قەۋزىيەتتىن قۇتۇلۇشنىڭ ئاددىي چارىلىرى

تۇرسۇن نىياز

	بۇ يازمىنى باشقا بىر تېمىغا ئىنكاس سۈپىتىدە يازغان ئىدىم، بۇ يەرگە ئازراق تولۇقلاپ ئەكەلدىم.3 ~) c. O7 n! B$ k: ~' a/ U ئۇيغۇر تىبابىتىدە قەۋزىيەت بەدەندىكى ھۆللۈك ئېشىپ كەتكەنلىكتىن بولىدۇ دەپ قارىلىدىكەن. غەرب تىبابىتىدە بەدەنگە يېتەرلىك يېمەكلىك تالاسى (膳食纤维) قوبۇل قىلىنمىغانلىقتىن بولىدۇ، دەپ قارايدىكەن. ھەربىرىمىزنىڭ ئۈچەي ئىقتىدارى ئوخشىمىغاچقا ئۈچەينى ھەرىكەتلەندۈرۈش ئۈچۈن كېتىدىغان يېمەكلىك تالاسىنىڭ مىقدارىمۇ ئوخشىمايدىكەن، ئادەتتە ئاياللار 25 گرام، ئەرلەر 30-35 گرام تالا قوبۇل قىلىشى كېرەككەن.  دوختۇرلارنىڭ ئېيتىشىچە قەۋزىيەت قانچىلىك ئېغىر بولۇپ كەتسۇن، بىر ئادەم كۈنىگە 50-60 گرام يېمەكلىك تالاسى قوبۇل قىلسا ھەرگىز قەۋزىيەت بولمايدىكەن. مەن سىزگە بىر قانچە ئۇسۇلنى تەۋسىيە قىلاي، سىناپ بېقىڭ، چوقۇم داۋاملاشتۇرۇڭ، ئاللاھ خالىسا ناھايىتى تېزلا قەۋزىيەتتىن قۇتۇلىسىز. 1. يۇقىرى تالالىق يېمەكلىكلەرنى يەڭ. توردىن 高膳食纤维食物 دەپ ئىزدىسىڭىز تىزىملىكى چىقىدۇ. مۇمكىن بولسا يېمەكلىك تالاسىنىڭ تالقىنى ياكى دورىسىنى ئېلىپلا ئىچىڭ. تەركىبىگە باشقا ھېچنېمە قوشمىغاننى ئېلىپ كۈنىگە 2-3 قېتىم ئىچسىڭىز ئوڭشىلىسىز. بۇ دورا ئەمەس، يېمەكلىكنىڭ تەركىبىدە بار تەبىئىي نەرسە، شۇڭا سىزگە ۋە بوۋاققا ھېچقانداق باشقىچە تەسىرى بولمايدۇ، خاتىرجەم ئىستېمال قىلسىڭىز بولىدۇ. : G: u, r+ M% F! g6 ~2 y يېمەكلىك تالاسى قاندىكى شېكەرنى تۆۋەنلىتىدۇ، خولېستېرولنى تۆۋەنلىتىدۇ، گېمىروينىڭ ئالدىنى ئالىدۇ. ئۈچەي راكىنىڭ ئالدىنى ئالىدۇ. لېكىن نۇرغۇن ئادەملەر يېتەرلىك يېمەكلىك تالاسى ئىستېمال قىلمايدۇ. ئادەتتە تۆۋەندىكى يېمەكلىكلەردە تالا يۇقىرى بولىدۇ: 1. قوناق 2. ئاق پۇرچاق3 3. قارا پۇرچاق 4. قىزىل پۇرچاق (كىچىك قىزىل پۇرچاق ئەمەس، چوڭراق، جىگەر شەكىللىكى) 5. نۇقۇت 6. تاۋۇز' 7. قارا بۇغداي 8. قارا گۈرۈچ; 9. كۆك ماش 10. مەرجىمەu 11. نەشپۈت 12. ئارپا 13. گۈلسەي 14. ئالما 15. بادام ئادەتتە تەخمىنەن يېرىم پىيالە قوناق ئۇنىنىڭ تەركىبىدە 20 گرام ئەتراپىدا يېمەكلىك تالاسى بولىدۇ. دېمەك ئىككى كۈندە بىرەر قېتىم ئۇماچ ئىچىپ قويساق، باشقا يېمەكلىكلەردىكى تالاغا قوشۇلۇپ بىزگە يېتەرلىك بولىدۇ. بۇ ھەقتە ئايرىم تېما يازساقمۇ بولىدۇ. 2. ناشتىنى بالدۇر قىلىڭ. ئامال بار سائەت يەتتىدىن بۇرۇن ناشتا قىلىپ بولۇڭ. ناشتا قانچە كېچىككەنسېرى قەۋزىيەت ئېغىرلاپ كېتىدۇ.   3. مۇۋاپىق ھەرىكەت بىلەن شۇغۇللىنىڭ، مېڭىش ۋە يۈگۈرۈش ئەڭ ياخشى تەنھەرىكەت. يەنە بىر تېمىدا دەپ ئۆتكەندەك، كۈنىگە كەمىدە 10 مىڭ قەدەم ئېلىپ بېرىش قەۋزىيەتتىن ساقلىنىش ۋە تەرەتنىڭ بالدۇر ھەزىم بولۇشىغا ئىنتايىن پايدىلىق. : 4. ماۋۇ ئىنتايىن مۇھىم، قىلىش ئەڭ ئاسان ئىش، كۈنىگە بىر ياكى ئىككى قېتىم ئوخشاش ۋاقىتتا ھاجەتخانىغا كىرىڭ، باشقا ئىشلارنى ئۇنتۇپ، ئۇبۇرنىدا ۋېيشىن ئوينىماي  مەن ھازىر چوقۇم ئىچىمدىكىنى چىقىرىۋېتىمەن دېگەن نىيەت بىلەن ئولتۇرۇڭ، تاكى راستىنلا كىچىككىنە بولىسمۇ بىر نەرسە چىققۇچە. ئۇدا 3-7 كۈنگىچە داۋاملاشتۇرسىڭىز كۈندە ئوخشاش ۋاقىتتا تەرىتىڭىز قىستايدۇ. ئۇنىڭدىن كېيىن قىستىغان ھامان دەرھال ھاجەتخانىغا كىرىشىڭىز لازىم، ئۇدا تەرىتىڭىز قىستىسىمۇ كىرمىسىڭىز قەۋزىيەت يەنە قايتىپ كېلىڭ سىزنى تاپىدۇ 5. ئۈچەينىڭ يۈكىنى ئېغىرلىتىۋېتىدىغان، يۇقىرى كالورىيىلىك يېمەكلىكلەردىن ساقلىنىڭ. مەسىلەن ياغدا پىشۇرغان يېمەكلىكلەر، بەك جىق گۆش، شېكەر مىقدارى يۇقىرى يېمەكلىكلەر دېگەندەك. ئۇندىن باشقا تۆۋەندىكى يېمەكلىك ۋە ئۇسۇللارمۇ قەۋزىيەتكە مەنپەئەت قىلىدۇ: 1. ئالمىنى تۆت پارچە قىلىسىز، ئاندىن كىچىك سىرلىق كورىغا كىچىككىنە سۇ قۇيۇپ شۇ سۇدا قاينىتىسىز، راۋۇرۇس يۇمشىغاندا (ئېشىپ كەتسە 10 مىنۇت كېتىدۇ) شۇ ئالمىنى يەۋېتىسىز، دەرھال ئىچىڭىزنى ھەيدەيدۇ. مەن ئەڭ ئېغىر قەۋزىيەتتىم، دېگەنلەرگىمۇ مۇشۇ ئۇسۇلنى تەۋسىيە قىلسام مەنپەئەت قىپتىكەن.' S& C. U7 g% U* b& z 2. ئەنجۈر، ئۈجمە، بانان، بۆلجۈرگەن دېگەندەك ئىچىدە ئۇششاق ئۇرۇقچىلىرى بار مېۋىلەرمۇ قەۋزىيەتكە مەنپەئەت قىلىدۇ. داۋاملىق ئىستېمال قىلىپ بەرگەندە ئادەت خارەكتېرلىك قەۋزىيەتنىمۇ داۋالىغىلى بولىدۇ. بولۇپمۇ ئەنجۈر ئەڭ پايدا قىلىدۇ. 3. سۈپەتلىك مايلارمۇ قەۋزىيەتكە پايدا قىلىدۇ. سۈپەتلىك ماي دېگىنىمىز ئۈچەينى سىلىقلاش ۋە ئۈچەينىڭ ھەرىكىتىگە ياردەم بېرىش رولى بار، لېكىن ئۆزى دەرھال تويۇنمىغان ياغقا ئايلىنىپ بەدەنگە ساقلىنىۋالمايدىغان (يەنى بەدەننىڭ مېيىغا ئايلىنىپ كەتمەيدىغان) مايلارنى كۆرسىتىدۇ. مەسىلەن زەيتۇن مېيى، كۈنجۈت مېيى، ماي مىقدارى مېۋىلەرنىڭ تەركىبىدىكى ماي دېگەندەك. مېنىڭ رېتسىپىم، پالەكنى قايناقسۇغا بىر بېسىۋېتىپ، ئۈستىگە كىچىككىنە تۇز سېپىپ--تۇز سالمىسىڭىزمۇ يېيەلىسىڭىز ئەڭ ياخشىسى شۇ، چۈنكى تۇزمۇ قەۋزىيەتنى، سېمىزلىكنى كەلتۈرۈپ چىقىرىدۇ--ئاندىن ئۈستىگە كۈنجۈت مېيىدىن نەچچە تېمىم سېلىۋېتىپ شۇنى يېسىڭىز قەۋزىيەتنى دەرھال ياخشىلايدۇ. " مەنبە:  http://bbs.eldawa.com/forum.php?mod=viewthread&tid=1483

ئارچىغ

	رەھمەت  سىزگە.  مەن  سىناپ باقسام بولغۇدەك

yolwas2010

	بۇ بىر ياخشى رېتسىپكەن ،رەخمەت سىزگە تۇرسۇن مۇئەللىم .