ياخشى جايدۇر بىزنىڭ باي

دەرماني

	(راۋاپ قوشىقى  ) ماي بۇلاق دەپ ئاتايمىز ، ئەسلى سېنىڭ نامىڭنى. ئانا مۇزئارت سۈيىدەك، كۈيگە قاتاي شانىڭنى.                                              سايرام دىگەن ئۇلۇغ جاي،                                              شە-شەلەردە داڭقى بار.                                              ئۆتكەن مەشھۇر شەخىسلەر،                                              ئەۋلاد ئاڭا گۈل تۇتار. ئادەملىرى مەرت -سېخى، ساتار قېتىق قىزلىرى . تارىخ ئارا چاقنايدۇ، ئەجدادلارنىڭ ئىزلىرى.                                             توخسۇن دىگەن بىر ئۈزۈك،                                             جىسەك قايغۇ ياقۇت كۆز.                                             جىرغىلاڭ ۋە قارا سۇ،                                             كەمدۇر ساڭا تەرىپ سۆز. تۈگە بوينى ئۈرۈكى ، جاھان ئارا نامى بار. تالاي ئەھلى ئەجدادنىڭ، چەكسىز شەرەپ-شانى بار. تاللىق بىلەن ئىسسىق سۇ، دىلغا ھوزۇر سەيلىگاھ. بولۇڭ-دىگەن نامىڭمۇ، قىلار دىلنى مەھلىيا.                                                             قارا ئالتۇن ماكانى،                                                             يەنە داڭلىق ئېلىكتىر.                                                             سانائەتنىڭ بۈشۈكى ،                                                             تېرەك نامىڭ پەقەت بىر. قىمىز بىلەن چارۋىغا ، پەيزى بارمىش قارىباغنىڭ. ئېچىپ قويدى كۈزىنى، ئاتلىق ئەسكەر جاھاننىڭ.                                                           بېيىپ كەتتى داۋانچى ،                                                           قولماق تېرىپ باشقىچە.                                                            ياغاچ ئاتقا مىنىدۇ ،                                                            ئۇندا قېرى -ياشقىچە. قىزىل دىگەن بۇ يۇرتتا، ئۈزۈم بەكمۇ ئوخشايدۇ. ئامبىرىدا سۇلىرى ، مەرۋايىتتەك چاجنايدۇ. قۇمتۇردىكى مىڭ ئۆيدە، تىلسىم  سىرلار يېتىپتۇ. ئالتە گۈمبەز ،چاخچىدا ، ئەجداد سۆھبەت قۇرۇپتۇ.                                                          مىرچىغ دىگەن بۇيۇرتتا ،                                                          ياڭيۇ بەكمۇ ئوخشايدۇ.                                                          گۈرۈچ ،بېلىق ماكانى،                                                          دەيدۇ ھەممە ماختايدۇ. ئالتۇن قوش ۋە مۇز داۋان ، شېھىدلەرنىڭ ماكانى . تاڭ قالدۇردى ھەممىنى ، مىليون توننا مىس كانى.                                                      قىزىل مىڭ ئۆي يىگانە ،                                                       مەدەنىيەت گۈلتاجى.                                                       قارا ئىككى گازلىقى،                                                       بولدى بايلىق ئىلاھى. بىزنىڭ بايمۇ ياخشى جاي، داڭقى ئەلگە تارالغان. كېلىڭ دوستلار سەيلىگە، بىز سالايلى داستىخان ...

نائىل

	بىر   ئوقۇپلا   تونۇۋالدىم    بىزنىڭ  بايكەنغۇ!      ياخشى  چىقىپتۇ  بۇ  قوشاق !    بىزنىڭ باي  ئەنە  شۇنداق   ئېسىل ماكاندە !

گۈزەل

	بەك ياخشى يېزىلىپتۇ، بىزنىڭ بۇ يۇرتنى قانچە مەدىھىلىسىمۇ ئارتۇق كەتمەيدۇ . يەنە مۇشۇنداق ياخشى ئەسەرلىرىڭىزنى ئۈزۈلدۈرمەي يوللاپ تۇرغايسىز

ئالىيە

	راستىنلا بەك ياخشىكەن. بۇنىڭ راۋاپ قوشىقى دەپ ئاتىلشىدىكى سەۋەپ راۋاپ بىلەن تەڭكەش قىلىپ ئورۇنلانغانلىقى ئۈچۈنمۇ ياكى باشقا سەۋەپ بارمۇ؟

دەرماني

	راۋاپ بىلەن ئورنلانغان!!

ئالىيە

	دەرماني يوللىغان ۋاقتى  2013-1-10 14:23 راۋاپ بىلەن ئورنلانغان!! ھە  شۇنىمۇ بىر ئاڭلاپ باقساق بوپتىكەن .چۇقۇم بۇمۇ بەك ياخشى .

	توغرا دەپتۇ، ھەققەتەن شۇنداق جاي. بېر بىرىپ كۈرۈشكە ئەرزىيدۇ.

خەنجەر731

	ناخشا تېكىستىكەندە ئەسلى بۇ،يۇرتىمىزنى قانچىلىك مەدىھلىسەك،قانچىلىك كۈيلىسەك  ئەرزىيدۇ.

بوزدالا

	دىمىسىمۇ يۇرتىمىز باي ئاجايىپ سېخى جەننەت كەببى بىر يۇرت،بۇ يەرە يەر ئاستى كان بايلىقلىرىدىن تارتىپ ، يېزا ئىگىلىك مەھسۇلاتلىرغىچە ، مىۋە - چىۋىلەرنىڭ ھەممىسىنى تاپقىلى بولىدۇ ، مەن ھەرقېتىم چوڭلارنى يوقلىغىلى بايغا بارسام ھاۋاسىدىن قېنىپ - قېنىپ نەپەس ئېلىۋالىمەن .

tursunjan

	بۇناخشا  بولسا  مۇنبەرگە  يوللاپ قويغان بولسىڭىز  ھەممىمىز تەڭ ھوزۇر ئالساق