...دېدىڭ (مۇزاتى)

مۇزاتى

	...دېدىڭ مەخمۇت ئاۋۇت(مۇزاتى) كەيىبتىن تارتسام ئۆزەمنى ، مېنىڭدىن تازدى دېدىڭ، دورا بەرسەم چىرىمەسكە ،  يولۇمنى قازدى دېدىڭ. باش چۆكۈپ تەرىمنى تۆكمەي،بولغۇسى نەدە ئۇتۇق. ئويلىنىپ قىلسام تەپەككۇر، ئەقلىدىن ئازدى دېدىڭ. نە چىدار مەندىكى ۋىجدان،ناھەققە قىلسام سۈكۈت، بايان ئەتسەم ھەقنى-ھەق دەپ، ئويدۇرۇپ يازدى دېدىڭ. مېنى مەپتۇن ئەيلىگەچ پەن، بەنت بولۇپ قالسام ئەگەر، ھايات پەيزى سۈرەلمەيدۇ، ئويۇندىن قالدى دېدىڭ. كېچىسى كۆرسەم كىتاب مەن، ئىزدىنىپ ئىرپان ئۈچۈن، بېكىنىپلا ئالدى ئۆيگە، دۇنيادىن تاندى دېدىڭ. «يوق ئۇنىڭ دوستى يېقىراق،كىتابتىن ئۆگە-بىلەك، ھالاۋەتتىن بىخەۋەردۇر، جان تۇرۇپ ئۆلدى» دېدىڭ. قەدىرلىگەچ ئەنئەنەمنى،بىلىمەن جاندىن ئەزىز، گەر بادام دوپپامنى كىيسەم،چېچى يوق تازمۇ دېدىڭ. ساقتىغا بولغاچ خوشۇم يوق،يۈرمىدىم پەداز بىلەن، كىيگىنىم گەر بولسا ئاددى، پۇلى بەك ئازمۇ دېدىڭ. دېسە دىسۇن ھەرنىمىنى، پەرۋايىمدۇر مىڭ پەلەك، كېتىۋەرسەم ئۆز يولۇمغا،سۇ يۇقماس غازمۇ دېدىڭ، گەر كۆيۈنسەڭ ماڭا شۇنچە، قىلمىغىن ئارقامدا گەپ، قوللىساڭ گەر مېنى دىلدىن، جان كۆيەر دوستۇم ئىدىڭ! مەنبە: ئۆز ئىجادىيىتىم.

ئۇمىد

	سىلنىڭ ئەسەرلىرنى دائىم كورمەن ...ماڭا بەك يارايدۇ .....تېخىمۇ نادىر ئەسەرلىرنىڭ مۇنبەردىن كۆرسەمكەن !....

مۇخلىسە

	مۇنبەگە پات-پات كىرىپ تۇرۇڭ، يۇقاپ كەتمەي، ئىجادىيەتلىرىڭىز ئۈزلۈپ قالمىسۇن مۇنبەردىن.