ئادەم ۋە ھەۋۋا

مۇزتاغ

	ئەرلەر بىلەن ئاياللار ئوخشىمايدۇ؛بۇ بىرسى ناچار بىرسى ياخشى دىگەنلىك ئەمەس.بۇ پەرىقلىندۇ دىگەنلىك؛ئەمما ئاللاقانداقتۇر سىنىپ،ئىجتىمائى تەشكىلات،سىياسەتۋازلار ھەم شۇنداقلا بىر قىسىم ئەر ئاياللار «باراۋەرلىگى »دەپ جار سالىدىغانلار  بۇ پەرىقنى زادىلا چۈشەنگىلى بولمايدىغان سەۋەپلەر بىلەن   ئېتراپ قىلمايدۇ؛مەنىۋى،پىسخېكا،فىزىئولوگىيە..تەرەپلەردىكى بىر قىسىم ئوخشىماسلىقنى بىلسىمۇ ئەمەلىيەتتە ئەر ئاياللار ئوخشاش،جىنس پەرقى بىلەن كەمسىتىلمەسلىگى،ئەرلەر بىلەن ھەممە ئىشتا ئوخشاش،باراۋەر بولىشى كېرەك ھەم شۇنداق  بولىدۇ دىيىشىدۇ؛كالتە پەم ،بىلەرمەنلەرنىڭ  قاقشال ئىدىيە  خامىنىغا ئوت تۇتاشتۇرۇپ ،ئائىلە ۋە مۇھەببەتنىڭ  بەھرىمان بولۇش ئەمەس بەلكى تەقدىم قىلىش ئىكەنلىگىنى،  تەقدىم ئىتىش ئىش تەقسىماتى  كاتىگورىيسىدە بولىدىغانلىغىنى  يادىدىن چىقىرىپ، ئىجتىمائى ئىشلاردا ئاياللارنىڭ ئائىلىدە ئائىلە ئىشلىرىنى قىلىشى،پەرزەنتلىرىنى بېقىپ تەربىيلەشكە كۈچ چىقىرىشى،ئارزۇلاپ،قەدىرلەپ بارلىغىنى ئاتاشقا ئەھدى قىلغان كىشىسى ئۈچۈن بارلىغىنى-----ۋاقتىنى، زېھنىنى ،مىھىر مۇھەببەتلىرىنى ....ئاتا قىلىشى ئادالەتسىزلىك،كەمسىتكەنلىك بولىدىغانلىغىغا ئىشەندۈردۇ ؛شۇ سەۋەپتىن ھېلىقىلار توختىماستىن ئاياللارنىڭ ئۆزىنى ئازات قىلىشقا چاقىرىپ،ئاياللار بارەۋەرلىگى شۇئارىنىڭ پەيدا بولىشنىڭ زامانىمىزدىكى ۋاريانتلىرىنى ئىجات قىلىپ ئەرلەر قىلغانلىكى ئىشلارنى ئاياللارمۇ قىلالايدىكەن ھەم قىلسا بولىدىكەن،پەرزەنت بېقىش،تاماق ئېتىش،ئۆي ئىشلىرىنى قىلىش...تەك ئىشلاردا ئەرلەرمۇ تەڭ تۇتۇش قىلىشى كېرەككەن؛چۈنكى،ئۆي ئىككى ئادەمىىڭ تەڭ تۇتىدىغان ئۆيىكەن،ئەر ئىشلىسە ئايالمۇ تەڭ ئىشلەۋېتىپتۇ؛مۇشۇنداق ئەھۋالدا مەن ئەجداتلىرمىزنىڭ مۇشۇنداق«چويلىدا توختىمايدىغان»سەۋەپلەر بىلەن بۇزرۇكۋار،بىزلەرگە شەرىم ھايا،ئىززەت ھۆرمەت ،قەھرىمانلىق ئۈگەتكەن ئانىلىرىمىزنى« خورلاپ»،جاھاننىڭ ھەممە ئېغىرچىلىغىنى زىممىسىگە ئېلىۋېلىپ،ئانىلىرىمزنىڭ خۇدا ئاتا قىلغان گۈزەللىكلىرىنى   باشقا يات كۆزلەردىن قىزغىنىپ يۈرگەن« ھامەقەتلىكلىرى»دىن تەئەججۈپلىنىپ،«كىر يۇيىۋاتقان ئەر.....»لەرنىڭ  دەۋىر بىلەن تەڭ ئىلگىرلەپ،ئاياللىرىنى ھەقىقى ئازاتلىققى چىقىرۋاتقانلىقىغا ئاپىرىن ئېيتماي تۇرالمايمەن. خوش،گەپنىڭ ئۆزىگە كەلسەك ،ھەۋۋا ئانىنىڭ ئادەم ئاتىنىڭ قوۋۇرغىسىدىن يارىتىلىشىدىكى ھېكمەت شۇكى،ئاياللار ئەرلەردىن ئايرىلالمايدۇ ئاياللار ئەرنىڭ بىر قىسمى....ئەرلەرمۇ ئاياللاردىن ئايرىلالمايدۇ،ئەرلەر كۆرىنىشتە سۈرلۈك ۋە قورقۇمسىز،قوپالدەك كۆرۈنگىنى بىلەن قەلبى ئاياللارنىڭ مەدىتى،ئىشەنچىسى،نازاكىتىدىن ئايرىلالمايدۇ؛ خۇددى بىر پۇتۇن كۈننۈڭ كېچىسى بىلەن كۈندۈزىدەك؛ئەمما ،شۇنى ئۇنىتماسلىق زۆرۈركى،ئىنسانلار مۇئاييەن تەشكىللىك ياشاشقا باشلىغان دەۋىرلەردىن باشلاپ قارىساق ئانىلىق ئۇرۇقداشلىق كوممۇنىسى ئاتىلىق ئوراقداشلىق كوممۇنىسىغا ئورۇن بوشاتقاندىن باشلاپ (ئېنىقراغىنى ئېيتقاندا ھوقۇق ئەرلەرنىڭ قولىغا ئۆتكەندىن باشلاپ)ئىنسانلارنىڭ مەدەنىيەت تەرەققىياتى مولچەرلىگۈسۈز تېز بولدى....؛ئۇرۇش ،تېرىقچىلىق،ئوۋ ئوۋلاش،يۇرت ماكان قۇرۇش....ۋاھاكازالاردا بارلىق ئېغىر،خەتەرلىك   ئىشلارنى ئەرلەر قەيسەرلىك بىلەن زىممىسگە ئالغان بولسا،ئاياللارشەرەپلىك ھالدا ئۇلارنىڭ مەدەتكارى،ئەۋلاتنىڭ پەرۋىشكارى،روزىغارىنىڭ سادىق چاكىرى بولغان ئىدى؛بو ئەرلەرنىڭ مەسىلىنى بىر تەرەپ قىلىشى،جىسمانىيتى ۋە مەنىۋىيتىدىكى پەرىقلەر جۈملىسىدىن ئىدى.ئاشۇ ۋاقىتتا ھەممە ئىشتا ئەر ئاياللار ئوخشاش بولغان بولسا ،ئەرلەر ئاياللىرىنى«خارلاپ»ئائىلە ئىشلىرىنى تاپشۇرمىغان بولسا قانداق بولار ئىدى؟ئائىلىدىن ئىبارەت ئىنساننىڭ ئۆزىگە خاس بولغان ئەركىنلىك ،ئىپتىخار ئمپىريىسىنىڭ ئاتالمىش باراۋەرلىك،ئەركىنلىكنىڭ  خىرىسى بىلەن كىرزىس  توپانلىردا  ئادەمنى ئىپادە قىلغىلى بولمايدىغان تۇيغىلارغا  مۇپتىلا قىلۋاتقانلىغى سىر بولمىسا كېرەك. ئاتا بوۋىللىرىمىز ئوغۇلنىڭ سۈيدىكنى دورا ئورنىدا ئىچەتتى،ئەمما قىزنىڭ سۈيدىكى بولسا زەھەر ئىدى؛ئوغۇل تۆرەلگەندە ئوڭ يان مىداريتتى،قىزدا بولسا چەپ يان مىدرايتتى،ئوغۇلنىڭ سۈتى قوياش نۇرىدا مارجاندەك ھالەتتە جۇلالىق بولاتتى،قىزنىڭ سۈتى جۇلاسىز ھالەتتا يېيىلىپ كېتەتتى....ئوغۇل قېلىچ ئويناپ يېتىلسە،قىز قونچاق ئويناپ يېتىلەتتى،ئەرنىڭ نوپۇز ۋە سۈرى ئايالنىڭ شەرىپى،ھۆرمىتى،ئىپپىتى،پەرزەنتنىڭ ئىپتىخارى ۋە قىبلىسى ئىدى؛نوپۇز ۋە سۈر ھىممەت ۋە پىداكارلىقتا ئىدى؛ئۇ نومۇس ۋە ھاياغا ئىشارە بولۇپ ،ئادەم ۋە ھەۋۋا قەلىبنىڭ توقلىغى ۋە ئەركىنلىگىنىڭ تەڭداشسىز،ئۈزۈلمەس ئىلھام مەنبىئى ئىدى.      ئەجىبا ،بۇنىڭدا بىرەر ھېكمەت يوقمىدۇ؟پىكىر يۈرگۈزگۈچىلەر ئۈچۈن ئەلۋەتتە دۇنيا ھېكمەت بىلەن تولغاندۇر.     پاكىتلار ئىسپاتلايدۇكى،جىنىسنىڭ ئوخشىماسلىغى ئادەمنى ئوخشاش بولمىغان شەكىلدىكى تۇرمۇشقا يۈزلەندۈردۇ،لېكىن ،بۇ ھەرگىز ھەر بىر جىنىس ئالاھىدە ئۇسۇلدا ياشىشى كېرەك دىگەنلىك ئەمەس؛ئەرلەر بىلەن ئاياللارنىڭ باراۋەرلىگى بىر سىياسى ياكى ئەخلاقى ئۇقۇم،ماھىيىتىنىڭ ئوخشىماسلىغى ئىلمى ئۇقۇم؛پاكىتقا ھۆرمەت قىلىدىغانلار شۈبھىسىزكى بۇنى چۈشىنىدۇ ھەم غەزەپلەنمىگەن ھالدا «باراۋەرلىك»،«ئوخشاشلىقنى»نى تەرغىپ  قىلىدىغان غايىپەرەس سىياسەتۋازلار ياكى پەيلاسوپلارنىڭ زىيانكەشلىگىدىن ساقلىنالايدۇ.شۇنىمۇ ئەسكەرتىش زۆرۈركى،ئوخشاش ئەمەس دىگەنلىك،باراۋەرلىكنىڭ قارشى مەنىسىدىكى سۆز ئەمەس.باراۋەر دىگەنلىك ،قىلماقچى بولغان ئىشىمىزغا قارىتا ئوخشاش ئەركىنلىككى ئىگە دىگەنلىكتۇر،ئوخشاش ئەمەس دىگەنلىك،ئەر ئاياللارنىڭ فىزىئلوگىيە،پېسىخىكا،جىسمانىيەت ،مەنىۋى ئىنتىلىشىنىڭ ئوخشىماسلىغى سەۋەپلىك ئوخشاش ئىشنى قىلىشنى خالىمايدۇ دىگەنلىكتۇر. ھەر قەۋىمنىڭ ئۆزىگە خاس گۈزەل ئائىلە ،نىكاھ ئەخلاقلىرى شۇ قەۋىمنىڭ تۇرمۇش ،دۇنيا قاراشلىرىنىڭ سىناقتىن ئۆتكەن،تاۋلانغان ھايات مىزانلىرى بولۇپ ،نىمە دەپ ئىنسان تەبىئىتىگە قارشى مۇقامنى ئەۋج ئالدۇرۇپ ، ھە دىسە  زامانىۋى مەدەنىيەت (ئۆزىمىنىڭ ئىپتىدائى،قالاق بولسا كېرەك)خورىغا جۆر بولۇپ ،تەبىئىتىمىزدىن ياتلىشىش، باشقىلارغا ئوخشىماقنى ئىستەك ۋە ھەۋەس قىلماق شۇنچە  زۆرۈر بولۇپ قالغاندۇ؟     ھەۋۋا بىلەن ئادەمنىڭ گۈزەل، ،شىرىن كۈنلىردەك بەخىت ئىچىدە ياشىماقچى بولغانلارغا بۇ كالتە ھەم چولتا يازما بىرەر ئىلھام بەخىش ئېتىپ قالسا ئەجەپ ئەمەس؛چۈنكى چۈشىنىشنىڭ ۋە ئىدىيەنىڭ قۇدرىتى مۆلچەرلىگۈسىزدۇر. مەنبە:خاتىرەمدىن

زىننەت

	ياخشى ئەسەركەن .يەنىمۇ تىرشىڭ!

yolwas2010

	مەزمۇنى ياخشىكەن .

مۇزتاغ

	تېمىلارغا بولغان ئىنكاس مۇنبەرنىڭ ئاېاتلىغى ۋە جەلىپكارلىغىنى ئاشۇراتتى.....

خەۋەرچى

	مۇزتاغ يوللىغان ۋاقتى  2013-6-1 00:10 تېمىلارغا بولغان ئىنكاس مۇنبەرنىڭ ئاېاتلىغى ۋە جەلىپك ... كۈرۈپ پايدىلنىۋاتقانلار كۆپ بولسىمۇ،ئىككى ئېغىز كۆڭۈل سۆزىنى يازدىغانلار بەك ئاز، لىكىن بۇنىڭغا مەيۈسلىنىش بىھاجەتتۇر......