كەلدى ياز(مۇزاتى)

مۇزاتى

	كەلدى ياز مەخمۇت ئاۋۇت(مۇزاتى) كۈلدى ھەريان خۇش چىرايدا، زەپ خۇمالىق كەلدى ياز، دىلغا شادلىق بەخىش  ئېتىپ ، ساپ ھاۋالىق كەلدى ياز. بارچە جانلىق قىلدى نەغمە، چېكىسىگە گۈل قىسىپ، ئوينىدى توي يەر-جاھانمۇ، كۈي-ناۋالىق كەلدى ياز. ئالدى قۇۋۋەت نۇر-قۇياشتىن،ئاڭا تەشنا باغ-ۋاران، بولدى خالى جۇت-بوراندىن، قۇت- داۋالىق كەلدى ياز. كۆچتى جەننەت بۇ زىمىنغا، ياڭرىدى بۇلبۇل كۈيى، چۆل-جەزىرە  كىيدى لىپاس، تون-تاۋالىق كەلدى ياز. پاكلىدى،يۇدى زىمىننى، كۆك تۆكۈپ زەم-زەم بىلەن، تال-چىۋىق تاراندى بۇندا، پاك-ھايالىق كەلدى ياز. چىللىشار ئۈژمە،ئۈرۈكلەر، شاخ- شېخىدا  مەيلىشىپ، بال مېۋىلەر ياردى تىلنى، بى-باھالىق كەلدى ياز. توز سىياققا كىردى ھەريان، گۈل-چىمەنگە پۈركىنىپ، ھۆسنى بىلەن قىلدى مەپتۇن، ئۇز-جۇلالىق كەلدى ياز. مەنبە: ئۆز ئىجادىيىتىم.

مەزمۇت

	ئەتىگەندە،ياخشى،يېزىلغان،ئەسەرنى،كۈرۈپ،كەيپىياتىم،كۈتۈرلۈپ،قالدى..

مەرمەر

	بۇ شېئرڭىزمۇ شۇنداق ياخشى چىقىپتۇ ، تىمڭىزغا رەخمەت ! نىمشقا ئىسمڭىزنى ئۆزگەرتسىز ، بۇ ئىسمڭىزمۇ ياخشى ئىسمكەنغۇ .

زۇھرە

	شېئىرىڭىز بەك ياخشى يېزىلىپـتۇ،قەلمىڭىز ھارمىغاي!