ئۆلۈپ كەتكەنلەرنىڭ ئامانەت كارتىسىدىكى پۇلنى قانداق ئېلىش كېرەك؟

گۈزەل

	ياشىن تورى خەۋىرى، نۇر تورى تەرجىمىسى قولىدا ھەر خىل ئىسپاتلارنى كۆتۈرۈۋالغان دېڭ ئەپەندى مۇخبىرغا:«مېنىڭ ئانام ئىككى يىل بۇرۇن ئالەمدىن ئۆتكەن، لېكىن ئۇنىڭ ئامانەت پۇل كېنىشكىسىدىكى 4300 يۈەن پۇلنى ھازىرغىچە ئالالمىدىم» دېدى. 51ياشلىق دېڭ ئەپەندى ئۆزى ئۈرۈمچىدە ئولتۇرۇشلۇق، ئاتا-ئانىسى قاراشەھەر ناھىيىسىدىن بولۇپ، 2011-يىلى 4-ئايدا ئانىسى ئېغىر كېسەلگە گىرىپتار بولغانلىقتىن، پۇلغا جىددى ئېھتىياجى چۈشكەن، شۇنىڭ بىلەن ئۇ ئانىسىنىڭ ئامانەت پۇل كېنىشكىسىنى ئېلىپ بانكىغا بېرىپ پۇل ئالماقچى بولغان، نەتىجىدە ياشانغان ئانىسىنىڭ مەخپىي نومۇرىنى خاتا ئەستە تۇتىۋېلىشى سەۋەپلىك، ئۈچ قېتىم خاتا مەخپىي نومۇر كىرگۈزگەنلىكتىن، كارتا تاقىلىپ قالغان. بانكا خادىملىرى دېڭ ئەپەندىمگە كارتا ئىگىسى چوقۇم ئۆزى كېلىپ رەسمىيەت بىجىرىش ئارقىلىق كارتىنى قايتا ئېچىشى كېرەكلىكىنى ئېيتقان. لېكىن بۇ ۋاقىتتا دېڭ ئەپەندىنىڭ ئانىسى كېسەل كارۋىتىدا بولغانلىقتىن ئۆزى بېرىشقا ئامالسىز، كارتا شۇ پېتى قويۇپ قۇيۇلغان. شۇ يىلى 5-ئايدا، دېڭ ئەپەندىنىڭ ئانىسى داۋالاش ئۈنۈم بەرمەي ئالەمدىن ئۆتكەن. شۇنىڭ بىلەن دېڭ ئەپەندى بانكىغا بېرىپ مەخپىي نومۇر يۈتۈپ كەتكەنلىك رەسمىيىتىنى بېجىرگەن.بۇ ۋاقىتتا خىزمەتچى خادىم ئۇنىڭغا بۇ پۇلنى ئېلىش ئۈچۈن ئانىسىنىڭ ئۆلۈپ كەتكەنلىك ئىسپاتىنى ئېلىپ كېلىشى كېرەكلىكىنى ئېيتقان. بۇنى ئاڭلىغان دېڭ ئەپەندى قاراشەھەر ناھىيىسى خەلق ئىشلىرى ئىدارىسىگە بېرىپ، ئانىسىنىڭ ئۆلۈپ كەتكەنلىكى، ئامانەت كېنىشكىدىكى پۇلنى ئۆزى ئالسا بولىدىغانلىقى توغرىلىق ئىسپات يازغۇزغان. شۇنىڭ بىلەن بىر ۋاقىتتا دېڭ ئەپەندى يەنە ئانىسىنىڭ ئىدارىسىگە بېرىپ ئۆزىنىڭ بىردىنبىر قانۇنلۇق ۋارىسى ئىكەنلىكى توغرىلىقمۇ ئىسپات ئالغان. بۇ ئىسپاتلارنى كۆتۈرۈپ بانكىغا بارغاندا بانكا خادىملىرى يەنە ئۇنىڭدىن ھۆكۈمەت گۇۋاھلىق باشقارمىسى تەمىنلەيدىغان «مال-مۈلۈك ۋارىسلىق ئىسپاتى»نى تەلەپ قىلغان. بۇ گەپنى ئاڭلىغان دېڭ ئەپەندى ئىلاجسىزلىقتىن بۇ پۇلنى ۋاقتىنچە ئالماسلىق قارارىغا كەلگەن.يېقىندا،دېڭ ئەپەندى ئائىلىسى جىددى پۇلغا ئېھتىياجلىق بولغانلىقتىن، بۇ پۇلنى يەنە ئېسىگە ئالغان. بۇ ئىشتىن خەۋەر تاپقان مۇخبىر بانكىدىكى ئالاقىدار خادىملاردىن ئەھۋال سۈرۈشتۈرۈپ مۇشۇنداق ئەھۋالغا يولۇققاندا قانداق قىلىش كېرەكلىكى توغرىلىق ئېنىق جاۋاپقا ئېرىشمەكچى بولغان. بانكا خادىملىرى:«ئۆلۈپ كەتكۈچىنىڭ قانۇنلۇق ۋارىسى مۇناسىۋەتلىك رەسمىيەتلەرنى ئېلىپ ھۆكۈمەت گۇۋاھلىق باشقارمىسىنىڭ <مال-مۈلۈك ۋارىسلىق ئىسپاتى >نى ئېلىشى، شۇنىڭ بىلەن بىر ۋاقىتتا يەنە ۋارىسلىق قىلغۇچى< مال-مۈلۈك ۋارىسلىق ئىسپاتى> بىلەن ئۆزىنىڭ كىملىكىنى ئېلىپ ئۆلۈپ كەتكۈچىنىڭ ئامانەت كېنىشكىسىنى كۈچىدىن قالدۇرغاندىن كېيىن، قايتىدىن مەخپىي نومۇر كىرگۈزۈش ئارقىلىق پۇلنى ئالسا بولىدۇ.»دەپ كۆرسەتكەن.

دەرتمەن

	بېلۋېلىشقا  تېگشىلىك  ياخشى  تېمىكەن ،

346775246

	مەنمۇ بىلىۋلدىم

سەيلانە

	راستلا بىلىۋېلىشقا تىگىشلىك ، لىكىن بۇنداق پۇلنى ئالماق ھەقىقەتەن بەك تەس .

ھارارەت

	راست دەيسىز سەيلانە، بۇ پۇلنى ئېلىش ئۈچۈن بىر تالاي رەسمىيەتلەرنى ئۆتەشكە توغرا كېلىدۇ، ھۆكمەت گۇۋاھلىق ئورنىنىڭ ئىشىكىگە نەچچە بارىدىغان گەپ..........