‹‹مۇز تاغقا كەلگەن مېھمان›› فىلىمىدىكى ئەر باش پېرسۇناژ ۋاپات بول...

新恩一

	‹‹مۇز تاغقا كەلگەن مېھمان›› فىلىمىدىكى ئەر باش پېرسۇناژ ۋاپات بولدىمەنبە : يوللانغان ۋاقىت : 12:32 11-05-2013تەھرىر : ۋەلى ‹‹مۇز تاغقا كەلگەن›› مېھمان ناملىق فىلىمدىكى ئەر باش پېرسۇناژ ئابلىمىت غوجا 7-ماي كەچ سائەت 7:00 دە ۋاپات بولدى (ماتېرىيال سۈرەت) ھەممەيلەننىڭ ياقتۇرۇپ كۆرۈشىگە سازاۋەر بولغان نادىر فىلىم ـــ ‹‹مۇز تاغقا كەلگەن›› مېھمان ناملىق فىلىمدىكى ئەر باش پېرسۇناژ ئابلىمىت غوجا 7-ماي كەچ سائەت 7:00 دە ۋاپات بولدى. 1963-يىلى سۈرەتكە ئېلىنغان ‹‹مۇز تاغقا كەلگەن مېھمان›› ناملىق فىلىم مەملىكىتىمىزنىڭ كىنوچىلىق تارىخىدىكى نادىر ئەسەر بولۇپ، ئەينى ۋاقىتتا شىنجاڭ ۋالىبول كوماندىسىدىكى ئابلىمىت تاسادىپىي پۇرسەتتە فىلىمدىكى ئامىرنىڭ رولىنى ئېلىشقا تاللىنىپ قالىدۇ، ئاكتىيورلۇقتا ئوقۇمىغان، خەنزۇچىنىمۇ بىلمەيدىغان ئابلىمىت جاپاغا چىداپ مەشق قىلىش ۋە ئۆگىنىش ئارقىلىق ئاخىرىدا ئامىرنىڭ رولىنى مۇۋەپپەقىيەتلىك ئورۇنلاپ چىقىدۇ. ئۇنىڭ خىزمەتدېشى مۇخپۇل مەمەتئابدۇللا ئەسلەپ مۇنداق دەيدۇ: ئۇ مەخسۇس خەنزۇ تىلىدا ئوقۇمىغان بولغاچقا ئۇنىڭغا خەنزۇ تىلىنىڭ پىنيىنىنى ھازىرقى زامان ئۇيغۇر تىلىغا ئايلاندۇرۇپ يېزىپ بېرىشكە ئامالسىز قالغانىدۇق، ئۇ خەنزۇ تىلىنىڭ تەلەپپۇزىدىن پايدىلىنىپ ئۆگەنگەن ۋە تاق سۆزلەرنى دېيەلەيدىغان بولغان. ‹‹مۇز تاغقا كەلگەن مېھمان›› سۈرەتكە ئېلىنىپ بولغاندىن كېيىن، ئابلىمىت پۈتۈن مەملىكەت مىقىياسىدا داڭلىق شەخسكە ئايلىنىدۇ، دائىم دېگۈدەك مەملىكەتنىڭ جاي-جايلىرىدىن تەكلىپنامىلەرنى تاپشۇرۇۋالىدۇ، لېكىن ئۇ قىلچە مەغرۇرلىنىپ كەتمەي يەنىلا شىنجاڭ ۋالىبول كوماندىسىغا قايتىپ كېلىپ، توپ ئويناشنى، مەشقنى داۋاملاشتۇرىدۇ. ئاخىرىدا بىر تىرېنېر بولۇپ يېتىشىپ چىقىدۇ. ئابلىمىت غوجا تۇرمۇشتا ئوچۇق-يورۇق، چىقىشقاق بولۇپ، ئۆگىنىشنى ياخشى كۆرەتتى. خىزمەتدېشى مەمەتسىدىق ئابدۇللا مۇنداق دەيدۇ: ئۇ تولىمۇ قابىلىيەتلىك ئىدى، ئۇ بارغانلا يەردە كۈلكە-چاقچاق ئۈزۈلمەيتتى، ئۇ دۇتار چېلىپ ناخشا ئېيتىشقا ئۇستا ئىدى، ئۇنىڭ ھۆسنخەتلىرى ئۇيغۇرلار ئارىسىدا، بولۇپمۇ تەنتەربىيە سىستېمىسىدا ئالقىشقا سازاۋەر بولغان بولۇپ، خەتنى تولىمۇ چىرايلىق يازاتتى. خەلقئارا شاھمات ئويناشتا نۇرغۇن خەنزۇ يولداشلارمۇ ئۇنىڭغا تەڭ تۇرالمايتتى، ئۇ يەنە بىز ئۈرۈمچىلىك ياشانغانلارنىڭ بىليارد مۇسابىقىدە دائىم بىرىنچى بولاتتى.

خەنجەر731

	مەنبەسىنى ئەسكەرتىپ قويغان بولسىڭىز ئەسلى مەنبەسىدىن كۆرسە بولۇپتىكەن،رەسىمىمۇ چىقماپتۇ.

新恩一

	مەنبەسى http://www.hawar.cn/3/news/13401.html

新恩一

	C:\Documents and Settings\Administrator\桌面

yolwas2010

	مەن ناھايىتى ياقتۇرۇپ كورەتتىم،ئەپسۇسلىنارلىق ئىش بوپتۇ. خەۋەردار قىلغىنىڭىزغا  رەخمەت .

ئەسلىمە

	مەرھۇمنىڭ ياتقان يېرى جەننەتتە بولسۇن!