ناھىيەمىزدە ئەدىبلەر ئەنجۈمەنى

ئەرچىن

      باي ناھىيەسىدە ئەدىبلەر سۆھبىتى

2013-يىلى 2-ئاينىڭ 28-كۈنى، باي ناھىيەلىك مەدەنىيەت-تەنتەربىيە-رادىيو-كىنو-تېلېۋىزىيە ئىدارىسى 2-قەۋەت يىغىن زالىدا «مۇزات دولقۇنلىرى» ژۇرنىلى قايتا نەشر قىلىنغانلىقىنىڭ 3 يىللىقىنى خاتىرىلەش سۆھبەت يىغىنى ئېچىلدى.
باي ناھىيەلىك خەلق قۇرۇلتىيى دائىمىي كومىتېتىنىڭ سابىق مۇدىرى، ناھىيەلىك خەلق ھۆكۈمىتى پارتگۇرۇپپىسىنىڭ ئەزاسى،  «مۇزات دولقۇنلىرى» ژۇرنىلىنىڭ مەسلىھەتچىسى تىلىۋالدى لېتىپ، باي ناھىيەلىك مەدەنىيەت-تەنتەربىيە-رادىيو-كىنو-تېلېۋىزىيە ئىدارىسىنىڭ باشلىقى، «مۇزات دولقۇنلىرى» ژۇرنىلىنىڭ  تەھرىر ھەيئىتى مۇ جىڭيەن، باي ناھىيەلىك مەدەنىيەت-تەنتەربىيە-رادىيو-كىنو-تېلېۋىزىيە ئىدارىسىنىڭ مۇئاۋىن باشلىقى، مەدەنىيەت يادىكارلىقلىرىنى قوغداش-باشقۇرۇش ئىدارىسىنىڭ باشلىقى، «مۇزات دولقۇنلىرى» ژۇرنىلىنىڭ مۇئاۋىن باش مۇھەررىرى، مەدەنىيەت يادىكارلىقلىرى تەتقىقاتچىسى تۇرسۇن مۇسا (ھېكىم)، ئاقسۇ ۋىلايەتلىك يازغۇچىلار جەمئىيىتىنىڭ مۇئاۋىن رەئىسى، يازغۇچى، باي ناھىيەلىك ئەدەبىيات-سەنئەتچىلەر بىرلەشمىسىىنىڭ مۇئاۋىن رەئىسى، باش كاتىپى،  باي ناھىيەلىك پارتكوم تارىخ-تەزكىرە كومىتېتىنىڭ مۇدىرى، «مۇزات دولقۇنلىرى» ژۇرنىلىنىڭ  تەھرىر ھەيئىتى، «باي خەۋەرلىرى» گېزىتىنىڭ پىلانلىغۇچىسى، باش نازارەتچىسى، يازغۇچى  رېن كېلياڭ، باي ناھىيەلىك مەدەنىيەت-تەنتەربىيە-رادىيو-كىنو-تېلېۋىزىيە ئىدارىسىنىڭ مۇئاۋىن باشلىقى، ناھىيەلىك ‹قىزىل› ناخشا-ئۇسسۇل ئۆمىكىنىڭ باشلىقى، «مۇزات دولقۇنلىرى» ژۇرنىلىنىڭ  تەھرىر ھەيئىتى، مۇزىكانت، كومپوزىتور  مۇھەممەتجان ھىمىت، «مۇزات دولقۇنلىرى» ژۇرنىلىنىڭ بارلىق تەھرىر ھەيئەتلىرى، باي ناھىيەسىدىكى ئۇيغۇر ۋە خەنزۇ ئەدىبلەر، رەسسام، ۋە فوتوگرافلاردىن بولۇپ 60 گە يېقىن كىشى يىغىنغا قاتناشتى.
باي ناھىيەلىك خەلق قۇرۇلتى دائىمىي كومىتېتىنىڭ سابىق مۇدىرى، ناھىيەلىك خەلق ھۆكۈمىتى پارتگۇرۇپپىسىنىڭ ئەزاسى،  «مۇزات دولقۇنلىرى» ژۇرنىلىنىڭ مەسلىھەتچىسى تىلىۋالدى لېتىپ ژۇرنالنىڭ 3 يىللىق خىزمەتلىرىنى مۇئەييەنلەشتۈرۈش بىلەن بىللە، ژۇرنال خىزمىتىنى تېخىمۇ كۈچەيتىش ھەققىدە ئاپتورلاردىن كۈتىدىغان تەكلىپ پىكىرلىرىنى ئوتتۇرىغا قويدى.
باي ناھىيەلىك مەدەنىيەت-تەنتەربىيە-رادىيو-كىنو-تېلېۋىزىيە ئىدارىسىنىڭ مۇئاۋىن باشلىقى، مەدەنىيەت يادىكارلىقلىرىنى قوغداش-باشقۇرۇش ئىدارىسىنىڭ باشلىقىم «مۇزات دولقۇنلىرى» ژۇرنىلىنىڭ مۇئاۋىن باش مۇھەررىرى، مەدەنىيەت يادىكارلىقلىرى تەتقىقاتچىسى تۇرسۇن مۇسا (ھېكىم) يىغىنغا رىياسەتچىلىك قىلدى. يىغىندا، باي ناھىيەلىك مەدەنىيەت-تەنتەربىيە-رادىيو-كىنو-تېلېۋىزىيە ئىدارىسىنىڭ باشلىقى مۇ جىڭيەن ژۇرنالنىڭ 3 يىللىق تەرەققىيات مۇساپىسىنى خۇلاسىلىدى، ۋە ژۇرنالنىڭ بۇنىڭدىن كېيىنكى تەرەققىيات پىلان لايىھەسىنى ئوتتۇرىغا قويدى.
باي ناھىيەلىك مەدەنىيەت-تەنتەربىيە-رادىيو-كىنو-تېلېۋىزىيە ئىدارىسىنىڭ مۇئاۋىن باشلىقى، ناھىيەلىك ‹قىزىل› ناخشا-ئۇسسۇل ئۆمىكىنىڭ باشلىقى، «مۇزات دولقۇنلىرى» ژۇرنىلىنىڭ  تەھرىر ھەيئىتى، مۇزىكانت، كومپوزىتور  مۇھەممەتجان ھىمىت مۇكاپاتلاش قارارىنى ئوقۇپ ئۆتۈپ، «مۇزات دولقۇنلىرى» ژۇرنىلىنىڭ 2010-يىللىق 4 سانى، ۋە 2011-يىللىق 1-، 2-، 3-سانى (جەمئىي 7 سان) دا ئېلان قىلىنغان ئەسەرلەردىن تاللاپ چىقىلغان 8 پارچە نادىر ئەسەرنىڭ ئاپتورلىرىدىن زوردۇن ئىمىر، مەرھۇم ئىسكەندەر مامۇت، رېن كېلياڭ، قۇربان ئەلى، ئېلى نىياز دەرمانى، پەرھات كېرەم، ئابلا يۈسۈپ، ئامانگۈل تۇنىياز قاتارلىقلار «مۇنەۋۋەر ئەسەر» ئاپتورلىرى مۇكاپاتىغا، 1980-يىللاردا  «مۇزات دولقۇنلىرى» ژۇرنىلىنىڭ يوقلۇقتىن بارلىققا كېلىشىگە  زور تۆھپە قوشقان، ۋە ژۇرنالدا 20  يىل جان كۆيدۈرۈپ مۇھەررىرلىك  قىلغان   پېشقەدەم ئەدىب ئابدۇقەييۇم مۇھەممەتئىمىن، «تۆھپىكار مۇھەررىر» مۇكاپاتىغا، ژۇرنال قايتا نەشر قىلىنغان 3 يىلدىن بۇيان ژۇرنالنى ياخشى چىقىرىش ئۈچۈن تىرىشچانلىق كۆرسىتىۋاتقان ھازىرقى مەسئۇل مۇھەررىرى «مۇنەۋۋەر مۇھەررىر» مۇكاپاتىغا ئېرىشىپ، نەقپۇل ۋە شەرەپ گۇۋاھنامىسى بىلەن تەقدىرلەندى.
يىغىن قاتناشچىلىرى ئەدەبىي ئىجادىيەت ھەققىدە كەڭ كۇشادە سۆھبەتلىشىپ، بۇ يەرلىك ژۇرنالنى تېخىمۇ ياخشى باشقۇرۇش ھەققىدە ياخشى تەكلىپ-پىكىرلەرنى ئوتتۇرىغا قويۇشتى.

ئالاھىدە ئەسكەرتىش!!!
بۇ تېمىنى، ۋە بۇ يىغىنغا مۇناسىۋەتلىك سۈرەتلەرنى باشقا تورلارغا چىقىرىشقا بولمايدۇ!!!

ئەرچىن

بۇ يىغىنغا مۇناسىۋەتلىك باشقا قوشۇمچە مەزمۇن، ۋە سۈرەتلەر ئىنكاس شەكلىدە يوللىنىلىدۇ!

ئەرچىن

بۇ يىغىنغا مۇناسىۋەتلىك باشقا قوشۇمچە مەزمۇن، ۋە سۈرەتلەر ئىنكاس شەكلىدە يوللىنىلىدۇ!

يارۇغ

جاپا  تارتىۋاتىسىز . كۆپچىلىك سىزگە رەھمەت دەيدۇ

يارۇغ

شۇ قاتاردا مەنمۇ  بار ، رەھمەت دەيدىغان.

قۇربان

   «مۇزات دولقۇنلىرى» ژۇرنىلى قايتا نەشر قىلىنغانلىقىنىڭ 3 يىللىقىنى قىزغىن تەبرىكلەيمەن! تېما ئىگىسىگە رەھمەت.

ئەلى

بۇ ھەقىقەتەن بىر قېتىملىق ئەھمىيەتلىك يىغىلىش بوپتۇ، تېما ئىگىسىگە كۆپ تەشەككۈر. ‹‹مۇزات دولقۇنلىرى›› ژورنىلىنىڭ مۇندىن كېيىنكى مۇساپىسىغا ئۇتۇق تىلەيمەن.

غۇنچە

يېڭى تىېمىلاردىن خەۋەردار قىلغىنىڭزغا كوپ تەشەككۈر...ئىلھاملىرىڭز بەركەتلىك بولسۇن...! ھارمىغايسىز...!!!

نەئىمە

رەسىملەرگە شۇنچە قارىدىميۇ،مۇختەر مۇھەممەدئىمىن نەزەر مۇئەللىمنى كۆرمىدىمغۇ؟ئۇ قاتناشمىدىمۇ شۇنچە ئەھمىيەتلىك يىغىنغا؟

ئەرتۇغ

مۇختەر مۇھەممەدئىمىن نەزەر بۇرادەرنىڭ خەۋىرى بار. ئەپسۇسكى چۈشتىن كېيىن ئۆتىدىغان 3سائەت دەرسى بولغاچ، مۇنبەردىن ئۆزئالدىغا ئايرىلالماي يىغىنغا كېلەلمەي قالدى. مەنمۇ ئايرىم تېلىفون قىلىپ ۋاقىپلاندۇرغان بولمىسا، ئۇنى ئاز دېگەندەك يىغىندىن كېيىنكى كەچلىك پائالىيەتتىمۇ مەكتەپ باقىدىغان ئىش توغرا كېلىپ قالغاچ يوق بولۇپ قالدى. خۇدايىم بۇيرىسا بۇنىڭدىن كېيىنكى يىغىن، پائالىيەتلەرگە قاتنىشىش پۇرسىتى چىقىپ قالار...