تاللىساڭ

مۇزاتى

	تاللىساڭ مەخمۇت ئاۋۇت(مۇزاتى) ئۆمۈرلۈك جۈپ تاللىماق بولساڭ ئەگەر، تاللا ئەسلى ساپ ئېسىلنى سەن بىلىپ؛ بولسا تاللاپ سۆيگۈنۈڭدە چىن ۋاپا، بېرەر لەززەت،تۇرمۇشۇڭغا قەنت سېلىپ. گەر ئېزىپ بىر ئەقلى كەمنى تاللىساڭ، سېنى ئوۋلار،  ياخشى كۈندە ئۆز كۆرۈپ؛ دەرت ئەمەسمۇ پۇشايماندا قالدۇرسا، كەلسە سىناق، چانسا سەندىن يۈز ئۆرۈپ. ھۆسنى گۈل دەپ تاللىما سەن ئالدىراپ، چىن ئەمەستۇر ئۇندىكى تاشقى سىياق؛ ساقتىنىڭ ھېلىسى كۆپتۇر بايقىساڭ، ئەھلى پەسكە سالما كۆز،باسما ئاياق. جۈپ بولۇشقا  قەلبى ئۇزنى تاللىغىن، ئاچقىن ئىشىك ئايانماستىن دىل بېرىپ؛ چىن يۈرەكتىن سۆيسە ئەگەر ئۇ سېنى، بىل ئەزىز، بەرگىن ئورۇن قوينۇڭ كېرىپ. قولى گۈل، ئەقلى كامالنى تاللىساڭ، بولغۇسى ئۇ  ساڭا ھەمدەم، مېھرىبان؛ ئۆز بىلىپ قىلغىن ئەقىدە سەن ئاڭا، نە پۇشايمان ئۇ ئۈچۈن كەتسە بۇ جان. مەنبە: ئۆز ئىجادىيىتىم.

ئەلى

	ياخشى يېزىلىپتۇ قېرىدىشىم، قەلىمىڭىزگە ھاردۇق يەتمىگەي. مۈمكىن بولسا  3-كۇبلىتتىكى ‹‹ساقتىنىڭ ھېلىسى كۆپتۇر بايقىساڭ،›› دېگەن مىسرانى ‹‹ ساختىنىڭ كۆپتۇر ھېلىسى بايقىساڭ›› دەپ ئالسىڭىز بولارمۇ؟

ئەرتۇغ

	تاللىساڭ مەخمۇت ئاۋۇت(مۇزاتى) ئۆمۈرلۈك جۈپ تاللىماق بولساڭ ئەگەر، تاللا ئەسلى ساپ ئېسىلنى سەن بىلىپ؛ بولسا تاللاپ سۆيگۈنۈڭدە چىن ۋاپا، بېرەر لەززەت،تۇرمۇشۇڭغا قەنت سېلىپ. گەر ئېزىپ بىر ئەقلى كەمنى تاللىساڭ، سېنى ئوۋلار،  ياخشى كۈندە ئۆز كۆرۈپ؛ دەرت ئەمەسمۇ پۇشايماندا قالدۇرسا، كەلسە سىناق، چانسا سەندىن يۈز ئۆرۈپ. ھۆسنى گۈل دەپ تاللىما سەن ئالدىراپ، چىن ئەمەستۇر ئۇندىكى تاشقى سىياق؛ ساقتىنىڭ ھېلىسى كۆپتۇر بايقىساڭ، ئەھلى پەسكە سالما كۆز،باسما ئاياق. جۈپ بولۇشقا  قەلبى ئۇزنى تاللىغىن، ئاچقىن ئىشىك ئايانماستىن دىل بېرىپ؛ چىن يۈرەكتىن سۆيسە ئەگەر ئۇ سېنى، بىل ئەزىز، بەرگىن ئورۇن قوينۇڭ كېرىپ. قولى گۈل، ئەقلى كامالنى تاللىساڭ، بولغۇسى ئۇ  ساڭا ھەمدەم، مېھرىبان؛ ئۆز بىلىپ قىلغىن ئەقىدە سەن ئاڭا، نە پۇشايمان ئۇ ئۈچۈن كەتسە بۇ جان. مەنبە: ئۆز ئىجادىيىتىم.

ئەرتۇغ

	«تاللىساڭ» ماۋزۇ ئاستىدىكى مەزكۇر شېئىر كۆرۈنۈشتە ھەر بىر كۈبلېتى تۆت مىسرالىق چاسا شېئىردەك قىلغان بىلەن ئەمەلىيەتتە ئوقۇغاندا مۇئەييەن ئاھاڭدارلىققا ئىگە، ئارۇز ۋەزىننىڭ تەلەپ، ئېھتىياجىغا يېقىنلىشىدىكەن.   شۇڭا  ئەلى ئەپەندىمنىڭ بۇ تەكلىپى يۇقۇردىكى ئالاھىدىلىكنى نەزەردىن ساقىت قىلغاندەك تۇرىدۇ. مېنىڭچە بولسا يەنىلا ئەسلى بويىچە ئېلىۋەرگەن تۈزۈك. مۇمكىن بولسا مۇئەللىپ مەن تېگىنى قىزىل سىزىپ قويغان مىسرالارنى يەنە بىر قېتىم تۈزەپ باققان بولسا...

مۇزاتى

	ئەرتۇغ يوللىغان ۋاقتى  2013-4-23 13:44 «تاللىساڭ» ماۋزۇ ئاستىدىكى مەزكۇر شېئىر كۆرۈنۈشتە ھەر ... رەخنەت سىزگە ئەرتۇغ ئەپەندى، تەكلىپىڭىزنى سەمىمىيلىك بىلەن قوبۇل قىلىمەن،. دوستلارنىڭ يېتەرسىزلىكلەرنى كۆرسۈتۈپ،ئەسەرلىرىمنىڭ نۇقسانسىز چىقىشىغا سۇنغان ياردىمىگە رەخمەت ئېيتىمەن!

مۇزاتى

	ئەرتۇغ يوللىغان ۋاقتى  2013-4-23 13:44 «تاللىساڭ» ماۋزۇ ئاستىدىكى مەزكۇر شېئىر كۆرۈنۈشتە ھەر ... تۆۋەندىكىچە  ئۆزگەرتىپ قويدۇم: ئۆمۈرلۈك جۈپ تاللىماق بولساڭ ئەگەر، تاللا ئەسلى ساپ ئېسىلنى سەن بىلىپ؛ بولسا ئەگەر تاللىغاننىڭ قولى گۈل، بېرەر لەززەت،تۇرمۇشۇڭغا قەنت سېلىپ. گەر ئېزىپ بىر ئەقلى كەمنى تاللىساڭ، سېنى ئوۋلار،  ياخشى كۈندە ئۆز كۆرۈپ؛ بىر كەملەردە ، قاچقىنىدا ئامىتىڭ، كەلسە سىناق، چانارسەندىن يۈز ئۆرۈپ. ھۆسنى گۈل دەپ تاللىما سەن ئالدىراپ، چىن ئەمەستۇر ئۇندىكى تاشقى سىياق؛ ساقتىنىڭ ھېلىسى كۆپتۇر بايقىساڭ، ئەھلى پەسكە سالما كۆز،باسما ئاياق. جۈپ بولۇشقا  قەلبى ئۇزنى تاللىغىن، گۈل چىرايدىن، ۋاپادارنى ئۆز بىلىپ؛ چىن يۈرەكتىن سۆيسە ئەگەر ئۇ سېنى، قەدىرلە، بەرگىن ئورۇن قوينۇڭ كېرىپ. قولى گۈل، ئەقلى كامالنى تاللىساڭ، بولغۇسى ئۇ  ساڭا ھەمدەم، مېھرىبان؛ ئۆز بىلىپ قىلغىن ئەقىدە سەن ئاڭا، نە پۇشايمان ئۇ ئۈچۈن كەتسە بۇ جان.

شەبنەم007

	ناھايتى ياخشى يېزىلىپتۇ ، قەلەم تۇتقان قوللىرىڭىزغا دەرىت كەلمىسۇن ، ئەقىلى ئىدرىكىڭىز ۋە ئۆتكۈر قەلىمىڭىزدىن تېخىمۇ نادىر ئەسەرلەر پۈتكەي ئىلاھىم !!!!!!

مۇزاتى

	شەبنەم007 يوللىغان ۋاقتى  2013-5-5 02:30 ناھايتى ياخشى يېزىلىپتۇ ، قەلەم تۇتقان قوللىرىڭىزغا د ... قەدىرلىك (شەبنەم 007)، ئەسىرىمگە بەرگەن باھايىڭىز ۋە ئۈمىد-تىلەكلىرىڭىزگە كۆپ رەخمەت!