بـىـر كـۈنـى (مۇھەممەتجان راشىدىن)

ئەلشىر

بـىـر كـۈنـى

بالاڭ ئازسا،ئاھ ئۇرما ،يول تاپىدۇ بىر كۈنى ،
ئامان بولسا ، ئۇلارمۇ پۇل تاپىدۇ بىر كۈنى .
خاتا باسقان قەدەملەر قالدۇرغاندا قاتاردىن ،
ئۆزى ماڭغان چاتقالغا ئوت ياقىدۇ بىر كۈنى.

گەدەنكەشلىك ھېچكىمدىن ئۇدۇم ئەمەس ئۇلارغا ،
ئۆزى كېلىپ ئالدىڭغا گەپ ئاچىدۇ بىر كۈنى .
ئات بولغۇچە ئاساۋتاي ھەر يان چاپسا چاپمامدۇ ،
ئۇلارغىمۇ بۇ دۇنيا يۇك ئارتىدۇ بىر كۈنى .

‹‹ئاق ›› نى چەككەن ئاغزىدا ئوقۇپ ئەپسۇس- پۇشايمان ،
قاراپ ئۇلار كەينىگە ئۇھ تارتىدۇ بىر كۈنى .
كوچىلارغا تۈن بويى بۈگۈن پاتماي يۈرگەنلەر ،
چىللىسىمۇ كوچىلار جىم ياتىدۇ بىر كۈنى .

تەييار توقاچ قولۇڭدىن يەۋەرمەيدۇ ئۇلارمۇ،
ئۆزلىرىمۇ ئۇن تارتىپ، نان ياقىدۇ بىر كۈنى .
بۇ ئالەمدە ھەر ئىشنىڭ سائېتى بار ،ۋاقتى بار ،
خۇددى سەندەك ئۆي تۇتۇپ ،ئۆي قاقىدۇ بىر كۈنى .

كۆندىرىدۇ بۇ جاھان تالاي ئىشقا ئۇلارنى ،
شۇلار چاپقان ئۆستەڭدە سۇ ئاقىدۇ بىر كۈنى .
بىز ئوينىغان نۇرۇزنى بىزدەك ئويناپ شۇلارمۇ ،
ئىزىمىزدا ئىگەرلەپ ئات چاپىدۇ بىر كۈنى ،

پىشانەڭگە ئاسماندىن ئىللىق قۇياش نۇر چاچسا ،
يۈرىكىڭگە بالاڭمۇ نۇر چاچىدۇ بىر كۈنى.
سەنمۇ ئاتا -ئاناڭنى ئۆتكەن بولساڭ ئەزىزلەپ ،
ئوغۇل- قىزىڭ ساڭىمۇ تون ياپىدۇ بىر كۈنى .

شۇ ئىشلارنى كۆرەلمەي ئۆلۈپ كەتسەڭ ئامال يوق،
ھايات بولساڭ مەيدەڭگە گۈل تاقايدۇ بىر كۈنى .
يامان دېسەڭ بالاڭنى ،كىم بىرىدۇ ياخشىنى ،
ھازىر يامان بولسىمۇ ئەسقاتىدۇ بىر كۈنى

ھۇرمەتلىك مۇنبەر باشقۇرغۇچى قەلەمكەشلەر مۇھەمەتجان راشىدىنىڭ بىر كۇنى دىگەن شېرنى يوللاپ باقتىم قاش كىرپىكلىرنى  زىنىەتلەپ  تەستىقلاپ بىرىشىڭىزلارنى چىن قەلبىمدىن ئارزۇ قىلىمەن  .

ئەلشىر

ۋاي خۇدا بىرمۇ تورداش  خەت يازماپتىغۇ   بۇ شېرىغا ، ئويناۋاتامدۇ بۇللار  .

مۇخلىسە

مەن ئەڭ ياخشى كۈردىغان شىئېر بۇ ، مۇنبەرگە يوللاپ قويغىنىڭىز بەك ياخشى بوپتۇ . ساقلىۋالدىم.

دەرتمەن

بالاڭ ئازسا،ئاھ ئۇرما ،يول تاپىدۇ بىر كۈنى ،
ئامان بولسا ، ئۇلارمۇ پۇل تاپىدۇ بىر كۈنى .
خاتا باسقان قەدەملەر قالدۇرغاندا قاتاردىن ،
ئۆزى ماڭغان چاتقالغا ئوت ياقىدۇ بىر كۈنى
قالتىس   ئېسل  مەزمۇنلاردە  بۇ   ، بارىكاللا   مۇنبەرگە يولاپ  قويغىنىڭزغا

بۈرە

گەدەنكەشلىك ھېچكىمدىن ئۇدۇم ئەمەس ئۇلارغا ،
ئۆزى كېلىپ ئالدىڭغا گەپ ئاچىدۇ بىر كۈنى .
ئات بولغۇچە ئاساۋتاي ھەر يان چاپسا چاپمامدۇ ،
ئۇلارغىمۇ بۇ دۇنيا يۇك ئارتىدۇ بىر كۈنى .

نىمدىگەن توغرا ئېيتلغان .

ئاقگۈل

مەن بۇ شېئىرنى بەكمۇ ياقتۇرۇپ ئوقۇيمەن.

سادىر

مۇھەممەتجان راشىدىن  ئاكىنىڭ شىئېرلىرى ھەقىقەتەن ياخشى باشقا شائىرلارنىڭ شىئېرلىرىدىن ئالاھىدە پەرىقلىنىپ تۇرىدۇ ،   مۇھەممەتجان راشىدىن ئاكىدەك شائىرلار دىيارىمىزدا ئاز جۇمۇ

قوزام

مەن بۇ شېئرلارنى بەكمۇ ياقتۇراتتىم ....رەخمەت سىزگە !!
مۇشۇنداق ئېسل ، مەزمۇنى چوڭقۇر بولغان شېئرلارنى پات -پات يوللاپ تۇرۇشڭىزنى ئۈمۈت قىلمەن .....
ھارمىغايىسز

گۇزەل

ئەجرىڭىزگە كوپ  ھەشقاللا..