سېتىۋالغىنىغا ئىچ-ئىچىدىن خۇش بولۇپ كەتتى. ئۇ ئۆيىگە قايتىپ كېلىپ ئۆيىنىڭ ئالدىدىكى يەرگە قوناق تېرىپ ئوتتۇرسىغا كەندىر ئۇرۇقىنى تېرىدى. كەندىر ئۇرۇقى ئۈنۈپ چىققۇچە كۆڭلىدە ئاللىقانداق پىلانلارنى تۈزۈپ يىغىۋالغان كەندىر بىلەن نەشە ياساپ بىر قىسمىنى ساتسا، بىر قىسمىنى ئۆزى چەكسە ھە ! ئۇ شېرىن خىياللار ئىلكىدە تالاي كېچىلەرنى ئۇيقۇسىز ئۆتكۈزدى، پاھ كەندىر ئۇرۇقلىرى ئاخىرى بىخ سۈرۈپ يۇمران ئۆسۈشكە باشلىدى. «ئوسۇرۇقنى ئىشتان ئىچىدە ساقلىغىلى بولماپتۇ» دېگەندەك كەندىرلەر تازا ئۆسۈۋاتقاندا بۇ يىل 3-ئىيۇل كەنت ساقچىلىرى ئائىلە زىيارىتى قىلىپ مەڭلىكنىڭ ئۆيىگە كېلىپ قوناقلىق ئارىسىدىكى كەندىرنىڭ پۇرىقىدىن كەندىر تېرىلغانلىقىنى بايقاپ قالدى. ئەھۋال بازارلىق ساقچىخانىغا دوكلات قىلىنىپ تېرىلغان كەندىر يۇلۇپ تاشلىنىپ ساناپ كۆرۈلگەندە 9950 تۈپ ئىكەنلىكى ئېنىقلاندى، مەڭلىك شۇ كۈنى بىر تەرەپ قىلىنغىچە كېپىللىككە بېرىلدى. يېقىندا شايار ناھىيەلىك خەلق سوت مەھكىمىسى بۇ دېلونى سوت قىلىپ يۇقۇرىقى پاكىتنى ئېنىقلاپ، جاۋابكار مەڭلىكنىڭ زەھەر چىقىدىغان ئۆسۈملۈكنى قانۇنسىز تېرىش جىنايىتى ئۈچۈن مۇددەتلىك بىر يىل ئالتە ئايلىق قاماق جازاسى بېرىپ، قوشۇمچە 5000.00 يۈەن شىتىراپ قويۇش ھەققىدە ھۆكۈم ئېلان قىلدى. مەڭلىك ھۆكۈمگە نارازىلىق ئەرزى قىلمىدى، يېقىندا ئۇ جىنايى جازا ئۆتەش ئۈچۈن مەلۇم تۈرمىگە يۆتكەپ كېتىلدى. شايار ناھىيەلىك خەلق سوت مەھكىمسىدىن ئەمەر ھىمىت تەييارلىدى.

قاراقاش

	دۆلەت چەكلىگەن زىراىەتلەنى تېرىپ نىمە قىلدىغاندۇ خاتىرجەم تۇرمۇش كەچۇرمەي 来自: Android客户端

yolwas2010

	ئەرزىمەس ئىشلار ئۈچۈن ئۆزىنى بىھۇدى تۇرمىگە تاشلاپتۇ دە .

ئەتىرگۈل

	كەندىر تېرىغان دېھقاننىغۇ مۇۋاپىق بىر تەرەپ قىلغىنى ياخشى بوپتۇ. نىمىشقا نەشە، زەھەر دىگەندەكلەرنى تۈپ يىلتىزىدىن يۇقىتالمايدىغاندۇ

سەزگىن

	زەھەرلىك چىكىملىكنىڭ ئادەمنى ئۆلۈم گىرداۋىغا قىستايدىغانلىقىنى ئۇقمامدىكىنە ...... نىمىشقا تۈپ يىلتىزدىن يۇقاتمايدىغاندۇ، مۇشۇنداق ئالۋاستىلارنى؟

新恩一

	مانا بۇ ئىشتىن بىر قىسىم كىشلىرمىزنىڭ ئۆز مەنپەئەتى ئۈچۈن، پۈتۈن كىشلەرنىڭ ھاياتىنى دوغا تىكىدىغان بۇلۇپ كەتكەنلىكنى بىلۋالغىلى بۇلدۇ. مىنىڭچە كەندىر تېرىغان دېھقانغا بىرىلگەن جازا بەكلا يىنىك بۇلۇپ قاپتۇ.

ئەكرەم021

	ھەي ئېسىت ئۇ ئادەممۇ سىڭگەن نېنىنى يەپ يۇرمەي نېمى قىلىدۇ دەيمە  ھالال يول بىلەن پۇل تاپسا بولمامدۇ توۋا  ئۇ ئادەمگىمۇ ئاز قىسىپ يۇرمىگەنكى

ئەسرا

	مېنىڭچە تەشۋىق -تەربىيەنى كۈچەيتىپ ،دېھقانلارنىڭ قانۇن ئېڭىنى يۇقىرى كۆتۈرۈش كېرەك...

	نەشە چەككۇچە ئشەكنڭ تىزىكىنى چەكسىچۇ؛

قاۋۇل

	QQ_7045C2 يوللىغان ۋاقتى  2014-2-24 23:46 نەشە چەككۇچە ئشەكنڭ تىزىكىنى چەكسىچۇ؛ توغرا دەيسىز