نەگە كەتكەندۇ

ئالىيە

	نەگە كەتكەندۇ                   سىپتا قىپ ياغاچلاردىن ئۇيۇلغان، چىرايلىق قىپ  ئۇيۇقلارغا تىزىلغان. ئاش ئىچكەندە ئېغىزلارغا ئۇرۇلغان، شۇ قوشۇقلار نەگە كەتكەندۇ. ئەللەيلەرگە جۆر بۇلۇپ ياتقان، ھەممە ئانا تەۋرىتىپ باققان. بوۋاقلارنىڭ ئۈيى بوپ قالغان، شۇ بۆشۈكلەر نەگە كەتكەندۇ. مومام رەھمەتلىك خېمىر يۇغۇرغان، ئۇمۇ ھەم ياغاچلاردىن ياسالغان. ئىسمى ئۇنىڭ تەڭنە دەپ ئاتالغان، شۇ تەۋەرۈك نەگە كەتكەندۇ. تال تال قىلىپ قېرىق ئۆرۈلگەن، جۈپ جۈپ قارا كۆزنى كۆيدۈرگەن. ئۈستىگە دوپپىلارنى قوندۇرغان، شۇ ئۇزۇن چاچ نەگە كەتكەندۇ. ئاق تاش كۆك تاش دەپمۇ توۋلاشقان، مۆكى مۆكىلەڭ ئويناپ ھارمىغان. بۇ ئۇيۇنلارغا  تېخى قانمىغان، شۇ ئۇيۇنلار نەگە كەتكەندۇ. دەريا سۈيى سۇغا چۈمۈلۈپ، ھارغانلادا قۇمغا كۆمۈلۈپ. بىر ناننى يەپ تەڭ بۆلۈشۈپ، شۇ ئاداشلار نەگە كەتكەندۇ. دىسەم دېسەم تۈگىمەيدۇ، دىسەممۇ ھەم ئوڭشالمايدۇ. ئەمدى ھەرگىز كۆنەلمەيدۇ، يەنە يەنە نەگە كەتكەندۇ. مەنبە:قەلمىم

نائىل

	yahxi yezipsiz aliya . tehimu tirixkaysiz!

مۇخلىسە

	ئوماق سىڭلىم ئالىيە ، بۇ شىئېرنى بەك  ياخشى يېزىپسىز . تېخىمۇ تىرىشىڭ ، بۇ شىئېرىڭىز ماڭا بەك تەسىر قىلدى ، كىچىك ۋاقىتلىرمىزدا ئوينىغان مۆكىمۆكىلەڭ، چامغۇر يۇلۇش، ........ دىگەندەك ئويۇنلىرمىزنى ئويلاپ كېتىپتىمەن. ئىشقىلىپ ھەممىسى يىراقتا قالدى.

بوزدالا

	ئوبدان يېزىپسىز خۇددى بالىلىقىمغا قايتقاندەك بولدۇم ، بۇندىن تەپەكۇرىڭىزنى تېخىمۇ قاناتلاندۇرۇڭ. بۇ شئېرنى ئوقۇپ ئابلاجان ئاۋۇتنىڭ ھېلىقى ناخشىسى ئېسىمگە كېپ قالدى ، ھازىر بىز ئوينىغان ئەشۇ ئۇيۇنلارنى باللىرىمىز ئوينىيالمايدۇ ، ئوينىيالمايدۇ ئەمەس بەلكى سەھنە يوق ، ئوينايدىغان سورۇن يوق . ھازىر باللىرىمىزنىڭ ئەقلىنى  تېلېۋىزوردىكى ئەشۇ قاملاشمىغان تېتىقسىز كارتونلار ئىگىلەپ دۆت قىلىپ قويىۋاتىدۇ .

نەئىمە

	ئويلاپ باقسام بىزنىىڭ بالىلىقمىز خېلى ئەھميەتلىك ،مەزمۇنلۇقكەنتۇق،تەبىئەتنى كۆرۈپ چۈشنۈپ،سىردىشىپ ئۆتۈپتىكەنمىز،،،،ھازىرقى بالىلارچۇ؟ھەي،،،،،مەۋھۇم دۇنيادىن ئوزۇق ئىزدەپ ئاۋارە،نۇرغۇن نەرسىلەنى چۈشندىغان ئىمكانيەت يوق،

تۇر

	ناھايىتى ياخشى يېزىپسىز.