باي ناھىيىسىدە يېڭىدىن قەدىمى قەبرىلەر بايقالدى

خەۋەرچى

	باي ناھىيىسىدە يېڭىدىن قەدىمى قەبرىلەر بايقالدى ئىختىيارى مۇخبىرىمىز ئەنۋەر تۇنياز خەۋىرى. 3-ئاينىڭ ئوتتۇرلىرىدىكى مەدەنىيەت يادىكارلىقلىرىنى ئومۇمىييۈزلۈك تەكشۈرۈش جەريانىدا، باي ناھىيە تەۋەسىدە  يېڭىدىن بىر جايدا قەدىمىي قەبرىلەر بايقالغان بولۇپ، ھازىرچە «كىچىك ئاپا قەبرىستانلىقى»دەپ ئاتالغان بۇ قەبرىستانلىق باي ناھىيىسىدىكى مۇزات دەرياسىنىڭ شەرقىدىكى دېڭىز يۈزىدىن 2174 مېتىر ئېگىزلىكتىكى بىر تۆپىلىككە جايلاشقان  بولۇپ،  باي ناھىيىلىك مەدەنىيەت تەنتەربىيە رادىيو-تېلۋىزىيە ئىدارىسىنىڭ مۇئاۋىن باشلىقى، ناھىيىلىك مەدەنىيەت يادىكارلىقلىرىنى باشقۇرۇش ئىدارىسىنىڭ باشلىقى تۇرسۇن مۇسانىڭ تونۇشتۇرىشىچە، يېڭىدىن بايقالغان بۇ قەدىمىي قەبرىستانلىق دەسلەپكى قەدەمدە خەن سۇلالىسى ياكى جەنۇبىي –شىمالىي سۇلالىلەر دەۋرىگە تەئەللۇق قەبرىلەر دەپ بېكىتىلدى. تونۇشتۇرۇلىشىچە، قەبرىلەر تەڭرىتاغنىڭ جەنۇبىي يانباغرى مۇزات دەرياسى جىلغىسىدىكى تۆپىلىككە جايلاشقان بولۇپ، جەنۇپ شىمال يۆنىلىشتە تىزىلغان  7 قەبرىدىن تەركىب تاپقان، ھەممە قەبرىگە تاش دۆۋىلەنگەن، جەنۇب تەرەپتە قورغان قەدىمىي شەھەر خارابىسى بىلەن بولغان ئارىلىقى 14 كېلومېتىر كېلىدىكەن. باي ناھىيىسى تارىم ئويمانلىقىنىڭ غەربىي شىمال قىسمىغا جايلاشقان بولۇپ، ئۇرۇمچى شەھىرى بىلەن بولغان ئارىلىقى 860 كېلومېتىر كېلىدۇ، باي ناھىيىسى خەن سۇلالىسى دەۋرىدە قۇم بەگلىكى بىلەن كۈسەن بەگلىكىگە قاراشلىق يەرلەر بولۇپ، غەربىي يۇرت قورۇقچى بەگ  مەھكىمىسىنىڭ باشقۇرىشىدا بولغان، ناھىيە تەۋەسىدىكى دۇنياغا مەشھۇر قىزىل مىڭ ئۆيى دۆلەت دەرىجىلىك نۇقتىلىق قوغدىلىدىغان مەدەنىيەت يادىكارلىق ئورنى، ئۇنىڭدىن باشقا ئاپتونۇم رايۇن دەرىجىلىك  نۇقتىلىق قوغدىلىدىغان مەدەنىيەت يادىكارلىق ئورنىدىن ليۇ پىڭگونىڭ چېگرا قورۇلىرىنى باشقۇرغانلىق ئابىدىسى، ئونباش مىڭ ئۆيى قاتارلىقلار بار . كېلىش مەنبەسى:جۇڭگو رادىيو تورى شىنجاڭ ئۇيغۇرچە قانىلى

tagdirim

	ھەي تاڭ جۇمۇ！！！بايغۇ ئەزەلدىن ئۆز نەرسىلىرىگە ھەققىى ئگە بولۇپ باققان ئەمەس،،،،،،،،،،