ستالىن ئازاتلىق ئارمىيەنىڭ شىنجاڭغا كىرىشىگە ياردەم بەرگەن

مەۋلانى1

	ستالىن ئازاتلىق ئارمىيەنىڭ شىنجاڭغا كىرىشىگە ياردەم بەرگەن    1949-يىلى 9- ئايدا شىنجاڭدىكى گومىنداڭ دائىرلىرى تېلېگىرامما ئەۋەتىپ ھەقىقەتكە قايتقانلىقىنى بىلدۈردى. مۇشۇنداق شارائىتتا ئازاتلىق ئارمىيە قانداق قىلغاندا تېزلىك بىلەن شىنجاڭغا كىرىپ، غەربىي شىمالنىڭ ۋەزىيىتىنى كونترۇل قىلىپ، دۆلەتنى بىرلىككە كەلتۈرەلەيدۇ، بۇ مۇنازىرە تەلەپ قىلمايدىغان ئنتايىن مۇھىم ئىش ئىدى. لېكىن لەنجۇ بىلەن شىنجاڭنىڭ ئارلىقى تەخمىنەن 2000 كىلومېتىردەك كېلىدۇ، غەربىي شىمال دالا ئارمىيىسىنىڭ قاتناش قوراللىرى يېتەرلىك ئەمەس، ئۇنىڭ ئۈستىگە زىمىستان قىشقىمۇ ئاز قالغان بولۇپ، قار-بوران چىقىپ قالسا قىسىمنىڭ ئىلگىرىلىشىگىمۇ زور قىيىنچىلىقلارنى تۇغدۇرىدۇ. ماۋزېدوڭ شىمالىي جۇڭگو، شەرقىي جۇڭگو ھەرنىي رايونلىرىدىن 536 ماشىنىنى غەربىي شىمال دالا ئارمىيىسىنىڭ يۆتكەپ ئىشلىتىشىگە ئاجراتقان بولسىمۇ، بۇلارنىڭ كېلىشىگە ۋاقىت كېتىدۇ ھەم بۇلارمۇ يېتىشمەيدۇ. شۇنىڭ بىلەن سوۋېت ئىتتىپاقىدىن ياردەم تەلەپ قىلماقچى بولدى. ماۋزېدوڭ 9-ئاينىڭ 26-كۈنى پېڭدېخۇەيگە تېلېگېرامما يوللاپ، شىنجاڭغا كىرىدىغان قىسىملارنىڭ ماشىنا ۋە پىيادە كىرىشىدىن سىرت سوۋېت تەرەپ بىلەن ئالاقىلىشىپ، 30-50 كىچە ئايروپىلان چىقىرىپ قىسىملارنى توشۇپ بېرىشنى قولغا كەلتۈرۈشنى ئېيتتى. ئاخىرى كېلىشىم ئارقىلىق ستالىن جۇڭگو تەرەپنىڭ تەلىپىگە ماقۇل بولدى. كونكىرت يۆتكەش ئۇسۇلى: قىسىم ئالدى بىلەن جىۇ چۈەن (گەنسۇنىڭ بىر شەھىرى) گە يىغىلىدۇ، جۇڭگو تەرەپ ئارىيەت ئالغان سوۋېت ئىتتىپاقىنىڭ 45 دانە ئايرۇپىلانى جىۇ چۈەن ئايرۇدۇرۇمىغا كېلىپ ھاۋادىن توشۇشنى باشلايدۇ. سوۋېت ئىتتىپاقى ئەۋەتكەن پورشىنلىق ئايرۇپىلاننىڭ توشۇش ۋاقتىدىكى تېزلىكى 325 كىلومېتىر، چارلاش ۋاقتىدىكى تېزلىكى 240 كىلومېتىر، ئەڭ ئۇزۇن مۇساپىسى 2650 كىلومېتىر، يۇقۇرى ئۆرلەش چەكلىمىسى 6400 مېتىر، يۈك كۆتۈرۈشچانلىقى 7.65 توننا، 20-30 غىچە ئادەم پاتىدۇ، ئىشلىتىشكە ئىنتايىن قولايلىق . بىرىنجى تۈركۈمدە شىنجاڭغا كىرگەن قىسىم ۋاڭ جىننى ئۆز ئىچىگە ئالغان 1- بىڭتۈەننىڭ 2-ۋە 6- كورپۇسلىرى بولۇپ جەمى 70 مىڭ كىشى. ماشىنا ۋە پىيادە قىسىملاردىن باشقا، ھاۋا ئارقىلىق 6- كورپۇسقا بىۋاستە قاراشلىق بارلىق ئورگان 17 دىۋىزىيە (زەمبىرەك قىسىمدىن سىرت) ، 1949- يىلى 11- ئاينىڭ 4- كۈنىدىن باشلاپ ھاۋا ئارقىلىق توشۇلدى، جەمى 1033 قېتىم قاتناپ، 12446 ئوفىتسىر ۋە ئەسكەرنى ۋە 125734 توننا قورالنى توشۇپ ئەكىردى. 10- ئايدىن باشلاپ ماشىنا بىلەن توشۇلغان قىسىملار قوشۇلۇپ يىلنىڭ ئاخىرىغىچە ئازاتلىق ئامىيىنىڭ ئاساسلىق قىسمى شىنجاڭنىڭ مۇھىم شەھەرلىرىگە كىرىپ ئورۇنلاشتى. 1950- يىلى 3- ئايغا كەلگەندە كەينىدىن كەلگەن پىيادە قىسىمنىڭ ھەممىسى شىنجاڭغا كىرىپ بولدى، شۇنداق قىلىپ يېرىم يىل ئىچىدە 70 مىڭ كىشىلىك قوشۇننىڭ ھەممىسى شىنجاڭغا كىرىپ ئورۇنلىشىپ    بولدى.   بۇ قېتىمقى توشۇش جۇڭگو ئارمىيىسى تارىخىدىكى مىسلى كۆرۈلمىگەن ھاۋا ئارقىلىق توشۇش، ھەم جۇڭگو- سوۋېت ھەربى ئىشلار مۇناسىۋىتى تارىخىدىكى بىردىنبىر ھاۋا ئارقىلىق توشۇش بولۇپ قالدى.   مەنبە :ئانا تۇپراق تورى

سادىر

دوناي

	تېما بەك ياخشى يوللىنىپتۇ،كۆپ ئىزدىنىپسىز، مەن يېقىندا بىر ماقالىنى كۆرۈپ قالدىم،قېرىنداش مىللات يازغان ماقالە بولۇپ، ئۇنىڭدا بورھان شەھىدى ئۈرۈمچىدىن گەنسۇغا ئۋەتكەن 400ئاپتوموبىلنى گومىنداڭ-يەنى تاۋسىيۆ ئەۋەتكەن ئاپتوموبىل دەپ يېزىپتۇ،بۇرھاننىڭ نامى تىلغىمۇ ئېلىنماپتۇ. سىز دىگەندەك 10-ئايدا ماشىنا بىلەن توشۇلغان ئەسكەرلەر دەل مۇشۇ 400ماشىندا توشۇلغان.ئۇ ۋاقىتتا كوممۇنىستلار تېخى پورۇلتاريات بولۇپ،ھەممىسسى پىيادەيۈرگەن.    ئۈرۈمچىدە 3قىسىم يەنى كوممۇنىستلار،مىللى ئارمىيە(ش تۈركىستان ج ئارمىيىسى)ۋە گومىنداڭنىڭ قالدۇق ئارمىيىسى شەھەرگە كىرىپ ئۇچراشقاندا مىللى ئارمىيىنىڭ فورمىسىغا ئېغىزلىرىدىن شۆلگەيلىرىنى ئاققۇزۇپ ھەيران بولۇپقارىشىپ:قايسى بىر ياۋروپا دۆلىتىەە كېلىپ قالدۇقمۇ نىمە؟؟؟؟ دىيىشىپ كېتىشكەن ئىكەن ئۆز ۋاقتىدا ئۇ گۇيلار.

خەنجەر731

	ئەسلى مۇنداقكەندەە..........